الجزء السابع
• وقفنا الجزء اللى فات لما دياب انهار من العياط لما اخد مذكرات ابوه من عمر الالفى ..... اخد المذكرات وطلع اوضته ..... طلع وراه ريهام وليندا بس دياب رفض يفتح الباب ولما يأسوا نزلوا لعمر الالفى تانى
ليندا : ممكن يا بابا تفهمنى ايه فى بالظبط وايه اللى حصل بينك وبين ادم
عمر : صدقينى يا بنتى مفيش حاجه حصلت
ريهام : انا اول مره اشوف دياب منهار بالشكل ده من يوم ما عرفته
عمر : كل الحكايه انى ضغطت على حته حساسه عند دياب
ليندا : حته حساسه ازاى يعنى
عمر : ابدا كنا بنتكلم فى الشغل عادى وبعد كده افتكرنا ايام زمان وجات سيرة والده فى الموضوع وقعدنا نتكلم عليه شويه لحد ما عينه دمعت وفجأه انفجر فى العياط زى ما انتوا شايفين كده
ليندا : ليه كده يا بابا انت عارف كويس ان ادم مش بيستحمل اى كلام عن والده او والدته
عمر : اهو اللى حصل بقى
ريهام : طب احنا هنعمل ايه دلوقتى
ليندا : مفيش حاجه ممكن نعملها خالص سيبيه شويه وهيهدى دى مش اول مره تحصله حاجه زى كده
ريهام : انا اول مره اشوفه بالحاله دى
ليندا : هى المره دى اقوى شويه بس شويه كده وهتلاقيه ارتاح وخرج
• قعدوا مع بعض اكتر من ساعه مستنيين على امل دياب ينزل .... فجأه دخلت عليهم الشغاله من غير ما تخبط
ريهام : انتى ازاى تدخلى كده هى زريبه
الشغاله : انا اسفه ياستى بس الباشا فوق بيزعق وبيكسر فى الاوضه
ليندا : تعالى بسرعه يا بابا نلحق ادم
عمر : يلا بينا
• طلعوا كلهم وهما على السلم سامعين صوت التخبيط والتكسير ودياب بيزعق
دياب : هحرقكم كلكم ..... هكسركم .... مش هرحم حد ..... حسابكم معايا هيكون عسير ..... هفتح عليكم ابواب جهنم ..... مش هرحم راجل ولا ست .... مش هعتق كبير ولا صغير ...... هتشربوا كلكم من كاس العذاب
ليندا : هو بيكلم مين كده
عمر : ده بيكلم نفسه
ليندا : لازم نحاول نهديه والا ممكن يأذى نفسه
عمر : افتح يا دياب كفايه كده يا بنى
دياب : مش عاوز اى حد قريب منى دلوقتى ..... سيبونى لوحدى ارجوكم
ليندا : علشان خاطرى يا حبيبى ارحم نفسك
دياب : انا قولت ابعدوا عنى مش عاوز اى حد دلوقتى
عمر : خلاص يا ليندا اسكتى لما نشوف اخره
ليندا : مش قادره يا بابا
• صوت التخبيط والتكسير فضل مستمر فتره تقريبا نص ساعه لحد ما الصوت وقف وكل حاجه هديت وكان كريم وطقم الحرس دخلوا لما سمعوا صوت دياب بيكسر ويزعق
ليندا : الصوت وقف
عمر : يا دياب افتح كفايه
ريهام : هو ليه مش بيرد
عمر : ممكن يكون حصله اغماء من المجهود العصبى اللى اتعرضله
ريهام : طب والحل دلوقتى
عمر : اكسر الباب يا كريم
كريم : بس كده خطر لو كان فايق ومش عاوز يرد
عمر : بقولك اسمع الكلام واكسر الباب
كريم : حاضر يا فندم
• بالفعل كسر كريم باب الاوضه اللى اتغيرت ملامحها وتقريبا دياب كسر الاوضه كلها ..... دخلوا الاوضه واترعبوا من المنظر زى ما بكون كان فيها مصارعه تيران ..... دخلوا الاوضه وشافوا دياب مغمى عليه على الارض .... جربت عليه ليندا علشان تفوقه بس مفيش فايده
ليندا : الحقنى يا بابا ادم تقريبا قاطع النفس
ريهام : ابعدى دقيقه يا ليندا انا هحاول افوقه
• حاولت ريهام تفوقه بس برضه بدون فايده
ريهام : حد يتصل بالإسعاف بسرعه
كريم : انا طلبتهم وفى خلال دقايق هيوصلوا
• بالفعل بعد عشر دقايق وصلت الاسعاف واخدوا دياب واتحركوا على المستشفى
• طبعا الدوشه اللى حصلت دى وصلت فيلا احمد صقر ووصلت عندى انا كمان واتحركنا كلنا على المستشفى .... اول ما وصلت المستشفى كان موجود عمر وليندا وريهام ومارى من بره
انا : خير يا عمر باشا ايه اللى حصل
عمر : حصل حوار كده وبسببه دياب انفعل وقعد يكسر فى الاوضه لحد ما دخل فى حالة اغماء واضطرينا نطلب الاسعاف ونجيبه المستشفى
انا : طب والدكتور قال ايه
عمر : لسه الدكاتره موجودين معاه جوه ومانعين اى حد يدخل
انا : دلوقتى يخرجوا ويطمنونا
• فجأه دخل علينا احمد صقر وسليم
سليم : ايه اللى حصل ودياب فين
عمر : اهدى يا حبيبى دياب لسه فى الاوضه مع الدكاتره
احمد : ايه اللى عمل فيه كده
عمر : مفيش بس انا كنت بتكلم معاه وجات سيرة والده فى الكلام وهو ما استحملش وانهار
احمد : كل ده علشان خاطر ابوه
عمر : امال هيكون علشان ايه يعنى
سليم : خلاص اسكتوا مش عاوز اسمع كلام تانى
• سكت الكل لمدة تقريبا نص ساعه وبعدها خرج الدكتور والكل جرى عليه
عمر : خير يا دكتور طمنى
الدكتور : للاسف الحاله صعبه شويه ..... واضح جدا ان دياب اتعرض لضغط عصبى بزياده شويه ومقدرش يستحمله ..... دياب عنده كسر مضاعف فى دراعه الشمال بس مش دى المشكله
عمر : امال فين المشكله
الدكتور : نتيجه للصدمه اللى اتعرضلها حصل انخفاض فى ضغط الدم وده ادى لضعف فى ضخ القلب للدم بشكل طبيعى
ريهام : حضرتك يا دكتور ممكن تنقله ددمم
الدكتور : للأسف هنا المشكله ..... فصيلة ددمم دياب A يعنى فصيله نادره وهنا فى المستشفى مفيش غير كيس واحد بس ودياب ممكن يحتاج اكتر من 3 اكياس علشان كده انا بعت لبنك الدم يمكن نلاقى هناك
سليم : مفيش داعى يا دكتور لبنك الدم .... انا نفس فصيلة دياب وخد منى 10 اكياس مش بس 3
الدكتور : طب كده كويس .... احنا ممكن ناخد منك كيس لحد ما نشوف بنك الدم
انا : وانا يا دكتور فصيلة دمى O يعنى اقدر اتبرع لأى حد
الدكتور : كده عظيم جدا تعالوا معايا علشان ناخد منكم الدم
انا : يلا بينا
• اتحركت انا وسليم وروحنا لبنك الدم علشان نتبرع
انا : متخافش يا سليم على دياب هيقوم بالسلامه
سليم : دياب علمنى انى مخافش من اى حاجه
انا : راجل يا سليم ..... بس باين عليك بتحب دياب
سليم : كلمة احب دياب دى اقل بكتير من اللى جوايا
انا : عارف يا سليم احنا اتربينا على مثل مهم جدا بس انت ودياب عكستوه
سليم : مثل ايه ده
انا : المثل اللى بيقول يا مربى فى غير ولدك يا بانى فى غير ملكك ..... النهارده اكتشفت ان المثل ده غلط جدا
سليم : طب كويس انك عرفت
• خلصنا تبرع بالدم وبعد كده طلعنا تانى وقعدنا تقريبا ساعه تانيه وخرجلنا الدكتور
سليم : ايه الاخبار دلوقتى
الدكتور : احنا جبسنا الكسر وشغالين فى نقل الدم وفى تحسن ملحوظ جدا
سليم : طب اقدر اشوفه
الدكتور : للاسف مش هينفع اسمح بالزياره لأى حد دلوقتى سيبوه يرتاح وبكره هيكون فاق وتقدروا تزوروه براحتكم
ليندا : طب ابص عليه بصه سريعه يا دكتور
انا : ارجوك يا دكتور اسمحلهم ولو بدقيقه واحده
الدكتور : طب دقيقه واحده لكل واحد لوحده ومن غير اى صوت فاهمين
ليندا : انا مش هتنفس خالص بس اشوفه بعينى واتطمن عليه
الدكتور : تقدروا تدخلوا بس كل واحد لوحده ومش اكتر من دقيقه
• وبالفعل دخلنا كلنا اتطمنا على دياب وخرجنا
احمد : يلا يا سليم نرجع البيت دلوقتى وبكره نرجع تانى نتطمن على دياب
سليم : انا مش هخرج من المستشفى من غير دياب
احمد : يابنى الزياره ممنوعه وبكره هنرجع قولتلك
سليم : من عشر سنين تقريبا انا تعبت جامد ودخلت المستشفى واتحجزت فيها شهر تقريبا ..... دياب ما سابنيش لحظه واحده ده غير انه اتبرعلى بالكليه بتاعته واللى بسببها انا عايش لحد دلوقتى يعنى ابسط حاجه اقدر اقدمهاله انه لما يتعب اكون جمبه
ليندا : امشى انت يا احمد وانا وريهام وسليم هنقعد مع بعض ومتخافش على سليم
احمد : وانا امشى ليه خلينا كلنا قاعدين لحد ما نتطمن على دياب
سليم : براحتكم
• قعدنا كلنا سهرانين فى المستشفى لحد الصبح ..... دياب فاق الساعه 8 الصبح تقريبا والدكتور دخل اتطمن عليه وخرج طمنا وسمحلنا بالزياره .... اول ما دخلنا الاوضه سليم جرى على دياب واخده بالحضن
دياب : بالراحه عليا يا سليم انا دراعى مكسور
سليم : انا اسف سامحنى
دياب : انت الوحيد اللى مقدرش ازعل منك حتى لو هترضبنى بالنار
سليم : بعد الشر عليك
انا : ايه يا عم دياب اللى حصل ده
دياب : اهو اللى حصل بقى معلش تعبتكم معايا
انا : ماتقولش كده احنا بس كنا قلقانين عليك
دياب : متقلقش انا بخير وهفضل طول عمرى بخير
ليندا : **** دايما يا حبيبى
ريهام : ايه اللى عمل فيك كده وايه اللى وصلك للحاله دى
دياب : دى نوبه بتجيلى من وقت للتانى بس المره دى كانت شديده شويه
ريهام : غمه واتزاحت بس انت لازم تروح لدكتور نفسى يمكن تلاقى حل للمشكله دى
دياب : هعمل كده قريب جدا
احمد : اهم حاجه دلوقتى تاخد بالك من صحتك وتقوم تقف تانى على رجليك
دياب : متخافش عليا يا احمد انا اقدر اوقف على رجلى تانى
عمر : حمد **** على سلامتك يا دياب
دياب : **** يسلمك يا عمى ..... هى الساعه كام دلوقتى
انا : الساعه دلوقتى 9
دياب : انت قاعد هنا وسايب الشغل يا سليم
انا : متخافش يا دياب الشغل ماشى تمام وانا بكلمهم كل شويه
دياب : طب روح انت الشركه وكلمنى من هناك طمنى
ريهام : حرام عليك يا دياب اللى بتعمله فى نفسك ده
دياب : متخافيش عليا انا عارف بعمل ايه كويس ..... فين كريم
ليندا : وانت عاوز كريم فى ايه
دياب : مش عاوز حد يناقشنى .... هاتولى كريم وشوفوا الدكتور انا عاوز اخرج من المستشفى دلوقتى
ليندا : انت كده بتنتحر
دياب : انا قولت مش عاوز حد يناقشنى
انا : اهدى يا دياب واحنا هنعملك كل اللى انت عاوزه
دياب : انا عاوزكم تجيبولى كريم دلوقتى وتشوفوا الدكتور علشان اخرج من المستشفى
ليندا : حاضر يا ادم هنسمع كلامك ..... انا هروح اجيبلك كريم
دياب : وانت يا سليم عاوزك تروح الشركه دلوقتى حالا وانا هتابع معاك بالتليفون
انا : حاضر يا دياب
دياب : بعد اذنك يا عمى روح شوف الدكتور علشان هخرج من هنا كمان ساعه
عمر : حاضر يا دياب
• دخلت ليندا مع كريم
كريم : حمد **** على سلامة حضرتك
دياب : ياريت كلكم تخرجوا وتسيبونى مع كريم
• خرج الكل وقعد دياب مع كريم
كريم : خير حضرتك تؤمرنى بأيه
دياب : رجالتك جاهزين
كريم : رجالتى دايما جاهزين
دياب : لازم نتحرك دلوقتى حالا
كريم : نتحرك على فين
دياب : لازم اقتل سعد النهارده وبنفسى
كريم : غلط يا دياب .... انت كده بتحرق الورق بدرى ..... الموضوع مش حرب عصابات علشان يخلص بالطريقه دى
دياب : فى بركان جوايا مش عاوز ينطفى
كريم : وايه الجديد فى كده ..... انت النار دى جواك من زمان بس انت طول السنين اللى فاتت كنت عارف تتحكم فيها
دياب : الحكايه مش هتوقف على سعد يبقى سيبنى اقتله واخلص
كريم : احنا كان ممكن نخلص من سعد من زمان بس مش هو ده اللى احنا عاوزينه ..... احنا ممكن دلوقتى نخرج ونقتل سعد ورجالته فى عشر دقايق وممكن كمان اجيبهولك يبوس رجلك علشان بس تريحه من العذاب اللى هيشوفه ..... بس تفتكر ده صح .... انت كده بتحرق كروت اللعبه ..... انا سمعت كلامك لما هجمنا على استر علشان سببين .... السبب الاول انى اقتنعت بوجهة نظرك فى اننا نعمل كارت ارهاب نرد بيه على اللى حصل .... والسبب التانى هو انى عارف انها خطت الخطوط الحمراء بالنسبالك وكان لازم رد قوى ..... لكن دلوقتى لو قتلنا سعد فى ناس كتير هتشك فيك وخصوصا بعد الحاله الغريبه اللى انت فيها دى واللى مش عارفين هنبررها ازاى ..... ده غير ان استر هتبطل تلعب بكارت سعد وهتدور على كارت تانى وساعتها مش هنبقى عارفين ايه الكارت ده
دياب : طب هنعمل ايه دلوقتى
كريم : اتعامل عادى جدا .....ارجع شغلك واتعامل بطبيعتك وماتنساش ان فى حفله مهمه اخر الاسبوع لازم نرتبلها لأن سعد واستر مش هيسيبوا فرصه زى دى
دياب : انت شايف ببساطه اقدر اقاوم كل اللى بيحصل
كريم : انا عارف انها صعبه بس مش مستحيله
دياب : اللى ايده فى المياه مش زى اللى ايده فى النار
كريم : وانت اقوى من النار يا دياب ..... الدكتور سليم الجراح يوم ما رشحك للمكان ده كان واثق فى قدراتك وانا اكتر واحد كنت متحمس ليك بالرغم من كل الاعتراضات اللى كانت ضدك والناس كانوا شايفين انك مش قد المكانه دى .... لكن انا كنت شايف حاجه تانيه خالص
دياب : حاجة ايه اللى كنت شايفها
كريم : با دياب احنا عشرة عمر من زمان وعارفك كويس الفشل عمره ما كان فى قاموس حياتك .... طول عمرك بتواجه مشاكلك وبتنتصر عليها وبتعرف تفصل كويس بين الشغل والحياه الشخصيه
دياب : المشكله انى كنت زمان بقدر افصل لكن بعد اللى عرفته من مذكرات ابويا مش عارف افصل
كريم : ومين قالك ان كل المكتوب فى المذكرات حقيقى
دياب : انت تعرف حاجه عن المذكرات دى
كريم : لا خالص انا عرفت من عمر الالفى موضوع المذكرات
دياب : وايه اللى يخليك تقول ان اللى فيها مش حقيقى
كريم : لان ابوك كتب المذكرات من وجهة نظره هو للأمور يعنى جايز يكون حكم غلط وجايز يكون مش شايف الصوره كامله علشان كده لازم تتأكد الأول من كل حاجه موجوده فى المذكرات قبل ما تعمل حاجه ترجع تندم عليها ..... وصدقنى لو اتاكدت من الكلام ده وقتها انا هساعدك حتى لو حبيت تخلى عيلة صقر كانها لم تكن اصلا فى يوم من الايام ولو عاوزهم يبوسوا رجلك علشان ارحمهم من العذاب اللى هيشوفوه بس بشرط يكون الكلام اللى فى المذكرات حقيقى
دياب : طب اتأكد ازاى من الكلام ده
كريم : سيب الامور تمشى بطبيعتها وهنتأكد مع بعض
دياب : طب جهز الرجاله علشان لازم اروح الشركه دلوقتى
كريم : مش المفروض ترجع الفيلا ترتاح
دياب : اتطمن على المناقصه الاول وبعد كده ارتاح
كريم : تمام يا فندم عشر دقايق ونكون جاهزين علشان نتحرك
دياب : مش عارف اشكرك ازاى يا كريم .... لولاك كان زمانى اتهورت
كريم : مفيش شكر بين الاصحاب يا دياب وانا وانت اكتر من اخوات
دياب : ماشى يا كريم
كريم : زى ما قولت لحضرتك عشر دقايق ونكون جاهزين علشان نتحرك مكان ما حضرتك عاوز ..... انا هخرج دلوقتى واحاول اسيطر على الموقف بره لانهم اكيد قالبين الدنيا بره
دياب : روح يا كريم
• خرج كريم اللى بالفعل كانت ليندا مستنياه ومعاها الجماعه
ليندا : خير يا كريم دياب كان عاوز ايه منك
كريم : مفيش حاجه با فندم بس هو معاه مشاكل فى الشغل وخلاص اتحلت
ليندا : انتوا رايحين فين دلوقتى
كريم : رايحين الشركه علشان فى مناقصه مهمه هناك
ليندا : مش عارفه ليه مش مصدقاك
كريم : وانا من امتى كدبت على حضرتك
ليندا : ماشى يا كريم لينا كلام تانى مع بعض بس بعدين
كريم : تحت امر حضرتك يا فندم
• خرج دياب واخد كريم وطلع على الشركه ..... انا كنت قاعد فى مكتبى وفجأه دخل عليا دياب
انا : ايه يابنى اللى جابك دلوقتى
دياب : انت ناسى ان المناقصه النهارده ومش هيجيلى صبر استنى فى البيت
انا : تقدر تفهمنى ايه اللى حصل امبارح
دياب : ارجوك يا سليم مش عاوز اتكلم فى الموضوع ده
انا : براحتك يا دياب بس انا من واجبى انصحك .... مهما كانت المشكله ياريت تتحكم فى اعصابك
دياب : حاضر يا سليم ..... طمنى على المناقصه
انا : فاضل ساعه ويقفلوا باب التقديم
دياب : طب اتصل بمصطفى بسرعه
انا : خير فى حاجه
دياب : لازم ننفذ الخطه التانيه دلوقتى
انا : حاضر يا دياب
• من ناحيه تانيه عند احمد صقر قاعد فى مكتبه بيخلص شغل واتصل على هانى يتطمن
احمد : ايه الاخبار يا هانى
هانى : لسه حضرتك باب التقديم هيقفل بعد خمس دقايق
احمد : فى حد تانى قدم عروض
هانى : للأسف حضرتك فى شركه لسه مقدمه عرضها من خمس دقايق
احمد : انت بتقول ايه
هانى : زى ما بقول لحضرتك فى شركه لسه مقدمه عرضها دلوقتى حالا وبصراحه انا مش متمطن لان المهندس مصطفى اللى بيشتغل فى شركة الجراح واقف مع مندوب الشركه دى
احمد : احنا كده خسرنا المناقصه يا هانى دى اكيد لعبه جديده من دياب ..... تقدر تعرفلى اسم الشركه ايه بالظبط
هانى : اسمها الفهد الاسود
احمد : انت بتقول ايه
هانى : بقول لحضرتك اسمها الفهد الاسود فى حاجه فى الاسم
احمد : طب اقفل دلوقتى ولو فيه جديد بلغنى
هانى : حاضر يا فندم
• قفل احمد مع هانى واتصل بأشرف
احمد : عاوز اسألك على حاجه كده يا أشرف
اشرف : خير يا فندم
احمد : ايه اسم الشركه اللى اشترت الاسهم اللى احنا بعناها فى البورصه
اشرف : اسمها الفهد الاسود يا فندم
احمد : برضه الفهد الاسود
اشرف : خير حضرتك فى حاجه
احمد : عاوزك تقلب الدنيا وتعرف مين اصحاب الشركه دى فى اسرع وقت ممكن
اشرف : حاضر يا فندم بس الموضوع هياخد منى شوية وقت
احمد : مفيش وقت يا اشرف عاوز اعرف المعلومه دى فى اسرع وقت
اشرف : حاضر يا فندم
• بعد احمد ما قفل مع اشرف
احمد : مش عارف ليه شامم ريحتك يا دياب فى الموضوع ده كمان .... امى كده شكلها عندها حق وانت راجع تنتقم .... بس ياترى هتنتقم من مين بالظبط .... ولو عاوز تنتقم ليه اتجوزت ريهام وليه بتحمى سليم ..... شكلى كده غلطت يا دياب لما وثقت فيك وشكلك كده هترجعنى لأيام زمان
• نرجع عندى انا ودياب فى الشركه
انا : ايه اللى خلاك تنفذ الخطه البديله
دياب : اتفرج على الصور دى وانت تعرف انا عملت كده ليه
انا : صور مين دى
دياب : دى صور هانى اللى بيشتغل عند احمد صقر
انا : ومين اللى معاه فى الصوره
دياب : ده المسئول عن المناقصه فى الوزاره
انا : بعنى عرض الاسعار بتاعنا اتسرب
دياب : بالظبط كده
انا : طب ما انا قولتلك نقدم عرضنا النهارده مش امبارح علشان ده ما يحصلش
دياب : ونخسر الطعم ده ..... احنا قدمنا عرض امبارح بسعر كبير شويه بس معقول وطبعا احمد صقر ظبط السعر عنده على اساس السعر اللى احنا قدمناه .... لكن دلوقتى لما نقدم عرض جديد خالص مستحيل يتسرب وبكده نقدر ناخد المناقصه
انا : يعنى انت عارف من الاول ان احمد صقر هيحاول يوصل للعرض بتاعنا
دياب : بصراحه مكنتش اعرف بس كنت شاكك فى حاجه زى دى علشان كده قررت اراقب احمد صقر كويس
انا : كده احمد صقر بيضرب تحت الحزام
دياب : للاسف ايوا بس انا مش هقدر اعمل اى حاجه لأحمد صقر مهما عمل
انا : ولا انا هسمح بكده مش علشان احمد نفسه لكن علشان سليم ..... انت ماشوفتش سليم عمل ايه امبارح ولا كان خايف عليك ازاى
دياب : ياريت كان سليم يبقى ابنى انا
انا : اللى انا شوفته امبارح كان حب اكبر من حب عيل لابوه .... سليم وقف قصاد احمد صقر لما قاله يلا نرجع البيت علشان الزياره كانت ممنوعه ده غير اصراره علشان بتبرعلك بالدم
دياب : هو سليم اتبرعلى بالدم
انا : حضرتك فصيلة دمك نادره ومكانش فى ددمم فى كفايه فى المستشفى علشان كده اتبرعتلك انا وسليم بالدم
دياب : انا تعبت ومش قادر نفسى ارتاح بقى
انا : انت قولتها قبل كده وعمى قالها من قبلك .... الراحه مش للى زينا .... احنا قدرنا نعيش فى تعب علشان غيرنا يرتاح
دياب : عندك حق
• فجأه الباب خبط ودخل علينا عمر الالفى
عمر : ازيك يا دياب دلوقتى
دياب : الحمد *** كويس
عمر : مش كفايه كده وارجع البيت علشان ترتاح
دياب : اتطمن على المناقصه الاول وبعد كده هرتاح
عمر : دماغك ناشفه
دياب : فين الظرف اللى اخدته منك ياعمى قبل اللى حصل امبارح
عمر : متخافش انا شيلته ولما نرجع البيت هبقى اديهولك
دياب : طب كويس
• قعدنا نرغى مع بعض اكتر من ساعتين لحمد ما مصطفى اتصل بيا وبلغنى ان احنا كسبنا المناقصه
دياب : ايه الاخبار يا سليم
انا : مبروك علينا كلنا .... شركة الفهد الاسود كسبت المناقصه
دياب : كده حلو جدا .... دلوقتى بقى نرتب للإجتماع بتاع استر
عمر : يابنى ريح نفسك شويه
دياب : مفيش وقت للراحه ..... بس لازم قبل الاجتماع نسرب معلومه مهمه لأستر
عمر : معلومة ايه
دياب : استر لازم تعرف ان احنا اصحاب شركة الفهد الأسود
عمر : بسيطه .... هى اصلا قالبه الدنيا وبتحاول تعرف مين اصحاب الشركه دى
دياب : علشان كده لازم نسرب المعلومه دى قبل ما اكلمها
عمر : سيب الحكايه دى وانا هتصرف فيها ..... ادينى عشر دقايق وانا هوصل المعلومه
دياب : براحتك يا عمى
• قام عمر وعمل كام مكالمه وبعد كده رجع تانى
انا : ايه الاخبار
عمر : دقايق والمعلومه هتوصل
دياب : كده كويس .... بالنسبه للمناقصه شركة الجراح هى اللى هتنفذها ولازم نبدأ فيها فى اسرع وقت
عمر : ماتقلقش ..... بكره هعمل اجتماع مع معتز ومصطفى وهنحط الخطه علشان نبدأ
دياب : كده تمام .... وبعد اذنك يا سليم انا قررت ارقى معتز ومصطفى ..... مصطفى هيبقى مدير شركة المقاولات ومعتز هيبقى النائب بتاعه
انا : وانا موافق ودلوقتى هطلع قرار بكده
عمر : طب مش يلا بينا نرجع البيت علشان ترتاح
دياب : حاضر يا عمى
انا : خلاص امشوا انتوا وانا هخلص شغلى واعدى عليك بالليل يا دياب
دياب : تنور يا اخويا .... **** ما يحرمنى منك يا سليم
• من ناحيه تانيه عند احمد صقر قاعد فى مكتبه دماغه هتنفجر بعد ما خسر المناقصه ودخلت عليه السكرتيره بتاعته
احمد : خير فى حاجه
السكرتيره : فى شخص موجود بره اسمه ابراهيم وبيقول انه صديق حضرتك
احمد : ابراهيم .... خليه يدخل بسرعه
السكرتيره : حاضر يا فندم
• دخل ابراهيم واخد احمد بالحضن وقعدوا
احمد : واحشنى بجد يا ابراهيم .... اخبارك ايه
ابراهيم : انا كويس جدا .... طمنى عليك انت
احمد : و**** يا ابراهيم الاحوال مش ولابد
ابراهيم : ليه كده بس
احمد : الشغل ومشاكله ده غير مشاكل العيله
ابراهيم : انت برضه قدها
احمد : انت وصلت امتى من السفر
ابراهيم : وصلت امبارح بالليل واتصلت بيك كتير بس تليفونك كان مقفول واتصلت بالفيلا عندك ردت عليا امانى وقالتلى انك فى المستشفى خير فى ايه
احمد : لا ده دياب كان تعبان شويه وروحت معاه المستشفى
ابراهيم : دياب مين
احمد : دياب ابن عمى
ابراهيم : مش دياب ده يبقى برضه جوز ريهام اختك ولا ده حد تانى
احمد : ايوا هو دياب جوز اختى
ابراهيم : الف سلامه عليه .... خير حصله ايه
احمد : لا شوية تعب عادى من ضغط الشغل لكن خرج من المستشفى النهارده الصبح
ابراهيم : طب كويس
احمد : تصدق انك جين فى وقتك بالظبط
ابراهيم : خير يا احمد فى ايه
احمد : فى شركه جديده ظهرت بقالها فتره كده واشترت اسهم كتير فى البورصه والنهارده اخدت منى مناقصه ضخمه شغال عليها بقالى شهور
ابراهيم : هو فى حد يقدر ياخد مناقصه من احمد صقر .... مين صاحب الشركه دى
احمد : هو ده اللى عايزه منك ..... عاوزك تعرفلى مين صاحب الشركه دى بالظبط .... انا شاكك فى حد معين بس عاوز اتاكد من شكى
ابراهيم : مين ده اللى انت شاكك فيه
احمد : سيبك من اللى انا شاكك فيه وعاوزك انت تعرفه
ابراهيم : طب اسمها ايه الشركه دى
احمد : اسمها الفهد الاسود
ابراهيم : انت متاكد من الاسم ده
احمد : ايوا متاكد .... ليه هو انت تعرفها
ابراهيم : اه اعرفها دى شركه جديده فاتحه بقالها كام شهر وعملت استثمارات كتير فى اسبانيا وايطاليا والمغرب كمان
احمد : ومين اصحابها
ابراهيم : بصراحه معرفش مين اصحابها لانى ماهتمتش بيها لانا بعيد عن مجال شغلى
احمد : طب حاول تعرفلى مين اصحابها
ابراهيم : هات اللابتوب بتاعك ده وبلغ السكرتيره بتاعتك ماتعملش اى ازعاج وادينى نص ساعه واجيبلك كل المعلومات عن الشركه دى
احمد : اتفضل اللابتوب وانا هبلغ السكرتيره انى مش عاوز اى ازعاج
• من ناحيه تانيه عند استر والبيرت
استر : خير يا البيرت فى ايه
البيرت : دياب خرج من المستشفى وطلع على شركة الجراح على طول
استر : اكيد علشان يتطمن على المناقصه ..... ههههههههه مش عارف ان احنا قدرنا نسرب تفاصيل المناقصه لأحمد صقر واكيد هو اللى هيكسب المناقصه
البيرت : للأسف احمد صقر خسر المناقصه
استر : انت بتقول ايه .... ازاى يخسر المناقصه واحنا سربنا عرض شركة الجراح
البيرت : اهو ده اللى حصل
استر : اوعى تقول ان دياب هو اللى اخد المناقصه
البيرت : لا مش دياب
استر : امال مين اللى اخدها
البيرت : شركة الفهد الاسود
استر : مش هى دى الشركه اللى اشترت الاسهم اللى احمد صقر باعها
البيرت : ايوا هى
استر : ايه حكاية الشركه دى بقى .... اسمها بقى بيتكرر كتير الفتره اللى فاتت
البيرت : انا طلبت من سرينا تعرف مين اصحاب الشركه دى ومستنى اتصالها اول ما توصل لحاجه
استر : لازم نعرف ايه حكاية الشركه دى فى اسرع وقت وبأى تمن
البيرت : هى بصراحه شركه غريبه وظهرت فجأه وتقريبا فى حد كبير بيمولها
استر : انا مش بخاف غير من الشركات اللى بتظهر فجأه وخصوصا بالشكل ده .... دى شركه داخله تبوظ السوق
البيرت : عندك حق
استر : هو مش احمد صقر بيعمل شركه جديده علشان يطور الشركات الخسرانه فى البورصه
البيرت : ايوه والراجل بتاعنا اللى عند احمد صقر اكدلى الموضوع ده
استر : ممكن تكون هى دى الشركه الجديده
البيرت : لا مش هى ..... هما لسه ماخلصوش الإجراءات بتاعتها وبعدين احمد هيسميها السراب
استر : هههههههههه السراب
البيرت : ماله الاسم
استر : انت مش عارف ايه معنى الاسم ده
البيرت : ايه معناه
استر : ده كان اسم شركة المقاولات اللى فتحها دياب اول ما ورث ولما دمج الشركه مع عمر الالفى غير اسمها
البيرت : تفتكرى ممكن يكون دياب شريك فى الشركه دى من الباطن
استر : كل شئ وارد وعلشان كده لازم نعرف المعلومه دى
البيرت : هحاول اعرفها
• فجأه سيرينا اتصلت على البيرت ورد عليها وفجأه وشه اتغير وبعد وقفل معاها
استر : شكل وشك مش بيقول ان فى اى اخبار كويسه
البيرت : سيرينا عرفت مين اصحاب الشركه
استر : مين اصحابها
البيرت : مفاجأه
استر : اوعى تقول ان دياب شريك فى الشركه
البيرت : الشركه اصحابها اتنين دياب وسليم الجراح
استر : لا مش معقول قول حاجه تانيه غير كده
البيرت : سيرينا اكدت المعلومه دى للأسف
استر : يعنى احنا عملنا لعبه فى البورصه علشان دياب يقدر يسيطر على اكبر نسبه اسهم فى الشركات
البيرت : للأسف ..... ده غير ان دياب هو اللى اخد المناقصه النهارده
استر : ههههههههه استاذ
البيرت : انتى بتضحكى
استر : بضحك على الخيبه اللى احنا فيها ..... دياب قدر يخرج من الفخ اللى احنا نصبناه باحترافيه شديده وقدر يهزمنى
• فجأه تليفون استر الشخصى رن
استر : كنت متوقعه
البيرت : مين بيتصل
استر : دياب
البيرت : هتردى
استر : لازم ارد
• ردت استر على دياب وهى حاطه ايدها على مسدسها
استر : اتاخرت فى الاتصال
دياب : بالعكس انا اتصلت فى الوقت المناسب
استر : انا كنت متوقعه انك تكلمنى بعد ما مشيت من عندى
دياب : كان معايا شغل مهم لازم اخلصه الاول
استر : وخلصت الشغل ده
دياب : مش معقول تكون الاخبار لسه ماوصلتش لحد دلوقتى
استر : اخبار ايه مش فاهمه انت تقصد ايه
دياب : متاخديش فى بالك
استر : هنتقابل امتى علشان نخلص الشغل اللى بينا
دياب : مش مهم الشغل دلوقتى انا بكلمك علشان حاجه تانيه خالص
استر : حاجة ايه
دياب : انا بتصل بيكى علشان اعزمك على حفلة افتتاح الشركه يوم الخميس
استر : تعزمنى انا
دياب : طبعا اعزمك انتى هو احنا مش يعتبر شركاء دلوقتى
استر : طبعا
دياب : خلاص يبقى هنتظرك يوم الخميس فى الحفله ونبقى نتكلم وقتها ونحدد معاد الاجتماع
استر : حاضر يا دياب انا هحضر الحفله
• قفلت استر مع دياب ومسكت مسدسها وضربة طلقه جات فى برواز على الحيطه كسرته والحرس دخلوا بسرعه على صوت الطلقه
استر : ايه اللى جابكم
قائد الحرس : احنا سمعنا صوت ضرب نار ودخلنا
استر : اخرجوا مش عاوزه اشوف حد
• خرج الحرس
البيرت : مالك متعصبه كده ليه
استر : دياب بيعزمنى على الحفله
البيرت : عاوز يضمن ان احنا مانضربش الحفله
استر : ازاى بيقدر يفكر فى كل حاجه كده .... عاوز يسحبنى للحفله علشان يضمن انها هتعدى بسلام
البيرت : هتعملى ايه دلوقتى
استر : انا هحضر الحفله
البيرت : ايه اللى انتى بتقوليه ده .... احنا مخططين لضرب الحفله
استر : احنا مش هنضرب الحفله .... احنا هنضرب دياب شخصيا
البيرت : ازاى مش فاهم
استر : دياب المره دى لعب لعبه اكبر منه وادانى الطريقه اللى اقدر ادمره بيها
البيرت : ازاى يعنى ..... دماغك فيها ايه
استر : عاوزاك تدخل كام صحفى من رجالتنا للحفله ولازم يصورونى مع دياب وسليم الجراح وينشروا الصور دى فى كل الجرايد المصريه والعالميه وكل مواقع الانترنت والسوشيال ميديا وعليها خبر بالبونط العريض حضور استر يعقوب رئيسة المنظمه اليهوديه حفل افتتاح مجموعة شركات الطاووس وانباء عن تعاون مشترك بين شركاتها ومجموعة شركات الجراح
البيرت : وبكده الرأى العام المصرى والمنطقه العربيه كلها هتغضب على دياب ومش بعيد يعملوا مقاطعه للشركات بتاعته
استر : وهى دى الضربه اللى مقتل بصحيح ..... كده هنضرب اسم دياب فى السوق وخصوصا فى الشرق الاوسط والموضوع ده هياخد سنين كتير علشان يقدر يصلحه
البيرت : يعنى اكلم سعد يلغى خطة ضرب الحفله
استر : لا سيب كل حاجه زى ما هى ربما تحصل حاجه غير متوقعه .... احنا نخلى خطة ضرب الحفله هى الخطه البديله بس هنعمل فيها شوية تعديلات
البيرت : بالمناسبه سعد عاوز يقابلك
استر : سيب سعد دلوقتى انا مش فاضيه .... هبقى اقابله بعد الحفله
البيرت : حاضر
• من ناحيه تانيه عند احمد صقر وابراهيم
احمد : ايه الاخبار يا ابراهيم
ابراهيم : اصبر دقيقه واحده وهعرفلك كل حاجه
احمد : حاضر يا سيدى خلينا وراك للأخر
ابراهيم : انا خلاص خلصت
احمد : مين بقى اصحاب الشركه
ابراهيم : واحد اسمه سليم الجراح والتانى للأسف دياب جوز اختك
احمد : شكى طلع فى محله
ابراهيم : انت كنت شاكك فى دياب
احمد : انا كنت متأكد ان دياب هو اللى وراء الشركه دى
ابراهيم : طب ليه دياب يعمل شركه من وراك ويضربك فى السوق
احمد : دياب عاوز ينقم من العيله كلها
ابراهيم : ليه كده
احمد : لا ده موضوع طويل مش وقته دلوقتى
ابراهيم : وانت هتعمل ايه دلوقتى
احمد : من ناحية هعمل فانا هعمل كتير
• فجأه الباب خبط ودخلت السكرتيره
احمد : انا مش قولت مش عاوز ازعاج ..... انتوا ايه بهايم
السكرتيره : انا اسفه حضرتك بس مستر دياب موجود بره وعاوز يقابل حضرتك ضرورى
احمد : خليه يتفضل
ابراهيم : دياب جوز اختك
احمد : مش عارف جاى ليه دلوقتى
ابراهيم : طب امشى انا
احمد : لا خليك قاعد لما نشوف عاوز ايه
• دخل دياب وسلم على احمد وابراهيم
احمد : اعرفك يا دياب .... ده المهندس ابراهيم صاحبى من ايام الجامعه وكان شريكى فى شركة البرمجه قبل ما يقرر يفض الشركه ويسافر اسبانيا ويسبنى
دياب : اهلا وسهلا يا بشمهندس ابراهيم
احمد : وده دياب ابن عمى وجوز اختى ريهام يا ابراهيم ممكن تكون سمعت عنه قبل كده
ابراهيم : اهلا وسهلا يا بشمهندس دياب .... اه سمعت عنه كتير قبل كده
دياب : **** يكون سمع خير
ابراهيم : اكيد طبعا يابشمهندس كل خير
احمد : خير يا دياب ايه اللى جابك دلوقتى
دياب : ايه يا احمد انت بتطردنى ولا ايه ده انا جوز اختك يا اخى
احمد : بطردك ايه انت التانى ..... انت المفروض خارج من المستشفى والمفروض تروح البيت ترتاح
دياب : انا راحتى فى الشغل مش فى قعدة البيت
احمد : ماشى يا سيدى براحتك .... خير بقى انت جاى زياره عاديه ولا شغل
دياب : لا يا سيدى جاى فى شغل
احمد : خير يا سيدى
ابراهيم : طب استأذن انا واسيبكم براحتكم
احمد : تستأذن ايه يا ابراهيم انت مش غريب وبعدين ده شغل مش علاقات شخصيه
ابراهيم : علشان بس البشمهندس دياب ياخد راحته
دياب : خليك قاعد يا بشمهندس مفيش اى اسرار
احمد : خير يا دياب شغل ايه اللى انت جاى تتكلم فيه
دياب : جاى اتكلم بخصوص المناقصه
احمد : بس اللى انا اعرفه ان شركتك انت وسليم خسرت المناقصه زى ما شركتى خسرتها واللى كسب المناقصه شركه اسمها الفهد الاسود
دياب : وانا متأكد انك عارف ان شركة الفهد الاسود بتاعتى انا وسليم الجراح
احمد : انا اول مره اعرف حاجه زى دى ..... وبعدين مش هى دى برضه الشركه اللى اشترت اسهم البورصه اللى انا بعتها
دياب : ايوا هى الشركه
احمد : يعنى انت عملت لعبه علشان ابيع اسهم شركاتى
دياب : لعبة ايه اللى انا عملتها دى .... انت راجل عرضت اسهم للبيع بكامل ارادتك وانا دخلت اشتريتها ولو تفتكر انى قبل انت ما تبيع بيوم كنت قاعد معاك وقولتلك ماتبيعش اسهم شركاتك لان دى لعبه وكلها ايام والاسهم ترجع لطبيعتها من تانى
احمد : سيبك من الموضوع ده وخلينا فى اللى انت جاى علشانه
دياب : مش قبل ما اصفى النفوس .... احضرنا يا بشمهندس ابراهيم
ابراهيم : اهدوا يا جماعه انتوا مهما كان عيله واحده ماتخلوش الشغل يخسركم بعض
دياب : انا عمرى ما اخسر احمد يا ابراهيم بس هو شكله اللى فاهم غلط .... احضرنا واحكم بنفسك وياريت تحكم بالحق
ابراهيم : احكى يا دياب وانا هحكم
دياب : الحكايه ملخصها ان فى ناس عاوزه تدمرنى وتدمر شغلى وعندهم استعداد يعملوا اى حاجه علشان ميبقاليش اى ذكر
ابراهيم : السوق كله كده مليان حيتان بيتصارعوا علشان كل واحد يسيطر
دياب : بالظبط كده ..... ومن ضمن محاولاتهم اللى حصل فى فرحى واللى انت اكيد سمعت بيه
ابراهيم : ايوه سمعت بالمجزره اللى حصلت فى الفرح ووقتها اتصلت بأحمد واتطمنت ان الحكايه خلصت بسلام وسمعت كمان ان سعد صقر هرب من السجن وقتها
دياب : كويس انك عارف التفاصيل دى .... اهو اللى هرب سعد هما نفس الناس اللى عاوزه تدمرنى ودى كانت البدايه وبعدها عملوا لعبه فى البورصه علشان يضربوا اسهم شركاتى ويجبرونى ارضخ لشروطهم وقتها قعدت مع احمد وقولتله ان ده مجرد هبوط صورى ومع الوقت اسهم الشركات هترجع ترفع تانى ..... حصل الكلام ده ولا محصلش يا احمد
احمد : حصل
دياب : لكن انت طنشت كلامى وعرضت الاسهم للبيع صح ولا غلط
احمد : انا عرضت الاسهم للبيع لان الخساره كانت كبيره ومستمره وبسببها خسرت تقريبا نص مليار دولار
دياب : وانا مكانش قصادى اى حل غير انى اشترى الاسهم اللى انت عرضتها للبيع علشان مش عاوز اى حد غريب يدخل شركاتى ومضمنش هو مين ولا تبع اى حد من اللى عاوزين يخلصوا منى
ابراهيم : بصراحه دياب مش غلطان بالطريقه دى
احمد : ليه ماقولتش ان انت وسليم اصحاب الشركه الجديده
دياب : لاكتر من سبب .... السبب الاول انى عامل الشركه دى سر علشان اعرف الاعب بيها الناس اللى عاوزه تدمرنى .... والسبب التانى ان دى حاجه ماتخصكش ولا تهمك سواء كانت شركتى او شركة اى حد تانى ..... انت واحد عرضت اسهم للبيع وفى شركه دخلت اشترتها
احمد : واللعبه اللى انت عملتها فى المناقصه النهارده
دياب : اللعبه دى عملتها بعد ما عرفت ان العرض اللى قدمته اتسرب
احمد : اتسرب ازاى يعنى
دياب : فى حد من المسئولين عن المناقصه سرب العرض بتاعى علشان كده كنت مجهز الخطه البديله اللى نفذتها فى اخر لحظه
ابراهيم : من الواضح كده ان فى سوء تفاهم وكده خلاص الرؤيه وضحت
دياب : انا عن نفسى مفيش من ناحيتى اى حاجه وحشه وجاى امد ايدى بالمعروف
احمد : قصدك ايه يعنى
دياب : انا وسليم كنا متفقين لو رسيت علينا المناقصه تدخل معانا بنسبه
ابراهيم : بصراحه يا دياب انت كده عداك العيب
احمد : نسبه قد ايه يعنى
دياب : 25% من قيمة المناقصه ايه رائيك
احمد : هفكر وارد عليك
دياب : الموضوع مش محتاج تفكير بس برضه هسيبك تفكر براحتك والدوسيه ده فيه تفاصيل العقد تقدر تراجعه براحتك وتعرضه على المحامى بتاعك
احمد : هدرس العقد وارد عليك
دياب : زى ما تحب .... ادرس براحتك بس ياريت متتأخرش عليا فى الرد علشان لازم نبدأ فى المشروع بأسرع وقت
احمد : يومين بالكتير وارد عليك
دياب : كده تمام ..... استأذن انا بقى
احمد : رايح فين
دياب : لازم ارجع البيت محتاج ارتاح
احمد : تمام امشى دلوقتى وانا بالليل هعدى عليك
دياب : البيت بيتك تشرف فى اى وقت عن اذنكم واتشرفت بمعرفتك يابشمهندس ابراهيم
ابراهيم : الشرف ليا انا
دياب : انت قاعد كتير فى مصر
ابراهيم : اسبوع او عشر ايام بالكتير
دياب : طب كويس يبقى انت معزوم فى حفله انا عاملها يوم الخميس بمناسبة افتتاح الشركه الجديده
ابراهيم : للاسف صعب احضرها ..... احتمال كبير يوم الخميس اسافر شرم الشيخ مع المدام والاولاد
دياب : زى ما تحب ولو غيرت رائيك الحفله هتنور بيك .... اتفضل ده الكارت بتاعى فيه كل ارقامى سواء فى مصر او امريكا
ابراهيم : اكيد هتواصل معاك .... واتفضل ده الكارت بتاعى
دياب : طب عن اذنكم
• بعد ما خرج دياب
ابراهيم : شوفت ياعم اهو انت طلعت ظالم الراجل
احمد : مش عارف ليه مش مستريح وحاسس ان دياب بيرتب لحاجه
ابراهيم : انت اللى بقيت بتشك فى كل حاجه بسبب وبدون سبب
احمد : جايز برضه .... الواحد من كتر اللى شافه فى الدنيا بقى يشك فى الهواء اللى بيتنفسه
ابراهيم : لا يا احمد انت كده بتدمر نفسك وهتخسر كل الناس من حواليك
احمد : سيبك من الكلام ده وقولى انت فعلا مسافر شرم الشيخ
ابراهيم : ايوا .... انت عارف ان اليومين دول شرم تعتبر فاضيه وهاديه وفرصه الواحد ياخد يومين فى هدوء
احمد : اجل سفرك ليوم الجمعه
ابراهيم : اشمعنا
احمد : عاوزك تحضر حفلة دياب
ابراهيم : ياعم انت عارف انى مليش فى جو الحفلات والدوشه دى .... وبعدين انا مليش علاقه بدياب علشان احضر الحفله حتى لو كان عزمنى
احمد : اسمع منى بس
ابراهيم : فهمنى انت عاوز ايه بالظبط
احمد : عاوزك تتقرب من دياب اكتر فى الفتره اللى جايه
ابراهيم : ليه يعنى
احمد : عاوز اعرف كل عن دياب
ابراهيم : وانت فاكر ان دياب لو بيخطط لحاجه هيقولهالى
احمد : مش لازم يقولك .... انت ليك طرقك اللى تعرف بيها كل حاجه زى ما قدرت تعرف ان دياب هو صاحب الشركه
ابراهيم : انت عاوزنى اخترق دياب واجيبلك اسراره صح ولا انا غلطان
احمد : بالظبط كده وقصاد المعلومات اللى هتقدر تجيبها انا مستعد ادفعلك ملايين كتير انت ماتحلمش بيها
ابراهيم : للأسف يا احمد انت فهمتنى غلط
احمد : فهمتك غلط ازاى يعنى
ابراهيم : انا مش بشتغل جاسوس ولا مخبر ..... زمان انا ساعدتك فى اختراق المنظمه بسبب اللى حصل لسليم وعلشان احميك منهم ومن شرهم ..... لكن دلوقتى الموضوع مختلف ..... انت دلوقتى عاوزنى اتجسس على انسان معملش معاك اى حاجه غلط بالعكس ده ماددلك ايده بالسلام بالرغم من انك انت اللى بدأت بالخيانه
احمد : خيانة ايه
ابراهيم : انا وانت عارفين كويس ايه الخيانه اللى انت عملتها
احمد : لا مش عارف يا ابراهيم وياريت تعرفنى
ابراهيم : موضوع عرض المناقصه اللى اتسرب ..... انا عارف ومتاكد ان انت اللى اخدت العرض ده ..... انا اشتغلت معاك كتير وعارف اسلوبك فى الشغل وعلشان كده فضيت الشركه معاك وقولت نبقى اصحاب احسن مانخسر بعض بسبب الشغل .... لكن يوصل بيك الحال انك عاوز تخترق دياب ..... دياب اللى ربى ابنك وحافظ عليه ..... دياب اللى انقذ ابنك من الموت .... دياب ابن عمك وجوز اختك ..... ليه كل ده علشان تفضل انت الكبير اللى مسيطر ..... لا يا احمد انا مش هساعدك فى الموضوع ده حتى لو دفعلتى كل فلوس الدنيا ..... عن اذنك يا صاحبى
احمد : استنى يا ابراهيم ماتفهمنيش غلط
ابراهيم : انا فاهمك صح جدا يا احمد ..... وعلشان خاطر العيش والملح وعشره السنين انا هعتبر نفسى ماسمعتش اى حاجه من الكلام انت قولته ومش هقول اى حاجه لدياب ..... سلام يا صاحبى
• قام ابراهيم ومشى وساب احمد صقر قاعد فى المكتب
• نرجع عندى انا قاعد فى المكتب مع عمر الالفى
انا : تفتكر من الصح اننا نعزم استر على الحفله
عمر : حضور استر للحفله هيمنع اى غدر ناويه عليه على الاقل فى الفتره دى
انا : مش عارف ليه مش متطمن للموضوع ده
عمر : اهدى كده يا سليم وكل حاجه هتمشى زى ما احنا مخططين
انا : هو دياب راح فين دلوقتى
عمر : راح لأحمد صقر علشان يتفق معاه على المناقصه وبعد كده هيرجع البيت
انا : وانت مش ناوى ترجع البيت انت جاى امبارح من سفر ده غير الليل كله سهران فى المستشفى
عمر : يلا بينا احنا الاتنين انت كمان اكيد تعبان من السهر طول الليل
انا : يلا بينا
• من ناحيه تانيه فى الاقصر عند امل صقر قاعده ودخلت عليها الشغاله
امل : عاوزه ايه
الشغاله : الدكتوره سعاد بره وبتقول ان حضرتك مستنياها
امل : خليها تتفضل بسرعه
• دخلت الدكتوره سعاد عند امل صقر
سعاد : ازيك يا عمتى
امل : انا كويسه بابنتى ..... انتى اخبارك ايه واخبار امك واخواتك
سعاد : كلنا كويسين
امل : مش ناويه يابت تتجوزى
سعاد : اعمل ايه بس يا عمتى ..... خطيبى مسافر بقاله سنتين علشان يقدر يحوش قرشين نتجوز بيهم انتى عارفه الظروف
امل : طب واللى يرجعلك خطيبك من السفر ويوفرله شغلانه ياكل من وراها الشهد وفوق ده كله يساعدكم بمبلغ تقدروا تتجوزوا بيه
سعاد : دى عفريت المصباح ولا ايه
امل : لا مش عفريت المصباح ولا حاجه .... ده انا
سعاد : انتى بتتكلمى بجد يا عمتى
امل : وانا من امتى اعرف الهزار
سعاد : طب ايه المقابل
امل : المقابل حاجه بسيطه خالص وانا عارفه انك تقدرى عليها
سعاد : حاجة ايه يا عمتى
امل : فاكره تركيبه الإجهاض اللى انتى عملتيها علشان تساعدى بيها البت رشا لما الدكاتره قالولها ان الحمل فى خطر عليها بسبب قلبها الضعيف وكانت خايفه تعمل عملية اجهاض
سعاد : ايوه فاكراها يا عمتى
امل : انا عاوزه تركيبه زيها
سعاد : ليه يا عمتى
امل : انتى متسأليش ..... تنفذى وانتى ساكته
سعاد : لا يا عمتى لازم افهم
امل : يبقى انسى كل الكلام اللى قولتلهولك واتفضلى من غير مطرود
سعاد : خلاص يا عمتى مش هسأل
امل : ايوا كده انا احبك تقدرى تجيبى التركيبه امتى
سعاد : لازم اعرف الاول الحمل فى الشهر الكام علشان اعمل التركيبه المناسبه
امل : فى الشهر التانى
سعاد : وحضرتك عاوزه التركيبه امتى
امل : عاوزاها النهارده قبل بكره
سعاد : حاضر يا عمتى اول ما ارجع البيت هشتغل عليها وبكره الصبح هتكون عندك
امل : انا كده احبك .... وعلشان جدعنتك خدى دول
سعاد : ايه دول
امل : دول 50 الف جنيه واول ماتجيبى التركيبه هتاخدى زيهم وبعد ما يحصل المراد هنفذ باقى الوعد وهكلم احمد ابنى يشغل خطيبك عنده
سعاد : بكره التركيبه هتكون عندك ..... عن اذنك
• قامت سعاد ومشيت وسابت امل صقر قاعده لوحدها
امل : انا هحرق قلبك يا دياب زى ما حرقت قلبى على اولادى ..... هحرمك من ابنك زى ما حرمتنى من بنتى ..... الحرب انت اللى بدائتها ورينى بقى هتقدر توقف قصادى ازاى
• من ناحيه تانى دياب رجع الفيلا وكانت ريهام وليندا ومارى قاعدين مع بعض واول ما شافوه جريوا يتطمنوا عليه
ليندا : ادم حبيبى انت كويس
دياب : متخافيش يا ليندا انا كويس جدا
ريهام : تعالى يا دياب اقعد وارتاح
دياب : حاضر يا ريهام
مارى : ارحم نفسك يابنى وخد بالك من صحتك
دياب : الراحه ماتخلقتش للى زيى
مارى : ليه بتقول كده يا دياب .... انت لسه شاب والدنيا كلها قصادك
دياب : الدنيا دى وهم كبير كلنا عايشين فيه
ريهام : هتعيش طول عمرك فى عذاب طالما بتفكر بالشكل ده
دياب : الحل الوحيد انى اموت بقى وارتاح
ريهام : بعد الشر عليك يا حبيبى ماتقولش كده تانى
مارى : اطلع يا دياب خد شاور وغير هدومك على ما اقولهم يجهزوا الغداء علشان انت شكلك بتخرف
دياب : حاضر ..... مالك يا ليندا ساكته ليه
ليندا : سايباك تتكلم براحتك وتطلع كل اللى جواك علشان عارفه انك مش هترتاح غير لما تفضفض وتطلع النار اللى جواك
دياب : ههههههه بقيتى تفهمينى اكتر من اللازم وكده خطر
ليندا : برضه هسيبك تتكلم براحتك
دياب : طب انا هطلع اخد شاور واغير هدومى وانزل
• قام دياب ولسه هيسيبهم فجأه ريهام داخت ووقعت ..... جرى عليها دياب
دياب : مالك يا ريهام فى ايه
ريهام : مش عارفه فى ايه من الصبح النهارده دايخه وتعبانه تقريبا من السهر والمشاكل اللى حصلت
دياب : لا انتى وشك اصفر وشكلك تعبان انا هتصل على سليم يبعت لمياء الجراح
ريهام : يا دياب مفيش حاجه هو بس شوية ارهاق وبعدين انت ناسى انى دكتوره المفروض
دياب : لا مش ناسى بس برضه لازم نتطمن
• طلع دياب تليفونه واتصل بيا
دياب : انت فين يا سليم
انا : انا داخل الفيلا حالا .... خير فى حاجه
دياب : طب كويس ..... ريهام تعبانه شويه ياريت تجيب لمياء تكشف عليها
انا : طب اقفل يا دياب وانا هجيب لمياء واجيلك دلوقتى حالا
• دخلت الفيلا وبلغت لمياء باللى حصل وجابت شنطة الكشف بتاعتها وطلعنا على فيلا دياب .... دخلت لمياء الاوضه عند ريهام وقعدت انا ودياب من بره
انا : اهدى يا عم مفيش حاجه .... تلاقيها شوية تعب وارهاف من اللى حصل طول الليل
دياب : ياريت يا سليم ومايكونش حد بيلعب بديله وبيعمل حركه وسخه
انا : انت هتقلقنى ليه يا دياب
دياب : لازم تقلق يا سليم وتشك فى كل حاجه حواليك
• فجأه لمياء خرجت
دياب : خير يا لمياء طمنينى
لمياء : خير با دياب متقلقش كده
دياب : ريهام مالها
لمياء : الف مبروك يا دياب
دياب : انتى بتتكلمى بجد
لمياء : وهو فى هزار فى الكلام ده
• فجأه خرجت ليندا من اوضة ريهام
ليندا : الف مبروك يا ادم
لمياء : على العموم انا كتبتلها على شوية فيتامينات لانها ضعيفه ولازم تتغذى وانا هتابع معاها
ليندا : يا لمياء ريهام يعتبر مش بتاكل اصلا
لمياء : انا كتبتلها على فاتح شهيه علشان تاكل كويس
دياب : طب ياريت يا لمياء تكتبيلنا حاجه تسد الشهيه علشان فى واحده هنا من يوم ما عرفت انها حامل وهى بتاكل اللى يجى قصادها لدرجة انى بخاف امشى قصادها
ليندا : كده يا ادم ماشى حسابى معاك بعدين
لمياء : ههههههههه سيبها يا عم تاكل براحتها
انا : الف مبروك يا دياب
دياب : تصدق يا سليم ان وشك حلو عليا ..... المره اللى فاتت لما كنت معايا ليندا بقت حامل والنهارده كمان ريهام
انا : ماشى يا سيدى .... ادخل بقى لمراتك وانا هاخد لمياء وامشى
دياب : تمشى فين انتوا تقعدوا تتغدوا معانا
انا : خليها بعدين .... انت دلوقتى خليك مع مراتك
دياب : خلاص يا سليم زى ما تحب
• اخدت لمياء وخرجنا ..... ودياب دخل لريهام
دياب : الف مبروك يا حبيبتى
ريهام : **** يبارك يا حبيبى
دياب : عاوزك بقى تسمعى كلام لمياء وتتغذى كويس
ريهام : حاضر يا حبيبى
دياب : ما تتصوريش انا فرحان قد ايه النهارده
ريهام : اشمعنا ..... ماعندك ليندا حامل يعنى كنت هتبقى اب
دياب : حملك ده هيربط بينى وبينك اكتر ده غير انه جيه فى الوقت المناسب
ريهام : مش فاهمه قصدك
دياب : بصراحه كنت خايف حملك يتأخر وتغيرى من ليندا علشان هى بقيت حامل قبلك
ريهام : لا متخافش الحاجات دى مش بتأثر فيا
دياب : مهمها قولتى مش بتأثر فيكى اكيد كان هيجى اليوم اللى تاثر فيكى
ريهام : على العموم **** كرمنى وبقيت حامل اللى انت كنت خايف منه خلاص راح
• قعد دياب شويه مع ريهام وبعد كده اتصل بأحمد صقر وبلغه باللى حصل ..... والخبر انتشر ووصل الاقصر وكلهم فرحوا بالخبر ما عدا امل صقر طبعا اللى الخبر نزل على دماغها زى الصاعقه
• مر يومين بعد كده والأمور ماشيه تمام جدا ..... عمر صقر ومراته وصلوا من الاقصر علشان ريهام ..... عمر كان فرحان جدا على عكس امل صقر اللى كانت جواها نار ممكن تحرق البلد كلها
• نرجع عندى انا كنت قاعد فى الشركه ودخل عليا دياب
انا : ايه يابنى اللى جابك النهارده .... احنا مش متفقين انك فى اجازه لحد ما نخلص الحفله
دياب : تعبت من قعدة البيت قولت انزل الشركه اغير جو
انا : على العموم مفيش اى جديد الشغل ماشى تمام جدا
دياب : طب كويس ..... طمنى على اخبارك انت
انا : عادى برضه مفيش جديد
دياب : امتى هتتجوز انت ومريم
انا : تقريبا بعد شهر على ما نخلص الديكورات اللى بتحصل فى الفيلا واكون رتبت امور الشغل معاك لانى هاخد اجازه 10 شهر عسل
دياب : 10 ايام مره واحده يا جاحد
انا : ايه كتير خلاص نخليها اسبوع
دياب : انت كده عاوز مريم تضربنى انا وانت بالرصاص
انا : هههههههه لا يا عم مريم مقدره ظروف الشغل
دياب : سيبك من الرغى ده كله ملعون الشغل على اللى عاوز يشتغل ..... انت هتاخد اجازه شهر كامل تاخد مراتك وتتفسح
انا : شهر ايه يا عم انت فى المفرمه اللى احنا فيها دى
دياب : متخافش على الشغل انا موجود
انا : المصيبه ان انا خايف منك انت
دياب : خايف منى ليه يعنى
انا : خايف من المصايب اللى كل شويه تورطنا فيها ومش عارف ايه اخرتها
دياب : كل خير هى خلاص النهايه قربت
انا : فى جديد
دياب : لا مفيش حديد بس احنا ماشيين كويس جدا على حسب الخطه الموضوعه وقربنا نخلص
انا : دى اخبار حلوه
دياب : طول ما احنا ماشيين على الخطه يبقى هتسمع اخبار حلوه كتير
انا : فى حاجه بقالى فتره عاو اسألك عليها بس مش عارف اجيبهالك ازاى
دياب : اسأل على طول من غير مقدمات ولا لف ودوران
انا : هو صحيح عمى كان عاوز يجوزك مريم
دياب : ههههههههه يعنى بقالك كتير بتحاول تعرف اجابة السؤال ومكسوف
انا : انا سألت وياريت تجاوبنى بصراحه
دياب : حاضر يا سيدى هجاوبك .... هو فعلا كان عاوزنى اتجوز مريم .... بص هى الحكايه بدأت بهزار الاول ..... وانا صغير كان عندى تقريبا 15 سنه كان عمك دايما بيزورنا فى البيت ويقعد مع ابويا يتكلموا شويه فى الشغل وشويه فى الحياه العاديه وفى مره قال لابويا انا حاجز دياب لمريم بنتى ومش هسيبه ابدا
انا : وبعدين ايه حصل
دياب : اخدنا الكلام بهزار ونسيناه لكن عمك مكانش بيهزر لأن بعدها بسنين كتير بعد ما خلصت جامعه لقيت عمك بيفاتحنى فى الموضوع ده تانى لكن وقتها كان قلبى مشغول بريهام ومش شايف اى واحده غيرها
انا : مع انك فى الوقت ده كنت رافض تتجوز ريهام
دياب : انى ارفض اتجوز ريهام دى حاجه وانى احبها دى حاجه تانيه خالص .... ريهام كانت ساكنه قلبى وعقلى كنت كل ما انام احلم بيها .... ريهام كانت ورده خارجه من غصن كل شوك لو حاولت اقطفها بطريقه غلط ممكن اتعور ..... ياريتها مكانتش من عيلة صقر
انا : انت بتتكلم عن عيلة صقر ولا كأنها عيلتك
دياب : ولا عمرهم هيكونوا عيلتى ..... العيله دى مليش فيها غير اتنين بس ريهام وسليم لكن الباقى مفيش حد فيهم يفرق بالنسبالى
انا : طب ايه سبب اصرار عمى على جوازك من مريم
دياب : عمك كان عاوز يجوزنى مريم لانه كان خايف على بناته من بعده ..... كان عاوز يسيبهم مع راجل يخاف عليهم ويقدر يحميهم خصوصا بعد التهديدات اللى كانت بتجيله وكان عارف انه هيموت علشان كده كان عاوز يأمن بناته من بعده
انا : انا كده فهمت
دياب : بس انت مين قالك الموضوع ده
انا : كنت بتكلم مع مريم من فتره وقالتلى ان عمى كان عاوز يجوزها لشاب بيشتغل معاه بس هى متعرفش مين الشاب ده لكن انا استنتجت من وصفها انه انت الشاب ده
دياب : متخافش يا سليم انا عمرى ما فكرت فى اى واحده من بنات عمك
انا : انا عارف ومتاكد علشان كده سالتك
دياب : طب سيبك من الكلام الفاضى ده وخلينا فى الشغل
انا : بمناسبة الشغل ..... عملت ايه مع احمد صقر فى موضوع المناقصه
دياب : انا عملت اللى عليا وهسيبه يفكر براحته لحد ما نستلم الارض من الحكومه وبعدها هسأله تانى ولو موافقش على العرض يبقى براحته ونشتغل المشروع من غير شريك
انا : طب تمام كده
دياب : اهم حاجه دلوقتى نجهز السيوله اللازمه للمشروع علشان اى تأخير مش هيبقى فى صالحنا
انا : بكره هروح البنك علشان اظبط معاهم الموضوع ده
دياب : طب تمام كده
انا : عملت ايه فى تأمين الحفله
دياب : متخافش كله تمام
انا : تفتكر سعد واستر ممكن يعملوا حاجه فى الحفله
دياب : لا صعب خصوصا بعد ما عزمنا استر على الحفله
انا: وارد جدا انها ماتجيش الحفله لو ناويين على ضربها
دياب : علشان كده انا صممت ان احنا نستلم القاعه من النهارده علشان نعرف نأمنها كويس بحيث ان مفيش نمله ممكن تعدى من تحت ايدينا
انا : طب وبالنسبه للصحافه
دياب : متخافش انا اتفقت مع الصحفيين على كل حاجه
انا : يعنى كل حاجه تمام
دياب : قولتلك متخافش كل حاجه هتمشى زى ما احنا مخططين
انا : انت عزمت حد من عيلة صقر
دياب : اه عزمت واحمد صقر ومحمد صقر
انا : كويس انك مش هتجيب سليم للحفله
دياب : لا الحفله ممكن تقلب بمجزره وانا مش ممكن اعرض سليم لخطر زى ده
انا : انا كمان رفضت ان اى واحده من بنات عمى يحضروا الحفله مع ان مريم وشرين كانوا مصممين على الحضور
دياب : وانا نبهت على ليندا انها مش هتحضر الحفله وريهام اصلا ملهاش علاقه بالشغل ولا الحفلات بتاعة الشغل
انا : بس لازم نزود الحراسه على الفلل خصوصا فى وقت الحفله
دياب : تفتكر ممكن حد فيهم يفكر يعمل اى حاجه ولا يقرب من الفلل
انا : كل شئ متوقع
دياب : على العموم فى طقم حراسه جديد هيوصل النهارده من السفر هخلى جزء منهم لحراسة الفلل
انا : كده تمام
دياب : طب عن اذنك انا بقى
انا : رايح فين
دياب : حاسس بشوية تعب ومحتاج ارجع البيت ارتاح
انا : مالك يا دياب ايه اللى تاعبك
دياب : شوية ارهاق ..... هرجع الفيلا ولو فى اى جديد ابقى بلغنى بالتليفون
انا : تحب اجى معاك اوصلك وارجع الشركه تانى
دياب : مفيش داعى لتعبك انا معايا طقم الحراسه بتاعى وبعدين مينفعش احنا الاتنين نسيب الشغل كده
انا : خلاص امشى انت دلوقتى وانا بالليل هبقى اعدى عليك
دياب : تشرف فى اى وقت
• قام دياب وخرج من الشركه وطلع على الفيلا
• اول ما دخل الفيلا شاف ريهام قاعده ومعاها امل صقر
دياب : ازيك يا ريهام
ريهام : الحمد *** يا حبيبى ..... ايه اللى جابك بدرى من الشغل
دياب : لا عادى مفيش شغل مهم قولت ارجع البيت
امل : ايه يا دياب مش هتسلم عليا ولا انا شفاف قصادك
دياب : هههههههه كل الناس ممكن تبقى شفافه بالنسبالى الا انتى يا حماتى بشوفك فى كل وقت وكل مكان
امل : قصدك ايه يا دياب
دياب : لا مش قصدى اى حاجه ده انا برحب بيكى مش اكتر
امل : بقولك ايه يا دياب ما تيجى نتصافى ونقفل على اللى فات ونفتح صفحه جديده
دياب : تصدقى انى كنت هقولك كده بالظبط
امل : مش عارفه ليه مش مصدقاك
دياب : ليه بتقولى كده
امل : شكلك بترتب لمصيبه
دياب : هتفضلى طول عمرك ظالمانى ..... ده انا حتى جايبلك هديه **** تعجبك
ريهام : بجد يا دياب يعنى خلاص هتتصالح مع ماما
دياب : علشان خاطرك انتى يا حبيبتى ممكن اتصالح مع الشياطين مش بس مامتك
ريهام : فين الهديه دى
دياب : اتفضلى يا حماتى الهديه
• خرج دياب من جيبه علبه قطيفه جواها سلسله دهب مكتوب عليها اسم امل .... امل اول ما شافت السلسله اتفزعت بس سيطرت على نفسها
دياب : شكلها كده الهديه وحشه وماعجبتكش يا حماتى
ريهام : لا بالعكس يا حبيبى دى سلسله حلوه جدا ولا ايه رائيك يا ماما
امل : اه فعلا سلسله حلوه
دياب : طب كويس ان الهديه عجبتك ..... انا كنت هزعل اوى لو زوقى كان وحش
امل : طب استأذن انا
دياب : رايحه فين يا حماتى
امل : راجعه البيت واسيبكم براحتكم
دياب : لا انتى هتتغدى معانا النهارده ..... روحى يا ريهام قوليلهم يجهزوا غدا علشان انا جعان
ريهام : حاضر يا حبيبى
• قامت ريهام وسابت امل ودياب مع بعض
امل : انت جبت السلسله دى من فين يا دياب
دياب : ايه مش عاجباكى وعاوزه تغيريها
امل : انت فاهم قصدى كويس
دياب : السلسله دى جايه من صندوق الماضى
امل : وياترى الصندوق ده فيه ايه تانى
دياب : فيه حاجات كتير
امل : انا قولت من الاول ان انت راجع وناوى على الشر
دياب : الشر ده انتو اللى بدأتوه من زمان ودلوقتى جيه وقت الحساب
امل : انت ناوى على ايه يا دياب
دياب : متخافيش انا مش هعملك حاجه علشان بس خاطر المسكينه اللى جواه بس فى ناس تانيه غلطت ولازم تدفع الحساب
امل : ناس زى مين
دياب : اخوكى
امل : هتعمل ايه يا دياب
دياب : تحبى تستلمى جثة اخوكى فين
امل : انت قتلت اخويا
دياب : ههههههههه
امل : انطق يا دياب .... انت عملت ايه فى اخويا
دياب : انا هسيبك كده محروقه ومش عارفه ايه مصير اخوكى
امل : انا هقتلك يا دياب
دياب : هههههههههه حاولى
امل : انت لسه متعرفنيش يا دياب ومتعرفش انا ممكن اعمل ايه
دياب : لا عارفك كويس وشوفت بعنيا انتى ممكن تعملى ايه بس اللى انا مستغربه ازاى ابويا كان بيحبك فى يوم من الايام ..... طب ابويا قلبه كان حنين وممكن يتخدع فيكى ..... لكن اللى مش فاهمه ازاى انتى تعرفى تحبى اصلا
امل : الظاهر كده انك عرفت حاجات كتير
دياب : للأسف عرفت متأخر
امل : وياترى عرفت ايه تانى
دياب : عرفت اللى لايمكن يخطر على بالك ..... عرفت الماضى اللى ماعشتهوش
امل : احسنلك تقفل على الماضى علشان ماتقومش نار ممكن تحرق الكل
دياب : النار اللى بتتكلمى عليها طول عمرها صاحبتى وحبيبتى
امل : خد بالك يا دياب كابش النار محروق بيها
دياب : هههههههههه
امل : واضح انك بتستهون بكلامى
دياب : بكره نشوف كلام مين الصح
• فجأه دخلت ريهام عليهم
ريهام : انا بلغتهم يجهزوا الغداء .... نص ساعه والاكل هيكون جاهز
دياب : طب كويس ..... هطلع انا اتطمن على ليندا واخد شاور واجيبها وننزل علشان نتغدا مع بعض
ريهام : روح يا حبيبى
• طلع دياب ودخل الاوضه عند ليندا
دياب : ازيك يا حبيبتى
ليندا : كويسه
دياب : مالك يا حبيبتى
ليندا : مالى يعنى ما انا كويسه
دياب : انا بعرفك من نظرة عنيكى ومن دقات قلبك مش محتاج اتكلم معاكى علشان اعرف ان انتى متغيره
ليندا : يا سلام انت جاى تضحك على عقلى بكلمتين
دياب : انا ممكن اضحك على الدنيا كلها الا انتى ببقى واضح قصادك
ليندا : ده كان زمان ..... كنت بتحكيلى كل حاجه بتعملها لكن دلوقتى بقيت تخبى
دياب : اخبى ايه وازاى يعنى ..... حد يقدر يخبى حاجه عن روحه
ليندا : انا شوفتك قاعد مع امل صقر لوحدكم .... ياترى ناوى على ايه يا ادم
دياب : النيه محلها القلب ..... والقلب ميعرفش غير كل خير علشان انتى عايشه فيه
ليندا : برضه مصمم تضحك عليا
دياب : وانتى مصممه تسألى على حاجه انتى عارفه اجابتها من الاول
ليندا : انا مش صعبان عليا فى الموضوع ده كله غير المسكينه ريهام اللى فرحت لما عرفت انك عاوز تصالح امل
دياب : انتى سمعتى الحوار كله بقى
ليندا : سمعت النص الاول من الحوار لكن اللى دار بينك وبين امل صقر انا معرفتش اسمعه لان صوتكم كان واطى جدا
دياب : يا حبيبتى عاوزك تعرفى حاجه مهمه جدا .... امل صقر لو تطول تولع فيا هتعمل كده بدون تردد
ليندا : اديها فرصه اخيره علشان خاطرى وخاطر ريهام
دياب : انا موافق بس بشرط
ليندا : وانا مستعده لكل شروطك
دياب : تقدرى تضمنى اى غدر من امل صقر
ليندا : ........
دياب : ساكته ليه
ليندا : امل هتعيش عمرها تفكرلك فى مصايب ملهاش حصر طالما شايفه الغدر من ناحيتك
دياب : من يوم مارجعنا من السفر شوفتينى عملت اى حاجه ممكن تأذى امل صقر
ليندا : بصراحه لا
دياب : ولا عمرى هعملها حاجه لانى مستمتع بنظرة الخوف اللى فى عنيها ..... مستمتع بحالة الذعر اللى عايشه فيها .... مستمتع انى شالل تفكريها ومش مخليها تعرف تفكر فى اى حاجه غير انتقامى منها اللى منغص عليها حياتها ..... انتى لو ركزتى كويس هتلاقينا كلنا كل واحد مشغول فى حياته وشغله الا امل صقر مشغوله بيا وبانتقامي منها
ليندا : وتفتكر حاجه زى دى ماتخليهاش تفكر تخلص منك علشان ترتاح
دياب : امل صقر اضعف من كده .... امل صقر اخرها تهدد او تستقوى على ست مسكينه ماتقدرش تدافع عن نفسها لكن عندى انا بتعملى الف حساب .... امل صقر كانت تقدر تخلص منى زمان ايام ما كنت طيب وغلبان ومعرفش اى حاجه لكن دلوقتى الموضوع اختلف
ليندا : ماشى يا ادم
دياب : طب يلا بقى انزلى علشان تتغدى معانا
ليندا : لا انزل انت
دياب : انتى لسه زعلانه
ليندا : لا يا حبيبى بس انا اكلت من شويه مكنتش عارفه انك هترجع بدرى
دياب : خلاص يا حبيبتى براحتك انا هنزل اتغدى معاهم وبعد كده هدخل اوضة المكتب معايا شغل عاوز اخلصه
ليندا : وانا هنام شويه وبعد كده انزل اقعد معاك
دياب : براحتك يا حبيبتى
• نزل دياب اتغدى مع امل صقر وريهام وبعد كده دخل اوضة المكتب .... فتح الخزنه وطلع منها المذكرات وفتحها من اول صفحه
عبدالرحمن : دياب حبيبى واغلى حاجه عندى فى الدنيا ..... لو بتقرأ المذكرات بتاعتى يبقى عمك عمر عمل بالوصيه ..... كان نفسى افرح بيك واشوفك وانت راجل لكن **** اراد انى اتحرم منك .... انا بقالى فتره شامم ريحة الموت وحاسس ان العمر خلاص بيخلص بس مش دى المشكله ..... المشكله اللى بجد خايف منها انك تضيع من بعدى علشان كده اشتريت اسهم فى شركة ادويه مع عمك عمر علشان اضمنلك مستقبلك من بعدى ..... انا عارف انك دلوقتى بتسأل سؤال مهم هو انا بكتب المذكرات دى ليه ؟ ..... انا هحكيلك كل حاجه غايبه عنك ..... انا **** خلقنى فى الدنيا دى ضعيف وعمرى ما قدرت اواجه ..... يمكن المره الوحيده اللى واجهت فيها كان وقت جوازى من والدتك ..... كنت طول عمرى عايش فى ضل العيله وفى ضل ابويا ..... مكانش عندى اصحاب غير اتنين بس ..... عمك عمر صقر وعمك سعد صقر ..... كانوا اقرب الناس ليا ...... قبل ما اعرف امك كنت بحب امل صقر بنت عمى وهى كمان كانت بتحبنى وكنا متفقين انى بعد ما اخلص جامعه هنتجوز .... لحد ما جيه اليوم اللى ماكنتش عامل حسابه ...... صحيت فى يوم على زغاريد فى البيت واتفاجئت ان عمك عمر خطب امل وطبعا ابوها وافق ..... وقتها امل جاتلى
• فلاش باك للى حصل ..... عبدالرحمن كان قاعد فوق سطوح البيت ودخلت عليه امل
امل : انت قاعد هنا وانا قالبه عليك الدنيا
عبدالرحمن : عاوزه ايه يا امل
امل : بالبساطه دى بتسأل ..... انت عرفت ان عمر ابن عمى طلب ايدى من ابويا
عبدالرحمن : ايوا عرفت
امل : ومالك بتقولها ولا كأن فى حاجه حصلت
عبدالرحمن : عاوزانى اقول ايه يعنى .... انتى خلاص بقيتى متحرمه عليا حتى لو خطوبتك باظت ..... ابويا وابوكى عمرهم ما هيوافقوا على الجوازه دى ..... ده غير ان لو حصلت المعجزه ووافقوا انا مش هقدر اتجوزك بعد ما صاحبى حبك
امل : ايه الاستسلام اللى انت فيه ده
عبدالرحمن : ده مش استسلام .... ده اسمه امر واقع
امل : الامر الواقع انى حبيت انسان ضعيف وجبان ..... يا خسارة كل ثانيه حبيتك فيها
عبدالرحمن : اسمعينى يا امل
امل : انا خلاص مش هسمع لواحد جبان زيك
• عوده من الفلاش باك
عبدالرحمن : وقتها قلعت سلسله كنت جايبهالها هديه ورمتها فى وشى وسابتنى ..... وبعدها بأقل من شهر كانت تمت الخطوبه وبعدها بسنتين اتجوزت ..... وقتها انا كنت دخلت الجامعه وضغطت نفسى فى المذاكره والشغل علشان انسى امل لكن للأسف كل يوم امل كانت بتكرهنى اكتر من الاول ..... عدت الايام وفى اخر سنه فى الجامعه عرفت ابتسام والدتك يا دياب وحبيتها بجد وصممت اتجوزها ومن هنا بدأت اللعنه والحرب اللى بينى وبين العيله وقطعوا عيشى من الاقصر كلها ..... وقتها اضطريت اسافر القاهره اشتغل هناك ..... واتجوزت والدتك وعشت اجمل ايام ..... بس كانت مشكلتى انى مقاطع عيلتى ..... وقتها اخدت قرار انى لازم اكلم عمر يمكن يحل المشكله وفعلا عمك عمر حاول كتير بس بدون فايده .... ابويا كان رافض يسامحنى ..... بس عمك عمر كان اصيل وبيحاول على قد مقدرته ..... وفى يوم طلب يقابلنى بس بره البيت ورحتله وكان قاعد مع سعد صقر .... انا اول ما شوفت سعد اتضايقت وكنت هسيب المكان بس لولا عمك عمر مسك فيا
عبدالرحمن : عاوز ايه يا عمر
عمر : سعد جاى عاوز يشوفك ويتطمن عليك
عبدالرحمن : ودلوقتى افتكر ..... ما انا ياما حاولت معاه وهو كان بيصدنى
سعد : سامحنى يا عبدالرحمن بس انت عارف ابوك وعمك كويس كان لازم اخدهم على قد عقلهم
عبدالرحمن : وانت جاى ليه دلوقتى يا سعد
سعد : جاى اتطمن على اخويا وابن عمى
عمر : خلاص يا عبدالرحمن انسى اللى فات وخلينا نبدأ من اول وجديد
عبدالرحمن : ماشى يا عمر علشان خاطرك انت بس
وبالفعل اتصالحت انا وسعد وبقى دايما يسأل عليا ويتطمن عليا ..... لحد ما فى يوم كلمنى علشان اشاركه فى مكتب هندسى عاوز يفتحه ..... وقتها رحبت جدا بالموضوع وفتحنا المكتب وكنت بجيبله شغل كتير بحكم معارفى وشغلى فى شركة عمر الالفى ..... ومرت الايام وكل حاجه ماشيه زى الفل ..... لحد قبل موت والدتك بكام شهر ..... حصلت حاجات غريبه كانت بتيجى مكالمات كتير على التليفون الارضى ومجرد ما ارد الخط يفصل ..... الموضوع ده اتكرر كتير جدا لدرجة انى كنت هروح السنترال اغير الرقم لانى وقتها كنت فاكر انها مجرد حد بيعاكس وخلاص ..... لحد ما فى يوم كنت قاعد فى الشركه وجالى تليفون رديت عليه
عبدالرحمن : الوووووووو
المتصل : عبدالرحمن العاصى معايا
عبدالرحمن : ايوا مين معايا
المتصل : انا فاعل خير
عبدالرحمن : وعاوز ايه يا فاعل الخير
المتصل : عاوز انورك وافتح عينيك على اللى بيحصل من وراك
عبدالرحمن : قصدك ايه
المتصل : انت مش ملاحظ بقالك فتره ان فى معاكسات كتير بتجيلك على تليفون البيت
عبدالرحمن : وبعدين
المتصل : مسألتش نفسك قبل كده ياترى مين اللى بيعاكس وياترى هو بيعاكس فعلا ولا ايه الحكايه بالظبط
عبدالرحمن : قصدك ايه بالكلام ده
المتصل : مفكرتش مره تدور وراء مراتك وتعرف هى بتعمل ايه
عبدالرحمن : انا مسمحلكش تجيب سيرة مراتى ام ابنى على لسانك النجس
المتصل : ههههههههههه حلوه دى مراتك ام ابنك ..... وياترى انت واثق فى موضوع ابنك ده
عبدالرحمن : اخرس يا نجس
وقتها قفلت السكه فى وشه وفضل يتصل عليا كتير ويسمعنى الكلام البايخ ده .... فى حاجه جوايا خلتنى اشك فى الكلام بتاعه ..... وقتها قررت اركز مع والدتك بس للأسف ملحقتش لان بعدها بأقل من شهر كانت ماتت والراجل وقف اتصالات بيا .... قررت اصالح ابويا واخدتك معايا ووقتها طردنا من البيت زى ما انت عارف واخدتك ورجعنا القاهره تانى بس ماكنتش قادر اعيش فى البيت تانى خصوصا بعد الكلام اللى عرفته علشان كده قررت اخدك ونسافر .... وقتها قررت حتى لو انت مش ابنى فانت ملكش ذنب وقررت اربيك .... المهم رتبت كل حاجه وعملت توكيل لسعد علشان يدير الشركه لان وقتها المكتب كان كبر .... واخدتك وسافرنا امريكا وبعد ما استقرينا هناك قررت اعرف اذا كنت انت ابنى ولا لا علشان استريح واخدتك وعملت تحليل DNA والحمد *** طلعت ابنى وزال الشك وقررت اعيش معاك وانسى كل كلام الراجل كأنه محصلش من اصله ..... وقررت انى ارجع مصر فى اقرب فرصه واشتغل مع سعد فى الشركه بتاعتنا بس للأسف حصل اللى مكنتش متوقعه ..... سعد سرق نصيبى فى الشركه ..... سعد استغل التوكيل اللى انا عملتهوله وباع لنفسه نصيبى .... وللأسف كالعاده كنت جبان ومقدرتش اواجه وخسرت كالعاده ..... علشان كده قررت اربيك بطريقه مختلفه وقررت انك ترجع البلد تعيش عند خالك وعارف انه هيعاملك وحش وقتها قولت لنفسى انك لو قدرت تستحمل خالك يبقى هتقدر تواجه اى حاجه بعد كده لانى مكنتش اقدر اقسى عليك ..... انا عارف انى غلطت كتير واهم غلطه فى حياتى هى انى كنت جبان ياريتك يابنى تطلع غيرى ..... انا حكيتلك كل حاجه حصلت معادا حاجه واحده ..... امك كانت اشرف واحده فى الدنيا واللى اكتشفته بعد كده ان اللى كان بيتصل بيا ده كان بترتيب من امل صقر واخواتى ومعاهم سعد صقر .... سامحنى يابنى انا عارف انى بحطك فى وش المدفع وده فى حد ذاته جبن بس عندى امل انك ترجع حقى
• قفل دياب الاجنده وقعد يعيط ويتوعد لأمل وكل العيله .... فجأه الباب خبط ودخلت ليندا وشافت دياب بيعيط ..... جريت عليه واخدته فى حضنها
ليندا : مالك يا حبيبى فيك ايه
دياب : ........
ليندا : اتكلم يا دياب انا سامعاك
دياب : بقالك كتير ماقولتيش اسم دياب
ليندا : لانى حاسه انك بتعيط بسبب مشاكل تخص دياب مش ادم
دياب : وايه الفرق بين دياب وادم ..... الاتنين نفس الشخص
ليندا : جايز يكونوا نفس الشخص لكن لكل واحد فيهم تفكير مختلف عن التانى .... كل واحد فيهم ليه مشاكله ..... بس الفرق بين الاتنين كبير جدا ..... دياب بيبكى على مشاكل شخصيه وقديمه ومش قادر يواجهها وبيحاول يهرب منها .... لكن ادم بيبكى على مشاكل بلد بحالها ومع ذلك واقف يواجهها بكل قوه وعزم
دياب : لان ادم لو حل مشاكل دياب البلد كلها هتخرب ..... ادم هيدمر كل حاجه فى طريقه وساعتها مش بس هيكسب اعداءه لا ده هيخسر حبايبه كمان .... هيخسر سليم وريهام وناس كتير ملهاش ذنب ممكن تدفع التمن
ليندا : ده مش ادم اللى انا اعرفه .... ادم اللى انا عارفاه بيعرف يخطط كويس علشان يقدر يكسب كل الاطراف
دياب : ده فى المشاكل العاديه لكن دلوقتى ادم بيتحرك وجواه نار دياب اللى ممكن تخلص على الكل
ليندا : يبقى لازم تفصل بين ادم ودياب وساعتها بس هتكسب الكل
دياب : انا بحبك اوووى يا ليندا
ليندا : بقالى كتير ماسمعتهاش منك
دياب : ازاى بقى وانا على طول بقولهالك
ليندا : انت بتقولى كلمة بحبك كل يوم تقريبا بس تقريبا من كتر ما سمعتها منك ودنى اتعودت عليها لكن دلوقتى بتقولها بإحساس مختلف طالع من جوه قلبك
دياب : انتى جوه قلبى وهتفضلى كده طول العمر
ليندا : انا كمان بعشقك يا حبيبى
دياب : طب يلا اطلعى علشان معايا شغل عاوز اخلصه
ليندا : ريح نفسك يا حبيبى شويه .... وبعدين انت معاك حفله مهمه بكره ولازم تكون مركز
دياب : علشان كده بقولك اطلعى وسيبينى محتاج اظبط كام حاجه علشان الحفله
ليندا : حاضر يا حبيبى هسيبك دلوقتى بس انت لازم تنام بدرى
دياب : حاضر يا حبيبتى ساعة كده وهطلع انام
• من ناحيه تانيه عند استر فى المزرعه قاعده مع البيرت
استر : عملت ايه مع سعد
البيرت : كل شئ تمام ..... اتفقت معاه على الخطه البديله
استر : لقيت طريقه تدخل بيها القنبله للمبنى
البيرت : اتفقت مع الشركه اللى بتورد الاغذيه للفندق وبكره الصبح القنبله هتكون موجوده فى مكانها
استر : كده تمام
البيرت : وعرفت كمان ان احمد صقر وابن عمه هيحضروا الحفله
استر : يعنى كل الحبايب هتتجمع
البيرت : تحبى نبعت حد يخلص على سليم صقر فى نفس وقت الحفله
استر : خليك ذكى يا البيرت وبطل الغباء بتاعك ده
البيرت : ليه بس دى فرصه نخلص من الكل
استر : اول حاجه لازم تاخد بالك منها ان لازم قبل التفجير دياب يخرج من الحفله
البيرت : انتى عارفه معنى الكلام ده ايه ..... دياب ممكن يقلبها حرب لو خرج من الحفله
استر : مش هيلحق الضربات هتنزل على دماغه واحده وراء التانيه
البيرت : مش عارف اقولك ايه
استر : دياب لازم يدفع تمن وقوفه قصادى .... الموت عقاب بسيط جدا على اللى عمله ..... دياب لازم يركع على رجلى ويبوسها علشان بس ارحمه واموته
البيرت : على العموم انا هتصرف واخرجه من الحفله قبل التفجير
استر : وعاوزاك كمان تخرج احمد صقر
البيرت : ليه كمان
استر : انت مش بتقول ان احمد صقر بدأ يشك فى دياب
البيرت : مصادرنا عند احمد صقر بتأكد الموضوع ده
استر : ولما احمد صقر يعرف ان دياب هو اللى وراء التفجير ده علشان يخلص من سليم الجراح ويستولى على الشركه ويخلص من احمد صقر ومحمد ابن عمه علشان ينتقم من العيله ويسيطر عليها تخيل وقتها ايه اللى ممكن يحصل خصوصا بعد موت محمد صقر
البيرت : وقتها هتقوم حرب بين احمد صقر ودياب ..... حرب محدش عارف هتنتهى على ايه
استر : هتنتهى ان فى واحد فيهم هيخلص على التانى .... واللى هيعيش فيهم احنا هنتصرف معاه
البيرت : دماغك دى داهيه
استر : عرفت ليه انا رفضت انك تبعت حد يقتل سليم صقر .... وقتها احمد صقر كان هيشك ان فى حد تانى اللى وراء الحكايه دى
البيرت : عندك حق ..... هنعمل ايه دلوقتى
استر : دلوقتى هخرج انا وانت بس ونسيب الحراسه هنا زى ما هى
البيرت : هنروح فين
استر : هنروح المكان الجديد ..... اللى هنعمله بكره عامل زى اللى بيخرج اسد من القفص بتاعه ..... وقتها الاسد ممكن ياكل اى حد يجى فى طريقه
البيرت : هنروح فين
استر : مكان جديد خالص مفيش اى حد ممكن يتوقعه
البيرت : والحراسه اللى هنا
استر : انا حاسه ان فى جاسوس وسطهم وهو اللى بلغ دياب بالمكان ده علشان كده فى طقم حراسه جديد وصل النهارده ومنتظر فى المكان الجديد
البيرت : طب تمام ..... بس انا عندى فكره احسن
استر : فكرة ايه
البيرت : طالما بتقولى انك شاكه ان فى جاسوس فى الحراسه .... لو خرجنا دلوقتى وسيبنا الاستراحه هيعرف ان فى حاجه وهيبلغ دياب باللى حصل ووقتها ممكن دياب ياخد حذره اكتر
استر : عندك حق
البيرت : علشان كده احنا ناخد الليله دى زى ما تكون هنا وبكره بعد الحفله نتحرك على المكان الجديد
استر : ايه الافكار دى يا البيرت ..... ايوا كده حسسنى بقوتك
البيرت : انا بعرف افكر بس انتى مش بتدينى فرصه
استر : ماشى يا سيدى .... يلا روح شوف نفسك هتعمل ايه
البيرت : حاضر
• نرجع عندى تانى يوم قبل الحفله لبست وجهزت ونزلت لقيت بنات عمى قاعدين ومعاهم يوسف
لمياء : ايه الشياكه دى كلها
انا : عجبتك
لمياء : ابن عمى قمر يا ناس
انا : ايه رائيك يا مريم
مريم : انا زعلانه منك
انا : زعلانه ليه بس
مريم : علشان رافض تاخدنى معاك ..... المفروض انا خطيبتك والحفلات اللى زى دى لازم احضرها
انا : معلش يا مريم سامحينى المره دى
مريم : ليه بقى
انا : الحفله دى خطر جدا ووارد جدا انا مارجعش منها وانا مش عاوز حاجه تأذيكى
مريم : وانت لما تقول الكلام ده متبقاش بتأذينى
يوسف : انت فى حاجه مخبيها يا سليم
انا : لا مفيش حاجه يا يوسف بس انا بطبعى بقيت متشائم وبقيت اخاف من كل حاجه
يوسف : ياعم متخافش وكل حاجه هتعدى
انا : تعالى معايا يا يوسف عاوزك
يوسف : حاضر يا سليم
مريم : فى ايه يا سليم
انا : مفيش حاجه يا مريم بس انا عاوز يوسف
يوسف : تعالى يا سليم
• اخدت يوسف وخرجنا من الفيلا
يوسف : خير يا سليم فى ايه
انا : عاوز اوصيك على بنات عمى
يوسف : ليه بتقول كده يا سليم
انا : اسمعنى بس يا يوسف ومتقاطعنيش
يوسف : حاضر يا سليم
انا : انت صاحبى واخويا وعشرة عمرى ومش بثق فى حد غيرك علشان كده لو حصلى حاجه بنات عمى امانه فى رقبتك يا صاحبى
يوسف : حاضر يا سليم
انا : مع السلامه يا صاحبى
• من ناحيه تانيه عند دياب فى الفيلا بتاعته لبس ونزل وكانت ريهام وليندا قاعدين
دياب : انا خارج عاوزين حاجه
ليندا : لا يا حبيبى ..... على فكره بابا اتصل وبيستعجلك وبيقول ان فى ناس وصلوا
دياب : انا هكلمه
ريهام : انت هتتاخر يا دياب
دياب : مش عارف بس غالبا هتاخر
ريهام : طب ممكن اطلب منك طلب
دياب : خير
ريهام : ماما مسافره البلد بكره .... ممكن لو مش هيضايقك اروح اسهر معاها النهارده
دياب : مفيش مشكله
ليندا : انا بقى هتعشى وانام
دياب : ممكن اسألك سؤال لو مش هيضايقك يا ليندا
ليندا : مقدرش اتضايق منك يا حبيبى
دياب : هى دى المره الكام اللى هتتعشى فيها
ليندا : دايما ظالمنى ..... على فكره دى المره الاولى اللى هتعشى فيها
دياب : ههههههههه طب عينى فى عينك
ليندا : المره التانيه استريحت
دياب : ههههههههه ايوا كده ..... اموت واعرف الاكل ده كله بيروح فين انتى حتى وزنك زايد حاجه بسيطه جدا مش لايق على كمية الاكل اللى بتاكليها
ليندا : انت هتحسدنى ولا ايه
دياب : ولا احسدك ولا حاجه بالهنا والشفاء يا ستى ..... على العموم اتعشى ونامى انا ممكن اتاخر
ليندا : حاضر يا حبيبى
• خرج ادم من الفيلا وقابلنى واتحركنا مع بعض ووصلنا الحفله
انا : تفتكر استر هتحضر الحفله
دياب : استر اتحركت دلوقتى من الاستراحه وفى طريقها للحفله هى كلمتنى قبل ما انزل
انا : بسهوله كده
دياب : لا طبعا مش بسهوله .... استر فاكره نفسها هتعرف تورطنا فى الحفله وتضربنا بالقاضيه
انا : ازاى مش فاهم
دياب : لما استر تحضر الحفله والصحافه تاخدلها كام صوره ومعاهم كام خبر ينزل فى الصحف المصريه والعالميه ويقولوا ان احنا عاملين علاقات بالصهاينه ومطبعين وقتها مركزنا فى البورصه هيتهز ده غير حملات المقاطعه اللى هتبقى ضددنا
انا : ما انا قولتلك على الموضوع ده قبل كده وحزرتك
دياب : متقلقش انا عامل حساب الموضوع ده كويس جدا
انا : عامل حسابك ازاى مش فاهم
دياب : مفيش اى صحفى او مصور هيدخل الحفله غير اللى تبعنا .... ده غير ان فى اجهزة تشويش وصلت النهارده من امريكا هتمنع اى حد من انه يصور اى حاجه غير المصورين اللى تبعنا ..... ده غير الجاردات اللى هينتشروا فى الحفله وفى منهم اللى هيبقى مسئول عن استر ومش هيخليها تتصور ولا صوره واحده
انا : برضه وارد جدا يحصل خطأ مش متوقع
دياب : بص يا سليم مفيش اى حاجه نقدر نتوقعها .... احنا بنعمل اللى علينا مش اكتر
انا : **** يعدى الليله دى على خير
دياب : هتعدى متخافش
انا : امال كريم فين مش ظاهر
دياب : كريم موجود فى غرفة المراقبه وكلها عشر دقايق ويقطع الشبكه عن المكان كله
انا : احسن حاجه اننا اختارنا قاعه معزوله عن الفندق علشان نقدر نتحكم فيها
دياب : كان لازم اعمل كده محدش ضامن الظروف
انا : بس احنا لو قطعنا الشبكه هنبقى معزلوين ومش هنعرف اى حاجه عن اللى بيحصل بره القاعه
دياب : متخافش يا سليم تليفونى وتليفونك مش هيتقطع عنهم الشبكه نهائى
انا : استر يعقوب
دياب : مالها
انا : وصلت
دياب : يا اهلا بالمعارك .... تعالى معايا نرحب بيها
انا : يلا بينا
• اتحركنا ناحية استر يعقوب
استر : ازيك يا دياب .... ازيك يا سليم
انا : بخير
دياب : حضورك الحفله ده تشريف كبير
استر : واضح جدا بأمارة ان رجالتك منعوا الجاردات بتوعى من الدخول
دياب : دى اجراءات امنيه علشان سلامتك مش اكتر وعلشان تعرفى معزتك عندى انا مجهزلك جارد خاص من بتوعى يكون تحت امرك وفى شرف حمايتك
استر : مشوارنا طويل مع بعض يا دياب
دياب : اهم حاجه يكون نفسك طويل
استر : متخافش انا نفسى اطول مما تتخيل ولا ايه رائيك يا سليم
انا : رأيى فى ايه بالظبط
استر : يعجبنى فيك يا سليم انك تبان هادى ومسالم وان دياب هو اللى مسيطر لكن الحقيقه غير كده تماما
انا : هههههههه انتى ظالمانى
استر : فى مثل مصرى قديم بيقول ياما تحت السواهى دواهى
دياب : ههههههه وفى مثل تانى بيقول مياه من تحت تبن
استر : بالظبط كده ..... سليم الجراح كده بالظبط عامل زى البحر ممكن تشوفه هادى ومسالم لكن فى لحظه يغضب ويثور
انا : ايه اللى خلاكى تقولى الكلام ده
استر : مبروك خطوبتك من مريم
انا : **** يبارك فيكى
استر : كده هتقدر تسيطر على نصيب مريم فى شركات الجراح وبكده انت بقيت الشريك الاكبر فى المجموعه زى ما انت كمان الشريك الاكبر فى شركة الفهد الاسود
انا : هههههههههه انتى محروقه علشان المناقصه رسيت على شركة الفهد الاسود
استر : لعبتوها صح وعرفتوا تكسبوا المناقصه من احمد صقر
انا : البقاء للأذكى
استر : دياب ذكى جدا وعرف يختار شريكه بعنايه
دياب : سليم اسد والدنيا علمتنى حاجه مهمه اووووى
استر : ايه الحاجه دى
دياب : فى الدنيا راهن على الاسد تلقى الرهان كسبان ..... لكن انتى بتراهنى على الحمار اللى اسمه سعد علشان كده بتخسرى قصادى
استر : وانت راهنت وكسبت يا دياب بس لسه اللعبه ماخلصتش
دياب : طول ما انتى مش عارفه تزرعى جاسوس عندى يبقى انا متطمن
استر : مين قالك انى مش زارعه جاسوس عندك
دياب : هههههههه كان غيرك اشطر ..... لو كنتى عارفه تزرعى جاسوس عندى كنتى هتقدرى تعرفى مين الجاسوس اللى انا زارعه عندك
استر : مش ساهل انت يا دياب بس برضه انا استر يعقوب وبكره ردى هيوصلك
دياب : ههههههههه قصدك على الكام صحفى اللى حاولتى تدخليهم علشان يصوركى فى الحفله وينشروا على كل المواقع
استر : ..........
دياب : ههههههه ساكته يعنى ..... متخافيش عليهم احنا استقبلناهم احسن استقبال وبياخدوا واجبهم وبعد الحفله تقدرى تستلميهم
استر : برافو .... كسبت برضه المره دى بس المره اللى جايه ما اعتقدش انك هتقدر تكسب فيها
دياب : طول ما انا سابقك بخطوه يبقى هفضل دايما كسبان
استر : بيتهيألك
دياب : بكره نشوف
استر : ههههههههههه بكره بقى
دياب : معلش بقى انا مضطر اسيبك علشان ارحب بالضيوف
استر : اتفضل يا دياب
• شاور دياب للجارد وجيه
الجارد : اوامرك يا فندم
دياب : عاوزك ترافق الهانم زى ما فهمتك وتخلى بالك منها واياك تقصر فى حمايتها
الجارد : متقلقش يا فندم
دياب : عن اذنك يا مدام
استر : اتفضل يا دياب
• اخدت دياب ومشينا من عند استر
انا : تفتكر استر تقصد حاجه بكلمة بكره بقى
دياب : متخافش يا سليم كله تحت السيطره
انا : مش عارف ليه انا مش متطمن
دياب : انت خايف تموت
انا : انا عمرى ما خوفت من الموت
دياب : على فكره مش عيب تخاف من الموت .... العيب انك تموت من الخوف
انا : لو كنت بخاف من الموت ماكنتش مشيت فى سكتك انت وعمى ولا عملت اللى انا بعمله
دياب : تفتكر استر عرفت حاجه عن اللى انت بتعمله ولا ممكن تكون بتهوش
انا : مش عارف بصراحه .... بس انت كمان لعبت فى دماغها بحكاية الجاسوس اللى احنا زارعينه عندها
دياب : لازم اخليها تخاف وتشك فى كل اللى حواليها ..... الانسان مننا لما بيخاف بيغلط وهو ده المطلوب
انا : احنا لازم نزرع جاسوس عند استر
دياب : ومين قالك انى مش زارع جاسوس
انا : ايه ده طب ازاى ومين الجاسوس ده
دياب : بعدين هحكيلك
انا : الحق احمد ومحمد صقر وصلوا
دياب : ده كمان معاهم ابراهيم ..... حلو يبقى احمد صقر بيفكر زى ما انا مخطط
انا : طب يلا بينا نرحب بيهم
دياب : يلا بينا
• روحنا رحبنا بيهم وسلمنا عليهم
دياب : غريبه يا ابراهيم انت قولت انك مسافر شرم ومش هتقدر تحضر الحفله
ابراهيم : معلش بقى احمد صمم احضر الحفله علشان نصلح المشاكل اللى حصلت
دياب : مفيش اى مشاكل حصت كل الحكايه سوء تفاهم مش اكتر
محمد : خير با دياب فى حاجه حصلت
انا : مفيش اى حاجه يا محمد وبعدين انتوا فى الاول والاخر اهل
محمد : عندك حق يا سليم
انا : على العموم اهلا وسهلا بيكم فى الحفله انتوا بجد شرفتونا
ابراهيم : الشرف لينا يا استاذ سليم وانا سعيد جدا انى اتعرفت على حضرتك واتمنى يكون فى شغل بينا فى الفتره اللى جايه
انا : احنا بنرحب بأى حد عاوز يشتغل معانا يا استاذ ابراهيم
دياب : على العموم ده مش وقته ..... ياريت يا ابراهيم قبل ما تسافر نتقابل ونشوف احنا ممكن نشتغل مع بعض فى ايه
ابراهيم : انا راجع اسبانيا بعد اسبوع
دياب : مفيش مشكله انت معاك ارقام تليفوناتى كلمنى فى اى وقت ونحدد معاد
ابراهيم : اوك
• عدت ساعه والحفله ماشيه تمام واستر فشلت خطتها فى انها تعمل موضوع الصور ده .... قررت تمشى علشان تنفذ الخطه البديله .... راحت لدياب اللى كان واقف لوحده
استر : انا ماشيه يا دياب
دياب : لسه بدرى
استر : معلش بقى مش بحب جو الحفلات
• فجأه تليفون دياب رن وكانت ليندا
دياب : ايوا يا حبيبتى
ليندا : الحقنى يا ادم بموت
دياب : مالك يا حبيبتى
ليندا : حاسه انى بطنى بتتقطع
دياب : طب اقفلى وانا هبعتلك الاسعاف ومسافة السكه واكون عندك
ليندا : ماما طلبت الاسعاف
دياب : طب انا هتحرك دلوقتى خدى بالك من نفسك يا حبيبتى
• قفل دياب مع ليندا
استر : خير يا دياب
دياب : اتمنى يكون خير واتمنى كمان يكون اللى حصل ده مش بسببك لانى اقسم برحمة ابويا هخليكى تتمنى الموت من اللى هعمله فيكى
استر : متخافش يا دياب احنا معملناش حاجه لمراتك
دياب : اتمنى
• خرج دياب يجرى من القاعه وبعده استر
• نرجع عندى انا كنت واقف مع احمد صقر وابراهيم ومحمد صقر بنرغى ودخل علينا كريم الحارس الشخصى بتاع دياب .... اخدت كريم على جمب
انا : دياب فين يا كريم مش ظاهر
كريم : دياب اضطر يمشى شكلها كده فى مشكله فى الفيلا
انا : مشكلة ابه وانت ليه ماروحتش معاه
كريم : تقريبا مراته تعبت وهو طلب منى اكمل الحفله ربما تحصل اى مشكله هنا
انا : استر راحت فين
كريم : استر كمان مشيت
انا : **** يستر علشان انا مش متطمن
كريم : ماتقلقش يا فندم كل حاجه تحت السيطره
• فجأه واحد من رجالة كريم جيه يجرى وكلمه على جمب
انا : فى ايه يا كريم
كريم : فى حد بيحاول يخترج السيستم الامنى
انا : دى مصيبه
كريم : انا هروح اشوف فى ايه وامن الدنيا كويس
انا : استنى انا جاى معاك
كريم : مينفعش با سليم لازم انت تبقى موجود مع الضيوف علشان محدش يشك فى حاجه كفايه دياب مشى
انا : طب روح بسرعه
• فجأه دخل عليا احمد صقر
احمد : معلش يا سليم انا مضطر استاذن
انا : رايح فين كده بدرى
احمد : اتصلوا بيا فى الشركه محتاجينى ضرورى ومعرفتش افهم منهم حاجه فى التليفون
انا : اتفضل يا احمد
احمد : على العموم محمد قاعد معاك لأخر الحفله وهو عاوز يكلمك فى شغل
انا : مفيش مشكله اتفضل يا احمد ولينا كلام مع بعض بعدين
احمد : مع السلامه
• من ناحيه تانيه استر خرجت من القاعه بس قاعده قريب منها علشان تتابع اللى بيحصل ومعاها البيرت وواحد تانى
استر : كده احمد صقر خرج من الحفله
البيرت : كده الخطه ماشيه تمام
استر : دلوقتى بقى نقدر ننفذ الخطوه الاخيره
البيرت : احنا قدرنا نسيطر على السيستم بتاعهم
استر : اضرب دلوقتى
البيرت : حاضر
ياترى ايه اللى هيحصل ده بقى اللى هنعرفه الجزء اللى جاى واشوفكم بخير
الجزء الثامن
• وقفنا الجزء اللى فات على الحفله بعد ما دياب مشى بسبب مكالمة ليندا ومن بعده احمد صقر وبعد كده فى حد بيحاول يخترق السيستم الامنى للحفله .... كل ده حصل وانا قاعد فى الحفله ومش عارف ايه تانى ممكن يحصل .... فجأه دخل عليا ابراهيم
ابراهيم : مالك يا سليم شكلك متوتر
انا : فى مشكله يا ابراهيم
ابراهيم : مشكلة ايه
انا : انا هقولك علشان لازم نلحق نتصرف قبل فوات الاوان
ابراهيم : خير انت قلقتنى
انا : فى حد بيحاول يخترق السيستم الامنى للحفله
ابراهيم : متخافش يا سليم السيستم اللى انتو شغالين بيه انا اللى مصممه ومفيش مخلوق يقدر يخترقه
انا : للأسف تم الاختراق ولو لاحظت ان الشبكه رجعت على تليفون احمد صقر معنى كده ان فعلا تم اختراق السيستم
ابراهيم : وانا قولتلك متخافش ..... انا هروح غرفة المراقبه وانت حاول تغطينى وانا هتصرف
انا : طب روح بسرعه
• ابراهيم سابنى وراح غرفة المراقبه وكان كريم والمهندس المسئول عن التأمين موجودين
ابراهيم : ايه اللى بيحصل بالظبط
المهندس : يافندم فى حد بيحاول يخترق السيستم وبالفعل السيستم وقع لمدة عشر دقايق وانا قدرت اسيطر عليه من تانى وشغلت السيستم الاحتياطى
ابراهيم : ازاى ده يحصل من غير ما تبلغنى
المهندس : مكانش ينفع اسيب مكانى لحظه واحده لان كده خطر وانا بعت حد يبلغ الاستاذ سليم
ابراهيم : طب قوم من مكانك وانا هتصرف وحسابى معاك بعدين
المهندس : اوامرك يا فندم
ابراهيم : قدرت تحدد مكان اللى بيحاول يخترق السيستم
المهندس : للأسف مقدرتش انا كان كل همى ارجع السيستم فى اسرع وقت ممكن
كريم : طب دلوقتى هنعمل ايه يا ابراهيم
ابراهيم : متقلقش يا كريم دى لعبتى وانا هعرف اوقعهم فى المصيده كويس
كريم : تفتكر ممكن يكون فى قنبله هنا فى القاعه
ابراهيم : ده شئ اكيد علشان كده بيحاولوا يخترقوا السيستم
كريم : بس مستحيل يكون فى قنبله فى القاعه
ابراهيم : مش شرط يكون فى القاعه ..... وارد يكون فى المطبخ او الحمام
كريم : انا هبعت الرجاله يفتشوا المطبخ والحمام
ابراهيم : ابعت الرجاله وانا هراجع الكاميرات واشوف ممكن الاقى القنبله فين
• قعد ابراهيم يقلب فى الكاميرات على امل يلاقى حاجه
المهندس : استنى يا فندم
ابراهيم : فى ايه
المهندس : بص كويس فى كاميرا الجراج
ابراهيم : مالها
المهندس : فى ضيفه دخلت ومعاها 3 عربيات بس لما خرجت كان معاها عربيتين بس ..... والعربيه الموجوده ده واحده منهم وانا متاكد
كريم : ورينى كده ..... دى عربيه من عربيات استر
ابراهيم : ابعت بسرعه حد من رجالتك يشوف العربيه دى ويكون معاه حد متخصص فى القنابل
كريم : انا هتحرك بنفسى وانت تابع السيستم كويس
ابراهيم : متخافش انا مركز معاهم كويس
• اخد كريم رجالته واتحرك ناحية الجراج .... قرب كريم من العربيه بحذر وفتح شنطتها بمنتهى الحذر وفعلا اتفاجئ بوجود قنبله حديثه
كريم : طلع فعلا فى قنبله تانيه غير بتاعة الصبح .... استر مش بتهزر
واحد من الجاردات : انا كلمت المتخصص ودقايق وهيكون موجود
كريم : مفيش وقت
الجارد : هتعمل ايه يا فندم
كريم : انا هبطلها بنفسى .... ابعد انت والرجاله
الجارد : بس كده خطر على حضرتك
كريم : نفذ الاوامر وابعد
الجارد : حاضر يا فندم
• من ناحيه تانيه عند ليندا وصلت المستشفى ودياب حصلها على هناك وكانت فى الاوضه مع الدكتور ومعاها مارى ..... اضطر دياب ينتظر لحد ما الدكتور خرج بعد ربع ساعه
دياب : خير يا دكتور طمنى
الدكتور : خير يا فندم اتطمن
دياب : ايه اللى حصل
الدكتور : تقريبا كان فى حد عاوز يخلص من البيبى
دياب : ازاى يعنى
الدكتور : واضح ان المدام شربت عصير وكان فى حاجه كده ..... بس من حسن الحظ انها شربت حته صغيره جدا والاحسن من كده انها رجعت قبل ما المفعول يشتغل بصوره اقوى
دياب : يعنى ليندا كويسه دلوقتى
الدكتور : متخافش هى كويسه والبيبى كمان كويس
دياب : الحمد ***
الدكتور : بس انا هضطر ابلغ الشرطه
دياب : اياك تفكر تعمل حاجه زى دى ساعتها انا ممكن ادفنك صاحى
الدكتور : بس يا فندم اللى عمل كده ممكن يكررها تانى
دياب : متخافش مش هيلحق يكررها تانى
الدكتور : اوامرك يا فندم
دياب : امشى انت دلوقتى وانا هدخلها
الدكتور : حاضر
• دخل دياب عند ليندا
دياب : حمد **** على سلامتك يا حبيبتى
ليندا : **** يسلمك يا حبيبى
دياب : ايه اللى حصل بالظبط
ليندا : بعد ما انت مشيت للحفله انا كنت جعانه وطلبت من سميره الشغاله تحضر العشاء وتطلعه الاوضه عندى .... يادوب اكلت ولسه هشرب العصير حسيت طعمه متغير قولت يمكن اكون بتوحم وسيبته بعدها بنص ساعه حسيت معدتى تعبانى وعاوزه ارجع دخلت الحمام وقعدت ارجع بس الوجع شغال ومش راضى يسكت ناديت على ماما واتصلت بالاسعاف بعد كده من كتر الوجع حسيت انى ممكن اموت واتصلت بيك بس كده ده كل اللى حصل
دياب : انا هعرف شغلى كويس مع اللى عمل كده
ليندا : هتعمل ايه
دياب : ارتاحى انتى بس ومتشغليش بالك
ليندا : انا هخرج امتى من المستشفى
دياب : شويه كده وهاخدك ونرجع
مارى : مين اللى عمل كده فى بنتى يا دياب
دياب : انا هعرف مين اللى عمل كده وساعتها هخليه يتمنى الموت من اللى هعمله فيه
ليندا : ابوس ايدك مش عاوزه اسمع الكلام ده منك
دياب : طب ارتاحى انتى بس
• من ناحيه تانيه عند استر والبيرت قاعدين فى العربيه ومعاهم المهندس بتاع الكمبيوتر اللى بيعطل السيستم
استر : ممكن تفهمنى ايه اللى حصل بالظبط
المهندس : انا قدرت اعطل السيستم بس للاسف هما كان عندهم سيستم احتياطى شغلوه بسرعه ودلوقتى بحاول اعطل فيه
استر : اخلص بسرعه
المهندس : انا بحاول يا فندم
البيرت : دياب طلع مش ساهل يا استر
استر : الفكره مش فى دياب ..... الفكره فى اللى بيشغلهم معاه ..... دياب بيشغل معاه ناس بتفهم لكن انا للأسف بشغل معايا بهايم
البيرت : انا قربت ايأس من اللى بيحصل فينا ده
استر : انا عمر ما اليأس عرف طريق لعقلى .... يا انا يا انت يا دياب وانا وراك والزمن طويل
المهندس : انا قدرت اخترق السيستم
استر : برافو ..... فجر القنبله بسرعه
المهندس : حاضر يا فندم
استر : ليه القنبله مافرقعتش
المهندس : مش عارف يا فندم
استر : جرب القنبله التانيه
المهندس : للأسف الاتنين مش شغالين
البيرت : الظاهر كده اتكشفنا لما اخترقنا السيستم فى المره الاولى
استر : طب اتحرك بسرعه قبل ما حد يحس بينا
البيرت : حاضر
• من ناحيه تانيه عند كريم والجاردات اللى معاه
كريم : كده تمام ..... تمت المهمه بنجاح
الجارد : الحمد *** بس كده كان ممكن تضحى بحياتك يافندم
كريم : متخافش عليا انا واخد فرقة مفرقعات
الجارد : حضرتك هنعمل ايه دلوقتى
كريم : خلاص الحفله تقريبا قربت تخلص ..... عاوزك تنتشر انت والرجاله فى المكان كويس
الجارد : حاضر يا فندم
كريم : انا رايح غرفة المراقبه
• طلع كريم غرفة المراقبه وكنت موجود انا وابراهيم
انا : ايه الاخبار يا كريم
كريم : متخافش يا فندم كل حاجه تحت السيطره
انا : العربيه دى بتاعة استر فعلا
كريم : للأسف ايوا
انا : يعنى قنبلتين فى نفس اليوم
كريم : هما الصهاينه كده لازم يبقى دايما عندهم اكتر من خطه وسيناريو
انا : الواحد خلاص قرف منهم
كريم : هنعمل ايه دلوقتى
انا : اتحرك زى الاتفاق بالظبط
كريم : بس احنا بنكشف الورق بتاعنا كده
انا : لازم يا كريم لكل فعل رد فعل .... وده انسب رد فعل للى حصل النهارده
كريم : حاضر يا سليم انا هسمع كلامك
انا : اتحرك انت دلوقتى وانا لازم ارجع الحفله علشان الوقت اتاخر والناس هتبدأ تمشى وانا لازم اكون موجود ..... وانت يا ابراهيم خليك هنا متتحركش ولو محمد صقر سأل عليك هقوله ان جالك تليفون واضطريت تستأذن
ابراهيم : طب تمام ... روح يا سليم
• كريم اتحرك وانا رجعت للحفله وقعدت تقريبا ساعه لحد ما كل الضيوف مشيوا والحفله خلصت وبعدها رجعت الفيلا
• من ناحيه تانيه عند استر قاعده فى الاستراحه وهتشيط من الغضب
استر : يعنى ايه كل ما نحفر حفره لدياب يخرج منها اقوى من الاول ولا كأن فى حاجه
البيرت : المعنى الوحيد للكلام ده ان دياب زارع جاسوس عندنا وبينقل كل تحركاتنا
استر : هو فعلا لمح لحاجه زى دى .... بس مين الجاسوس ده
البيرت : اكيد حد من الموجودين فى الاستراحه القديمه
استر : علشان كده قررت نتنقل للإستراحه دى
البيرت : يعنى مفيش حد يعرف مكان الاستراحه دى
استر : لا متقلقش مفيش اى حد يعرف المكان ده
• فجأه الباب خبط ودخل جارد من الجاردات
استر : خير فى ايه
الجارد : فى واحد بره عاوز يقابل حضرتك وبيقول ان فى معاد مع حضرتك
استر '' بخضه " : مين ده
الجارد : اسمه كريم ويبقى الحارس الشخصى بتاع مستر دياب
استر : انت متاكد
الجارد : ايوا يا فندم
استر : خليه يدخل بس من غير سلاح
الجارد : هو فعلا جاى من غير سلاح بس معاه هديه بيقول انها من مستر دياب
استر : خليه يدخل
• بعد ما خرج الجارد
البيرت : عرف الاستراحه دى ازاى
استر : وارد يكونوا مراقبينا ولا حاطين جهاز تجسس فى العربيه بتاعتى
البيرت : تفتكرى كريم جاى ليه وايه الهديه اللى معاه
استر : دلوقتى هنعرف
• دخل كريم
استر : خير يا كريم
كريم : اتفضلى يا فندم دى هديه باعتها مستر سليم ومستر دياب
استر : ايه الهديه دى
كريم : افتحيها يا فندم متخافيش مفيهاش حاجه خطر
استر : استر يعقوب مش بتخاف يا كريم
كريم : افتحى الهديه
• فتحت الهديه وكان فيها المتفجر بتاع القنبلتين
استر : ايه ده يا كريم
كريم : ده المتفجر بتاع القنبلتين اللى كانوا موجودين فى الحفله
استر : هى الحفله كان فيها قنابل
كريم : ايوا يا فندم وفى قنبله منهم كانت فى عربيتك .... دياب وسليم باعتين معايا رساله مهمه ليكى
استر : رسالة ايه
كريم : بيقولولك لما تلعبى ياريت تلعبى بشرف لان لو على الموت والقنابل هما يقدروا يقتلوكى فى لحظه
استر : افهم من كده انهم باعتين معاك تهديد
كريم : لا يا فندم التهديد وصل قبلى ..... انا واحد دخلت عندك من غير سلاح لان سلاحنا عندك
استر : يعنى ايه مش فاهمه
كريم : يعنى الكرسى اللى حضرتك قاعده عليه هتلاقى تحته قنبله
• قامت استر مفزوعه من على الكرسى
كريم : متخافيش دى قنبله ملهاش لازمه مش شغاله بس مستر دياب وسليم بيبلغوكى المره اللى جايه هتكون قنبله حقيقيه وساعتها ماتلوميش غير نفسك
استر : .......
كريم : عن اذنك امشى انا علشان مستر دياب منتظرنى
استر : امشى يا كريم
كريم : معلش نسيت حاجه
استر : نسيت ايه
كريم : مستر دياب بيقولك ياريت ماتغيريش مكانك كل شويه لانه برضه هيعرف المكان الجديد وهتلاقى الهديه مستياكى فيه قبل ما توصلى ..... هو بس خايف على تعبك
استر : امشى يا كريم بدل ما اقتلك
كريم : ههههههههههههه انا مقدر غضبك .... عن اذنك
• خرج كريم واستر اشتغلت تكسير فى كل حاجه تيجى قصادها
البيرت : اهدى يا استر
استر : ماتقوليش الكلمه ده علشان بتعصبنى
البيرت : حاضر بس لازم نفكر فى حاجات كتير اهم من التكسير والعصبيه بتاعتك
استر : سيبنى لوحدى يا البيرت دلوقتى
البيرت : حاضر هسيبك دلوقتى
• من ناحيه تانيه دياب وليندا خرجوا من المستشفى وراحوا الفيلا وبعدها كريم وصل الفيلا ..... وكانت ريهام وامل صقر موجودين
ريهام : حمد **** على سلامتك يا ليندا
ليندا : **** يسلمك يا ريهام
امل : خير يا دياب ايه اللى حصل
دياب : مفيش حاجه حصلت ده دلع حمل مش اكتر
امل : لو على الدلع مفيش مشكله
دياب : سميره فين
ريهام : عاوزها فى ايه
دياب : يا سميره ..... انتى يا زفت
ريهام : فهمنى بس ايه فى
دياب : قولتلك مفيش حاجه
ليندا : اهدى يا ادم
سميره : ايوا يا فندم
دياب : تعالى عاوزك .... يا كريم
• دخل كريم الفيلا
كريم : اوامرك يا فندم
دياب : خد البنت دى تحت فى البدروم لحد ما اجيلك
كريم : حاضر يا فندم
سميره : ليه يا باشا انا عملت ايه
دياب : هتعرفى دلوقتى ..... اخلص يا كريم اسبقنى وانا هحصلك
كريم : حاضر يا فندم
• كريم اخد سميره ونزل بيها البدروم
ريهام : فى ايه يا دياب هى عملت ايه
دياب : انا مش بحب اكرر كلامى ..... قولتلك مفيش حاجه
ريهام : انت ازاى بتكلمنى كده
مارى : معلش يا ريهام بس دياب كان قلقان على ليندا بعد اللى حصل النهارده
دياب : تعالى يا ليندا اطلعك اوضتك ترتاحى
• دياب اخد ليندا وطلع بيها الاوضه
ريهام : ايه اللى حصل بالظبط يا مارى
مارى : فى حد حاول يسقط ليندا
ريهام : مين ده وليه يعمل كده
مارى : لسه مش عارفين بس البنت سميره دى هى اللى ساعدت فى الموضوع ده علشان كده دياب عاوز يعرف منها مين اللى حرضها
ريهام : بس ده مايخلهوش يكلمنى بالطريقه دى
مارى : معلش يا بنتى اعذريه هو برضه خايف على ليندا
امل : طب استأذن انا علشان سايبه عمر لوحده فى البيت
مارى : اتفضلى يا مدام امل
• من ناحيه تانيه عند دياب وليندا
ليندا : هتعمل ايه يا دياب
دياب : انا مش دياب ..... انا ادم اللى بيعرف كويس ازاى يحاسب اللى بيغلط
ليندا : ارجوك سامحها
دياب : ادم مش بيعرف السماح ..... ولازم اعرف مين وراها
ليندا : دى بنت هبله وغلبانه .... علشان خاطرى اعرف مين وراها وسامحها .... ورحمة ابوك وامك سامحها
دياب : اعرف مين وراها الاول وبعد كده اقرر
ليندا : ارجوك يا حبيبى سامحها
دياب : ارتاحى انتى دلوقتى ..... ومن بكره فى حد جديد هيكون مسئول عن اكلك وشربك .... حد اقدر اثق فيه
• نزل دياب للبدروم وكانت سميره واقفه وحواليها كريم واتنين جاردات
سميره : ابوس رجلك يا باشا سامحنى
دياب : حلو ..... انتى كده قصرتى المسافه عليا ..... انا مستعد اسامحك واسيبك تمشى بس بشرط واحد
سميره : انا تحت امرك فى اى حاجه
دياب : مين اللى وراكى
سميره : .......
• طلع دياب المسدس وضرب طلقه فوق دماغ سميره
دياب : انا مش بحب اكرر السؤال مرتين .... الطلقه اللى فاتت كانت فوق دماغك لكن المره اللى جايه هتكون فى نص دماغك
سميره : ارجوك يا باشا مقدرش
دياب : افهم من كده انك مستعده تضحى بعمرك علشان تحمى اللى حرضك
سميره : ابوس رجلك يا باشا
دياب : ولا تبوسى ايدى ولا رجلى .... انا عرضت عرض محدد حياتك قصاد انك تقولى مين اللى حرضك
سميره : لو قولتلك مين اللى حرضنى هتقوم حرب
دياب : انا مش بحب الرغى الكتير ..... يا كريم
كريم : ايوه يا فندم
دياب : بعد عشر ثوانى البنت دى لو ما اعترفتش اقتلها
كريم : حاضر يا فندم
سميره : خلاص يا باشا انا هعترف على كل حاجه
دياب : مين اللى حرضك
سميره : امل هانم هى حرضتنى اعمل كده وادتنى 20 الف جنيه
دياب : امل صقر
سميره : ايوا يا باشا
دياب : انا كنت شاكك من الاول ان هى اللى وراكى .... خدها يا كريم دلوقتى احبسها فى مكان لحد ما اقولك تعمل ايه
كريم : حاضر يا فندم
سميره : ابوس رجلك يا باشا انا قولتلك كل حاجه
دياب : خدها يا كريم دلوقتى
• اخدها كريم ومشى
• طلع دياب من البدروم ودخل اوضة المكتب وقعد قصاد طرابيزة الشطرنج وبيبص عليها وبيلاعب نفسه وبيفكر ...... فجأه الباب خبط ودخلت ريهام
دياب : عاوزه ايه يا ريهام
ريهام : انت قاعد هنا ليه
دياب : بفكر فى حاجه
ريهام : انت عملت ايه مع سميره
دياب : قولتلك دى حاجه ماتخصكيش
ريهام : انت ليه بتعاملنى كده يا دياب
دياب : كده ازاى مش فاهم
ريهام : انت اتجوزتنى ليه يا دياب
دياب : اتجوزتك علشان حبيتك
ريهام : ولما انت بتحبنى ليه بتعمل فيا كده ..... انا ذنبى ايه فى اللى بينك وبين العيله
دياب : من يوم ما اتجوزتك وانا فاصل بين علاقتى بيكى وبين علاقتى بالعيله وعلى ما اظن انى ماضغطتش عليكى فى حاجه
ريهام : بس انا حاسه انك بتدبر لحاجه كبيره انا مش عارفه ايه هى بالظبط بس متاكده انها مصيبه بكل المقاييس
دياب : ياريت تقفلى كلام فى الموضوع ده
ريهام : ارجوك يا دياب اسمعنى
دياب : ارجوكى انتى اقفلى كلام فى الموضوع ده
ريهام : حاضر يا دياب هقفل كلام فى الموضوع ده دلوقتى علشان انت متضايق بس هنتكلم تانى بعدين
• فجأه دخلت ليندا
دياب : ايه اللى خلاكى تنزلى وانتى تعبانه
ليندا : انا هفضل تعبانه طول ما انت عامل فى نفسك كده
ريهام : تعالى يا ليندا شوفيه وهو بيموت نفسه بالبطئ
دياب : انا مش هموت نفسى ..... انا هموت كل اللى هيوقف فى طريقى .... ويلا انتوا الاتنين سيبونى واطلعوا على اوضكم عاوز اقعد لوحدى
ليندا : حاضر .... تعالى يا ريهام
• بعد ما طلعت ريهام وليندا .... طلع دياب تليفونه واتصل بطارق صقر اخو ريهام
طارق : الوووووو
دياب : معلش يا طارق صحيتك من النوم
طارق : خير يا دياب فى حاجه
دياب : عاوزك تركب اول طياره وتكون عندى بكره الصبح بالكتير
طارق : خير يا دياب فى ايه
دياب : مش هينفع الكلام فى التليفون
طارق : حاضر يا دياب انا هنزل القاهره فى اول طياره
دياب : اول ما توصل روح على فيلا اخوك وانا هجيلك هناك
طارق : شكلها كده فى مصيبه حصلت
دياب : بكره هتعرف كل حاجه ..... سلام دلوقتى
طارق : سلام يا دياب
• بعد ما قفل دياب مع طارق دخل عليه كريم
دياب : تعالى يا كريم انا كنت هطلبك دلوقتى
كريم : خير يا فندم
دياب : انسى الرسميات دى وكلمنى عادى زى اى اتنين اصحاب
كريم : مالك يا دياب فى ايه
دياب : انا مخنوق وحاسس انى عاوز اولع فى الكل
كريم : وبعدين معاك يا صاحبى
دياب : صدقنى يا كريم اللى انا فيه ده اكبر من قدراتى
كريم : عارف يا صاحبى
دياب : هى ليه امل صفر عاوزه تدمر كل الحلو اللى فى حياتى .... طب هى وابويا سابوا بعض وكل واحد شاف حياته ليه بقى مصره تدمر حياتى
كريم : يكفيك شر الست لما تكره او تتجرح ممكن تدمر اى شئ حتى لو كان اغلى حاجه عندها
دياب : هههههههه خبير انت فى الستات يا كريم
كريم : عيب عليك ده انت اكتر واحد عارف تاريخى
دياب : عندك حق فى دى ..... انت هتقولى على خبراتك فى الستات
كريم : انا حافظهم كويس وحافظ الاعيبهم وياما شوفت منهم
دياب : صحيح بالمناسبه انت ليه رافض فكرة الجواز
كريم : اللى زيى يا دياب لا ينفع يحب ولا يتجوز
دياب : ليه بتقول كده
كريم : اتجوز ليه واجيب لنفسى نقطة ضعف ممكن اى حد يمسكها عليا ..... اللى بيشتغل شغلنا ده لا يحب ولا يتجوز
دياب : ليه يا عم انت .... طب ما انا متجوز
كريم : واى حد عاوز ينتقم منك اول حاجه بيعملها بيدوس على مراتك ..... والدليل على كده اللى حصل النهارده مع ليندا واللى حصل قبل كده مع ريهام لما اتخطفت
دياب : عندك حق .... بس برضه مسيرك هتلاقى اللى توقعك وتحبها
كريم : لا من الناحيه دى ماتخافش انا حاطط قلبى فى فريزر
دياب : ماشى يا سيدى بكره نشوف ..... قولى عملت ايه عند استر
كريم : عملت كل اللى اتفقنا عليه
دياب : وايه كان رد فعلها
كريم : هبعتلك فيديو باللى حصل واحكم بنفسك
دياب : انت صورت المقابله
كريم : اكيد طبعا ..... اى حاجه بعملها لازم تتصور وتتوثق
دياب : ماشى يا سيدى
كريم : سيبك من الكلام ده وخلينا فى المهم
دياب : خير يا كريم
كريم : هتعمل ايه مع عيلة صقر
دياب : سيب الظروف بكره هى اللى تحكم
كريم : ياريت ماتورطش نفسك فى عداوه جديده
دياب : سيبها للظروف
كريم : ماشى يا دياب
دياب : سيبنى دلوقتى عاز اكمل جيم الشطرنج وافكر فى الحركه اللى جايه
كريم : جيم ايه .... دى طرابيزة شطرنج عليها جيش واحد بس
دياب : وفيها ايه دى
كريم : فين الجيش التانى اللى انت بتلاعبه
دياب : هى دى الصعوبه فى اللعبه بتاعتنا
كريم : صعوبة ايه مش فاهم
دياب : فى اى لعبة شطرنج عاديه بتتكون من جيشين بيلاعبوا بعض وكل واحد شايف التانى بيعمل ايه وبيتحرك ازاى
كريم : ده الطبيعى
دياب : فى لعبتنا بقى كل حاجه مختلفه ..... انت بتلعب بالجيش بتاعك لكن انت مش شايف اللى قصادك بيلعب ازاى ..... انت بتتفاجئ باللعبه بتاعته علشان كده اللعبه بتبقى اصعب
كريم : من امتى الفلسفه دى
دياب : من زمان اووووى بس انت اللى مش واخد بالك
كريم : ماشى يا دياب
دياب : طب يلا سيبنى دلوقتى افكر فى النقله الجديده
كريم : ماشى يا دياب ..... انا هخرج اتمم على الرجاله واشوف فى ايه
• بعد ما كريم خرج .... دياب طلع اوضته ونام
• من ناحيه تانيه فى فيلا احمد صقر ..... عمر صقر نايم وصحى على تليفون من طارق ابنه وامل كمان صحيت من النوم
عمر : خير يا طارق فى ايه
طارق : ايه اللى بيحصل عندكم
عمر : مفيش حاجه حصلت ..... ليه بتقول كده
طارق : امال دياب عاوزنى اسافر القاهره على اول طياره ليه
عمر : صدقنى يا بنى مفيش حاجه حصلت خالص
طارق : يعنى انتوا كويسين
عمر : اقسملك كلنا كويسين
طارق : على العموم انا هركب طيارة 6 الصبح واكون عندكم لما اشوف اخرتها مع دياب
عمر : تعالى يابنى بس زى ما قولتلك مفيش حاجه
طارق : طب سلام يا حاج
عمر : سلام يابنى
• بعد ما طارق قفل الخط
امل : فى ايه يا عمر
عمر : مش عارف فى ايه بالظبط ..... دياب اتصل بطارق وعاوزه يجى القاهره بكره الصبح
امل : ايه علاقة دياب بطارق اصلا ..... هو دياب هيستولى على عيالى ولا ايه
عمر : لأخر مره هسألك انتى عملتى حاجه لدياب
امل : هعمل ايه يعنى لدياب
عمر : اتمنى يكون كلامك صح وماتكونيش بتكدبى
امل : نام يا عمر احنا معانا سفر الصبح
عمر : لا انسى موضوع السفر ده ..... انا مش هسافر قبل ما اعرف ايه اللى بيحصل بالظبط
امل : براحتك
عم : يلا نامى
• تانى يوم الصبح طارق وصل القاهره .... اول ما دخل الفيلا كان الكل موجودين محمد صقر واحمد صقر وعمر وامل وفاتن وامانى وسليم
طارق : ممكن حد يفهمنى ايه اللى بيحصل
عمر : يابنى قولتلك مفيش حاجه حصلت انت ليه مش عاوز تصدقنى
طارق : يعنى دياب يكلمنى فى نص الليل وعاوزنى اجى القاهره كده على الفاضى
• فجأه دخل دياب ومعاه ريهام
دياب : لا مش على الفاضى يا طارق
عمر : فى ايه يا دياب
دياب : انا هفهمك كل حاجه يا عمى بس فى الاول عاوز اسألك كام سؤال
عمر : اتفضل اسأل
دياب : عمرك شوفت منى حاجه وحشه
عمر : لا يابنى
دياب : ابويا اللى كان فى يوم من الايام صاحبك عمره عمل معاك حاجه وحشه
عمر : ابوك كان بالنسبالى اخ مش مجرد ابن عمى
دياب : طب ليه مراتك مصممه تأذينى
عمر : عملتى ايه يا امل تانى
امل : انا معملتش حاجه
دياب : كدابه
طارق : امى عملت ايه يا دياب
دياب : امك مكفهاش انها حرمتنى من امى زمان لا دى جايه النهارده علشان تحرمنى من ابنى
طارق : ايه اللى انت بتقوله ده يا دياب
دياب : امك المحترمه حرضت الشغاله عندى انها تحط تركيبة اجهاض فى العصير لمراتى علشان تسقطها
طارق : انتى فعلا عملتى كده يا امى
امل : ده كداب
دياب : لا مش كداب وهثبتلك
• خرج دياب ورجع تانى معاه كريم وسميره اللى اول ما امل شافتها اتخضت
دياب : دى بقى الشغاله اللى قبضت من امك يا طارق علشان تحرمنى من ابنى
طارق : تعالى هنا يا بت انتى
سميره : ارجوك يا باشا سامحنى
طارق : فعلا امى حرضتك على المصيبه دى
سميره : ايوا يا باشا وادتنى 20 الف جنيه علشان اعمل كده
احمد : ليه كده يا امى
امل : دى بنت كدابه وعامله تمثيليه مع دياب
دياب : انتى لسه مصممه على الكدب .... يا كريم ارمى البنت دى فى الشارع مش عاوز اشوفها وتعالى تانى
كريم : حاضر يا فندم
• طرد كريم البنت ورجع تانى
دياب : انا جبتك يا طارق علشان تبقى شاهد على اللى هيحصل
طارق : هتعمل ايه يا دياب
دياب : من ناحية هعمل فهعمل كتير جدا
عمر : علشان خاطرى يابنى سامح المره دى وانا هاخد امل احبسها فى البيت ومش هتتعرضلك تانى
دياب : كان على عينى يا عمى بس انا عملتلك بدل الخاطر عشره وراعيت اللى بينك وبين ابويا لكن دلوقتى مش هينفع خلاص
احمد : هتعمل ايه يا دياب
دياب : امك استعجلت الحرب وانا موافق ..... من النهارده يا امل انا بهددك بشكل علنى وواضح انى هحول حياتك لجحيم ..... عاوزك من النهارده تدعى **** بحاجه واحده بس انه يقصر فى عمرك علشان تترحمى من العذاب اللى هتشوفيه على ايدى ...... انتى زمان حرمتينى من امى وامبارح كنتى عاوزه تحرمينى من ابنى ..... انا النهارده هدوقك من نفس كاس الحرمان
احمد : هتعمل ايه يا دياب
دياب : انت بالذات ملكش دعوه باللى هعمله علشان غضبى ما يطولكش .... من النهارده يا امل صقر انتى محرومه من بنتك مش هتشوفيها ولا تسمعى صوتها .... ده بقى بدايتى معاكى
ريهام : انت عاوز تحرمنى من اهلى يا دياب
دياب : لا طبعا ..... ابوكى واخواتك بس اللى مسمحولهم بزيارتك لكن امك تعتبريها ميته من النهارده
ريهام : لا طبعا انت اتجننت ..... دى امى
دياب : ده كلام نهائى ومن النهارده محدش ليه اى رأى فى اللى هعمله
ريهام : يبقى تطلقنى يا دياب
دياب : مش قبل ما اخد ابنى اللى فى بطنك بعدها اوعدك انى هطلقك لو عاوزه ..... مش هسيب ابنى يتربى وسطكم مهما حصل
ريهام : انت ازاى بالبشاعه دى
دياب : انتوا لسه ماشوفتوش حاجه
احمد : انت كده ذودتها يا دياب وانا اللى هوقفلك
دياب : وانا عاوزك توقفلى علشان ادمرك انت وعيلتك كلها
طارق : خلاص يا دياب اهدى وهنحل كل حاجه
دياب : امك قطعت كل حبال الود ..... اسمعونى كويس كلكم علشان انا استحملت منكم اللى مفيش بشر يقدر يستحمله ...... عاوزك يا عمى توصل رساله مهمه لعيال العاصى قولهم ساعتكم قربت واللى عملتوه فى امى زمان دياب راجع النهارده علشان يدفعكم تمنه
عمر : عملولك ايه كمان
دياب : لا عملوا كتير واسأل مراتك وهى تقولك عملوا ايه هى وسعد اخوها وعيال العاصى
عمر : عملتى ايه تانى يا زفت انتى
دياب : اسيبكم دلوقتى مع بعض تعرفوا هى عملت ايه بالظبط .... يلا يا ريهام
ريهام : انا مش همشى معاك
دياب : مش بمزاجك .... يلا قدامى اخلصى
ريهام : قولتلك مش همشى معاك
دياب : وانا قولتلك مش بمزاجك
• سحبها دياب من ايدها ولسه هيتحرك بيها .... قام احمد صقر علشان يمنعه
دياب : ابعد عن طريقى يا احمد
احمد : مش هبعد يا دياب .... دى برضه اختى اللى انا استأمنتك عليها
دياب : وانا مخونتش الامانه بالعكس الخيانه من عندكم ابعد عن طريقى علشان انت ماتندمش
• اتدخل كريم وبعد احمد صقر عن طريق دياب ..... دياب سحب ريهام واتحرك بيها ولسه هيخرج من باب الفيلا .... احمد صقر خرج مسدسه وضرب طلقه على دياب جات فى كتفه ووقع فى الارض ..... ريهام صرخت ونزلت على الارض بتحضن دياب وبتبكى .... عمر ومحمد مسكوا احمد واخدوا منه المسدس ..... كريم خرج مسدسه ولسه هيضرب بالنار دياب منعه
دياب : استنى يا كريم متعملش حاجه
• سليم جرى على دياب ودخل فى حضنه وهو بيعيط
دياب : متخافش عليا يا سليم انا كويس
سليم : مخافش عليك ازاى وانت مضروب بالنار وابويا هو اللى عمل كده
دياب : وقفنى يا سليم
• وقف دياب بمساعدة كريم وسليم وريهام
دياب : شايفه يا ريهام دول اهلك اللى انتى خايفه عليهم وبتدافعى عنهم .... معندهمش اى مانع يقتلونى ..... احمد اخوكى اللى حافظتله على ابنه وحميته من اخطار كتير معندوش مانع انه يقتلنى
ريهام : كفايه يا دياب
دياب : فعلا كفايه ..... اطلب يا كريم المستشفى بسرعه انا حاسس انى هيغمى عليا
كريم : يلا يا دياب
سليم : انا جاى معاك
دياب : لا يا سليم خليك هنا واسمع كلامى ..... وانتوا بقى يا عيلة صقر استحملوا بقى كل اللى جاى وعاوز دكر فيكم يعرف يوقف قصادى ...... يا كريم خد ريهام على الفيلا وممنوع اى حد فيهم مهما كان يشوفها غير سليم ..... واللى يفكر يقرب ناحية الفيلا اضربه بالرصاص فى مقتل
كريم : حاضر
• وقع دياب مغمى عليه ..... كريم شال دياب وطلع بيه على العربيه ودخل جاردات تانى اخدوا ريهام وطلعوا بيها على الفيلا
• اتحرك كريم بسرعه على المستشفى ودخل دياب على طول غرفة العمليات وفى ظرف نص ساعه كان الخبر انتشر
• مجرد ما كريم كلمنى وحكالى اللى حصل اتحركت انا كمان على المستشفى ولقيت ليندا موجوده هناك ومعاها ابوها وامها
انا : ايه اللى حصل يا ليندا
ليندا : معرفش يا سليم ..... ادم خرج مع ريهام وكريم بعدها بنص ساعه ريهام رجعت مع الجاردات بتعيط وعرفت ان ادم اتضرب بالنار وهو هنا فى المستشفى
انا : كريم فين
ليندا : مش عارفه راح فين من ساعة ما وصلت المستشفى وانا مش شايفاه
انا : اهدى انتى وكل حاجه هتخلص
• بعد نص ساعه دياب خرج من غرفة العمليات وجرينا على الدكتور
انا : طمنى يا دكتور
الدكتور : متقلقوش يا جماعه ده جرح بسيط يادوب الرصاصه جرحت كتفه مش اكتر
ليندا : يعنى هو كويس دلوقتى
الدكتور : كويس وزى الفل وهيخرج من الإفاقه دلوقتى
ليندا : **** يطمنك يا دكتور
الدكتور : عن اذنكم
• سابنا الدكتور ومشى وبعدها دخل علينا كريم
انا : كنت فين يا كريم
كريم : كنت بظبط الدنيا علشان محدش يبلغ الشرطه باللى حصل
انا : هو ايه اللى حصل بالظبط
كريم : احمد صقر ضرب دياب بالرصاص
انا : انت بتقول ايه ..... ليه احمد صقر يعمل كده
كريم : هحكيلك كل اللى حصل بالظبط ..... وحكى كريم كل اللى حصل
انا : دياب اتسرع فى اللى عمله
كريم : انا حاولت اهديه بس انت عارف دياب دماغه ناشفه
ليندا : مش مهم الكلام ده دلوقتى اهم حاجه اننا ناخد حذرنا الفتره اللى جايه خصوصا من عيلة صقر لانهم مش هيعدوها بالساهل خصوصا بعد تهديد دياب الصريح ليهم وحبس ريهام
كريم : انا هزود الحراسه الفتره اللى جايه على الفيلا والشركات
انا : نفذ فى اسرع وقت
كريم : متخافش انا عملت اتصلاتى وفى طقم حراسه جديد هيوصل من السفر فى خلال يومين
انا : تمام كده
• من ناحيه تانيه فى فيلا احمد صقر
عمر : ايه اللى انت عملته ده يا احمد
احمد : يعنى عاوز دياب يتحدانا بالطريقه دى كأننا عبيد عنده واسكت
عمر : وانت فاكر كده انك بتحل مشكله بالعكس انت كده عقدتها اكتر وبدأت حرب انت مش قدها مع ان احنا اللى غلطانين من البدايه
محمد : انا شايف يا عمى انك تروح لدياب وتستسمحه وتحاول تحل المشكله لانى شايف ان دياب بيعاملك معامله خاصه
عمر : دياب كان بيعاملنى معامله خاصه قبل ما مراتى تحاول تقتل ابنه وقبل ما ابنى يحاول يقتله هو شخصيا
محمد : لازم تحاول يا عمى ..... لو سكتنا واتفرجنا دياب هيدمر الكل
امل : انتوا عاملين اعتبار لدياب ولا كأنه سبع الرجال
عمر : انتى بالذات تخرسى خالص لانك انتى اللى شعللتى الحرب اللى ماصدقنا انها انطفت واستحملى بقى اللى جاى
امل : محدش يقدر يقرب منى ابدا انا مهما كنت امل صقر
عمر : ههههههه امال كنتى ساكته ليه لما دياب كان بيهددك وسطنا
امل : سكت علشان كنت فاكره نفسى وسط رجاله يقدروا يحمونى لكن للأسف طلعت مسنوده على حيطه مايله
• قام عمر وضرب امل بالقلم
عمر : احنا اللى حيطه مايله برضه ولا انتى اللى الغضب والكره بقى ماليكى
محمد : خلاص يا عمى كفايه خلينا فى اللى احنا يه دلوقتى
عمر : روح يا محمد المستشفى اعرف الاخبار وطمنى خلينا نشوف هنعمل ايه
محمد : حاضر يا عمى
• فجأه سليم نزل ومعاه شنطة هدومه
احمد : رايح فين يا سليم
• سليم ماشى ومش بيرد على احمد
عمر : رايح فين يا سليم
سليم : ماشى يا جدى
عمر : ماشى رايح فين
سليم : رايح بيت ابويا ولو احتاجت تشوفنى ابقى تعالى هناك
احمد : بتقول ايه يا زفت انت
سليم : عاوز ايه يا احمد
احمد : انا ابوك
سليم : كنت ابويا .... لكن من النهارده انت مش ابويا ولا اعرفك ..... كنت ابويا يوم ما قولتلك ابعد امل عن طريق دياب يا اما انا اللى هوقفلها لكن انت افتكرت انى بهزر .... كنت ابويا قبل ما تحاول تقتل دياب
• اتحرك سليم علشان يمشى واحمد اعترض طريقه
سليم : ارجوك ابعد عنى بدل ما اقتل نفسى وارتاح منكم ومن عمايلكم
عمر : ابعد يا احمد وسيب سليم
احمد : ايه اللى انت بتقوله يا ابويا
عمر : اسمع الكلام واخرس خالص ..... روح يا سليم دلوقتى ولينا كلام تانى مع بعض بعدين
• مشى سليم وساب الفيلا
عمر : مبسوطين دلوقتى ..... مبسوطه يا امل لما خسرتى بنتك وحفيدك ..... مبسوط يا احمد لما خسرت ابنك ..... بقالك سنين عاوز تبقى كبير العيله لكن طلعت اخيب من انك تبقى كبير بيتك ..... للاسف انتوا دخلتوا حرب مش قدها ولا هتعرفوا تصمدوا فيها ..... هتصمدوا فيها ازاى وانتوا ضعاف ..... واقفين قصاد واحد بقاله سنين وسنين بيخطط علشان ينتقم منكم وانتوا كان كل همكم تسيطروا على ناس ضعيفه ونسيتوا الاسد اللى اتظلم زمان وراجع ياخد حقه ..... راجع ياخد حقه منك يا امل انتى وعيال العاصى واخوكى ياترى عملتوا ايه تانى مخليه كده .... عملتوا ايه مخليه راجع عاوز ينهشكم بالطريقه دى
امل : .........
عمر : ساكته ليه يا امل ..... عملتى ايه فهمينى علشان اقدر اتصرف واحميكى
امل : مش عاوزه اتكلم
عمر : براحتك .... روح يا محمد شوف دياب وكلمنى
محمد : حاضر يا عمى
عمر : وانت يا احمد جهز نفسك علشان هتيجى معايا لدياب لازم نصفى كل حاجه النهارده
احمد : انا مش هروح لحد ودياب حسابه معايا عسير
عمر : هتفضل مغرور كده لحد امتى
احمد : دياب هو اللى بدأ الحرب مش انا ..... دياب هو اللى اخد ابنى منى .... من النهارده يستحمل اللى انا هعمله فيه
عمر : انت كده هتقلبها خراب
احمد : دياب هو اللى بدأ بالخراب مش انا ..... انا قعدت سنين بحاول اصلح فى غلط انا مليش اى ذنب فيه وبرضه ده ماشفعليش عنده فى اى حاجه وراجع علشان ينتقم منى
عمر : دياب مش راجع ينتقم منك ..... دياب راجع ينتقم من امك
احمد : وانا مش هسمحله يقرب من امى حتى لو اضطريت اقتله
عمر : ايه اللى انت بتقوله ده .... انت اتجننت خلاص والغرور صم ودانك وعمى عنيك
احمد : دياب هو اللى وصلنا للى احنا فيه ده ودلوقتى يا انا يا هو
• قام احمد وساب ابوه ومشى
• نرجع عندى فى المستشفى ..... دياب فاق ودخلتله مع ليندا وكريم
ليندا : حمد **** على سلامتك يا حبيبى
دياب : **** يسلمك يا حبيبتى
ليندا : ايه اللى انت عملته ده يا ادم
دياب : ارجوكى مش قادر اتكلم فى حاجه دلوقتى
ليندا : حاضر يا ادم هسكت دلوقتى بس لينا كلام مع بعض بعدين
دياب : ماشى يا ستى
انا : وبعدين معاك يا جدع انت هو كل كام يوم هتجرجرنا وراك فى المستشفيات
دياب : معلش يا صاحبى استحملنى انا عارف انى تعبتك معايا وسببتلك مشاكل كتير
انا : عيب عليك الكلام اللى انت بتقوله ده
دياب : طمنى يا كريم عملت ايه
كريم : نفذت اوامر حضرتك بالأمر الواحد
دياب : ايوا يعنى عملت ايه
كريم : وصلت مدام ريهام للفيلا وامرت الحرس انها ممنوعه من الخروج وممنوع اى حد من عيلة صقر مهما كان مين يشوفها ولا يقرب من الفيلا ولو اى حد فكر يدخل يضربوا عليه نار طبعا معادا سليم .... وفى رجاله راصدين احمد صقر
دياب : راصدين احمد صقر ليه
كريم : لازم اعمل علشان اعرف هو ناوى على ايه ولو حضرتك امرت ممكن اخلص عليه دلوقتى
دياب : انت اتجننت يا كريم .... ده احمد صقر ابن عمى وابو سليم وانا مش ممكن اعمله اى حاجه مهما عمل لانى هبقى بأذى سليم ابنى وعم عمر اللى عمره ما عملى اى حاجه وحشه
كريم : بس يا فندم
دياب : انتهى الكلام فى الموضوع ده ..... اتصل برجالتك وابعدهم عن احمد
كريم : حاضر يا فندم ..... بس على فكره سليم ساب الفيلا بتاعة احمد
دياب : سابها وراح فين
كريم : اخد شنطة هدومه وراح الفيلا عند حضرتك
دياب : اتجنن ده ولا ايه ازاى يعمل كده من غير اذنى
كريم : مش عارف بس الحرس بلغونى ان سليم راح الفيلا ومعاه شنطة هدوم
دياب : انا لازم اخرج من المستشفى دلوقتى
ليندا : تخرج فين انت مش شايف حالتك عامله ازاى
دياب : لازم اخرج الحق المصيبه اللى سليم عملها ..... سليم باللى عمله ده هيقوم حرب كبيره بينى وبين احمد صقر
انا : الحرب خلاص قامت واولها الرصاصه اللى خرجت من سلاح احمد صقر
دياب : انا حربى مش مع احمد صقر ومش هينفع احاربه وباللى عمله سليم هيخلى احمد صقر يفتكر انى غسلت دماغ ابنه علشان اخده منه
انا : انت لو خرجت دلوقتى ممكن يحصلك حاجه
دياب : متخافش عليا يا سليم يلا بينا
• غير دياب هدومه واتحركنا ...... انا رجعت الفيلا ودياب وليندا وكريم رجعوا بيتهم ..... دياب اول ما وصل جريت عليه ريهام وسليم واتطمنوا عليه
دياب : بعد اذنك يا ريهام انتى وليندا سيبونى مع سليم لوحدنا
ريهام : انا عاوزه اتكلم معاك يا دياب
دياب : بعدين يا ريهام هتكلم معاكى بس اهم حاجه دلوقتى اتكلم مع سليم
ريهام : حاضر يا دياب
• قعد دياب مع سليم
دياب : ممكن اعرف ايه اللى انت عملته ده
سليم : .......
دياب : ساكت ليه انطق
سليم : عاوزنى اشوف احمد صقر بيقتلك واقعد ساكت
دياب : ده ما اسمهوش احمد صقر .... ده اسمه ابوك ..... ابوك اللى بيحبك وبيخاف عليك
سليم : وانت كمان ابويا ومكانش ينفع اسيبك
دياب : كان ممكن تيجى تطمن عليا فى المستشفى او البيت لكن تسيب بيت ابوك ليه
سليم : اللى حصل كان صعب
دياب : اللى حصل مايخصكش وملكش علاقه بيه
سليم : ازاى مليش علاقه بيه
دياب : زى ما قولتلك كده .... انا وابوك مفيش اى حرب ما بينا .... حربى مع جدتك مش مع ابوك
سليم : بس
دياب : مفيش كلام تانى .... اطلع غير هدومك وهات شنطة هدومك انت لازم ترجع بيتك
سليم : يا دياب افهمنى
دياب : انت هتكسر كلامى
سليم : لا مش هكسر كلامك بس سيبنى على الاقل اقعد معاك كام يوم
دياب : اقعد معايا براحتك بس بعد ما تستأذن ابوك ولازم هو يوافق
سليم : وانت فاكر بعد اللى حصل النهارده ابويا هيوافق انى اجيلك ولا اقعد معاك تانى
دياب : تعالى معايا ولازم نصلح اللى انت عملته
سليم : حاضر
• خرج دياب وسليم وراحوا فيلا احمد صقر ..... مجرد ما دخلوا استقبلهم عمر صقر على الباب
عمر : حمد *** على السلامه يا دياب انا لسه كنت جايلك
دياب : **** يسلمك يا عمى ..... انا جايلك علشان فى غلط حصل وكان لازم الرد
عمر : جاى ليه يا دياب
دياب : احمد فين
عمر : موجود فوق .... انت عاوز منه ايه
دياب : متخافش يا عمى تارى مش معاك ولا مع ابنك .... انا عارف ان اللى عمله احمد كان ساعة غضب علشان كده مش هتكلم فيه .... وانا غيركم بعرف افصل كويس ومش هنتقم غير من اللى غلط وبس
عمر : انا عاوز اعرف ايه اللى جد وخلاك بالغل ده .... طب امل وعارف هى عملت معاك ايه لكن سعد وعمامك عملوا ايه علشان اللى بتفكر فيه ده
دياب : عملوا كتير اوووى بس سامحنى مش هقدر اقول عملوا ايه دلوقتى بس لما هنتقم منهم واجيبهم راكعين ممكن وقتها تسألهم هما عملوا ايه
عمر : انت ناوى على يا دياب
دياب : ناوى اوريهم جهنم على الارض .... انتقامى منهم بدأ وابواب جهنم اتفتحت عليهم بس هما مش واخدين بالهم
عمر : انت عملت ايه بالظبط
دياب : عملت كتير ولسه هعمل اكتر ..... هخليهم يمشوا فى الشارع زى المجانين من اللى هعمله فيهم ..... واول واحد هبدأ بيه هو العاصى
عمر : عاصى مين اللى هتبدأ بيه ..... العاصى مات من زمان
دياب : هو اه مات بس مش معنى كده انى مش هعرف اعاقبه
عمر : انت هتعمل ايه يا دياب
دياب : بعدين هتعرف ..... انا جاى دلوقتى علشان حاجه تانيه
عمر : جاى ليه يا دياب
دياب : جاى ارجع ابنكم .... انا حربى مش معاك يا عمى ولا مع حد من اولادك ..... انتوا ملكمش اى ذنب فى اللى حصل زمان وانا راجع احاسب اللى غلط واللى هيوقف بينى وبينهم هيحاسب معاهم ودى نصيحه ياريت تسمعها منى ..... انا بحبك علشان ابويا كان بيحبك وبيعتبرك اخوه وياما انت وقفت معاه علشان كده بعدتك انت وعيالك عن انتقامى بس لو دخلت نفسك فى الانتقام ده انا هنسى كل حاجه وغضبى هيطول الكل ..... بنتك موجوده فى الفيلا معززه مكرمه اى وقت تقدر تشوفها وتكلمها لكن امل ممنوعه نهائى من انها حتى تلمح خيالها
عمر : بس دى مهما كانت امها
دياب : ده اخر كلام عندى ..... عن اذنك يا عمى انا لازم ارجع الفيلا علشان ارتاح من الرصاصه اللى اخدتها من ابنك .... سلام
• بعد ما دياب مشى
عمر : عاوز اسألك على حاجه يا سليم بما انك اكتر واحد فينا عارف دياب وعاوزك تجاوبنى بصراحه
سليم : اتفضل ياجدى اسأل بس اوعدنى ان الكلام اللى هقولهولك يفضل سر بينى وبينك وميخرجش لأى حد مهمها كان مين
عمر : اوعدك ان اى كلام هتقوله هيفضل سر بينى وبينك
سليم : اتفضل اسأل
عمر : هو دياب كده من زمان وكان مخبى ولا ايه بالظبط
سليم : بالعكس يا جدى دياب مكانش فى اطيب منه بس اللى شافه فى الدنيا كان كتير ..... هو كان احيانا كتير يدخل اوضته ويقفل على نفسه بس كان بيخرج تانى وكأن مفيش اى حاجه ..... لحد قبل موضوع موته بكام شهر كده وقتها كنا فى امريكا وكنت بسمعه دايما بيتكلم كلام غريب وبيتكلم بالالغاز ..... وفى مره من المرات كان قاعد مع شخص فى المكتب وبيتكلموا وانا بالصدفه سمعت شوية كلام
عمر : كلام ايه ده
سليم : كان بيتكلم على اجهزة مخابرات ومنظمات ارهابيه وحاجات زى كده
عمر : : يعنى دياب بيشتغل مع اجهزة مخابرات
سليم : لا هو كان بيتكلم على المنظمه اللى كان فيها ابويا واللى قدر دياب يدمرها وينقذ ابويا منها
عمر : اه كده فهمت .... وبعدين ايه فى تانى
سليم : مفيش حاجه تانى .... بعدها انا سيبت دياب ورجعت اعيش معاكم تانى بعد قصة موته اللى عملها
عمر : طب ايه اللى خلاه يقلب على العيله بالطريقه الغريبه دى وواضح انه بقاله فتره بيخطط لكده
سليم : ........
عمر : ساكت ليه يا سليم
سليم : مش ساكت ولا حاجه
عمر : ايه اللى انت عارفه ومخبيه
سليم : انا مش عارف حاجه تانى
عمر : قولى يا سليم انت عارف ايه علشان الحق اوقف الحرب اللى هتقوم
سليم : ايه اللى حصل بالظبط انا معرفهوش ..... لكن اللى اعرفه ان الاسبوع اللى فات وقع فى ايد دياب مذكرات والده وبسببها كسر كل حاجه ودخل المستشفى ..... المذكرات دى اكيد دياب شاف فيها حاجه حولته بالشكل ده
عمر : المذكرات دى وصلت لدياب ازاى
سليم : معرفش بالظبط وصلته ازاى ..... كل اللى دياب قاله ليا يوم المستشفى ان وقع فى ايده مذكرات عمى عبدالرحمن
عمر : انا كده عرفت ايه اللى غير دياب بالشكل ده
سليم : انا جاوبتك يا جدى على كل حاجه اعرفها علشان تحاول تمنع الحرب لكن لو فكرت تستغل الكلام ده علشان توقف ضد دياب ساعتها انا اللى هخلص على الكل ومش هرحم حد ..... دياب عندى اغلى منكم كلكم واللى يفكر يقربله ساعتها هقتله بأيدى حتى لو كان ابويا نفسه
عمر : متخافش يا سليم على دياب انا عاوز احميه واحمى العيله
سليم : بالعكس انا مش خايف على دياب
عمر : امال ايه
سليم : انا خايف عليكم انتوا ..... محدش فيكم يقدر يوقف قصاد دياب ..... انا اكتر واحد فيكم عارف دياب وعارف هو بقدر يعمل ايه ..... صدقنى يا جدى فى اللى هقوله اللى هيفكر فيكم يدخل حرب مع دياب يبقى خسران وياريت يجهز كفنه من دلوقتى ..... ياريت تسمع نصيحتى
• فجأه دخلت عليهم امل صقر
امل : واضح ان دياب غسل مخك وسيطر عليه
سليم : ههههههههه انتى اكتر واحده صعبانه عليا يا جدتى
امل : صعبانه عليك ليه يا فالح
سليم : عيشتى سنين كتير فاكره نفسك قويه ومسيطره ومحدش يقدر عليكى لحد ما جالك الاسد اللى رعبك وخطف النوم من عنيكى وخلاكى عايشه فى رعب
امل : وانت جاى شمتان فيا يابن دياب ..... لا انسى لسه ماتخلقش اللى يرعب امل صقر او يهز شعره من راسها
سليم : اول مره تقوليلى يابن دياب ..... انتى فاكره ان دى حاجه وحشه بالنسبالى .... دياب فعلا ابويا زيه زى ابويا الحقيقى .... بحب الاتنين وبخاف عليهم اكتر من نفسى ..... ماتفتكريش انى هبقى فرحان لما اشوف الاتنين واقفين لبعض ..... لو ابويا انتصر على دياب هبقى انا الخسران ..... ولو دياب انتصر على ابويا هبقى برضه انا الخسران ..... يعنى انا الخسران فى كل الاحوال فاهمانى يا جدتى ولا قلبك المليان بالغل والكره عمى عنيكى عن الحقيقه
امل : حلوين الكلمتين اللى دياب حفظهملك دول ..... بس الكلمتين دول تضحك بيهم على حد غيرى
سليم : مش قولتلك قلبك الاسود عمى عنيكى عن الحقيقه ..... خليكى زى ما انتى حافظى على غرورك لحد ما تخسرى كل حاجه ..... عن اذنكم
• سابهم سليم وطلع اوضته
• من ناحيه تانيه عند دياب فى الفيلا قاعد مع ريهام
ريهام : عملت ايه يا دياب
دياب : رجعت سليم لبيته
ريهام : وانا
دياب : وانتى مالك ..... انتى قاعده فى بيتك
ريهام : يعنى انت خلاص قررت تحرمنى من امى
دياب : انا هخيرك والقرار قرارك ..... يا اما تختارينى انا يا تختارى امك
ريهام : الاختيارين اصعب من بعض
دياب : مش طالب منك رد دلوقتى فكرى براحتك واختارى بس خليكى عارفه عاقبة قرارك ده كويس
ريهام : انا اختارت خلاص
دياب : فكرى كويس بقولك
ريهام : وانا بقولك فكرت خلاص
دياب : وايه قرارك
ريهام : انا اختارت امى ..... امى اللى ربتنى طول عمرى ومقدرش ابدلها بأى حد مهما كان ..... هى اه فيها صفات وحشه كتير بس مقدرش اغيرها
دياب : براحتك يا ريهام انا مش هقدر اغصبك على حاجه ..... انتى هتفضلى هنا فى الفيلا معززه مكرمه لحد ما تولدى بعدها هطلقك وكل حقوقك هتوصلك لحد عندك
ريهام : وايه اللى يخلينى افضل هنا لحد الولاده ..... طلقنى من دلوقتى وانا مش عاوزه منك اى حقوق ومتنازله عن كل حاجه
دياب : انسى ان ابنى او بنتى يتربوا بعيد عنى
ريهام : انت كمان عاوز تحرمنى من ابنى او بنتى
دياب : لا طبعا مش هحرمك منهم بس تقدرى تيجى تزوريهم فى اى وقت تحبيه لكن تنسى خالص ان ابنى يتربى وسط عيله بتكره ابوه وخصوصا عيلتك مش هيتوصوا وهيشوهونى قصاد ابنى ..... لكن انا عمرى ما اعمل كده ..... ابنك هيكون فى الحفظ والصون تقدرى تزوريه فى اى وقت لكن عمرك ما هتاخديه
ريهام : انت جايب القسوه دى من فين
دياب : بعد كل ده وتقولى عليا قاسى ماشى يا ستى انا قاسى بس برضه ابنى هيعيش معايا
ريهام : ماتنساش انى دكتوره واعرف اسقط نفسى كويس والمحاوله مش هتفشل زى ما فشلت مع امى
دياب : براحتك بس ساعتها هتشوفى القسوه اللى بجد
ريهام : هتعمل ايه يعنى هتقتلنى ..... ياريت علشان ابقى ارتاحت
دياب : لا يا حبيبتى مش هقتلك انتى
ريهام "بخوف" : امال هتقتل مين
دياب : هقتل عيلتك كلها ..... ابوكى وامك واخواتك واى حد عزيز عليكى ..... لو فكرتى تحرمينى من ابنى هحرمك من كل حد انتى بتحبيه
ريهام : انت مجنون
دياب : وهو فين العقل فى اللى احنا عايشين فيه ..... احنا فى زمن الجنون
ريهام : انت خلاص بقيت سايق فيها ومحدش هامك
دياب : اللى شوفته منكم اكبر من قدرات اى حد
ريهام : اخويا وامى هيقتولوك
دياب : هههههههههه
ريهام : بتضحك ومش هامك
دياب : غبى اللى يهدد ميت بالقتل .... انا كده ولا كده ميت ومش باقى فى عمرى كتير علشان اخاف عليه ..... فى ناس كتير بتنام وتحلم بخبر موتى مفيهاش حاجه لما يزيدوا واحد ولا اتنين
ريهام : للدرجه دى بايع حياتك
دياب : حياتى بايعها من سنين وقبضت تمنها من زمان مش باقى غير رصاصة رحمه تريحنى ..... تصبحى على خير يا ريهام
ريهام : انت رايح فين وسايبنى
دياب : عاوز انام وارتاح
ريهام : يعنى هتسيبنى متعلقه كده
دياب : انا سايبك فى بيتك معززه مكرمه ولو احتجتى اى حاجه فى الف واحد يخدمك ويجيبلك اللى انتى محتاجاه لحد ما تولدى وتقومى بالسلامه وبعدها كل واحد هيروح لحاله
• قام دياب وساب ريهام وطلع اوضته علشان ينام ..... يادوب رمى جسمه على السرير ولسه هينام ظهرت قصاده جليله
دياب : جليله ؟!
جليله : ايوا جليله يا دياب
دياب : عاوزه ايه يا جليله
جليله : جايه احذرك من اللى بتفكر فيه
دياب : تحذيرك ملهوش لازمه
جليله : انا زمان قولتلك حاجه مهمه والظاهر انك نسيتها
دياب : حاجة ايه
جليله : قولتلك ان **** كان ساترها معاك علشان كنت مظلوم لكن لو عملت اللى بتفكر فيه هتبقى ظالم وساعتها استحمل العقاب
دياب : وانا مكتوب عليا افضل طول عمرى مظلوم
جليله : اللى فات ما يخصكش واللى ظلمك *** هياخدلك حقك منه .... اقفل ابواب الماضى احسنلك وخليك ماشى فى طريق الخير
دياب : واسيب حق ابويا وامى
جليله : قولتلك ده مش اختصاصك ..... فى رب بيحاسب لكن انت من ****
دياب : **** مش هيرضى بالظلم اللى اتعرضتله
جليله : لو مصمم على اللى فى دماغك يبقى دى اخر مره هتشوفنى فيها بس قبل ما امشى هقولك حاجه مهمه وياريت تسمعها المره دى .... **** عوضك بخير كتير جدا علشان انت صبرت على الظلم لكن لو فكرت تعصى ارادة *** ساعتها كل النعم اللى فى ايدك هتروح منك ويبقى تستاهل العقاب ..... سلام يا دياب
• فجأه جليله اختفت وسابت دياب فى حيرته
• من ناحيه تانيه استر قاعده فى مكتبها متعصبه ودخل عليها البيرت
استر : عاوز ايه يا البيرت مش قولتلك عاوزه اقعد لوحدى
البيرت : الاخبار اللى عندى ماتستناش
استر : اخبار ايه دى
البيرت : الحرب قامت خلاص
استر : حرب ايه اللى قامت
البيرت : الحرب بين دياب واحمد صقر
استر : احكيلى كل اللى حصل بالظبط
البيرت : امل صقر حاولت تسقط ليندا امبارح ..... وحكى البيرت كل اللى حصل فى الفيلا عند احمد صقر
استر : ........
البيرت : مالك ساكته ليه
استر : مش عارفه ..... حاسه انها تمثيليه تانى زى اللى عملوها قبل كده
البيرت : لا مش تمثيله وانا اتاكدت بنفسى ..... وفى رجاله من حرس دياب راصدين احمد صقر دلوقتى ..... وبعدين انا وانتى عارفين كويس ان دياب راجع ينتقم من العيله ومن امل صفر بالذات بس هو كان مستبعد احمد صقر من حربه لكن دلوقتى بعد ما احمد صقر وقف فى صف امه الوضع اتغير خصوصا بعد احساسه الدايم بسيطرة دياب على ابنه سليم
استر : انا عاوزه اشوف احمد صقر النهارده
البيرت : اشمعنا النهارده
استر : علشان الاجتماع مع دياب وسليم الجراح بكره
البيرت : هو دياب كلمك
استر : ايوه كلمنى وحدد المعاد بكره فى شركة الجراح
البيرت : انا هتصرف واجيبلك احمد صقر النهارده
استر : روح شوف هتعمل ايه بس ضرورى اقابل احمد صقر النهارده وخلى بالك من رجالة دياب اللى راصدين احمد صقر
البيرت : انا هتصرف
• من ناحيه تانيه فى فيلا احمد صقر ..... احمد قاعد ودخل عليه عمر صقر
عمر : قاعد لوحدك بتخطط لأيه
احمد : عاوز منى ايه يا ابويا
عمر : عاوز احميك من نفسك ومن اللى بتفكر فيه
احمد : وانت تعرف من فين اللى بفكر فيه
عمر : ابعد عن دياب يا احمد
احمد : دياب خلاص حفر قبره بأيده واخرته قربت
عمر : هتفضل طول عمرك غشيم ..... دياب لأخر لحظه عاوز يبعدك عن المشاكل والحروب بس انت اللى مش شايف قصادك
احمد : دياب هددنى وهدد امى بشكل واضح وصريح
عمر : الدنيا يا احمد علمتنى حاجه مهمه جدا وهى ان بيقول ما بيعملش واللى بيعمل ما بيقولش ..... دياب لو كان ناوى على اذى مكانش رجع ابنك وزعقله على اللى عمله .... مكانش سمحلنا نزور اختك تانى ..... دياب جواه حيره كبيره ونار هو بيحاول يطفيها ومش عارف لحد ما جات امك وبغبائها شعللتها من تانى ..... دياب كان ابتدى يسامح لكن تصرفاتكم معاه هى اللى بتزود النار
احمد : دياب من زمان بيفكر فى الانتقام وبيرتبله
عمر : لو كان بيفكر فى الانتقام مكانش اتجوز اختك وخلاها تحمل .... وفى حاجه مهمه جدا انت مش واخد بالك منها ..... دياب مش بيحب الدم ولا بيفكر فى قتل امك ..... دياب كبيره هيحرم امك من اختك ومش هيعمل اى حاجه تانى لأمك .... اما بالنسبه لعيال العاصى وخالك انا مش عارف عما عملوا ايه علشان ينتقم منهم
احمد : يبعد عن امى وبعدها يعمل اللى هو عاوزه ده شئ مايخصنيش
عمر : انا هتصرف فى الموضوع ده
• فجأه تليفون احمد رن ورد عليه
احمد : ايوا مين معايا ..... ايوا انا احمد صقر .... تقابلنى ليه ..... النهارده .... فين ...... هكون عندك فى المعاد
• قفل احمد الخط
عمر : خير مين بيكلمك
احمد : لا دى مكالمة شغل بخصوص مناقصه جديده داخلينها
عمر : انت هتخرج يعنى
احمد : ايوا خارج معايا معاد بخصوص المناقصه
• خرج احمد صقر من الفيلا وكان عربيات مستنيه بره الكمبوند .... نزل احمد صقر من عربيته وركب معاهم واتحركوا بيه لحد ما وصلوا الفيلا عند استر
استر : ازيك يا احمد
احمد : انتى مين وعاوزه ايه ..... وايه علاقتك باللى بينى وبين دياب
استر : فى مثل بيقول عدو عدوى يبقى صديقى
احمد : وفى مثل تانى بيقول انا وابن عمى على الغريب ودياب ده برغم المشاكل والخلافات اللى ما بينا يبقى ابن عمى وجوز اختى
استر : عندك حق فى دى ..... دياب يبقى ابن عمك اللى عاوز ينتقم من امك ..... ابن عمك اللى هيحرمكم من اختك .... ابن عمك اللى قدر يقصص ريشك بعد ما دمرلك المنظمه اللى كنت الملك بتاعها
احمد : المنظمه دى كانت بتتأمر عليا وعاوزين يخلصوا منى
استر : ومين اللى قالك الكلام ده مش دياب ..... دياب اللى خلص من خالك وسيطر على ابنك واخد اختك وعاوز ينتقم من امك وبضربك فى شغلك .... عيبك يا احمد انك مش شايف الصوره كويس
احمد : ........
استر : ساكت يعنى ..... ياترى ساكت علشان عارف ان كلامى صح ولا ايه بالظبط
احمد : انتى عاوزه ايه منى
استر : نحط ايدينا فى ايدين بعض ونوقف قصاد دياب .... ندمره وندمر شغله ساعتها هيبقى ضعيف ومش هيقدر يوقف قصادنا
احمد : انتى عاوزانى ادمر ابن عمى
استر : خلاص يا شاطر روح لأبن عمك علشان يدمرك
احمد : حتى لو وافقتك على اللى انتى بتقوليه ده ..... هنعمل كده ازاى
استر : هو ده الكلام الصح ..... احنا هنقعد مع بعض ونرتب كويس ودى هتبقى فرصه اخيره ليك بعد اللى عملته قبل كده ووقفت مع دياب ضددنا
احمد : قبل اى حاجه انا عاوز اعرف خالى فين
استر : خالك من بعد ما هربناه من السجن وخرجناه من مصر وصلتنا اتقطعت بيه
احمد : سافر فين
استر : سافر ايطاليا ومن بعدها احنا منعرفش حاجه عنه
احمد : تمام ..... اهم حاجه يبقى بعيد عن ايد دياب
استر : دياب خلاص نهايته قربت
احمد : موت لا
استر : موت دياب مش هدفنا ..... احنا هدفنا نخرجه بره السوق ونعرف مين اللى وراه ومقويه بالشكل ده
احمد : انا فى الاول كنت فاكر انه يادوب معاه قرشين وخلاص وشوية علاقات بسيطه بحكم شغله وعيشته فى امريكا لكن كل يوم بكتشف حاجات كتير ..... اهم حاجه انا لاحظتها علاقته بالحارس الشخصى بتاعه اللى اسمه كريم ..... العلاقه اللى بينهم تحسيها اكبر بكتير من مجرد حارس شخصى وواحد بيحرسه
استر : عندك حق فى دى انا برضه مستغربه العلاقه دى ..... وكريم ده عليه علامات استفهام كتيره
احمد : اهم حاجه دلوقتى نعرف ايه طبيعة العلاقه ما بينهم وساعتها هنعرف كل الحاجات اللى شاغله بالنا
استر : دى بداية الخيط اللى لازم نمشى وراه ..... وفى حاجه كمان محتاجين نعرفها
احمد : حاجة ايه دى
استر : من فتره دياب اختفى هو وليندا والمعلومات اللى قدرنا نوصلها انه كان فى ايطاليا ..... لازم نعرف هو كان بيعمل ايه فى ايطاليا
احمد : بس دياب مكانش فى ايطاليا اصلا ..... دياب قضى اخر يومين بس فى ايطاليا
استر : انت متاكد من الكلام ده
احمد : زى ما انا متاكد انك قاعده قصادى
استر : امال كان فين
احمد : دياب وليندا كانوا فى اسبانيا وانا شوفت صوره ليهم فى نفس وقت اختفائهم فى اسبانيا
استر : انت فاهم معنى كلامك ده ايه ..... كلامك ده معناه ان احنا ماشيين فى الطريق الغلط
احمد : انا متاكد من كلامى وعندى الدليل عليه
استر : طب كان بيعمل ايه فى اسبانيا
احمد : لما رجع قال انه كان بيفتح شغل جديد هناك ومضى عقود واتفاقيات هناك بس انا حاسس انه كان بيعمل حاجه تانيه خالص وموضوع الشغل ده ستاره لحاجه تانيه اكبر
استر : واضح اننا هنعيد الشغل اللى اتعمل فى ايطاليا من تانى
احمد : ده اكيد
استر : انا هتصرف فى الموضوع ده بس اهم حاجه دلوقتى انت تهدى اللعب مع دياب اليومين دول لحد ما نعرف هنتصرف ازاى
احمد : حاضر
• نرجع عندى تانى يوم الصبح بدرى صحيت واتحركت على الشركه وبعد شويه دياب وصل ..... اول ما دياب وصل شاف السكرتيره بتاعتى قاعده
دياب : مستر سليم وصل
السكرتيره : ايوا وصل يا فندم ومنتظر حضرتك
دياب : انا هدخل عنده دلوقتى وبعد اذنك انتى هتنزلى فى الدور اللى تحت لاننا هنفضى الدور ده كله دلوقتى وهيبقى تحت مسئولية الامن
السكرتيره : ازاى يا فندم الكلام ده ..... اكيد مستر سليم هيحتاجنى لان انا اللى بنظم مواعيده
دياب : انا عارف كويس بقولك ايه وعاوزك كمان تلغى كل مواعيد مستر سليم النهارده
السكرتيره : هو فعلا طلب منى الغى كل المواعيد اللى قبل الساعه 12 الضهر لكن باقى المواعيد مجابش سيرتها
دياب : وانا بقولك الغى باقى المواعيد لان احنا معانا شغل مهم النهارده
السكرتيره : انا اسفه يافندم بس لازم استأذن من مستر سليم الاول
دياب : زى ما تحبى اتفضلى ادخلى معايا واسأليه بنفسك
السكرتيره : طبعا هدخل
• دخل عليا دياب وكريم والسكرتيره
دياب : صباح الخير يا سليم
انا : صباح النور يا دياب .... ايه الهجوم المفاجئ ده
السكرتيره : مستر دياب طالب منى الغى باقى المواعيد اللى مع حضرتك النهارده
انا : ليه يا دياب كده ..... انا لغيت المواعيد اللى قبل الساعه 12 بس
دياب : احنا مش ضامنين هنخلص الشغل بتاعنا امتى ولا الضيوف اللى عندنا هيمشوا امتى
انا : خلاص يا منى اسمعى كلام مستر دياب والغى باقى المواعيد
السكرتيره : حاضر يا فندم ..... بس فى حاجه تانى انا مش فاهمهاها
انا : حاجة ايه دى اللى مش فاهماها
السكرتيره : مستر دياب طالب منى انزل الدور اللى تحت علشان عاوز يفضى الدور ده
انا : معلش انا نسبت ابلغك بالموضوع ده ..... فى ضيوف مهمين هيوصلوا ولازم نأمن الدور كويس .... والدور ده اصلا مفيش فيه اى حد غير مكتبى ومكتب مستر دياب ومكتب المتر شريف ..... والمتر شريف مسافر يعنى مش هنأثر على حد
السكرتيره : زى ما تحب حضرتك ..... انا هنزل تحت وافضى مكتبى
• بعد ما السكرتيره خرجت
دياب : اتحرك يا كريم زى ما فهمتك ..... مش عاوز اى يدخل علينا واول ما استر توصل انت عارف هتعمل ايه
كريم : متخافش يا فندم انا عارف هتصرف ازاى
دياب : طب يلا اتحرك
• بعد ما كريم خرج
دياب : ايه اخر الاخبار
انا : متقلقش انا مظبط كل الورق والعقود اللى هنمضيها مع استر النهارده
دياب : وعملت ايه مع الحكومه بخصوص المناقصه
انا : امبارح استلمنا الارض ومصطفى هناك دلوقتى ومعاه العمال علشان يبدأ الشغل
دياب : وعملت ايه مع البنك
انا : انا عملت اتصالاتى بالبنوك وظبطت معاهم كل حاجه وهيوفرولنا كل السيوله اللى احنا محتاجينها .... وعملت اتصالاتى مع مصانع الحديد والاسمنت والطوب والمحاجر وظبطت معاهم كل حاجه
دياب : كده كويس ...... مش عاوزين اى تأخير فى الشغل الحكايه مش ناقصه
انا : قولتلك متخافش من حاجه
دياب : انا مش خايف طول ما انت موجود ..... عمك كان عنده لما قال انك راجل وقد المسئوليه
انا : سيبك من الكلام ده وقولى مالك
دياب : مفيش حاجه بس مضغوط شويه
انا : فى حاجه حصلت مع ريهام
دياب : ريهام عملت اللى انت كنت متوقعه واختارت امها
انا : ده شئ طبيعى ومقدرش الومها على اختيارها
دياب : المصيبه ان انا كمان مش قادر الومها على اختيارها
انا : وهتعمل ايه دلوقتى
دياب : بعد ما تولد هاخد ابنى واطلقها وارجعها لأهلها معززه مكرمه زى ما اخدتها منهم
انا : هتاخد ابنها
دياب : امال عاوزنى اسيب ابنى لأمل صقر تربيه انت اتجننت يا سليم
انا : بس ازاى تحرم ريهام من ابنها
دياب : انا مش هحرمها من ابنها ولا حاجه ..... ابنها موجود واى وقت تحب تشوفه البيت مفتوح حتى لو حبت تشوفه كل يوم لكن ابنى مش هيسيب بيتى ويروح يعيش مع جدته اللى بتكرهنى ..... مش هغلط غلطة ابويا يوم ما سابنى عند خالى اللى كان عاوز يضبع مستقبلى
انا : خلاص يا دياب ماتزعلش نفسك ..... وبعدين انت معاك ليندا اللى بتحبك اكتر من روحها وانت كمان بتحبها وريهام مسيرها تعقل وترجع
دياب : اللى بيروح مش بيرجع يا سليم
انا : يعنى ايه مش فاهم
دياب : يعنى ريهام بالنسبالى ماتت فى نفس اللحظه اللى اختارت فيه امها وسابتنى والميت مش بيرجع تانى
انا : بس انت عارف من الاول انها هتختار امها
دياب : كنت بتمنى انها تختارنى ..... عارف وقتها كنت هعمل ايه
انا : كنت هتعمل ايه
دياب : مكنتش هحرمها منها ويمكن كنت اسامح امل علشان خاطر ريهام .... بس للأسف امل قدرت تنتصر عليا تانى وتاخد منى مراتى زى ما اخدت امى زمان
انا : يعنى انت كان ممكن تسامح امل صقر
دياب : اه كان ممكن اسامحها
انا : مش مصدقك
دياب : على فكره امل صقر ضحيه برضه ..... امل مكانتش تعرف ان امى مريضه يوم ما هددتها .... امل كانت مجبره بسبب اوامر العاصى ومجبره بسبب قلبها اللى اتكسر ...... امل بتنتقم انتقام اعمى مش عارفه هيوديها على فين
انا : طب انت ناوى على ايه مع امل صقر
دياب : هتصدقنى لو قولتلك مش عارف
انا : مصدقك وعارف الحيره اللى انت فيها وعلاجك عندى
دياب : دبرنى يا وزير
انا : انا هحكيلك حكايه وانت افهمها بدماغك
دياب : احكى يا فيلسوف زمانك
انا : زمان فى علماء كانوا بيعملوا تجربه على ضفدع ..... جابوا الضفدع ده وحطوه فى وعاء مليان مياه وحطوه على النار .... كل ما كانت المياه بتسخن الضفدع كان بيعدل درجة حرارة جسمه علشان يقدر يستحمل سخونة المياه .... لحد ما وصلت درجة المياه للغليان وقتها الضفدع مات ..... العلماء كانوا بيدرسوا سلوك الضفدع مع ارتفاع درجة الحراره .... الوعاء اللى فيه الضفدع كان مفتوح، ومع ذلك محاولش يقفز للخروج من الوعاء حتى في حال غليان الماء لحد ما مات .... كانت تجربة علمية وتوصل العلماء إلى أن الضفدع استخدم كل طاقته في معادلة درجة حرارته وتأقلمه مع المناخ اللى حواليه على الرغم من صعوبته، لحد ما وصل لدرجة أنه لم يتبقى عنده طاقة للتأقلم ، ولا حتى لإنقاذ نفسه .... واستنتجوا أن اللى قتل الضفدع مش الماء المغلي، ولكن إصرار الضفدع على أقلمة نفسه إلى حد أفقده الطاقة اللازمة لإنقاذ حياته ..... انت بقى عملت زى الضفدع بالظبط .... اتحطيت فى ظروف صعبه وبتحاول تأقلم نفسك عليها وتتعامل معاها مع ان قصادك الطريق اللى تقدر تهرب منه وتريح قلبك وعقلك بس انت رافض الحل ده
دياب : انت عاوزنى انسى كل اللى عملوه فيا وفى امى وابويا
انا : انا مقولتش انك تنسى ..... بس تفتكر انتقامك ده هيرجع ابوك وامك .... بالعكس ابوك وامك خلاص ماتوا وانت قولتها بنفسك ان اللى بيموت مش بيرجع تانى
دياب : على الاقل الانتقام هيريحنى
انا : وانت لما تخسر مراتك اللى بتحبها يبقى هترتاح ..... انت هتقنع نفسك انك مرتاح لكن من جواك هتحس بالعذاب
دياب : انت عاوزنى اعمل ايه يعنى
انا : لحد دلوقتى انت المظلوم لكن لو كملت فى طريقك ممكن تتحول لظالم وتظلم ناس ملهاش اى ذنب ..... سيب *** يدبرها وياخدلك حقك ساعتها مش هتحس بأى تأنيب لضميرك ..... ولو ركزت كويس هتلاقى ان *** بياخدلك حقك منهم كل يوم .... فى البدايه جدك اللى مات بعد عذاب المرض وتأنيب الضمير .... سعد اللى عايش هربان وقريب هيتقبض عليه ويتعدم ..... اعمامك اللى ماسكين فى بعض ومشاكلهم كترت بسبب الورث والاراضى والفلوس مش باقى غير انهم ياكلوا بعض ..... يعنى يا صاحبى **** بياخدلك حقك منهم من غير ما تتورط فى حاجه ..... ميزان *** عادل وعمره ما يظلم
دياب : انت بتقول كده علشان محصلش معاك اللى حصلى
انا : ازاى بقى واللى حصل لعيلتى زمان تسميه ايه ...... عيلتى اللى سرقت فلوس جدى وشردت ابويا وعمى ..... ابويا اللى عاش فى الفقر بعد ما كان عايش فى العز ..... وعمى اللى اتغرب سنين كتير ..... شوف دلوقتى ايه اللى حصل
دياب : ايه اللى حصل يا فالح
انا : ابويا مات نضيف من غير ما ايده تتوسخ بالظلم ..... عمى **** كرمه وعمل كل الثروه اللى انت شايفها دى ..... وانا من بعد ما كنت واحد ملهوش لازمه واخرى اشتغل محاسب فى شركه زى دى بقيت رئيس مجلس ادارتها ومعايا ملايين ملهاش اخر وشركات كل يوم بتكبر ..... ومن ناحيه تانيه شوف ايه اللى حصل لعيلتى اللى سرقونا ..... خسروا تقريبا معظم الأراضى والفلوس اللى سرقوها لما حطوا ايدهم فى ايد عيلة صقر ده غير الاراضى اللى راحت منهم بوضع اليد ..... يعنى يا صاحبى كل حاجه رجعت فى مكانها الطبيعى تانى
دياب : معنى كلامك ان الواحد يتظلم ويسكت ..... ده الموت يبقى ارحم بكتير
انا : يبقى فهمت كلامى غلط
دياب : ازاى يعنى
انا : فى فرق ما بين انك تسكت على الظلم وانت ضعيف ومش قادر ترجع حقك وبين انك قادر ترجع حقك لكن سايب **** يرجعلك حقك علشان لو انت رجعته بأيدك هتظلم ناس ملهاش اى ذنب فى اللى حصل ..... فى حالتك انت قادر ترجع حقك بس هتظلم ناس كتير .... هتظلم ريهام واخواتها وهتظلم اولاد عمامك وهتظلم اولاد سعد وهتحول البلد كلها لخراب وقبل كل ده هتظلم نفسك لانك هتعيش طول عمرك تحاسب نفسك على الظلم اللى انت اتسببت فيه حتى لو كان من غير قصد وياريت بعد كل ده هتعرف ترجع ابوك وامك وتعوضهم ..... ابوك وامك مش مستنيين منك غير حاجه واحده بس وهى انك تعيش حياتك وتبقى مبسوط
دياب : .........
انا : ساكت ليه ..... كلامى مش عاجبك
دياب : بالعكس كلامك منطقى جدا
انا : وبعدين فى حاجه اهم بكتير من المشاكل التافهه دى اللى ممكن تضيع عمرك بسببها
دياب : حاجة ايه
انا : شغلنا يا دياب ..... الناس اللى متعلقه فى رقبتنا ..... القضيه اللى عاهدنا **** ان احنا ننصرها طول ما احنا عايشين
دياب : ايه اللى دخل شغلنا فى المشاكل الشخصيه
انا : مشاكلك الشخصيه ممكن تبقى نقطة ضعف ليك تقدر استر تستغلها ضدك ..... مشاكلك الشخصيه ممكن تدمر كل اللى احنا بنعمله ..... لو شغلنا نفسنا بانتقام ونزاعات ملهاش اى لازمه ممكن نخسر كل حاجه ولما نموت و**** يسألك عملت اى فى القضيه اللى انت شايلها هترد وتقوله ايه ..... هتقول كنت مشغول بمشاكل شخصيه ..... اصحى يا دياب وفوق لروحك قبل ما السكينه تسرقك وتخسر كل اللى اتعمل طول السنين اللى فاتت بسبب انتقام اعمى
دياب : انت صاحب بجد يا سليم مش عارف من غيرك كنت هعمل ايه ..... انت فعلا لفت نظرى لحاجات كتير كانت غايبه عنى ولازم اصلح كل الغلط ده
انا : ايوا كده يا دياب ..... وبعدين اهم واحد يستحق الانتقام هو سعد صقر واحنا كده ولا كده مش هنسيبه ومجرد ما نخلص اللى بنعمله وقتها اعمل فيه كل اللى انت عاوزه
دياب : عندك حق ..... احنا نخلص اللى بنعمله وبعدها هعرف انتقم منه بمزاج
انا : كويس انك اقتنعت
دياب : انا هسمع كلامك ده واعمل صلح معاهم بس بشرط انت تحضر الصلح ده وتشهد على كل حاجه بنفسك لانى انا متاكد ان الغدر طبع فيهم ولو ده حصل انا مش هقولك انا هعمل فيهم ايه لان مفيش كلام هيقدر يوصف اللى هعمله فيهم
انا : وقتها انا مش هوقف فى طريق وساعتها يبقى معاك حق فى كل اللى هتعمله
• فجأه سمعنا صوت دوشه وزعيق بره
انا : ايه فى بره
دياب : مش عارف فى ايه تعالى نشوف بيحصل ايه
• خرجت مع دياب ولقيت هبه مديرة مكتبى وصاحبة لمياء بنت عمى بتتخانق مع كريم
انا : ايه فى يا هبه .... ايه فى يا كريم
هبه : كنت داخله لحضرتك والاستاذ بيقولى ممنوع علشان حضرتك بتشتغل
كريم : يا فندم انا كل اللى قولته تستنى شويه بسيطه لحد ما تخلص اجتماعك انت ومستر دياب بس هى اللى ما ادتنيش فرصه ودخلت فيا زى القطر
هبه : انا اللى زى القطر ولا انت اللى واقف زى الباب ومانعنى من الدخول ..... يا استاذ لازم تفهم حاجه مهمه انا هنا بشتغل مديرة مكتب مستر سليم وعاوزاه فى شغل مهم يعنى مش جايه العب
انا : اهدوا يا اخوانا مفيش مشاكل ولا حاجه ..... كريم مايقصدش يا هبه انتى بس فهمتى غلط ..... احنا فعلا مانعين اى حد يدخل علينا علشان بنخلص شغل مهم
هبه : واللى انا بعمله ده برضه شغل مهم مش بلعب انا
كريم : شوفت يا فندم دى عامله زى القطر ومش راضيه تتفاهم
دياب : يخرب عقلك يا كريم بقى حد يشبه القمر دى بالقطر ..... هى ممكن تكون عصبيه شوبه مش اكتر ..... اعتذرلها يا كريم على الجليطه بتاعتك
كريم : حاضر يا فندم ..... انا اسف يا استاذه
انا : خلاص يا هبه الراجل اعتذر
هبه : علشان خاطر حضرتك يافندم انا قبلت الاعتذار
انا : كده تمام ..... خير يا هبه كنتى عاوزانى فى شغل ايه بالظبط
هبه : المهندس مصطفى بعتلى الورق ده وطلب منى اخليك تمضيه فورا لانه لازم يتسلم للوزاره النهارده واى تأخير هتحصل مشاكل
انا : ورق ايه ده
هبه : ورق خاص بالمناقصه الجديده اللى الشركه داخلاها
انا : طب سيبى الورق انا هبص عليه وامضيه وابعتهولك
هبه : حاضر يا فندم .... عن اذنك
انا : اتفضلى
• اخدت الورق من هبه ودخلت المكتب مع دياب وكريم
دياب : بالراحه يا كريم البنت مش قدك
كريم : ايه ياعم البنت دى ..... دى عامله زى القطر
انا : ياعم هى مستعجله علشان الورق ده مهم
كريم : حتى لو كان مهم ..... فى طريقه للكلام انا مش بشتغل عندها
دياب : خلاص ياعم انت البنت ماتقصدش
كريم : ماشى يا دياب .... سيبكم من البت دى وخلينا فى المهم
انا : خير فى ايه
كريم : رجالتنا بلغونى ان استر اتحركت من المزرعه بتاعتها وفى طريقها علينا يعنى مش باقى غير نص ساعه وتوصل
انا : طب ايه اخبار الدنيا هنا
كريم : متخافوش كل حاجه تمام
انا : طب تمام .... معلش يا كريم هتعبك ..... ابعت الملف لهبه
كريم : حاضر يا فندم هبعته
• اخد كريم الملف وخرج وراح لهبه ..... خبط على باب مكتبها ودخل
هبه : عاوز ايه تانى
كريم : ايه يا ست انتى بالراحه علينا
هبه : اللهم طولك يا روح
كريم : خلاص يا ستى ماتتعصبيش عليا انا مش قدك
هبه : عاوز ايه
كريم : اول حاجه جاى اعتذرلك على المعامله الرخمه اللى عاملتك بيها
هبه : وانا كمان اسفه على العصبيه بتاعتى بس انا مضغوطه شويه
كريم : يعنى صافى يا لبن
هبه : حليب يا قشطه ..... خير كنت عاوز ايه تانى
كريم : جايبلك الملف ده علشان الشغل ..... انا كان ممكن ابعته مع اى حد بس قولت لازم اجى بنفسى علشان اعتذرلك
هبه : شكرا يا سيدى
• فجأه تليفون كريم رن ورد عليه بعدها بص لهبه
كريم : استأذن انا بقى
هبه : رايح فين
كريم : رايح اشوف شغلى واسيبك تشوفى شغلك
هبه : اتفضل
• وصلت استر الشركه وكريم وصلها لمكتبى واستقبلناها انا ودياب
استر : عارف يا سليم انا كنت مستنيه القعده دى قد ايه
انا : طبعا عارف خصوصا ان عمى كان رافض نهائى يشتغل معاكى
استر : مفيش حاجه بتدوم على حالها والعبره بالنهايه
انا : عندك حق العبره بالنهايه ...... انا عارف كويس انك بتحلمى تقعدى على الكرسى بتاعى وبتخططى لكده من بدرى بس دى حاجه مستحيله
استر : الحياه علمتنى ان مفيش حاجه مستحيله
انا : انتى قولتى من شويه العبره بالنهايه
استر : ماشى يا سليم
دياب : خلينا فى المهم دلوقتى علشان نخلص
استر : ماشى يا دياب ..... احنا اتفقنا على انى هشترى نسبة 10% من اسهم شركة الجراح وزيهم فى الشركه الجديده اللى كان افتتاحها من يومين وقصاد النسبه دى هنسمحلكم بالدخول فى سوق الماس وهنساعدكم انكم تاخدوا مناقصات كبيره
دياب : واحنا اتفقنا على كده مع سيرينا وديفيد فى امريكا
استر : بس انا شايفه ان النسبه اللى انت عارضها دى قليله جدا على المناقصات والشغل اللى احنا هنساعدكم فيه
دياب : بس ده كان اتفاقنا من الاول
استر : احنا هنغير حاجه بسيطه فى الاتفاق ده
دياب : حاجة ايه
استر : احنا عاوزين نسبه فى شركة الفهد الاسود
دياب : يبقى تنسى كل الاتفاقيات اللى حصلت وتتفضلى تمشى من غير ولا سهم واحد
استر : يبقى هتخسر شغلك فى الماس
دياب : اعتبرينا منسحبين من كل شغل الماس
استر : بسهوله كده تضحى بكل الشغل اللى انت عملته فى الماس
دياب : لا متقلقيش انا مش هضحى بأى حاجه
استر : مش فاهمه قصدك ايه
دياب : دى حاجه ما تخصكيش ..... شغلى وانا ادرى واحد بيه
انا : دلوقتى يا مدام استر قدامك حل من الاتنين ..... يا اما نكمل الاتفاق بتاعنا ..... او تنسى كل حاجه كأنها محصلتش
استر : موافقه
انا : موافقه نكمل ولا نلغى
استر : موافقه نكمل الاتفاق
انا : ما كان من الاول ايه لازمتها الحوارات دى
دياب : خلصونا علشان نمضى العقود ونتفق على الشغل هيكون ازاى فى الفتره اللى جايه
استر : انا جاهزه
• قعدنا اكتر من ساعتين اتفقنا فيهم على الشغل ومضينا العقود وبعد كده استر مشيت
انا : تفتكر استر هتعمل ايه دلوقتى
دياب : لسه مش عارف
انا : مش شايف انها غريبه شويه تتنازل عن طلبها فى شركة الفهد الاسود
دياب : هى جايه ومتاكده ان احنا هنرفض
انا : حتى لو كان زى ما بتقول دى حتى مفكرتش تضغط علينا نهائى
دياب : استر كانت عاوزه تتأكد من اهمية شركة الفهد الاسود بالنسبالنا وعاوزه كمان متخسرش العرض اللى بقالها سنين بتحلم بيه علشان كده مينفعش تضحى بيه ده غير انها اكيد هتحط خطه علشان تدخل شركة الفهد الاسود
انا : على العموم خلينا ماشيين فى طريقنا زى ما احنا لحد ما نشوف ايه هيحصل
دياب : عندك حق
انا : اهم حاجه دلوقتى نركز مع سعد صقر لانى متأكد ان استر هتستخدمه الفتره اللى جايه
دياب : متخافش من الناحيه دى ..... سعد صقر تحت عنينا طول الوقت لو دخل الحمام بعرف
انا : كده تمام
دياب : طب يلا بينا نمشى
انا : نمشى نروح فين
دياب : لازم نخلص موضوع العيله دلوقتى لأن اى تأخير مش فى صالحنا نهائى
انا : عندك حق ..... لازم نتحرك قبل ما استر تفوق من اللى حصل النهارده
دياب : طب يلا بينا ..... انت هترجع الفيلا وانا هروح اخد ريهام واطلع على فيلا احمد صقر ولما هحتاجك هتصل بيك
انا : انا مش شايف ان ليها لازمه احضر حاجه زى دى
دياب : ليه بتقول كده .... انت لازم تشهد على الكلام ده بنفسك
انا : انا شايف ان دى قعده عائليه ومينفعش اى غريب يحضرها
دياب : انت مش غريب يا سليم
انا : لا يا دياب انا غريب ومش من العيله والامور دى لازم تتم بينكم وبين بعض ..... وبعدين شهادتى هتفرق فى ايه لو كانوا ناويين على الغدر
دياب : زى ما تحب يا سليم ..... انا هروح اعمل اللى قولتلك عليه
انا : وانا هروح اخد مريم علشان نشوف تجهيزات الفرح
دياب : انتوا خلاص حددتوا المعاد
انا : ايوا خلاص بعد اسبوعين هنعمل الفرح فى الفيلا
دياب : الف مبروك يا صاحبى
انا : **** يبارك فيك
• اتحركنا انا ودياب وكل واحد رجع الفيلا بتاعته
• عند دياب فى الفيلا ..... مجرد ما وصل شاف ريهام وليندا قاعدين مع بعض ..... ريهام اول ما شافت دياب قامت علشان تدخل اوضتها
دياب : رايحه فين يا ريهام
ريهام : داخله اوضتى
دياب : روحى غيرى هدومك علشان خارجين
ريهام : خارجين فين
دياب : هتعرفى بعد ما تجهزى
ريهام : وانا مش هخرج من غير ما اعرف احنا رايحين على فين
دياب : هعمل اللى كنتوا عاوزينه
ريهام : ايه اللى احنا عاوزينه .... وبتتكلم بصيغة الجمع ليه
دياب : هعمل اللى انتى وليندا عاوزينه ..... هقفل باب المشاكل
ليندا : بتتكلم بجد يا ادم
دياب : انا خلاص تعبت من المشاكل ومش كل يوم هعمل عداوه جديده
ريهام : اول مره قلبى يرفض يصدقك
دياب : تعالى معايا وانا اخليكى تصدقى بنفسك
ريهام : حاضر يا دياب انا هاجى معاك واحاول اصدقك
دياب : وانتى كمان ياليندا اجهزى علشان لازم تيجى معانا
ليندا : حاضر يا حبيبى
• جهزت ريهام وليندا وخرجوا مع دياب وراحوا فيلا احمد صقر ..... عمر صقر اول ما شافهم استغرب وبقى مش فاهم
عمر : خير يا دياب جاى ليه تانى وعاوز ايه
دياب : احمد فين
عمر : احمد فى اوضته فوق
دياب : ياريت تقوله ينزل وكلم كمان محمد وطارق ..... عاوز الكل يحضر وياريت كمان مراتك تحضر القعده دى
عمر : ريحنى يا دياب وفهمنى انت بتفكر فى ايه
دياب : متخافش يا عمى انا جاى ومش ناوى على شر بالعكس اللى انا جاى علشانه هيفرحك
عمر : حاضر يا دياب ..... انا هجيبلك الكل
• فى خلال نص ساعه كان الكل موجودين
دياب : انا عارف ان كلكم مستغربين من وجودى هنا النهارده بعد اللى حصل امبارح ..... وكل واحد فيكم ببقول بينه وبين نفسه ايه الانسان اللى كل يوم برأى وكلمه .... وانا عازركم اصله مش طبيعى انى امبارح اهددكم والنهارده ارجع فى تهديدى ..... وعارف ومتاكد ان معظمكم مش هيصدقنى ..... بس انا جيت اقول كلمتين علشان اخلص ضميرى ..... انا ورثت من ابويا حاجه حلوه ووحشه فى نفس الوقت ..... ورثت منه طيبة القلب ..... اللى مانعنى عنكم حاجه واحده وهى قلبى ..... قلبى اللى اتعلق ببنتكم وحبها واتعلق بسليم وحبه
عمر : يعنى خلاص يا دياب هنقفل على الماضى
دياب : علشان خاطرك يا عمى انت وريهام وسليم هقفل على الماضى بس بشرط
احمد : وايه شروطك يا دياب باشا
دياب : بتتريق يا احمد ..... ماشى هعديهالك مع ان لولايا كان زمانك ميت بدل المره الف مره
عمر : اسكت يا احمد انا بس اللى هتكلم فى الموضوع ده ..... ايه شروطك يا دياب وانا هنفذها كلها من غير نقاش
دياب : على فكره شرطى ساهل مش صعب يا عمى ..... اول حاجه امل صقر ممنوعه من دخول بيتى بشكل نهائى ولما تحب تشوف بنتها يبقى تشوفها هنا عندكم .... لكن انت يا عمى مرحب بيك فى اى وقت تقدر تيجى بيتى وقت ما تحب تشوف بنتك
عمر : وايه الشرط التانى
دياب : مفيش شروط تانى يا عمى ..... انا كل اللى طالبه منكم تكفوا شركم عنى ..... انا عارف ان انتوا شايلين منى بالرغم انى لحد دلوقتى معملتش اى حاجه وحشه لحد فيكم وانتوا اللى طول عمركم ظالمينى ..... ظلمتونى وظلمتوا ابويا وامى
احمد : يعنى انت عاوز تقنعنى انك بسهوله هتنسى اللى حصل زمان
عمر : قولتلك يا احمد انا بس اللى هتكلم فى الموضوع ده
دياب : سيبه يا عمى يقول كل اللى عاوزه ..... لا يا احمد انا مش بسهوله هنسى اللى حصل
احمد : امال ايه سبب التغيير المفاجئ ده ومتقوليش حبك لريهام وسليم هو السبب
دياب : هما فعلا سبب بس مش كل الاسباب
احمد : وايه بقى باقى الاسباب
دياب : فى حد عزيز عليا قالى حاجه مهمه كانت غايبه عنى وبسببها رجعت فى انتقامى ..... قالى ان **** بيسترها معايا وبينجنى من اى مصيبه علشان مظلوم لكن لو نفذت انتقامى هبقى ظالم ووقتها استحق العقاب
عمر : عين العقل يابنى
دياب : انا جاى النهارده ومادد ايدى بالسلام واتمنى انى مابقاش غلطان
عمر : واحنا كمان مادين ايدينا بالسلام ومرحب برجوعك لينا يا ابن الغالى
دياب : فى حاجه اخيره عاوز اقولها قصادك يا عمى ولازم تشهد عليها بنفسك وتشهدى عليها انتى كمان يا ريهام علشان ابقى ريحت ضميرى منكم
عمر : حاجة ايه دى
دياب : انا جيت ومديت ايدى بالسلام وقفلت على الماضى علشان خاطركم ..... لكن لو حصل اى غدر من عندكم انا هفتح الماضى على الحاضر ومش هرحم حد ومش بس هنتقم من اللى هيغدر لا انا هنتقم من الكل هحرقكم كلكم مش هرحم لا كبير ولا صغير ومش هفرق بين راجل وست لعنتى هتطول الكل ومش هعمل حساب لأى مخلوق
احمد : انت جاى مادد ايدك بالسلام ولا جاى تهدد
دياب : لا طبعا جاى مادد ايدى بالسلام بس انا للأسف عارفكم كويس الغدر فى دمكم وانا لسه ماخفيتش من رصاصتك يا احمد اللى جات فى ضهرى
عمر : خلاص با دياب احنا قولنا نقفل على الماضى
دياب : انا فعلا قفلت على الماضى ودى كانت اخر حاجه هقولها عن الماضى
عمر : متخافش يا دياب ليك عليا محدش فى العيله يتعرضلك
دياب : اللى عايش حياتى ميعرفش معنى الخوف يا عمى .... عن اذنكم
عمر : رايح فين
دياب : معايا شغل مهم ولازم تمشى وهسيب ريهام دلوقتى عندكم بس بالليل ارجع الاقيها فى بيتى ..... فاهمانى يا ريهام
ريهام : حاضر يا دياب
عمر : استنى يا دياب نتغدى مع بعض
دياب : معلش يا عمى معايا شغل مهم وانا متاخر عليه خليها مره تانى
عمر : براحتك بابنى
دياب : يلا يا ليندا
ليندا : حاضر يا ادم
• خرج دياب وليندا من الفيلا
ليندا : انت راجع الشركه يا ادم
دياب : لا يا حبيبتى انا واخد باقى اليوم اجازه
ليندا : امال ليه قولتلهم معاك شغل
دياب : علشان انتى وحشتينى وقولت اخدك ونخرج نتغدى مع بعض فى مكان نغير جو
ليندا : بحبك يا ادم
دياب : بعشقك يا قلب ادم
ليندا : هتعزمنى فين
دياب : تحبى تروحى فين ..... النهارده انا ملكك
ليندا : اى مكان معاك هيبقى جنه ..... اختار انت
دياب : ماشى يا قمر
• مرت الايام بعد كده بشكل طبيعى جدا واتجوزت انا ومريم واخدت اجازه شهر من الشغل واخدتها وسافرنا واتفسحنا ..... ومر على جوازنا خمس شهور كاملين الشغل فيهم كان ماشى طبيعى والامور مستقره استقرار يقلق ومفيش اى مشكله
• فى يوم صحيت بدرى علشان اجهز لشغلى ومريم كانت نايمه وصحيت على صوتى وانا بجهز
انا : انا اسف يا حبيبتى صحيتك من غير قصد
مريم : هى الساعه كام دلوقتى
انا : الساعه 7
مريم : انت مفيش فايده فيك
انا : ليه بتقولى كده
مريم : يا حبيبى الوقت لسه بدرى على الشغل
انا : معلش بقى اتعودت من زمان اصحى بدرى
مريم : مش ناوى تاخد اجازه ولو يومين نغير فيهم جو
انا : انا عارف انى مقصر معاكى بس الدنيا مضغوطه شويه فى الشغل لكن اوعدك هحاول افضى نفسى يومين واخدك ونسافر نتفسح فى اى مكان انتى عاوزاه
مريم : ماشى يا سليم لما نشوف ..... انا بس حاسه بملل من قعدتى فى الفيلا اليوم كله
انا : حاولى تشغلى وقتك فى اى حاجه اليومين دول بس لحد ما اظبط اوضاعى
مريم : حاضر با حبيبى
• فجأه مريم داخت وكان هيغمى عليها
انا : مالك يا حبيبتى فى ايه
مريم : مفيش حاجه متقلقش بس انا لسه صاحيه ومش مركزه
انا : بس انا ملاحظ انك بتتعبى بزياده اليومين دول
مريم : ممكن يكون بسبب السهر وقلة النوم
انا : تحبى نروح المستشفى
مريم : مستشفى ايه يا سليم انت ناسى ان اختى دكتوره وعايشه معانا فى نفس البيت
انا : طب خليها تكشف عليكى
مريم : حاضر يا حبيبى
انا : طب انا خارج عاوزه حاجه منى قبل ما اخرج
مريم : انت هتتأخر فى الشغل
انا : مش عارف بس غالبا هرجع بدرى لان مفيش مواعيد كتير معايا النهارده
مريم : يعنى هترجع على الغداء
انا : مش عارف بس قبل ما اخلص هكلمك
مريم : طب ايه رائيك نخرج نتغدى مع بعض فى مكان
انا : لا غداء بره صعب بس انا عندى فكره احسن
مريم : فكرة ايه
انا : ممكن نخليها عشاء ..... احنا نروح سينما نتفرج على فيلم ونتعشى بعدها ايه رائيك
مريم : فكره حلوه يا حبيبى ..... خلاص انا هجهز نفسى
انا : طب انا همشى دلوقتى علشان اتاخرت .... يلا سلام
مريم : مع السلامه يا حبيبى
• خرجت من الفيلا وطلعت على الشركه وبعد شويه دياب وصل ودخل عليا المكتب ومعاه كريم
انا : دخلتكم انتوا الاتنين مع بعض مش مريحانى
دياب : ليه بتقول كده
انا : شكلها كده فى مشكله
كريم : بالعكس الدنيا هاديه خالص وده اللى قالقنى
انا : يا باى عليك يا اخى خليك متفائل
كريم : هحاول
انا : وبعدين انت ايه حكايتك مع هبه شايفك مركز معاها من بعد فرحى
كريم : ليه هى اشتكتلك فى حاجه
انا : لا خالص بس انا ملاحظ انك مركز معاها
كريم : لا عادى مفيش حاجه
دياب : كريم شكله وقع
كريم : انتوا الاتنين فاضيين وهتستلمونى معاكم
دياب : ياعم فكها شويه
كريم : سيبكم من الكلام الفاضى ده وخلينا فى المهم
انا : خير فى حاجه
كريم : فى اكتر من حاجه مش مريحانى
دياب : زى ايه
كريم : اول حاجه عيلة صقر مش عارف ليه مش مرتاح من ناحيتهم ..... حاسس كده انهم بيخططوا لحاجه
دياب : ايه اللى خلاك تقول كده
كريم : احمد صقر قابل اعمامك يا دياب اكتر من مره فى الفتره اللى فاتت وبطريقه ملفته للنظر
دياب : انا عارف ومتاكد انهم ناويين على غدر بس هعمل ايه انا بحاول احمى نفسى منهم على قد ما اقدر
كريم : فى حاجه تانى انا مش فاهمهما
دياب : حاجة ايه
كريم : احمد صقر راح اسوان الشهر اللى فات كتير وراح لبيت مهجور هناك .... كان بيروح يقعد هناك ساعه ولا ساعتين وبعدها يمشى
دياب : شكله كده بيدور على اثار وده مكان جديد بيعاينه
كريم : انا دورت وراء البيت ده اكتشفت انه بتاع احمد صقر وجده كتبله البيت ده من اكتر من 30 سنه
دياب : برضه انا مش شايفها غريبه ..... واحد وبيروح بيته مفيهاش حاجه يعنى
كريم : انا حاسس ان البيت ده فيه حاجه مهمه او بيقابل حد هناك
دياب : طب راقب البيت كويس لما نشوف اخرتها
كريم : انا عملت كده فعلا وفى ناس هناك دلوقتى عنيهم على البيت
انا : فى حاجه تانى مش مريحاك يا كريم
كريم : استر مطنشه سعد صقر ..... سعد بقاله كتير عاوز يقابلها والبيرت مفهمه انها مسافره ومش موجوده فى مصر ..... ده غير ان سعد حاول اكتر من مره يخطف سليم صقر لكن استر بتمنعه ..... معنى كده ان استر بترتب لحاجه بخصوص سليم
دياب : بترتب لأيه
كريم : مش عارف بس متهيألى انها حاجه بعيد عن القتل او الخطف
انا : امال ناويه على ايه يعنى
كريم : ده اللى مش قادر اعرفه
دياب : عاوزك تغير طقم الحرس اللى بيتابع سليم
كريم : انا عملت كده فعلا
• فجأه الباب خبط ودخلت هبه
هبه : صباح الخير يا مستر سليم ..... صباح الخير يا مستر دياب
انا ودياب : صباح الخير يا هبه
كريم : يعنى انا هواء قصادك مفيش صباح الخير يا كريم
هبه : انت لو صبرت كنت هصبح عليك
كريم : على العموم انا هطلع احسن منك واصبح عليكى الاول ..... صباح الخير يا استاذه هبه
انا : اتلم يا كريم بقى
هبه : سيبه يا مستر سليم انا هعرف اتصرف معاه كويس
كريم : ايه هتضربينى
هبه : لا يا خفيف بس انا ممكن افرج عليك الشركه كلها واقول انك بتعاكسنى
كريم : لا الطيب احسن
انا : كفايه لعب العيال ده ..... خير يا هبه كنتى عاوزه حاجه
هبه : ايوه يا فندم ..... الورق ده محتاج يتمضى دلوقتى
انا : طب سبيه هراجعه الاول وبعد كده امضيه وابعتهولك
هبه : تمام يا فندم .... عن اذنك
انا : اتفضلى يا هبه
• بعد ما هبه خرجت
انا : خف على البنت شويه يا كريم
دياب : يابنى لو عاجباك اوى كده اتجوزها
كريم : اه اتجوزها وماله مش عيب ..... اتجوزها علشان تموت
انا : ايه التشاؤم اللى انت فيه ده
كريم : هى دى الحقيقه ..... انا شخص حياتى مش ملكى وكل يوم فى مكان جديد ده غير الخطر اللى دايما عايش فيه
انا : احنا كلنا عايشين فى نفس الخطر اللى انت بتقول عليه لكن برضه حبينا واتجوزنا
كريم : ياريت نقفل كلام فى الموضوع ده ..... وخلينا فى شغلنا
دياب : خلاص براحتك اهرب زى ما انت عاوز
كريم : انا كلمت ابراهيم فى اسبانيا علشان يعمل سيستم امنى جديد وكمان نظبط الاجتماع بتاع اول الشهر
انا : الاجتماع المره دى هيكون فى اسبانيا ولا فين
كريم : لا مش هينفع فى اسبانيا لانى رصدت اكتر من واحد من رجالة استر موجودين فى اسبانيا
انا : وياترى دى صدفه ولا عرفوا حاجه
كريم : لسه مش عارف ..... علشان كده انا هخلى الاجتماع هنا فى مصر
دياب : بس كده خطر وممكن نتكشف
كريم : متقلقش انا هرتب كل حاجه
انا : وتفتكر الفهد الاسود هيوافق على الكلام ده
كريم : انا هتصرف واقنعه حتى لو اضطريت اسافرله بنفسى ..... فكره ان كل اجتماع نعمل حوار علشان نسافر بقت ملفته للنظر علشان كده لازم نغير نظام الاجتماعات
انا : خلاص زى ما تحب
دياب : طب حددت مكان الاجتماع
كريم : ايوا فى فيلا المقطم ..... الجماعه مجرد ما يوصلوا هاخدهم على هناك على طول ومش هيخرجوا من الفيلا غير على المطار
انا : كده تمام
كريم : طب اسيبكم تشوفوا شغلكم
انا : رايح فين
كريم : هروح اشوف الرجاله واتمم على الشغل
انا : طب وانت خارج ابعت الملف ده لهبه انا خلاص مضيته
كريم : هات يا سليم
• بعد ما كريم خرج
انا : مالك يا دياب سرحان فى ايه
دياب : حاسس ان فى حاجه مش مظبوطه بتحصل
انا : حاجه بخصوص الشغل ولا ايه بالظبط
دياب : كلها منفده على بعضها
انا : **** يستر ..... طمنى انت عامل ايه مع ريهام
دياب : لسه مش مصدقه انى اتصالحت مع اهلها وخايفه منى
انا : مع الايام هتصدق
دياب : تصدق ماتصدقش براحتها ..... انا وريهام علاقتنا كانت غلط من الاول والحكايه كلها مجرد وقت وكل واحد فينا هيروح لحاله
انا : ليه بتقول كده يا دياب .... انت وريهام بتحبوا بعض
دياب : الحب وحده مش كفايه ..... وبعدين فى حاجه بينا اتكسرت وصعب تتصلح
انا : بكره كل ده يتغير
دياب : طب اسيبك انا بقى
انا : رايح فين
دياب : هروح مكتبى معايا شغل هناك
انا : طب روح
• من ناحيه تانيه عند هبه قاعده على مكتبها ودخل عليها كريم
هبه : خير يا كريم عاوز حاجه
كريم : اتفضلى الملف ده باعتهولك مستر سليم بيقولك هو مضى على كل الورق
هبه : شكرا يا سيدى
كريم : العفو ..... عن اذنك
هبه : استنى انت رايح فين
كريم : رايح اشوف شغلى .... عاوزه حاجه حضرتك
هبه : اقعد يا كريم عاوزه اتكلم معاك
كريم : معلش مشغول فى حاجه ضرورى
هبه : انا بقولك اقعد عاوزه اتكلم معاك
كريم : ادى قعده ..... خير عاوزه ايه
هبه : مالك متغير كده ليه النهارده
كريم : عادى يمكن بسبب ضغط الشغل والمشاكل اللى الواحد بيشوفها
هبه : انت بتشتغل ايه يا كريم
كريم : مش فاهم السؤال
هبه : لا انت فاهمنى كويس
كريم : انا يا ستى بشتغل قائد الحرس بتاع مستر دياب وسليم
هبه : انت متأكد من الاجابه دى
كريم : ايه اللى يخليكى تشكى
هبه : علاقتك بسليم ومستر دياب علاقه غريبه اكبر من موضوع قائد حرس ..... على العموم ده شئ مش مهم بالنسبالى ..... انا كل اللى يهمنى اعرف مالك النهارده
كريم : زى ما قولتلك ضغط الشغل
هبه : انت على طول مضغوط فى الشغل بس برضه ده مش بيمنع انك تيجى وترخم عليا .... انت بقالك اكتر من خمس شهور لازم كل يوم ترخم عليا لكن النهارده انت شخص غريب
كريم : هقولك حاجه يمكن تريحك .... انا شخص حياتى مش ملكى ولازم كل حاجه اعملها تكون بحساب .... النفس اللى بتنفسه بحساب
هبه : ليه كل ده
كريم : علشان انتوا تعيشوا فى امان .... علشان تناموا مرتاحين
هبه : وحياتك انت فين
كريم : قولتلك حياتى مش ملكى .... انا اتنازلت عن حياتى من 15 سنه ومستنى اللحظه اللى تخلص فيها علشان ارتاح ..... عن اذنك انا لازم ارجع اشوف شغلى
• قام كريم وساب هبه سرحانه فى كلامه
• نرجع عندى انا كنت قاعد فى مكتبى بخلص شغل ودخل عليا دياب وباين على وشه علامات الزعر
انا : خير يا دياب فى ايه
دياب : مفيش خير خالص
انا : ايه اللى حصل
دياب : نص المبانى اللى خلصناها فى المناقصه وقعت وفى عمال كتير ماتت ده غير اللى اتصاب
انا : دى مصيبه سوده ..... مين السبب فى اللى حصل
دياب : .........
• ياترى ايه اللى هيحصل تانى ده بقى هنعرفه فى الجزء اللى جاى اشوفكم بخير
الجزء التاسع
• وقفنا الجزء اللى فات لما انا كنت قاعد فى مكتبى بخلص شغل ودخل عليا دياب وباين على وشه علامات الزعر
انا : خير يا دياب فى ايه
دياب : مفيش خير خالص
انا : ايه اللى حصل
دياب : فى قنبله انفجرت فى الموقع وتقريبا نص المبانى اللى خلصناها فى المناقصه وقعت وفى عمال كتير ماتت ده غير اللى اتصاب
انا : دى مصيبه سوده ..... مين السبب فى اللى حصل
دياب : .........
انا : انطق ساكت ليه
دياب : مش عارف واتمنى مايكونش اللى فى بالى
انا : مين اللى فى بالك
دياب : تعالى بينا نروح الموقع وبعدها نشوف هنعمل ايه
انا : يلا بينا
• اتحركت مع دياب على الموقع وكانت الشرطه هناك بتعاين وبيحققوا مع الموجودين
• بعد يوم طويل من التحقيقات روحنا المستشفى واتطمنا على العمال المحجوزين وبعدها رجعت الشركه تانى مع دياب وسبنا كريم علشان يعرف ايه اللى حصل بالظبط ..... بعدها بشويه وصل كريم الشركه
انا : وصلت لحاجه يا كريم
كريم : عرفت كل حاجه
انا : طب احكى كل حاجه بالتفصيل
كريم : فى واحد من العمال جيه النهارده فى معاده عادى جدا وكان معاه شنطه واشتغل عادى بعدها اتحجج بأنه تعبان ومشى وبعد ما مشى بنص ساعه القنبله انفجرت
انا : مين العامل ده
كريم : ده واحد من العمال الجداد اللى جبناهم علشان يساعدوا العمال اللى معانا
انا : قبضوا عليه
كريم : لا لسه محدش عارف طريقه حتى العنوان اللى فى البطاقه مضروب
انا : تفتكر مين اللى وراء الزفت ده
كريم : اكيد استر مفيش غيرها
دياب : لا مش استر
انا : امال مين
دياب : احمد صقر
انا : انت متاكد من كلامك
دياب : هو ده اللى لازم نتاكد منه
انا : وهنتأكد منه ازاى
دياب : اسمعنى يا كريم كويس فى اللى هطلبه منك
كريم : عاوز ايه يا دياب
دياب : عاوزك تزود المراقبه على احمد صقر ..... وعاوزك تقلب الدنيا على العامل ده
كريم : رجالتى قالبين عليه الدنيا ومفيش حد فيهم هينام غير لما نوصل للزفت ده .... بس ايه اللى يخليك تشك فى احمد صقر مش استر او حتى سعد
دياب : علشان احمد صقر محروق ان المناقصه ضاعت منه .... وشخص فى غرور احمد صقر ممكن يعمل اى حاجه علشان ينتقم ..... تقول ايه بقى العرق يمد لسابع جد .... احمد ورث الغل والكره من امه وخاله وجده
انا : طب لو كان احمد صقر هو اللى وراء الحكايه دى انت هتعمل ايه
دياب : يبقى كده الصلح انتهى ومش هعمل حاجه غير انى انتقم منهم وادمرهم واخسرهم كل حاجه حتى لو بعدها اموت معنديش اى مانع
انا : لا سيب الموضوع ده عليا وانا هتصرف مع احمد صقر بنفسى
دياب : هتعمل ايه
انا : اللى بيقول مابيعملش
دياب : انت مش قد احمد صقر يا سليم
انا : متخافش عليا انا هعرف اتصرف معاه كويس
دياب : نتأكد الاول وبعدها نشوف هنعمل ايه
انا : هى الساعه كام دلوقتى
دياب : الساعه دلوقتى 6.30
انا : يادى المصيبه انا اتاخرت على مريم .... المفروض اخدها نتعشى بره
دياب : طب لسه بدرى تقدر تلحق ..... روح انت لمريم وانا هقعد اخلص شغل واشوف حل فى المشكله اللى احنا فيها
انا : طب عن اذنكم
• خرجت بسرعه من الشركه وروحت الفيلا وكانت مريم مستنيانى
مريم : ايه اللى اخرك كده يا سليم
انا : معلش يا حبيبتى كان معايا شغل مهم واضطريت اسيبه علشان وعدتك
مريم : وقافل تليفونك ليه
انا : تلاقيه فصل شحن وانا مش واخد بالى
مريم : طب ايه هنخرج ولا ايه الدنيا
انا : طبعا يا حبيبتى هو انا اقدر ازعلك
مريم : انا بقول لو انت تعبان نأجلها مفيش اى مشكله ومش هزعل
انا : لا يا حبيبتى انا هدخل اخد شاور واغير هدومى وانتى كمان اجهزى علشان نلحق السهره من اولها
مريم : حاضر يا حبيبى
• دخلت اخدت شاور وجهزت وخرجت مع مريم روحنا سينما واتفرجنا على فيلم حلو وبعدها دخلنا مطعم علشان نتعشى
مريم : انت مبسوط معايا يا سليم
انا : ليه بتسالى السؤال ده
مريم : جاوبنى يا سليم
انا : طبعا يا حبيبتى مبسوط ..... انتى بقى مبسوطه معايا
مريم : انا عايشه معاك فى الجنه ..... بالرغم من شغلك الكتير وان احنا مش بنقعد مع بعض وقت كافى بس صدقنى وجودك فى حياتى مخلينى عايشه فى الجنه
انا : ايه الكلام الحلو اللى انا مش قادر ارد عليه ..... طب اعملك ايه يبسطك
مريم : انا كفايه عليا خروجه زى دى كل فتره ومش عاوزه حاجه تانى
انا : انا بحبك اوووووى يا مريم
مريم : وانا بعشقك يا حبيبى
• من ناحيه تانيه عند استر فى الاستراحه بتاعتها قاعده مع احمد صقر والبيرت
استر : ضربة معلم بصحيح يا احمد
احمد : خليه بقى يفرح بالمناقصه اللى اخدها ..... وكل ما يعمل حاجه فيها انا هدمرها
استر : تفتكر دياب وسليم هيسكتوا على اللى حصل
احمد : مفيش فى ايديهم حاحه يعملوها
استر : عاوزين نرتب للخطوه اللى جايه
احمد : الخطوه اللى جايه لازم نعرف بالظبط دياب بيعمل ايه فى سفره الغامض كل شهر
استر : للأسف دى حاجه مش قادرين نعرفها ..... اخر مره سافر فيها الشهر اللى فات وكل مره بيوصل فيها المطار بيتبخر وبيظهر بعدها بكام يوم فى ايطاليا لكن الايام اللى بيختفى فيها محدش عارف هو بيعمل ايه بالظبط
احمد : ممكن يكون دياب بيشتغل مع اى جهاز مخابرات
استر : دى حاجه انا متاكده منها ومش جهاز واحد لا دياب بيشتغل مع اكتر من جهاز مخابرات لكن احنا مش قادرين نعرف هو بيشتغل مع اى جهاز بالظبط
احمد : طب وصلتى لحاجه فى علاقة كريم ودياب
استر : وصلت لحاجات قليله زودت الحيره اكتر بالنسبالى
احمد : وصلتى لأيه
استر : كريم ودياب اصلا اصحاب من زمان وكانوا جيران فى امريكا ..... والد كريم كان ظابط فى الجيش الامريكى واصر ان كريم يدخل مدرسه عسكريه ..... دخل كريم المدرسه العسكريه وقعد فيها سنه ونص تقريبا وكان دايما على اتصال بدياب ..... فى الفتره اللى دياب رجع يعيش فيها فى مصر وتحديدا اول ما دخل الجامعه فى الوقت ده مات والد كريم بعدها بشهر هرب كريم من المدرسه العسكريه واختفى نهائى لمدة 10 سنين واول ظهور ليه كان مع دياب ايام ما كان متنكر فى شخصية مستر ادم
احمد : عندك حق كده الحيره زادت اكتر بالنسبه لكريم ..... بس معنى كلامك ان كريم ودياب كانوا على اتصال ببعض طول فترة ال 10 سنين اللى اختفى فيهم كريم
استر : بنسبه كبيره
احمد : بالطريقه دى ممكن يكون كريم هو اللى بيحرك دياب
استر : لا كريم بيساعد دياب مش بيحركه .... لكن اكيد فى شخص بيحرك كريم ودياب مع بعض وممكن كمان يكون بيحرك سليم الجراح معاهم مع ان ده شئ مستبعد ..... خصوصا ان سليم مش بيتحرك اى تحرك مريب وطول الوقت فى الشركه او الفيلا واى تحرك ليه احنا راصدينه على عكس كريم ودياب اللى تحركاتهم كتير ومريبه
احمد : وارد جدا يكون دى حركه مقصوده علشان نركز مع كريم ودياب ونطنش سليم وبالطريقه دى ياخد راحته ويتحرك زى ما هو عاوز
استر : هو فعلا دياب لمح قبل كده لحاجه زى دى وعلشان كده احنا مراقبين سليم كويس
احمد : طب هنعمل ايه دلوقتى
استر : ولا اى حاجه .... احنا ضربنا الضربه ومستنيين رد الفعل وبالنسبه للسفريات الغامضه رجالتنا قاعدين فى اسبانيا وايطاليا ومجرد ما دياب يسافر هنعرف هو بيعمل ايه بالظبط
احمد : كده تمام
استر : فى حاجه اخيره لازم تعملها
احمد : حاجة ايه
استر : لازم تخلص من الراجل بتاعك اللى زرع القنبله لان ده الخيط الوحيد اللى ممكن يوصلهم ليك
احمد : متخافيش من الموضوع ده .... كمان ساعه هيقابل واحد من رجالتى علشان ياخد حسابه وهو هيتصرف معاه
استر : كده تمام ..... دلوقتى بقى نتفرج على دياب
• من ناحيه تانيه دياب قاعد فى مكتبه بيخلص شغل ودخل عليه كريم
كريم : الفار دخل المصيده
دياب : فار مين ومصيدة ايه
كريم : اسمع بقى الاخبار الجديده
دياب : اشجينى
كريم : ناصر اللى بيشتغل مع احمد صقر واللى يعتبر دراعه اللى بيخلص الشغل القذر قابل العامل اللى احنا بندور عليه وكان هيقتله بس احنا لحقناه وخطفنا الاتنين
دياب : وهما فين دلوقتى
كريم : بعتهم على فيلا المقطم
دياب : حلو ..... كلم سليم وخليه يحصلنا على هناك
كريم : استنى لما تسمع باقى الاخبار
دياب : اخبار ايه تانى
كريم : احمد صقر
دياب : عمل ايه تانى
كريم : احمد صقر عند استر دلوقتى فى الاستراحه
دياب : انت متاكد
كريم : انا بقالى فتره حاطط احمد صقر تحت المراقبه وكل شويه كان بيهرب من المراقبه لحد ما قدرت اركب جهاز GPS فى عربية احمد صقر ودلوقتى هو موجود عند استر بقاله اكتر من ساعتين
دياب : راح علشان يتفق معاها على الخطوه الجديده فى الحرب بعد اللى عمله النهارده
كريم : قولتلك يا دياب مواجهتك لعيلة صقر هتخليهم يقلبوا عليك وهتخلى استر تستغل الموضوع ده لمصلحتها ..... حتى لو كنت صالحتهم تانى يوم ده هيخليهم حاسين من ناحيتك بالغدر
دياب : ........
كريم : ساكت ليه يا دياب
دياب : عاوزنى اقولك ايه يا كريم
كريم : رد عليا فى الكلام اللى بقوله ..... انا حذرتك كتير وانت رفضت تسمع كلامى .... اصل مش معقول احمد صقر هيشوفك بتهدد امه وعيلته ويقعد ساكت لازم يعمل حاجه واهو فعلا بدأ يعمل .... تقدر تقولى هتعمل ايه دلوقتى
دياب : همحى عيلة صقر من على وش الارض ..... فى الاول كنت متردد علشان فى ناس كتير كانت هتتظلم فى انتقامى لكن بعد اللى حصل النهارده والعمال الغلابه اللى ماتوا من غير اى ذنب يبقى احمد صقر لازم يحاسب على اللى عمله
كريم : اهدى كده ونتعامل بالعقل
دياب : انا عارف كويس بعمل ايه ..... خطة الانتقام هتبدأ من الليله
كريم : ناوى على ايه
دياب : اول حاجه نبدأ بيها سعد صقر
كريم : انت اتجننت يا دياب ..... كده هتكشف ورقنا
دياب : بالعكس يا كريم ..... سعد ده ورقه محروقه ولازم نخلص منها علشان نحافظ على باقى الورق
كريم : ازاى مش فاهم
دياب : استر نفسها مش عارفه تستغل سعد وفى الفتره الاخيره يعتبر بتتهرب منه خصوصا بعد ما ضمت احمد صقر لفريقها صح ولا انا غلطان
كريم : كلامك صحيح وسعد صقر بقاله فتره بيحاول يقابل استر وهى بتتهرب منه
دياب : يبقى جيه وقت الانتقام من سعد ومن اولاد العاصى
كريم : انت كده هتقلبها حرب
دياب : متخافش يا كريم نفذ اللى هقولك عليه بالحرف الواحد .... كده ولا كده عيال العاصى بعيد عن حربنا مع استر
كريم : وامل صقر هتعمل معاها ايه
دياب : هخليها تتفرج على كل اللى بيحصل .... لازم كل يوم تعيش فى عذاب وخوف
كريم : انا هسمع كلامك بس مش النهارده
دياب : ليه يعنى
كريم : لان كلامك هيقوم الحرب واحنا مينفعش نعمل حاجه الاسبوعين دول علشان الاجتماع اللى هيتعمل فى مصر .... خصوصا ان الفهد الاسود هيوصل فى خلال ايام
دياب : انت كلمته
كريم : هو اللى كلمنى بعد ما عرف اللى حصل النهارده
دياب : وليه ما كلمنيش انا او كلم سليم
كريم : كان عاوز يعرف ايه اللى حصل من حد غيركم علشان يقدر يكون رأى عن الموضوع قبل ما يكلمك انت وسليم
دياب : وانت قولتله ايه
كريم : حكيتله كل حاجه بالتفصيل ..... وامر ان لو احنا اتاكدنا ان احمد صقر هو اللى وراء الموضوع ده يبقى انت متعملش حاجه وتسيب سليم هو اللى يتصرف
سليم : وسليم بقى هيتصرف ازاى فى الموضوع ده
كريم : دى اوامر الفهد الاسود .... بعد ما عرف ان سليم عاوز يتعامل فى الموضوع ده .... قرر انه يختبر سليم ويسيبه فى مواجهة احمد صقر بدون اى تدخل منى او منك او حتى مساعده .... الفهد الاسود بيقول ان سليم بقاله فتره كبيره بيتفرج علينا وبيتعلم وجيه الوقت اللى ينفذ فيه كل اللى اتعلمه منى ومنك
دياب : بس احمد صقر اقوى من سليم
كريم : دى اوامر الفهد الأسود .... وبعدين سليم عنده اللى مش عند احمد صقر
دياب : اللى هو ايه
كريم : عنده الذكاء ..... سليم ذكى ذكاء خارق .... ذكاء مش موجود عندى ولا عندك ولا عند احمد صقر و لا الفهد الاسود شخصيا
دياب : انا مقدرش اتكلم على ذكاء سليم .... بس سليم ذكى فى الشغل والبورصه واللعب اللى بيحصل فيهم يعنى ملهوش فى الشغل القذر بتاع احمد صقر
كريم : بيتهيألك ..... اقعد واتفرج على سليم
دياب : خلاص كلمه وشوف هو هيعمل ايه
كريم : انا شايف ان احنا نروح الفيلا ونقابله هناك ونحكيله على اللى حصل
دياب : ماشى يا كريم يلا بينا
• خرج كريم ودياب من الشركه
• نرجع عندى انا ..... بعد ما خلصت سهرتى مع مريم واحنا راجعين فى الطريق تليفونى رن وكان دياب وقالى انه مستنينى فى الفيلا عندى
مريم : خير يا سليم فى حاجه
انا : لا يا حبيبتى ده شغل
مريم : شغل ايه اللى فى نص الليل ده
انا : انا سبت الشغل بدرى ومشيت علشان خاطرك وفى ورق مهم تقريبا لازم نراجعه
مريم : يعنى هتسيبنى وترجع الشركه
انا : لا يا حبيبتى دياب جاى عندنا فى الفيلا هنخلص شغل فى السريع ويمشى
مريم : ماشى يا حبيبى
• بعد ما وصلت الفيلا دياب وكريم وصلوا عندى ودخلنا اوضة الجنينه علشان نعرف نتكلم براحتنا وقالولى على كل اللى حصل
كريم : ناوى على ايه يا سليم
انا : ناوى على كل خير
دياب : فهمنا انت ناوى على ايه بالظبط
انا : مش الاوامر ان انا اتعامل لوحدى يبقى خلاص سيبونى اتعامل
دياب : تمام يا سليم ..... طب هنعمل ايه مع العامل والراجل بتاع احمد صقر
انا : ولا اى حاجه ..... احبسهم فى فيلا المقطم لحد ما اقولك نعمل ايه
كريم : تمام
انا : عاوزين حاجه تانى
دياب : اعمل حسابك الاجتماع احتمال كبير يبقى الاسبوع اللى جاى والفهد الاسود مصمم انك تحضر الاجتماع ده بنفسك
انا : ازاى وافق بسهوله كده ان الاجتماع يبقى فى مصر
كريم : بسبب الظروف اللى احنا فيها اقتنع ان احنا نعمل الاجتماع فى مصر
انا : رتبت الفيلا اللى الضيوف هيقعدوا فيها
كريم : متخافش ..... بكره كل حاجه هتكون خلصانه
انا : انا مش خايف طول ما احنا مع بعض
دياب : "واختر خليلَ قلبك بحكمةٍ فليست كُلّ القلوب بالقلوب تليقُ .... واختر لنفسك شخصًا إذا قَست عليك الأيام يكن لكَ فيه عشمٌ لا يخيب"
انا : عندك حق يا دياب
دياب : اهم حاجه دلوقتى تخلص موضوع احمد صقر علشان بعد ما الاجتماع يخلص هكتب نهاية عيلة صقر بنفسى
انا : بالراحه على نفسك يا دياب مش عاوزين نفتح على نفسنا اكتر من جبهه
دياب : متخافش يا سليم ..... عيلة صقر مش هتمثل اى خطر علينا ولا على اى حد تانى
انا : انا مش هقدر الومك بعد اللى حصل ..... انا كمان عاوز اخلص منهم
كريم : عيبكم انتوا الاتنين انكم بتفكروا بقلوبكم مش بعقولكم
انا : يعنى عاوزنا نسكت على اللى عمله احمد صقر النهارده ..... خسارة الفلوس مش مهمه عندى على قد ما انا زعلان على العمال الغلابه اللى ماتوا واللى اتصابوا ..... فى عمال ماتوا وكل واحد ساب وراه عيله محتاجاه انضف الف مره من عيلة صقر ..... ده غير العمال اللى عيشهم اتقطع بعد ما اتصابوا اصابات تعجزهم عن العمل وبرضه كل واحد منهم مسئول عن عيله ..... انت جايز يا كريم ماتعرفش الكلام اللى بقوله علشان ماعيشتش حياة العمال دى .... انا بقى غيركم .... انا عيشت حياتهم اكتر من 25 سنه وعارف اللى انا بقوله ده كويس
كريم : انا فاهم قصدك يا سليم
انا : انا عارضت دياب فى الاول فى موضوع انتقامه من عيلة صقر وكنت بفكر بالعقل لكن للأسف العيله دى مينفعش معاها اى عقل ..... العيله دى عامله زى الوباء اللى لازم نخلص منه علشان نعيش فى امان
دياب : ياما قولتلك يا سليم الكلام ده بس انت اللى مكانش عاجبك وجهة نظرى لحد ما اكتشفت فى الاخر ان انا الصح
كريم : احنا مش فى مين الصح ومين الغلط ..... احنا دلوقتى فى اصعب مرحله فى اللعبه ولازم ناخد بالنا من كل حاجه علشان مانضيعش مجهود سنين ..... وبالنسبه لموضوع عيلة صقر ممنوع نهائى القتل يا دياب
دياب : انتقامى منهم مش بالموت يا كريم ..... انا هعمل فيهم اللى العن من الموت
كريم : انت ناوى على ايه بالظبط
دياب : بعدين هتعرف ..... بس اهم حاجه دلوقتى نخلص الاجتماع
انا : انا فى خطه فى دماغى للإجتماع بحيث نخلى استر دماغها تلف ومتعرفش احنا هنعمل ايه بالظبط
كريم : خطة ايه دى يا سليم
انا : اسمعونى كويس وركزوا معايا ..... وحكيت تفاصيل الخطه اللى فى دماغى
كريم : برافو يا سليم خطه فى منتهى الذكاء
دياب : دلوقتى بس اقدر اثق فى دماغك
انا : ليه هو انا كنت غبى قبل كده
دياب : لا بالعكس انت ذكى جدا بس ذكائك فى الشغل والارقام والحسابات والبورصه لكن شغل الامن ده محتاج ذكاء من نوع تانى
انا : اهم حاجه الخطه تتنفذ زى ما اتفقنا
كريم : من بكره هبدأ فى تنفيذها
انا : كده تمام .... وبالنسبه لأحمد صقر سيبه عليا وانا هتصرف معاه بس انا لازم اسافر الاقصر بكره ضرورى
دياب : هتعمل ايه فى الاقصر
انا : احنا مش اتفقنا انى هشتغل لوحدى يبقى خلاص مش عاوز اسئله
كريم : بس سفرك ده لازمله تأمين
انا : متخافش هسافر من غير ما اى حد يحس بحاجه غريبه
كريم : ازاى بقى
انا : يوسف ولمياء مسافرين الأقصر بكره طبيعى ..... انا هاخد مريم ونسافر معاهم عادى جدا
دياب : فكره حلوه ..... طب هتقعد هناك قد ايه
انا : لازم اخد يومين تلاته هناك علشان محدش يشك فى حاجه
كريم : كده تمام
انا : عاوزكم تعملوا حاجه مهمه فى اليومين اللى هغيبهم
دياب : خير يا سليم
انا : عاوزكم تعملوا حصر بكل اسماء العمال اللى ماتوا او اتصابوا علشان نصرفلهم تعويضات عن اللى حصل
دياب : انا فعلا امرت شئون العاملين والشئون القانونيه يعملوا الكشف اللى انت عاوزه وبكره الصبح هيكون الكشف جاهز
انا : كويس انك عملت كده ..... احنا لازم نعوض الناس دى
دياب : مجرد ما ترجع من الاقصر هنشوف الموضوع ده
انا : طب يلا تصبحوا على خير علشان الحق انام شويه قبل السفر
• مشى كريم ودياب وانا طلعت الاوضه عند مريم
مريم : دياب مشى
انا : ايوا يا حبيبتى مشى ..... عاوزك تجهزى نفسك علشان هنسافر الاقصر مع يوسف ولمياء
مريم : انت مش قولت معاك شغل ومش هينفع نسافر معاهم
انا : دياب هيقعد مكانى ..... بصراحه البلد وحشتنى ومحتاج افضى دماغى شويه من الشغل
مريم : طالما معاك اجازه ايه رائيك نسافر اى مكان جديد
انا : متخافيش انا عامل حسابى الفتره اللى جايه اخدك ونسافر دبى
مريم : بجد يا سليم
انا : مش انتى كان نفسك تسافرى دبى من فتره ..... انا اتفقت مع دياب الفتره اللى جايه اخد اجازه اسبوع او عشر ايام نسافر دبى
مريم : بحبك يا سليم
انا : اهم حاجه عندى تكونى مبسوطه
مريم : انا مبسوطه طول ما انا معاك
انا : طب يلا يا حبيبتى ننام علشان معانا سفر بكره الصبح بدرى
• تانى يوم سافرنا كلنا البلد وروحنا بيت الحاج اكرم العصار وبعد السلام والترحيب قعدنا كلنا مع بعض
اكرم : وحشتونى يا ولاد
انا : اخبارك ايه يا عمى
اكرم : الحمد *** كويس بس من بعد جواز امل وسفرها وانا حاسس بديقه
يوسف : هى دى سنة الحياه يا والدى
اكرم : طمنى عليك يا يوسف وعلى شغلك
يوسف : كله تمام يا حاج
اكرم : وانت يا سليم اخبارك ايه واخبار شغلك
انا : ماشى الحال يا عمى
اكرم : فى مشاكل ولا حاجه
انا : لا يا عمى ده العادى
اكرم : **** يوفقك يا ولدى ويبعد عنك المشاكل
انا : تسلملى يا عمى
اكرم : ايه اخباركم يا بنات
لمياء : كلنا كويسين يا عمى
اكرم : **** دايما يا بنتى ..... مالك يا سليم شكلك متغير
انا : متغير ازاى يا عمى
اكرم : سرحان كده وساكت مش زى عادتك
انا : لا عادى بس يمكن بسبب مشاكل الشغل
اكرم : ريح نفسك شويه من الشغل حرام عليك صحتك
مريم : قوله يا عمى ده مش بياخد ولا يوم اجازه وبيخرج الصبح بدرى ويرجع اخر الليل
اكرم : حرام عليك نفسك يابنى انت كده هتضيع
انا : مش بأيدى يا عمى .... انا بحاول على قد ما اقدر اريح نفسى من الشغل بس مش بعرف
اكرم : **** معاك يابنى
انا : سيبك من شغلى وطمنى على البلد
اكرم : البلد كويسه وزى الفل
انا : ايه اخبار الحاج عزت والحاجه فاطمه
اكرم : كويسين يابنى وبيسألونى دايما عليك وعلى يوسف
انا : وايه اخبار عيلة صقر ..... انا سمعت ان فى مشاكل بينهم وبين عيلتنا
اكرم : ايوا فعلا فى مشاكل كتير بينهم بخصوص الشغل اللى بينهم
انا : مشاكل ازاى
اكرم : عيلة صقر بقوا محتكرين كل حاجه فى البلد تقريبا ومش سايبين فرصه لأى حد يشتغل غيرهم ..... ده غير ان عيلة الجراح خسروا اراضى كتير نتيجة شغلهم مع عيلة صقر ..... كل ده كوم والاراضى اللى اخدها منهم اسامه قبل ما يموت كوم تانى وانت عارف ان اسامه اخدها منهم بالغصب وبطريقه قذره
انا : ليه هى مش قمر رجعتهلم الارض تانى بعد حبس ابوها
اكرم : قمر رجعت ارض الكل معادا عيلة الجراح
انا : ليه كده
اكرم : الحكومه حطت ايديها على الارض دى وباقى الممتلكات اللى مالحقتش تبيعها قبل ما تسيب البلد وتسافر
انا : ههههههههههه
اكرم : بتضحك ليه
انا : بضحك على الزمن واللى بيعمله ...... الارض اللى اخدها عيال الجراح بالنصب اتاخدت منهم برضه بالنصب
اكرم : ده انتقام ***
انا : ولسه ياما هيشوفوا طول ما الطمع ماليهم
• اخدنا قعدتنا مع الحاج اكرم وبعد كده اخدت يوسف ولفينا فى البلد ....قعدنا فى البلد 3 ايام وبعد كده رجعنا القاهره تانى
• اول ما وصلت القاهره كلمت دياب وكريم علشان اقابلهم فى الفيلا عندى
دياب : حمد *** على السلامة
انا : **** يسلمكم .....طمنونى ايه اخر الاخبار
كريم : الاخبار عندك انت
انا : طمنونى على الشغل الاول
دياب : قدرنا نلم الدنيا فى الوزاره بخصوص اللى حصل .... واتفقنا ان احنا هنمد شهرين علشان نلحق نسلم الشغل اللى اتدمر ده
انا : تفتكر شهرين كفايه
دياب : بالعافيه قدرنا نوصل للأتفاق ده علشان كده هنضطر نشتغل طول الليل والنهار علشان نعوض
انا : بس كده المناقصه هتوقف علينا بخساره
دياب : خسارة الفلوس ارحم بكتير من اننا نخسر اسمنا فى السوق
انا : متخافش يا دياب مفيش خساره هتحصل
دياب : ازاى يا سليم مفيش خساره ..... احنا خسرنا شغل 5 شهور كاملين ده غير الشرط الجزائى اللى ممكن ندفعه لو اتأخرنا فى التسليم وبنسبه كبيره مش هنقدر نسلم فى المعاد ..... ده غير حاجات تانيه كتير اهمها التعويضات اللى هندفعها للعمال اللى ماتوا واللى اتصابوا
انا : ايه ياعم كمية الاحباط اللى فى كلامك ده .... قولتلك مفيش اى خساره ولا حاجه ..... طمنى على احمد صقر
دياب : مفيش جديد ..... قابل استر مره تانى بعد سفرك ده غير انه قالب الدنيا على الرجاله اللى عندنا
انا : معنى كده ان اعصابه متدمره
كريم : ده شئ اكيد
انا : حلو يبقى ده الوقت المناسب علشان الهجوم
كريم : هتعمل ايه بالظبط
انا : اتقل وهتعرف كل حاجه .... بس اهم حاجه علوز اعرف احنا خسرانين كام فى المناقصه بالظبط
دياب : احنا خسرانين تقريبا 100 مليون جنيه .... الشغل اللى راح بالتعويضات وعليهم الشرط الجزائى
انا : كده تمام ...... يبقى لازم احمد صقر يدفع تمن الخساره دى
دياب : ازاى يا فالح
انا : قولتلك اتقل ..... هو احمد صقر فين دلوقتى
كريم : موجود عند استر فى الاستراحه بتاعتها
انا : بقاله قد ايه
كريم : بقاله ربع ساعه
انا : ياترى بيهبب ايه هناك تانى
دياب : فى الغالب بيحاولوا يفهموا اللى حصل بعد ما خطفنا رجالتهم
انا : او ممكن بيرتبوا لمصيبه جديده
دياب : لا مستحيل يعملوا اى حاجه قبل ما يقفلوا اللعبه اللى قبلها ..... قواعد اللعبه بتقول كده
انا : لازم نغير اسلوبنا فى اللعب المره دى
كريم : قصدك ايه
انا : احنا بقالنا كتير ماشيين بطريقة الدفاع ..... كل اللى احنا بنعمله اننا بنستنى ضربتهم ونحاول نتفاداها وبعد كده نرد عليهم ..... فى الاول مكانش فى مشكله علشان كنا قادرين نتوقع ضرباتهم لكن دلوقتى الامور هتخرج عن السيطره وهنخسر كتير بالأسلوب ده ..... علشان كده لازم نغير طريقتنا ونبدأ احنا فى الهجوم
كريم : مين قالك يا سليم ان احنا بندافع بس ..... لا احنا بنهاجم بس فى طريق تانى هما مش حاسين بيه
انا : انا فاهم كلامك يا كريم كويس بس برضه لازم نشتغل بطريقه جديده شويه
دياب : انت عاوز تعمل ايه بالظبط
انا : اول حاجه لازم نخلص منها سعد صقر
كريم : بس احنا كده بنجازف وبنخسر كارت ممكن نلعب بيه
انا : ليك فى الشطرنج يا كريم
كريم : مش دايما بلعب بس بعرف العب
انا : فى الشطرنج فى نصيحه مهمه جدا بتقول ان لو خصمك معاه زوج من الفيله لازم تكسر واحد منهم بالطريقه دى انت هتعادل قوة خصمك مع قوتك لان خصمك هيخسر السيطره على المربعات اللى كان بيتحرك عليها الفيل اللى انت كسرته ..... واستر دلوقتى معاها اتنين فيله احمد صقر وسعد صقر علشان كده لازم نكسر واحد من الاتنين دول فى اسرع وقت ممكن
كريم : كلامك منطقى بس انا شايف ان احنا لو خلصنا من سعد زى ما انت عاوز اكيد استر هتجيب بديل مكانه وساعتها مش هنبقى عارفين مين البديل ده
انا : متخافش استر مش هتلحق تجيب اى بديل لأن الضربات هتنزل فوق دماغها وراء بعض ومش هتلحق تفوق منها
كريم : ضربات ايه دى
انا : هى دى الطريقه الجديده اللى احنا هنشتغل بيها
كريم : مش فاهم قصدك
انا : انا هفهمك ..... احنا هنضرب فى كل الاتجاهات .....هنضرب فى البورصه وهنضرب فى سوق السلاح وهنضرب فى سوق الادويه ..... للزم نخليهم مش شايفين قصادهم من الضرب
كريم : الكلام اللى بتقوله ده خطر جدا ولازم ناخد موافقة الفهد الاسود قبل ما نعمل اى حاجه
انا : ماتخافش يا كريم انا كلمت الفهد الاسود وشرحتله اللى فى دماغى وهو موافق
دياب : هنبدأ ازاى دلوقتى
انا : انا اللى هبدأ اول خطوه
كريم : هتعمل ايه يا سليم بالظبط
انا : لازم اقابل احمد صقر النهارده بعد ما يرجع من عند استر
دياب : هتقابله ليه
انا : بعد المقابله هتعرف
كريم : طب وسعد هنعمل معاه ايه
دياب : سيب سعد عليا انا هتصرف معاه
انا : انت ملكش دعوه بسعد نهائى يا دياب
دياب : ايه معنى الكلام ده يا سليم
انا : ده مش وقت تصفية حسابات شخصيه يا دياب ..... نخلص اللى احنا بنعمله وبعد كده اعمل اللى انت عاوزه
كريم : انت ناوى على ايه يا سليم
انا : عاوزك تخطف سعد الليله وتخلص على كل رجالته اللى تحت عينك
كريم : وبعدين
انا : تطلع بيه على فيلا المقطم واحبسه هناك مع رجالة احمد صقر
دياب : وهنعمل ايه بعد كده
انا : انا عارفك يا دياب عاوز ايه وهسيبك تلعب شويه مع سعد بس بحدود علشان خاطرى
دياب : ماشى يا سليم
انا : يلا يا كريم اتحرك وشوف هتنفذ ازاى بس اهم حاجه عندى سعد يبات الليله فى المقطم
كريم : حاضر يا سليم
انا : واول ما احمد صقر يوصل الفيلا بتاعته بلغونى علشان اقابله
كريم : حاضر يا سليم
• بعد ما كريم مشى
دياب : هتعمل ايه بالظبط مع احمد صقر
انا : سيبك من احمد صقر دلوقتى وخلينا فى المهم عاوزك بكره تجمعلى كل سماسرة البورصه اللى بنتعامل معاهم
دياب : ليه
انا : لازم نحد خطه للتعامل فى الفتره اللى جايه ولازم نحمى الاسهم بتاعتنا
دياب : ماشى يا سليم
انا : عاوزك كمان تكلم ابراهيم فى اسبانيا ياخد اول طياره ويكون هنا فى مصر
دياب : صعب جدا نخلى ابراهيم ينزل مصر دلوقتى خصوصا انه كان هنا فى مصر من اسبوعين ولو نزل تانى دلوقتى يبقى هنلفت نظر الناس
انا : لازم نتصرف ونلاقى طريقه ندخل بيها ابراهيم مصر من غير ما اى حد يعرف
دياب : طب فهمنى انت محتاجه فى ايه
انا : محتاجه فى اكتر من موضوع بس اهم موضوع فيهم هو تأمين الشغل بتاعنا والضربات اللى هتحصل فى الفتره اللى جايه
دياب : ابراهيم ممكن يخلص كل حاجه وهو فى مكانه مش لازم ينزل مصر
انا : انا عارف ان ابراهيم ممكن يخلص كل حاجه من مكانه بس برضه لازم ينزل مصر ضرورى
دياب : فهمنى ايه اللى فى دماغك يا سليم
انا : هفهمك يا دياب ..... احنا داخلين على حرب كبيره ولازم نجمع الجيش بتاعنا كويس علشان نعرف نكسب ..... لكن لو كل واحد فى بلد هيبقى صعب نكسب
دياب : فهمتك ..... هتصرف والاقى طريقه اجيب بيها ابراهيم
انا : كده تمام
دياب : طب همشى انا دلوقتى ولو فى جديد كلمنى
انا : ماشى يا دياب
• من ناحيه تانيه عند استر يعقوب فى الإستراحه قاعده مع البيرت واحمد صقر
استر : لسه مفيش جديد يا احمد بالنسبه للعامل والراجل بتاعك
احمد : قالب عليهم الدنيا ومش لاقيهلهم اى اثر زى ما تكون الارض اتشقت وبلعتهم البيرت : ممكن يكون دياب وصلهم
استر : كل شئ وارد
احمد : خلينا نفترض ان دياب وصلهم ايه اللى يخليه يسكت طول الايام اللى فاتت من غير ما يعمل اى حركه من حركاته
البيرت : عندك حق .... دياب لو وصلهم كان ابسط حاجه ممكن يعملها انه يواجهك بيهم او يرد الضربه
احمد : هو ده اللى انا اقصده
استر : طب انت ملاحظتش حاجه على دياب فى الايام اللى فاتت
احمد : لا خالص ده بيتعامل عادى جدا ولا كأن فى حاجه حصلت
البيرت : ده اكبر دليل على ان فى حاجه مش مظبوطه بتحصل ولازم نعرفها
استر : عندك حق يا البيرت ف حاجه غلط
البيرت : والحاجه دى انا شاكك انها فى اسبانيا لان رجالتنا هناك رصدوا رجالة دياب بيعملوا حاجات غريبه
استر : حاجات زى ايه
البيرت : رصدناهم بيقابلوا ناس ليها علاقه بالمخابرات
استر : اى جهاز مخابرات بالظبط
البيرت : ده اللى بنحاول نعرفه بالظبط لان كان فى منهم اللى تبع المخابرات المصريه وفى ناس تانيه لسه بنحاول نجمع معلومات عنهم
استر : لازم نعرف مين دول بالظبط وبيعملوا ايه فى اسرع وقت
البيرت : ده اللى شغالين عليه
احمد : خلينا فى المهم دلوقتى ...... هنتصرف ازاى دلوقتى لو طلع الرجاله اللى اختفت موجودين عند دياب
استر : اتصرف طبيعى جدا ولو حصلت مواجهه بينك وبين دياب انكر اى كلام
احمد : حتى لو انكرت دياب مش هيصدق وهينتقم
استر : قولتلك متخافش احنا موجودين حواليك وهنحميك
احمد : الكلام ده هينفع لو كان انتقام دياب انه يقتلنى ساعتها هعرف كويس ادافع عن نفسى ومش هحتاج حمايه من اى حد
استر : قصدك ايه
احمد : انا اعرف دياب من سنين كتير ..... دياب انتقامه مش بالقتل والدم .... انتقام دياب حاجه تانيه خالص .... دياب لو كان انتقامه بالقتل كان قتلنا كلنا من زمان وانتى اولنا ..... دياب هينتقم بطريقه محدش يقدر يمسك عليه بيها اى حاجه .... انتقام دياب محدش فينا هيقدر يتوقعه
استر : .......
احمد : ساكته ليه .... عارفه ان عندى حق فى كلامى
استر : مش للدرجه يا احمد
احمد : لا اكتر من كده كمان ...... دياب بدأ انتقامه من العيله من زمان ..... سيطر على ابنى لدرجة ان انا مابقاش ليا كلام عليه .... وسيطر على اختى ..... وساعد فى القبض على خالى ..... وبقى راعب ابويا وامى ..... دياب قدر يسيطر على العيله بالكامل وكلهم تقريبا بيخافوا منه ..... دياب مش باقيله غير حاجه بس علشان يقدر يحكم العيله
استر : حاجة ايه
احمد : يخلص منى ..... انا العقبه الوحيده اللى فى طريق دياب لو قدر يخلص منى يبقى هيسيطر على العيله
استر : طب والحل ايه دلوقتى
البيرت : انا يا ما حذرتك من دياب يا استر .... قولتلك الحل الوحيد هو ان احنا نقتله ونخلص منه لكن انتى الظاهر انك حبيتى اللعب معاه او يمكن حبيتى دياب نفسه لحد ما بقينا دلوقتى كلنا خايفين منه
استر : خلاص يا البيرت كفايه
البيرت : فعلا كفايه ..... الكلام ملهوش فايده
احمد : هنتصرف ازاى دلوقتى
استر : ارجع مكانك يا احمد واعمل اللى اتفقنا عليه ..... وانت يا البيرت شوف رجالتك وتابع معاهم كويس عاوزين نعرف ايه حكاية المخابرات دى
البيرت : حاضر
احمد : انا همشى ولو فى جديد بلغونى
• خرج احمد صقر من عند البيرت ورجع الفيلا بتاعته
• نرجع عندى انا كنت قاعد فى الفيلا وجاتلى مكالمه بتبلغنى ان احمد صقر رجع الفيلا ..... اتصلت بيه وطلبت اقابله وفعلا روحتله الفيلا
احمد : خير يا سليم فى حاجه
انا : ما أظنش انه خير يا احمد
احمد : فى ايه بالظبط
انا : انت عاوز مننا ايه بالظبط
احمد : انتوا مين بالظبط علشان مش فاهم
انا : انا ودياب
احمد : وانا هعوز منكم ايه
انا : قول لنفسك الكلام ده
احمد : ياريت تدخل على طول فى الموضوع وبلاش شغل اللف والدوران ده انا مش فاضى
انا : ماشى يا احمد هدخل فى الموضوع على طول ..... تقدر تقولى انا ودياب عملنالك ايه علشان تدمر شغلنا بالطريقه دى ..... طب سيبك منى انا ودياب .... تقدر تقولى ايه ذنب العمال الغلابه اللى راحوا فى الرجلين بعد المصيبه اللى انت عملتها
احمد : انت جاى تلبسنى مصيبه يا سليم ولا ايه
انا : انا وانت عارفين كويس ان اللى حصل فى الموقع عندى انت السبب فيه
احمد : وايه دليلك على التهمه دى
انا : انت متاكد انك عاوز الدليل يا احمد
احمد : ايوه متاكد
انا : طب اتفرج يا سيدى
• طلعت تليفونى وشغلت فيديو فيه اعتراف للعامل ولناصر بكل اللى حصل ومين وراهم بالظبط
احمد : كدب وتلفيق .... انا معرفش مين دول ..... دول اكيد ناس انت جايبهم علشان تلبسنى اللى حصل عندك
انا : وانا هستفاد ايه لما اعمل كده
احمد : اسأل نفسك
انا : انا فعلا سألت نفسى بس مالقيتش اى اجابه ..... عارف يا احمد بعد اللى حصل قعدت مع نفسى وفكرت فى حاجات كتير حصلت زمان ولسه بتحصل لحد دلوقتى ..... طول عمرى بحب اخد عبره من كل حاجه بتحصل حتى لو مكانتش ليا
احمد : اخلص يا سليم
انا : صحيح يا احمد هى تجارة الاثار بتكسب اووووى كده
احمد : اثار ايه يا سليم
انا : انا وانت عارفين كويس ان كل اللى انت فيه ده اصله تجارة الاثار
احمد : انت بقى جاى تلبسنى كل التهم دى فى قعده واحده
انا : انا عمرى ما اتكلم من غير دليل
احمد : وايه بقى دليلك على موضوع الاثار ده كمان
انا : زمان .... من سنين كتير ..... بعد ما نجحت فى امتحانات الإبتدائيه انا ويوسف العصار وطلعنا الاوائل على المديريه ..... الحاج اكرم العصار جاب تليفون هديه ليوسف ابنه وجابلى تليفون زيه بالظبط ..... كان تليفون بكاميرا وحلو وغالى وقتها وانا كنت فرحان بيه جدا علشان حاجتين ...... الحاجه الاولى انه كان هديه من الحاج اكرم اللى بعتبره ابويا .... وتانى حاجه انه كان يعتبر احنا اول ناس فى اصحابنا نمسك تليفون محمول
احمد : وانا مالى بالكلام ده كله
انا : ما انا جايلك فى الكلام
احمد : اخلص
انا : بعد الحكايه دى بشهرين تقريبا كنت بتمشى فى البلد بعد العصر تقريبا وشوفتك داخل بيت سيف الهوارى ..... انا قولت عادى مافيهاش حاجه ..... لكن يومها بعد نص الليل كنت راجع البيت عندى وكان معايا يوسف واسامه وشوفناك داخل بيت جدك المهجور وكان معاك سيف وابوه وكام راجل كده ..... فى الاول طنشنا .... انا دخلت بيتنا ويوسف واسامه كل واحد رجع بيته ..... تانى يوم فى نفس الوقت شوفتك داخل البيت تانى مع نفس الناس وقتها شكيت انك بتعمل حاجه غلط
احمد : ......
انا : ساكت يعنى
احمد : بسمعك وبشوف اخرة الخيال اللى بتحكيه
انا : ماشى يا سيدى هكملك الخيال .... بعد يومين بالظبط كنت نايم وصحيت قلقان قبل الفجر بشويه وكان فى صوت عربيات فى الشارع ..... بصيت من الشباك شوفتك واقف وفى عربيه نقل كبيره بتنزل شنط ..... وقتها طلعت بسرعه فوق سطوح بيتنا علشان اعرف اشوف كويس ..... وقتها شوفت اللى كنت متوقعه ..... شوفت ناس خارجه من بيتك بتماثيل دهب واثار ..... وقتها محسيتش غير وانا بمسك تليفونى وافتح الكاميرا واصور كل اللى انا شايفه ..... بصراحه مش عارف كنت بصور ده ليه ولا هعمل بيه ايه بس دلوقتى عرفت .... عرفت ان اى حاجه بتحصل لازم نركز فيها ونعرف نستغلها كويس ودلوقتى وقت الاستغلال
• شغلت الفيديو اللى كنت مصوره لأحمد صقر واول ما شافه اتصدم
احمد : عاوز ايه يا سليم دلوقتى
انا : بسبب اللى انت عملته احنا خسرنا اكتر من 100 مليون جنيه وانت مطالب بيهم
احمد : وايه اللى يخلينى ادفع الرقم ده كله ...... انا اقدر اقولك الفيديو اللى معاك ده تبله وتشرب مايته ...... ده فيديو ملهوش اى لازمه وانا اعرف اطلع منها
انا : ههههههههه عيبك انك متسرع ...... تخيل بقى لما الفيديو ده والفيديو اللى قبله بتاع رجالتك يوصل لدياب ويعرف ان انت اللى وراء المصيبه دى ..... تخيل ايه هيكون رد دياب على اللى حصل
احمد : هو دياب ميعرفش حاجه
انا : لا لسه دياب ميعرفش اى حاجه عن اللى بقوله ..... ورجالتك تحت ايدى انما لو عاوز تذيع قول ذيع وانا اعرف دياب على كل حاجه ..... حتى الحاجات اللى هو ميعرفهاش عن شغلك مع سيف الهوارى
احمد : من الواضح ان انت عارف حاجات كتير جدا
انا : اكتر مما تتخيل
احمد : وانا موافق يا سليم
انا : موافق على الدفع ولا انى اقول لدياب
احمد : لا هدفع
انا : كده متفقين ..... بكره هبعتلك تقرير فيه كل الخساير اللى احنا هنتحملها وانت اللى هتدفعها بالكامل ..... وياريت المره الجايه لما تلعب ابقى العب بشرف
احمد : انا هدفع بس بشرط
انا : انت هتدفع بدون اى مقابل او شرط
احمد : لا يا سليم لازم تسمع شرطى
انا : اتفضل قول
احمد : انا هدفع مقابل انى اخد الفيديو اللى معاك واستلم رجالتى اللى تحت ايدك
انا : وانا مش موافق على الشرط ده ..... انت دلوقتى فى موقف ضعف ومش من حقك تتشرط ..... رجالتك والفيديوهات دى هتفضل تحت ايدى وانت هتدفع ...... على فكره انا مش هاممنى الفلوس اللى بطالب بيها دى ..... انا بطالب بيها بس علشان اعلمك انت بتلعب مع مين وممكن يعمل ايه ..... سلام يا احمد وبكره هيكون عندك التقرير وبعد بكره فلوسى تدخل حسابى اللى هبعتهولك مع التقرير
• سيبت احمد صقر ومشيت رجعت الفيلا ..... اول ما وصلت الفيلا كان بنات عمى متجمعين مع بعض
انا : بخاف لما بلاقيكم متجمعين كده ..... بحس انكم بتخططوا لحاجه
مريم : ليه بتقول كده
انا : مش عارف بس مش مستريح
لمياء : كل الحكايه ان شرين وطارق عاوزين يتجوزوا
انا : مش لسه بدرى شويه ..... وبعدين احنا كنا متفقين انهم يتجوزوا بعد ما شرين تخلص جامعه
لمياء : وفيها ايه لما يتجوزوا وتكمل دراسه براحتها
انا : انتى رائيك ايه فى الكلام ده يا شرين
لمياء : اللى انت شايفه صح انا معاك فيه ..... انت ابن عمى واخويا الكبير واكتر واحد عارف مصلحتى
انا : سيبك منى انا خالص وقوليلى رائيك بصراحه من غير كسوف
شرين : ........
انا : ساكته يعنى
مريم : هى مكسوفه تقولك انها موافقه
انا : اسمعها منها الأول
شرين : مممم ممممم
انا : بتمامأى ليه دلوقتى
شرين : موافقه يا سليم
انا : قولى كده من الاول
شرين : يعنى انت موافق
انا : ادينى وقت افكر وارد عليكى دى حاجه مش بسيطه
مريم : هتفكر فى ايه بالظبط
انا : شرين مسئوله منى واى حاجه تخصها لازم احسبها الاول وبعدين انا قولت عاوز مهله للتفكير
شرين : خد وقتك يا سليم براحتك وانا هحترم قرارك مهما يكون
انا : ايه العقل ده كله
شرين : لانى واثقه فيك وفى قراراتك ومتأكده انك هتختار الصح
انا : ماشى يا ستى انا كل اللى محتاجه كام يوم افكر واحسبها
شرين : وانا قولتلك خد وقتك
• فجأه دخلت علينا الشغاله
انا : خير فى حاجه
الشغاله : دياب باشا منتظر حضرتك بره
انا : انا هخرجله
• خرجت لقيت دياب وكريم منتظرين اخدتهم ودخلنا الأستديو اللى فى الجنينه
انا : طمنونى عملتوا ايه
كريم : كله تمام ..... سعد موجود فى المقطم
انا : ورجالته
كريم : ماتوا كلهم
انا : كده حلو ..... نستعد بقى للنقله الجديده
كريم : هتعمل ايه تانى
انا : عملت ايه يا دياب فى موضوع ابراهيم
كريم : انا اتصلت بيه وطلع بالصدفه نازل مصر علشان فرح اخته الاسبوع اللى جاى
انا : كده حلو جدا ...... يعنى هينزل طبيعى قصاد احمد صقر من غير ما يشك فى حاجه
دياب : ايوه تمام
انا : كلمت السماسره بتوعنا فى البورصه
دياب : ايوه كلمتهم ومعادهم معانا بكره فى الشركه
انا : كده كويس
دياب : طمنا انت عملت ايه مع احمد صقر
انا : بكره هبعتله ميزانيه بالخساير وهو هيدفع كل حاجه
دياب : بسهوله كده
انا : لا طبعا مش بسهوله ..... انا فهمته ان انت متعرفش انه متورط فى الموضوع ده وهددته بيك
دياب : بس كده ..... مش عارف ليه مش مصدقك
انا : انت ليك النتيجه ولا الطريقه
دياب : الاتنين ..... لازم اعرف انت هددت احمد صقر ازاى وايه الحاجه اللى نزلت علشانها الاقصر مخصوص
انا : انا ماسك احمد صقر من رقبته ويادوب هددته ب 10% بس من اللى عندى
دياب : ايه اللى عندك بالظبط واللى يخلى احمد صقر يخاف منك كده
انا : هددته بفيديو قديم معايا لأحمد صقر وهو بيبيع الاثار اللى كانت فى بيت جده زمان
دياب : والفيديو ده وصلك ازاى
انا : انا اللى مصوره بنفسى
دياب : صورته امتى وازاى
انا : صورته من اكتر من 15 سنه
دياب : انت عاوز تقنعنى ان طول السنين اللى فاتت معاك فيديو تقدر تهدد بيه احمد صقر
انا : وفيها ايه دى
دياب : ورينى الفيديو ده كده
• خرجت تليفونى وفرجت كريم ودياب على الفيديو
دياب : ده فعلا فيديو قديم .... بس اللى انا مش قادر افهمه انت ليه ما استغلتش الفيديو ده طول السنين فاتت
انا : استغله ازاى يعنى
دياب : كان ممكن تهدد بيه احمد صقر وتطلب منه فلوس كتير علشان تسكت ..... واعذرنى يا سليم انت كنت فقير ومش لاقى
انا : وليه اهدد واحد مفيش بينى وبينه اى مشكله ..... ولا ليه اطمع فى رزق مش بتاعى اصلا ..... انا الحمد *** طول عمرى راضى بحالى وعمرى ما بصيت على حاجه فى ايد غيرى علشان كده **** كرمنى ورزقنى من وسع
دياب : طب انت صورت الفيديو ده ليه اصلا طالما مش ناوى تستغله
انا : صدقنى وقتها ماكنتش اعرف انا بصوره ليه
كريم : انت غريب جدا يا سليم ..... يعنى كنت راضى تعيش فى الفقر ومعاك اللى يخليك تعيش ملك
انا : ولا غريب ولا حاجه ..... انا طول عمرى عايش ملك حتى لو فقير ..... الغنى فى النفوس مش فى الفلوس ..... تقدر تقولى واحد زى احمد صقر عمل فلوس كتير من الاثار اللى طلعها من بيت جده ..... هل الفلوس ده قدرت تخليه يقتنع ويبطل ..... بالعكس احمد صفر من بعدها اشتغل فى الاثار اكتر وبرضه لسه طمعان ومش راضى وتقريبا هيعيش طول عمره مش راضى ...... لكن انا عشت طول عمرى راضى بالقليل ..... فرحت جدا لما اشتغلت عند طايع لان الشغل ده كان فيه راحه بالنسبالى ..... ولما سيبت طايع ونزلت القاهره اشتغلت مندوب مبيعات وبرضه كنت راضى برغم انها كانت شغلانه صعبه ..... ولما اشتغلت فى شركة عمى فرحت ورضيت ..... عارف يا كريم ... **** بيقيس قوة الصبر عند اى انسان وعلى اساسها بيرزقه وزى ما انت شايف كده **** رزقنى ازاى ..... **** رزقنى بأضعاف الفلوس اللى كان ممكن اخدها من احمد صقر
كريم : عندك حق يا سليم
دياب : وياترى فى حاجات تانى ماسكها على احمد صقر
انا : .......
دياب : ساكت يعنى
انا : سيبك منى دلوقتى وخلينا فى المهم
دياب : ماشى يا سليم اهرب براحتك
كريم : جهزوا نفسكم انتوا الاتنين علشان الجماعه هيوصلوا من السفر فى خلال يومين بالكتير
انا : ازاى ده يعنى ..... احنا مش متفقين على الاسبوع اللى جاى
كريم : فى حاجات جديده حصلت علشان كده كان لازم نعجل بالاجتماع
انا : ايه اللى حصل بالظبط
كريم : استر كشفت اكتر من واحد من رجالتنا فى اسبانيا
انا : دى مصيبه
كريم : مصيبه لو احنا معرفناش فى الوقت المناسب ..... لكن احنا قدرنا نعرف فى الوقت المناسب وهنتصرف فى الموضوع ده
انا : طب انت جهزت المكان اللى هيقعد فيه الجماعه
كريم : كل حاجه جاهزه
• من ناحيه تانيه عند استر قاعده فى مكتبها ودخل عليها البيرت
استر : شكلك بيقول ان فى مصيبه جديده
البيرت : سعد صقر اتخطف وكل رجالته اتقتلوا
استر : انت بتقول ايه
البيرت : زى ما سمعتى كده
استر : دياب اللى عمل كده
البيرت : مفيش غيره اللى يعمل كده
استر : سيبنى يا البيرت دلوقتى
• نرجع عندى انا ودياب وكريم قاعدين بنتناقش مع بعض وفجأه تليفون دياب رن
دياب : استر بتتصل
انا : يبقى اكيد خبر سعد وصلها ..... رد عليها واتصرف طبيعى جدا ولا كأنك عارف حاجه
دياب : كنت هعمل كده فعلا
• رد دياب على استر
استر : ازيك يا دياب
دياب : بخير
استر : كنت عاوزه اقابلك
دياب : خير فى حاجه ضرورى
استر : كنت عاوزه اتناقش معاك فى خط انتاج الدواء الجديد اللى شركة الجراح هتبدأ فى انتاجه
دياب : والموضوع ده يخصك فى ايه
استر : ازاى يعنى يخصنى فى ايه ..... انت ناسى ان انا شريكه فى المصنع
دياب : هى دى حاجه تتنسى برضه
استر : يعنى من حقى اعرف كل حاجه بتحصل فى المصنع واقول رائى فيها كمان
دياب : من حقك تعرفى ده شئ طبيعى واظن انك عرفتى ..... لكن حكاية انك تقولى رائيك ده مش من حقك ..... انتى يادوب شريكه بنسبة 10% وباقى المصنع كله تحت ايد سليم الجراح وبنات عمه وانا معاهم وطالما انا وسليم موافقين يبقى انتى ملكيش رأى ..... واظن ان العقد اللى بينا بيقول كده
استر : حلوه وملعوبه يا دياب ..... طالما كده يبقى ورينى هتاخد موافقة منظمة الصحه ازاى علشان تصنع الدواء ده
دياب : هههههههههه مسكينه يا استر
استر : قصدك ايه بالضحكه دى
دياب : انا اخدت الموافقه خلاص وكل حاجه ماشيه قانونى وخط الانتاج هيبدأ من اول الشهر واوعدك اول جرعه دواء هننتجها هبعتهالك هديه
استر : الظاهر كده انك مش هتجيبها لبر يا دياب
دياب : واجيبها لبر ليه طالما بعرف اعوم كويس
استر : ماتنساش ان البحر غدار وانت مش قد غدره
دياب : متخافيش انا عامل حساب الغدر كويس ..... واذا كان على اللى حصل عندى فى الموقع مسيرى هعرف مين اللى وراها وادفعه التمن ولو انى عارفه كويس بس مش هينفع اواجهه من غير دليل
استر : **** معاك ..... عاوزاك تركز كويس فى كل حاجه اليومين دول
دياب : هعمل بنصيحتك ..... سلام
استر : سلام يا دياب
• قفلت استر مع دياب
دياب : قولتلك يا سليم استر مش هتسكت على الدواء الجديد ..... ده مصنعها يعتبر المصنع الوحيد فى العالم اللى بينتج الدواء ده
انا : علشان كده هى اللى بتتحكم فى سعر الدواء ده ..... علشان نكسب استر لازم ننتف ريشها كله علشان متعرفش تطير وساعتها هتبقى فريسه ساهله
دياب : انا مستغرب انها مجابتش سيرة سعد
كريم : ده شئ طبيعى ..... استر اصلا اتصلت علشان تجس النبض وتشوفك هتعمل ايه ومكانش ينفع تبان مهزومه اكتر من كده
دياب : تفتكر استر هتعمل ايه دلوقتى
كريم : هتمسكك من ايدك اللى بتوجعك علشان تستسلم
دياب : ازاى يعنى
كريم : انت عندك اكتر من نقطة ضعف بس اهم نقط عندك هما سليم صقر وليندا وريهام
دياب : استبعد سليم من الموضوع لانها مش هتجازف بعلاقتها مع احمد صقر
كريم : انت نسيت قواعد اللعبه ولا ايه يا دياب ..... اول خطر تستبعده هو لازم تاخد بالك منه
دياب : عندك حق يا كريم ..... يعنى استر ممكن تخطف سليم وتساومنى
كريم : استر ممكن تعمل اى حاجه وصعب نتوقع دلوقتى هى بتفكر ازاى
دياب : زود الحراسه على سليم من غير ما اى حد يحس ..... وزود الحراسه على الفلل هنا سواء الفيلا بتاعتى او فيلا الجراح .... حتى فيلا احمد صقر حاول تشوف طريقه وتزرع كام واخد من رجالتنا وسط الحراسه بتاعتهم
كريم : بالنسبه لسليم انا هعمل كده فعلا ..... وبالنسبه لأحمد صقر انا قدرت ازرع رجالتنا وسط رجالته من بعد ما غير كل طقم الحراسه القديم
دياب : كده حلو ..... عاوزك كمان تعملى تقرير يومى عن كل تحركات سليم
كريم : حاضر ..... ولو ان سليم مش بيروح اى مكان غريب يادوب بيروح المدرسه او النادى واحيانا بيزور اصحابه فى بيوتهم ..... واصحابه دول عيال تافهه مفيش منهم اى قلق
دياب : والجنس اللطيف يا كريم ..... سليم دلوقتى فى سن المراهقه وده اسهل طريق ممكن اى حد يدخل منه
كريم : بالنسبه للموضوع ده فعلا فى بنت اسمها مليكه معاه فى المدرسه وبتحاول تتقرب منه بس سليم مطنشها ومش مديلها اهتمام
دياب : مين مليكه دى بالظبط وايه حكايتها وياترى بتحاول معاه من زمان ولا الفتره دى
كريم : زى ما قولتلك هى معاه فى المدرسه وعايشه مع والدتها فى كمبوند قريب من هنا ..... والدها منفصل عن امها ومتجوز واحده تانيه وعايش ايطاليا ..... والدتها مديرة بنك
دياب : مش عارف ليه مش مرتاح للبنت دى
كريم : انا حاطط عينى عليها متخافش خالص
انا : كده كل حاجه تمام ..... نتقابل بكره فى الشركه علشان نرتب للجديد
دياب : تصبح على خير يا سليم
• مشى دياب وكريم وانا دخلت الفيلا اخدت شاور ونمت على طول من التعب ..... صحيت الساعه 6 الصبح لقيت مريم صاحيه
انا : صباح الخير يا حبيبتى
مريم : صباح النور يا سليم
انا : ايه اللى مصحيكى بدرى كده
مريم : انا مانمتش اصلا
انا : ليه كده ..... فى حاجه مضايقاكى
مريم : انت مش ملاحظ ان احنا متجوزين بقالنا اكتر من 5 شهور ولحد دلوقتى محصلش حمل
انا : هو ده بقى اللى مضايقك
مريم : وانت شايف ان ده موضوع بسيط ومايستاهلش
انا : انتى ليه محسسانى ان احنا متجوزين من 5 سنين ..... يابنتى احنا يادوب متجوزين من 5 شهور بس ووارد جدا ان الحمل مايحصلش فى اول سنه عادى يعنى
مريم : طب ايه رائيك نروح نكشف ونحلل
انا : وافرض كشفنا وطلع فى عيب فى اى حد فينا احنا الاتنين ايه هيحصل وقتها ..... انتى ممكن تسيبينى
مريم : لا طبعا سواء كان العيب فيا او فيك مش هسيبك مهما حصل
انا : يبقى ايه لازمة الكشف اصلا
مريم : بس لو فى مشكله نحاول نعالجها قبل ما يفوت الاوان
انا : .........
مريم : ساكت ليه يا سليم
انا : مش عارف اقولك ايه
مريم : لا يا سليم لازم تعرف هتقول ايه
انا : حاضر يا مريم هسمع كلامك ونكشف
مريم : امتى يا سليم
انا : اى وقت انتى تكونى مستعده
مريم : انا هكلم لمياء واشوف ايه التحاليل المطلوبه ونعملها على طول
انا : طب تمام شوفيها وبلغينى ..... انا قايم اخد شاور علشان الحق اروح الشغل
مريم : لسه بدرى على الشغل احنا الساعه 6 دلوقتى
انا : معايا اجتماع مهم النهارده وفى شغل لازم اخلصه قبل الاجتماع
مريم : خد الشاور بتاعك وانا هنزل اجهزلك فطار
انا : ماتتعبيش نفسك يا حبيبتى انا مليش نفس اصلا
مريم : انت اتضايقت يا سليم من كلامى
انا : عمرى ما اقدر اتضايق منك يا حبيبتى بس انا فعلا مليش نفس للأكل
مريم : حتى لو قولتلك ان انا جعانه وعاوزه افطر معاك
انا : علشان خاطرك انتى اكل كل الاكل اللى فى البيت
مريم : طب يلا خد الشاور بتاعك وهجيبلك الفطار هنا نفطر وبعد كده روح شغلك
انا : حاضر يا حبيبتى
• اخدت شاور ولبست هدومى وفطرت مع مريم وطلعت على الشركه
• من ناحيه تانيه دياب صحى من النوم واتحرك على الشركه ووصل عندى المكتب وشاف السكرتيره
دياب : مستر سليم فى مكتبه
السكرتيره : انا جيت لقيته موجود وطلب محدش يدخله خالص غير حضرتك ولا احوله اى مكالمات
دياب : ليه كده
السكرتيره : شكله متضايق ومتعصب
دياب : انا هدخله
السكرتيره : اتفضل يا فندم
• دخل عليا دياب المكتب
دياب : مالك يا سليم فى ايه
انا : اقعد يا دياب
دياب : شكلها كده حكايه كبيره
انا : مش عارف بس **** يستر
دياب : فى ايه انت قلقتنى
انا : مريم عاوزانى اروح معاها علشان نكشف ونشوف سبب تأخير الحمل
دياب : المفروض فعلا تعملوا كده
انا : هنا بقى المشكله
دياب : ليه يا سليم هو انت فيك حاجه
انا : المشكله ان انا تمام ومفيش عندى اى مشاكل
دياب : هو انت كشفت
انا : انا كشفت وعملت كل التحاليل قبل ما افاتح مريم اصلا ولا اعترفلها بحبى ..... وقتها قولت لو فى مشكله يبقى اقفل على الموضوع اصلا
دياب : طالما كده يبقى ايه اللى مضايقك
انا : خايف مريم يطلع عندها مشكله ولا حاجه ساعتها ممكن تحصل مشاكل كتير
دياب : مشاكل ايه بالظبط
انا : الست لما تحس ان مفيش منها فايده دماغها بتودى وتجيب فى مصايب كتير ده غير انها هتشك انى ممكن اسيبها او اتجوز عليها
دياب : لو كان العيب منها انت من حقك تتجوز عليها عادى بس انا عارف انك مش هتعمل كده
انا : مريم بقى مش هتفكر غير فى كده وساعتها الحب اللى عايشين فيه هيتحول لجحيم
دياب : طب انت ناوى على ايه
انا : مش عارف ..... انا من الصبح قاعد بفكر ومش لاقى اى حل
دياب : طب انتوا هتكشفوا امتى
انا : لسه مش عارف ..... مريم هتكلم لمياء وتعرف منها التحاليل المطلوبه وعلى اساس كده هنتحرك
دياب : ياعم ممكن يكون مفيش مشاكل ويطلع تأخير طبيعى ..... ياما فى ناس كتير اخدوا سنين من غير خلفه ومفيش اى مشاكل
انا : انا قولت لمريم الكلام ده بس برضه لازم اعمل حساب كل حاجه كويس انا مش ناقص مفاجآت
دياب : انشاء **** مفيش اى مفاجأت وهيطلع فى الاخر تاخير طبيعى
انا : ياريت يا دياب ..... انا هعمل حركه واتمنى انها تنفع
دياب : حركة ايه دى
انا : اتفرج وانت تعرف
• طلعت تليفونى واتصلت بلمياء
انا : صباح الخير يا لمياء
لمياء : صباح النور يا سليم ..... ليه خرجت بدرى كده
انا : سيبك من الكلام الفاضى ده واسمعينى كويس
لمياء : هاه ..... خير يا سليم فى ايه
انا : الاول فى حد جمبك ولا حاجه
لمياء : حد ..... حد زى مين
انا : يوسف او مريم او شرين
لمياء : لا مفيش حد .... اه مفيش حد انا لوحدى
انا : طب كويس ..... دلوقتى يا ستى مريم قلقانه علشان اتاخرت فى الحمل
لمياء : ايوا هى قالتلى الموضوع ده وانا قولتلها ده شئ طبيعى ومش شرط يكون فى مشاكل بس هى دماغها ناشفه
انا : احنا لازم ناخدها على قد عقلها
لمياء : ايه .... قصدك ايه يا سليم
انا : انا اصلا كشفت وعملت تحاليل من قبل ما اتجوز مريم اصلا او حتى افاتحها فى موضوع الارتباط وكل تحاليلى كويسه ومعنديش اى مشاكل
لمياء : وانت عاوز ايه دلوقتى
انا : لو مريم تحاليلها كويسه يبقى تمام ومفيش مشاكل ..... لكن لو لا قدر **** طلع عندها مشكله اوعى تقوليلها
لمياء : ازاى يعنى يا سليم ..... ماهى لو عندها مشكله ولا حاجه لازم تاخد علاج علشان نحل المشكله
انا : ساعتها ابقى قولى ان احنا الاتنين عندنا مشاكل وابقى اكتبيلى معاها على اى علاج ..... اهم حاجه عندى ان مريم ماتحسش انها بأى عيب او مشكله
لمياء : وتفتكر مريم هتصدق الموضوع ده
انا : انا وانتى معايا هنقنعها
لمياء : مش عارفه اقولك ايه يا سليم
انا : ماتقوليش اى حاجه ..... وعلشان نسبك الحكايه انا هعمل تحاليل تانى مع مريم
لمياء : حاضر يا سليم انا هتصرف ..... بس عاوزه اسألك سؤال
انا : اتفضلى
لمياء : انت معندكش مشكله انك تعيش من غير *****
انا : مش هكدب عليكى واقولك انى مش عاوز ابقى اب .... بس انا عاوز اولادى من مريم مش من اى واحده غيرها ..... مريم بالنسبالى اهم من اى حاجه تانى بس ياريت هى تعرف الكلام ده وتبطل تفكير فى اى حاجه وحشه
لمياء : فهمتك يا سليم
انا : طب انا هقفل دلوقتى علشان معايا شغل وبعد ما هخلص هكلمك
لمياء : مع السلامه
• قفلت مع لمياء
دياب : كويس اللى انت عملته ده كده انت ومريم هترتاحوا ..... انسى بقى الكلام ده دلوقتى وركز علشان معانا شغل مهم النهارده
انا : متخافش يا دياب انا مركز كويس جدا وعارف بعمل ايه ..... هو كريم فين
دياب : مش عارف ..... هو دخل معايا الشركه وبعدها قال انه هيخلص حاجه ويحصلنى
انا : هيكون راح فين يعنى
دياب : اكيد عند هبه .... لانى شوفتها واحنا داخلين الشركه وهو وشه اتغير
انا : هههههههه **** يسهله
دياب : كريم ده وش فقر ومش هيرتاح غير لما يطفش البنت منه
• من ناحيه تانيه كريم قاعد مع هبه فى مكتبها
كريم : مالك يا هبه شكلك زعلانه
هبه : وانت يهمك زعلى يعنى
كريم : طبعا يهمنى زعلك
هبه : ولما انت يهمك زعلى عاوز تبعد عنى ليه
كريم : علشان خايف عليكى ..... عاوز ابعدك عن الخطر ..... انا حياتى اصعب مما تتخيلى
هبه : سيبنى اجرب واحكم بنفسى
كريم : ده مش فستان هتجربيه ولو طلح مش حلو هترجعيه
هبه : انا عارفه كويس انها تجربه مش ساهله وياريت بلاش تتعامل مع عقلى بالسذاجة دى
كريم : انا خايف عليكى
هبه : ماتخافش عليا يا سيدى انا كبيره بما فيه الكفايه وعارفه مصلحتى كويس
كريم : ........
هبه : ساكت ليه ما ترد
كريم : مش عارف اقولك ايه
هبه : قول اى حاجه بس ماتقعدش ساكت
كريم : هتصدقينى لو قولتلك انى بوقف قصادك تايه ومش عارف انا عاوز ايه ..... طول عمرى عايش لوحدى عمرى ماربطت نفسى بأى حد لا اهل ولا اصحاب ولا حبيبه .... طول عمرى بتنقل من مكان للتانى زى عسكرى الشطرنج .... مصيرى مش فى ايدى ..... طول عمر مصيرى فى ايد قوه اكبر منى
هبه : وايه اللى غاصبك على كل ده .... ماتسيب كل التعب ده
كريم : قولتلك مصيرى مش فى ايدى
هبه : انت بتكذب على نفسك ..... انت اللى حابب الحياه دى
كريم : انا فعلا حاببها ومقتنع بيها واحلى حاجه ممكن تحصل انى اموت فيها
هبه : للدرجه دى
كريم : واكتر من كده
هبه : هو انت بتشتغل ايه بالظبط وماتقوليش قائد حرس مستر دياب لانى مش هصدق الكلام ده
كريم : هو فعلا جزء من شغلى حراسه دياب وسليم
هبه : والباقى
كريم : مش مسمحولى اتكلم باكتر من كده
هبه : طب انت تعرف مستر دياب من امتى
كريم : ياه ..... من زمان جدا .... من 25 سنه ..... انا تقريبا اعرف دياب من اول ما هاجر امريكا وهو صغير مع والده
هبه : يعنى انتوا اصحاب من يومها
كريم : وعمرنا ما افترقنا يوم واحد ..... كنا جيران واصحاب فى المدرسه حتى الفتره اللى نزل فيها دياب مصر فى الثانويه لعامه وانا دخلت المدرسه العسكريه علاقتنا فضلت مستمره ويمكن زادت اكتر
• فجأه تليفون كريم رن وكان دياب ورد عليه
كريم : ايوا يا مستر دياب ..... موجود يا فندم ..... دقايق واكون عند حضرتك
• قفل كريم مع دياب
هبه : اللى يشوفك وانت بتكلم دياب مايقولش ان انتوا اصحاب
كريم : الشغل حاجه والعلاقات الشخصيه حاجه تانيه ..... عن اذنك انا لازم اروح لمستر دياب
هبه : انا عاوزه اقعد معاك واتكلم بعيد عن الشركه
كريم : بعدين نشوف الموضوع ده
هبه : مفيش بعدين ..... النهارده هستناك بعد الشغل
كريم : النهارده صعب جدا مش فاضى خالص
هبه : خلاص يبقى هستناك يوم الخميس ..... فى كافيه كويس قريب من الشركه بحب اقعد فيه
كريم : حاضر
هبه : اقسملك ب**** لو ماجيتش انا ممكن اعمل مصيبه
كريم : هاجى ياستى خلاص
• نرجع عندى انا ودياب قاعدين ودخل علينا كريم
انا : ايه يا عم كريم مختفى فين
كريم : مش مختفى ولا حاجه انا موجود اهو ..... فى حاجه حصلت
انا : فى رساله وصلت من الفهد الاسود
كريم : بتقول ايه الرساله دى
انا : الجماعه هيوصلوا بكره بعد نص الليل ..... لكن الفهد الاسود هيوصل بعد بكره فى نفس المعاد
كريم : انا جاهز
انا : هتروح انت تستقبلهم وتطلع بيهم على فيلا المقطم ..... اما بالنسبه للفهد الاسود هينزل فى الفيلا عندك انت يا كريم
كريم : غريبه
دياب : مش غريبه ولا حاجه .... الفيلا بتاعتك بعيده عن الانظار نهائى ومحدش يعرفها غيرنا احنا ده غير انها فى الصحراء وبسهوله الطياره هتنزل هناك من غير ما اى حد ياخد باله
انا : ماتنساش يا كريم ان الفهد الاسود مينفعش يدخل اى مطار خصوصا بعد التطورات الجديده اللى حصلت وعيون استر اللى راصده كل حركه
كريم : تمام ..... يبقى لازم اروح الفيلا النهارده واتطمن على كل حاجه بنفسى .... انا بقالى كتير مش بروح هناك
دياب : طب يادوب تلحق تروح دلوقتى علشان تلحق ترجع بالليل
كريم : يعنى مش هتحتاجونى معاكم
انا : لا اتحرك انت ولو احتجناك هنكلمك
كريم : طب تمام
• فجأه الباب خبطت ودخلت السكرتيره وبلغتنى ان سماسرة البورصه وصلوا ودخلتهم غرفة الاجتماعات ..... اتحركت انا ودياب على غرفة الاجتماعات
انا : انا عارف ان انتوا مستغربين من الاجتماع المفاجئ ده
سمسار 1 : خير يا فندم فى ايه
انا : الفتره اللى جايه هتحصل حاجات كتير لازم نكون مستعدين ليها اتم استعداد ..... بس فى الاول لازم اعرف اخبار اسهم شركاتنا
سمسار 2 : ده تقرير مفصل عن حركة الاسهم طول الشهر اللى فات يافندم ..... واسهمنا مستقره وكل يوم قيمتها بترفع على عكس باقى السوق اللى كل يوم فى حال
انا : كده تمام ..... انا عاوزكم بقى تركزوا كويس فى اللى هقوله
سمسار 1 : احنا مركزين يا فندم
انا : الملف ده فى اسماء شركات كلها تابعه بشكل مباشر او غير مباشر بشركة United group وهتلاقوا كمان فيه حركة الاسهم طول ال 6 شهور اللى فاتت .... الشركه دى اسهمها مستقره بشكل غير طبيعى
سمسار 2 : حضرتك عاوز تشترى اسهم فى الشركات دى
انا : لا
سمسار 1 : امال حضرتك عاوز ايه
انا : عاوز الاسهم دى توقع الارض ..... مش عاوز يبقالها اى سعر ومش عاوز مخلوق يفكر مجرد تفكير انه يشترى سهم واحد
سمسار 2 : حضرتك عارف كويس ان الكلام ده ماينفعش مع شركه زى شركة United دى شركه كبيره وليها ناسها فى البورصه واى لعبه مش مظبوطه ممكن نورط نفسنا فى مشاكل ده غير اسمنا اللى ممكن يوقع فى البورصه
انا : الكلام ده لو هنلعب فى الاسهم نفسها ...... انا مش غبى علشان اخليكم تعملوا حاجه زى كده ساعتها يبقى بضحى بيكم ببلاش وانتوا رجالتى ومن قبلها كنتوا رجالة الدكتور سليم الجراح **** يرحمه
سمسار 1 : حضرتك احنا عارفين كويس المشاكل اللى كانت بين الدكتور سليم وشركة United وعارفين كويس شغلهم القذر بس للأسف مفيش اى دليل على الشغل اللى بيعملوه
انا : الدليل عندى وانا هعرف استغله كويس ..... انا طالبكم النهارده علشان تركزوا مع حركة الاسهم الفتره اللى جايه وعاوزكم كمان تعملوا كل اللى تقدروا عليه علشان تعطلوا حركة الاسهم
سمسار 2 : اذا كان كده بسيطه ..... بس فى حاجه لازم اوضحها لحضرتك ..... الشركات اللى حضرتك بتتكلم عليها دى مش مجرد شركات لا دى كيانات كبيره ..... راس مال اقل شركه فيهم ممكن يوقف اقصاد دول
انا : عارف الكلام ده كويس
سمسار 2 : واى هزه فى حركة الاسهم دى هتأثر على العالم كله مش بس شركات الجراح
انا : متخافش احنا فى الامان واسهمنا مش بسهوله تتهز
سمسار 1 : احنا هندرس الملف ده كويس وهنبلغ حضرتك بكل التفاصيل
انا : كده تمام
سمسار 2 : عن اذن حضرتك
انا : اتفضلوا
• بعد ما مشى السماسره قعدت مع دياب
انا : ليه كنت ساكت طول الاجتماع
دياب : كنت بسمعك علشان اتناقش معاك
انا : قول يا دياب كل اللى فى دماغك
دياب : اول حاجه انت جبت الملف ده من فين
انا : مش انت لوحدك اللى عندك مصادرك الخاصه اللى بتجيبلك كل اللى انت عاوزه
دياب : بس الشركات دى مفيش حد يعرف علاقتها بأستر نهائى ولا حتى الفهد الاسود نفسه
انا : قولتلك كل واحد وعنده مصادره الخاصه
دياب : طب سيبك من عرفت من فين ..... قولى بقى هتدمرها ازاى
انا : هو ده الكلام المهم ..... الورق ده بيثبت تورط الشركات دى فى غسيل الاموال ده غير علاقتهم بمافيا السلاح والمخدرات والأدويه
دياب : ده ورق خطير جدا وصلك ازاى ...... الورق ده الفهد الاسود بقاله سنين بيحاول يوصله ومش عارف
انا : قولتلك من مصادرى الخاصه
دياب : لا يا سليم لازم اعرف انت جبت الورق من فين ...... الورق ده مش موجود غير عند استر نفسها ومحدش يعرف لحد النهارده استر بتخبى ورقها فين .... تيجى انت بكل بساطه توصل للورق ده
انا : **** وفقنى وقدرت اوصله عندك اعتراض
دياب : وياترى ايه فى تانى فى جرابك يا حاوى
انا : لسه فى كتير
دياب : فرجنى
انا : الملف ده فيه ورق بيثبت ان استر ممول رئيسى للمستوطنات الصهيونه ده غير انها بتمول جيش الدفاع الصهيونى ..... وبيثبت كمان تورط استر فى اللى بيحصل فى كل الخراب اللى احنا عايشين فيه من ارهاب ومخدرات وسلاح ومصايب غيرها كتير
دياب : .........
انا : ساكت ليه
دياب : بسمعك للأخر
انا : والملف ده كمان هتلاقى فيه اسماء كل الجواسيس والعملاء اللى قدرت استر تجندهم من اول يوم اشتغلت فيه الشغلانه دى مش بس فى مصر لا ده فى كل مكان فى العالم ..... وهتلاقى فى منهم جواسيس فى قلب المقاومه الفلسطينيه نفسها
دياب : انت مدرك الكلام اللى بتقوله ده
انا : طبعا عارف كوبس انا بقول ايه
دياب : الورق اللى انت بتتكلم عنه بمنتهى البساطه فى اجهزة مخابرات بتجرى وراه بقالها سنين
انا : عارف
دياب : الورق ده مش بس ضربه لأستر لوحدها ..... للى ده ضربه للى وراء استر نفسها
انا : علشان كده لازم نستغل الملفات دى بحرص لأن اى غلطه ممكن تدمر كل الشغل اللى فات
دياب : اهم حاجه دلوقتى نتحرك فيها هى البورصه ..... سوق البورصه سوق كبير وبسهوله نعرف نتعامل معاه
انا : احنا هناقش الكلام ده كله فى الاجتماع مع الفهد الاسود
دياب : يبقى لازم تخفى الورق ده لحد معاد الاجتماع
انا : متخافش دول مجرد صور لكن الاصل موجود فى الامان ..... والصور دى هخلص منها دلوقتى
دياب : ازاى
انا : هتشوف
• اخدت الورق وشغلت مفرمة الورق وحطيته فيها
دياب : كده تمام جدا ..... طب احمد صقر هنعمل معاه ايه دلوقتى
انا : انا جهزت التقرير اللى فيه كل الخساير وهبعته النهارده لأحمد صقر وبكره الفلوس هتدخل حسابى
دياب : وتفتكر احمد صقر هيستسلم بسهوله كده
انا : لا طبعا .... هو اكيد دلوقتى قاعد بيفكر هيرد علينا ازاى ..... او بمعنى اصح بيرتب مع استر للضربه اللى جايه
دياب : انت عارف ان البيرت ورجالته راحوا امبارح بعد نص الليل الاستراحه اللى خطفنا منها سعد صقر
انا : كنت متوقع حاجه زى دى ..... خليهم كده مصدومين من الضربه دى لحد ما يتصدموا بالضربه اللى بعدها
دياب : خد بالك من نفسك يا سليم
انا : متخافش عليا يا دياب ..... انا عارف كويس بعمل ايه
دياب : انت الوحيد اللى معاك خيوط المرحله اللى جايه ولو حصلك اى حاجه هنرجع تانى من الاول
انا : متخافش يا دياب ..... انا لو حصلى اى حاجه هتوصلك كل الخيوط اللى عندى
دياب : هتوصلنى ازاى ..... هو الورق ده فى حد تانى معاه نسخه منه
انا : لا طبعا ..... بس انا سايب خبر مع شخص معين معاه نص الطريق للورق ده
دياب : والنص التانى مع مين
انا : النص التانى مع يوسف
دياب : ليه هو الشخص ده مش يوسف
انا : لا مش يوسف
دياب : مين الشخص ده
انا : لو حصلى حاجه هيجيلك من نفسه متخافش هو عارفك كويس جدا وهيعرف يوصلك
دياب : تمام يا سليم زى ما تحب ...... طب اسيبك انا دلوقتى واروح اشوف شغلى
انا : انا تعبان ومحتاج ارجع الفيلا ارتاح
دياب : خير يا سليم تعبان ليه
انا : حاسس بشوية ارهاق محتاج اروح انام شويه
دياب : تحب اطلب دكتور يكشف عليك
انا : لا مش محتاجه انا بس اروح انام وكل حاجه هتبقى تمام
دياب : طب انا جاى معاك اوصلك
انا : لا متتعبش نفسك وشوف شغلك
دياب : مفيش الكلام ده ..... انا هوصلك وبعدين ارجع الشغل تانى
• نزلت مع دياب ووصلنى الفيلا ورجع الشركه تانى ..... انا دخلت الفيلا وكانت مريم ولمياء وشرين قاعدين مع بعض
مريم : ايه اللى جابك بدرى يا سليم
انا : حسيت نفسى تعبان ومحتاج ارتاح شويه
مريم : انت فعلا وشك اصفر وباين عليك التعب
انا : انا هطلع الاوضه انام شويه وهبقى كويس
لمياء : اطلع الاوضه وانا هجيب شنطتى واكشف عليك
انا : الحكايه مش مستاهله يا لمياء
• فجأه اغمى عليا وانا بتكلم
مريم : الحقينى يا لمياء
لمياء : اطلعى بسرعه يا شرين هاتى شنطتى من الاوضه
شرين : حاضر
لمياء : تعالى يا مريم اسندى معايا علشان نقعده على الكنبه
مريم : حاضر
• نادت مريم على الشغالين وشالونى وووصلنى للكنبه
لمياء : ارفعوا رجله عن مستوى جسمه
• نزلت شرين ومعاها شنطتها ومريم قاعده جمبى منهاره
لمياء : ابعدى يا مريم خلينى اشوف شغلى
مريم : حاضر حاضر
• قاست مريم الضغط والسكر ونبضات القلب
مريم : طمنينى يا لمياء
لمياء : الضغط واطى جدا والسكر كمان واطى
مريم : طب والحل ايه
لمياء : انا هعلقله محاليل دلوقتى
مريم : طب بسرعه يا لمياء ابوس ايدك
لمياء : متقلقيش انا هطلع اوضتى اجيب الحاجه من صندوق الاسعافات ..... وانتى ابعتى اى حد للصيدليه يجيب منها العلاج ده بسرعه
الداده : هاتى يابنتى انا هبعت فتحى يجيب الحاجه
لمياء : اتفضلى يا داده
• عملتلى لمياء الاسعافات اللازمه وفوقت
انا : ايه اللى حصل
لمياء : حمد *** على السلامه يا اخى خضيتنا عليك
انا : هو ايه اللى حصل بالظبط
مريم : فجاه وانت بتكلمنا اغمى عليك .... لمياء قاست الضغط والسكر وكانوا واطيين جدا
لمياء : واضح كده انك اتعرضت لضغط عصبى شديد
انا : كان معايا شغل مهم جدا وكان فى مشاكل فى الشغل
لمياء : لازم تاخد بالك من صحتك شويه يا سليم
مريم : الشغل مش هينفعنا بحاجه لو حصلك اى حاجه لاقدر ****
شرين : وجودك وسطينا يا سليم اهم من اى شغل فى الدنيا
انا : ما تعملوهاش حكايه بقى دول شوية هبوط من ضغط الشغل
مريم : انت بقالك كتير ضاغط نفسك ومش مهتم بأكلك ولا بتنام كويس
انا : الفتره دى تعدى وبعدها هرتاح واعمل كل اللى انتوا عاوزينه
مريم : بابا كان دايما بيقول كده لحد ما مات بسبب الشغل
انا : خلاص بقى ماتعملوهاش حكايه قولنا
لمياء : خلاص يا مريم كفايه كلام واطلعى معاه الاوضه خليه يرتاح لحد ما الغداء يجهز واخلى مرفت تطلعه عندكم فى الاوضه
انا : لا انا مش عاوز اكل دلوقتى ..... انا محتاج انام واشبع نوم الاول وبعد ما اصحى اكل كل اللى انتوا عاوزينه
لمياء : خلاص يا مريم سيبيه ينام براحته
• طلعت الاوضه مع مريم وغيرت هدومى واترميت على السرير وروحت فى ماحسيتش بنفسى غير الساعه 8 بالليل ..... صحيت لقيت مريم قاعده جمبى على السرير
مريم : اخيرا صحيت
انا : هى الساعه كام دلوقتى
مريم : الساعه دلوقتى 8
انا : ياه انا نمت كل ده
مريم : ارحم نفسك شويه يا سليم حرام عليك انا محتجالك
انا : استحملينى يا مريم الفتره دى
مريم : حاضر يا سليم ..... قوم خد شاور على ما ابلغهم يجهزوا الاكل
انا : حاضر يا مريم
• اخدت الشاور ونزلت وكان الكل موجود حتى دياب كان قاعد مع يوسف بعد ما عرف باللى حصل ..... اتعشينا كلنا مع بعض وسهرنا شويه مع بعض نرغى ونهزر بعيد عن القرف وضغط الشغل وبصراحه انا كنت محتاج افصل شويه
• خلص اليوم وكنت بعت لأحمد صقر التقرير وبالفعل تانى يوم جالى اشعار من البنك بتحويل المبلغ ..... يومها اخدت اجازه من الشركه وقعدت فى الفيلا بأمر من لمياء ومريم ودياب
• كريم استقبل الجماعه اللى وصلو من السفر قبل الفهد الاسود ووصلهم فيلا المقطم
• من ناحيه تانيه استر قاعده ودخل عليها البيرت
البيرت : مصيبه يا استر
استر : مصيبة ايه تانى
البيرت : كل شغلنا مهدد بالخطر ..... ومش شغلنا احنا بس لا ده شغل المنظمه كله
استر : ايه فى اخلص
البيرت : مصدرنا عند سليم الجراح ودياب بيقول ان سليم حط ايده على ورق مهم يخص شغلنا وشغلك انتى كمان
استر : ورق ايه ده
البيرت : مصدرنا مقدرش يسمع كل حاجه ..... بس كل اللى قدر يسمعه ورق يخص اسماء ناس انتى مجنداها فى مصر وازاى هما هيعرفوا يتعاملوا معاهم
استر : الورق ده فين
البيرت : للأسف سليم فرم الورق ده فى مكتبه وبعد كده حرقه
استر : دى كارثه .... يعنى دياب مش معاه نسخه من الورق ده
البيرت : لا ..... بس سليم سايب طريقه لدياب علشان يعرف يوصل للورق لو حصله حاجه
استر : كده تمام
البيرت : وفى حاجه تانى
استر : كمل باقى المصايب
البيرت : سليم طلع هو اللى خطف رجالة احمد صقر وطلع كمان ماسك حاجات على احمد صقر وساومه بيها وخلاه يدفع كل الخساير اللى اتسبب فيها ..... يعنى من الاخر الضربه اللى عملناها سليم طلع منها اقوى من الاول
استر : سليم كده وجوده بقى خطر علينا كلنا ولازم نخلص منه
البيرت : قوليلى اعمل ايه
استر : سليم لازم يموت ..... ومش سليم بس
البيرت : قصدك دياب
استر : لا سيب دياب للأخر علشان هو اللى هيوصلنا للورق
البيرت : امال نخلص من مين تانى
استر : كريم ..... لازم اقصقص ريش دياب علشان اعرف استفرد بيه وكمان علشان اوصل للورق ده
البيرت : انا هجهز خطه وبعدين نتحرك
استر : جهز خطه مناسبه واتحرك فورا
البيرت : حاضر
• تانى يوم كريم قاعد فى الفيلا بتاعته وفجأه طياره عملت هبوط عند الفيلا ونزل منها الفهد الاسود وكان كريم فى استقباله ..... دخل الاتنين الفيلا مع بعض وسابوا الحراسه من بره
الفهد الاسود : طمنى يا كريم ايه الاخبار
كريم : كله تمام يا فندم
الفهد الاسود : ايه اخبار سليم ودياب
كريم : ماشين على الخطه بالظبط
الفهد الاسود : ايه حكاية الورق اللى مع سليم
كريم : زى ما بلغت حضرتك فى الايميل
الفهد الاسود : سليم جاب الورق ده ازاى
كريم : رفض يقول ..... ده غير انه كان تعبان اليومين اللى فاتوا وقولنا نستنى لما حضرتك توصل وتقعد معاه يمكن يقولك
الفهد الاسود : عاوز اقابل سليم ودياب قبل الاجتماع
كريم : حاضر يا فندم
الفهد الاسود : هاتهم هنا بكره بعد نص الليل
كريم : حاضر يا فندم ..... اطلع حضرتك استريح وانا هنفذ كل اوامر حضرتك
الفهد الاسود : ده مش وقت راحه يا كريم ..... احنا دلوقتى فى مرحله مهمه جدا فى اللعبه
كريم : انا فاهم قصد حضرتك كويس ومش عاوزك تخاف احنا مركزين جدا
الفهد الاسود : انا عارف كويس يا كريم ان انا يوم ما سيبت مصر سايب ورايا رجاله تسد ..... بس برضه لازم اتطمن على كل حاجه بنفسى
كريم : زى ما تحب حضرتك
الفهد الاسود : طب سيبك من الشغل دلوقتى وطمنى على البنات
كريم : كلهم بخير ..... لمياء كويسه جدا مع يوسف وابنها بخير
الفهد الاسود : طب ومريم وشرين
كريم : كويسين جدا ومرتاحين على الاخر
الفهد الاسود : وحشونى جدا
كريم : خلاص هانت يا دكتور كلها ايام وتقدر تشوفهم براحتك ..... وبعدين انا حضرتك يوميا ببعتلك صور ليهم واطمنك على اخبارهم
الفهد الاسود : الصور مش زى الحقيقه يا كريم ..... عارف يعنى ايه اب يتحرم من بناته ويبقى علاقته بيهم مجرد صور
كريم : بصراحه يا فندم معرفش انا ماكنتش اب قبل كده بس مقدر احساس حضرتك
الفهد الاسود : ولا مقدر ولا نيله ..... انا هطلع انام دلوقتى وعاوزك ترجع عند سليم ودياب وتطمنهم ان انا وصلت بالسلامه علشان زمانهم قلقانين وبكره بعد نص الليل تجيبهم عندى
كريم : حاضر يا فندم
• رجع كريم وطمنى انا ودياب وبلغنا بالاجتماع بتاع نص الليل
• تانى يوم اخدت مريم وروحنا معمل التحاليل علشان نعمل التحاليل اللى قالت عليها لمياء .... بعد ما خلصنا ونازلين من المعمل
انا : اهو يا ستى عملت التحاليل زى ما كنتى عاوزه **** ترتاحى
مريم : انا عارفه انى تاعباك
انا : تعبك على قلبى زى العسل
مريم : بحبك يا سليم
انا : وانا بعشقك
مريم : ايه رائيك نرجع الفيلا نغير هدومنا ونخرج نتعشى مع بعض
انا : احنا فعلا هنرجع الفيلا بس انا هخرج تانى علشان معايا شغل
مريم : شغل ايه ده يا سليم
انا : شغل مهم جدا ..... انا بقالى يومين قاعد معاكى فى الفيلا وفى شغل متعطل لازم يخلص
مريم : طب هتتاخر
انا : ايوا هتاخر نامى انتى
مريم : ماشى يا سليم خلينى وراك لما اشوف اخرتها
• فجأه واحنا خارجين من المعمل فى عربيه عدت قصادنا وفيها ناس مسلحه ضربوا علينا نار ..... انا اخدت طلقه ووقعت ومريم قعدت تصرخ .... والجاردات فى منهم اللى جرى وراء العربيه وفى منهم اللى فضل معانا وطلبوا الاسعاف
• من ناحيه تانيه كريم قاعد مع هبه فى الكافيه
كريم : اهو ياستى جيت علشان ماتزعليش
هبه : عارف لو كمنتش جيت كنت هتشوف منى وش تانى خالص ..... وش ممكن يكرهك فى حياتك كلها
كريم : ليه كده بس
• كان كريم وهبه بيضحكوا ويهزروا مع بعض وكان فى واحد ماسك مسدس موجهه ناحية كريم
• ياترى ايه هيحصل تانى ..... ده اللى هنعرفه فى الحلقه اللى جايه ..... اشوفكوا بخير
الجزء العاشر
• وقفنا الجزء اللى فات لما اتضربت بالنار وانا خارج من معمل التحاليل ..... وكريم كان قاعد مع هبه فى الكافيه ..... فجأه كريم شاف واحد معاه مسدس وموجهه ناحيته
كريم : قومى بسرعه
هبه : انا لسه ما خلصتش كلامى
كريم : بقولك قومى مفيش وقت
• اخد كريم هبه وبسرعه راحوا العربيه واتحرك ..... واتحركت وراهم عربيه فيها ناس مسلحه
هبه : ممكن تفهمنى ايه اللى بيحصل بالظبط
كريم : .......
هبه : انطق ورد عليا
• فجأه كريم طلع مسدسه
هبه : انت هتعمل ايه
• شاف كريم العربيه اللى راصداهم وحاول يهرب منها على قد ما يقدر بس مش عارف لحد ما واحد من العربيه بدأ يضرب نار على كريم ..... وكريم بيرد عليهم بالنار برضه لحد ما قدر يصيب واحد فيهم ..... ساعتها هربوا من كريم .... كريم لسه بيعدل نفسه ظهرت قصاده عربيه نقل حاول يتفداها خبط فى الرصيف ..... دماغ هبه اتخبطت فى تابلوه العربيه واغمى عليها
كريم : هبه .... فوقى يا هبه
• فجأه تليفون كريم رن وكان دياب اللى بيتصل
دياب : انت فين يا كريم
كريم : خير يا دياب ايه اللى حصل
دياب : سليم اتضرب بالرصاص
كريم : دى تصفيه جماعيه بقى
دياب : قصدك ايه
كريم : انت فين دلوقتى
دياب : انا فى طريقى للمستشفى
كريم : مسافة السكه واكون عندك
• اتحرك كريم على المستشفى ..... وصل المستشفى وشال هبه ودخل بيها الاستقبال وهناك الدكاتره قاموا بالواجب ..... دخل دياب على كريم وهو واقف مستنى الدكاتره يطمنوه على هبه
دياب : ايه اللى حصل يا كريم
• حكى كريم لدياب كل اللى حصل من اول ما قابل هبه فى الكافيه
دياب : عندك حق يا كريم دى تصفيه جماعيه
كريم : ايه اخبار سليم دلوقتى
دياب : لسه فى العمليات
كريم : والحراسه اللى معاه راحت فين
دياب : الشرطه بتاخد اقوالهم فى اللى حصل
كريم : طب بنات الدكتور سليم فين
دياب : مريم وشرين ولمياء موجودين عند اوضة العمليات ومعاهم حراسه هناك
كريم : طب اطلع انت خليك جمبهم وانا هتطمن على هبه وبعد كده اجيلك
دياب : لازم نبلغ الاخبار للفهد
كريم : استنى دلوقتى لما نتطمن على سليم الاول
دياب : طب انا هطلع للبنات
كريم : روح يا دياب
• بعد ما دياب مشى ..... الدكتور اللى عند هبه خرج
كريم : طمنى يا دكتور
الدكتور : بسيطه متقلقش ..... ايدها بس اتجزعت مش اكتر وهنعملها اشعه على المخ علشان نتطمن ان مفيش ارتجاج لكن اتطمن مفيش حاجه خطيره
كريم : **** يطمنك يا دكتور
الدكتور : هو ايه اللى حصل بالظبط
كريم : مفيش يا دكتور ..... احنا كنا ماشيبن عادى بالعربيه وظهرت فجأه قصادنا عربيه نقل الظاهر السواق بتاعها كان شارب حاجه وحاولت اتفاداه خبطت فى الرصيف
الدكتور : طب حضرتك كويس
كريم : لا انا تمام مفيش اى حاجه
الدكتور : طب تمام ..... على العموم احنا ادناها منوم وهى نايمه دلوقتى
كريم : طب ممكن اشوفها يا دكتور
الدكتور : اه اتفضل بس ياريت ماتزعجهاش وتسيبها نايمه
كريم : حاضر يا دكتور
• نرجع عند دياب قاعد قصاد اوضة العمليات مع مريم ولمياء وشرين ...... البنات منهارين خالص ..... فجأه دخل عليهم يوسف
يوسف : ايه اللى حصل يا مريم
مريم : احنا كنا خارجين من المعمل فجأه عربيه عدت بسرعه ضربت علينا نار ..... سليم تقريبا شافها وهى جايه زقنى على الارض وغطانى بجسمه واخد هو الرصاص
يوسف : والجاردات اللى كانوا معاكم بيهببوا ايه
مريم : فى منهم اللى جرى وراء العربيه بس ملحقوهاش وفى اللى فضل معايا انا وسليم
يوسف : طب هو بقاله كتير فى العمليات
مريم : بقاله ساعتين تقريبا
يوسف : انشاء **** خير
دياب : اهدى يا يوسف وانشاء **** نتطمن عليه دلوقتى
يوسف : تفتكر مين اللى عمل كده يا دياب
دياب : فى ناس كتير مصلحتها فى موت سليم
يوسف : نفس الناس اللى قتلوا الدكتور سليم الجراح قبل كده
دياب : مفيش غيرهم اللى يعمل كده
يوسف : وبعدين بقى احنا مش هنخلص من الحكايه دى ولا ايه
دياب : سيبها على *** يا يوسف ..... *** وحده اللى قادر يخلصنا منهم ومن شرهم
• فجأه خرج الدكتور من غرفة العمليات وكلهم راحوا بسرعه للدكتور علشان يتطمنوا
يوسف : طمنى يا دكتور على سليم
الدكتور : مين حضرتك
يوسف : انا اخوه
الدكتور : للأسف مش عارف اقولك ايه
يوسف : سليم حصله حاجه
الدكتور : احنا قدرنا نخرج الرصاص بس للأسف سليم دخل فى غيبوبه ومش هنقدر نحدد ممكن يفوق منها امتى
مريم : يعنى ايه يا دكتور
الدكتور : لحد هنا وحلول العلم انتهت واملنا فى رحمة ****
يوسف : احنا ممكن نسفره بره يا دكتور او ممكن نجيب طقم دكاتره من بره ..... احنا ممكن نعمل اى حاجه بس سليم يوقف تانى على رجله
الدكتور : صدقنى يا فندم هنا زى بره مفيش حد هيقدر يعمله اى حاجه
• فجأه مريم اغمى عليها ..... شالوها ودخلوها اوضه وكشفت لمياء عليها وفوقتها وبعد كده عملولها تحاليل
يوسف : خير يا لمياء ..... مريم فيها حاجه
لمياء : مريم حامل يا يوسف
• مريم اول ما سمعت الخبر اتخضت
مريم : انتى بتقولى ايه يا لمياء
لمياء : زى ما بقولك كده انتى حامل فى اسبوعين تقريبا
• دخلت مريم فى نوبة عياط
لمياء : اهدى يا مريم كده غلط عليكى وعلى اللى فى بطنك
مريم : كان نفسى سليم يكون معايا وانا بسمع الخبر ده
لمياء : بكره يفوق ويعرف ويفرح معاكى
مريم : انا خلاص مش عارفه افرح ولا ازعل
لمياء : انا مقدره احساسك ده كويس ..... بس لازم تفوقى لنفسك وتاخدى بالك من صحتك علشان خاطر اللى فى بطنك
مريم : انا عاوزه اشوف سليم
لمياء : حاضر هخليكى تشوفيه بس شويه كده
• من ناحيه تانيه استر قاعده هى والبيرت
استر : طمنى يا البيرت ايه الاخبار
البيرت : سليم لسه عايش بس دخل فى غيبوبه اما كريم بقى محصلهوش اى حاجه
استر : سليم لازم يموت بأى تمن
البيرت : نعملها ازاى دى بقى
استر : اتصرف يا البيرت ..... شوف اى حد من طقم التمريض فى المستشفى وادفعله اى مبلغ بس المهم يخلصنا من سليم
البيرت : سليم لو مات فى المستشفى وارد جدا يشرحوا الجثه ويكتشفوا انه مات بفعل فاعل
استر : جرى ايه يا البيرت ما احنا عندنا حاجات كتير مش بتظهر فى التشريح
البيرت : برضه انا شايف انها مخاطره خصوصا اليومين دول ..... دلوقتى العيون مفتحه اكتر واى حركه مش محسوبه هتضيعنا
استر : موت سليم دلوقتى مش هيلفت الانظار .... لكن لو استنينا كام يوم زى ما بتقول ساعتها وارد جدا حالته تستقر وفكرة ان احنا نقتله هتلفت النظر
البيرت : برضه هنرجع لنفس المشكله ..... اكيد دلوقتى فى حراسه كامله على المستشفى كلها وعلى سليم بوجه الخصوص
استر : هو فى مستشفى الجراح ولا فين بالظبط
البيرت : ايوا فى مستشفى الجراح اللى فى اكتوبر
استر : عاوزاك تجيبلى كل التفاصيل عن المستشفى دى ..... عاوزه رسم تفصيلى ليها وعاوزه المداخل والمخارج بتاعتها وعاوزه اعرف اى ثغره فى تأمين المستشفى وعاوزاك تعرف سليم موجود فى اى جناح بالظبط وتعرف كمان مين الدكتور المسئول عن حالة سليم وطقم التمريض كمان ..... عاوزه اعرف كل كبيره وصغيره
البيرت : الكلام ده هياخد وقت
استر : مفيش وقت خالص
البيرت : حاضر هتصرف
استر : وعاوزاك تحط عينك على دياب ويوسف وكريم ..... مش عاوزاهم يغيبوا عنك لحظه واحده
البيرت : متخافيش انا امرت الرجاله بكده
استر : لا لازم اخاف لان اللحظه اللى هيغيب فيها اى واحد من التلاته تاكد ان احنا هناخد ضربه تخسرنا بيها كل حاجه
البيرت : انا فاهم الكلام ده كويس
استر : عاوزاك تكلم احمد صقر وتخليه يكون عندى بالليل
البيرت : هو فعلا اتصل وعاوز يقابلك ضرورى
استر : طب خليه يجى الساعه 9 بالليل
• من ناحيه تانيه فى المستشفى دياب وكريم قاعدين مع بعض
كريم : هنعمل ايه دلوقتى
دياب : عاوزك تقعد هنا فى المستشفى تحرس الجماعه وتغطينى علشان لازم اخرج
كريم : رايح فين
دياب : لازم اروح الفيلا عندك علشان ابلغ باللى حصل ونشوف هنتصرف ازاى
كريم : انا شايف انها مجازفه كبيره انك تتحرك دلوقتى ..... اكيد استر مراقبانا كويس جدا
دياب : ماتقلقش انا هعرف اخلع من المراقبه ..... انا عاوزك تشدد الحراسه على جناح سليم ومش عاوز اى مخلوق يدخل عنده غير لما تعرف هو مين بالظبط .... ممنوع اى حد يدخل عنده غير الدكتور وطقم التمريض المسئول
كريم : انا فاهم الكلام ده كويس
دياب : انا عارف انك فاهم بس برضه لازم اكد عليك
كريم : طب روح انت دلوقتى
• خرج دياب من المستشفى واخد عربيته وقعد يلف فى الشوارع وكان فى عربيه تانيه بتراقبه وهو شايفها كويس ..... قعد يلف فى الشوارع لحد ما عرف يهرب من المراقبه وطلع على الطريق الصحرواى وهناك كان بسهوله يقدر يكشف اى مراقبه ..... ساب دياب عربيته وكان فى عربيه تانيه مستنياه ركبها واتحرك على الفيلا الموجود فيها الدكتور سليم الجراح ..... اول ما وصل الفيلا شاف الدكتور سليم وسلم عليه
سليم : ليه جاى لوحدك وفين سليم وكريم ..... وبعدين معادكم لسه بعد نص الليل
دياب : فى حاجات حصلت وكان لازم اجى ابلغها بنفسى يا دكتور
سليم : ايه اللى حصل يا دياب
دياب : سليم اتضرب بالرصاص من كام ساعه
سليم : انت بتقول ايه ..... طب هو فين دلوقتى وحصله ايه
دياب : موجود فى المستشفى
سليم : احكيلى اللى حصل بالظبط
• حكى دياب كل اللى حصل
سليم : كلاب ..... هيفضلوا طول عمرهم كلاب
دياب : انا جيت لحضرتك علشان تقولى اتصرف ازاى
سليم : اهم حاجه بالنسبالى دلوقتى اتطمن على ابن اخويا
دياب : كلام الدكاتره غير مطمئن بالمره ..... علشان كده انا بفكر اسفره بره مصر بس دى خطوه صعبه جدا فى ظل الظروف اللى احنا فيها ..... بره مش هنعرف نسيطر على الوضع لكن هنا كل حاجه فى ايدينا
سليم : مش شرط نسفره بره مصر فى حل تانى
دياب : ايه الحل التانى
سليم : احنا نبعت نجيب طقم دكاتره كامل من بره مصر ..... احسن دكاتره فى العالم ومعاهم طقم تمريض كامل
دياب : انا بالفعل طلبت من المستشفى يجيبوا دكاتره من بره بس هما قالوا ان اى دكتور هيجى مش هيقدر يعمل اى حاجه اكتر من اللى هما بيعملوه
سليم : انا ميهمنيش كل الكلام ده ..... بكره بالكتير لازم الطقم الطبى ده يوصل .... انا معنديش ثقه فى اى حد ..... وبعدين اللى احنا بنتكلم عنه ده مش اى حد .... ده ابن اخويا .... ابن اخويا اللى انا ورطته فى لعبه اكبر منه بكتير ..... ابن اخويا اللى انا حطيته فى وش المدفع بدون اى خبره
دياب : يا دكتور انت عارف كويس ان سليم مش عيل صغير ..... انا كنت فاكر زى حضرتك ان سليم معندوش اى خبره ومش هيقدر يواجه لكن اللى انا شوفته طول الشهور اللى فات بصراحه بهرنى
سليم : انا عارف ان سليم شاطر وذكى وعرف يفهم الشغل بسرعه بس فى حاجه بسيطه كانت ناقصاه
دياب : حاجة ايه
سليم : سليم قلبه طيب وميعرفش الغدر وبيتعامل بحسن نيه بزياده شويه وبسبب كل ده حصل اللى حصل
دياب : هو اه سليم طيب بس مش بيتعامل بحسن نيه وعارف كويس يثق فى مين ويحرص من مين ..... واكبر دليل على كلامى هو اللى عمله مع احمد صقر .... ده غير الورق اللى قدر يوصله وبفضل الورق ده احنا بقينا فى مركز قوى جدا
سليم : وهو فين الورق ده .... انت عارف مكانه
دياب : سليم قالى ان لو حصله اى حاجه فى حد عارفنى وهيوصلنى للورق ده
سليم : وايه اللى يضمنلك ان الشخص ده مايكونش باع سليم
دياب : ........
سليم : ساكت يعنى
دياب : بصراحه انا حاسس ان دماغى هتنفجر
سليم : الكلام دلوقتى مش هيغير اى حاجه ..... اهم حاجه دلوقتى تاخد بالك من سليم وانا هتصرف فى الطقم الطبى النهارده وفى خلال 24 ساعه هيكونوا موجودين
دياب : زى ما حضرتك شايف
سليم : انا لولا انى خايف من المشاكل اللى ممكن تحصل كنت جيبت سليم عندى واخدت بالى منه بنفسى
دياب : تجيبه عند حضرتك ازاى يعنى ومحدش يعرف بوجودك اصلا
سليم : كنت هخطفه من المستشفى
دياب : ايوا علشان يوسف وبنات حضرتك يقلبوا الدنيا وساعتها الصحافه كمان هتشم خبر وفى ظرف كام ساعه هتلاقى خبر بالبونط العريض فى كل الجرايد والمجلات المصريه والعالميه بيقول ما هو سر اختطاف رئيس مجلس ادارة شركات الجراح ..... ساعتها هنبقى كلنا فى خبر كان بعد اسهمنا فى البورصه ما هتوقع
سليم : انا عارف الكلام ده كله
دياب : متخافش حضرتك انا هاخد بالى كويس من سليم
سليم : عاوزك تبعد نهائى عن استر ومتفكرش ترد عليها دلوقتى
دياب : ازاى يا دكتور ..... طب والخطه اللى حطها سليم قبل اللى حصل
سليم : وقف كل حاجه ..... سليم كان حاطط الخطه دى على اساس الورق اللى كان معاه .... لكن احنا مش معانا الورق ده يبقى لازم نصبر لحد ما نوصل للورق ده او نشوف هنتصرف ازاى
دياب : حاضر يا دكتور
سليم : سيبك من الشغل دلوقتى وطمنى على البنات عاملين ايه
دياب : انا سبتهم فى المستشفى منهارين
سليم : خليك معاهم يا دياب
دياب : مفيش اى حد مهما كان هيعوضهم عن غياب سليم
سليم : للدرجه دى اتعلقوا بيه
دياب : اكتر مما تتخيل ..... لمياء بتعتبره اخوها الكبير ..... ومريم بتعشقه عشق
سليم : وشرين بتتعامل معاه ازاى
دياب : انا اسف فى اللى هقوله بس شرين بتعتبر سليم والدها ..... بتاخد رائيه فى كل كبيره وصغيره فى حياتها ومش بتخطى خطوه من غير ما تستأذن من سليم ومستحيل تكسر كلامه
سليم : بقى سليم قدر يعمل كل ده ..... دى شرين عمرها ما سمعت كلامى فى اى حاجه وطول عمرها بتشوف انا عاوز ايه علشان تعمل عكسه
دياب : كل الكلام ده اتغير خلاص
سليم : طب كويس انها اتغيرت ..... بس فى حاجه عاوز اسألك عليها
دياب : اتفضل يا دكتور
سليم : انت قولتلى ان سليم اتضرب بالنار وهو خارج من معمل التحاليل مع مريم
دياب : ايوا يا دكتور
سليم : وايه اللى يودى سليم ومريم معمل تحاليل اصلا ..... هو فى حد فيهم كان تعبان
دياب : لا ده حوار كده
سليم : حوار ايه ده
دياب : مريم كانت مصممه تاخد سليم ويروحوا يحللوا يشوفوا ايه سبب تاخير الحمل لحد دلوقتى ..... وسليم اضطر يوافقها بالعافيه
سليم : وهو يرفض ليه اصلا
دياب : لأن سليم كان عامل تحاليل اصلا قبل ما يتجوز مريم واتطمن على نفسه وكان خايف مريم تعمل تحليل وتكتشف ان عندها مشكله وساعتها ممكن تضايق او تتعب وموافقش يروح المعمل غير بعد ما اتفق مع لمياء على لعبه
سليم : لعبة ايه
دياب : اتفق مع لمياء ان لو تحاليل مريم طلعت كويسه كان بها ولو طلعت فيها مشاكل تقول ان الاتنين عندهم مشاكل وعاوزين يتعالجوا علشان يحافظ على الحاله النفسيه لمريم
سليم : مش بقولك ان سليم طيب وغلبان ..... طب وايه اخبار التحاليل
دياب : ملهاش لازمه خلاص
سليم : ليه بتقول كده
دياب : لأن مريم نفسها حامل
سليم : انت بتتكلم بجد ..... طب عرفتوا ازاى
دياب : بعد ما سليم خرج من العمليات مريم اغمى عليها ولمياء كشفت عليها وعرفت انها حامل ومن ساعتها حزنها زاد اكتر لان كان نفسها سليم يكون معاها فى الوقت ده
سليم : لولا انى خايف من عاقبة اللى هيحصل كنت ظهرت لبناتى وطمنتهم
دياب : خلاص هانت يا دكتور ..... نخلص من استر وبعدها حضرتك تقدر تظهر براحتك
سليم : طب روح انت يا دياب دلوقتى قبل ما اى حد ياخد باله من غيابك
دياب : مش محتاح منى اى حاجه
سليم : عاوزك تبلغ كريم يشدد الحراسه والجاردات اللى كانوا بيحرسوا سليم وقت اللى حصل يسافروا ويجيب طقم جديد
دياب : حاضر يا دكتور
سليم : وخليه يبلغ الجماعه اللى فى فيلا المقطم ان الاجتماع هيتأجل ليوم الخميس
دياب : ليه كده يا دكتور
سليم : لازم اتطمن على سليم الاول
دياب : تمام يا دكتور
• من ناحيه تانيه استر قاعده مع احمد صقر بيتكلموا فجأه دخل عليهم البيرت
استر : فى حاجه حصلت يا البيرت
البيرت : للأسف الرجاله كلمونى وبلغونى ان دياب هرب من المراقبه
استر : ده اللى كنت خايفه منه وحذرتك بسببه
البيرت : هنعمل ايه دلوقتى
استر : هنعمل ايه يعنى ..... اكيد هنستنى المصيبه الجديده اللى هيعملها وهتخلينا نلف وراء بعض علشان نعرف نلحق نفسنا
البيرت : انا قولت من الاول ان احنا لازم نخلص من دياب كمان
استر : على اساس ان رجالتك فالحين اوى وعرفوا يخلصونا من كريم وسليم
احمد : بالنسبه لموضوع سليم انا عندى حل
استر : حل ايه يا احمد
احمد : الدكتور اللى بيتابع حالة سليم ده انا عارفه كويس ويعتبر واحد من رجالتى
استر : واحد من رجالتك ازاى مش فاهمه
احمد : كان بيشتغل عندى فى المستشفى بتاعتى بعدها سافر امريكا واشتغل هناك بعدها رجع اشتغل فى مستشفى الجراح
استر : وايه اللى خلاه يرجع مستشفى الجراح وميرجعش عندك المستشفى
احمد : انا اللى بعته هناك ..... كان لازم يبقالى رجاله عند دياب علشان اعرف الدنيا ماشيه ازاى هناك
استر : يعنى انت عندك ناس تانيه بتشتغل عند دياب
احمد : عندى ناس تانيه بس مش كتير انا لسه يادوب بحاول ازرع رجاله هناك لانى فى الاول كنت واثق فى دياب ومش مدى اى خوانه من ناحيته
استر : خلينا فى موضوع الدكتور ده ..... انت متأكد انك ضامنه
احمد : بقولك ده واحد من رجالتى
استر : انا هديلك حقنه تديها للدكتور بتاعك .... لازم يضرب الحقنه لسليم النهارده بأى تمن
احمد : الحقنه دى بتعمل ايه بالظبط
استر : الحقنه دى هتموت سليم بعد 12 ساعه بالظبط وبالنسبه للطب الشرعى مستحيل يقدر يكشفها ..... السم اللى فى الحقنه قوى جدا وجديد مفيش اى حد يعرفه غيرنا احنا
احمد : هاتى الحقنه وانا هتصرف
• طلعت استر من المكتب جابت الحقنه ورجعت تانى
استر : امسك يا احمد الحقنه
احمد : طب يا دوب الحق اتحرك
استر : اتفضل يا احمد
• مشى احمد من عند استر
• من ناحيه تانيه فى المستشفى ..... كريم قاعد عند هبه فى اوضتها ..... هبه كانت نايمه وكريم قاعد جمبها بيبص عليها
كريم : اول مره اشوفك من قريب كده ..... كان نفسى تبقى مفتحه عينك علشان تشوفينى زى ما انا شايفك ..... تصدقى ب**** الطله فى وشك بترجعلى عمرى كله اللى عدى وبتهون عليا كل الشقى اللى عشته ..... بتصالحنى يا هبه على الدنيا اللى اتعودت تاخد منى واول مره تدينى ..... اول مره تدينى الحلم اللى كنت خايف احلمه .... ااااااه .... هو ده بقى اللى اسمه النصيب
• فجأه هبه فاقت
هبه : ما انت بتعرف تقول كلام حلو اهو
كريم : ايه ده انتى صاحيه من امتى
هبه : فوقت من شويه ولما حسيت بيك قاعد جمبى عملت نفسى نايمه علشان اشوفك هتعمل ايه
كريم : قلقتينى عليكى
هبه : مين الناس اللى طلعت علينا ..... واضح انهم كانوا قاصدينك
كريم : ده اللى كنت خايف عليكى منه وعلشان كده كنت ببعدك عنى
هبه : انا هسألك سؤال واحد وعلى اساسه هحدد مصير علاقتنا
كريم : اتفضلى اسألى
هبه : انت بتعمل حاجه غلط
كريم : حاجه غلط ازاى مش فاهم
هبه : يعنى بتشتغل شغل شمال انت ودياب وسليم
كريم : شغل شمال ازاى
هبه : يعنى مخدرات ولا سلاح ولا اى حاجه من الزفت اللى بنسمع عنه
كريم : انتى تصدقى عننا حاجه زى دى
هبه : يبقى من حقى اعرف مين الناس اللى طلعت علينا وكانوا عاوزين يقتلوك
كريم : الأنسان اللى شغلته يدافع عن الناس وحقوقهم لازم هتلاقيله اعداء ومستعدين يعملوا اى حاجه علشان يبعدوه عن طريقهم
هبه : يعنى انتوا مش بتشتغلوا شمال
كريم : لا طبعا
هبه : يبقى تسيبنى اواجه مصيرى معاك وانا راضيه بالنهايه مهما تكون
كريم : يبقى كده انتى بتكتبى نهايتك بأيدك ..... انتى ماتستحقيش حياتى الصعبه ..... انتى المفروض تتجوزى واحد شبهك ظروفه زى ظروفك تعيشوا مع بعض فى امان وسعاده
هبه : سعادتى معاك انت ولو كانت مع غيرك تغور مش عاوزاها
كريم : .......
هبه : ساكت ليه
كريم : مش عارف ارد عليكى بأيه
• فجأه تليفون كريم رن وكان دياب
كريم : ايوا يا مستر دياب
دياب : هو فى حد جمبك
كريم : انا فى المستشفى يا فندم ..... خير فى حاجه
دياب : انا خلصت وراجع فى الطريق للمستشفى ..... طمنى على سليم
كريم : لسه الحاله زى ما هى مفيش اى جديد
دياب : وبالنسبه للحراسه
كريم : الحراسه ماليه المستشفى وانا كل شويه بطلع اتمم عليهم
دياب : تمام يا كريم ..... على العموم انا فى الطريق وساعة زمن بالكتير وهكون عندك
كريم : تمام يا فندم
• قفل كريم مع دياب
هبه : هو ايه فى بالظبط
كريم : فى ايه ازاى مش فاهم
هبه : حراسة ايه اللى ماليه المستشفى وايه الحاله اللى زى ماهى ومفيش فيها جديد
كريم : سليم اتضرب بالرصاص ودخل فى غيبوبه
هبه : سليم مين .... اوعى يكون سليم الجراح
كريم : ايوا ..... وحكى كريم كل اللى حصل
هبه : مريم والبنات فين دلوقتى
كريم : موجودين فى الدور اللى فوق ..... مريم رافضه تسيب المستشفى من غير سليم وشرين ولمياء قاعدين معاها
هبه : حد فيهم عارف انى موجوده هنا فى المستشفى
كريم : لا محدش فيهم يعرف حاجه
هبه : انا لازم اطلعلهم واتطمن عليهم
كريم : تروحى فين انتى لسه تعبانه
هبه : متخافش عليا انا كويسه بس لازم اكون جمبهم
كريم : زى ما تحبى
• قامت هبه وعدلت نفسها وطلعت عند مريم فى اوضتها وكان قاعد معاها لمياء وشرين وكانوا فى قمة الحزن ..... سلمت عليهم وقعدت معاهم
لمياء : رابطه ايدك ليه يا هبه
هبه : لا بس وقعت عليها واتجزعت
لمياء : الف سلامه عليكى يا حبيبتى
هبه : طمنونى على سليم
لمياء : ادعيله يا هبه
هبه : **** يقومه بالسلامه
• بعد ساعه دياب وصل المستشفى وكان كريم ويوسف قاعدين مع بعض
دياب : طمنونى ايه الاخبار
كريم : لسه مفيش جديد
يوسف : انا مش مصدق اللى بيحصل ده ..... مين يا دياب اللى من مصلحته يعمل كده
دياب : قولتلك يا يوسف فى ناس كتير من مصلحتها تخلص من سليم
يوسف : ممكن يكون سعد صقر
دياب : كل شئ وارد
يوسف : انا شاكك اكتر فى الست اللى اسمها استر يعقوب
دياب : اوعى تجيب السيره دى نهائى
يوسف : ليه يعنى .... انت عارف حاجه ومخبيها عنى
دياب : تعالى معايا يا يوسف نتكلم فى مكان مقفول علينا
يوسف : حاضر يا دياب
دياب : خلى بالك من الدنيا هنا يا كريم لحد ما ارجعلك
كريم : حاضر يا فندم
• مشى دياب ويوسف وراحوا مكان فاضى يعرفوا يتكلموا فيه
يوسف : انت مخبى ايه عليا يا دياب
دياب : انا هقولك اللى مسمحولى بيه مش اكتر بس ياريت ماتسألنيش عن اى حاجه تانيه
يوسف : قول اللى عندك وبعدها احكم بنفسى
دياب : عندك حق فى موضوع استر ..... استر فعلا اللى وراء كل المصايب
يوسف : وايه اللى يخليها تقتل سليم
دياب : الفتره اللى فاتت سليم قدر يحط ايده على ورق كتير ممكن يدمر استر واكيد فى جاسوس عندنا قدر يوصل المعلومه دى لأستر
يوسف : الورق ده فيه ايه بالظبط
دياب : مش مهم فيه ايه دلوقتى ..... المهم الورق ده فين
يوسف : فين ازاى يعنى .... هو مش مع سليم ولا قصدك ان استر وصلت للورق ده
دياب : لا استر متعرفش طريق الورق ده لان سليم حرق النسخه اللى كانت معاه ومفيش دلوقتى غير اصل الورق بس
يوسف : وفين الاصل ده
دياب : مفيش غير اتنين بس اللى يعرفوا طريق الورق ده
يوسف : اكيد طبعا سليم واحد من الاتنين دول ..... مين الشخص التانى بقى
دياب : انت الشخص التانى يا يوسف
يوسف : انا ..... طب ازاى ودى اول مره اسمع عن الورق ده
دياب : ده كلام سليم
يوسف : سليم قالك ايه بالظبط
دياب : لما كنا بنتناقش من كام يوم فى الموضوع ده انا كنت خايف يحصل حاجه لسليم بسبب الورق ده زى ما حصل دلوقتى ..... سليم قالى انه شايل الورق فى مكان امان ومفيش حد يعرف المكان ده غيرك يا يوسف
يوسف : بس انا فعلا معرفش مكان الورق ده ..... طب محاولش يقولك حاجه تسهل علينا الدنيا
دياب : هو قال ان فى شخص معين هيظهر فى الوقت المناسب وهيقولى على نص الطريق والنص التانى عندك انت
يوسف : مين الشخص ده
دياب : معرفش .... سليم رفض يقولى علشان كده قولت ابلغك ممكن تكون عارف المكان اللى سليم بيخبى فيه حاجته
يوسف : سليم عمره ما كان ليه مكان بيخبى فيه حاجه ..... سليم اصلا عمره ما كان عنده اسرار علشان يخبيها
دياب : حاول تقعد مع نفسك وتفكر
يوسف : حاضر يا دياب
• قعد يوسف ودياب اكتر من ساعتين مع بيفكروا ومش عارفين يوصلوا لأى حاجه
• من ناحيه تانيه كريم قاعد على كرسى قصاد اوضتى ..... خرجت هبه قعدت جمبه
هبه : بتفكر فى ايه
كريم : لا مفيش حاجه ..... طمنينى عليكى انتى
هبه : انا كويسه
كريم : كلمتى مامتك علشان الوقت اتأخر
هبه : ايوه كلمتها وقولتلها انى بايته مع واحده صاحبتى فى المستشفى تعبانه
كريم : طب مش المفروض تدخلى اوضتك تنامى وترتاحى
هبه : انت كمان تعبت والمفروض تنام وترتاح
كريم : لا متخافيش انا متعود على كده ..... انا عندى القدره اقعد صاحى اطول وقت ممكن
هبه : ماشى يا سيدى .... انا كمان مش جايلى نوم
كريم : بس انتى تعبانه
هبه : طول ما انا قاعده معاك بنسى التعب
كريم : .......
هبه : مالك ساكت كده ليه
• فجأه قام كريم ودخل اوضتى بسرعه ودخلت وراه هبه ..... كان الدكتور رايح يحط حقنه فى المحلول اللى متعلق
كريم : استنى عندك انت بتعمل ايه
الدكتور : ده معاد الحقنه بتاعة المريض ..... انت اللى ازاى تدخل العنايه كده .... الزياره ممنوعه
كريم : انت ازاى تديله حقنه من غير ما تستأذن
الدكتور : استأذن من مين ..... انا الدكتور هنا مش انت
كريم : فين الحقنه دى اللى انت عاوز تضربها
الدكتور : اتفضل يا سيدى لما نشوف اخرتها
كريم : دى سرنجه .... انا بسأل عن الفارغ بتاع الحقنه
الدكتور : انا جهزت الحقنه فى الصيدليه تحت قبل ما اطلع فى مشكله معاك
كريم : اه جهزتها فى الصيدليه .... تمام يا دكتور
هبه : فى ايه يا كريم بالظبط
• طلع كريم جهاز من جيبه وطلب الجاردات يدخلوا
الدكتور : ممكن افهم فى ايه بالظبط
كريم : هتفهم دلوقتى
• دخل اتنين جاردات
الجاردات : اوامرك يا فندم
كريم : عاوزكم تاخدوا الدكتور عندكم وتتحفظوا عليه لحد ما اقولكم تعملوا ايه تانى
الدكتور : انت اتجننت
كريم : اتحرك معاهم يا دكتور من غير شوشره
الدكتور : لا مش هتحرك مع حد
كريم : لو ماتحركتش معاهم هضربلك الحقنه بنفسى وانت عارف كويس انا قصدى ايه
الدكتور : لا مش فاهم قصدك
كريم : الحقنه دى فيها سم
الدكتور : انت جاى تلبسنى مصيبه ..... دى حقنة مضاد حيوى عادى جدا
كريم : طالما متأكد انها مضاد حيوى يبقى اضربهالك دلوقتى وبعدها اسيبك تمشى براحتك
الدكتور : بس انا مش عيان علشان اخد حقن
كريم : يبقى تمشى مع الرجاله لحد ما اشوف الحقنه دى فيها ايه يا اما هعمل عليك التجربه دلوقتى حالا ..... يلا يا رجاله خدوا الدكتور
الجاردات : حاضر يا فندم
• اخدوا الدكتور اللى انفعل وقعد يزعق والناس اتلمت
دياب : فى ايه يا كريم
كريم : مفيش حاجه يا فندم
مريم : انتوا واخدين الدكتور على فين ..... وايه اللى حصل لسليم
كريم : اتطمنى يا فندم انا لحقت اتصرف
يوسف : ايوا لحقت تتصرف ازاى بقى
كريم : الدكتور المحترم كان عاوز يضرب حقنة سم لسليم
مريم : انت بتقول ايه ..... طب سليم حصله حاجه
كريم : متخافيش يا فندم انا لحقته قبل ما يعمل اى حاجه
لمياء : هما عاوزين مننا ايه تانى مش كفايه اللى حصل
يوسف : الدكتور راح فين
كريم : رجالتى اخدوه لحد ما احلل الحقنه دى واعرف فيا ايه بالظبط
يوسف : المفروض الكلام ده يتسلم للشرطه وهى تشوف شغلها
دياب : شرطة ايه يا يوسف اللى بتتكلم عليها ..... مينفعش اى حاجه من اللى بتحصل هنا تروح للشرطه احنا مش ناقصين
يوسف : قصدك ايه يا دياب
دياب : الخبر لو وصل للشرطه اكيد هيتسرب للصحافه وساعتها هتحصل ازمه كبيره فى شركاتنا وفى شغلنا كله
مريم : الشغل مش اهم من سليم يا دياب
دياب : مفيش حاجه اهم من سليم يا مريم ..... انا بعمل كل ده علشان مصلحة سليم
يوسف : انا مش مقتنع بكلامك ده يا دياب ومش عارف ليه رفضت ان المستشفى تبلغ عن اللى حصل
دياب : انا هفهمك يا يوسف ..... سليم يبقى رئيس مجلس ادارة شركات الجراح يعنى اسهم الشركات مرتبطه بشكل مباشر بسليم نفسه يعنى لو خبر محاولة قتل سليم اتسرب للصحف وخصوصا لما يعرفوا ان سليم فى غيبوبه ومش عارفين هيفوق منها امتى يبقى قول على اسهم الشركات يا رحمن يا رحيم وخصوصا بعد اللى حصل فى مناقصة شركة المقاولات وخسارتنا ملايين كتير فيها
شرين : دياب بيتكلم صح يا يوسف ..... احنا مش ناقصين شوشره .... سليم كان بيحكيلى على كل حاجه تخص الشركه والناس اللى بتحاول تدمرها
يوسف : انا هسمع كلامك يا دياب لما اشوف اخرتها ..... بس انا خايف تتكرر حاجه تانى زى ما حصلت دلوقتى
كريم : من الناحيه دى متخافش انا قادر اسيطر على الموقف كويس جدا
دياب : بالنسبه لعلاج سليم متقلقش منه بكره هيكون فى طقم كامل من اكبر الدكاتره والممرضين فى العالم هيتولى علاج سليم
مريم : فين الطقم ده يا دياب
دياب : انا خلاص عملت اتصلاتى بأمريكا والطقم بيتجهز دلوقتى وهيوصل فى خلال 24 ساعه
كريم : وانأ عملت اتصلاتى بشركة الامن وبكره هيركبوا كاميرات مراقبه فى جناح سليم وفى الدور كله علشان نقدر نأمن الدنيا
دياب : وانا بلغت مدير المستشفى انه يفضى الدور الاخير بالكامل من المرضى علشان ننقل سليم هناك وميبقاش فى اى حد غريب موجود هناك
مريم : انا مش عارفه اقولك ايه يا دياب
دياب : ماتقوليش حاجه يا مريم ..... اهم حاجه دلوقتى نتطمن على سليم وياريت كمان تاخدى بالك من نفسك ومن الجنين اللى فى بطنك علشان خاطر سليم
يوسف : طب هتعملوا ايه مع الدكتور اللى اخدتوه ده
دياب : هنحقق معاه ونشوف مين اللى وراه
يوسف : بس انا لازم احضر التحقيق ده واى خطوه تمشوها لازم ابقى عارفها
دياب : حاضر يا يوسف بس بعدين هنقعد مع بعض وهفهمك كل حاجه
يوسف : ماشى يا دياب
دياب : يلا يا مريم ارجعى اوضتك وارتاحى وانا وكريم هنأمن المستشفى كويس
يوسف : انا جاى معاكم
دياب : معلش يا يوسف خليك مع الجماعه زى ما اتفقنا وانا هفهمك كل حاجه بعدين
• دياب اخد كريم وراحوا فى حته بعيده
دياب : فين الحقنه اللى اخدتها من الزفت ده
كريم : متخافش موجوده معايا وهبعتها للمعامل بتاعتنا تتحلل
دياب : تمام كده
كريم : فى حاجه مش مريحانى
دياب : حاجة ايه
كريم : يوسف اللى مصمم يعرف كل حاجه ..... كده غلط يا دياب .... انا عارف ان يوسف صاحب سليم الوحيد وبيحبه جدا بس برضه يوسف مينفعش يعرف اى حاجه عن اللى احنا بنعمله
دياب : عارف قصدك علشان كده انا اتكلمت مع الفهد فى الموضوع ده وهو هيتصرف بنفسه الحكايه كلها مجرد وقت مش اكتر
كريم : كده تمام
دياب : عاوزك تبعت الدكتور الزفت ده على فيلا المقطم يقعد مع الجماعه اللى هناك لحد ما نشوف هنعمل معاه ايه بالظبط
كريم : حاضر
• من ناحيه تانيه يوسف قاعد مع لمياء وشرين ومريم
شرين : مالك يا يوسف سرحان فى ايه
يوسف : بصراحه مش مرتاح لدياب وكريم
مريم : مش مرتاح ازاى يعنى
يوسف : مش عارف بقى بس حاسس انهم مخبيين عنى حاجات كتير
شرين : شئ طبيعى تحس بكده لأنك بعيد عن شغلهم ومش عارف ايه اللى بيحصل فيه
يوسف : وانتى بقى اللى عارفه
شرين : انا اكتر واحده عارفه وفاهمه كل حاجه ..... انا كنت اقرب واحده لبابا وكان دايما بيحكيلى حاجات كتير عن شغله ده غير ان سليم دايما كان بيتناقش معايا فى الشغل لانى بحب شغل بابا وعاوزه اتعلمه علشان اشتغل فى الشركه ..... بسبب كل ده انا مقتنعه بكلام دياب وكريم
يوسف : ماشى يا ستى خلينا وراهم لما نشوف اخر الحكايه ايه
لمياء : انت المفروض تروح ترتاح يا يوسف احنا دلوقتى بعد نص الليل والمفروض معاك شغل الصبح بدرى
يوسف : لا انا بايت معاكم الليله
لمياء : لا لازم تروح وترتاح انت تعبان من الصبح
يوسف : لا انا مش تعبان
لمياء : علشان خاطرى يا يوسف روح ارتاح وكمان عاوزاك بكره وانت جاى تجيب هدوم ليا ولأسامه علشان شكلها القعده هنا هتطول
شرين : يوسف مش هيعرف يجيب الحاجات دى ..... انا بكره الصبح هروح الفيلا واجيب كل حاجه
لمياء : كده تمام جدا بس برضه لازم يروح الفيلا ويرتاح
يوسف : حاضر يا لمياء شويه كده وهمشى
لمياء : وجودك هنا مش هيقدم ولا هيأخر صدقنى وبعدين احنا لو احتاجنا حاجه هكلمك على طول
يوسف : حاضر يا لمياء همشى
• فجأه تليفون يوسف رن وكان private number رد يوسف على التليفون
يوسف : الووووو ..... ايوا انا النقيب يوسف العصار ..... مين معايا ..... تمام يا فندم ..... تحت امر حضرتك ..... الساعه 9 ..... حاضر يا فندم الساعه 9 بالدقيقه هكون عند حضرتك ..... اتفضل يا فندم
• قفل يوسف مع اللى بيكلمه
لمياء : خير يا يوسف فى حاجه
يوسف : لا دى مكالمة شغل عادى
لمياء : فى مشكله ولا حاجه
يوسف : لا مفيش حاجه يا حبيبتى ..... طب انا همشى دلوقتى علشان معايا مشوار مهم الصبح بدرى ولازم اكون مستعد
لمياء : خد شرين معاك
شرين : لا انا هبات معاكم
لمياء : اسمعى الكلام يا شرين .... انتى لازم تنامى والصبح ابقى تعالى براحتك علشان تجيبى الهدوم من الفيلا
شرين : عادى ممكن اروح الصبح اجيبها
يوسف : خلاص يا لمياء سبيها معاكم وبكره الصبح تبقى تروح الفيلا تجيب اللى انتوا عاوزينه
لمياء : ماشى يا يوسف
• مشى وسف من المستشفى ورجع الفيلا وقعد سهران مع نفسه بيفكر فى اللى حصل وفى المكالمه اللى جاتله وبقى حيران اكتر ..... قعد يفكر لحد ما عينه راحت فى النوم
• صحى يوسف الصبح بدرى وجهز بسرعه وخرج ركب عربيته واتحرك بيها ووصل لمبنى جهاز المخابرات ..... اول ما وصل هناك اكتشف ان المعاد بتاعه مع رئيس جهاز المخابرات بنفسه وقتها اتخض بس قدر يتحكم فى اعصابه وانتظر فى المكتب لحد ما دخل لمكتب رئيس الجهاز وهرمز لاسمه بالثعلب
الثعلب : اقعد يا يوسف
يوسف : تحت امر حضرتك يا فندم
الثعلب : طبعا انت مستغرب من المقابله
يوسف : بصراحه يا فندم بعد مكالمة امبارح انا قلقت ومعرفتش انام لمجرد ان معايا مقابله هنا فى الجهاز والقلق زاد اكتر لما عرفت ان المقابله مع سيادتك
الثعلب : ماتقلقش يا يوسف لحد دلوقتى مفيش حاجه خطيره
يوسف : لحد دلوقتى !!..... معنى كده ان ممكن يبقى فى حاجه خطيره بعد كده
الثعلب : جرى ايه يا يوسف ده احنا اساس شغلنا هو الخطر
يوسف : انا فاهم الكلام ده كله يا فندم بس اللى مش فاهمه لحد دلوقتى انا موجود هنا ليه
الثعلب : انا هفهمك كل اللى انت محتاج تفهمه واظن انك عارف قواعد شغلنا كويس
يوسف : المعرفه بقدر الحاجه
الثعلب : كويس انك عارف علشان كده انا هسألك سؤال واضح وصريح ..... فين المكان السرى اللى محدش يعرفه غيرك واللى سليم شايل فيه الحاجه المهمه ؟
يوسف : حضرتك عارف الموضوع ده
الثعلب انا عندى تفاصيل الموضوع بالكامل بس سليم قال ان انت الوحيد اللى هتقدر توصل للورق لو هو حصله اى حاجه
يوسف : صدقنى يا فندم انا من امبارح بعصر فى دماغى واحاول اعرف فين المكان ده بس مش قادر اوصل لحاجه
الثعلب : طب من وجهة نظرك ايه المكان اللى ممكن سليم يخبى فيه الورق المهم
يوسف : هنا بقى المشكله سيادتك
الثعلب : قصدك ايه
يوسف : سليم مشكلته فى بساطته ..... سليم ممكن يخبى الحاجه فى مكان ظاهر جدا قصادك بس عمرك ما تتوقعه من كتر بساطته
الثعلب : الكلام ده كان زمان ايام ما كنتوا عيال بتلعبوا مع بعض لكن سليم دلوقتى اختلف تماما عن سليم بتاع زمان
يوسف : احنا هنتعب نفسنا ليه كده ولا كده بناء على كلام دياب فى واحد معاه طرف الخيط اللى ممكن يوصلنا للمكان ده
الثعلب : الشخص ده لازم يعرف الاول ان سليم فى غيبوبه علشان يظهر واحنا مكتمين على الحادثه كلها يعنى الشخص ده ميعرفش ان سليم اتضرب بالرصاص اصلا
يوسف : احنا ممكن نسرب الخبر وساعتها الشخص ده هيظهر
الثعلب : مينفعش يا يوسف احنا مش ناقصين مشاكل
يوسف : تسمحلى يا فندم اسأل سؤال
الثعلب : انت عاوز تعرف ايه طبيعة علاقتنا بسليم
يوسف : اسف لو كنت بتخطى حدودى بس انا فعلا دماغى هتنفجر ومش فاهم حاجه
الثعلب : علاقتنا بسليم بدأت من بعد موضوع القضيه بتاعته اللى تم اتهامه فيها بقتل عمه واسامه صاحبكم ..... احنا علاقتنا بشركة الجراح علاقه قديمه من ايام الدكتور سليم الجراح ..... كان فى شغل كتير بينا وبين الدكتور سليم طبعا مش هينفع اقولك ايه طبيعة الشغل ده
يوسف : مفهوم طبعا
الثعلب : بس اللى اقدر اقولهولك ان الدكتور سليم الجراح رشح سليم ابن اخوه علشان يبقى الراجل بتاعنا من بعده بس طبعا فى الفتره اللى بعد موت الدكتور سليم كان لازم نتعامل مع شخص تانى لحد ما نتاكد ان سليم يقدر يشيل المسئوليه
يوسف : والشخص ده يبقى دياب العاصى
الثعلب : توقعك صحيح وخصوصا ان دياب كان الدراع اليمين للدكتور سليم الجراح لفتره كبيره ده غير انه فى نفس الوقت الدراع اليمين لحماه المهندس عمر الالفى
يوسف : طالما دياب كان مهم جدا بالطريقه دى ايه اللى يخليكم تتعاملوا مع سليم
الثعلب : كل واحد وليه طبيعة شغله اللى مينفعش اى حد تانى يقوم بيها غيره ..... يعنى دياب مثلا كان طبيعة شغله بره مصر على عكس سليم اللى كان كل شغله متمركز فى مصر ..... ده غير ان كان لازم الشغل يتقسم
يوسف : وعلى ما اظن ان طبيعة الشغل ده خاصه بأستر يعقوب واللى معاها
الثعلب : مش بالظبط ..... استر مجرد حلقه فى سلسله طويله
يوسف : هى استر موجوده فى مصر
الثعلب : ايوا يا يوسف ..... استر موجوده فى مصر وتحت عنينا
يوسف : اسف لو كنت بسأل كتير بس انا فعلا دماغى استوت ..... سعد صقر موجود برضه فى مصر ولا هربان بره مصر
الثعلب : موجود فى مصر وفى ايدينا
يوسف : طب سعد ليه علاقه باللى حصل لسليم
الثعلب : لا ..... احنا قبضنا على سعد قبل اللى حصل
يوسف : قبضتوا على سعد امتى وازاى ..... ده مفيش اى خبر عن الموضوع ده
الثعلب : احنا فعلا قبضنا على سعد بس لسه مسلمناهوش للشرطه ومتسألش عن السبب
يوسف : لا انا فاهم السبب .... اكيد علشان استر تتلخبط ومتعرفش تتصرف
الثعلب : حاجه زى كده
يوسف : طب انا مطلوب منى ايه سيادتك
الثعلب : مطلوب منك تعصر دماغك وتعرف المكان اللى سليم شايل فيه الورق وكمان تسمع كلام دياب بدون نقاش واى حاجه يرفض يقولهالك اعرف انها سر ولو عرفت مكان الورق تبلغ بيه دياب ومتتصرفش من دماغك
يوسف : حاضر يا فندم
الثعلب : انت ظابط ذكى جدا يا يوسف وانا حاطط عينى عليك من ايام قضية سعد وبقولك مستقبلك عظيم وقريب جدا جدا هباركلك لما تتنقل الجهاز هنا
يوسف : حضرتك بتتكلم بجد يا فندم
الثعلب : حركة الترقيات قربت ..... انا عارف ان دورك فى الترقيه لسه بعد سنتين بس انت فعلا تستحق ترقيه استثنائيه
يوسف : اتمنى اكون عند حسن ظن سيادتك
الثعلب : انا واثق من كده .... عارف يا يوسف انا بقالى اكتر 10 سنين قاعد على الكرسى ده ومن وقتها برشح الظباط اللى زيك للأماكن الحساسه سواء كان هنا فى الجهاز او اى جهاز تانى .... عمرى فى حياتى مارشحت حد وندمت عليه اتمنى انك تكون قد المسئوليه
يوسف : مش عارف اقول لسيادتك ايه
الثعلب : انا عاوز اشوف فعل مش مجرد كلام
يوسف : اوعدك يا فندم هتشوف فعل قريب جدا
الثعلب : تقدر تتفضل دلوقتى ولو فى اى حاجه حصلت بلغها لدياب وهو هيتصرف
يوسف : تمام يا فندم
• مشى يوسف من جهاز المخابرات وطلع على المستشفى
• من ناحيه تانيه استر قاعده مع احمد صقر
استر : جرى ايه يا احمد هو كل ما تبعت حد من عندك علشان ينفذ مهمه يختفى بالشكل ده
احمد : انا لحد دلوقتى مش عارف ايه اللى حصل فى المستشفى ورفضت اكلم الدكتور
استر : ليه رفضت تكلمه
احمد : اتفاقى معاه ان هو اللى يكلمنى بعد ما يخلص وبعدين انا مش ضامن مين اللى يرد عليا
استر : طب والحل ايه دلوقتى هنفضل حاطين ايدينا على خدنا كده كتير ومش عارفين ايه اللى بيحصل
احمد : لو فى حاجه حصلت كنا هنعرفها
استر : دى فى حد ذاتها مصيبه
احمد : اكيد هنلاقى حل للموضوع ده
• فجأه دخل عليهم البيرت وعلى وشه علامات الغضب
استر : ادخل فى المصيبه على طول يا البيرت وشك باين عليه المصايب
البيرت : فى خبرين مش كويسين نهائى
استر : اشجينى بالخبر الاول
البيرت : يوسف العصار هرب من المراقبه
استر : والخبر التانى
البيرت : الخبر التانى من مستشفى الجراح
استر : الدكتور اللى تبع احمد اتمسك
البيرت : الدكتور مختفى من امبارح بس برضه مش ده الخبر
استر : هو لسه فى مصايب تانيه ..... اخلص قول
البيرت : تم اخلاء الدور الاخير فى المستشفى بالكامل ونقلوا سليم هناك
استر : يبقى كده الدكتور اللى بعتناه اتكشف ..... لازم نشوف حد تانى فى اسرع وقت ممكن
البيرت : للأسف مش هينفع خلاص
استر : قصدك ايه
البيرت : مفيش اى دكتور او ممرضه من المستشفى هيتابع حالة سليم لأن فى طقم دكاتره وممرضين هيوصلوا النهارده من بره وهما اللى هيتابعوا حالة سليم الجراح .... ده غير ان فى دلوقتى طقم حراسه استلم المستشفى ومتمركزين فى الدور اللى هيقعد فيه سليم
استر : فى مصايب تانيه نسيت تقولها ولا خلاص كده
البيرت : فى شركة امن موجوده دلوقتى فى المستشفى بتركب كاميرات مراقبه فى اوضة سليم وفى الدور كله علشان يرصدوا اى حركه تحصل هناك
استر : اخبارك كلها زى الزفت على الصبح
احمد : بالطريقه دى اصبح من المستحيل حد يقدر يوصل لسليم
استر : البركه فى الدكتور الخايب اللى انت بعته علشان يخلص واكيد زمانه اعترف عليك لدياب زى ما رجالتك اعترفوا عليك فى موضوع المناقصه
احمد : لا متخافيش الدكتور ميعرفش ان انا اللى باعته اصلا
استر : ازاى يعنى
احمد : اللى بيشغل الدكتور ده واحد من رجالتى وهو اللى بيديله الاوامر من غير ما اظهر فى الصوره اصلا ..... والراجل بتاعى محدش يعرفه اصلا يعنى مهما حاولوا مع الدكتور مش هيطلعوا منه بأى حاجه مفيده
استر : متأكد من المعلومه دى ولا هيحصل زى ما حصل قبل كده وقت المناقصه
احمد : طبعا متأكد
البيرت : بس انتوا مش ملاحظين حاجه
استر : حاجة ايه
البيرت : مفيش اى جهه اعلاميه نشرت اللى حصل
استر : اكيد دياب مكتم على الخبر علشان يحافظ على اسهم الشركات
البيرت : طب ايه رائيك نسرب الخبر احنا للصحافه واحنا معانا صور للحادثه وصور تانيه لسليم فى المستشفى
استر : خليها اخر خطوه مش دلوقتى
البيرت : امتى يعنى
استر : اصبر يوم ولا اتنين لحد ما نشوف ايه اللى هيحصل
البيرت : انا شاكك ان يوسف هرب علشان يجيب الورق اللى يخصنا
استر : يوسف مش مهم بالنسبالى ..... المهم بالنسبالى كريم ودياب
البيرت : انا ياما قولت نخلص من دياب بس انتى اللى كانت عاجباكى اللعبه
استر : هتفضل طول عمرك غبى يا البيرت
البيرت : ليه بقى
استر : لان المشكله مش فى دياب اصلا ..... المشكله فى الناس اللى وراء دياب ..... انا كنت قادره اخلص من دياب زى ما خلصنا من الدكتور سليم الجراح بس كان هيجى شخص تانى احنا منعرفش حاجه عنه وهيتعبنا لحد ما نعرف نتعامل معاه ..... عارف يا البيرت ايه الفرق اللى بينى وبينك
البيرت : ايه الفرق
استر : انا ببص لبعيد لكن انت بتبص تحت رجليك ..... يا البيرت احنا مش بنحارب مجموعة شركات وخلاص على كده ..... لا احنا بنحارب كيان كبير بقاله زمن بيكون فى نفسه ويستعدلنا واحنا مش واخدين بالنا ومش قادرين نحدد مدى قوته ولا مين اللى وراه ..... تقدر تقولى بيانات اى شخص من الجاردات اللى بيشتغلوا تحت ايد كريم ودياب .... تعرف اى حاجه عنهم ..... تعرف جنسياتهم ...... كريم نفسه منعرفش عنه اى حاجه ولا نعرف الفتره اللى اختفاها كان بيعمل فيها ايه والفتره دى مش يوم ولا اسبوع ولا حتى شهر ..... الفتره دى اكتر من 10 سنين
البيرت : ...........
استر : ساكت ليه ...... طبعا مش لاقى كلام تقوله ...... فالح بس كل شويه تقولى نخلص من دياب وانت معندكش تصور لأى حاجه ممكن تحصل ...... وبعدين انا سمعت كلامك اكتر من مره قبل كده وبعتنا رجاله تخلصنا من دياب ورجعوا زى خبيتها من اول فرح دياب وبعد كده الحفله ..... تقدر تقولى احنا استفدنا ايه غير ان دياب كل شويه يعلم علينا
احمد : استنى عندك ..... هو الرجاله اللى اقتحموا الفرح كانوا تبعك انتى ..... امال ليه لما سألتك قولتيلى انهم ناس تانيه وانك كل اللى عملتيه انك هربتى خالى وبس
استر : كان لازم اقولك كده علشان ترضى تتعاون معانا وانت لو لاحظت ان مفيش اى حد من الرجاله قرب منك او من عيلتك ..... الرجاله كان كل هدفهم دياب وسليم الجراح وبنات عمه
احمد : بعدين نتكلم فى الموضوع ده بس نخلص الاول اللى احنا فيه
استر : اهم حاجه دلوقتى نحط عنينا على دياب وكريم كويس ولو هربوا من رجالتك يا البيرت انا هقتل رجالتك بأيدى
البيرت : حاضر يا استر
• من ناحيه تانيه يوسف وصل المستشفى وكان موجود كريم ودياب ومعاهم الناس اللى بتزرع الكاميرات
يوسف : ايه اللى بتعملوه ده
دياب : لازم سليم يبقى تحت الحراسه طول 24 ساعه
يوسف : الطقم الطبى وصل ولا ايه الدنيا
كريم : كام ساعه وهيكونوا موجودين
دياب : عملت ايه فى مشوارك
يوسف : كله تمام
دياب : يعنى اتأكدت ان احنا مش بنعمل اى حاجه شمال
يوسف : انا متأكد من الاول بس كان لازم اعرف
دياب : على العموم حصل خير ..... اهم حاجه دلوقتى نلاقى الورق
يوسف : من امبارح بحاول اعصر دماغى ومش عارف اوصل لحاجه
دياب : طب من وجهة نظرك سليم مخبى الورق ده هنا فى القاهره ولا فى الاقصر
يوسف : كل الاحتمالات وارده
كريم : انا متأكد ان الورق فى الاقصر
دياب : طب سليم عنده مكان تانى فى الاقصر غير بيته
يوسف : لا خالص
دياب : احنا بعتنا رجاله امبارح لبيت سليم وقلبوه بدون اى فايده مفيش اى اثر للورق
يوسف : وانا قلبت الدنيا فى الفيلا ومفيش اى اثر
دياب : ممكن يكون فى شقة المقطم اللى اشتراها بعد موت الدكتور سليم
كريم : برضه بعتنا رجاله هناك ومفيش اى فايده
دياب : يعنى هيكون فين المكان السرى ده
كريم : مضطرين نستنى الراجل اللى عارف اول الخيط
• بالليل وصل الطقم الطبى للمستشفى واتولى حالتى ومفيش اى جديد فى كلامهم
• تانى يوم الكل متجمع فى المستشفى ...... كريم ويوسف ودياب قاعدين مع بعض
يوسف : لسه مفيش اى جديد يا دياب
دياب : لا خالص
كريم : انا قلبت الدنيا ومش عارف اوصل للورق حتى عربية سليم فتشت فيها
دياب : اصبر يا كريم انا واثق ان احنا هنلاقى الورق
كريم : اهم حاجه نلاقى الورق فى الوقت المناسب
• فجأه دخل عليهم سليم صقر
دياب : سليم ! ..... ايه اللى جابك هنا
سليم : طمنى يا دياب على سليم
دياب : مين اللى قالك على اللى حصل
سليم : كنت قاعد مع ليندا وسمعتها بتكلم والدها وبتقوله ان سليم فى غيبوبه
دياب : ادعيله يا سليم
سليم : **** يقومه بالسلامه ..... طب الدكاتره بتقول ايه
دياب : محدش عارف هيفوق من الغيبوبه دى امتى
سليم : انشاء **** يقوم قريب ويرجع لبيته وشغله تانى زى الأول واحسن
دياب : انا عاوزك ترجع الفيلا دلوقتى ومتجيش هنا تانى من غير ما تكلمنى
سليم : شويه كده وهمشى بس عاوزك فى موضوع مهم
دياب : موضوع ايه ده
سليم : امانه سليم وصانى عليها ودلوقتى وقتها
كريم : هو انت اللى معاك طرف الخيط يا سليم
سليم : انا معرفش ايه طرف الخيط اللى بتتكلم عليه ..... انا كل اللى اعرفه ان سليم قالى لو حصله حاجه ابلغكم انتوا التلاته رساله
دياب : ايه الرساله دى
سليم : لما تلاقوا نفسكم متعصبين ومش عارفين تفكروا العبوا ملاكمه وخرجوا الطاقه السلبيه فى كيس الملاكمه
دياب : ايه الهبل ده ..... كيس ملاكمة ايه وعصبية ايه فى الوقت ده
سليم : دى الرساله اللى بلغهانى سليم من اسبوع لما قابلنى فى النادى ..... انا كده بلغت الرساله عن اذنكم لازم امشى وفكروا كويس فى معنى الرساله
• بعد ما سليم مشى
كريم : الوحيد اللى يعرف حل الرساله دى انت يا يوسف
يوسف : انا عرفت معنى الرساله
كريم : يعنى عرفت مكان الورق
يوسف : تقريبا
دياب : وفين المكان ده
يوسف : انا لازم اتحرك دلوقتى واسافر الاقصر
كريم : انت متاكد ان الحاجه فى الأقصر
يوسف : على حسب فهمى للرساله
دياب : يبقى لازم نتحرك دلوقتى
يوسف : انت هتيجى معايا
كريم : احنا الاتنين جايين معاك مينفعش نسيبك دى تعليمات ولازم تتنفذ
يوسف : اهم حاجه دلوقتى هنخرج ازاى ونهرب من المراقبه
كريم : متخافش يا يوسف دى لعبتى ..... احنا هنخرج من المستشفى من باب المشرحه وهنخرج فى عربية اسعاف هتوصلنا للمطار وهناك فى طياره خاصه موجوده وجاهزه هنوصل الاقصر نجيب الورق ونرجع على طول
يوسف : طب يلا بينا بسرعه
• اتحرك الجماعه بناء على خطة كريم وفعلا مفيش حد حس بيهم ووصلوا الاقصر وطلعوا على بيتى ودخلوا بالمفتاح اللى مع يوسف
كريم : بس احنا فتشنا البيت كويس ومفيش اثر للورق
يوسف : انت ممكن تكون فتشت البيت كله بس اكيد مخطرش فى بالك تفتش فى كيس الملاكمه ده
كريم : تصدق فعلا ..... رسالة سليم معناها نفتش فى كيس الملاكمه
دياب : طب يلا بسرعه ننزل كيس الملاكمه
• نزلوا كيس الملاكمه وفتحوه بس للأسف مفيش اى حاجه فى كيس الملاكمه
دياب : ايه ده بقى الكيس مفيهوش اى حاجه
يوسف : تفتكر استر وصلت للكيس ده قبلنا
كريم : لا استر ماوصلتش لحاجه
دياب : يعنى هيكون الورق راح فين
كريم : الصبر يا دياب .....الموضوع محتاج شوية تركيز وهنوصل
دياب : ركز يا سيدى لما نشوف اخرتها
• قعد كريم على كرسى وبيفكر وبيبص كويس على البيت لحد ما فجأه قام مفزوع
كريم : لقيتها
دياب : فين
• اتحرك كريم ناحية الحيطه اللى قصاد كيس الملاكمه وكان فى ميداليه متعلقه على الحيط فيها مفتاح عربيه
كريم : حل اللغز فى المفتاح ده
دياب : ده مفتاح عربيه بس عربيه قديمه جدا
كريم : العربيه دى فين بقى
يوسف : ههههههههههه يخرب عقلك يا سليم فعلا مكان مايخطرش على بال الجن
دياب : انت عارف العربيه دى
يوسف : ايوه اعرفها بس المشكله هنوصلها ازاى
دياب : مش فاهمك
يوسف : العربيه دى بتاعة والد اسامه الهوارى او بمعنى اصح بتاعة جده ..... عربيه خرده
دياب : اوعى يكون قصدك العربيه اللى كان اسامه بيخبى فيها السجاير والحشيش
يوسف : ايوا بالظبط ..... بس انت تعرف العربيه دى من فين
دياب : سليم حكالى عليها قبل كده بس الكلام ده من فتره طويله
كريم : العربيه دى فين وهنوصلها ازاى
يوسف : العربيه موجوده فى بيت الحاج عزت والد اسامه
كريم : وهنوصلها ازاى
يوسف : انا هروح للحاج عزت اسلم عليه واحاول اتصرف واجيب الحاجه منها
دياب : طب يلا بسرعه مفيش وقت علشان لازم نرجع القاهره قبل الليل
يوسف : انا هتحرك دلوقتى
• اتحرك يوسف وراح بيت الحاج عزت
عزت : ازيك يا يوسف .... واحشنى يابنى
يوسف : انا بخير يا عمى .... طمنى عليك انت اخبارك ايه
عزت : الحمد *** يا بنى ايام وعايشنها لحد ما *** يأذن بالمعاد
يوسف : بعد الشر عليك يا عمى **** يخليك لينا ومايحرمنا منك
عزت : الموت مش شر يا يوسف .... الشر الحقيقى فى الدنيا اللى احنا عايشينها
يوسف : عندك حق يا عمى
عزت : طمنى على اخبارك انت وسليم ومراتك وابنك
يوسف : كلنا كويسين وبخير
عزت : طب الحمد ***
يوسف : ايه اخبار الحاجه فاطمه
عزت : احسن بكتير دلوقتى وبقيت تتحرك فى البيت زى الاول
يوسف : طب ده خبر كويس ..... امال هى فين
عزت : كانت بتزور اسامه ورجعت دخلت اوضتها لانها بترجع تعبانه من هناك
يوسف : **** يكون فى عونها ويصبرها
عزت : بس ايه اللى جابك البلد النهارده ..... انت كنت هنا من اسبوعين
يوسف : عندى مأموريه تبع الشغل هنا فى المديريه وقولت اعدى اسلم عليك وعلى ابويا قبل ما ارجع القاهره تانى
عزت : هترجع القاهره امتى
يوسف : النهارده بالليل
عزت : تعب عليك يابنى
يوسف : اوامر الشغل يا عمى
عزت : **** معاك يا بنى ويوفقك فى شغلك
يوسف : طب انا همشى دلوقتى واحاول ارجع بعد العصر علشان اسلم على الحاجه فاطمه قبل ما اسافر
عزت : ايه اللى بتقوله ده يا يوسف انت هتتغدى معانا
يوسف : سامحنى يا عمى بس لازم اروح البيت اسلم على ابويا وامى لان لسه ماشوفتش حد فيهم بس جيتلك انت الاول ولسه هرجعلك تانى علشان اسلم على عمتى
عزت : براحتك يابنى بس هستناك بعد العصر
يوسف : حاضر يا عمى
• خرج يوسف من البيت ووقف شويه فى الشارع يبص علشان يتطمن ان مفيش حد بعدها راح ناحية العربيه وفتحها ولسه بيفتش فيها دخل عليه الحاج عزت
عزت : انت بتعمل ايه هنا يا يوسف
يوسف : مفيش يا عمى بس افتكرت ذكرياتنا انا وسليم واسامه مع العربيه دى وقولت ابص عليها
عزت : هسأل سؤال واحد وتجاوبنى بصراحه
يوسف : اتفضل يا عمى
عزت : سليم حصله حاجه
يوسف : ليه بتقول كده
عزت : لأن مفتاح العربيه مش موجود غير مع سليم ..... اخده منى يوم ما حط الامانه بتاعته جواها وقالى لو حصله حاجه انت هتيجى للعربيه علشان تاخد الامانه
يوسف : ........
عزت : ساكت ليه يا يوسف ..... هو سليم حصله حاجه ..... انا اتصلت بيه وتليفونه مقفول وبصراحه قلقت لما لقيتك جيت فجأه كده
يوسف : سليم اتضرب بالنار من يومين
عزت : وهو فين دلوقتى
يوسف : دخل فى غيبوبه
• انهار الحاج عزت لما سمع الخبر وقعد يعيط
يوسف : اهدى يا عمى وانشاء **** سليم هيقوم منها احسن من الاول
عزت : انا كنت عارف ان ده هيحصل من الاول من يوم ما جانى وساب الامانه دى هنا
يوسف : امتى الكلام ده يا عمى
عزت : المره الاخيره اللى كان موجود فيها هنا فى البلد من اسبوعين
يوسف : احكيلى اللى حصل بالظبط
عزت : انا هحكيلك كل اللى حصل
• فلاش باك قبل اسبوعين ..... الحاج عزت كان قاعد فى بيته مع الحاجه فاطمه وامنيه بنت اخوه بعد المغرب والباب خبط وكنت انا اللى على الباب .... دخلت وسلمت على الكل
امنيه : اخبارك ايه يا سليم بقالى كاير معرفش عنك حاجه
انا : سامحينى يا امتيه بس ضغط الشغل
امنيه : **** معاك
فاطمه : طلعت اصيل يا سليم وابن اصول بصحيح
انا : ليه بتقولى كده يا عمتى
فاطمه : برغم كل مشاغلك واللى حصلك على ايد ابنى لسه برضه فاكرنا وبتسأل علينا ومهانش عليك العيش والملح
انا : يا عمتى انا عيشت طول عمرى معرفش اهل غيركم ..... اتربيت على اديكم وكبرت وسطكم ..... فرحت معاكم وزعلت معاكم ...... وقولتلك قبل كده ان انا نسيت كل اللى اسامه عملوا معايا من اول ما ركبت القطر وسافرت القاهره بعد المشكله اياها ..... اسامه مكانش بس صاحبى لا ده كان اخويا وواجب على الاخ انه يسامح اخوه مهما غلط فى حقه
فاطمه : مش بقولك اصيل وابن اصول بصحيح
عزت : امال يوسف فين
انا : يوسف فى بيته مع ابوه وامه انت عارف بقى اليوم اللى بيرجع فيه البلد مش بيعرف يخرج خالص من الحاجه كريمه وخصوصا بعد ما خلف دى ماسكه فيه هو وابنه ومش راضيه تسيبهم
فاطمه : عقبال ما اشيل ابنك يا سليم
انا : ادعيلى يا عمتى **** يرزقنى
فاطمه : بدعيلك على طول يابنى **** يرزقك ويكفيك شر الدنا واللى فيها
انا : انا فعلا ماشى بدعواتك
عزت : هنتكلم كتير يا حاجه ولا ايه
فاطمه : عاوز ايه يا حاج
عزت : مش هتجهزولنا عشاء ولا ايه
انا : اوعى تتعبى نفسك يا عمتى انا مش غريب انا شبعان ومليش نفس فى اى حاجه غير كوباية شاى وبس
عزت : و**** ما يحصل انت لازم تتعشى معانا
انا : ليه بس تحلف
عزت : خلاص خلصت ..... يلا يا حاجه انتى وامنيه جهزولنا العشاء علشان عاوز اقعد مع سليم شويه
امنيه : حاضر يا عمى نص ساعه والاكل يكون جاهز
• قامت امنيه مع الحاجه فاطمه
عزت : مالك يا سليم شكلك مش عاجبنى
انا : تعبان يا عمى
عزت : الف سلامه عليك من التعب يا بنى ..... احكيلى مالك
انا : سيبك منى انا دلوقتى ..... انا جايلك فى موضوع مهم
عزت : حسيت ان فى حاجه خصوصا لما جيت لوحدك من غير يوسف ..... خير يا بنى
انا : انت عاوز تاخد بتار اسامه
عزت : ياريت يابنى بس يا ترى هاخده من مين خصوصا بعد ما سعد صقر هرب
انا : تارك مش عند سعد صقر
عزت : ازاى بقى مش رجالة سعد هما اللى قتلوه
انا : سعد مجرد شخص بينفذ اوامر لكن الموضوع اكبر من سعد بكتير
عزت : قصدك ايه يا سليم
انا : انا عارف مين اللى بيحرك سعد وقتل اسامه علشان يخلص منى انا
عزت : ازاى يعنى
انا : فى ناس كل همها تدمر شركات عمى ولما لاقونى واقفلهم استغلوا اللى كان بينى وبين اسامه وقتلوه علشان البس انا القضيه ويبقى خلصوا منى
عزت : مين الناس دى يا سليم
انا : مش مهم مين الناس دى ..... المهم ناخد بتارنا منهم ازاى
عزت : ايه اللى فى دماغك يا سليم
انا : الظرف ده فيه ورق مهم ممكن يدمر الناس دى نهائى ..... الورق ده محدش يعرف عنه اى حاجه غيرى انا وانت وبس
عزت : الورق ده فيه ايه
انا : الورق ده فيه كل المصايب اللى الناس دى بيعملوها
عزت : وانت ناوى تعمل ايه بالورق اللى معاك
انا : انا دلوقتى بقيت شاكك فى كل الناس اللى حواليا ومش عارف مين الصادق ومين الخاين والورق ده لو ضاع منى مش هعرف ارجعه تانى والناس اللى هواجهها اقوى بكتير مما تتخيل دى ناس بتلعب بمصابر دول مش مجرد عصابه
عزت : طب ما تسلم الورق اللى معاك للحكومه وهما يتصرفوا
انا : مش هينفع ومتسالش ليه
عزت : طب انت ناوى على ايه
انا : هسيب الورق ده امانه عندك ..... انت الوحيد اللى مش ممكن حد يتوقعه ..... ولو حصلى حاجه فى حد هيجيلك علشان ياخد الورق منك
عزت : وانا معاك يا بنى فى كل اللى هتقول عليه
انا : يبقى تعالى نتفق هنخبى الورق ازاى
• عوده من الفلاش باك
عزت : ده كل اللى حصل يا يوسف
يوسف : انا لازم ارجع القاهره دلوقتى
عزت : هتعمل ايه بالورق اللى معاك
يوسف : متخافش يا عمى انا عارف هتصرف ازاى بس ياريت اللى حصل ده يفضل سر ومش عاوز اى حد يعرف اى حاجه
عزت : انا هسافر معاك لازم اتطمن على سليم بنفسى
يوسف : مش دلوقتى يا عمى ..... اصبر كام يوم بس وبعدها ابقى تعالى براحتك
عزت : حاضر يا يوسف ..... انا هصبر كام يوم وبعدها هتلاقينى عندك فى القاهره
يوسف : طب اتحرك انا بقى بس ليا طلب اخير عندك
عزت : خير يا بنى
يوسف : مش عاوز اى حد يعرف انى كنت هنا ولا حتى ابويا نفسه
عزت : حاضر يا بنى
• اخد يوسف الورق وراح لدياب وكريم عندى فى البيت
كريم : طمنى عملت ايه يا يوسف
يوسف : لقيت الورق
دياب : انت شوفت الورق
يوسف : الأوامر اللى عندى بتقول ان ممنوع ابص عليه .... الورق فى الظرف ده ومقفول زى مل سليم حطه
دياب : حد شافك
يوسف : مفيش غير والد اسامه مسكنى وانا بفتح العربيه
دياب : وعملت معاه ايه
يوسف : طلع عارف كل حاجه من سليم بس ميعرفش الورق ده فيه ايه بالظبط
كريم : احنا لازم نتحرك دلوقتى
• اتحرك الجماعه على المطار وسافروا القاهره ..... يوسف طلع على المستشفى ودياب وكريم طلعوا على الدكتور سليم الجراح وشرحوله كل اللى حصل
سليم : ياه يا ولاد اخيرا وصلنا للى بقالنا سنين بنرتبله
كريم : اموت واعرف سليم وصل للورق ده ازاى
سليم : اللغز ده هنعرفه لما سليم يقوم بالسلامه
دياب : اللى محيرنى اكتر الطريقه اللى شال بيها الورق
كريم : فعلا يا دياب ده عمل لغز لازم تحله علشان تعرف توصل للورق
سليم : طلعت ذكى يا سليم ومخيبتش ظنى فيك
دياب : هنعمل ايه دلوقتى
سليم : بلغوا الجماعه ان الاجتماع بكره فى فيلا المقطم
دياب : احنا هنفذ خطة سليم ولا هنعمل ايه بالظبط
سليم : خطة سليم بتتكون من مرحلتين ..... المرحله الاولى هتاخد وقت شويه علشان كده لازم نبدأ فورا
كريم : بالطريقه دى لازم نكلم ابراهيم فى اسبانيا ونشوف هيوصل امتى علشان نشرحله كل التفاصيل
سليم : ابراهيم وصل القاهره النهارده الصبح حاولوا تقابلوه وتشرحوله كل حاجه
دياب : كده كويس جدا ..... انا حاسس ان احنا قربنا اوووى
سليم : يلا اتحركوا دلوقتى ورتبوا لأجتماع بكره
دياب : حاضر يا فندم
• نرجع عندى فى المستشفى لمياء ومريم وشرين قاعدين فى الاوضه عندى ودخل عليهم يوسف
يوسف : طمنونى ايه الاخبار
مريم : مفيش جديد يا يوسف والدكاتره مش بيقولوا اى جديد
يوسف : اهم حاجه دلوقتى ان حالته مستقره
لمياء : يوسف بيتكلم صح يا مريم اهم حاجه ان الحاله مستقره وسليم فى خلال 3 ايام اللى فاتوا مفيش اى تدهور فى حالته
مريم : انا خايفه موضوع الغيبوبه ده يطول
شرين : انشاء **** لا .... انا واثقه ان سليم هيفوق فى اقرب وقت
لمياء : وانا كمان عندى نفس الاحساس
• مر اليوم ده عادى وتانى يوم الصبح اتحرك كريم ودياب على المقطم بعد ما عرفوا يقنعوا المراقبه انهم فى المستشفى وراحوا المقطم وبعدها بشويه وصل الدكتور سليم الجراح لفيلا المقطم ..... كان موجود فى الفيلا مجموعه من رجال الاعمال العرب ومجموعه من رؤساء اجهزة المخابرات وهما عباره عن
1. رئيس جهاز المخابرات المصريه ( الثعلب )
2. رئيس جهاز المخابرات الفلسطينيه ( النمر )
3. رئيس جهاز المخابرات الليبيه ( الصقر )
4. رئيس جهاز المخابرات التونسيه ( الديب العجوز )
5. رئيس جهاز المخابرات اليمنيه ( الضبع )
6. رئيس جهاز المخابرات العراقيه ( الطاووس )
7. رئيس رجال الاعمال ( العقرب )
• كان الاجتماع بقيادة الدكتور سليم الجراح ( الفهد الاسود )
الفهد : اهلا وسهلا بيكم .... انا عارف ان الاجتماع اتاخر بس انتوا عارفين الظروف اللى حصلت وكلن لازم اتطمن على سليم واوصل للورق المهم اللى كان شايله
النمر : كريم ودياب شرحولنا كل حاجه بالتفصيل
الصقر : انشاء **** سليم يقوم بالسلامه
الديب العجوز : اللى حصل لسليم لازمله رد فى اسرع وقت
الفهد الاسود : الاجتماعات بتاعتنا اقوى من اى رد احنا خلاص قربنا نخلص خصوصا بعد الورق اللى قدرنا نوصله عن طريق سليم
الطاووس : هنبدأ ازاى دلوقتى
الفهد الاسود : طول السنين اللى فاتت قدرنا نمهد فيها الطريق للى جاى .... دلوقتى معاد الضربه القاضيه
الضبع : انا شايف ان احنا ننفذ الخطه اللى قال عليها سليم
الفهد الاسود : هو ده اللى هيحصل ...... من بكره هنبدأ فى التنفيذ واول حاجه لازم نبدأ بيها هى البورصه والشركات بتاعة استر واللى وراها
الثعلب : قبل ما نبدأ فى الضرب لازم نكون متأكدين ان الشركات العربيه والمصانع عندها القدره على سد العجز اللى هيحصل والا هتحصل فوضى وكوارث
الفهد الاسود : احنا بقالنا سنين بنرتب للحرب دى ومستعدين ومعانا اكبر رجال الاعمال فى الوطن العربى وشركاتهم عندها اتم الاستعداد لسد العجز اللى هيحصل
الطاووس : بس العجز اللى هيحصل مش مجرد عجز فى الاغذيه ولا حتى الإحتياجات الاساسيه بالعكس دى الشركات الصهيونيه بتشتغل فى كل حاجه ده غير البنوك اللى هتدمر وتفلس وهيوقع وراهم رجال اعمل كتير
الضبع : الطاووس يقصد ان احنا هنبقى داخلين على ازمه اقتصاديه اتقل من ازمة الديون العقاريه بتاعة 2008
الفهد الاسود : احنا عندنا توقعات اسوء من كده وهنعرف نتعامل معاها
العقرب : الكلام اللى حضرتك بتقوله احنا عارفينه كويس ودارسينه وهنعرف نطلع من الازمه بمكاسب كبيره جدا بس اهم حاجه دلوقتى نعرف هنبدأ ازاى
الفهد الأسود : هنبدأ بالبنوك .... لازم نضرب البنوك المتورطه مع استر وشلتها ..... بس قبل ما نضرب البنوك عاوزكم فى خلال 3 شهور تسحبوا جميع اصدتكم من البنوك وبهدوء جدا
العقرب : احنا فعلا سحبنا معظم الارصده وحولناها لدهب والباقى فى البنوك مش كتير اوى يعنى محتاجين شهرين بالكتير علشان نقدر نسحب الارصده بتاعتنا وبتاعة كل الناس اللى تبعنا
الفهد الاسود : لا ..... لازم نسحبها على اطول فتره ممكنه علشان محدش يحس بأى حاجه
العقرب : تمام
الفهد الاسود : بعد كده نبدأ فى تنفيذ المرحله اللى بعد كده وهشحهالكم دلوقتى
• استمر الاجتماع اكتر من 6 ساعات لحد ما اتفقوا على كل حاجه
الفهد الأسود : احنا كده اتفقنا على كل حاجه تقدورا تسافروا النهارده وكل واحد ينفذ المطلوب منه وبالنسبه للإجتماع اللى جاى هيكون هنا فى نفس المعاد علشان نشوف هنعمل ايه تانى
الثعلب : حضرتك هترجع اسبانيا ولا هتعمل ايه بالظبط
الفهد الاسود : لا انا قاعد فى القاهره الفتره دى ..... وجودى فى اسبانيا ملهوش اى لازمه خلاص
الثعلب : على فكرة رجالة استر متابعين رجالتنا اللى اتكشفوا فى اسبانيا
الفهد الاسود : خليهم يلعبوا براحتهم
الثعلب : فى اى اوامر جديده بالنسبه للرجاله دى
الفهد : لا سيبوهم زى ما هما وخليهم يعملوا اجتماعات كتير الفتره اللى جايه ..... عاوز اجتماعاتهم تبقى ملفته للنظر
الثعلب : حاضر يا فندم
الفهد الاسود : طب انا همشى دلوقتى ولو فى جديد بلغونى
• مشى الدكتور سليم ورجع للفيلا بتاعة كريم
• من ناحيه تانيه عند استر والبيرت قاعدين مع بعض
استر : مش عارفه ليه مش مرتاحه يا البيرت
البيرت : ليه كده
استر : دياب وكريم ويوسف مش بيعملوا اى حاجه
البيرت : الظاهر كده محدش فيهم عارف يوصل للورق
استر : احنا لازم نحركهم شويه
البيرت : ازاى يعنى
استر : عاوزاك تسرب خبر الحادثه للصحافه وتنشر صور سليم فى المستشفى
البيرت : بس كده احنا كمان اسهم شركاتنا هتتأثر بالخبر ده
استر : متخافش يا البيرت انا عامله حساب الموضوع ده كويس
البيرت : حاضر
استر : وفى نفس الوقت عاوزه سليم صقر يكون عندى ..... سليم صقر هو نقطة ضعف دياب وهو اللى هيجيبه راكع تحت رجلى
البيرت : هنعمل كده ازاى
استر : مش احنا اللى هنعمل كده
البيرت : امال مين اللى هيعمل كده
استر : البنت مليكه وامها
البيرت : سليم دلوقتى باستمرار عندهم
استر : بلغهم ينفذوا الجزء التانى من الخطه
البيرت : حاضر
استر : يلا اتحرك
• بعد يومين صحى دياب على مكالمه من كريم
دياب : ايوا يا كريم فى ايه
كريم : مصيبه يا دياب
دياب : مصيبة ايه انطق
كريم : خبر الحادثه بتاعة سليم اتسرب على النت وكل المواقع شغاله فى النشر ومش قادرين نسيطر عليها واسهمنا فى البورصه بتنهار
دياب : اقفل يا كريم انا نازل حالا
• قام دياب بسرعه واتحرك على الشركه وطبعا كان الخبر انتشر زى النار فى الهشيم وعمل اجتماع مع مجلس الادارده وبيحاول يسيطر على الموقف
• قعد دياب طول اليوم يحاول يسيطر على الموقف بس بدون اى فايده
• من ناحيه تانيه سليم صقر قاعد عند مليكه وامها فى شقتهم
مليكه : امتى يا سليم هتقدر تواجه والدك وتخطبنى
سليم : المشكله مش فى والدى يا مليكه
مليكه : امال المشكله فين يا سليم
سليم : دلوقتى مش هقدر اقولك بس اكيد هيجى اليوم اللى هتعرفى فيه كل حاجه
مليكه : كل اللى عارفاه انى بحبك ومش قادره استغنى عنك
سليم : ولا انا اقدر استغنى عنك يا حبيبتى .... انتى بالنسبالى الدنيا كلها ومقدرش ابعد عنك
مليكه : بعشقك يا حبيبى
• فجاه ام مليكه ندهت عليها
مليكه : عن اذنك يا حبيبى اشوف ماما عاوزه ايه وارجعلك تانى
سليم : روحى يا حبيبتى
• قامت مليكه ودخلت الاوضع عند والدتها
مليكه : ايوا يا ماما
والدتها : ايه الاخبار
ملكه : كله تمام
والدتها : خدى البرفان ده اديه لسليم على اساس انه هديه منك وحاولى تخليه يجربه واهم حاجه انتى ماتشميش منه
مليكه : انا اخاف اعمل حاجه زى دى
والدتها : متخافيش وجمدى قلبك ..... مجرد ما يشم البرفان هيروح فى النوم بعدها هبعت رساله للجماعه وهما هيتصرفوا
مليكه : صدقينى يا ماما مش هعرف وهرتبك وهفضح الدنيا
والدتها : خلاص تعالى معايا وانا هتصرف
• خرجت مليكه ومامتها لسليم
سليم : ايه اللى اخرك يا مليكه
والدتها : ابدا يا حبيبى احنا كنا بندور على زجاجة البرفان اللى مليكه جابتهالك هديه بس كانت ضايعه ولقيناها
سليم : بمناسبة ايه
مليكه : من غير مناسبه يا حبيبى ..... وجودك معايا ده اجمل مناسبه
سليم : ماشى يا ستى مقبوله منك ..... ورينى البرفان ده كده
• ولحد هنا خلص الجزء على كده ..... ياترى ايه هيحصل تانى ده اللى هنعرفه فى الجزء اللى جاى اشوفكم بخير
الجزء الحادى عشر والاخير
• اول حاجه بعتذر على التاخير اللى حصل بس فعلا ظروفى كانت متلخبطه الفتره اللى فاتت كنت بغير شقتى ونزلت شغل جديد معلش سامحونى ..... بلاش اطول عليكم ويلا بينا نبدأ فى الجزء على طول
• وقفنا الجزء اللى فات لما كان سليم صقر قاعد عند مليكه وامها فى شقتهم
مليكه : امتى يا سليم هتقدر تواجه والدك وتخطبنى
سليم : المشكله مش فى والدى يا مليكه
مليكه : امال المشكله فين يا سليم
سليم : دلوقتى مش هقدر اقولك بس اكيد هيجى اليوم اللى هتعرفى فيه كل حاجه
مليكه : كل اللى عارفاه انى بحبك ومش قادره استغنى عنك
سليم : ولا انا اقدر استغنى عنك يا حبيبتى .... انتى بالنسبالى الدنيا كلها ومقدرش ابعد عنك
مليكه : بعشقك يا حبيبى
• فجاه ام مليكه ندهت عليها
مليكه : عن اذنك يا حبيبى اشوف ماما عاوزه ايه وارجعلك تانى
سليم : روحى يا حبيبتى
• قامت مليكه ودخلت الاوضع عند والدتها
مليكه : ايوا يا ماما
والدتها : ايه الاخبار
مليكه : كله تمام
والدتها : خدى البرفان ده اديه لسليم على اساس انه هديه منك وحاولى تخليه يجربه واهم حاجه انتى ماتشميش منه
مليكه : انا اخاف اعمل حاجه زى دى
والدتها : متخافيش وجمدى قلبك ..... مجرد ما يشم البرفان هيروح فى النوم بعدها هبعت رساله للجماعه وهما هيتصرفوا
مليكه : صدقينى يا ماما مش هعرف وهرتبك وهفضح الدنيا
والدتها : خلاص تعالى معايا وانا هتصرف
• خرجت مليكه ومامتها لسليم
سليم : ايه اللى اخرك يا مليكه
والدتها : ابدا يا حبيبى احنا كنا بندور على زجاجة البرفان اللى مليكه جابتهالك هديه بس كانت ضايعه ولقيناها
سليم : بمناسبة ايه
مليكه : من غير مناسبه يا حبيبى ..... وجودك معايا ده اجمل مناسبه
سليم : ماشى يا ستى مقبوله منك ..... ورينى البرفان ده كده
والدتها : افتحها وجربها هتعجبك
سليم : متاكد انها هتعجبنى بس مش وقته
والدتها : ليه كده يا سليم .... شكلها مش عاجباك
سليم : لا مش القصد بس علشان خاطر مليكه هجربها
• من ناحيه تانيه فى شركة الجراح ..... دياب قاعد مع المستشارين بتوعه بيحاول يلاقى حل للمصيبه بتاعة الاسهم
دياب : وبعدين فى المصيبه اللى احنا فيها
مستشار 1 : يافندم الاسهم بتاعتنا بتنهار بشكل جنونى بعد انتشار خبر دخول مستر سليم للمستشفى وانه فى غيبوبه
مستشار 2 : ده غير الاخبار اللى انتشرت عن اللى حصل فى مناقصة شركة المقاولات ..... الحكايه انتشرت فى السوق زى النار فى الهشيم ومن الصبح فى عملاء كتير بيهددوا بفسخ او على الاقل تجميد كل العقود اللى بينا لحد مايشوفوا اوضاع الشركه
دياب : الكلام اللى انتوا بتقولوه ده معناه ان احنا داخلين على مصيبه كبيره واقل حاجه ممكن تحصل هى افلاس الشركه
مستشار 1 : الامل الوحيد اللى قصادنا ان مستر سليم يقوم بالسلامه وقتها ممكن نلحق نعمل اى حاجه
دياب : وانت شايفنى ساحر علشان اقوم سليم من غيبوبه
مستشار 1 : انا فاهم كلام حضرتك كويس بس فعلا هو ده الحل الوحيد ..... احنا فى وضع خطير جدا ..... عارف حضرتك يعنى ايه شركه كبيره زى شركة الجراح يتقتل صاحبها وبعدها بأقل من سنه يتعرض ابن اخوه لمحاولة قتل ...... ابن اخوه اللى فى كلام كتير عنه ان هو اللى وراء قتل الدكتور سليم
دياب : بس سليم طلع براءه والناس كلها عارفه الحكايه دى
مستشار 1 : الناس مش كلها مصدقه موضوع البراءه وفى ناس كتير مقتنعه اقتناع تام ان سليم هو اللى وراء قتل عمه
دياب : طب من وجهة نظركم نتصرف ازاى دلوقتى
مستشار 2 : فى الظروف الطبيعيه كنت هقول لحضرتك نحرق شوية اسهم من عندنا علشان نقلل حجم الخساره ويمكن نقدر ننقذ الموقف بس برضه دى حركه مش مضمونه وممكن تقلب بالعكس وتسبب فى انهيار اكتر
دياب : انسى موضوع الاسهم ده نهائى طول ما انا عايش مش هسمح ببيع سهم واحد من اسهم الشركه
مستشار 2 : يبقى مفيش غير حل واحد
دياب : ايه الحل ده
مستشار 2 : نتعامل طبيعى جدا وكأن فى حاجه حصلت ..... الشركه مش مجرد رئيس مجلس اداره وبس لا الشركه اكبر من كده بكتير .... الشركه عباره عن عمال ودكاتره ومهندسين وتعاقدات ..... انا شايف ان احنا نمشى الشغل زى الاول واحسن ومع الوقت العملاء هيرجعوا يثقوا فينا من تانى والاسهم هتعمل تصحيح وترجع لمستواها الطبيعى من تانى
دياب : انا موافقك على الحل ده ..... مفيش قصادنا غير ان احنا نمشى الشغل
مستشار 1 : واتا شايف ان حضرتك لازم تكلم العملاء اللى عاوزين يفسخوا العقود وتحاول تتفاهم معاهم
دياب : ده اكبر غلط ممكن يحصل
مستشار 1 : ليه كده يا فندم
دياب : انا لو عملت كده هيحسوا انى ضعيف ووقتها هيستغلوا الموقف وده ممكن يضعف الشركه اكتر وممكن كمان يدمرنا ..... العملاء دول لازم يعرفوا هما بيتعاملوا مع مين
مستشار 1 : حضرتك ناوى على ايه
دياب : هتعرف دلوقتى
• طلب دياب السكرتيره
السكرتيره : اوامرك يا فندم
دياب : الاستاذه هبه موجوده فى مكتبها
السكرتيره : ايوا يا فندم
دياب : ابعتيهالى فورا
السكرتيره : حاضر يا فندم
• بعد دقيقتين بالظبط دخلت هبه
هبه : اوامرك يا فندم
دياب : اسمعينى كويس يا هبه ...... عاوزك تبعتى ايميلات لكل العملاء بتوعنا تبلغيهم ان الشركه جاهزه لتنفيذ كل العقود اللى ما بينا ومفيش عندنا اى مشكله
هبه : يا فندم فى عملاء كتير طالبين تجميد عقودهم
دياب : انتى رديتى عليهم
هبه : لا طبعا انا منتظره رد حضرتك
دياب : مفيش حاجه اسمها تجميد عقود .... ردى عليهم ان اى عميل عاوز بفسخ العقد وقتها احنا هنبقى مضطرين لتوقيع الشرط الجزائى والعقود اللى ما بينا واضحه وصريحه
هبه : حاضر يا فندم
دياب : يلا اتحركى فورا .... عاوز النهارده كل شئ يكون منتهى
هبه : عن اذنك يا فندم
• بعد ما خرجت هبه
مستشار 2 : بس انا خايف التعامل الصعب بتاع حضرتك يتقلب ضدنا
دياب : احنا مش فى وقت حنيه ودلع ..... لازم كل الناس تعرف احنا مين ونقدر نتعامل ازاى
مستشار 1 : فى اوامر تانى حضرتك
دياب : لا تقدروا ترحوا تكملوا شغلكم وعاوز تقرير بكل جديد يحصل
مستشار 2: حاضر يا فندم
• خرج المستشارين ودخل كريم على دياب بسرعه
دياب : شكلك بيقول ان فى مصيبه تانيه
كريم : لحد دلوقتى مفيش حاجه
دياب : ايه اللى حصل بالظبط
كريم : سليم صقر
دياب : ماله سليم حصله حاجه
كريم : سليم بقاله اكتر من 3 ساعات موجود فى البيت عند البنت اللى اسمها مليكه ومن 5 دقايق الرجاله بتوعنا بلغونى ان فى ناس شكلها غريب بيلفوا فى المنطقه من غير ما الحراسه بتاعة سليم ياخدوا بالهم
دياب : ورجالتنا فين دلوقتى
كريم : محاصرين العماره والشارع كله كويس ومفيش اى حد هيقدر يدخل او يخرج من غير ما نعرف
دياب : يلا بينا على هناك دلوقتى حالا
كريم : يلا بينا
• اتحرك دياب مع كريم ووصلوا عند بيت مليكه
كريم : هنعمل ايه دلوقتى
دياب : الصبر يا كريم ..... انت مش بتقول ان الرجاله قدرت تغفل الحراسه ويدخلوا البيت
كريم : ايوا من 5 دقايق فى اتنين رجاله قدروا يدخلوا العماره
دياب : ورجالتنا فين
كريم : فى منهم اللى فوق سطوح العماره وفى جزء فى الشارع ومحاصرين العماره وفى رجاله فى الشقه اللى فى نفس الدور اللى ساكنه فيه البنت
دياب : يعنى احنا مسيطرين على الموقف
كريم : ايوا
دياب : يبقى نصبر ونشوف
• فوق فى الشقه عند مليكه ..... سليم قاعد على الكنبه ورابط مليكه ومخبيها وراء الكنبه اللى قاعد عليها وامها فى كرسى تانى ... وفجأه الباب خبط .... سليم وجه كلامه لوالدة مليكه
سليم : انا هفكك وتعملى اللى اتفقنا عليه ولو حصل اى حركة غدر هقتلك انتى وبنتك فورا
امها : ابوس رجلك ارحمنى
سليم : هرحمك بعد ما تنفذى
امها : هنفذ كل اللى تؤمر بيه
سليم : يلا اتحركى
• نام سليم على الكنبه وقامت والدة مليكه تفتح الباب ودخل اتنين جاردات
جارد 1 : ايه الاخبار
ام مليكه : كله تمام وسليم نايم على الكنبه جوه
جارد 2 : طب يلا بسرعه ناخده ونمشى من هنا
• دخل الجاردات الريسبشن وكان سليم فعلا نايم على الكنبه ويادوب لسه بيشيلوه نط بسرعه وكان فى ايده زجاجة المخدر ورش على الجاردات واغمى عليهم .... بعدها اخد سلاحهم وكتفهم فى الكراسى وبعد كده فوقهم
سليم : صباح الفل
جارد 1 : انت عملت كده ازاى
سليم : لسه ماتخلقش اللى يقدر يخدع سليم صقر ..... وصوب المسدس عليهم
جارد 2 : انت هتعمل ايه
سليم : و**** فى الظروف الطبيعيه اقتلكم
جارد 1 : ابوس ايدك الرحمه
سليم : موافق بس بشرط
جارد 1 : احنا موافقين على كل شروطك
سليم : مين اللى بعتكم
جارد 1 . 2 : .......
سليم : مش عاوزين تنطقوا يعنى
جارد 1 : لو نطقنا نموت
سليم : طب انا هريحكم وهطلب منكم طلب تانى وانا عارف انكم هتقدروا تنفذوه
جارد 2 : ايه الطلب ده
سليم : عاوزكم تبلغوا رسالتى لأستر يعقوب
• الجاردات اتخضوا لما سمعوا الاسم
سليم : مستغربين انى عارف انكم من طرفها ..... بلغوا استر على لسانى وقولها ان سليم صقر مش بسهوله يتخطف ولو بعتى الف راجل ..... قولولها كمان تبعد عنى لانها مش قدى ولا قد اللى فى ضهرى و**** ما يوريها غضب اللى فى ضهرى .... قولولها انا سليم صقر تربية دياب العاصى وجليله وياويلكم من غضب دياب العاصى وجليله
جارد 1 : حاضر يا فندم هبلغها
سليم : انا همشى دلوقتى وبعد كده ام مليكه هتفككم
• بص سليم على ام مليكه
سليم : زى ما اتفقنا بعد ما اخرج تفكيهم وبعدها تختفى انتى وبنتك مش عاوز اشوفكم فى اى مكان ولو بالصدفه علشان اليوم اللى هشوف فيه اى واحده منكم هيكون اخر يوم فى حياتها
ام مليكه : انا هاخد بنتى واسيب البلد كلها
سليم : كده يبقى عملتى الصح
• خرج سليم من الشقه وشاف الجاردات بتوعه تحت
سليم : انتوا بتعملوا ايه هنا
جارد : بنحرس حضرتك
سليم : سيبونى دلوقتى وغوروا من قدامى مش عاوز اشوف حد فيكم
جارد : مينفعش يا فندم لازم نبقى مع حضرتك علشان نحميك
سليم : قولت مش عاوز اى حد فيكم وفى خلال 5 ثوانى لو ماتحركتوش هضربكم بالرصاص وانتوا عارفين كويس انى مش بهدد
• مشى الجاردات وسابوا سليم ..... وقف سليم يبص على الشارع وشاف عربية دياب ..... اتحرك وراح ناحية العربيه
سليم : وبعدين معاك يا دياب مش ناوى تبطل اللى بتعمله
دياب : اركب يا سليم .... معلش يا كريم روح اركب عربية سليم وحصلنا بيها
كريم : حاضر يا فندم
• نزل كريم من العربيه واخد مفاتيح عربية سليم ..... وركب سليم العربيه مع دياب واتحركوا
سليم : مجاوبتش على سؤالى يا دياب
دياب : سؤال ايه بالظبط
سليم : انت فاهمنى كويس يا دياب
دياب : انا هجاوبك يا سليم ..... انا مش هقدر ابطل احميك طول ما انا عايش على وش الارض
سليم : انا كبرت يا دياب ومابقتش صغير علشان تفضل تحمينى
دياب : انا عارف انك كبرت وتقدر تحمى نفسك كويس جدا والدليل على كده انى سيبتك تتصرف بنفسك مع رجالة استر ورفضت اتدخل نهائى
سليم : وبعدين معاك يا دياب
دياب : يا سليم انت نقطة ضعفى الوحيده ومش هستحمل اى حد يقرب منك
سليم : متخافش عليا يا دياب انا مهما كنت تربيتك واعرف اتصرف كويس
دياب : احكيلى بقى اللى حصل بالظبط
سليم : حاضر يا سيدى هحكيلك
• فلاش باك بعد ما ام مليكه ادت المخدر لسليم
سليم : مجرد ما اخدت البرفان من والدة مليكه حسيت ان فى حاجه جوايا بتقولى لا وفجأه شوفت جليله من بعيد بتشاولى وتقولى لا ..... وقتها اتاكدت ان البرفان ده حاجه تانيه خالص ..... ماحسيتش بنفسى غير وانا بفتح العلبه وبرش منها على مليكه ووالدتها فجأه اغمى عليهم الاتنين ..... بعدها قعدتهم على الكراسى ودخلت المطبخ ادور على حبال ولقيت بعدها ربطتهم الاتنين فى الكراسى وفوقتهم
ام مليكه : ايه اللى حصل
سليم : ابدا كنت بجرب عليكم البرفان
• مليكه وامها اخدوا بالهم انهم مربوطين فى الكراسى وسليم كان قاعد قصادهم وماسك سلاحه ..... اول ما شافوا السلاح انهاروا وقعدوا يعيطوا ويستعطفوا سليم
سليم : اخرسى انتى وهى مش عاوز صداع
ام مليكه : حاضر هنخرس بس ابوس جزمتك سامحنا
سليم : هسامحكم بس بشرط ..... تحكولى كل حاجه بالظبط
ام مليكه : حاضر هحكيلك على كل حاجه
• حكت ام مليكه كل حاجه تعرفها
سليم : عاوزك تكلمى الرجاله تخليهم يطلعوا وتنفذى اللى هقولك بالحرف الواحد
ام مليكه : حاضر هنفذ كل اوامرك
• عوده من الفلاش باك
سليم : ده كل اللى حصل
دياب : خد بالك من نفسك يا سليم علشان خاطرى
سليم : حاضر يا دياب ..... بس طمنى على سليم الجراح دلوقتى
دياب : ادعيله يا سليم
سليم : صدقنى بدعيله
• رجع سليم ودياب كل واحد الفيلا بتاعته ..... سليم اول ما دخل اوضته دخل عليه احمد صقر
احمد : ايه اللى حصل يا سليم وازاى تسيب الحراسه بتاعتك
سليم : انا قولت لحضرتك قبل كده انى مش عاوز حراسه وانى اقدر احمى نفسى كويس جدا
احمد : برضه مينفعش تمشى من غير حراسه
سليم : ليه بقى خايف عليا
احمد : طبعا يا حبيبى خايف عليك ..... هو انا ليا مين غيرك اخاف عليه
سليم : من ناحية ليك فانت ليك كتير ..... اولهم علاقتك مع استر بعقوب اللى اهم من ابنك
احمد : انت بتقول ايه
سليم : مستغرب انى عارف
احمد : ايه الكلام الفارغ اللى بتقوله ده
سليم : انا وانت عارفين كويس ان انا مش بقول كلام فارغ ..... انا عارف علاقتك مع استر من بدرى .... عارف من يوم ما سليم الجراح واجهك بعد اللى انتوا عملتوه معاه فى المناقصه وانت سكت ومعرفتش تدافع عن نفسك ودفعت لسليم الجراح التعويض
احمد : عارف كل ده وساكت
سليم : ساكت علشان انت ابويا اللى بحبه وخايف عليه ..... ساكت علشان خايف لو اتكلمت ممكن كلامى يوصل لدياب وساعتها هتقوم الحرب بينكم وساعتها هبقى انا الخسران الوحيد فى الحرب دى ..... هخسر لما اشوف ابويا عاوز يقتل ابويا ..... ساكت علشان مهما اتكلمت كلامى هيبقى من غير فايده ..... انت عارف ان لولايا انا وريهام كان زمان دياب دمركم من زمان ..... دياب اللى انت مصمم تسمع كلام جدتى وتحاربه مع انه معملش معاكم اى حاجه
احمد : .......
سليم : ساكت ليه يا بابا ..... رد عليا وقولى انا صح ولا غلط
• خرج احمد من وساب سليم
• من ناحيه تانيه دياب وصل الفيلا بتاعته وراح لريهام اوضتها فى الاول
دياب : ازيك يا ريهام
ريهام : كويسه
دياب : لسه برضه خايفه منى بالرغم كل اللى عملته معاكى
ريهام : مش قادره انسى انك هددتنى بأهلى وخايفه من اليوم اللى تنفذ فيه تهديدك
دياب : طب انتى شوفتينى عملت حاجه غير تهديد وخلاص لكن مامنعتكش عن اهلك
ريهام : تهديدك لوحده قدر يهدم كل حاجه بينا
دياب : براحتك يا ريهام ..... زى ما قولتلك قبل كده مجرد ما تولدى هطلقك وكل واحد فينا هيروح لحاله
• فجأه سمع دياب صوت صريخ ليندا جاى من اوضتها خرج يجرى عليها
دياب : مالك يا ليندا فى ايه
ليندا : الحقنى يا ادم شكلى كده بولد
دياب : انتى بقالك اسبوع على الحال ده
ليندا : صدقنى المره دى الم فظيع جدا
دياب : طب يلا بينا على المستشفى بسرعه
• اخد دياب ليندا وراحت ريهام معاهم وراحوا المستشفى ودخلت ليندا اوضة العمليات وبعد ساعه خرج الدكتور
دياب : طمنى يا دكتور
الدكتور : مبروك يا فندم المدام ولدت وجابت ولد زى القمر
دياب : وليندا كويسه
الدكتور : المدام والجنين كويسين جدا بصراحه انا عمرى ما شوفت ولاده اسهل من دى
دياب : **** يطمنك يا دكتور
• سابهم الدكتور وخرج وبعدها ليندا خرجت من اوضة العمليات وراحت اوضتها ومعاها البيبى ودخل معاها دياب وريهام
ريهام : حمد **** على سلامتك يا ليندا
ليندا : **** يسلمك يا حبيبتى ..... عقبالك انتى كمان
دياب : طمنينى عليكى يا حبيبتى
ليندا : انا كويسه يا حبيبى ..... فين البيبى
دياب : نايم على السرير جمبك
ليندا : هاته يا ادم عاوزه اخده فى حضنى
دياب : حاضر يا حبيبتى
• قام دياب جاب البيبى ورجع لليندا اللى اخدته فى حضنها
ريهام : **** يخليهولك ويفرحك بيه
ليندا : تفرحى بيه معايا
دياب : خلينا فى المهم دلوقتى
ليندا : خير يا حبيبى
دياب : لازم نختار اسم للبيبى
ليندا : ماتتعبش نفسك انا اختارت الاسم من زمان من قبل حتى ما نتجوز
دياب : ايه الاسم ده
ليندا : هسميه عبدالرحمن على اسم والدك
دياب : **** يخليكى ليا يا حبيبتى
ليندا : على فكره الاسم ده مش علشانك انت
دياب : امال علشان مين
ليندا : انا زمان وعدت اونكل عبدالرحمن ان اول *** هخلفه هسميه على اسمه وانت عارف انى كنت متعلقه بيه ودايما بحب العب معاه
دياب : ماشى يا حبيبتى
• فجأه دخل عليهم كريم
كريم : الحق يا دياب فى مشكله
دياب : ابوس ايدك يا كريم انا مش عاوز اسمع اى مشاكل تانى النهارده انا ماصدقت اليوم بقفل بخبر حلو
كريم : اسمعنى بس
دياب : خير
كريم : المستشفى مليانه صحفيين ومصورين
دياب : وازاى عرفوا يدخلوا من رجالتك
كريم : رجالتى مسيطرين ومانعين اى حد يدخل بس العدد بره فظيع وانا خايف حد من طقم المستشفى يسرب اى حاجه
دياب : متخافش من الموضوع ده ..... حالة سليم محدش يعرف عنها اى معلومه مفيده
كريم : حتى لو كان زى ما بتقول انا مضمنش اى حد عاوز يعمل مصلحه او شهره يسرب اى خبر مش صحيح
دياب : عندك حق ..... يبقى لازم نتصرف ونمشى الصحافه دى فورا
كريم : هنعمل كده ازاى
دياب : تعالى معايا
• نزل دياب مع كريم للمكان الموجود فيه الصحفيين اللى اول ما شافوه هجموا علبا لولا الجاردات اتدخلوا وبعدوهم عنه
دياب : خير عاوزين ايه ...... احنا مش قولنا مش عاوزين اى صحافه خالص ومفيش اى مخلوق هيقدر يفيدكم بأى خبر
صحفى 1 : بس مستر سليم الجراح شخصيه عامه يعنى من حق كل الناس تطمن على اخباره
دياب : اللى محتاج يتطمن على مستر سليم يدعيله مش اكتر
صحفيه 2 : علشان الناس تدعيله لازم تعرف طبيعة حالته ايه بالظبط
دياب : للأسف اجابة السؤال ده مش عندى
صحفيه 2 : امال عند مين
دياب : مفيش اى حد
صحفى : بس كده مينفعش حضرتك
دياب : لا ينفع ..... وده اخر كلام عندى وعلشان اريحكم مفيش اى حد فى مصر كلها يقدر يفيدكم بمعلومه ولو حصل واتنشر اى خبر غير دقيق عن الموضوع ده انا هرفع قضيه على اللى كتب الخبر والجريده تقدروا تتفضلوا من غير مطرود
• الصحفيين واقفين مكانهم ورافضين يتحركوا
دياب : يعنى رافضين تتحركوا ..... تمام جدا ..... يا كريم
كريم : اوامرك يا فندم
دياب : مش عاوز اى حد يتعرضلهم ولا يكلمهم نهائى لحد ما يزهقوا ويمشوا من نفسهم
كريم : حاضر يا فندم
دياب : واللى يفكر فيهم يتسحب ويوصل للدور اللى محجوز فيه مستر سليم اضربه بالرصاص فورا من غير ما ترجعولى
كريم : حاضر يا فندم
صحفى : بس دى اسمها بلطجه
دياب : وده اسمه سب وقذف وممكن اقطع لسانك بسببه ..... انا قولت يسيبوكم براحتكم ومحدش يتعرضلكم الا لو اتخطيتوا حدودكم وساعتها الواحد فيكم مايلومش غير نفسه
• سابهم دياب وطلع تانى عند ليندا اتطمن عليها وبعد كده راح اوضتى وكان موجود مريم وشرين ولمياء
دياب : طمنونى اخباركم ايه
مريم : مفيش جديد يا دياب ..... الدكاتره بيقولوا ان الحاله مستقره بس محدش قادر يحدد سليم هيقعد فى الغيبوبه لحد امتى
دياب : طالما الحاله مستقره يبقى اكيد هيقوم
لمياء : صحيح يا دياب مبروك ..... انا لسه كنت عند ليندا
دياب : **** يبارك فيكى يا لمياء ..... بس صدقينى لو قولتلك ان فرحتى ناقصه بسبب حالة سليم
شرين : بكره سليم يقوم بالسلامه ويفرح معانا كلنا
لمياء : **** يا شرين
دياب : هو يوسف فين
لمياء : يوسف فى شغله
دياب : **** معاه
شرين : طمنى يا دياب على الشركه .... انا سمعت ان فى مشاكل فى البورصه بعد تسريب خبر اللى حصل
دياب : مشكله بسيطه وهتعدى
شرين : انا واثقه انك هتعرف تحل اى مشكله بس لو محتاجنى فى حاجه هتلاقينى موجوده ..... صحيح انا خبرتى بسيطه فى الشغل بس ممكن اساعد
دياب : انا كل اللى محتاجه متكم حاجه واحده بس
شرين : خير يا دياب
دياب : الصحافه بره عامله زى الكلب المسعور اللى بيشمشم على اى خبر
شرين : ده شئ طبيعى ..... خلاص انا فهمت قصدك ومش هخلى اى حد فيهم يطلع بأى معلومه
دياب : كويس انك فهمتى قصدى ..... عاوزكم ماتتكلموش مع اى حد مهما كان
شرين : حاضر يا دياب
دياب : طب انا هسيبكم واروح عند ليندا ولو احتاجتوا اى حاجه كلمونى
شرين : روح يا دياب ..... والف مبروك وبارك لليندا لحد ما اباركلها بنفسى
دياب : حاضر يا شرين
• رجع دياب الاوضه عند ليندا
• من ناحيه تانيه استر قاعده فى مكتبها غضبانه بسبب اللى حصل مع سليم صقر
البيرت : سليم طلع مش ساهل خالص
استر : وهيطلع ساهل ازاى وهو زى ما قال تربية دياب العاصى
البيرت : بس يا ترى مين جليله اللى اتكلم عليها دى
استر : لغز جديد محدش يعرفه
البيرت : ياترى احمد صقر يعرف مين جليله دى ولا ايه النظام
استر : مش عارفه بصراحه انا دماغى متلخبطه
البيرت : بس مش حاجه غريبه ان سليم يبقى عارفك كويس كده ..... معنى كده ان دياب بيحكيله حاجات كتير
استر : واضح
البيرت : معقول يكون دياب بيثق فى سليم صقر للدرجه اللى تخليه يقوله سر زى ده ...... ده مهما كان *** ولو افترضنا ان سليم كبير وعاقل بس ده مهما كان ابن احمد صقر اللى فى بينه وبين دياب علاقه متوتره
استر : اكيد دياب مش بيقول كل حاجه لسليم وبيقوله مجرد الحاجات البسيطه اللى تخليهم يبقوا قريبين من بعض وتخلى دياب يقدر يغسل دماغ سليم كويس
البيرت : نظريه برضه ..... طب هنتعامل ازاى دلوقتى
استر : محتاجين فى الاول نعرف مين جليله دى
البيرت : وهنعرفها ازاى دى بقى ..... مفيش قصادنا غير احمد صقر بس لو طلعت سر محدش يعرفه هنقوله ايه وقتها
استر : محتاجين نفكر فى طريقه تبان طبيعيه ومن غير ما نلفت النظر
البيرت : على العموم احمد صقر كلمنى من شويه وطلب يقابلك وانا حددتله معاد بكره الصبح
استر : خير فى حاجه جديده ولا ممكن يكون سليم قاله حاجه عن اللى حصل
البيرت : واضح ان فى موضوع مهم بس على ما اظن مش بخصوص اللى حصل
استر : كله هيبان
البيرت : على فكره ليندا ولدت من شويه
استر : ايوا عرفت
البيرت : مش المفروض نتصل بدياب ونباركله
استر : بكره يا البيرت انا بنفسى هكلمه واباركله
البيرت : هنعمل ايه دلوقتى فى موضوع البورصه وشركات الجراح
استر : دياب غلط غلطه كبيره وانا هعرف استغلها كويس
البيرت : ازاى يعنى
استر : دياب بدل ما يلم الموضوع مع العملاء اتعامل بغشم وهدد بتنفيذ الشروط الجزائيه ...... وبرضه اتعامل بغباء مع الصحفيين فى المستشفى ..... دياب بيحاول يبين للعملاء والرأى العام ان شركة الجراح مازالت قويه وقادره تواجه اى مشكله ومش متوقفه على رئيس مجلس الاداره على امل ان الامور تستقر والأسهم ترجع لوضعها الطبيعى تانى
البيرت : اى انسان عاقل لازم يعمل اللى عمله دياب
استر : يعمل كده فى الحالات الطبيعيه جايز لكن فى حالتنا مختلفه
البيرت : ازاى يعنى مش فاهم
استر : يعنى مثلا لو كان سليم الجراح اتعرض لحادث طبيعى مش بفعل فاعل الخطه دى تنفع لان ببساطه مفيش اى حد من مصلحته يدمر الشركه وكان شئ طبيعى ان العجله تمشى ...... لكن فى حالتنا انا مش هسيب اى فرصه لدياب انه يحرك العجله من تانى
البيرت : انتى ناويه على ايه بالظبط
استر : احنا فعلا مش هنقدر نستغل موضوع الصحافه فى الوقت الحالى غير فى اضيق الحدود والا هندخل فى قضايا ومشاكل كتير احنا فى غنى عنها
البيرت : امال هتعملى ايه
استر : احنا هنسيب الصحافه تتكلم براحتها من غير ما نوجه اى حد علشان مانتكشفش ومن ناحيه تانيه هنستغل السوشيال ميديا فى الحرب ..... هنملى كل المواقع اخبار واشاعات عن تدهور حالة سليم الجراح وتدهور اسهم الشركه وهننشر شوية اشاعات تانيه وهنفكر الناس بقضية قتل الدكتور سليم الجراح وازاى كان المتهم الرئيسى فيها هو ابن اخوه
البيرت : احنا كده هنضرب دياب من كل نقط الضعف اللى ببحاول يتفداها
استر : وفى ظرف شهر بالكتير هتشوف اقوى انهيار حصل فى تاريخ البورصه
البيرت : بس لاحظى حاجه مهمه جدا وهى ان خطتك كلها معتمده على ان سليم الجراح هياخد فى الغيبوبه اطول فتره ممكنه لكن ممكن يفوق فى اى لحظه وساعتها الخطه بتاعتك هتضرب فى مقتل
استر : حتى لو فاق بكره ..... كفايه عندى انا احنا قدرنا نضرب الثقه بين العملاء وشركات الجراح وقدرنا نهز اسهم الشركه هزه عنيفه
البيرت : تمام كده
• تانى يوم فى شركة الجراح ..... دياب قاعد مع كريم
دياب : وبعدين يا كريم
كريم : مش عارف يا دياب .... سليم شكله مطول فى الغيبوبه
دياب : احنا فى كارثه حقيقيه واستر عارفه تستغل كل الاسلحه
كريم : عندك حق .... من الصبح الدنيا مقلوبه على السوشيال ميديا ورجعوا يتكلموا على القضيه القديمه من تانى
دياب : انا مش عارف اعمل ايه فى موضوع القضيه اللى مش راضى يتقفل ده
كريم : المشكله ان الناس ما بتصدق تلاقى مصيبه علشان يتكلموا فيها وهتلاقى كل واحد بيتكلم من وجهة نظره من غير ما يكون عنده علم بالموضوع اساسا
دياب : الناس محتاجه تنسى مشاكلها وما بيصدقوا يلاقوا اى حاجه تلهيهم
• فجأه تليفون كريم رن ورد عليه وشكلها فى مشكله جديده وبعد ما خلص
دياب : حصل ايه تانى يا كريم
كريم : فى ناس كتير متجمعه عند المستشفى
دياب : ناس مين
كريم : معرفش ..... الحراسه كلمونى وقالولى ان فى زى مظاهره عند المستشفى وعاوزين يتطمنوا على سليم
دياب : وبعدين بقى فى الموضوع ده
كريم : انا من رأيى ان دى فرصه مناسبه ولازم نستغلها ونطمن الناس بعيد عن الصحافه والاعلام
دياب : ازاى بقى
كريم : تعالى معايا ونشوف الناس ونكلمهم ونحاول نطمنهم
دياب : حاضر يا كريم **** نعرف نسيطر على الموقف
• اتحرك كريم مع دياب وطلع على المستشفى ..... قصاد المستشفى فى ناس كتير جدا متجمعين والامن مانعهم من الدخول ..... وصل دياب للمستشفى وراح للناس
دياب : انتوا مين وعاوزين ايه
• الناس كلها بتتكلم فى نفس الوقت والصوت مش واضح
دياب : ارجوكم شخص واحد يتكلم علشان اعرف افهمكم
شخص : خلاص يا اخوانا انا اللى هتكلم
دياب : انتوا مين بقى وعاوزين ايه
شخص : احنا جايين نتطمن على سليم بيه
دياب : وانتوا ايه علاقتكم بسليم
شخص : احنا كلنا من اهل الحسين ..... سليم كان عايش وسطنا لفتره ومن بعد ما ساب المنطقه علاقته استمرت ببنا ..... كل الناس اللى انت شايفها دى ناس غلابه سليم بيساعدهم وبيوقف جمبهم
دياب : بيساعدهم ازاى مش فاهم
شخص : الناس دى منهم شباب اتخرجوا وقعدوا على القهاوى وسليم ساعدهم علشان يشتغلوا ..... وفى منهم اللى معاه بنت على وش جواز ومش قادر يجهزها وسليم ساعدهم ...... وفى اللى عاوز يتعالج او معاه حد مريض وعاوز يتعالج وبرضه سليم ساعدهم ..... وغيرهم كتير جدا ..... افضال سليم الجراح فى كل بيت من بيوت الحسين
دياب : انا مقدر كل اللى سليم عمله معاكم واوعدكم ان كل المساعدات اللى كان بيقدمها هتفضل مستمره لحد ما يرجع بالسلامه
الشخص : يا بيه احنا مش جايين علشان فلوس ولا مساعده ..... احنا جايين علشان نتطمن على الراجل اللى وقف معانا فى شدتنا ونردله جميل واحد من جمايله علينا ..... تغور كل الفلوس قصاد ان سليم بيه يرجع بالسلامه
دياب : انا مقدر شعوركم الجميل ده وبطمنكم على سليم ..... سليم حالته مستقره والدكاتره طمنونا عليه وقريب جدا هيرجع بالسلامه
الشخص : واحنا منتظرين هنا لحد ما يقوم بالسلامه
دياب : صدقونى وجودكم مش هيقدم ولا هيأخر وخصوصا ان الدكاتره مانعين الزياره ومش مسموح غير لمراته بس
الشخص : مش لازم نشوفه بس على الاقل نبقى قريبين منه
دياب : انتو لازم ترجعوا اشغالكم وتشوفوا مصالحكم واوعدكم لو فى جديد هبلغكم
• فجأه دخلت عربيه فيها الحاج اكرم العصار والحاجه كريمه مراته ومعاهم الحاج عزت والحاجه فاطمه مراته ونزلوا من العربيه عند دياب وكريم
اكرم : طمنى يا دياب ايه اللى حصل لسليم وازاى كل ده يحصل وانا معرفش
دياب : اهدى يا حاج اكرم وانا هفهمك كل حاجه بس بعدين
اكرم : بعدين امتى ..... بقى انا اسمع الخبر من الجرايد زى الغريب
دياب : ارجوك يا حاج اكرم ادخل دلوقتى وانا هحصلك علشان الموضوع مش مستحمل
اكرم : حاضر يا دياب
• دخل الجماعه المستشفى ودياب يمشى الناس بس من غير فايده وصمموا يقعدوا واخر ما غلب معاهم سابهم ودخل المستشفى بعد ما شدد على الحراسه انهم مايسمحوش لأى حد بالدخول ..... طلع دياب للدور اللى انا محجوز فيه وكان موجود بنات عمى ومعاهم الحاج اكرم والباقى
اكرم : ايه اللى بيحصل يا دياب وازاى تخبوا عليا كده
دياب : معلش يا حاج اكرم بس الظروف الايام اللى فاتت كانت متوتره ومفيش اى حد عارف يفكر
اكرم : طب والدكاتره قالوا ايه
دياب : بيقولوا ان الحاله مستقره بس مش عارفين هيفوق من الغيبوبه امتى
اكرم : ومين الكلب اللى عمل كده
دياب : لسه مش عارفين والتحقيقات شغاله ومحدش عارف يوصل لحاجه
عزت : انا واثق ان سليم هيقوم منها بالسلامه
اكرم : ايه الناس الكتير اللى كنت واقف معاهم تحت يا دياب
مريم : ايوا يا دياب مين الناس دى ..... الحراسه بلغونى بيهم الصبح
دياب : دى حكايه
شرين : حكاية ايه دى
• حكى دياب كل اللى حصل
اكرم : هو ده سليم طول عمره بيفكر فى الناس
شرين : سليم كل يوم بيحيرنى عن اليوم اللى قبله ..... كل ما اقول انا عرفته فجأه اكتشف حاجه جديده
عزت : اصيل يا سليم طول عمرك ..... يا ما كان نفسى اسامه يكون زيك
فاطمه : احنا اللى قصرنا يا حاج فى تربية اسامه لحد ما دفعنا كلنا التمن واولهم اسامه
عزت : عندك حق
اكرم : خلاص يا اخوانا ادعوله بالرحمه
مريم : مالك يا دياب ساكت ليه
دياب : قلقان
مريم : خير يا دياب فى حاجه
دياب : وجود سليم فى المستشفى بقى خطر
اكرم : خطر ازاى يابنى
دياب : كل الناس بقت عارفه مكان سليم ووارد جدا اى حد مش كويس يقدر يخترق الحراسه ويعمل مصيبه
مريم : عندك حق يا دياب ..... بس تفتكر احنا ممكن نعمل ايه
دياب : انا بفكر انقل سليم من المستشفى لمكان تانى محدش يعرفه .... مكان خاص جدا ميبقاش فى ناس كتير منعرفش نسيطر عليها
شرين : فين المكان ده
دياب : لسه مش عارف
لمياء : ايه رائيك ننقله للمستشفى التانيه بتاعتنا
دياب : لا مش عاوز اى مستشفى لان وارد الخبر يتسرب
مريم : حالة سليم لازملها مستشفى لان احنا مش عارفين ايه اللى ممكن يحصل لان وارد الحاله تسوء
دياب : احنا ممكن نجهز اى مكان علشان نبقى مستعدين لأى حاجه تحصل
لمياء : عندنا فى الفيلا ..... احنا ممكن نجهز اوضتين الجنينه اللى كان عايش فيهم سليم وفى نفس الوقت يبقى معانا وتحت عنينا طول الوقت
دياب : دى فكره كويسه بس سيبينى افكر واشوف مكان تانى بعيد عن الفيلا
مريم : ومالها الفيلا يا دياب
دياب : الفيلا مكان معروف برضه
مريم : طب اعمل حسابك انى مش هسيب سليم ايا كان المكان ده
دياب : حاضر يا مريم ..... انا هروح الشركه دلوقتى واحاول ادبر مكان كويس ..... تعالى معايا يا كريم
• نزل دياب وكريم من المستشفى وركبوا العربيه واتحركوا
كريم : انت رايح فين يا دياب ده مش طريق الشركه
دياب : لازم اروح للدكتور سليم وابلغه بالجديد
كريم : انا شايف ان الموضوع عمال يوسع مننا
دياب : انا خلاص تعبت ومش قادر افكر علشان كده لازم اقابل الدكتور سليم يمكن الاقى عنده حل
كريم : عندك حق
• وصل كريم ودياب الفيلا عند عمى وحكوله كل اللى حصل
دياب : انا بصراحه تعبت ومش عارف افكر
سليم : عندك حق با دياب المستشفى بقيت خطر جدا على سليم ولازم ننقله فى اسرع وقت
دياب : طب ننقله فين
سليم : اسمع كلام لمياء وجهز الفيلا علشان تنقل سليم على هناك
دياب : حاضر يا دكتور
سليم : ايه الاخبار فى الشركه
دياب : انا بحاول انقذ ما يمكن انقاذه بس انا شايف ان الامل ضعيف جدا
سليم : مفيش حاجه اسمها الامل ضعيف يا دياب ..... اسمع كلامى اللى قولتلك عليه وفى خلال ايام الاسهم هترجع لمكانها الطبيعى من تانى
دياب : انا سمعت كلام حضرتك يا دكتور بس استر مش سايبه اى فرصه ناخد نفسنا
سليم : سيبك من استر وركز فى الشركه والعملاء بتوعنا
دياب : حاضر يا دكتور
سليم : معرفتش سليم جاب الورق اللى معانا من فين
دياب : للاسف لا يا دكتور
سليم : انا راجعت الورق اللى معايا ده كويس جدا واكتشفت حاجه مهمه اوووى
دياب : حاجة ايه
سليم : سليم شايل ورق تانى اهم بكتير من الورق ده
دياب : ازاى يعنى
سليم : فى ورقه فى وسط الورق اللى انت جبته ملهاش علاقه بأستر بعقوب نهائى
دياب : ورقة ايه دى
سليم : ورقه تخص ناس تانيه خالص وفيها اسم شخص مجهول ومش قادر احدد شخصيته ولا ايه طبيعة الشغل بتاعه ..... كل اللى واضح من الورقه انه بيشتغل فى العملات الرقميه المشفره اللى زى البيتكوين والدوجكوين واللى شبهها
كريم : من خبرتى مع سليم بأكدلك ان الورقه دى محطوطه وسط الورق قصد مش خطأ
سليم : لو كان قاصد كان وضح الغرض منها خصوصا ان الورقه فعلا ملهاش اى لازمه
دياب : اكيد مع الوقت هيظهر باقى الورق اللى يخلى للورقه لازمه
كريم : اكيد ليه علاقه بأستر يعقوب ...... لان استر من 5 سنين اسست لشركه كل شغلها فى العملات الرقميه المشفره
سليم : انا اول مره اسمع المعلومه دى
كريم : الشركه دى محدش يعرف عنها اى حاجه وليها قصه طويله
سليم : ايه قصتها الشركه دى
كريم : الشركه دى فى الاصل اسسها شاب امريكى من اصل تركى وكان سعر العمله شئ لايذكر ولحسن حظه فى الوقت ده كانت بداية انتشار العملات الرقميه بسبب ارتفاع اسعارها ..... اللى حصل ده خلى المستثمرين الصغيرين يركزوا فى العملات المشفره ويستثمروا جزء من فلوسهم فى العملات الجديده اللى سعرها بسيط وبدأت العمله سعرها يزيد مع الوقت وفجأه وبدون سابق انذار سعر العمله بدأ فى الانهيار والمستثمرين بدأوا يبيعوا كل العملات اللى معاهم وده اتسبب فى افلاس الشركه وبعدها بأقل من شهر كان الشركه اتباعت بعد ما مؤسس الشركه انتحر فى ظروف غامضه او بمعنى اصح اتقتل ..... واللى اشترى الشركه دى استر يعقوب بس اشترتها عن طريق وسيط هو اللى ظاهر فى الصوره لكن فى الحقيقه هى اللى بتحرك كل حاجه بس برضه فضل سعر العمله ثابت ومش بيحقق اى تقدم لحد برضه ما فجأه ارتفع سعر العمله من تانى بسبب تغريده بسيطه على تويتر
سليم : تغريدة ايه دى
كريم : تغريده من John Mcafee
سليم : مش ده ال.....
كريم : ايوه بالظبط كده اللى جيه فى دماغ حضرتك ..... صاحبنا ده نشر تغريده بيقول فيها قد ايه العمله دى ليها مستقبل هايل وقعد يشكر فيها وفجأه ارتفع سعرها
دياب : انا حاسس انى سمعت الاسم ده قبل كده
كريم :John McAfee ده يبقى اسوء شخص ممكن تسمع عنه ..... ده كان صاحب ومؤسس برنامج McAfee بتاع الفيروسات بعد كده باعه ب 100 مليون دولار وبعدها اشتغل تقريبا فى كل حاجه سلاح ومخدرات واسس شركة بتساعد الناس فى الاستثمار فى العملات الرقميه ..... الراجل ده كان عنده موهبه غريبه
دياب : ايه الموهبه دى
كريم : كان يقدر يتوقع مستقبل اى عمله من العملات الرقميه وبسبب توقعاته فى ناس كتير كسبت ملايين الدولارات من وراه .... للدرجه اللى خلت اصحاب شركات العملات الرقميه يستغلوه فى الترويج لعملاتهم وهنا بدأ طريق النصب والاحتيال لان بتغريده واحده كان سعر العمله بيضرب فى السماء وكان بيكسب كتير من اصحاب الشركات وعمل علاقات واسعه جدا فوق ما تتخيل للدرجه اللى خلته يوصل لكوارث محدش يتوقعها
دياب : ايه الكوارث دى
كريم : مفيش حد يعرف الحاجات دى غيره هو وبس ..... هو لمح بيها سنة 2018 بعد ما حاولوا يخلصوا منه بالسم وقتها كتب تغريده على تويتر بيقول فيها انه عارف مين اللى حاول يتخلص منه وبيقول كمان ان فى تحت ايده 31 تيرابايت عباره عن مستندات هتفضح اتقل ناس فى العالم ولو حصله اى حاجه المستندات دى هتظهر للنور فورا
دياب : وايه اللى حصل بعد كده
كريم : اتقبض عليه وهو بيحاول يهرب على تركيا عن طريق اسبانيا ..... الحكومه الاسبانيه قبضت عليه وحبسته لحد ما يترحل لأمريكا لان كان عليه قضايا نصب واحتيال
دياب : اترحل على امريكا
كريم : لا اللى حصل غير كده
دياب : ايه اللى حصل
كريم : من كام يوم بيفتحوا الزنزانه بتاعته لقيوه منتحر فيها او بمعنى اصح مقتول
دياب : ومين اللى عمل كده
كريم : لسه مش عارفين والتحقيقات شغاله على الموضوع ده
دياب : طب والمستندات اللى عنده
كريم : محدش يعرف مصيرها لحد دلوقتى بس انا شاكك بنسبه كبيره ان الورق اللى مع سليم جزء من المستندات دى
دياب : وايه اللى يوصل سليم للراجل ده
كريم : ده لغز محدش يعرفه غير سليم نفسه ده بأفتراض ان سليم وصل للورق ده عن طريق الراجل ده مش عن طريق حد تانى
سليم : سيبكم من الكلام ده دلوقتى وركزوا فى الشركه كويس وعاوزكم فى اسرع تنقلوا سليم للفيلا
دياب : انا هتحرك فى الموضوع ده فورا
• من ناحيه تانيه عن استر فى الاستراحه قاعده مع احمد صقر
استر : خير يا احمد ..... ايه الموضوع المستعجل اللى عاوزنى فيه
احمد : سليم ابنى
استر : ماله سليم
احمد : طلع عارف علاقتى بيكم
استر : عرف ازاى ..... طب دياب عرف حاجه هو كمان
احمد : سمعنى انا وسليم الجراح بعد اللى حصل فى المناقصه
استر : طب ودياب يعرف هو كمان ولا ايه الحكايه
احمد : لا دياب مايعرفش حاجه
استر : وبعدين بقى
احمد : هنتصرف ازاى دلوقتى
استر : انت تعرف واحده اسمها جليله
احمد : لا معرفش حد بالاسم ده ..... مين جليله دى كمان
استر : لسه مش عارفه بس هى واحده ليها علاقه بدياب
احمد : علاقه من اى نوع
استر : احنا لسه مش عارفين ...... احنا سمعنا اسمها الفتره اللى فاتت بس مفيش اى معلومه عنها علشان كده قولت اسألك يمكن تعرفها
احمد : لا خالص
استر : طب تمام يا احمد ..... حاول الفتره دى تكسب سليم فى صفك وقوله انك قطعت علاقتك بيا
احمد : وتفتكرى سليم هيصدق حاجه زى دى
استر : حاول معاه بهدوء ومع الوقت هيصدقك
احمد : حاضر
• مر بعد كده شهرين .... انا اتنقلت للفيلا ولسه فى الغيبوبه .... الامور فى الشركه استقرت الى حد ما والاسهم ابتدت ترجع لمسارها الطبيعى .... استر قاعده بترتب فى مصايب ..... احمد صقر بيحاول يصلح علاقته بأبنه
• فى شركة الجراح دياب قاعد مع المستشارين
مستشار 1 : دلوقتى بس اقدر اقول لحضرتك ان الامور بدأت تستقر
مستشار 2 : واسهمنا فى البورصه بدأت من تانى فى الصعود
دياب : طب كويس
مستشار 1 : بصراحه لولا تعامل حضرتك مع الأزمه كان فى حاجات هتتغير للأوحش
دياب : اهم حاجه دلوقتى نركز فى شغلنا كويس ومش هسمح بأى تقصير مهما كان بسيط
مستشار 1 : انشاء الاه مش هيكون فى اى تقصير
• فجأه دخل كريم المكتب على دياب
دياب : عن اذنكم دقيقه واحده وراجع تانى
مستشار 1 . 2 : اتفضل يا فندم
• قام دياب واخد كريم على جنب
دياب : خير يا كريم فى ايه
كريم : ليندا بلغتنى ان ريهام بتولد واخدتها وطلعت بيها على المستشفى ومعاهم لمياء الجراح وهى بتتصل بيك بس انت قافل تليفونك
دياب : قفلته علشان الاجتماع
كريم : طب هتعمل ايه دلوقتى
دياب : هروح المستشفى طبعا بس فى مشوار مهم لازم اعمله فى الاول
كريم : مشوار ايه ده
دياب : اسبقنى انت على المستشفى وانا هحصلك وبلغ ليندا تاخد بالها من ريهام لحد ما اوصل
كريم : حاضر يا دياب
دياب : عاوزك تنشر رجالتك فى المستشفى كويس مش عاوز نمله تعدى من رجالتك
كريم : حاضر يا دياب
دياب : ولو احمد صقر راح المستشفى ممنوع يدخل بسلاح نهائى ويستحسن يدخل من غير حراسه اصلا
كريم : حاضر يا دياب
دياب : طب يلا اتحرك
• نزل دياب واخد عربيته وطلع على فيلا احمد صقر ومجرد ما دخل كان قاعد عمر صقر مع امل صقر
عمر : اتفضل يا دياب
امل : انا طالعه اوضتى لحد ما تخلصوا
عمر : روحى انتى
دياب : لا استنى انا جاى ابلغكم بحاجه وماشى على طول
عمر : خير يا دياب فى ايه
دياب : انا جيت ابلغكم ان ريهام فى المستشفى بتولد
عمر : انت بتتكلم بجد يا دياب
دياب : انا قولت ابلغكم علشان لو عاوزين تزوروها ..... حتى انتى يا امل مسمحولك النهارده تزوريها وتطمنى عليها
امل : بتتكلم بجد يا دياب
دياب : وانا من امتى فى هزار بينى وبينك ..... انا جيت بس علشان خاطر ريهام مينفعش تولد من غير ما تكون امها معاها
عمر : كتر خيرك يابنى
دياب : عن اذنكم انا لازم اروح المستشفى
عمر : اتفضل يابنى واحنا هنحصلك
• وصل دياب للمستشفى وكانت ليندا واقفه مع كريم
دياب : طمنونى ايه الأخبار
ليندا : لسه فى العمليات ومعاها لمياء الجراح جوه
دياب : طب هى حالتها ايه
ليندا : الدكاتره مش مطمنينا نهائى وبيقولوا ان ريهام ضعيفه
دياب : انشاء **** هتقوم بالسلامه
ليندا : انت روحت فين وليه اتاخرت كده
دياب : روحت عند امل صقر
ليندا : روحتلها ليه
دياب : علشان ابلغها ان بنتها بتولد واسمحلها بزيارتها ..... انتى عارفه انى مانع امل صقر عن ريهام من اكتر من 7 شهور
ليندا : انا كنت عاوزه افاتحك فى الموضوع ده بس خوفت منك
دياب : انا عملت كده علشان خاطر ريهام مش اكتر لكن لو عليا عاوز احرقهم كلهم بجاز وسخ
ليندا : عارفه يا حبيبى ان ريهام هى الحاجز اللى بينك وبينهم
دياب : ياريتنى ما كنت حبيتها
ليندا : ليه بتقول كده دى حتى ريهام طبيه وكويسه
دياب : ليه ماطلعتش زيهم
ليندا : اللى يحب دياب لازم يتطبع بطبعه ..... وريهام مش بس بتحبك دى بتعشقك عشق
دياب : ده كان زمان ..... ريهام دلوقتى مش بتكره حد قدى
ليندا : ماتقولش كده يا حبيبى .... ريهام بتحبك بس اللى حصل كان كتير عليها ومسير الايام هتصلح كل حاجه
دياب : مافتكرش ..... انا جرحت ريهام جرح صعب ومستخيل يتلم او يتداوى
ليندا : سيب ريهام عليها وانا هعرف اداويها كويس
دياب : انتى ازاى كده
ليندا : كده ازاى مش فاهمه
دياب : ازاى مستحمله انى اتجوز عليكى وكمان انتى اللى بتصلحى بينى وبين ريهام
ليندا : انا مليش غيرك يا ادم .... انتى حياتى كلها وكل اللى يهمنى انك تعيش سعيد ومبسوط ويبقالى لو جزء بسيط فى قلبك وساعتها هبقى اسعد انسانه فى الدنيا
دياب : انا اللى بعشقك
• اخد دياب ليندا بالحضن ..... فجأه دخل عليهم عمر صقر ومعاه امل
عمر : طمنى يا دياب
دياب : لسه يا عمى ريهام فى اوضة العمليات
عمر : بقالها كتير
دياب : ايوه بقالها كتير وده اللى قالقنى
امل : وايه اللى يقلقك ..... عاوز تفهمنى انك بتحبها وخايف عليها
دياب : طبعا بحبها وخايف عليها بس اللى زيك ميعرفش يعنى ايه حب
امل : قصدك ايه
دياب : تحبى اثبتلك قد ايه انى بحبها وخايف عليها
امل : هتثبتلى ازاى
دياب : اكبر دليل على حبى لريهام وخوفى عليها انك لسه عايشه لحد دلوقتى .... متفتكريش انى سايبك لحد دلوقتى علشان سواد عيونك ولا علشان خايف من اى حد فيكم ...... لا يا امل انا سايبك بس علشان خاطر بنتك مش اكتر
عمر : خلاص يا دياب ياريت نقفل كلام فى الموضوع ده
دياب : حاضر يا عمى انا فعلا هقفل كلام فى الموضوع ده لان من الواضح ان مفيش فايده من الكلام والظاهر انى غلطت لما سمحت لمراتك تيجى المستشفى
• فجأه خرجت لمياء من اوضة العمليات
دياب : طمنينى يا لمياء ايه الاخبار
لمياء : الولاده كانت متعبه بس الحمد ***
دياب : طمنينى على ريهام
لمياء : ريهام كويسه وزى الفل وجابتلك بنوته زى القمر
دياب : الحمد ***
عمر : يعنى ريهام كويسه يابنتى
لمياء : اتطمنوا ريهام كويسه و**** وكلها شويه وهتخرج من الافاقه وتروح اوضتها
دياب : شكرا يا لمياء على تعبك معايا
لمياء : ماتقولش كده يا دياب وبعدين انا لو ماتعبتش علشانك هتعب علشان مين انت غلاوتك عندى زى غلاوة سليم ابن عمى بالظبط .... **** يطمنا عليه هو كمان ويقوم بالسلامه
دياب : ****
لمياء : طب استاذن انا وشويه وهجيلك الاوضه علشان اتطمن على ريهام
دياب : اتفضلى يا لمياء
• بعدها بشويه خرجت ريهام من الافاقه ونقولها لأوضتها واول ما شافت امها فرحت لان بقالها فتره كبيره مش بتشوفها كل اللى كان بينهم مجرد تليفونات من وراء دياب
ريهام : انتى ازاى جيتى يا ماما مش خايفه دياب يتهور عليكى
عمر : متخافيش يا بنتى دياب هو اللى جالنا وبلغنا انك بتولدى وسمح لأمك انها تزورك
ريهام : فيه الخير و**** بعد ما يحرمنى من امى جاى دلوقتى يتعطف علينا ويسمحلها تزورنى
• فجأه دخل عليهم دياب وليندا
دياب : لا يا ريهام انا مش بتعطف عليكى ولا حاجه بس كنت عاوزك تعرفى حاجه مهمه
ريهام : حاجة ايه دى بقى
دياب : كنت عاوزك تجربى احساس انك تتحرمى من امك زى ما انا اتحرمت من امى ..... كنت عاوزك تبقى شايفه اللى حرمك منها قصاد عينك وانتى مش قادره تعمليله اى حاجه ..... عرفتى بقى احساسى كان ايه طول السنين اللى فاتت
ريهام : ........
دياب : ساكته يعنى ..... ياترى ساكته علشان مقتنعه بكلامى ولا علشان احساسى ماوصلش ...... انا هريحك يا ريهام .... انا مش هعمل اى حاجه لأمك وهنساها علشان خاطرك انتى وبس وهسيبك تزوريها وقت ما تحبى بس حاجه واحده بس اللى مش هسمح بيها ولو على رقبتى
ريهام : مفيش داعى لشروك احتا اصلا هنتطلق زى ما اتفقنا
دياب : دى حاجه ترجعلك وبكره ورقتك هتكون عندك ووقت ما تحبى تشوفى بنتك بيتى مفتوح ليكى فى اى وقت
عمر : انت عاوز تاخد منها بنتها
دياب : ليه هو انت فاكرنى هسيب بنتى تتربى وسطيكم ده انت بتحلم .... بنتى هتعيش معايا ووقت ما تحبوا تشوفها بيتى مفتوح ليكم ..... وياريت محدش فيكم يتصرف تصرف غبى لانى وقتها مش هعمل حساب لحد ..... مع السلامه يلا يا ليندا
ليندا : امشى انت يا ادم انا عاوزه اقعد شويه مع ريهام وبعد كده هحصلك
دياب : براحتك
• خرج دياب وسابهم
ليندا : ممكن يا عمى تسيبونى لوحدى مع ريهام
عمر : حاضر يا بنتى
• خرج عمر وامل من الاوضه
ليندا : انتى ايه يابنت انتى غبيه ولا حكايتك ايه بالظبط
ريهام : عاوزه ايه يا ليندا
ليندا : فى حد عاقل يتصرف زى ما بتتصرفى كده ..... احنا ما صدقنا ان دياب يلين تقومى انتى تعقدى الموقف بالطريقه دى
ريهام : بعنى عاوزانى اشوفه بيتحكم فى ابويا وامى بالشكل ده واحط جزمه فى بوقى واسكت
ليندا : لا تخربى الدنيا يا فالحه وتخسرى الانسان اللى بيحبك وبتحبيه
ريهام : كرامتى وكرامة اهلى عندى بالدنيا ومافيها
ليندا : وهو فى حد داس على كرامتك ولا على كرامة اهلك .... دياب اول ما عرف انك بتولدى راح جرى على ابوكى وامك علشان يبقوا جمبك فى وقت زى ده .... دياب قالها بوضوح لأمك ان انتى الحاجه الوحيده اللى مانعاه عنها ..... دياب بيحبك وخايف عليكى ماتضيعهوش من ايدك بغباءك
ريهام : وانا لسه هضيعه ..... دياب خلاص ضاع منى
ليندا : لسه فى فرصه بس اسمعى كلامى علشان ماتندميش وانا هصلح العك اللى انتى عكتيه بس اهم حاجه دلوقتى ماتسمعيش كلام امك لانها هتبدأ تسخنك اكتر
• بعد ما خرج دياب من المستشفى راح للشركه وهو غضبان وقعد لوحده بعدها بشويه دخل عليه كريم
كريم : اعذرها يا دياب
دياب : انا عازرها يا كريم وعارف انى زودتها
كريم : طالما عارف انك غلطان ايه اللى عامله فى نفسك ده
دياب : زعلان علشان الفرصه الوحيده اللى كنت مستنيها تصلح بينى وبين ريهام انا ضيعتها من ايدى ..... انا مستنى يوم ولادتها بقالى شعور على امل انى اعرف اصالحها بس تقول ايه بقى جت امل صقر منها *** خلتنى مش عارف اتحكم فى اعصابى
كريم : انت طول الوقت بتعرف تفكر وتتعامل بس تيجى قصاد امل صقر وتعك الدنيا
دياب : انا مش بكره فى حياتى قد العاصى وامل صقر واخوها وقصادهم عقل بيوقف
كريم : لازم يا دياب تتحكم فى نفسك
دياب : هحاول
كريم : دلوقتى قوم علشان تصالح ريهام
دياب : اصالحها ازاى
كريم : هاتلها هديه حلوه بمناسبة الولاده وروحلها وحاول تلطف الدنيا معاها
دياب : انا جايب الهديه من بدرى بس اللى حصل خلانى نسيت كل حاجه
كريم : طب كويس روح بقى لريهام وحاول تلطف الدنيا يا اخى ده انت بنتك ملحقتش تشوفها
دياب : دى اكتر حاجه مضايقانى
كريم : طب يلا انجز وروح علشان زمان السخان دلوقتى شغال وهيسخن الدنيا اكتر
دياب : انا لو عليا عاوز اخلص من السخان ده للأبد
كريم : مش وقته الكلام ده دلوقتى .... اخلص روح لمراتك وحاول تلطف الجو
دياب : حاضر
• رجع دياب للمستشفى وكانت ليندا لسه قاعده مع ريهام ومعاهم عمر صقر وامل
ريهام : رجعت تانى ليه
دياب : بعد اذنكم كلكم عاوز اقعد مع ريهام لوحدنا
عمر : عاوز ايه تانى يا دياب
دياب : بعد اذنك يا عمى سيبنا لوحدنا شويه وانا هفهمك بعدين على كل حاجه
عمر : حاضر يا دياب ..... يلا بسنا يا امل بره
امل : ماشى لما نشوف اخرتها
• خرج عمر وامل
ليندا : انا هخرج يا ادم بس عاوزاك تبقى حنين وتبطل الغباوه بتاعتك
دياب : طب يلا من غير مطرود
ليندا : انا خارجه من نفسى اشبعوا ببعض
دياب : بره يا رخمه
• خرجت ليندا ..... راح دياب عند ريهام على السرير
دياب : خديلك جمب كده عاوز اقعد
ريهام : يا سلام
دياب : اتاخدى يا بنت انتى عاوز اقعد جمبك
ريهام : ماسمحلكش تقولى بنت دى
دياب : بنت وست البنات كمان
ريهام : عاوز ايه يا دياب
دياب : عاوز اعتذرلك ..... انا عارف ان انتى المظلومه الوحيده فى الليله دى كلها .... بس قدرك كده ..... قدرك تحبى واحد فى تار بينه وبين امك
ريهام : ياريت بلاش كلمة تار علشان بتخوفنى منك
دياب : عارفه يا ريهام انتى الدراع اللى بيوجعنى وامك عارفه تمسكنى منه كويس ..... لولاكى انتى كان زمان امل صقر ماتت ابشع موته من زمان بس انتى اللى واقفه بينى وبينها ..... انا بين نارين يا ريهام ..... نار كرهى لأمك من ناحيه ..... ومن ناحيه تانيه نار حبى ليكى
ريهام : بتسمى حبك ليا نار
دياب : ايوه نار .... نار علشان مانعنى اخد بتارى واريح قلبى وعقلى
ريهام : وياترى لحد امتى هفضل مانعاك
دياب : طول ما انتى عايشه على وش الدنيا مش هقدر اعمل اى حاجه تجرحك ..... انا مش بقولك الكلام ده علشان اشيل من دماغك فكرة الطلاق انا بقول اللى حاسس بيه وبس
ريهام : ما انت لو طلقتنى هتاخد بنتى منى يعنى هتخلينى اختارك غصب عنى
دياب : وانا مش عاوزك تعيشى معايا غصب عنك ..... انسى كل الهبل اللى انا قولته وهسيبلك حرية الاختيار وشيلى البنت من اى حسابات لان بنتك هتعيش معاكى سواء اختارتى تكملى معايا او لا
ريهام : يعنى لو صممت على الطلاق مش هتاخد منى بنتى
دياب : ايوا يا ريهام مش هاخد البنت
ريهام : طب وماما هتعمل معاها ايه
دياب : قولتلك مش هقدر اجرحك ابدا
ريهام : انا مش هتطلق دلوقتى بس ليا طلب واحد عندك
دياب : اطلبى اى طلب وانا هنفذهولك من غير نقاش
ريهام : الفتره اللى فاتت كنت تعبانه نفسيا ..... محتاجه اقعد عن ابويا الفتره دى ...... اقعد مع نفسى شويه واعيد حساباتى من تانى
دياب : عاوزه تقعدى هناك قد ايه
ريهام : مش عارفه ..... ياريت تسيبنى براحتى ومتضغطش عليا
دياب : حاضر يا ريهام هسيبك براحتك
ريهام : انا بحبك يا دياب وعمرى فى حياتى ما حبيت حد غيرك ومقدره كويس احساسك
دياب : خلاص يا ريهام مش عاوز كلام فى الموضوع ده تانى
ريهام : حاضر يا دياب
دياب : طب انا هروح اجيب ابوكى وامك علشان زمان ابوكى قلقان وامك مولعه
• خرج دياب ورجع مع عمر وامل وليندا واول ما دخلوا راح دياب على وقعد جمب ريهام وسط استغراب من عمر صقر وامل
عمر : عملت ايه يا دياب
دياب : متقلقش يا عمى انا وريهام اتصالحنا وشالت موضوع الطلاق من دماغها
عمر : الحمد *** انا كده ارتحت
امل : واحنا تحت امر سيادتك بقى علشان تصالح وتخاصم وقت ما تحب
دياب : بصى يا امل علشان اريحك .... انا عارف ومتاكد انك بتكرهينى وبتتمنى موتى النهارده قبل بكره والحقيقه انا كمان ببادلك نفس الشعور بس الفرق بينى وبينك انى بحب بنتك وعامل لزعلها الف حساب لكن الظاهر انك انتى اللى مش عامله اى اعتبار لبنتك
امل : قصدك ايه يا دياب
دياب : هفهمك قصدى ..... انتى عندك استعداد انك تخسرى اى حاجه علشان تخلصى منى حتى لو هتخسرى بنتك يعنى كرهك ليا اكتر من حبك لبنتك .... لكن انا عكسك تماما حبى لبنتك اكبر من بكتير من كرهى ليكى ومش عاوز اجرحها ...... حبى ليها اللى خلانى اول ما اعرف انها بتولد انسى كل حاجه انتى عملتيها واروحلك بنفسى علشان اقولك تبقى جمبها فى يوم زى ده وعلى فكره مش ندمان على اللى عملته
ريهام : خلاص يا دياب مش عاوزه اسمع كلام من ده تانى
ليندا : ريهام عندها حق يا ادم كفايه كلام فى اللى حصل وسيبونا نفرح شويه
دياب : حاضر
ليندا : قولولى بقى القمر الصغيره دى هتسموها ايه
دياب : انا اختارت الاسم من زمان ده بعد اذنك يا ريهام
ريهام : انا موافقه على اى اسم انت تختاره
ليندا : هتسميها ايه بقى
دياب : ابتسام على اسم امى
• امل صقر اول ما سمعت الاسم بان على وشها كل ملامح الغضب والذعر بس مش قادره تنطق
ريهام : وانا موافقه
• فجأه دخلت عليهم هايدى العاصى
هايدى : الف مليون مبروك على القمر بتاعتنا
ريهام : **** يبارك فيكى يا هايدى واحشانى يا جزمه
هايدى : اعمل ايه ضغط الكليه والامتحانات سامحينى
ريهام : مسامحاكى ..... طمنينى عليكى
هايدى : الحمد *** كويسه ..... الف مبروك يا دياب
دياب : **** يبارك فيكى يا هايدى
هايدى : ايه اخبار سليم الجراح
دياب : ادعيله يا هايدى
هايدى : **** يقومه بالسلامه انشاء ****
دياب : ****
هايدى بعد اذنك يا دياب عاوزاك فى موضوع مهم على جنب
دياب : خير فى حاجه
هايدى : موضوع مهم ولازم افهمهولك
دياب : حاضر ..... تعالى نخرج من الاوضه
• فجأه دخل كريم على دياب وهو على وشه كل علامات الغضب
دياب : فى ايه با كريم مالك
كريم : مصيبه سوده
دياب : مصيبة ايه تانى
• خرج كريم تليفونه وشغل فيديو
كريم : اتفرج على الفيديو ده وانت تعرف
دياب : فيه ايه الفيديو ده
كريم : ده لقاء معمول مع النقيب حازم الجراح قريب سليم وعيال عمك
دياب : ومين اللى عامل معاهم اللقاء ده
كريم : جريده امريكيه واللقاء منتشر على اليوتيوب والفيسبوك وكل مواقع السوشيال ميديا
دياب : هو ده الموضوع اللى كنتى عاوزانى فيه يا هايدى
هايدى : ايوا يا دياب
دياب : ويا ترى ايه فيه فى اللقاء الزفت ده
كريم : اتفرج بنفسك وانت تعرف
• اخد دياب التليفون وشغل الفيديو ...... كان فى الفيديو المذيع ومعاه النقيب حازم الجراح وسلم العاصى واخته امينه
المذيع بيكلم حازم : حضرتك بتقول انك كنت ماسك قضية قتل اسامه الهوارى واللى كان متورط فيها رجل الاعمال سليم الجراح
حازم : ايوا انا اللى كنت شغال على القضيه
المذيع : وايه اللى حصل فى التحقيقات
حازم : مكانش فى تحقيقات اصلا دى كانت مهزله
المذيع : مهزله ازاى يعنى ياريت توضح كلامك
حازم : قصدى ان القضيه اتقفلت بطريقه غريبه ..... مجرد ما ظهر ربط بين قتل اسامه والدكتور سليم الجراح وان اللى متورط يبقى سليم فجأه كل حاجه وقفت
المذيع : ايه الرابط ده وازاى كل حاجه وقفت فجأه
حازم : الرابط ده كان عربيه بتراقب اسامه قبل حادثة القتل ونفس العربيه كانت بتراقب الدكتور سليم الجراح قبل الحادثه اللى مات فيها ولما فتشنا على العربيه عرفنا انها بتاعة سليم الجراح ..... فجأه قالو ان فى ناس هى زورت عقود العربيه علشان يورطوا سليم الجراح فيها وراحوا حابسين كام موظف غلبان فى المرور والشهر العقارى علشان يخرجوا سليم من القضيه
المذيع : يعنى حضرتك بتتهم سليم الجراح بشكل واضح ان هو اللى قتل عمه وصاحبه
حازم : ايوا حضرتك
المذيع : بس معلوماتنا بتقول ان سليم الجراح يعتبر ابن عمك يعنى المفروض تساعده
حازم : حضرتك انا ظابط شرطه واهم حاجه عندى احقق العدل وانفذ القانون
المذيع : طالما كده ليه قعدت ساكت طول الفتره اللى فاتت
حازم : انا اتكلمت كتبر وكله كان بيرفض يسمعنى
• بعد كده المذيع وجه كلامه لسالم العاصى وامينه اخته
المذيع : وانتوا ايه علاقتكم برجل الاعمال دياب العاصى
سالم : المفروض انه ابن اخونا عبدالرحمن **** يرحمه
المذيع : يعنى ايه المفروض مش فاهم
امينه : احنا اصلا مش مصدقين ان دياب يبقى ابن اخونا اصلا
المذيع : ازاى يعنى
امينه : انا هقول لحضرتك ..... اخويا عبدالرحمن كان بيحب واحده سمعتها مش كويسه ولما قال لابويا انه عاوز يتجوزها ابويا رفض لكن اخويا وقف قصاد ابويا وصمم على جوازه منها ...... ابويا غضب منه وطرده على اساس انه يفوق لعقله ويرجع تانى لكن اتفاجئنا ان عبدالرحمن اتجوز الست دى وقتها ابويا تعب بس برضه ده كان ابنه ومينفعش يسيبه علشان كده ابويا بعت ناس تراقب اخويا ومراته ..... اخويا كان دايما فى شغله وبيسافر كتير ويسيب مراته لوحدها فى البيت ..... والرجاله رجعوا لابويا وقالوله انهم بيشوفوا راجل غريب كده دايما بيدخل البيت عند اخويا بعد ما يخرج على شغله ..... وفجأه عرفنا ان مرات اخويا حامل
المذيع : يعنى حضرتك بتقولى ان دياب ده مش ابن اخوكى وانه ابن زنا
امينه : ايوا
المذيع : بس احنا مايهمناش الموضوع ده ..... انتوا كنتوا بتقولوا ان دياب شغله مش مظبوط
سالم : ايوا حضرتك
المذيع : ازاى بقى
سالم : فى حالة غموض غريبه ناحية دياب وشغله ده غير انه دبر قصة موته من كام سنه بدون سبب .... ده غير الكلام الكتير اللى بيتقال عنه وانه بيشتغل فى السلاح والاثار وشغل المقاولات والادويه مجرد ستاره لشغله الحقيقى
المذيع : فى دليل واضح على كلامكم ده
سالم : فى ناس كتير شافوه بيعاين بيوت قديمه ومهجوره علشان يطلع منها الاثار
المذيع : لا كده الموضوع بقى كبير فعلا
• اشتغل الحوار اكتر من نص ساعه وكل شويه يخترعوا تهمه جديده عليا انا ودياب ..... دياب كان بيتابع الفيديو وملامح الغضب ظاهره على وشه .... اما باقى الموجودين باين عليهم ملامح الخوف من تصرف دياب ..... بعد ما خلص الفيديو دياب بص على كريم
دياب : سالم العاصى وامينه فين
كريم : موجودين فى بيوتهم
دياب : ورجالتك فين
كريم : موجودين فى الاقصر وعينهم على سالم وامينه
دياب : قولهم يتحركوا دلوقتى حالا ..... عاوزهم تحت رجلى النهارده
كريم : حاضر يا فندم
دياب : عاوزهم عايشين
كريم : حاضر يا فندم
دياب : يلا اتحرك فورا عاوزهم يكونوا تحت ايديكم بعد نص ساعه بالكتير
كريم : عشر دقايق وكل حاجه هتخلص رجالتنا موجودين هناك ومستنيين اشاره
دياب : طب يلا بسرعه
• خرج كريم وبعدها دياب قعد ساكت
ليندا : انت ناوى على ايه يا دياب
دياب : عيال العاصى استعجلوا على نهايتهم
ريهام : هتقتلهم
دياب : الموت هيبقى رحمه مش هيطولوها طول ما انا عايش ..... انا يطعنوا امى فى شرفها ماشى ..... انا بقى هخلى لقطط الشوارع شرف عنهم
عمر : هتعمل ايه يا دياب
دياب : اتفرج وانت ساكت ..... وانتى يا امل ياريت تتفرجى على اللى هيحصل علشان تاخدى منه عظه وعبره قبل ما تتصرفى تصرف تندمى عليه
• بعد عشر دقايق دخل كريم عند دياب
كريم : كله تمام يا فندم
دياب : هما فين دلوقتى
كريم : خطفوهم من بيوتهم واتحركوا بالعربيات على الطريق ومستنيين الأوامر
دياب : هاتهم على القاهره واطلع بيهم على الفيلا الكبيره
كريم : حاضر يا فندم
دياب : ابعت رجاله على المقابر علشان ينفذوا اللى انا امرت بتأجيله
كريم : حاضر يا فندم
دياب : يلا اتحرك وجهز المكان علشان الحفله ..... حفله هتقعد سبع ايام بلياليهم بالتمام والكمال ..... عاوزك تجهز الكاميرات على اعلى مستوى
كريم : هروح اجهز كل حاجه بنفسى ..... بس فى حاجه حصلت لازم تعرفها
دياب : ايه حصل تانى
كريم : رجالتنا فى البورصه بيحذرونا من عاقبة اللقاء اللى حصل
دياب : سيبك من الزفت دلوقتى واتحرك زى ما قولتلك
كريم : حاضر يا فندم
• بعد ما كريم خرج
دياب : انا ماشى دلوقتى ..... هتروحى ولا هتقعدى مع ريهام
ليندا : لا انا هبات الليله مع ريهام
دياب : وابنك هتسيبيه
ليندا : ابنى معايا هنا بس نايم دلوقتى مع الداده بتاعته
دياب : طب تمام ..... وانتى يا ريهام انا هرجعلك تانى علشان اتطمن عليكى
ريهام : حاضر
• سابهم دياب ونزل اخد عربيته وطلع على الدكتور سليم الجراح فى فيلا كريم
سليم : كويس انك جيت انا لسه كنت هكلمك
دياب : هنتصرف ازاى دلوقتى فى موضوع القضيه اللى اتفتح تانى
سليم : انا بقالى ساعتين بفكر ومش عارف اوصل لقرار
دياب : اللى حصل ده هيدمر كل اللى احنا عملناه طول الشهرين اللى فاتوا والاسهم هتوقع ومش هتقوم تانى
سليم : البورصه دلوقتى قافله وبكره لما تفتح هنشوف ايه اللى هيحصل وعلى اساس كده نتصرف
دياب : مجرد ما البورصه تفتح هتلاقى انهيار فى حركة الاسهم بتاعتنا
سليم : كل حاجه وليها حل
دياب : هنتصرف ازاى مع استر دلوقتى
سليم : سيبك من استر انا هعرف اتصرف معاها وارد عليها الرد المناسب
دياب : تمام يا دكتور ..... هستاذن انا دلوقتى علشان معايا مشوار مهم
سليم : استنى عندك يا دياب انت رايح فين
دياب : معايا مشوار مهم
سليم : كريم كلمنى وبلغنى باللى انت طلبته منه
دياب : بعد اذنك يا دكتور ده موضوع خاص بيا انا ومش هسمح لحد انه يتدخل فيه
سليم : اهدى يا دياب دى مش خناقه فى شارع
دياب : قولت لحضرتك ده موضوع خاص بيا ومش هسمح لمخلوق انه يتدخل واعتبرها خناقه فى شارع وهنفذ اللى فى دماغى مهما كلفنى
سليم : وايه اللى فى دماغك يا دياب
دياب : بكره هتعرف ..... لكن دلوقتى سيبنى علشان استعد كويس
سليم : براحتك يا دياب ..... تقدر تتفضل
• من ناحيه تانيه فى فيلا احمد صقر ..... احمد وعمر وامل ومحمد وفاتن وامانى ومعاهم سليم كلهم متجمعين
عمر : يا سليم
سليم : ايوا يا جدى
عمر : تفتكر دياب هيعمل ايه بالظبط
سليم : هيعمل فضيحه عمرها ما حصلت قبل كده ولا حد هيقدر يعملها من بعده
عمر : قصدك ايه
سليم : مش برضه دياب خطف سالم وامينه
عمر : ايوا
سليم : اقل حاجه هيعملها انه هيضيع شرفهم اذا كان اصلا عندهم شرف واظن ان انت فاهمنى كويس
عمر : اقل حاجه ..... امال ايه اكتر حاجه ممكن يعملها
سليم : من ناحية اكتر حاجه دى انا معرفهاش لكن اللى متاكد منهم ان هيعمل فضيحه كبيره تخلى كل الناس تحلف بيها
عمر : دى مصيبه
سليم : دى البدايه والمصايب جايه كتير بعد كده
امل : انت ازاى بتتكلم ببرود كده زى ما يكون اللى اتخطفوا دول مش اهلك والفضيحه مش هتطولك
سليم : لأنهم فعلا مش اهلى
امل : ازاى بقى ده احنا المفروض عيله واحده
سليم : اى حد يعادى دياب يبقى مش من اهلى يا جدتى ..... وباللى عملوه ولاد العاصى النهارده عجلوا بنهايتهم ..... ياريت انتى كمان تتعظى يا جدتى قبل ما الخراب يطولك
امل : هسالك سؤال وتجاوبنى بصراحه يا سليم
سليم : الجبان بس هو اللى بيكذب يا جدتى وانا اتربيت على انى اكون قوى مش جبان
امل : لو حصل ووقفت انا ودياب قصاد بعض فى يوم من الايام انت بقى هتوقف مع مين فينا انا ولا دياب
سليم : دياب طبعا وبدون تفكير او تردد
امل : يعنى بتحب دياب اكتر من جدتك
سليم : انا بحب دياب اكتر من نفسى انا شخصيا ومستعد افديه بحياتى بس مش ده السبب
امل : امال ايه السبب
سليم : السبب انى وقفت فى صفك كتير ومش انا لوحدى لا عمتى ريهام كانت معايا ..... وقفنا كتير قصاد دياب علشان نحميكى منه ..... لولا وجودى انا وريهام كان زمانك دلوقتى مع سالم وامينه واخوكى
امل : اخويا .... ايه دخل اخويا بالموضوع
سليم : ليه هو انتى متعرفيش ان سعد اخوكى تحت ايد دياب من اكتر من 3 شهور ولا انت مقولتلهاش يا بابا
احمد : ........
امل : ساكت ليه يا احمد ما تنطق .... صحيح سعد عند دياب
احمد : انا اول مره اعرف الكلام ده ..... مين اللى قالك يا سليم ان خالى عند دياب
سليم : دياب مش بيخبى عنى حاجه خالص وفعلا سعد تحت ايد دياب من 3 شهور وبيتسلى بيه كل يوم مش باقيله غير شويه صغيرين ويوصل لمرحلة الجنون
• قامت امل مفزوعه ومسكت سليم من رقبته وسليم سايبها ومش بيقاوم واتدخل الجماعه علشان يخلصوا سليم من ايدها
سليم : مش عاوز حد فيكم يتحرك سيبوها تطلع كل اللى جواها
امل : عملتوا ايه فى اخويا
سليم : اهدى يا جدتى وسيبينى انا مراعى لحد دلوقتى انك جدتى
امل : انت خليت فيها جدتك ..... انت خلاص بقيت تبع الكلب اللى رباك
سليم : ياريت ماتغلطيش فى دياب علشان ردى عليكى هيكون صعب ومش هتقدرى تستحمليه
امل : طب دياب كلب ووسخ وابن شرموطه ورينى بقى هترد عليا ازاى
• فجأه عين سليم برقت وبكل هدوء مسك امل من ايدها ونزلها من على رقبته ولفها وراء ضهرها وركعها فى الارض وحط ايده على رقبتها ..... الجماعه حاولوا يوقفوه
سليم : اللى هيتقدم فيكم خطوه واحده هقطع رقبتها فورا
فاتن : ارجوك يابنى كفايه علشان خاطرى
سليم : بعد اذنك يا ماما اسكتى
امل : سيبنى يا حيوان
سليم : اغلطى فيا براحتك مش مشكله لكن تفكرى تغلطى فى دياب انا اللى هوقفلك بنفسى ..... دياب يبقى سيدك وتاج راسك وجزمته يحطها فوق دماغك
احمد : كفايه يابنى على كده
سليم : قولتلك يا بابا الف مره قبل كده ابعدوا عن دياب واعملوا كل اللى انتوا عاوزينه بس انتوا ماسمعتوش الكلام
• فجأه دخل عليهم دياب
دياب : سليم ..... انت بتعمل ايه
سليم : ارجوك يا دياب
دياب : سيب جدتك فورا ..... اخلص
• سليم ساب امل
دياب : ايه اللى انت بتعمله ده ..... انا ربيتك على كده
سليم : انت مش عارف هى قالت ايه
دياب : مهما كان اللى قالته هى برضه جدتك ومايصحش تعمل فيها كده
سليم : دى كانت بتشتمك
دياب : قولتلك الف مره قبل كده ابعد عن المشاكل اللى بينى وبينهم
سليم : مش قادر اسمعها بتشتمك واقعد ساكت
دياب : مش هكرر كلامى تانى
سليم : حاضر يا دياب
دياب : اعتذر لجدتك
سليم : انا اسف يا جدتى
دياب : قوليله مسامحاك يا امل
امل : لا طبعا مش مسامحاه
دياب : براحتك ده شئ يرجعلك ..... انا كل اللى يهمنى ان سليم يعتذر عن اللى عمله لكن انتى ماتفرقيش بالنسبالى ..... اسيبكم انا بقى
عمر : استنى يا دياب عاوزك
دياب : خير يا عمى
عمر : انت فعلا خطفت سعد
دياب : يهمك اوى الموضوع ده
عمر : طبعا يهمنى
دياب : ايوا يا عمى انا خطفت سعد من 3 شهور
عمر : ليه خاطفه المده دى كلها
دياب : علشان اتسلى عليه واموته بالبطئ ..... على فكره موضوع سعد غير قابل للنقاش ومش هيخرج من عندى غير جثه وبالنسبه للجماعه اللى جايين فى الطريق اللى هيفكر فيكم يكلمنى عنهم هيشاركهم فى اللى هيحصل فيهم
عمر : انت جاى ليه دلوقتى
دياب : انا جاى علشان حاجه واحده بس ...... ريهام طلبت منى انها بعد ما تخرج من المستشفى تقعد عندك يا عمى كام يوم ترتاح فيهم وانا وافقت على طلبها وجيت علشان اقول لحضرتك حاجه واحده بس عقل بنتك لانى مستحمل بسببها بلاوى كتير علشان بحبها لكن للصبر حدود وانتو عملتوا معايا اللى مايستحملهوش بشر لكن من النهارده مفيش حاجه هتعدى ومش بس هحاسب اللى يغلط لا انا هحاسب اللى هيفكر مجرد تفكير انه يغلط
• فجأه تليفون عمر صقر رن وكان طارق ابنه ورد عليه
عمر : الووووو .... خير يا طارق فى حاجه تانى حصلت ..... انت بتقول ايه ..... طب اقفل يا طارق وانا هتصرف
• بعد ما قفل عمر التليفون بص على دياب
عمر : ايه اللى انت عملته ده يا دياب ..... وصلت بيك انك تفتح قبر العاصى وتاخد جثته
• كل الموجودين اتصدموا لما سمعوا الخبر
دياب : ولسه اللى جاى ..... مش كنتوا عاوزين تفضحونى قصاد الناس بالباطل انا بقى هوريكم الفضايح اللى بجد هتكون ازاى علشان كده بقولكم انتوا لحد دلوقتى فى امان بسبب ريهام وسليم وانت يا عمى ..... ايوا يا عمى انت سبب مهم فى انى مش قادر اعمل حاجه لمراتك .... انت الوحيد من العيله اللى وقف مع ابويا وكان بيحاول يساعده علشان كده ليك مكانه كبيره عندى تغفرلك
عمر : طب لو زى ما بتقول ان ليا مكانه عندك بلاش الفضايح اللى عاوز تعملها
دياب : للاسف يا عمى مكانتك يادوب تشفعلك مع مراتك واولادك لكن سعد وعيال العاصى محدش هيقدر يشفعلهم عندى مهما كان ..... ومتخافش يا عمى انا هحاسب كل واحد على قد عمله ..... يعنى العاصى اللى ساب ابويا يعيش غريب ورفض يدفنه فى مدافن العيله انا حكمت عليه بنفس الحكم وهدفنه غريب برضه بس وسط جثث الكللابب والخنازير ..... وعيال العاصى اللى داسوا على شرف امى قصاد الناس انا برضه هدوس على شرفهم قصاد الناس ..... وسعد بقى غلطاته كتير معايا وهدفعه اللى عمله مع ابويا ومع ريهام وسليم ..... انا اتعلمت فى الحياه دى انها داين تدان وعلى قد عملك هتحاسب ..... انا همشى دلوقتى يا عمى وياريت تعقل بنتك ومراتك
عمر : امشى يا دياب انت عندك حق فى كل اللى قولته
احمد : استنى يا دياب انا عاوزك لوحدنا شويه
دياب : تعالى يا احمد
• خرج دياب مع احمد
دياب : عاوز ايه يا احمد
احمد : انت ليه بتعمل كده ..... انا وثقت فيك وجوزتك اختى طلعت بتعمل كل ده علشان تنتقم
دياب : انت مصدق نفسك يا احمد
احمد : قصدك ايه
دياب : انا لو كنت ناوى على الانتقام كنت هبدأ بيك انت
احمد : ليه هو انا عملت ايه
دياب : لا من الناحيه دى انت عملت كتير وبدايتها تعاملك مع استر اللى انا عارف انك حطيت ايدك فى ايدها من اول يوم ومطنش وساكت ..... ضربتلى المناقصه بتاعتى وانا برضه مطنش وساكت علشان خاطر سليم ..... انا مطنشلك مصايب كتير انت بتعملها علشان خاطر سليم وريهام وابوك
احمد : .......
دياب : ساكت يعنى ..... مش مهم انا مش منتظر منك اى رد بس عاوز ابلغك رساله توصلها لأستر ..... قولها انتى دخلتى لعبه انتى مش قدها ولعبتى فى منطقه محظوره وردى هيوصلك اسرع مما تتخيلى
• مشى دياب من عند احمد صقر وطلع على المقطم ..... كريم كان موجود فى الفيلا ببجهزها
دياب : عملت ايه يا كريم
كريم : كله تمام زى ما طلبت
دياب : اخبار اسطبل الخيل ايه
كريم : الرجاله هناك بتجهز الكاميرات والإضاءه
دياب : والاقفاص بتاعة الكللابب
كريم : جاهزه من بدرى
دياب : الجماعه هيوصلوا امتى
كريم : بعد الفجر هيكونوا وصلوا
دياب : حلو اووووى ..... اسمعنى بقى فى اللى هقولهولك وعاوزك تنفذه بالظبط
كريم : عاوز ايه تانى يا دياب
دياب : بعد الفجر عاوزك تروح تحت كوبرى السيده عائشه هتلاقى هناك العمال اللى بيشتغلوا فى الفاعل عارفهم
كريم : ايوه عارفهم
دياب : عاوزك تختار كام واحد منهم بس عاوزك فى اللى تختارهم يكونوا رجاله شديده وفى نفس الوقت يكونوا فى منتهى القذاره وشكلهم بشع بخليك عاوز ترجع من القرف وتجيبهم على الفيلا هنا بعد ما تغمى عنيهم وميعرفوش هما رايحين على فين وعاوزك كمان تجيب كام واحد من الناس اللى بينضفوا الشوارع ولو لقيت ناس فى طريقك من المشردين واللى عايشين تحت الكبارى هاتهم مايهمكش ..... عاوزك تجمعلى كوكتيل على مزاجك كده كوكتيل يخليك تتمنى الموت على انك تبص على شكل واحد فيهم
كريم : مش كتير اللى انت بتفكر فيه يا دياب
دياب : قولتلك يا كريم مش عاوز نقاش فى الموضوع ده نهائى
كريم : انا مقدر الغضب اللى جواك
دياب : طالما مقدر يبقى تنفذ من غير نقاش
كريم : حاضر يا دياب
دياب : سيبنى يا كريم دلوقتى عاوز اقعد لوحدى شويه
كريم : حاضر
• قعد دياب لوحده لبعد الفجر لحد ما وصل الجماعه ودخلوهم فى البدروم وقفلوا عليهم وبعدها بشويه وصل كريم ومعاه الرجاله اللى طلبهم
دياب : تمام جدا يا كريم
كريم : هتعمل ايه دلوقتى يا دياب
دياب : ننزل للضيوف علشان نبدأ
كريم : حاضر يا دياب
• نزل دياب للبدروم ومعاه كريم ..... اول ما امينه وسالم شافوا دياب اترعبوا
دياب : حمد **** على السلامه على اوسخ ناس عرفتها
امينه : هتعمل ايه يا دياب
دياب : هتعرفى يا عمتى دلوقتى بس فى الاول فى كلمتين جوابا بقالهم سنين ومحتاج اخرجهم ..... انا عملتلكم ايه علشان تكرهونى بالشكل ده ...... ابويا اتجوز واحده مش من مستواكم قولنا ماشى ممكن تكرهوه لكن انا ذنبى ايه ...... حاولتوا تقتلونى قبل كده وسامحتكم ..... الفلوس اللى الزفت ابوكم كتبهالى رميتهالكم فى وشكم من زمان وقولتلكم سيبونى فى حالى ..... لكن يوصل بيكم الكره انكم تضربونى فى شرف امى يا انجس خلق **** انا متهيألى ان انتوا انجس من الخنازير
امينه وسالم : .......
دياب بزعيق : ساكتين ليه انطقوا
امينه : عاوزنا نقول ايه
دياب بتنهيده : انتوا بتكرهونى بالشكل الفظيع ده ليه
امينه : .......
دياب : برضه ساكتين ..... على العموم انا مش منتظر منكم اجابه بس النهارده هخلى لكرهكم سبب مقنع
سالم : هتعمل ايه يا دياب
دياب : زى ما حاولتوا تضربونى فى شرفى انا هدوس على شرفكم وهخلى فضيحتكم على كل لسان
سالم : انت ناوى على ايه
دياب : هتشوف دلوقتى ..... يا كريم
كريم : ايوا يا فندم
دياب : فهمت الرجاله هيعملوا ايه
كريم : كله تمام يا فندم
دياب : روح هات الرجاله
كريم : حاضر يا فندم
• خرج كريم ورجع بعدها ومعاه الرجاله ..... سالم وامينه اول ما شافوا الرجاله اتفزعوا من الشكل
دياب : ايه رائيكم فى التشكيله الجميله دى ..... هتقعدوا هنا اسبوع هدوس فيه على شرفكم ..... اول حاجه هنبدأ بيها الرجاله اللى انتوا شايفنها .... بعد كده مرحلة الخيل والكللابب ..... عندنا خيل وكلاب مدربين على ممارسة الجنس
امينه : اللى انت بتعملوا ده افترى
دياب : انتى لسه شوفتى افترى يا عمتى اصبرى لسه التقيل جاى ..... ابدأ يا كريم زى ما فهمتك وانا رايح على الشركه وهتابع معاك بالتليفون
كريم : حاضر يا فندم
• بدأ الرجاله مع امينه وسالم
• دياب اتحرك على الشركه واول ما وصل كان المستشارين بتوعه موجودين وكل الناس كان بيبصوا على دياب ويتغامزوا بينهم وبين بعضهم بسبب اللى انتشر
دياب : ايه الاخبار فى البورصه
مستشار 1 : للاسف رجعنا تانى لنقطة الصفر والمره دى مش هينفع التعامل بشده زى المره اللى فاتت
دياب : قصدك ايه
مستشار 1 : يعنى لازم حل جذرى ..... احنا لو ضغطنا على العملاء اكتر من كده مجرد ما عقودهم تنتهى مش هيتعاملوا معانا تانى بعدها ده غير اللى ممكن يضحى بالشرط الجزائى ويلغى العقد وفى الحاله دى هنبقى داخلين على كارثه ملهاش مثيل
مستشار 2 : يافندم البورصه فتحت من ساعتين بس وفى خلال الساعتين دول اسهمنا وقعت بنسبة 45% واحنا لسه فى بداية اليوم
دياب : طب من وجهة نظركم ايه الحل الجذرى اللى المفرض نشتغل عليه
مستشار 1 : فى حلين
دياب : ايه الحل الاول
مستشار 1 : نطرح جزء من الاسهم علشان نأمن نفسنا
دياب : انسى الحل ده
مستشار 1 : يبقى مفيش غير ان احنا نشوف كيان اقتصادى قوى ونعمل معاه دمج ووقتها هيتغير حاجات كتير
دياب : سيبنى شويه افكر فى الموضوع ده لان ده مش قرارى لوحدى فى شركاء لازم اتناقش معاهم الاول
مستشار 1 : خد وقتك يا فندم
مستشار 2 : فى رأى تانى يافندم
دياب : اتفضل قول
مستشار 1 : المشكله الاساسيه اللى بتواجهنا خاصه بمجلس الاداره سواء كان مستر سليم او حضرتك
دياب : وبعدين
مستشار 2 : انا شايف ان حضرتك تركز مع مجموعة الفهد الاسود ويتم تشكيل مجلس اداره جديد لشركات الجراح ولو بشكل مؤقت ومجرد ما الازمه تعدى ترجع حضرتك تانى لمجلس الاداره
دياب : من ناحية تغيير مجلس الاداره انا فعلا فكرت فى الموضوع ده
مستشار 2 : دلوقتى كل الحلول عند حضرتك شوف بنفسك واختار اللى يناسب حضرتك
دياب : سيبونى دلوقتى وانا لما هوصل لقرار هبلغكم
• بعد ما خرج المستشارين من عند دياب تليفونه رن ورد عليه
دياب : الوووووو .... ازاى يعنى ..... دى خطوه مش محسوبه ..... طب جايلك دلوقتى .... مع السلامه
• من ناحيه تانيه عندى فى فى الفيلا .... انا نايم فى الغيبوبه وكل الناس حواليا بما فيهم الحاج اكرم العصار وكريمه مراته والحاج عزت وفاطمه مراته ده غير مريم وبنات عمى ويوسف
اكرم : وبعدين يا يوسف ..... سليم قاعد فى الغيبوبه بقاله شهرين
يوسف : انا بجد مش عارف هيفضل فى الغيبوبه لحد امتى والدكاتره مفيش على لسانهم غير جمله واحده وهى مفيش اى حاجه فى ايديهم
شرين : انا شايفه ان احنا نسفر سليم بره مصر
يوسف : احنا بعتنا الاشعه والتحاليل لأكبر مستشفيات فى العالم ومفيش اى جديد فى كلامهم
عزت : اكيد لازم يكون فى حل
لمياء : الحل الوحيد فى ايد **** وحده
اكرم : مالك يا مريم ساكته ليه
مريم : عاوزنى اقول ايه يا عمى
اكرم : قولى اى حاجه بس ماتسكتيش كده
مريم : كلامى هيفيد بأيه
اكرم : انتى لازم تخرجى من الحاله اللى انتى فيها لو مش علشانك يبقى علشان اللى فى بطنك يابنتى
مريم : انا اتشائمت من اللى فى بطنى خلاص ومش عاوزاه .... انا عاوزه انزله
اكرم : استغفرى **** يا بنتى .... حرام عليكى يا بنتى انتى كده بتكفرى .... احنا كلنا ملناش فى نفسنا حاجه
عزت : يابنتى **** كبير ورحيم واكيد مش هيسيبنا كده .... اهم حاجه ترضى باللى **** يكتبه
لمياء : عندهم حق يا مريم ..... سليم كان دايما بيقول اهم حاجه ان الواحد يرضى باللى **** كاتبه ولو رضى كل حاجه هتتحل من نفسها
يوسف : خلاص يا جماعه سيبوها فى حالها ..... مريم تعبانه شويه وكتر خيرها
اكرم : قولى يا يوسف ايه اللى حصل بعد الفيديو بتاع امبارح
يوسف : حصلت مصايب كتير يا حاج
اكرم : ايه اللى حصل
يوسف : حازم الجراح اتحول للتحقيق واتوقف عن العمل ..... اما بقى المصيبه اللى عملها دياب ومحدش عارف يمسك عليه حاجه ده موضوع تانى خالص
اكرم : قصدك على موضوع خطف امينه وسالم
يوسف : لا ده فى الالعن من كده
اكرم : ايه فى تانى
يوسف : دياب بعت ناس للمقابر وفتحوها واخد جثمان العاصى
اكرم : هى حصلت لنبش القبور ..... طب هيعمل ايه بالجثمان
يوسف : محدش عارف اى حاجه ..... وامبارح بالليل دياب راح فيلا احمد صقر وهددهم كلهم ان اللى يفكر فيهم يتعرضله هيولع فى الكل ده غير ان دياب طلع خاطف سعد صقر من 3 شهور ومحدش عارف هو بيعمل فيه ايه لحد دلوقتى
اكرم : ايه ده كله .... ومين اللى قالك كل ده
يوسف : هايدى بنت طارق العاصى كلمتنى وقالتلى على اللى حصل ده غير سيف اخوها كلمنى علشان مراته تبقى بنت امينه والبنت خايفه على امها وابوها وكان عاوز يوسطنى عند دياب خصوصا بعد ما كلم قيادات كتير فى الجيش علشان يساعدوه بس محدش وافق يتدخل فى الموضوع
اكرم : هما ليهم عين يتكلموا بعد اللى حصل
يوسف : هى دى المشكله ..... والمصيبه الاكبر فى التهديد اللى هدد بيه دياب
اكرم : هدد بأيه
دياب : هدد انه هيدوس على شرفهم ويعملهم فضيحه محصلتش زى ما خاضوا فى شرف امه وابوه
شرين : بصراحه عنده حق ومحدش يقدر يلومه على اى حاجه هيعملها
يوسف : المصيبه بقى ان انا مش قادر غير انى اتعاطف مع دياب وفى نفس الوقت المفروض فى قانون هو اللى المفروض يرجعله حقه والا هتبقى غابه
عزت : يا يوسف انت عارف كويس ان الشرف مفيش فيه اى تهاون واللى عمله سالم واخته يستاهلوا بسببه الحرق
يوسف : عارف يا عمى
عزت : خلاص يبقى سيب الامور تمشى زى ما هى
يوسف : وانت شايفنى عملت حاجه ما انا سايب كل حاجه تمشى زى ما هى
عزت : بقولك ايه يا حاجه فاطمه
فاطمه : ايوا يا حاج
عزت : مش كفايه قعده هنا ونرجع البلد بقى
فاطمه : عاوزنى ارجع البلد من غير ما اتطمن على ابنى
يوسف : ايه اللى بتقوله ده يا عمى هتمشى ازاى
عزت : كفايه يابنى كده الواحد يرجع بيته بقى
مريم : وهنا كمان بيتك يا عمى ..... سليم بيحبك وبيعتبرك زى والده تفتكر لو والد سليم عايش كان هيسيبه ويسيب مراته فى ظرف زى ده
فاطمه : بقولك ايه يا حاج انت قبل كده امرتنى اسيب ابنى غصب عنى وكانت النتيجه انه مات واتحرمت منه باقية حياتى جاى دلوقتى عاوزنى اسيب ابنى التانى ..... ده اللى مش هيحصل وانا مش هسيب ابنى لو السماء اتطبقت على الارض
عزت : انا بقول نسافر البلد وبعد اسبوع ولا اتنين نرجع تانى
مريم : وليه البهدله دى يا عمى
عزت : يابنتى احنا بقالنا كتير قاعدين هنا وحاسس ان احنا متقلين عليكم
مريم : ماتقولش كده يا عمى البيت بيتك واحنا اللى ضيوف عندك ..... وبعدين فى الظروف اللى زى دى لازم كلنا نبقى مع بعض
عزت : بس يا بنتى
مريم : خلاص مفيش نقاش فى الموضوع ده
• فجأه الباب خبط والشغاله راحت تفتح ومجرد ما فتحت الباب صرخت بالصوت العالى وكلهم قاموا مفزوعين ويوسف سحب سلاحه وراحوا يشوفوا فى ايه واتفاجئوا مفاجاه مش فى الحسبان لان الدكتور سليم الجراح هو اللى كان على الباب ومعاه دياب .... مريم وشرين ولمياء مصدومين ومش عارفين يعملوا ايه وفجأه دخلوا فى حضن ابوهم وانهاروا من العياط .... بعد شويه هديوا ودخلوا قعدوا
يوسف : ايه اللى بيحصل يا دياب
دياب : هتفهم كل حاجه يا يوسف بس الصبر
سليم : اذيك يا حاج اكرم
اكرم : بصراحه مش عارف ارد واقولك ايه بالظبط
سليم : ماتقولش حاجه انا عارف ان المفاجأه صعبه .... بعد كده بص على الحاجه كريمه ..... ازيك يا بنت عمى
كريمه : هتفضل طول عمرك غريب يا سليم ومحدش عارف انت بتفكر فى ايه ولا بتعمل ايه
سليم : معلش بقى يا بنت عمى الظروف هى اللى حكمت
شرين : هو انت فعلا عايش يا بابا
سليم : لا لسه ميت بس واخد اذن ساعه اتطمن عليكم وبعد كده اموت تانى .... جرى ايه يابت انتى ما انا قاعد قصادك عايش وزى الفل
شرين : طالما عايش وزى الفل ايه اللى خلاك تعمل كل ده
سليم : مش وقته الكلام ده دلوقتى .... طمنونى عليكم .... ايه اخبارك يا مريم واخبار اللى فى بطنك .... وانتى يا لمياء ايه اخبارك انتى واسامه الصغير
لمياء : ما حضرتك عارف كل حاجه عننا
سليم : ليه هو انتى فاكره انى هسيبكم كده من غير ما اعرف اخباركم ولا اتطمن عليكم .... انا عملت كده علشان احميكم قبل ما احمى نفسى .... وجودى جمبكم كان خطره اكبر عليكم
لمياء : وايه اللى حصل خلاك ترجع كده ايه الخطر خلص
سليم : لا طبعا عمر الخطر ما هيخلص بس كان لازم ارجع بعد الفيديو بتاع امبارح علشان احمى سليم اللى انا ورطته فى ورطه اكبر منه
مريم : ثانيه واحده ..... هو سليم عارف ان حضرتك عايش
سليم : طبعا عارف ولا انتى فاكره ان سليم هيتجوزك من غير اذنى ..... سليم عرف انى لسه عايش بعد ماخرج من القضيه وكان دايما بيطمنى عليكم
مريم : يعنى سليم عارف ان حضرتك عايش وبيقرطسنا
سليم : كان لازم وخصوصا انكم كلكم كنتوا متراقبين وكان ممكن الحكايه كلها تتكشف
شرين : ودياب كان عارف انك عايش من امتى
سليم : دياب عارف كل حاجه من البدايه وهو اللى كان مسئول عنكم وعن حمايتكم طول الفتره اللى فاتت
شرين : انا مش قادره اصدق اى حاجه من اللى بسمعه
سليم : اكيد فى يوم هتعرفى ان انا عملت كده علشان مصلحتكم
اكرم : على العموم حمد **** على السلامه يا سليم
سليم : **** يسلمك يا اكرم ..... والباقيه فى حياتك يا حاج عزت انا عارف انها متاخره بس انت شايف الظروف
عزت : حياتك الباقبه يا دكتور
سليم : طمنونى على سليم
مريم : مفيش جديد قاعد فى الغيبوبه
سليم : عاوز اشوفه بنفسى واتطمن عليه
مريم : يلا بينا يا بابا
• اتحرك الكل وراحوا الاوضه عندى ..... عمى نزل قعد على السرير جمبى وباس دماغى
عمى : سامحنى يابنى على كل اللى انت فيه .... اخدتك من الدار للنار زى ما بيقولوا ..... حطيتك فى وش المدفع فى وسط ناس مش بتعرف معنى الرحمه .... بس طلعت راجل وعرفت تشيل المسئوليه
يوسف : هو ده سليم طول عمره راجل ويقدر يشيل المسئوليه
اكرم : بقى سليم اللى كان مليان قوه ونشاط اخرته يبقى راقد فى غيبوبه المده دى كلها
لمياء : الدكاتره بيقولوا ان سليم اتعرض لضغط عصبى شديد الفتره الاخيره علشان كده المخ رافض انه يفوق تانى
مريم : انا اللى عرضته للضغط العصبى ده مش كفايه عليه هم الشغل لا زودتها عليه بمشكلة الخلفه والتحاليل وزودت الضغط عليه اكتر
لمياء : بكره يقوم بالسلامه ويفرح معاكى بالحمل وياخد اجازه من شغله وتسافروا انتوا الاتنين تتفسحوا وتنسوا الهم والمشاكل
مريم : **** يا لمياء
عمى : سيبونى لوحدى مع سليم عاوز اقعد معاه لوحدى
يوسف : طب يلا بينا احنا نخرج دلوقتى
دياب : طب انا همشى يا دكتور علشان معايا مشوار مهم لازم اخلصه
سليم : طب اخرجوا كلكم وسيبونى مع دياب
• خرج الكل من الأوضه
عمى : رايح فين يا دياب تانى
دياب : لازم اضرب الضربه الاخيره علشان نارى تبرد
عمى : انا شايف انك متسرع فى الخطوه دى
دياب : قولت لحضرتك انى مش مهم عندى اى حاجه وطظ فى اى حاجه قصاد حق امى
عمى : طب انت عارف هتتعامل ازاى
دياب : انا مرتب كل حاجه ومش باقى غير التنفيذ
عمى : طب خد كريم ورجالتى معاك ومش عاوز اى ددمم فى الموضوع
دياب : حاضر يا دكتور
• مشى دياب وساب عمى معايا
عمى : مش عارف اقولك ايه يابنى .... مريم مش هى السبب فى الضغط العصبى اللى كان عندك ..... انا السبب فى كل ده ..... انا حملتك اكتر من طاقتك .... سامحنى يابنى
• من ناحيه تانيه استر قاعده مع احمد صقر فى الاستراحه
احمد : البيرت فين
استر : البيرت فى مشوار ...... سيبك منه وخلينا فى المهم يعنى دياب كان كاشفك من اول لحظه
احمد : بالظبط كده و**** اعلم يعرف ايه تانى
استر : والمره دى بعت تهديد واضح وصريح
احمد : انتى ايه اللى عملتيه مع دياب ده ..... ازاى قدرتى توصلى لعيال العاصى وتخليهم يعملوا اللى عملوه ده
استر : ليا طرقى اللى بقدر اعمل بيها اللى انا عاوزاه
احمد : للاسف اللى عملتيه ده خطوه غير محسوبه بالمره ودياب هينتقم من الكل وفعلا بدأ بعيال العاصى
استر : الخطوه دى كان لازم منها علشان نضرب اسهم الشركات فى البورصه
احمد : يبقى استحملى اللى هيحصل ..... من واقع خبرتى مع دياب عرفت انه مش بس بيحب امه ده بيعبدها عباده
استر : علشان كده الضربه دى هتوجعه جامد
• فجأه الباب اتفتح ودخل دياب وكريم
دياب : وقولتلك ردى عليكى هيكون اسرع مما تتخيلى
استر " بفزع " : دياب !!! .... انت دخلت هنا ازاى .... وجاى ليه
دياب : بالفلوس اشتريت كلابك ..... اما بقى جاى ليه .... انا جاى علشان ابلغك ردى على اللى انتى عملتيه .... وكويس انك موجود هنا يا احمد علشان تشوف انا بعمل ايه مع اللى بيغلط وياريت تتعظ وتخليك فى حالك ..... انا اتاكدت انك بعيد عن اللى حصل امبارح وياريت تفضل بعيد احسن يطولك غضبى وسلعتها مفيش حد هيشفعلك
استر : هتعمل ايه يا دياب
دياب : متخافيش مش هموتك بس هعمل فيكى نفس اللى بيحصل مع الكللابب اللى انتى حرضتيهم على المصيبه بتاعة امبارح علشان لما تفكرى فى حاجه تانى تبقى عارفه انا ممكن اعمل فيكى ايه وكمان علشان احمد صقر ياخدك عبره قبل ما يعمل اى تصرف
استر : انا بحزرك يا دياب من انك تتمادى فى غلطك
دياب : انا خلاص مش باقى على حاجه وتهديدك ملهوش اى لازمه بالنسبالى
• بعد كده دياب بص على كريم
دياب : دخل الرجاله يا كريم
كريم : حاضر يافندم
• خرج كريم وجاب رجاله زى اللى كان جايبهم مع عيال العاصى ..... استر اول ما شافتهم اتفزعت واترعبت
دياب : جايبلك كوكتيل رجاله هيكيفوكى
• دخل الرجاله ومسكوا استر قومها من على مكتبها وقعد دياب مكانها على المكتب
استر : انا اسفه يا دياب ..... ابوس رجلك ماتعملش اللى بتفكر فيه وانا مستعده ابعد عنك نهائى
دياب : هههههههههه ..... جرى ايه يا موزه مش لازم الرجاله تتكيف ومتخافيش انتى كمان هتتبسطى ...... يلا يا رجاله الموزه معاكم اتمتعوا
• هجم الرجاله على استر وكريم كان بيصور اللى بيحصل ..... الرجاله قلعوها هدومها وهى بتصرخ ..... قلعوها ملط واشتغلوا فيها ****** لحد ما واحد قام مفزوع
الراجل : الحق يا باشا دى طلعت بنت بنوت
دياب : ايه ده يا استر انتى لسه فيرجن ..... دى طلعت مفاجأه حلوه جدا ..... انا اللى هنول الشرف ده واخد شرفك بأيدى ..... يا كريم
كريم : ايوا يا فندم
دياب : شوفلى فى الفيلا قماشه بيضاء
كريم : حاضر يا فندم
استر : ابوس رجلك ماتعملش كده
• قام دياب من على المكتب وراح عند استر بعدها رجع كريم ومعاه منديل قماش ابيض
كريم : اتفضل يافندم
دياب : صور يا كريم اللحظه التاريخيه دى
كريم : حاضر يا فندم
• نزل دياب على الارض واستر كانت بتحاول تتخلص من الرجاله بس مش قادره لانهم ماسكينها كويس جدا ..... لف دياب المنديل على صباع ايده ودخله فى استر وفجاه نزفت ددمم بكارتها ..... بعدها استر سابت نفسها واترمت على الأرض بتعيط والرجاله سابوها
دياب : انا كده اخدت حقى منك وكفايه عليكى اللى حصل ..... يا كريم
كريم : ايوا يافندم
دياب : خد الرجاله واطلعوا بره وانا هحصلكم
كريم : حاضر يا فندم
• خرج كريم مع الرجاله
دياب : انا مش هسألك على سر تمسكك بعذريتك بس انا متأكد انها حاجه غاليه عندك وانا قدرت اخد منك اعز ما تملكى ..... انا هسيبك تخططى وتدبرى فى مصايب بس مش هيهمنى اى حاجه هتعمليها لان مفيش حاجه هتعوض خسارتك
• سابها دياب وخرج اخد رجالته ومشى ..... بعدها استر قامت من مكانها ولبست هدومها وطلعت اوضتها ..... احمد صقر كمان مشى وهو دماغه هتنفجر من اللى بيحصل ومش عارف يفكر
• رجع البيرت للإستراحه وملقاش اى حد من الحراسه ..... دخل بسرعه يجرى يشوف ايه اللى حصل طلع الاوضه عند استر اللى كانت قافله على نفسها وبتعيط على اللى حصل ورفضت ترد على البيرت
البيرت : فهمينى يا استر ايه اللى حصل .... والحراسه راحت فين
استر : .........
البيرت : دياب ليه علاقه باللى انتى فيه
استر : ........
البيرت : طب افتحى علشان فى مصيبه جديده ولازم نتصرف فيها بسرعه
استر : .......
البيرت : حتى لو كانت المصيبه ان الدكتور سليم الجراح لسه عايش
• استر اول ما سمعت الجمله قامت من مكانها مفزوعه وخرجت فتحت الباب
استر : انت بتقول ايه
البيرت : بقولك الدكتور سليم الجراح لسه عايش
استر : انت عرفت ازاى المعلومه دى
البيرت : عرفتها علشان الدكتور سليم رجع الفيلا بتاعته النهارده مع دياب وبيجهز لمؤتمر صحفى كبير النهارده علشان يبلغ الناس كلها انه رجع
استر : يعنى انت عاوز تقول ان شغل سنتين راح على الفاضى
البيرت : بالظبط كده ..... ومن بكره اسهم الشركه هتعمل تصحيح وكل حاجه هترجع لوضعها الطبيعى وانتى عارفه الناس بتحب الدكتور سليم ازاى وعندهم ثقه كبيره فيه
استر : سيبنى يا البيرت دلوقتى
البيرت : مش لما تفهمينى ايه اللى حصل بالظبط
استر : قولتلك سيبنى دلوقتى وغور من هنا
• من ناحيه تانيه ف الفيلا عندى ..... كل الناس قاعدين مع بعض وبيتطمنوا على عمى
عمى : تعالى يا يوسف معايا المكتب عاوز اتكلم معاك لوحدنا
يوسف : حاضر يا دكتور
• دخل عمى ويوسف للمكتب
يوسف : خير يا دكتور
عمى : انا عارف انك مستغرب من اللى حصل
يوسف : بصراحه مش اوووى ..... انا كنت متوقع حاجه زى كده خصوصا بعد ما روحت المخابرات ساعة موضوع الورق لكن اللى ماكنتش متوقعه ان سليم يكون عارف بوجود حضرتك لانه كان بيتعامل طبيعى جدا
عمى : انت اتعلمت فى شغلك ان الشغل اسرار ومش لازم الناس تعرفها عنك
يوسف : انا عارف الكلام ده كويس بس سليم عمره ما كان عنده اسرار وخصوصا معايا انا كان بيحكيلى ادق التفاصيل بس انا مقدر اللى كان بيعمله
• فجأه الباب خبط ودخلت الشغاله
عمى : فى ايه يا ميرفت
ميرفت : مستر دياب عاوز يقابل حضرتك
عمى : خليه يتفضل بسرعه
ميرفت : تحت امرك
• دخل كريم ودياب ..... دياب كان واضح عليه انه مرتاح جدا
عمى : طمنى يا دياب عملت ايه
دياب : بعدين يا دكتور هحكيلك على كل حاجه
عمى : اتكلم عادى يا دياب .... يوسف مش غريب
دياب : كله تمام يا دكتور انا كده استريحت
عمى : ايوا عملت ايه يعنى
• طلع دياب من جيبه القماشه اللى عليها ددمم استر
عمى : ايه الدم ده يا دياب
دياب : ده شرف استر يعقوب ..... وحكى دياب كل اللى حصل
يوسف : يخرب عقلك يا دياب ايه اللى انت عملته ده
دياب : دى اقل حاجه مكن اعملها ..... انا مسكت نفسى فى اخر لحظه ومقتلتهاش
عمى : اعقل كده وكفايه اللى انت عملته ..... عاوزك كمان تسيب عيال العاصى
دياب : عيال العاصى مش عاوز حد يكلمنى فيهم .... هسيبهم وقت ما يجيلى مزاج
يوسف : انت عملت حاجه معاهم ولا لسه
دياب : الرجاله شغالين معاهم فى الفيلا ولسه بعد الرجاله فى مرحلة الكللابب والخيول بعدها تيجى المرحله الاخيره وبعدها اسيبهم
عمى : هو لسه فى مرحله اخيره بعد كل اللى انت قولته
دياب : طبعا لسه مرحلة الفضيحه ..... عيال العاصى لازم يتفضحوا فضيحه البلد كلها هتحكى عليها
يوسف : مش شايف يا دياب ان اللى عملته ده كتير
دياب : هسالك سؤال يا يوسف وجاوبنى بصراحه
يوسف : اتفضل
دياب : لو كنت انت مكانى واللى حصل مع امى حصل مع الست والدتك انت هتتصرف ازاى
يوسف : .........
داب : شوفت بقى ان الاجابه على السؤال صعبه جدا .... علشان كده مش عاوز حد يكلمنى فى الموضوع ده تانى وحق امى هرجعه بالطريقه اللى تريحنى وترضينى حتى لو صل الامر انى اضحى بكل حاجه
عمى : خلاص يا دياب اعمل اللى يريحك وخلونا فى المهم
دياب : اتفضل يا دكتور
عمى : قولى يا يوسف انت جيبت كل الورق اللى كان سليم مخبيه عند الحاج عزت
يوسف : ايوا يا دكتور كل الوق سلمته لدياب ..... بس ليه بتسأل
عمى : علشان الورق ده ناقص
يوسف : لا انا لقيت ظرف مقفول وسلمته مقفول لدياب
عمى : مش مشكله هتصرف فى الموضوع ده بعدين ..... دلوقتى عاوزين نرتب للمؤتمر الصحفى بتاع بالليل
دياب : انا بلغتهم فى الشركه يكلموا كل الصحفيين علشان المؤتمر ده ومجرد ما كلمنا صحفى واحد فى خلال نص ساعه والخبر انتشر وفى جيش صحفيين عند الشركه وبلغوهم بمعاد المؤتمر
عمى : كويس كده وبالنسبه للتأمين انا هتصرف فيه بنفسى
دياب : ريح نفسك يا دكتور وانا هرتب موضوع التامين
عمى : لا يا دياب انت لازم تروح وترتاح شويه علشان تبقى فايق بالليل ..... لاحظ انك صاحى بقالك يومين متواصل
دياب : انا مش تعبان يا دكتور
عمى : قولتلك اسمع الكلام انا عاوزك بالليل تكون مركز لكل حرف بيتقال وموضوع التأمين هتصرف فيه بنفسى وبلغ كريم نفس الكلام لازم يرتاح هو كمان
دياب : حاضر يا دكتور
• خرج دياب من عند عمى وطلع على المستشفى علشان يتطمن على ريهام وكان قاعد معاها ليندا ..... دخل دياب الاوضه وكان ظاهر على وشه الارهاق
دياب : ازيك يا ريهام طمنينى عليكى
ريهام : مش كويسه طالما شايفاك بالشكل ده
دياب : ماله شكلى
ريهام : شكلك عامل زى اللى خارج من قبر باين على التعب والارهاق والحزن زى ما اكون صاحى بقالك شهور
دياب : ماتقلقيش شويه كده وهبقى كويس
ليندا : بلغونى فى الفيلا انك مارجعتش من امبارح
دياب : كان معايا مصايب فى الشركه بحاول اخلصها
ريهام : مصايب ايه يا دياب
دياب : مصايب حصلت بسبب الفيديو اللى عملوه الكللابب ..... بسبب الفيديو ده حصلت مشاكل فى البورصه ومع العملاء وانا شغال من امبارح على الموضوع ده
ريهام : ممكن اسألك سؤال من غير ما تزعل
دياب : اسألى يا ريهام
ريهام : انت مش ناوى تسيب سالم وامينه
دياب : هجاوبك على السؤال ده للمره الاخيره علشان ماتساليش تانى ..... بالنسبه لسالم وامينه انا مش هموتهم واكيد فى سوم من الأيام هسيبهم بس امتى البوم ده انا معرفش بس اللى انا عارفه انى مش هسيبهم غير بعد ما ابرد نارى و**** وحده اللى عالم امتى نارى هتبرد
ريهام : طب وبالنسبه لخالى
دياب : للأسف قرار موت خالك انا واخد من زمان بس مش هخليه بموت قبل برضه ما ابرد نارى منه ..... للاسف خالك مش هيشوف الحياه تانى ومش هيخرج من مكانه غير على المقابر والموضوع ده مفيش فيه نقاش وياريت تقفلى على الموضوع ده
ريهام : حاضر يا دياب
دياب : مش عاوزك تزعلى منى يا ريهام علشان انتى ماتعرفيش خالك ده عمل ايه
ريهام : انا كفايه عندى انك تبعد عن امى
دياب : انا وعدتك انى هبعد عنها علشان خاطرك انتى بس ياريت تعقليها لأنى خايف انها تعمل غلطه تخلينى معملش حساب لأى حد واخليها تحاسب على القديم والجديد
ريهام : اوعدك انى مجرد ما اخرج من المستشفى هقعد معاها واعقلها
دياب : ياريت
ليندا : قولى يا ادم عملت ايه فى موضوع البورصه
دياب : النهارده بالليل كل حاجه هتتحل بعد المؤتمر الصحفى
ليندا : مؤتمر ايه ده
دياب : مؤتمر صحفى بنجهزله علشان رجوع الدكتور سليم الجراح
ليندا : ازاى ده بقى
دياب : ازاى دى هفهمهالك بعدين لكن دلوقتى سيبونى اقعد مع القمر الصغير ده شويه قبل ما امشى
ليندا : ماشى يا ادم هصبر عليك
• دياب مسك بنته وقعد يلعب معاها شويه وبعد كده رجع الفيلا ريح شويه وبعدها خرج علشان المؤتمر اللى هيتعمل فى الشركه
• الساعه 9 بالظبط بدأ المؤتمر الصحفى اللى كان بيتابعه ناس كتير اهمهم استر يعقوب واللى وراها ..... بدأ المؤتمر بكلمه للدكتور سليم
سليم : انا مش عارف ابدأ معاكم ازاى ولا اقول ايه بالظبط لأن الموقف غريب شويه .... عارف ان فى اسئله فى دماغكم اكتر من الاقى وقت على اجابتها علشان كده انا هحاول اوضح اللى اقدر عليه
صحفى 1 : حضرتك اهم سؤال بيطرح نفسه وكلنا بالإجماع عاوزين نعرف اجابته هو ايه سر موت حضرتك ؟ وازاى حضرتك عايش ؟ وايه اللى خلاك ترجع فى الوقت ده تحديدا ؟ وهل سبب رجوعك هو اللى حصل فى البورصه مؤخرا بعد الاتهامات اللى وجهها النقيب حازم الجراح لأبن اخو حضرتك بأنه هو اللى وراء موضوع قتل حضرتك ؟
سليم : ايه كل الاسئله دى ..... بس انا هجاوبكم على كل الاسئله دى واحده واحده ..... بالنسبه لقصة موتى انا فعلا اتعرضت لمحاولة قتل و**** نجانى منها بأعجوبه .... وبعدها اضطريت ابعد عن الصوره شويه لحد ما اقدر احمى نفسى واحمى مجموعة شركاتى ..... اما بقى ايه اللى رجعنى فى الوقت ده تحديدا اقدر اقولكم انها اسباب كتير مانكرش ان اهم الاسباب دى هو فعلا الشركه والانهيار اللى حصل فيها بعد محاولة قتل ابن اخويا اللى كان ماسك رئيس مجلس الاداره
صحفيه 2 : طب وبالنسبه للنقيب حازم الجراح والاتهامات اللى وجهها لأبن اخو حضرتك
سليم : ده شخص حاقد واتهاماته ملهاش اى اساس من الصحه واكبر دليل على كلامى هو وجودى قصادكم دلوقتى
صحفى 1 : طب ممكن حضرتك تقولنا ايه الحاله الصحيه لأبن اخو حضرتك علشان الموضوع ده كان محاط بسريه شديده طول الفتره اللى فاتت
سليم : بالنسبه للحاله الصحيه بتاعة سليم ابن اخويا مستقره جدا بس للأسف هو فى غيبوبه ومحدش قادر يحدد امتى هيقوم منها
صحفى 3 : هو مين بالظبط اللى وراء حادثة القتل اللى اتعرضلها وهل هو نفس اللى دبر حادثة قتل حضرتك ولا حد غيره
سليم : للأسف لحد دلوقتى مش قادرين نحدد ممكن يكون نفس اللى حاول يقتلنى او حد غيره ..... هى كده دايما لما بتلاقى انسان ناجح لازم اعداءه تزيد
صحفيه 2 : حضرتك احنا عملنا احاديث صحفيه فى الاقصر وفى منطقة الحسين ودول الاماكن اللى كان عايش فيها ابن اخو حضرتك وكل الناس هناك كانت بتحبه ومفيش غير مشكلته مع اسامه صديقه اللى هو برضه متهم بقتله .... احنا حاولنا نتكلم مع والد اسامه بس محدش عارف يوصله
سليم : بالنسبه لموضوع اسامه ..... معاكم الحاج عزت الهوارى والد اسامه وتقدروا تسألوه بخصوص الموضوع ده
• وقف الحاج عزت وبدأ الصحفيين يسألوه
صحفى : ايه رأى حضرتك فى ان سليم الجراح هو اللى قتل ابنك
عزت : كل اللى بيتقال ده كذب ..... سليم واسامه **** يرحمه كانوا اكتر من الاخوات ومتربيين مع بعض فى بيت واحد .... وارد جدا يتخانقوا مع بعض لكن توصل للقتل ده مستحيل
صحفى 2 : يعنى حضرتك بتنفى قضية القتل عن سليم الجراح
عزت : انا اصلا ماوجهتش اى اتهام لسيلم ..... سليم ده ابنى زيه زى اسامه ابنى بالظبط ..... اما بالنسبه للى قتل اسامه ابنى هو سعد صقر بناء على اعترافاته فى النابه والتسجيلات اللى لقيوها بعد ما اتقبض عليه
• بعد كده وجه الصحفيين الاسئله لعمى
صحفى 1 : امال ايه الكلام اللى بيقوله النقيب حازم
سليم : قولتلكم ده شخص حاقد
صحفى 5 : المعلومات اللى عندنا بتقول ان فى صلة قرابه بينكم وبين النقيب حازم
سليم : ايوا فى صلة قرابه بس فى مشاكل عائليه علشان كده هو ما صدق يلاقى حاجه ينتقم بيها
صحفيه 2 : ممكن نعرف ايه طبيعة الخلافات دى
سليم : اسف ..... دى مشاكل عائليه ومش هتفيدكم فى حاجه
صحفى 1 : طب ممكن نعرف من حضرتك ايه وضع ابن اخو حضرتك دلوقتى
سليم : مش فاهم السؤال
صحفى 1 : يعنى هو كان رئيس مجلس الاداره فى غياب حضرتك لكن بعد رجوعك ايه هيبقى الوضع بمعنى اصح اذا فاق من الغيبوبه
سليم : سليم مش بس اب اهويا لا ده كمان يبقى جوز بنتى الكبيره وانشاء **** بعد ما يقوم بالسلامه هيرجع يباشر شغله تانى كرئيس مجلس اداره للمجموعه
صحفى 1 : وحضرتك هتعمل ايه طالما هتمسك سليم مجلس الاداره
سليم : سليم فى الفتره اللى مسك فيها مجلس الاداره عمل شغل كتير جدا وبكفاءه عاليه ده بناءا على التقارير اللى كانت بتجيلى من الشركه ده غير التقارير اللى كان بيبعتهالى سليم بنفسه وانسب مكان ليه فعلا هو رئاسة مجلس الاداره ..... اما انا هعمل ايه ..... انا قررت استريح بقى واسلم الرايه للجيل الجديد هو اللى يكمل
صحفى 3 : احنا سمعنا ان فى مشاكل مع العملاء فى الشركه بعد اللى حصل فى البورصه
سليم : حقيقى فى مشاكل بس احنا فى طريقنا لحلها
صحفى 3 : هتحلوها ازاى حضرتك
سليم : بالنسبه للعملاء احنا ملتزمين بعقودنا معاهم واللى عاوز يفسخ عقده احنا معندناش اى مانع وبدون اى شروط جزائيه والشركه عندها استعداد كامل انها توفى بكل تعاقداتها
صحفى : بس فى معلومات متسربه ان المركز المالى للشركه بعافيه
سليم : قصدكم علشان البنوك سربت حسابات الشركه عندهم ..... بالنسبه للموضوع ده احنا رفعنا قضايا تعويض على كل البنوك اللى اتسربت منها المعلومات دى
صحفى 2 : يعنى حضرتك بتعترف ان التسربيات دى حقيقيه
سليم : ايوا حقيقيه
صحفى : طب ازاى الشركه هتقدر توفى تعاقداتها
سليم : احنا فعلا فى الشهور اللى فاتت سحبنا معظم ارصدتنا من البنوك ومفيش فى البنوك غير جزء بسيط جدا من ارصدتنا
صحفى : ممكن نعرف السبب طالما حضرتك بتقول ان المركز المالى للشركه قوى
سليم : احنا عملنا كده بناء على خطة سليم ابن اخويا
صحفى : ممكن نعرف ايه الخطه دى
سليم : الخطه ببساطه هى ان احنا نحول اكبر قدر من السيوله اللى عندنا لدهب علشان نقدر نواجه اى مشكله مستقبليه زى اللى احنا فيها دلوقتى ..... لازم يبقى عندنا احتياطى دهب نعتمد عليه فى الازمات
صحفى 2 : دى حضرتك اخبار مطمئنه جدا خصوصا ان مجموعة الجراح من اكبر المجموعات الاقتصاديه فى الشرق الاوسط والعالم كله
سليم : انا بطن الكل ان الشغل فى المجموعه شغال زى الساعه وفى الفتره اللى جايه هتشوفوا تطور كبير فى المجموعه
صحفى 2 : نتمنى ده يا فندم
سليم : انا كده جاوبت على كل الاسئله بتاعتكم وقريب جدا هنعمل مؤتمر تانى علشان تتابعوا التطور اللى هيحصل علشان الناس تتطمن
صحفى : متهيألى الناس مش محتاجه مؤتمر تانى .... الناس فعلا اتطمنت برجوع حضرتك .... حضرتك علامه كبيره فى الاقتصاد والطب ونتمنى دوام التوفيق للشركه ونتمنالك السلامه ونبارك لحضرتك قريب برجوع سليم بالسلامه
سليم : الف شكر لحضراتكم تقدروا تتفضلوا
• بعد ما خلص المؤتمر رجع سليم ودياب على الفيلا ودخلوا المكتب
عمى : مالك يا دياب ساكت من بعد المؤتمر ومانطقتش بحرف واحد مش عادتك يعنى
دياب : مستغرب شويه
عمى : ايه اللى مخليك مستغرب ..... قولى اللى محيرك وانا هجاوبك بصراحه زى ما اتعودنا طول عمرنا على الصراحه من ايام ابوك **** يرحمه
دياب : حضرتك يعتبر حرقت جزء كبير من خطتنا
عمى : قصدك علشان قولت على معلومة الدهب اللى احنا مخزنينه
دياب : ايوا
عمى : كان لازم اوضح للناس احنا ليه سحبنا فلوسنا من البنوك بعد ما اتسربت تقارير البنوك ولازم الاجابه تكون مقنعه والا هنبقى بنأكد للناس قبل العملاء ان مركزنا المالى سئ وبكده انسى ان اسهمنا ترجع تانى .... ماتفتكرش يا دياب ان رجوعى كفايه علشان الناس تثق فينا
دياب : بس احنا كده بنلفت نظر استر لخطتنا
عمى : استر دلوقتى مش هتبقى مركزه غير فى حاجتين بس ..... الحاجه الاولى هى اختفائى وايه اللى كنت بعمله فى طول فترة الاختفاء
دياب : والحاجه التانيه
عمى : الانتقام منك انت ولا انت فاكر انها هتعدى اللى انت عملته معاها بسهوله
دياب : لا طبعا مش هتعديه بسهوله وانا متوقع أسوء انتقام منها
عمى : عاوزك تاخد بالك من نفسك يا دياب ..... انا مش هستحمل يحصلك اى حاجه كفايه اللى حصل لسليم
دياب : متخافش عليا يا دكتور انا زى الجن بسبع ارواح
عمى : ازاى ماخافش عليك وانت امانه فى رقبتى ..... ابوك **** يرحمه وصانى عليك عليك قبل ما يموت
دياب : وحضرتك مقصرتش معايا وعملت بالوصيه على اكمل وجه
عمى : لسه بدرى يا دياب على انك تقول انى عملت بالوصيه ..... لسه فاضل اهم حاجه
دياب : حاجة ايه
عمى : اشيل الكره اللى جواك ناحية عيلة صقر
دياب : دى الحاجه الوحيده اللى مفيش مخلوق هيقدر يغيرها
عمى : طب ومراتك هتعمل معاها ايه
دياب : انا سايبلها مطلق الحريه واديت فرصه اخيره لأمل صقر وبعد كده يبقى عدانى العيب فى اى حاجه هعملها معاهم
عمى : انت ناسى ان معاك بنت من ريهام هتعمل معاها ايه
دياب : بنتى معايا وفى حضنى ومفيش مخلوق هيقدر ياخدها منى حتى لو اضطريت اقتل عيلة صقر كلها وامسح ذكرهم من الوجود
عمى : بمناسبة عيلة صقر احنا قررنا نسلم سعد صقر للشرطه علشان نقفل صفحته
دياب : انتوا مين بالظبط اللى قررتوا
عمى : انا وباقى المجلس شايفين ان احنا اخدنا من سعد كل اللى محتاجينه وكفايه كده ونسلمه ونخلص من همه
دياب : ده على جثتى
عمى : قصدك ايه يا دياب
دياب : سعد صقر ده بتاعى انا وانا اللى اقول يحصل ايه بالظبط معاه وطالما انتوا اخدتوا منه كل اللى محتاجينه يبقى انا اللى هتصرف معاه بنفسى
عمى : انت ناوى على ايه بالظبط
دياب : من الاخر كده اعتبروا سعد صقر مات وعلشان ماتتعبش نفسك يا دكتور انا نقلت سعد من فيلا المقطم ..... نقلته لمكان مستحيل مخلوق يقدر يوصله فيه
عمى : ازاى تعمل كده من غير ما تسأذن
دياب : لانى كنت متاكد انك هتحاول تبعدنى عنه
عمى : يا دياب انا خايف عليك
دياب : خايف عليا من ايه
عمى : خايف عليك من نفسك قبل عيلة صقر ..... الكره اللى جواك هيضيع منك كل حاجه ..... كرهك للعيله ضيع منك اجمل سنين عمرك وضيع منك ريهام حبيبتك وخسرك احمد صقر اللى كان واقف معاك وفى ضهرك لما حس منك بالغدر ..... انا مش بلوم احمد صفر على اى حاجه عملها لأنه عمل اللى عمله ده علشان يحمى عيلته من الشخص اللى راجع ينتقم من الكل
دياب : .......
عمى : ساكت ليه يا دياب .... ياترى علشان عارف ان كلامى صح وانت بتكابر زى ما طول عمرك بتكابر ولا علشان لسه متأثر بالمذكرات اللى ابوك كتبها ..... ايوا يا دياب انا عارف كل حاجه موجوده فى المذكرات من قبل ما توصلك ..... ابوك كان صاحبى وبيحكيلى كل حاجه بتحصل معاه وطلب منى اوقف معاك لما توصل للمذكرات علشان كده عاوزك تنسى الماضى وتركز فى مستقبلك اللى انت بتضيعه بأيدك .... وبعدين ما كلنا عندنا مشاكل مع اهالينا بس اخدنا المشاكل دى دافع علشان ننجح ونعمل مستقبل جديد
دياب : انسى ..... انسى ابويا واللى البهدله اللى شافها بسببهم وسنين الغربه اللى عاشها بعيد عن بلده واهله ومات غريب فى ارض غريبه ورفضوا يدفنوه عندهم زى ما يكون ابن حرام ..... ولا انسى امى اللى كانوا السبب الرئيسى فى موتها وحرمانى منها ومش بس كده لا دول جايين يطعنوا فى شرفها بالباطل بعد ما ماتت ..... قولى يا دكتور عايزنى انسى ايه وانا هدوس على زرار وانسى على اساس انى جهاز متبرمج وبضغطة زرار هينفذ الامر .... صحيح كل الناس معاها مشاكل مع الاهل بس انا مشاكلى عدت الحدود ..... مشاكل حضرتك مع اهلك كانت على الارض والفلوس اللى اتسرقت منكم يعنى محدش فيهم قتل والدتك ولا خاض فى شرفها ..... علشان كده بقولهالك انتقامى من عيلة صقر مش هيوقف غير لما اخد حقى منهم ومن الاحسن ماتدخلش بينى وبينهم علشان مفيش حاجه هتوقفنى
عمى : للأسف يا دياب طيش الشباب هو اللى بيحركك وخايف يجى اليوم اللى تندم فيه على كل حاجه
دياب : اللى يندم هو اللى عنده حاجه يخسرها او يكون باقى على الدنيا لكن انا كرهت الدنيا يوم ما امى ماتت وبقيت زاهد فيها من بعد موت ابويا وبقيت بتمنى الموت الف مره فى اليوم الواحد ..... عن اذنك يا دكتور وبالنسبه لسعد موجود عندى فى الحفظ والصون لحد ما نقفل القضيه وبعدها هخلص عليه بنفسى وابعت راسه لأمل صقر بنفسى وانا حاطط عينى فى عينها وبكده ابقى انتقمت منها واخدت بتارى لأنى عارف ان امل بتعشق اخوها عشق وهو ده اللى هيبرد نارى من ناحيتها وبكده ابقى قفلت الماضى
عمى : متهيألك ..... انت كده بتفتح ابواب الماضى على المستقبل
دياب : مش مهم وزى ما قولتلك انى مش باقى على حاجه ....عن اذنك
• من ناحيه تانيه عند استر يعقوب بعد المؤتمر الصحفى قاعده مع البيرت
استر : كانت ناقصاك انت كمان يا سليم الكلب مش كفايه عليا الكلب التانى
البيرت : هنعمل ايه دلوقتى .... سليم الجراح رجع وضرب كل الخطط بتاعتنا
استر : المصيبه الاكبر اللى انا متاكده منها ان سليم مارجعش علشان ينقذ المجموعه زى ما هو واضح
البيرت : امال ايه السبب من وجهة نظرك
استر : سليم الجراح رجه بعد ما قدر ينفذ الخطه اللى اختفى علشان يرتبلها والا كان ظهر من اول ما حاولنا نقتل ابن اخوه
البيرت : جايز علشان كان بيحاول يحل المشكله من غير ما يظهر ويحرق نفسه
استر : هتفضل طول عمرك سازج يا البيرت .... سليم رجع بعد ما قدر يأمن نفسه ويأمن شركته من اى مشكله ممكن تواجهه ولو ركزت فى كشوف الحسابات اللى احنا سربناها هتلاقى ان اخر فلوس اتسحبت كانت من اسبوع واحد بس وطبعا حولها لدهب علشان يبقى عنده اصول يقدر يعتمد عليها زى ما بيقول وده الجزء البسيط الواضح من الخطه لكن باقى الخطه محدش يعرف عنها حاجه غير سليم نفسه وابن اخوه والكلب التانى اللى معاهم
البيرت : طب هنتصرف ازاى دلوقتى
استر : اتصل بالمطار يجهزوا الطياره انا لازم اسافر النهارده
البيرت : هتسافرى ازاى دلوقتى وهتسافرى فين وليه
استر : هسافر تل ابيب لازم ابلغ بكل اللى حصل ونشوف هنتعامل الفتره اللى جايه ازاى ..... عاوزاك تقعد هنا تتابع كل اللى بيحصل وتبلغنى بيه اول بأول
البيرت : حاضر
استر : يلا اتحرك واتصل بالمطار على ما اجهز واتحرك
• سافرت استر بعد كده عدى اسبوع من غير اى جديد ..... الامور فى الشركه بدأت تستقر ..... ريهام خرجت من المستشفى ورجعت لبيت ابوها بناء على الاتفاق اللى بينها وبين دياب ..... دياب بيتابع اللى بيحصل مع سالم وامينه
• الصبح بدرى فى فيلا دياب .... ليندا صحيت من النوم وشافت دياب صاحى
ليندا : انت برضه لسه صاحى يا ادم
دياب : لا انا نمت وصحيت
ليندا : كداب .... انا طول الليل حاسه بيك صاحى وبتتقلب فى السرير
دياب : سيبينى يا ليندا دماغى مشغوله شويه
ليندا : مالك يا حبيبى قولى ايه اللى تاعبك وانا هساعدك
دياب : انتى عارفه مشاكل الشغل واستر واللى معاها
ليندا : انت طول عمرك واخد على مشاكل الشغل بس برضه مش ده اللى تاعبك
دياب : امال هيكون ايه اللى تاعبنى
ليندا : مفيش حاجه بتتعبك قد مشاكلك مع عيلة صقر
دياب : .......
ليندا : تعالى يا ادم ناخد ريهام ونسافر ونرميهم من وراء ضهرنا ..... سيبنا نعيش حياتنا فى هدوء بقى ..... كفايه بجد على كده انا تعبت ومحتاجه ارتاح
دياب : سامحينى يا ليندا انا عارف انى تعبتك معايا وانتى ملكيش ذنب فى كل اللى بيحصل بس قدرك كده
ليندا : ماله قدرى بقى
دياب : قدرك انك تعيشى مع انسان عباره عن مشاكل ملهاش اخر
ليندا : ده اجمل قدر فى الدنيا ..... انا ماكنتش احلم بربع السعاده اللى عايشاها معاك يا حبيبى
دياب : خلاص هانت يا حبيبتى ..... انا قربت اخلص وبعدها هاخدك ونسافر وننسى كل حاجه ونبدأ من جديد
ليندا : وريهام هتعمل معاها ايه
دياب : مش عارف اذا كانت هتوافق تسافر معانا بعد اللى هيحصل ولا هترفض
ليندا : طب وبنتك هتسيبها بسهوله كده
دياب : دى اكتر مشكله تاعبانى ومش عاوز افكر فى الحكايه دى دلوقتى
ليندا : كل مشكله وليها عند ادم مليون حل وحل
• فجأه دياب قام من على السرير
ليندا : ليه قومت فجأه كده
دياب : معايا مشوار مهم لازم اخلصه
ليندا : مشوار ايه دى اللى بدرى كده
دياب : بعدين هقولك
• غير دياب هدومه وخرج اخد عربيته وطلع على الفيلا اللى فيها عيال العاصى ...... اول ما وصل قابل كريم
دياب : ايه الاخبار يا كريم
كريم : احنا نفذنا كل اللى انت امرت بيه والفلاشه دى عليها كل الفيديوهات اللى اتصورت
دياب : مالك كده شكلك متضايق
كريم : انت عارف انى معترض من الاول على اللى اتعمل ده بس نفذته علشان خاطرك
دياب : خلاص يا كريم مش عاوز كلام فى الموضوع ده تانى ..... الفيديوهات اللى على الفلاشه دى عاوزها تترفع على الانترنت فى خلال ساعه بالكتير عاوزها تغرق البلد كلها
كريم : ده كتير يا دياب
دياب : اسمع الكلام من غير نقاش يا كريم والا هحرق البلد كلها واجيب فوقها تحتها ومش هيهمنى اى حاجه
كريم : حاضر يا دياب
دياب : هاتلى عيال العاصى عنا وجهز العربيات علشان يرجعوا البلد النهارده
كريم : حاضر
• خرج كريم ورجع بعد شويه ومعاه عيال العاصى اللى اول ما شافوا دياب اترعبوا
دياب : كويس اللى حصل معاكم ده
امينه : ابوس رجلك ارحمنا واحنا محدش فينا هيتعرضلك تانى ولو انت عاوز كمان نرجعلك نصيبك فى الورث انا مستعده لكل ده
دياب : ورث ايه اللى بتتكلمى عنه ده يا امينه ..... ولا كل فلوس الدنيا تساوى الاحساس اللى انا حاسس بيه دلوقتى
سالم : طالما مبسوط كده واخدت حقك ابوس رجلك سيبنا ولو عاوزنا نتحبس فى بيوتنا احنا مستعدين
دياب : انا فعلا عسيبكم تمشوا
• اول ما عيال العاصى سمعوا الكلمه جريوا علشان يمشوا
دياب : استنوا هنا رايحين فين
سالم : مش انت قولت هتسيبنا خلاص
دياب : ايوه هسيبكم بس مش لازم تسلموا على ابوكم قبل ما تمشوا
سالم : انت ناوى تقتلنا
دياب : ليه بتقول كده يا عمى
سالم : امال انت قصدك ايه
• قام دياب وشال ملايه من على الكرسى اللى جمبه وظهر الهيكل العظمى بتاع العاصى ..... سالم وامينه اول ما شافوا الهيكل اترعبوا
دياب : ده ابوكم سلموا عليه قبل ما تمشوا ..... ابوكم كان موجود هنا فى الفيلا من اول ما خطفتكم ..... جبته علشان يبقى حاضر اللى بيحصل فيكم وبعدها هدفنه بمعرفتى وسط اللى شبهه
• سالم وامينه واقفين بيعيطوا ومش عارفين يعملوا ايه
دياب : دلوقتى هتمشوا من هنا واللى هيفكر فيكم او فى اخواتكم يعمل حاجه تانيه ياريت يبقى مستعد لعقابى كويس جدا
امينه : احنا خلاص هنبعد عنك ومش هتسمع اى حاجه عننا تانى
دياب : يا كريم
كريم : ايوا يا فندم
دياب : جبت الكللابب والخنازير الميته
كريم : وصلوا فى مكانهم اللى حضرتك امرت بيه
دياب : كويس ..... عاوزك تاخد العاصى وتدفنه وسطهم
• كل الموجودين اتخضوا لما سمعوا اللى بيتقال بس محدش قادر ينطق
كريم : حاضر يا فندم
دياب : وخد بقى سالم وامينه ورجعهم بيوتهم
كريم : حاضر يا فندم
• نفذ كريم اوامر دياب ورجع سالم وامينه بيوتهم وفى نفس الوقت انتشرت الفيديوهات فى البلد والفضيحه بقيت على كل لسان وزى ما بيقولوا انقلب السحر على الساحر وبدل ما عيال العاصى يفضحوا دياب لا الفضيحه هى اللى طالتهم وخصوصا ان اهل البلد كلهم عارفين حكاية دياب مع عيلة صقر
• بعد ما الفيديوهات انتشرت رجع عمر صقر وامل الاقصر ومعاهم احمد صقر وراحوا لسالم وامينه بيت العاصى وكانت حالتهم صعبه جدا ..... شكلهم كان اقرب للموت
عمر : احكيلى يا سالم ايه اللى حصل بالظبط
سالم : انا مش قادر احكى ولا اتكلم اساسا ومش عاوز افتكر اى حاجه من اللى حصلت
امل : لا يا سالم لازم تحكى علشان نعرف نرجعلكم حقكم من الكلب اللى عمل كده
امينه : حق ايه اللى ترجعيه يا امل ..... الحق خلاص رجع لصاحبه ومفيش اى حد فيكم هيقدر يوقف قصاد دياب
امل : ايه انتوا هتستسلموا وترضوا باللى حصل فيكم
سالم : اللى حصل فينا كان نتيجه طبيعيه للى احنا عملناه فى دياب ومن قبله اخويا عبدالرحمن
امينه : انسى يا امل اى حاجه فى دماغك وحاولى تستسمحى دياب يمكن يسامحك والا هيجى اليوم وتقعدى زينا بعد ما تشوفى وش دياب الوحش .... زى ما شوفته انا واخويا واكيد سعد اخوكى بيشوفه دلوقتى
امل : سعد !!! .... انتى تعرفى حاجه عن سعد اخويا
امينه : اخوكى كان موجود معانا فى نفس المكان بس معرفش هو فين دلوقتى
عمر : استنى يا امينه ..... اهدى كده واحكيلى اللى حصل بالظبط وتعرفى ايه عن سعد
امينه : تانى يوم ما اتخطفنا ..... اخدونا اسطبل الخيل علشان يعملوا فينا اللى انتوا عارفينه .... الكلام ده كان بعد نص الليل فجأه شوفت اخوكى سعد متكلبش والرجاله خارجين بيه من الفيلا وركبوا عربيه واتحركوا ..... وقتها سمعت اتنين رجاله بيتكلموا مع بعض واحد فيهم بيسأل عن سعد وليه خارجين بيه
امل : وبعدين ايه حصل
امينه : الراجل رد عليه وقاله ان دياب امر انه يتنقل من الفيلا دى لمكان تانى علشان الداخليه طلبت من دياب تسليم سعد
امل : بس سعد اخويا مش فى السجن
امينه : اللى فهمته من كلام الرجاله ان دياب رفض تسليم سعد للداخليه وقالهم اعتبروه ميت واى حد هيحاول يتناقش فى موضوع سعد وقتها دياب هيحرق البلد كلها وقالهم انه خلاص مش باقى على حاجه ومفيش حاجه يخسرها
امل : يعنى الداخليه عارفه ان دياب خاطف اخويا
امينه : ايوا عارفين ومحدش فيهم قادر يوصل لحل مع دياب ..... من الواضح كده ان دياب مركزه كبير جدا للدرجه اللى تخلى الداخليه مش قادره عليه ده غير ان طارق اخويا وابنه حاولوا مع ناس كتير علشان ينقذونا بس محدش سمعلهم
احمد : مركزه كبير ازاى يعنى
امينه : اللى يعمل فينا كده قصاد الناس ومايخافش يبقى حاجه من الاتنين يا اما حد تقيل يا اما مستبيع واللى شوفته بعينى بيقول ان دياب تقيل ومستبيع .... مش زيك يا احمد
احمد : مش زيى ازاى يعنى
امينه : يعنى انت زمان كنت مستبيع ومحدش قادر يوقفك بس الفرق اللى بينك وبين دياب انك كنت غشيم علشان كده خسرت كتير لكن دياب بيخطط كويس جدا ومش مهم عنده ينفذ فورا لا ده ممكن يخطط سنين علشان ينفذ اللى بيخططله علشان كده محدش قادر على دياب
سالم : نصيحه منى ابعدوا عن دياب وخافوا على نفسكم منه ..... خافوا على بنتكم اللى عايشه معاه ولا سليم ابنك يا احمد اللى ممكن تخسره لو وقفت لدياب ..... سليم بقى شايف دياب هو اللى ابوه مش انت ..... دياب بقى قادر يمسكنا من ايدينا اللى بتوجعنا
امل : انتو عرفتوا ان دياب فتح قبر العاصى واخد جثته
امينه : ايوا عرفنا وشوفنا الجثه بنفسنا
عمر : شوفتوها ازاى وفين
امينه : دياب قبل ما يسيبنا شال ملايه من على كرسى جمبه وظهرت جثة ابويا وشوفناها بعنينا بعد كده امر رجالته يدفنوها وسط كلاب وخنازير ميته
عمر : دياب صدق ونفذ تهديده
امل : يعنى هتسيبوا دياب ينفذ تهديداته لينا كده
احمد : يا امى مش دياب اللى بدأ بالأذى بالعكس احنا اللى كنا بنبدأ ودياب كان بيسامح لحد ما دوسنا لدياب على الوجع وساعتها نفذ تهديده
امل : يعنى هتسيبوا دياب يقتل اخويا
احمد : اخوكى بيدفع تمن غلطه اللى انتوا كنت ا مخبينه عليا لكن انا عرفت كل حاجه ..... اخوكى المحترم اللى بعد ما شارك والد دياب فى شركة مقاولات نصب عليه وسرق كل فلوسه وحاول يخدعه ويفهمه ان مراته بتخونه ده غير ان اخوكى هو اللى كان بيزود فى النار اللى كانت بين العاصى وابنه وكل ده ليه ..... كل ده علشان اخوكى النجس كانت عينه من ابتسام وهيموت عليه واتغاظ لما ابتسام اتجوزت عبدالرحمن وقرر انه يخسره كل حاجه بما فيهم ابتسام نفسها
عمر : خلاص اقفلوا كلام فى الموضوع ده انا مش عاوز اسمع قذارتكم دى تانى ..... دياب طلع عنده حق فى كل اللى عمله معاكم وانتى يا امل اقفلى كلام فى الموضوع ده وانا هتكلم مع دياب ان يسيبك بس بشرط انك تبعدى عنه
• من ناحيه تانيه عند استر يعقوب فى الاستراحه بعد ما رجعت من السفر قاعده مع البيرت
البيرت : طمنينى عملتى ايه فى السفريه بتاعتك
استر : طمنى انت الاول ايه اخبار الدنيا هنا
البيرت : مفيش حاجه جديده حصلت .... دياب رجع سالم وامينه بيوتهم بعد ما انتقم منهم وفضحهم ..... والنقيب حازم الجراح اخد جزاء واتحول لوظيفه واتحرم من الترقيه بتاعته ..... والدكتور سليم الجراح بيتابع شغله فى الشركه طبيعى جدا ومعاه دياب ..... وبالنسبه لأبن اخوه لسه فى الغيبوبه
استر : سيبك من ابن اخوه ده ملهوش لازمه عاوزاك تركز مع دياب والدكتور سليم
البيرت : انا بعمل كده فعلا بس ايه اللى خلاكى تغيرى رائيك بالنبه لسليم الصغير
استر : سليم طلع لعبه فى ايد عمه ودياب لكن من غيرهم ولا يعرف يعمل اى حاجه
البيرت : ازاى ده بقى وهو اللى وصل لورق مهم عن شغلنا
استر : اكيد فى حد وصله للورق ده ووارد جدا تكون صدفه وبعدين سليم فى غيبوبه يعنى محدش هيعرف يستفاد منه بأى حاجه
البيرت : تمام ..... طمنينى عملتى ايه فى السفريه
استر : مفيش جديد
البيرت : ازاى يعنى ..... طب احنا هنتعامل ازاى فى الفتره اللى جايه
استر : مش هنعمل اى حاجه غير اننا نتابع الدكتور سليم كويس جدا لحد ما الجماعه يعرفوا هو كان بيعمل ايه طول فترة اختفاءه وعلى فكره الجماعه طلعوا عارفين ان الدكتور سليم عايش من فتره وبيشتغلوا على الموضوع ده من قبل ما احنا نعرف بوجوده اصلا وهما بعتوا شخص هنا وشغال على الموضوع ده من فتره
البيرت : مين الشخص ده وازاى بيشتغل من غير ما احنا نعرف حاجه عنه
استر : انا معرفش مين الشخص ده بالظبط بس كل اللى اعرفه انه يعرف كل حاجه عن الموضوع من اوله بس كان بيشتغل على ملف تانى وبالصدفه عرف حكاية الدكتور سليم وبلغ الجماعه بيها
البيرت : مش المفروض ان احنا نشتغل مع بعض علشان نخلص من الموضوع ده
استر : فى الوقت الحالى لا .... لكن لو احتجناله هو هيعرف ويوصلنا ويساعدنا غير كده كل واحد هيشتغل مع نفسه
البيرت : طب تمام
استر : اهم حاجه دلوقتى لازم نعرفها هى مخازن الدهب بتاعة سليم الجراح ..... المخازن دى هى الدرع اللى بيحمى سليم الجراح واللى معاه ومن غيرها هيبقى ضعيف
البيرت : وهنعرفها ازاى بقى ..... احنا منعرفش اى حاجه عن الدهب ده غير من كلام الدكتور سليم نفسه غير كده مانعرفش اى حاجه
استر : لازم نعرف يا البيرت وبأى تمن
البيرت : نحاول ولو انها مهمه شبه مستحيله
استر : مفيش حاجه اسمها شبه مستحيله .... انا صبرت على غبائك انت ورجالتك كتير لكن المره دى اقسملك مش هرحم حد وانت اولهم يا البيرت لو فشلت المره دى اقسملك انى هقتلك بأيدى
البيرت : اهدى يا استر وانا هنفذ كل اللى تطلبيه بس فى مشكله مش عارف اتصرف فيها
استر : مشكلة ايه تانى
البيرت : بتصل بأحمد صقر بقالى يومين ومش بيرد على مكالماتى خالص
استر : سيبك من احمد صقر .... احمد خلاص بقى كارت مكشوف ومش هنغرف نلعب بيه
البيرت : يعنى اوقف اتصالى معاه
استر : فورا
البيرت : حاضر
• بعد مرور سبع شهور بدون اى شئ جديد .... انا لسه فى الغيبوبه .... عمى ودياب فى الشركه وبيتابعوا شغلهم .... استر يعقوب بتحاول توصل للدهب .... احمد صقر فى مشاكله اللى مش تخلص ..... ريهام بعد ما اخدت شهرين عند ابوها رجعت تانى للفيلا عند دياب وعاشت فى هدوء وبقت خايفه من دياب اكتر من الاول خصوصا بعد اللى حصل مع سالم وامينه وبقيت مش حاسه معاه بالأمان نهائى بس مضطره تكمل علشان خايفه دياب يحرمها من بنتها ده غير انها خايفه على امها من شر دياب
• نرجع عندى انا فى الفيلا قاعد فى الغيبوبه ومريم قاعده جمبى
مريم : وبعدين معاك يا سليم هتعيش طول عمرك فى الغيبوبه دى ولا ايه ..... انا محتجالك جمبى .... وحشتنى ووحشنى كلامى معاك ..... وحشتنى القصص اللى كنت بحكيهالك علشان اخفف من عليك ضغط الشغل ..... وحشنى كلامك وتشجيعك ليا فى رواياتى اللى بكتبها ..... من يوم ما انت سيبتنى وانا مش عارفه اكتب حاجه ..... انا اكتشفت ان حياتى بدأت لما عرفتك ..... قبل كده انا كنت مش عايشه ..... انا تعبانه بجد من غيرك ..... هقولك على حاجه يمكن تفرحك وتخليك ترجع تانى .... لمياء قالتلى انى ممكن اولد فى خلال يومين او تلاته بالكتير .... ايوه زى ما بقولك كده يعنى كلها كام يوم بالكتير وتبقى اب ..... كان نفسى اشوف الفرحه فى عنيك وانا خارجه بعد الولاده واشوفك وانت شايل ابننا وبتلاعبه ..... عارف يا سليم فى الاول كنت كارهه الولد ده لكن دلوقتى انا متمسكه بيه علشان من ريحتك .... قوم بقى يا سليم حرام عليك اللى انت بتعمله فيا ده
• فجأه دخل علينا عمى
عمى : انتى هنا يا مريم
مريم : ايوا يا بابا .... خير فى حاجه
عمى : لا يا حبيبتى انا كنت جاى اتطمن على سليم قبل ما اروح على الشركه
مريم : مفيش جديد يا بابا ..... انا خلاص حاسه ان سليم مش هيقوم من الغيبوبه تانى
عمى : ماتقوليش كده يابنتى خلى املك فى **** كبير
مريم : يا بابا سليم بقاله تقريبا 9 شهور فى غيبوبه ومفيش اى تحسن
عمى : بس الدكاتره طمنونى على حالته وبيقولوا انه ممكن يفوق فى اى لحظه
مريم : الدكاتره بقالهم شهور بيقولوا نفس الكلام ومفيش حاجه بتحصل
عمى : مش عارف اقولك ايه يابنتى بس انا السبب فى كل اللى انتوا فيه ده .... كلكم بتدفعوا تمن حاجه ملكمش ذنب فيها ..... ياريتنى كنت مت بجد قبل ما اشوفكم كده
مريم : بعد الشر عليك يا بابا ارجوك ماتقولش كده انا مش عارفه لولا وجودك جمبى كان ممكن استحمل كل ده ازاى .... انت الوحيد اللى مصبرنى على كل ده
عمى : بس ده ما يمنعش ان انا السبب فى اللى حصل .... انا اللى حطيت سليم فى وش المدفع وسبته يواجه ناس مايعرفش عنهم حاجه ..... سليم عاش طول عمره فى الاقصر لوحده مايعرفش اى حاجه عن اللى بيدور حواليه فجأه لقى نفسه فى وش ناس مش بترحم واسهل حاجه عندهم الدم
مريم : اللى عرفته من كلام حضرتك ودياب ان سليم اهتار يمشى فى طريقكم بأرادته من غير ما حد يغصب عليه ..... سليم كان عارف ومتاكد ان وارد يخسر حياته فى سليل اختياره ..... سليم اختار وبيدفع تمن اختياره ولو رجع بيه الزمن كان هيختار نفس الاختيار علشان كده ماتلومش نفسك يا بابا على اى حاجه
عمى : خلاص يابنتى اللى حصل حصل خلاص ...... اطلعى اوضتك ارتاحى انتى محتاجه الراحه
مريم : انا مرتاحه هنا يا بابا
عمى : علشان خاطرى يا بنتى اطلعى اوضتك ..... لمياء قالتلك لازم ترتاحى شويه
مريم : حاضر يا بابا شويه كده وهطلع اوضتى
عمى : براحتك يا حبيبتى
مريم : انا شويه كده وهروح للمياء العياده
عمى : تروحيلها العياده ليه ..... استنيها لما ترجع
مريم : انا عاوزه اعمل سونار علشان اتطمن على البيبى لانى حاسه ان حركته ضعيفه شويه
عمى : من امتى الكلام ده
مريم : من امبارح المغرب تقريبا
عمى : طب روحيلها وطمنينى عليكى اول ما توصلى
مريم : حاضر يا بابا
• خرج عمى وطلع على الشركه ..... اول ما وصل راح المكتب لدياب
عمى : صباح الخير يا دياب
دياب : صباح النور يا دكتور
عمى : انت برضه جيت الشركه بدرى
دياب : اعمل ايه بقى سليم عودنى على كده ..... كان دايما بيقول علشان تبقى ناجح فى شغلك والموظفين اللى معاك يعرفوا قيمة الشغل لازم تكون موجود قبلهم وتمشى بعدهم ..... لازم الموظفين يعرفوا انك بتشتغل زيهم مش يعنى علشان انت صاحب الشغل يبقى تتاخر على شغلك وتيجى براحتك .... لا لازم تبقى قدوه لكل واحد بيشتغل عندك من اول فرد الامن لحد اكبر مدير فى الشركه
عمى : كان عنده حق فى كل حاجه بيقولها
دياب : **** يرجعه بالسلامه
عمى : **** ..... طمنى على الشغل
دياب : مفيش جديد .... كل حاجه ماشيه طبيعى جدا وده اللى قالقنى
عمى : عندك حق يا دياب ..... الهدوء الزياده ده قالقنى خصوصا بعد اللى انت عملته مع استر وعيلة صقر
دياب : بالنسبه لعيلة صقر ماتشغلش بالك بيهم ..... سليم بيقولى ان عيال العاصى مرعوبين منى بعد اللى عملته فيهم واحمد صقر بدأ يراجع نفسه فى كل اللى كان بيعمله وبطل يرد على اتصالات استر لحد ما العلاقه بينهم اتقطعت ..... مفيش غير امل صقر اللى لسه مش قادره تنسى ومصممه تنتقم منى بسبب اخوها
عمى : هى دى المشكله اللى لازم نحلها يا دياب ..... حكايتك مع امل صقر طولت وذادت عن حدها
دياب : مشكلتى مع امل صقر هتستمر طول ما احنا عايشين مش هتخلص غير بموت حد فينا
عمى : لو رجعتلها اخوها ممكن نخلص المشكله
دياب : قولت لحضرتك قبل كده مش عاوز كلام فى موضوع سعد ده نهائى وسعد انا هرجعه لأخته بس بطريقتى
عمى : يابنى كفايه اللى انت عملته ..... انت اخدت حقك بزياده وابوك وامك ماتوا علشان قدرهم كده يعنى محدش قتلهم
دياب : لا يا دكتور عيلة صقر هما اللى قتلوا ابويا وامى ومش عاوز كلام تانى فى الموضوع ده
عمى : ياخوفى عليك من الطريق اللى انت ماشى فيه
دياب : سيبك من عيلة صقر وخلينا فى المهم
عمى : فى ايه
دياب : مش مرتاح من ناحية استر ومش عارف هى بترتب لأيه
عمى : طب والراجل بتاعك اللى عندها مش عارف يجيبلك اى اخبار جديده
دياب : كل اللى عارفه انها قالبه الدنيا على مخازن الدهب ..... الظاهر كده انها بتتحرك من غير ما تقول لحد لأنها مش بتثق فى اى حد
عمى : اى كان اللى بتفكر فيه احنا عندنا اللى يحمينا كويس واستر مش هتقدر تتهور وتعمل اى حاجه قبل ما توصل لمخازن الدهب
دياب : انا شايف ان احنا نزود التأمين على المخازن
عمى : انا فعلا عملت كده
دياب : وممكن كمان نوزع الدهب على مخازن اكتر بحيث ان لو وصلوا لمخزن ماتبقاش خساره كبيره
عمى : لو عملنا كده فى الوقت الحالى هنبقى بنجازف ان المخازن ممكن تتكشف وده مش فى صالحنا
دياب : احنا ممكن نعمل كده بالتدريج علشان مانلفتش النظر
• فجأه تليفون مكتب دياب رن
دياب : ايوا ..... بتقولى ايه ..... خليه يتفضل بسرعه
• بعد ما دياب قفل السكه
عمى : خير فى ايه يا دياب
دياب : السكرتيره بتقول ان ابراهيم بره وعاوز يقابلنى انا وانت
عمى : هو وصل امتى من اسبانيا وازاى يجى من غير ما يستأذن
دياب : هنعرف دلوقتى
• فجأه دخل عليهم ابراهيم
عمى : انت مجنون يا بنى ادم انت ..... ازاى تتصرف من دماغك وتنزل من غير ما تبلغنى
ابراهيم : المعلومات اللى عندى مستعجله وكان لازم ابلغها فى اسرع وقت
عمى : فى حاجه اسمها زفت وسيلة اتصال كان ممكن تبلغنا عن طريقها
ابراهيم : للأسف وسيلة الاتصال اتكشفت وتم اختراق الايميلات اللى بنتواصل بيها
عمى : طب وشغلنا اللى على الايميلات دى
ابراهيم : متخافش يا فندم انا بمسح كل الرسايل اول بأول يعنى محدش قدر يعرف اى حاجه بخصوص الشغل
عمى : ازاى قدروا يوصلوا لوسيلة الاتصال
ابراهيم : انا شغال على الموضوع ده دلوقتى
عمى : فى حاجه تانى غير موضوع وسيلة الاتصال اللى اتكشفت
ابراهيم : ايوا يا فندم
عمى : ايه فى تانى
ابراهيم : فى خطه اتحطت علشان يخطفوا سليم فى خلال الايام اللى جايه ومش سليم وحده
عمى : مين تانى
ابراهيم : هيخطفوا كمان ليندا وابنها علشان يضغطوا على حضرتك و دياب وعمر الالفى
عمى : استر مش ناويه تجيبها لبر
ابراهيم : للأسف المره دى مش استر
عمى : امال مين
ابراهيم : شخص جديد لسه معنديش تفاصيل كتير عنه ..... انا عرفته بالصدفه بعد اختراق وسائل الاتصال
عمى : يطلع مين الشخص ده
ابراهيم : ده يعتبر البديل بتاع استر ..... موجود فى مصر من سنه وبيشتغل على الملف بتاعنا
عمى : سنه كامله واحنا منعرفش عنه اى حاجه ونايمين فى العسل
دياب : اللى انا مش فاهمه هما ليه يخطفوا سليم وهو فى غيبوبه ..... هيستفادوا ايه
عمى : عندهم امل انهم يعرفوا يفوقوه ويعرفوا منه اماكن المخازن او اى معلومه تفيدهم ومتنساش انهم عارفين ان سليم تحت ايده ورق مهم ممكن يدمرهم واحنا منعرفش اى حاجه عن الورق ده غير الورق البسيط اللى قدرنا نوصله
ابراهيم : ورق ايه تانى
عمى : الورق اللى احنا وصلناله بيأكد ان فى ورق تانى كتير بس محدش فينا عارف يوصله ولا حتى عارفين المصدر اللى جاب منه الورق ده
ابراهيم : اهم حاجه دلوقتى تزودوا الحراسه على سليم وليندا
دياب : بالنسبه لسليم فى مجموعه كبيره بتحرسه ده غير الكاميرات الموجوده فى الفيلا وفى اوضة سليم وبالنسبه لليندا انا هتصرف فى موضوع حراستها
عمى : اهم حاجه دلوقتى لازم نشتغل عليها موضوع الشخص الجديد اللى ظهر فى الصوره
دياب : انا هبلغ كريم علشان يتحرك فى الموضوع ده
• بعد مرور ساعات سليم ودياب ومعاهم ابراهيم قاعدين فى المكتب بيرتبوا ويشوفوا هيعملوا ايه ..... فجأه دخل عليهم كريم وشكله مخضوض
عمى : ايه اللى حصل يا كريم
كريم : مصيبه
عمى : مصيبة ايه انطق
كريم : مريم بنت حضرتك طلع عليها رجاله قتلوا الجاردات بتوعها وخطفوها
عمى : انت بتقول ايه
كريم : زى ما بقول لحضرتك كده
دياب : استر عملتها
كريم : استر كمان اختفت ومحدش عارف يوصلها
عمى : اختفت ازاى يعنى وفين البهايم اللى بيتابعوها وفين الراجل بتاعك يا دياب
كريم : استر كشفت الراجل وقتلته
عمى : انا حاسس ان قلبى هيوقف
كريم : هنتصرف ازاى دلوقتى
عمى : اقلبوا مصر كلها .... انا عاوز استر تكون عندى الليله
كريم : انا نشرت الرجاله وفى خلال ساعات هنوصل لمكانها
دياب : احنا لازم نزود الحراسه على الفيلا محدش ضامن الظروف
عمى : يا كريم
كريم : ايوا يا فندم
عمى : ابعت حراسه تانى للفيلا
كريم : حاضر يا دكتور هبعت حراسه على فيلا حضرتك وفيلا دياب
دياب : ابعت حراسه كمان لفيلا احمد صقر ويبقى عينهم على سليم صقر
كريم : حاضر هعمل كده فورا
دياب : انا شايف ان احنا ممكن نضغط على استر بالورق اللى عندنا وساعتها هتخاف على خططها وخصوصا ان الورق بيثبت تورطها فى مصايب كتير ممكن تعرضها للسجن مش بس فى مصر لا ده فى دول تانيه كتير
عمى : هى استر عارفه ان الورق ده معانا
كريم : لحد دلوقتى لا ..... احنا قدرنا نقنعها ان احنا مش عارفين نوصل للورق وهى اقتنعت
عمى : يبقى لازم نلعب بكارت الورق ده
دياب : تفتكر استر هتتصل بحضرتك امتى
عمى : مش دلوقتى ..... هى هتستنى لما اعصابى تتعب علشان تعرف تضغط عليا وتساومنى
دياب : احنا لازم نوصلها قبل ما هى تكلمنا
كريم : انا بلغت المخابرات باللى حصل وهما شغالين على الموضوع ده
عمى : اهم حاجه دلوقتى لمياء وشرين محدش فيهم ياخد خبر باللى حصل
دياب : وهنعمل كده ازاى ده حتى مريم ظروفها ماتسمحش انها تسافر كنا قلنا سافرت تتفسح ولا اى حاجه
عمى : محتاج افكر واحاول اوصل لكدبه اقدر اقنع بيها البنات
• فجأه تليفون كريم رن ورد عليه
كريم : ايوا ..... انت بتقول ايه ...... ازاى ده حصل ..... مش عاوز اى حد يدخل او يخرج لحد ما اجيلك ..... خلى الرجاله تفتح عنيها كويس ..... عشر دقايق واكون عندك
• بعد ما كريم قفل التليفون
عمى : ايه فى تانى يا كريم
كريم : تعالوا معايا وهفهمكم فى الطريق
• اتحرك الكل وركبوا العربيات
عمى : ايه اللى بيحصل يا كريم
كريم : سليم فى خطر
عمى : خطر ازاى
كريم : كاميرات المراقبه اللى فى اوضة سليم وقفت فجأه والرجاله مش عارفين يشغلوها ..... حاولوا يدخلوا الاوضه عند سليم ومش عارفين
عمى : ازاى يعنى مش عارفين يدخلوا الاوضه
كريم : زى ما بقول لحضرتك ..... الرجاله بيقولوا ان باب الاوضه عامل زى ما يكون باب مصفح لانهم ضربوا رصاصه فى كالون الباب بدون اى فايده ..... الرصاص مقدرش يخترق الباب اصلا
عمى : مصفح ازاى .... ده باب عادى
كريم : مش عارف ده اللى حصل
عمى : يا ابراهيم حاول تدخل على سيستم الكاميرات وتشوف المشكله
ابراهيم : انا بحاول من ساعة ما خرجنا من الشركه وللأسف مش عارف ادخل على السيستم خالص
عمى : مصيبه لتكون استر بتحاول تخلص على سليم
دياب : اللى انا مش فاهمه ازاى حد يدخل الاوضه عند سليم من غير ما الجاردات ياخدوا بالهم
كريم : دلوقتى نوصل ونفهم كل حاجه
• بعد عشر دقايق وصلوا الفيلا وكان الجاردات وشرين موجودين ومش فاهمين ايه اللى بيحصل
شرين : ايه فى يا بابا ...... ايه اللى بيحصل فى الاوضه عند سليم
عمى : مش عارف يا بنتى دلوقتى نفهم
• عمى بص على واحد من الجاردات
عمى : ممكن تفهمنى ايه اللى حصل
الجارد : فجأه الكاميرات وقفت وجرينا بسرعه على الاوضه وللأسف مش عارفين ندخل ولا عارفين ايه المشكله اللى حصلت ولا عارفين مين دخل الاوضه ولا دخلها ازاى
عمى : يعنى هيكون عفاريت جوه
الجارد : صدقنى يا فندم احنا مش فاهمين ايه اللى بيحصل
شرين : الحق يا بابا الباب بيتفتح
• دخل الكل للأوضه بسرعه واتفاجئوا لما لقونى صاحى ..... الدكاتره كشفوا عليا واتطمنوا ان انا كويس
عمى : سليم حبيبى انت فوقت حمد **** على السلامه
انا : **** يسلمك يا عمى
شرين : قلقتنا عليك يا اخى كل ده فى غيبوبه
انا : ليه يعنى انا بقالى قد ايه فى الغيبوبه
شرين : بقالك 9 شهور
انا : 9 شهور فى غيبوبه ده انا كنت ميت على كده ..... امال فين مريم
شرين : خرجت فى مشوار وزمانها جايه ومحضرالك مفاجأه هتفرحك جدا
انا : مفاجأه ايه ؟
شرين : مليش دعوه هى اللى تقولك
عمى : الجاردات وشرين يخرجوا
شرين : بس يا بابا انا عاوزه اقعد مع سليم واخشنى
سليم : بعدين يا شرين ..... انا عاوز سليم فى شغل مهم ..... اخرجوا كلكم وسيبوا دياب وكريم عاوزهم
• خرج الكل ماعدا عمى ودياب وكريم
انا : ايه اللى حصل يا عمى وانت ليه ظهرت ومريم فين
عمى : مش مهم انا ظهرت ليه دلوقتى بعدين هفهمك كل حاجه
انا : ايه اللى حصل لمريم ..... من الواضح كده ان فى مصيبه حصلت وانت مخبيها على شرين
عمى : مريم اتخطفت من شويه
انا : اتخطفت ازاى يعنى
عمى : ده اللى حصل ..... مريم كانت راجعه من العياده وطلع عليها رجاله قتلوا الجاردات اللى معاها وخطفوها
انا : استر فين
عمى : استر اختفت فجأه ..... قدرت تعرب من المراقبه وكشفت الجاسوس بتاعنا اللى عندها وقتلته
انا : حضرتك كنت بتقول ان مريم كان راجعه من العياده ..... خير فى ايه
عمى : مريم حامل وكانت فى العياده عند لمياء بتكشف عليها
• انا اتصدمت لما سمعت الخبر
عمى : عاوزك تفوق كده علشان نعرف نفكر ونشوف هنتصرف ازاى
انا : تليفونى فين
عمى : هتعمل ايه بتليفونك
انا : لازم اتصرف بسرعه قبل ما استر تلحق تعمل اى حاجه ..... مريم لازم تبات فى الفيلا النهارده
عمى : هتعمل كده ازاى يعنى
انا : دى مشكلتى وهعرف اتصرف فيها ..... فين تليفونى
عمى : موجود فى درج المكتب
• قومت من السرير وروحت للمكتب ومسكت تليفونى كان فاصل شحن ..... وصلته بالشاحن وشغلته بعد كده عملت عليه كام حاجه وبعد كده اتصلت برقم
انا : ايوا انا سليم الجراح ..... انتوا فين ..... جهز الرجاله لحد ما اوصلك ..... انت طبعا عارف اللى حصل ..... مريم لازم ترجع النهارده ..... متقلقش انا عارف مكانها ..... استر فين دلوقتى ...... فى المقطم ..... تمام كده جهز الرجاله وانا مسافة السكه وهكون عندك
• قفلت التليفون وبعد كده بصيت لعمى
انا : استر ومريم موجودين فى المقطم
عمى : انت عرفت ازاى مكان مريم ومين اللى كنت بتكلمه
انا : انا زارع GPS فى السلسله المفضله بتاعة مريم ..... انا استر انا مكلف ناس بمراقبتها ..... هتحرك دلوقتى انا وكريم علشان نجيب مريم
عمى : تروح فين انت لسه تعبان سيب كريم هو اللى يتحرك
انا : انا اللى هروح اجيب مراتى ..... مش كفايه ان انا السبب فى اللى هى فيه ده
عمى : يابنى اسمعنى
انا : مش عاوز نقاش فى الموضوع ده ..... ارجع مراتى وبعدها قول اللى ان عاوزه
كريم : خلاص يا دكتور انا هتحرك مع سليم
• من ناحيه تانيه عند استر فى فيلا المقطم
استر : ايه الاخبار يا البيرت
البيرت : انا خايف من اللى ممكن يحصل ..... البنت حامل وشكلها مجهد جدا وممكن تموت مننا فى اى لحظه
استر : والدكاتره فين
البيرت : الدكاتره عندها فى الاوضه بيعالجوها ..... المشكله انها جريت كتير من الرجاله اللى خطفوها وده اثر عليها
استر : تموت ولا تغور فى ستين داهيه
البيرت : مينفعش تموت قبل ما نوصل للورق اللى مع سليم الجراح ودياب
استر : متخافش هنوصل للورق
البيرت : انتى متاكده ان دياب وسليم وصلوا للورق
استر : ايوا وصلوا للورق تانى يوم ما سليم دخل فى الغيبوبه واللى ساعدهم فى كده يوسف العصار
البيرت : طب ايه اللى يخليهم يسكتوا ده كله ومايستخدموش الورق
استر : محدش يعرف الدكتور سليم الجراح بيفكر ازاى
البيرت : المصيبه ان الاوامر اللى عندنا محدش يتعرض للدكتور سليم الجراح نهائى وبالطريقه دى احنا بنكسر الاوامر
استر : انا بعمل كده علشان احمى وجودنا ..... الورق اللى فى ايد سليم الجراح كفيل انه يعطل خططنا اذا مكانش هيدمرنا
البيرت : ولنفترض ان الدكتور سليم وافق يسلمك الورق تفتكرى انه معندهوش ورق تانى غيره او حتى ابن اخوه زى ما وصل للورق ده مش جايز برضه يكون وصل لورق تانى غيره
استر : كله هيبان بس اهم حاجه دلوقتى نوصل للورق اللى مع شليم ونعرف مين اللى قدر يشرب الورق ده
البيرت : احنا تقريبا حققنا مع كل الناس اللى ممكن تكون متورطه فى الموضوع ده وبدون فايده
• فجأه سمعوا صوت ضرب نار ..... ودخل كام واحد من الجاردات علشان يحموا استر
استر : ايه صوت ضرب النار ده
البيرت : مش عارف
الجارد : سليم الجراح ورجالته بيحاولوا يقتحموا الفيلا
استر : ازاى وصلوا للفيلا بالسرعه دى
الجارد : ده معاه جيش كبير بره وما اعتقدش ان احنا هنقدر عليهم
استر : يلا بينا نخرج من باب الطوارئ
الجارد : للأسف رجالة سليم محاصرين الفيلا كلها ووصلوا كمان لمخرج الطوارئ وسيطروا عليه
استر : وبعدين معاك يا سليم مش ناوى تتهد بقى ولا كأن باين عليك السن
الجارد : ده مش الدكتور سليم لا ده ابن اخوه
استر : هو سليم فاق امتى من الغيبوبه
• فجأه ضرب النار وقف
استر : ضرب النار وقف ..... ياترى ايه اللى حصل
• فجأه دخلت عليهم المكتب ومعايا جيش رجاله
انا : انا اقولك ايه اللى حصل يا استر
استر : انت فوقت امتى من الغيبوبه
انا : فوقت علشان احاسبك على كل الغلط اللى انتى غلطتيه من يوم ما دخلت فى الغيبوبه ..... كل اللى عملتيه كوم وانك تخطفى مراتى ده لوحده كوم تانى وهحاسبك عليه كله
استر : ده لعبه يا سليم وانت عارف قواعدها كويس
انا : حلو .... وانا هعاقبك بنفس قواعد اللعبه دى بس بعد ما اخد مراتى الاول
• فجأه دخل واحد من الجاردات بتوعى
الجارد : احنا وصلنا لمريم هانم بس واضح انها تعبانه جدا يا فندم وفى دكاتره عندها فوق واحنا قبضنا عليهم كلهم
انا : عملتى ايه فى مراتى يا استر
استر : هى اللى تعلانه لوحدها انا معملتلهاش اى حاجه
انا : اتطمن على مراتى الاول وبعد كده هعرف احاسبك كويس ..... انا هبقى الجخيم اللى ماكنتيش عامله حسابه
• اتحركت بسرعه للأوضه اللى فيها مريم .... مريم اول ما شافتنى حاولت تقوم من مكانها بس ماعرفتش
انا : بالراحه يا حبيبتى ماتتعبيش نفسك
مريم : انت رجعت بالسلامه يا حبيبى
انا : اهدى كده وماتتكلميش انتى تعبانه ..... يا كريم
كريم : ايوا يا فندم
انا : عاوز عربية اسعاف مجهزه فورا ..... وكلم الدكتور سليم طمنه خليه يتحرك على المستشفى
كريم : عشر دقايق وتكون موجوده يا فندم
• خرج كريم وسابنى مع مريم
انا : اهدى يا حبيبتى وعشر دقايق ونمشى من هنا
مريم : انا مش عاوزه حاجه تانى من الدنيا كفايه انك قومت بالسلامه يا حبيبى
انا : يعنى انتى مستنيانى ادخل فى غيبوبه علشان تبقى حامل ..... كان لازم يعنى تشيلينى همك
مريم : اسكت يا سليم ده انت خرجت من العمليات من هنا وانا اغمى غليا من هنا وعرفت انى حامل
انا : الف مبروك يا حبيبتى
مريم : جابه متأخره يا استاذ
انا : اعمل ايه مش ذنبى سامحينى
مريم : اسامحك على ايه ولا ايه
انا : ليه انا عملت ايه بس
مريم : بقى انت عارف ان بابا عايش ومخبى عليا
انا : اعمل ايه دى اوامر ابوكى ..... سامحينى يا حبيبتى
مريم : مسامحاك يا حبيبى
• فجأه دخل كريم
كريم : الاسعاف وصلت يا فندم
انا : طب اسبقنى يا كريم وانا هجيب مريم واحصلك
كريم : وبالنسبه لأستر
انا : سيبها دلوقتى بس خلى عينك عليها ومش عاوزها تغيب عن عينكم زى الره اللى فاتت
كريم : حاضر يافندم
انا : يلا يا كريم اتحرك
• شيلت مريم ونزلت بيها للأسعاف واتحركنا على المستشفى ...... اول ما وصلنا كان عمى موجود ومعاه لمياء وشرين والحاج عزت والحاجه فاطمه والحاج اكرم والحاجه كريمه ...... اول ما وصلنا مريم دخلت الاوضه ودخلت معاها لمياء تكشف عليها ..... وقعدت انا بره مع الجماعه ..... الحاجه فاطمه والحاجه كريمه اول ما شافونى اخدونى بالحضن
فاطمه : حمد **** على سلامتك يا بنى
انا : **** يسلمك يا امى
فاطمه : اول مره تقولى يا امى
انا : لانى حاسس انك امى بجد ..... طول فترة الغيبوبه وانا حاسس بيكى جمبى ..... نفسك هو اللى كان مطمنى ..... يا عمتى انا عمرى ما شوفت امى ..... ماشوفتش غيرك انتى والحاجه كريمه علشان كده بعتبركم مكان امى اللى اتحرمت منها
فاطمه : يا سليم انت ابنى زيك زى اسامه ..... ربيتك فى حضنى وامك **** يرحمها كانت صاحبتى وعشرة عمرى وموتها قطع فيا
انا : **** يرحمها
عزت : شايف يا حاج اكرم اهو سابنا احنا وعرف ياكل بعقلهم حلاوه ولا كأننا كنا معاه طول الشهور اللى فاتت
انا : ههههههههه ده انتوا الاتنين اغلى عندى من حياتى
اكرم : ماشى يا لمض ..... على فكره انا اتصلت ببوسف وبلغته انك فوقت وهو جاى فى الطريق
انا : تصدق انه وحشنى جدا
• فجأه دخل علينا يوسف واخدنى بالحضن وعيط وخلانى دمعت انا كمان
انا : كفايه يا يوسف انت هتخلينى اعيط
يوسف : وحشتنى يا زفت وقلقتنى عليك
انا : معلش يا صاحبى سامحنى
• فجأه طلعت لمياء من الاوضه وجريت عليها
انا : طمنينى يا لمياء
لمياء : مش عارفه اقولك ايه يا سليم
انا : قلقتينى يا مريم
لمياء : مريم حملها متعب شويه والطفل ضعيف جدا وبقاله يومين حركته ضعيفه ولما كشفت عليها الصبح كان الوضع بدأ يتحسن شويه لكن دلوقتى الوضع بقى اصعب من الاول
انا : طب والحل ايه يا لمياء دلوقتى
لمياء : صعب جدا تولد طبيعى مفيش قصادنا غير التدخل الجراحى ونولدها قيصرى
انا : يعنى حالتها تسمح بالولاده القيصرى
لمياء : ده الحل الوحيد
انا : بس انا خايف عليها
عمى : يا بنتى انا ممكن اتصرف واجيب احسن دكاتره يولدوها لو انتى مش هتقدرى
لمياء : للأسف يا بابا الوقت مش فى صالحنا واى تأخير ممكن يضر بمريم والجنين
انا : انا واثق فيكى يا لمياء ..... اتوكلى على **** وشوفى انتى هتعملى ايه بس انا عاوز اشوف مريم الاول
لمياء : ادخلها يا سليم وحاول تطمنها علشان هى خايفه وحالتها النفسيه صعبه
انا : حاضر يا لمياء انا هدخلها دلوقتى
• سبتهم ودخلت الاوضه عند مريم
انا : مالك يا جزمه انتى هو كل واحده هتولد هتعيش فى جو الدراما ده
مريم : انا خايفه يا سليم
انا : خايفه من ايه يا حبيبتى ..... هو انتى اول واحده هتولد
مريم : لا مش اول واحده هتولد بس اللى شوفته طول الشهور اللى فاتت اثر عليا وعلى الحمل
انا : سامحينى يا مريم انا السبب فى اللى حصلك
مريم : لا يا سليم ماتلومش نفسك على اى حاجه ..... وبعدين انا راضيه بكل اللى يجيبه **** .... انا اتعلمت منك معنى الرضا بالقدر
انا : انتى صح يا مريم بس انا مش هستحمل اى حاجه تحصلك
مريم : الرضا يا سليم ..... اهم حاجه الرضا
انا : حاضر يا حبيبتى
• اتفتح الباب ودخل علينا عمى
عمى : سامحينى يا مريم على كل اللى حصلك انتى وجوزك بسببى .... سامحونى ياولاد
مريم : ايه اللى انت بتقوله ده يا بابا ..... احنا كلنا فداك يا حبيبى
عمى : سامحنى يا سليم
انا : اسامحك على ايه يا عمى ..... اسامحك على انك رجعتلى احساس العيله من تانى بعد ما كنت نسيتها ...... اسامحك على انك خليت لحياتى معنى وهدف اعيش علشان احققه ...... اسامحك على انك جوزتنى اجمل بنت فى الدنيا كلها ...... قولى بقى عاوزنى اسامحك على ايه بالظبط وانا مستعد اسامحك ...... وبعدين انت قولتها قبل كده ان ده قدر الرجاله ويا الف مرحب بقدر الرجاله لو كان بالشكل ده
عمى : راجل يا سليم ومخيبتش ظنى فيك
انا : الرجوله دى اتعلمتها منك يا عمى
عمى : لا يابنى انت اللى راجل من يومك
مريم : انا خلاص مش عاوزه حاجه تانى من الدنيا ولو مشيت همشى وانا مبسوطه
انا : ايه النكد اللى انتوا معيشينا فيه ده واحد يقولى سامحنى والتانيه عندها كمية نكد محصلتش ..... انا ايه اللى رمانى على العيله دى يا ربى
مريم : هههههههه مش انت اللى انقذت بابا فى المعادى
انا : تصدقى انا غلطان ياريتنى كنت سيبته او حتى وديته المستشفى ومشيت يعنى كان لازم ارجع تانى علشان
مريم : علشان ايه بقى
انا : علشان اشوف اجمل انسانه فى الدنيا واحن عم واب فى الحياه ..... **** يخليكم ليا ومايحرمنى منكم ابدا
عمى : ايوا كده اظبط نفسك
انا : حبيبى يا عمى
• بعد شويه دخلت لمياء ومعاها التمريض وطلبوا مننا نخرج علشان يجهزوا مريم للعمليه
• خرجت مع عمى وقعدنا مع الجماعه بعد كده اخدوا مريم للعمليات
• بعد ساعه من دخول مريم للعمليات قاعدين كلنا متوترين ومش قادرين نتحكم فى اعصابنا
اكرم : اتطمن يابنى انشاء **** خير
انا : انا قلبى مش متطمن وحاسس ان فى حاجه هتحصل
عزت : ماتقولش كده يابنى خليك واثق فى ***
انا : ونعم ب**** يا عمى بس انا طول عمرى بحس لما بيكون فى مشكله او حاجه هتحصل
• فجأه خرجت لمياء وشكلها معيط
انا : ايه اللى حصل يا لمياء
لمياء : .........
انا : مريم حصلها حاجه
لمياء : لا مريم كويسه وبخير
عمى : امال ايه اللى حصل يابنتى انطقى
لمياء : للأسف الجنين نزل ميت
• اول ما سمعت الخبر وقعت على الارض وعمى والحاج اكرم سندونى ووقفونى
اكرم : اجمد يابنى وشد حيلك انت اقوى من كده
انا : الحمد *** انا راضى ..... انا راضى ..... انا راضى **** بكل اللى تجيبه
عزت : ايوا كده يابنى خليك واثق فى ***
انا : طمنينى يا لمياء على مريم
لمياء : ماتقلقش يا سليم هى كويسه ودلوقتى هتخرج من الافاقه
انا : ابنى فين يا لمياء
لمياء : هيخرج دلوقتى بس امسك نفسك يا سليم
انا : متخافيش عليا يا لمياء
• خرجت الممرضه وشايله الطفل ...... اول ما قربت منى اخدت منها الطفل وحضنته بعد كده شيلت الغطاء من على وشه ورفعته شويه وبصيت عليه
انا : سامحنى يابنى مش مكتوبلنا نعيش فى حياه واحده مع بعض ..... يوم ما كنت بفارق الحياه انت اتخلقت ..... واليوم اللى انا رجعتلها فيه انت فارقت ..... بس اقسملك بغلاوتك عندى هقلبها ضلمه على الكل وهنتقم من كل اللى حرمونى منك ..... من النهارده الارض هتتلون بلون الدم ...... سامحنى يابنى جايز لو كنت ابن لحد غيرى كان زمانك عايش لكن قدرك تكون ابنى ..... قدرك تكون ابن شخص محكوم عليه بالحرمان طول عمره ويوم ما الدنيا بتضحكله بتبقى حاطه السيف على رقبته .... بس انا خلاص مسكت السيف وهحطه على رقبة اى حد يفكر يحرمنى من حاجه تانى
عمى : كفاياك يا سليم كده
انا : هى مريم هتخرج امتى يا لمياء
لمياء : عشر دقايق وتخرج يا سليم
• اخدوا منى الطفل وراحوا بيه المشرحه وبعد كده خرجت مريم من العمليات ودخلت اوضتها بعدها دخلت الاوضه مع عمى والجماعه وكلهم ساكتين مش قادرين يتكلموا
مريم : ابنى فين يا سليم
انا : ارضى يا مريم ..... اهم حاجه الرضا
• مريم اول ما سمعت كلمتى عيطت من غير كلام
انا : اهدى يا مريم علشان خاطرى
مريم : كان نفسى اشوفه
انا : مش مكتوبلنا المره دى ..... يمكن المره اللى جايه **** يعوضنا ..... اهم حاجه ترضى وتصبرى
مريم : صعب اووووى الصبر
انا : صعب بس مش مستحيل
مريم : عاوزه اشوف ابنى يا سليم
انا : علشان خاطرى بلاش انتى حالتك ماتسمحش
مريم : ابوس ايدك عاوزه اخد ابنى فى حضنى ولو مره واحده
انا : حاضر يا حبيبتى شويه كده وهجيبه ..... اهم حاجه دلوقتى ترتاحى وتنامى شويه
مريم : وانا هعرف انام بعد اللى انا فيه ده
انا : لازم تنامى وترتاحى شويه ..... بعد اذنكم يا جماعه يلا كلنا نخرج بره علشان مريم ترتاح
مريم : خليك جمبى يا سليم انا خايفه اقعد لوحدى
انا : حاضر يا حبيبتى هقعد معاكى بس ثوانى وهرجعلك على طول
مريم : متتأخرش عليا يا سليم
انا : مقدرش يا حبيبتى ..... بعد اذنك يا لمياء تعالى معايا
لمياء : حاضر يا سليم
• اخدت لمياء وخرجت من الاوضه
انا : طمنينى على مريم يا لمياء
لمياء : اقسملك مريم كويسه جدا ومفيش اى حاجه
انا : طب انا عاوزك تديها اى مهدئ علشان تعرف تنام وترتاح
لمياء : متخافش انا مجهزه المهدئ وهحطه فى المحلول دلوقتى علشان تعرف تنام وترتاح
انا : امتى هتخرج من المستشفى
لمياء : بكره الصبح انا هخرجها من المستشفى وارجع بيها للفيلا وهتابع حالتها هناك بس اهم حاجه تعدى الليله وبعدها كل شئ هيكون تمام
انا : طب كويس ..... انا هرجع لمريم وانتى تعالى اديها المهدئ
لمياء : حاضر يا سليم
• رجعت الاوضه عند مريم وقعدت معاها لعد ما الكل خرج وسابونا لوحدنا بعدها دخلت لمياء ادتها المهدئ وخرجت تانى ..... قعدت احكى مع مريم علشان اخفف عنها لحد ما راحت فى النوم بعدها طفيت نور الاوضه وخرجت
• عند عمى والجماعه قاعدين بره
عمى : سليم اتاخر اوووى
اكرم : عندك حق مش معقول يكون قاعد كل ده فى الحمام
يوسف : ممكن يكون تعب تانى ولا حصله اى حاجه فى الحمام
كريم : انا هروح الحمام اشوفه
عمى : بسرعه يا كريم
• راح كريم للحمام وكان فاضى ورجع بعدها للجماعه
عمى : سليم فين يا كريم
كريم : الحمام فاضى وبرن عليه تليفونه مقفول
دياب : يعنى هيكون راح فين
كريم : مش عارف
يوسف : انا عارف سليم فين
عمى : فين يا يوسف
يوسف : تعالوا معايا
• اتحرك الكل وراء يوسف لحد ما وصل المشرحه ودخل ولقانى قاعد فى الارض جمب باب التلاجه اللى قاعد فيعا ابنى والمسئول عن المشرحه واقف مش عارف يعمل ايه
يوسف : انا كنت متاكد انى كنت هلاقيك هنا
انا : عاوزين منى ايه ..... سيبونى فى حالى ارجوكم
يوسف : حرام عليك نفسك يا سليم
انا : ايه هموت يعنى طب ياريت ما انا بقالى شهور ميت ويوم ما ارجع للحياه يحصل فيا كده .... الموت ارحم بكتير .... الموت حنين اووووى وقاسى جدا فى نفس الوقت ..... حنين علشان بيريح الانسان من كل همومه وقاسى جدا على حبايبه
اكرم : حرام عليك يابنى كفايه
عمى : تعالى معانا يا سليم من هنا
انا : شويه يا عمى وهخرج بس محتاج اقعد لوحدى شويه مع ابنى ارجوكم سيبونى لوحدى
كريم : سيبوه شويه لوحده وهو هيخرج لوحده
• خرج الكل من المشرحه وسابونى لوحدى مع ابنى وكانوا مستنيين قصاد باب المشرحه ..... بعد شويه صلبت طولى وخرجت قعدت معاهم فى الجناح لتاع مريم ...... كلهم بيحاولوا يتكلموا معايا بس انا مش قادر اتكلم
عزت : يابنى رد علينا ماتسيبش نفسك كده
انا : مش قادر يا عمى
عزت : لازم تقدر يا سليم
انا : هحاول
• طلعت تليفونى وفتحته
عمى : هتكلم مين يا سليم
انا : هتعرف دلوقتى يا عمى
• اتصلت برقم ورد عليا شخص
انا : ايه الاخبار .... والرجاله فين ..... مش عاوزها تغيب عن عينكم مهما حصل ..... لو حاولت تهرب او حد حاول يهربها اقتلوها فورا بدون الرجوع ليا فاهمنى .... ايوا تقتلوها وتبعتولى جثتها على مصر ...... واقسم ب**** لو هربت منكم انا اللى هقتلكم بايدى ...... اقفل دلوقتى
• بعد ما قفلت مع الشخص اللى بكلمه
عمى : مين دى يا سليم اللى بيراقبوها
انا : بعدين يا عمى هحكيلك بس ثوانى هعمل مكالمه تانيه
• اتصلت برقم استر السرى اللى مفيش اى حد يعرفه وفتحت الاسبيكر
استر : سليم ..... انت جيبت الرقم ده ازاى
انا : انا اعرف اللى محدش فى الدنيا كلها يعرفه عنك يا استر
استر : عاوز ايه يا سليم
انا : ابدا بكلمك علشان اتطمن على جاسمين عرفت ان النهارده هى غابت من المدرسه قولت اتطمن عليها
استر : انت تعرف جاسمين من فين وازاى عرفت انها غابت من المدرسه
انا : قولتلك انا اعرف عنك اللى مفيش مخلوق فى الدنيا يعرفه عنك ..... انتى جحيمك بدأ معايا يا استر واللى فات كله كان كوم واللى جاى كوم تانى خالص
استر : جاسمين ملهاش علاقه باللى بينا
انا : وابنى اللى انتى قتلتيه مكانش له علاقه باللى بينا
استر : انا مقتلتش ابنك
انا : انتى السبب فى موته ..... اقسملك يا استر انك هتشوفى منى اللى عمرك ما هتتوقعيه ..... قبل ما انسى عاوز احذرك انك تهربيها من شقتها فى لندن لان الناس واخدين اوامر لو حد اتدخل علشان يهربها هيقتلوها فورا من غير ما يرجعولى
استر : هدمرك يا سليم
انا : انا عاوزك تحاولى ..... نهايتك على ايدى يا استر بس لازم فى الاول تخسرى كل حاجه ساعتها بس هسمحلك بالموت ..... عاوزك كمان تبلغى داوود رساله
استر : انت كمان عرفت داوود
انا : بلغيه ان سليم الجراح رجع تانى للملعب وايامكم فى الحياه بقت معدوده ..... على فكره لو حاول يتخلص منى او من اى حد فى عيلتى كل الورق اللى عندى هيظهر للنور ومش بس الكام ورقه اللى مع عمى ودياب لا ده فى ورق كتير جدا اكتر من الاقى وقت علشان اقرأه واظن ان انتى عارفه انا قصدى ايه واللى حصل فى اسبانيا مش هينفع يتكرر تانى
استر : قصدك ايه باللى حصل فى اسبانيا
انا : انتى فاهمه قصدى كويس يا استر
استر : لا مش فاهمه حاجه
انا : طب هبسطهالك ..... جون مكافى
استر : انت بتقول مين
انا : زى ما سمعتى كده ..... وحق ابنى واسامه صاحبى جيه الوقت انه يرجع .... الحاج عزت والحاجه فاطمه لسه ما اخدوش العزاء فى ابنهم وجيه الوقت انهم ياخدوه
استر : احنا ممكن نتفاهم يا سليم
انا : زمن التفاهم انتهى خلاص ..... بعد 30 يوم هتكون النهايه وصدقينى هتكون نهايه مختلفه
• وقفلت السكه فى وشها
عمى : تعالى معايا يا سليم عاوزك
انا : بعدين يا عمى ..... بعدين هحكيلك وافهمك كل حاجه
يوسف : اصبر يا عمى على سليم .... سليم عارف بيعمل ايه كويس
عمى : انا خايف عليه يا يوسف
اكرم : يبقى انت لسه ماتعرفش سليم ..... سليم يتخاف منه مايتخافش عليه ابدا
عزت : سليم طول عمره ذكى وعارف بيعمل ايه
• من ناحيه تانيه عند استر فى فيلا المقطم قاعده مع البيرت
البيرت : سليم كان بيقولك ايه
استر : طلعنا بنواجه شخص اقوى بكتير من الدكتور سليم ودياب ..... شخص بقاله كتير بيذاكر وبيشتغل فى الضل من غير ما ناخد بالنا منه
البيرت : لو تقوليلى هو قالك ايه بالظبط
استر : باعت رساله لداوود
البيرت : داوود مين ده
استر : شوفت بقى انت ماتعرفش مين داوود يبقى سليم عرفه ازاى
البيرت : ايوا يعنى مين داوود ده
استر : ده الشخص البديل هنا فى مصر اللى ماسك ملف الجراح
البيرت : وعرفه ازاى ده بقى
استر : المصيبه انه لسه فايق من الغيبوبه النهارده ..... معنى كده انه يعرفه من قبل الغيبوبه
البيرت : او ممكن يكون موضوع الغيبوبه ده لعبه
استر : كل شئ ممكن ..... بس اللى هموت واعرفه هو ازاى وصل لجون مكافى
البيرت : جون مكافى ايه اللى يوصله ..... جون مات من بدرى فى اسبانيا
استر : سليم هدد بشكل صريح بموضوع جون مكافى واللى حصل فى اسبانيا
البيرت : دى كارثه ..... جون كان معاه مصايب كتير جدا مش بس علينا احنا لا ده على ناس تانيه كتير ..... كده وجود سليم فيه خطر كبير علينا
استر : وموته فيه خطر اكبر ..... سليم قدر يحصن نفسه ويحصن عيلته كويس
البيرت : طب والحل دلوقتى
استر : لازم ابلغ باللى حصل علشان نشوف هنعمل ايه
• تانى يوم الصبح دفنت ابنى فى المدافن بتاعة عمى وبعدها مريم خرجت من المستشفى ورجعنا الفيلا وحالتها النفسيه كانت صعبه اخدت مهدئ ونامت ..... بعدها دخلت المكتب مع عمى ويوسف ودياب وكريم
عمى : ممكن تفهمنا يا سليم ايه اللى بيحصل بالظبط ..... مين داوود ومين جاسمين دول اللى انت بتهدد بيهم استر وايه حكاية جون مكافى وازاى اصلا انت فوقت من الغيبوبه
انا : جاسمين دى تبقى بنت استر او بمعنى اصح دى بنت اتبنتها استر وتبقى نقطة ضعفها الوحيده ومخبياها عن الناس كلها ومفيش اى حد يعرف عنها حاجه حتى المقربين لأستر
عمى : وانت عرفتها ازاى طالما هى سر كده
انا : عرفتها بطريقتى
عمى : مين داوود ده كمان اللى انت بعتله الرساله
انا : ده بديل استر هنا فى مصر وبيشتغل على الملف بتاعنا من اكتر من سنه
عمى : وانت تعرفه من امتى ده ..... ده احنا لسه عارفين ان فى بديل لأستر امبارح بس ومنعرفش مين البديل ده
انا : انا اعرف كل حاجه عن البديل ده من اول يوم مسك فيه الملف بتاعنا
عمى : وحكاية جون مكافى
انا : انا اتعرفت على جون مكافى قبل ما ادخل فى الغيبوبه بشهر واحد واخدت منه كل الاسرار اللى يعرفها واللى جزء بسيط منها الورق اللى معاكم واللى بسببه استر خطفت مريم ..... استر عرفت واتاكدت ان انتوا وصلتوا للورق ده ..... انا بقى اخدت الاسرار من جون وبعدها دخلت فى الغيبوبه ولما فوقت وفتحت تليفونى عرفت ان جون انتحر فى السجن فى اسبانيا لكن انا متاكد انه اتقتل واستر اكيد عارفه مين اللى قتله
عمى : طب وفوقت ازاى من الغيبوبه
انا : دى بقى الحاجه الغريبه فى الموضوع كله
عمى : هى دى بس الحاجه الغريبه ده انت كل اللى بتحكيه عباره عن غرائب ملهاش حدود ..... احكيلى كل اللى حصل وانا هحاول افهم
انا : زى ما يكون حلم بس فى الحقيقه
عمى : ازاى يعنى
انا : كنت قاعد على الارض ومربوط بجنازير كتير جدا من ايدى ورجلى ورقبتى وكنت شايف نفسى نايم على سريرى بس مش فى الاوضه لا كنت فى وسط مجموعة جبال محاوطانى من كل ناحيه وانا شايف نفسى من بعيد .... فجأه قام هواء شديد او عاصفه لدرجة انها حجبت عنى الرؤيه لمدة دقايق وزى ما العاصفه قامت فجأه وقفت برضه فجأه بس بعدها ما وقفت شوفت حاجه غريبه ..... شوفت السرير بتاعى متحاوط بالنار من كل ناحيه ومش علرف النار دى جات ازاى لأن مفيش اى حد موجود وقبل ما افكر ظهر ***** كتير ماقدرش اعدهم عددهم كان بالالاف نازلين من الجبال لدرجة انهم غطوا الجبال ..... ***** كان شكلهم غريب جدا كانوا بيلفوا حوالين السرير بتاعى وبيقولوا كلام غريب مش مفهوم وكل ما كانوا بيتكلموا كانت النار بتزيد اكتر واكتر وانا مش حاسس بأى حاجه ..... فجأه خرج من النار اشعه كتير ..... الاشعه دى اتلاقت فوق السرير بالظبط واتكونت فى شكل واحده ملهاش ملامح بعدها اتشكلت فى هيئة امى وبعدها فى شكل الحاجه فاطمه وبعدها فى شكل الحاجه كريمه وفجأه اتغير شكلها لواحده انا حاسس انى اعرفها بس مش عارف شوفتها فين ...... ظهرت وكان فى ايدها كتاب شكله غريب غلافه من جلد ومنفوش عليه كلام زى ما يكون طلاسم قعدت تقرأ من الكتاب وكانت الكلام تحس انه عربى بس مش فاهم منه اى حاجه وكانت كل ما تقرأ ينزل ددمم من الكتاب على دماغى وكانت كل ماتخلص صفحه تقطعها وترميها فى النار والنار كانت بتزيد بدرجه فظيعه ومع كل صفحه كان فى جنزير بيتفك لحد ما خلصت الكتاب كله وماتبقاش غير الغلاف بعد كده مسكت الغلاف وغطت بيه وشى وقعدت تقول طلاسم واتفك اخر جنزير مكتفنى بعدها كل ******* لفوا ناحيتى وبصوا عليا وعملوا ممر يوصل للسرير اللى كنت نايم عليه بس الممر ده كان كله نار وكان فى صوت فى دماغى بيحركنى ماحستش غير بنفسى قايم من على الارض وبمشى على النار بس مش حاسس بأى الم لحد ما وصلت للسرير وكانت الست اختفت ..... طلعت على السرير ونمت عليه زى ما يكون كنت بره جسمى ودخلت تانى ..... فجأه ظهرت الست تانى بس فوق الجبل وماسكه فى ايدها عصايه كبيره فى اخرها جمجمة *** صغير وشاورت على السرير فجأه ظهرت طيور اشكال والوان بتطير فى السماء ..... فجأه السماء اتملت غيوم ومطرت مطر شديد جدا لدرجة ان المطر كان بينزل على جسمى يوجعنى بس الغريبه ان المطر مش بيأثر فى النار بالعكس ده كان عامل زى البنزين كل ما ينزل على النار تزيد بعد كده المطر وقف وحسيت نفسى عاوز اقوم وبالفعل قومت قعدت على السرير فجأه الست نزلت من فوق الجبل وبقت واقفه على طرف السرير و ظهر جمب الست مرايه ضخمه جدا محفور على بروازها طلاسم لما ركزت فى المرايه مشوفتش انعكاس ليا ولا للمكان اللى انا فيه ..... المرايه دى كان عامله زى شاشة تليفزيون اتعرض عليها تاريخ حياتى كله من يوم ما اتولدت بكل حاجه حصلتلى لحد ما سافرت القاهره وقابلتك يا عمى مرورا بالحادثه اللى حصلتلك وجوازى من مريم لحد اليوم اللى كنت خارج فيه من المعمل مع مريم واتضرب عليا نار وبعدها دخولى للعمليات .... شوفت كل حاجه حصلت وانا فى الغيبوبه بالتفصيل الممل لحد ما شوفت مريم بتتخطف فجأه كل حاجه اختفت ولقيت نفسى فى اوضتى اللى فى الجنينه نايم على سريرى فجأه انت دخلت عليا الاوضه وقتها عرفت ان كل اللى شوفته كان حقيقى مش مجرد حلم
عمى : حكايه غريبه فعلا وخصوصا ان الكاميرات وقفت والباب اتقفل ومحدش عرف يفتحه
دياب : شكلك يا سليم معاشر جن
انت : سيبكم من الكلام ده وخلينا فى المهم
عمى : عاوز ايه يا سليم
انا : انا هبدأ فى تنفيذ الخطه من بكره .... فى ظرف شهر لازم نضرب ضربتنا
عمى : مش شايف انك مستعجل شويه يا سليم
انا : بالعكس يا عمى ده انسب وقت علشان نضرب ضربتنا
دياب : ازاى بقى
انا : دلوقتى انا شغلت استر فى حوارات كتير هتاخد وقت علشان تعرف تستوعبها وكشفت كمان البديل بتاعها اللى هياخد وقت اكبر علشان يرتب اوراقه ويعرف يكتشف الثغره اللى عنده ..... يعنى بمعنى اصح الجماعه عاوزين وقت يعيدوا فيه حساباتهم خصوصا بعد ما شغلت استر بمعركه شخصيه بعيده عن الشغل ..... احنا بقى هننزل عليهم بشوية ضربات تشل تفكيرهم لحد ما يجى وقت الضربه القاضيه اللى هتدمر فى طريقها حاجات كتير ومن بعد الضربه دى العالم كله هياخد وقت طويل علشان يعرف يرجع زى الاول
دياب : بس فى ناس كتير هتدمر من غير اى ذنب
انا : بص يا دياب مفيش حد هيخسر اى حاجه الا اذا كان يستاهل وبعدين اى حرب لازم يبقالها ضحايا وعلشان تقدر تحقق هدفك لازم تضحى
كريم : بس الحرب دى اكيد هتأثر علينا
انا : انا دارس الحرب دى كويس جدا وبقولك ان نسبة خسارتنا فيها صفى فى الميه
كريم : على العموم انا ورجالتى جاهزين لكل الاحتمالات
انا : وانا كمان جاهز ورجالتى جاهزين
عمى : اموت واعرف مين رجالتك دول وعملتهم امتى وازاى
انا : زى ما انت قدرت تعمل رجالتك انا كمان عملت رجالتى
عمى : رجالتى عملتهم فى 30 سنه لكن انت ازاى فى سنه واحده قدرت تعمل كل ده
انا : علشان ببساطه انا بدأت من مكان ما حضرتك وقفت
عمى : حتى لو كده انت ازاى قدرت توصل لكل ده
انا : الحكايه محتاجه تفتيح دماغ واكون محدد هدفى كويس وعارف هبدأ من فين ساعتها كل حاجه هتمشى زى ما متخططلها بالظبط
عمى : انا متطمن جدا لكل اللى بتعمله يا سليم عارف ليه
انا : ليه يا عمى
عمى : علشان اللى بيساعدك قوه اكبر بكتر من قوى البشر واللى حصل معاك فى الغيبوبه بيأكدلى ده
انا : يبقى لازم نبدأ فورا بس اهم حاجه لازم تحصل الاول هى مشاكل دياب مع عيلة صقر .... الفتره اللى جايه احنا داخلين حرب كبيره هيحاولوا يشغلونا عنها بمشاكل شخصيه هتعطلنا واحنا فى غنى عنها
دياب : انا قولت قبل كده مش عاوز اى كلام فى الموضوع ده
انا : يا دياب انت انتقمت من عيال العاصى واخدت حقك منهم والعاصى نفسه انت دفنته وسط الكللابب والخنازير اما بالنسبه لسعد صقر ده مايهمنيش اعمل فيه اللى انت عاوزه
دياب : امال انت عاوز ايه
انا : ابعد عن امل صقر وعيالها ..... احمد صقر ماعملش اى حاجه تستاهل انك توقفله بالشكل ده .... احمد صقر تايه ومحتار وخايف ..... خايف على عيلته من الوحش اللى راجع ينهشهم علشان كده ابعد عنهم
دياب : انا فعلا بعدت عن احمد صقر واخواته وبالنسبه لأمل صقر انا اخدت حقى منها فى اخوها
انا : يبقى خلاص كفايه كده ..... الفتره اللى جايه مش عاوزين اى مشاكل جانبيه ممكن تشتتنا عن معركتنا الكبيره
دياب : حاضر يا سليم
انا : دلوقتى بقى كل واحد فيكم يفتح دماغه معايا علشان نرتب كل حاجه بس اهم حاجه حد يكلم ابراهيم علشان يحضر الاجتماع
كريم : انا هكلم ابراهيم دلوقتى
انا : بسرعه يا كريم
• بعد ساعه وصل ابراهيم
ابراهيم : البقاء *** يا سليم
انا : انا مش هاخد العزاء فى ابنى غير لما اخد بتاره يا ابراهيم
عمى : خلينا فى المهم دلوقتى
انا : اول حاجه هتحصل دلوقتى هى ضرب كل البنوك اللى فى القايمه اللى مع حضراتكم ودى مهمتك يا ابراهيم
ابراهيم : قولى اعمل ايه بالظبط
انا : اول حاجه تضرب كل المواقع الاليكترونيه بتاعتهم وفى نفس الوقت تبعت رسايل للعملاء ان فى اختراق حصل لحساباتهم
ابراهيم : العملاء لو راجعوا حساباتهم مش هيلاقوا اى اختراق حصل
انا : انت هتخترق حساباتهم وتعمل تحويلات مابين الحسابات دى
ابراهيم : الكلام ده صعب جدا لان البنوك دى متأمنه جدا ومش بسهوله نقدر نعمل كده
انا : ماتخافش مفيش حاجه صعبه انا عندى ناس فى البنوك دى هتساعدك فى مهمتك
ابراهيم : اذا كان كده ماشى
انا : بعدها العملاء هيطلعوا بسرعه على البنوك علشان يسحبوا فلوسهم وقتها البنوك دى مش هتقدر توفى بالتزاماتها وهتنهار وتفلس وده هيأثر على كل الشركات والمصانع اللى بتتعامل مع البنوك دى او حتى بتدعمها
ابراهيم : بس بالطريقه دى العالم كله هيوقع وهندمر البشريه
انا : متخافش يا ابراهيم المجموعه بتاعتنا فيها اهم رجال اقتصاد فى العالم كله والناس دى ولائهم للعرب مش للصهاينه ووقتها الناس هى اللى هترجع تبنى الاقتصاد من اول وجديد واحنا عندنا احتياطى دهب وبترول يقدر ينعش الاقتصاد من اول وجديد وبعدين احنا مش هنضرب العالم كله لا احنا هنضرب جزء صغير جدا علشان نعطل بيه الصهاينه عن خططهم
ابراهيم : بس الصهاينه عندهم احتياطى كبير جدا من الدهب يغنيهم عن الحرب دى
انا : عارف الكلام ده كويس جدا ..... ماتفتكرش ان الحرب دى هتدمر الصهاينه نهائى لا دى يا دوب هتعدل كفة الميزان علشان نعرف نحارب كويس
عمى : اسمع كلام سليم يا ابراهيم من غير نقاش ..... الخطه اللى سليم حطها خطه مدروسه ومفيش فيها اى مجازفه
ابراهيم : حاضر يا دكتور انا هبدأ فى التنفيذ من بكره
انا : على البركه ..... وانا هعمل اتصالاتى علشان الناس تساعدك
ابراهيم : حاضر يا سليم
• من ناحيه تانيه فى اسوان فى البيت اللى فى المصلحه بتاعة احمد صقر اللى المفروض يسلمها لأبنه ...... احمد صقر قاعد مع شيخ ومعاه عمال
الشيخ : احنا كده خلصنا كل التجهيز اللازم وهنبدأ فورا
احمد : بس انا قولتلك 100 مره ان الكنز مرصود ومش بسهوله هتقدر تفك الرصد
الشيخ : يا فنم انت مجربنى قبل كده كتير ومفيش رصد يقدر يوقف قصادى
احمد : اللى فات كله كوم والبيت ده كوم تانى لوحده
الشيخ : عارف يا فندم بس الكنز ده فيه مفتاح القوه اللى هيخيليك تحكم العالم ومفيش قوه مهما كانت هتوقف قصادك ..... المفتاح ده هيخلى كل الانس خاضعين لأمرك
احمد : وانت هتستفاد ايه من كل ده
الشيخ : اللى بتحمى الكنز ده ملكه من اقوى ملوك الجن ولو انا سيطرت عليها ساعتها كل الجن هيبقى خاضع لأمرى بمعنى اصح انت هتتحكم فى البشر وانا هتحكم فى الجن ..... هكون ملك على الجن
احمد : اللى انت ناوى عليه ده خطر كبير ولو فشلنا فيه هنتدمر كلنا
الشيخ : متخافش انا عارف كويس بعمل ايه
احمد.: خلينى وراك لما اشوف اخرتها معاك
الشيخ : هتشوف كل خير
احمد : هنعمل ايه دلوقتى
الشيخ : هنعمل جلسة تحضير
احمد : يلا شوف هتبدأ ازاى
جلسة التحضير :
جاب الشيخ طرابيزه بيضاوية الشكل ....ووقف مرايه بالعرض فى نصها وثبتها على حامل خشبى وجاب 3 شمعات كبار وجاب طبق وحط فيه عيش متقطع قطع صغيره ورسم على المرايه بماركر احمر مجموعة حروف وارقام واشكال هندسيه متنوعه وقال لأحمد صقر خلى حد يطفى النور وقام واحد من العمال طفى النور وبدأت الجلسه بعد ما طفى النور ولع الشمع الموجود على الطرابيزه وقال لأحمد هات ايدك ومسكها وطلب ان الكل يغمض عينه وكلهم نفذوا وقال : ايتها الارواح الحاضره جئنا واحضرنا معنا قرابين الحياه والموت .... تواصلى معنا ايتها الارواح الحاضره وتنقلى بيننا ..... انها عائنه .... انها ذات المحاسن ..... انه ابليس ..... انه دنهش ..... ايتها الاسماء نقسم عليكم داعين ..... ايوج محراث مهراج .... ندعوكم راجين نقسم عليكم داعين ..... ايتها الارواح الحاضره جئنا واحضرنا معنا القرابين ..... الحياه والموت .... تواصلى معنا ايتها الارواح وتنقلى بيننا ..... اسماء العائنه وذات المحاسن وابليس ودنهش ..... نقسم عليكم داعين ايوج محراث مهراج ندعوكم راجين دنهش ابليس بحق شماخ اشمخ .... اقسمنا عليكم داعين اتون مسرعين مسرعين مسرعين مسرعين مسرعين مسرعين
صمت رهيب فى المكان وظهر كائنات هلاميه لونها اصفر بتلف حوالين المكان ..... مزيج من اجسام مختلطه متعرفش دى اجسام ايه جن ولا بنى ادمين ولا شياطين .... حاجات مختلطه عمله تلف فجأه ظهر صوت الم من العمال ..... احمد صقر بص على العمال وهو مش فاهم حاجه فجأه نار الشمع زاد بطريقه فظيعه مستحيل يكون خارج من شمع ...... اتحد نار الشمع مع بعضه وكون شكل واحده بس ملامحها مش واضحه اكيد دى الرصد اللى على المكان .....احمد صفر خايف ومش عارف يعمل ايه بص للشيخ وسأله
احمد : ايه اللى انت بتهببه ده
الشيخ : اسكت وماتتكلمش انا عارف بعمل ايه كويس
• فجأه ظهرت ملامح الجنيه وطلعت جليله
جليله : ايه اللى انت بتعمله ده يا احمد ..... هى دى الامانه اللى اتفقنا عليها
الشيخ : كلامك معايا انا
• ضحكت جليله بصوت مرعب وفجأه العمل كلهم وقعوا على الارض من الرعب
جليله : كلامى معاك انت ..... ليه انت فاكر نفسك مين .... انت حشره اسحقها بنظره من عينى
الشيخ : اقسمت عليكى بملوك الابواب السبعه ان تخضعى
جليله : انت فاهم اصلا بتقول ايه ..... انا ملكة الابواب السبعه ..... ايه يا احمد هو ده العهد اللى بينا
احمد : ......
الشيخ : ماتسمعلهاش يا احمد ..... ركز معايا انا
جليله : طول السنين اللى فاتت بحميك وواقفه فى ضهرك علشان العهد لكن للأسف يا احمد انت خونت العهد وانا مش برحم اللى يخون ..... الايام اللى جايه هتشوف الجحيم على الارض
احمد : وانتى عملتيلى ايه لما دياب حاول يدمرنى ويدمر عيلتى
جليله : لولايا كان دياب دمرك من زمان لكن انا اللى بوقفله وبمنعه عنك مع ان انت اللى بدأت بالخيانه لما ضربته فى المناقصه
الشيخ : ماتسمعلهاش يا احمد
جليله : اخرس انت خالص مش عاوزه اسمع صوتك
• فجأه الشيخ خرج من جيبه بخور ورماه فى النار اللى طلع منها شرار فظيع ...... ضحكت جليله ضحكه تانى مرعبه
جليله : غضبى سوف يطول الجميع ..... غضبى سوف يطول الجميع ..... غضبى سوف يطول الجميع
• فجأه اتحولت جليله لطائر ضخم وطارت من البيت ..... وقامت حريقه فى البيت
• نرجع عندى انا كنت قاعد مع دياب فى جنينة الفيلا بندردش مع بعض
انا : خايف يا دياب من اللى هنعمله
دياب : انا نسيت الخوف من زمان يا سليم
انا : امال بتفكر فى ايه
دياب : بحط نفسى مكان استر ...... عاوز اعرف هى هتعمل ايه الفتره اللى جايه
انا : انا عارف هى هتعمل ايه ومرتب لكل حاجه
دياب : ده اللى انا مش فاهمه ..... انت ازاى قادر تعمل كل ده فى الوقت البسيط ده
انا : دى تساهيل ***
• فجأه تليفون دياب رن ورد عليه
دياب : ايوا با بنى ..... انت بتقول ايه ..... ازاى ده حصل ...... طب ادخلوا بسرعه وحاولوا تنقذوه ..... مفيش حاجه اسمها صعب ..... ادخلوا بسرعه ..... وانا جاى حالا
• قفل دياب السكه
انا : ايه اللى حصل يا دياب
دياب : احمد صقر كان فى البيت المهجور اللى فى اسوان ومعاه ناس والظاهر كانوا بينقبوا على اثار فجأه قامت النار فى البيت واحمد جواه
انا : طب يلا بينا بسرعه لازم نتحرك على اسوان دلوقتى
دياب : مش لازم نبلغ اهله فى الاول
انا : نبلغهم فى الطريق
دياب : طب يلا بينا بسرعه
• اتحركت مع دياب للمطار واحنا فى الطريق عرفنا ان رجالة دياب انقذوا احمد صقر من الحريقه وطلعوا بيه على المستشفى
• وصلت انا ودياب اسوان وطلعنا على المستشفى على طول وقابلنا الدكتور
انا : طمنا يا دكتور على احمد
الدكتور : مش عارف اقولكم ايه
انا : اتكلم يا دكتور ارجوك
الدكتور : احمد جالنا فى حاله صعبه جدا وفى حاجه ضخمه وقعت على رجله دمرتها
دياب : يعنى ايه
الدكتور : مفيش حل غير اننا نعمل بتر لرجله
دياب : مفيش اى حل تانى يا دكتور
الدكتور : للأسف مفيش ولازم موافقة حد من اهله
• فجأه وصل عمر صقر ومعاه امل صقر
امل : عملت ايه فى ابنى يا دياب
دياب : انا معملتش حاجه
عمر : طمنى يا دكتور على ابنى
• شرح الدكتور حالة احمد ..... امل انهارت وقعدت تصوت ..... عمر سكتها
عمر : مفيش حل تانى يا دكتور غير البتر ..... احنا ممكن نسفره بره مصر او ممكن نجيب احسن دكاتره فى العالم
دياب : ايوا يا دكتور احنا ممكن نسفره دلوقتى
الدكتور : القرار قراركم انا قولت اللى عندى
دياب : انا هجهز طياره فى ظرف ساعه هتكون موجوده على ما نخلص الاجراءات
الدكتور : زى ما تحبوا ..... انا هجهز عربية اسعاف تنقله للمطار على ما تخلصوا كل حاجه
• جهزنا طياره خاصه اخدت احمد صقر ومعاه ابوه وامه وسافرت بيه على لندن
• فاتن وسليم عرفوا اللى حصل وسافروا هما كمان على لندن ومعاهم امانى
• الدكاتره فى لندن قالوا نفس الكلام واضطروا يقطعوا رجل احمد صقر ..... احمد صقر كان رافض الكلام نهائى ومحدش عارف اللى حصله ده حصل ازاى وكلهم بيتهموا دياب ان هو وراء اللى حصل لحد ما احمد نطق وحكى كل اللى حصل فى البيت وعرفوا ان اللى انقذ احمد هو دياب
• فجأه انتشر خبر اللى حصل فى الصحافه والإعلام والحكومه بدأت تحقق فى القضيه بعد ما ظهر ورق بيثبت ان احمد صقر طول السنين اللى فاتت بيتاجر فى الاثار
• نرجع عندى انا كنت قاعد مع دياب فى الشركه بعد اسبوع من اللى حصل
انا : ايه اخبار احمد يا دياب
دياب : احمد خلاص الدنيا بتديله ضهرها
انا : انا سمعت ان الحكومه ناويه تفرض الحراسه على كل املاك احمد صقر فى مصر
دياب : دى فرضت الحراسه على املاك عيلة صقر كلها لانهم متورطين معاه فى تجارة الاثار ...... ولولا اللى حصل لأحمد كان اتقبض عليه
انا : وبعدين ايه اللى هيحصل
دياب : عرفت ان الحكومه ناويه تبيع كل حاجه فى مزاد
انا : كده ولا كده احمد صقر مأمن نفسه ومحول معظم فلوسه بره مصر
دياب : للأسف احمد صقر كان بيضارب بمبالغ كبيره جدا فى البورصه وكل الاسهم اللى كان بيراهن عليها وقعت بطريه غريبه ومفاجأه وتقريبا خسر معظم فلوسه والباقى يا دوب هيسدد بيه ديونه اللى اتورط فيها
انا : يعنى احمد صقر هيشهر افلاسه
دياب : مش احمد صقر بس ..... لا ده فى مجموعه كبيره من رجال الاعمال هيشهروا افلاسهم بعد ثبوت مشاركتهم لأحمد صقر
انا : دى مصيبه
دياب : دى كارثه بكل المقاييس
انا : هنعمل ايه دلوقتى
دياب : مفيش فى ايدينا اى حاجه ممكن نعملها
انا : احمد هيرجع امتى من لندن
دياب : المفروض بعد يومين
انا : والمزاد هيتعمل امتى
دياب : لسه مش عارف
انا : صعبه اوى الدنيا لما تديك ضهرها ..... علشان كده يا دياب عاوزك تتعظ وتنسى الانتقام اللى بتفكر فيه
دياب : انتقم من مين بقى .... عيلة صقر خلاص اتدمرت ومش من الرجوله انى انتقم من حد ضعيف
انا : عين العقل يا دياب ..... خلينا فى شغلنا
دياب : الشغل ماشى زى الساعه متخافش ..... وبالنسبه للشغل التانى ابراهيم بدأ من يومين واستر وجماعتها دلوقتى بيواجهوا اكبر مصيبه فى حياتهم
انا : اهم حاجه عندى دلوقتى مخازن الطوارئ بتاعتنا
دياب : متخافش يا سليم المخازن بتاعتنا مليانه لأخرها
انا : حلو جدا ...... الايام اللى جايه احنا هنشوف سواد ولازم مصانعنا يبقى عندها الاحتياطى بتاعها
دياب : احنا عندنا احتياطى يقضينا سنتين كاملين
انا : عظيم جدا
دياب : احنا ضربنا الضربه الاولى ...... نقعد بقى ونتفرج على استر ونشوف هتعمل ايه
انا : العصا السابقه من الجنه يا دياب
دياب : عندك حق
• من ناحيه تانيه عند استر قاعده مع البيرت وداوود
استر : هنتصرف ازاى دلوقتى
داوود : هنتصرف فى ايه ولا ايه بالظبط ..... المصايب بتواجهنا من كل ناحيه
استر : كل المصايب دى وراها شخص واحد وهو سليم الجراح
داوود : سليم الكبير ولا الصغير
داوود : ده مش اسلوب الدكتور سليم ..... الدكتور سليم طول عمره بيدافع عمره ما كان بيهاجم ..... حتى لما كان بيهاجم مكانش بيهاجم بالشراسه دى
البيرت : عندك حق يا مستر داوود ..... احنا اشتغلنا كتير مع الدكتور سليم وده فعلا مش اسلوبه
استر : طب هنتصرف ازاى دلوقتى ومحدش يقولى نقتله لان احنا حاولنا كتير نخلص منه ومن غير فايده ودلوقتى سليم تحت ايده ورق ومصايب كتير علينا كلنا
داوود : موضوع القتل ده مستبعد نهائى خصوصا دلوقتى
البيرت : احنا ماصدقنا نخلص من جون مكافى يقوم يطلعلنا الالعن منه
داوود : محدش كان يتوقع ان جون وصل الورق لسليم
استر : انا حذرت قبل كده 1000 مره من موضوع قتل جون لكن محدش سمع كلامى ..... قولتلكم لازم نسوى خلافاتنا مع جون لكن انتوا اللى قتلتوه من غير ما تسمعوا كلامى
داوود : خلينا نتعامل مع الواقع اللى قصادنا وبلاش نفتح فى الماضى
استر : انا شايفه ان احنا لازم نخل مشاكلنا فى البنوك والبورصه الاول قبل اى حاجه تانيه
داوود : فى ناس تانيه مهمتها البنوك والبورصه وهما بالفعل شغالين على الموضوع ده
البيرت : اهم حاجه لازم نعرفها دلوقتى مين الهاكر اللى عمل المصايب دى وازاى يقدر يخترق كل البنوك دى فى وقت واحد ..... اكيد فى حد بيساعده من موظفين البنوك
داوود : الهجمات حصلت من اكتر من دوله
استر : من فين بالظبط
داوود : اللى قدرنا نعرفهم ايطاليا والمغرب
استر : يبقى اللى عمل كده موجود فى اسبانيا ..... كل المصايب اللى بتحصل جايه من اسبانيا
داوود : قصدك علشان دياب اختفى فى اسبانيا قبل كده
استر : وكمان الدكتور سليم نفسه سافر اسبانيا كتير الفتره اللى فاتت
داوود : طب المشكله هنا هما بيتعاملوا مع مين فى اسبانيا
استر : مفيش غير ابراهيم صاحب احمد صقر
داوود : وقت الاختراق ابراهيم كان هنا فى مصر بيحضر فرح اخته واحنا متاكدين من الكلام ده
استر : اكيد فى حد تانى بيشتغل مع ابراهيم
• فجأه تليفون البيرت رن ورد عليه
البيرت : ايوا يا سيرينا ..... انتى بتقولى ايه ..... ده حصل امتى وازاى ..... طب اقفلى دلوقتى
• بعد ما البيرت قفل السكه
داوود : ايه المصيبه الجديده يا البيرت
البيرت : حصلت حرايق كبيره فى معظم مصانعنا ونسبة الخساير فيها تعدت 70% ده غير ان فى 20 سفينة شحن انفجرت فى المحيط و10 سفن تمت سرقتها النهارده الصبح ..... خساير السفن لوحدها تخطت ال 50 مليار دولار ده غير خساير المصانع ..... والكارثه الاكبر من كده ان كل المصانع والسفن دى بالذات عقود التأمين بتاعتها منتهيه من اسبوع
استر : سليم عرف يضرب فى مقتل
البيرت : ده غير الشروط الجزائيه اللى هتوقع علينا بسبب التأخير على العملاء كل ده مع خسارتنا فى البورصه
استر : احنا كده بننتهى
البيرت : احنا انتهينا خلاص مش لسه بننتهى ..... خسايرنا تعدت التليريون دولار
داوود : احنا لازم نتصرف مع سليم الجراح بسرعه
البيرت : حتى لو سليم وقف اللى بيعمله خسارتنا مستحيل تعويضها
داوود : مفيش حاجه اسمها مستحيل يا البيرت
البيرت : هنعمل ايه دلوقتى
داوود : احنا هنبعت كل المعلومات اللى عندنا ونشوف الاوامر الجديده
• بعد مرور شهر ...... خساير استر وجماعتها هزت العالم كله ..... اكتر من 50 بنك عالمى اشهر افلاسه ..... مصانع كتير قفلت ..... احمد صقر رجع مصر بعد ما خسر كل شئ بيملكه والحكومه قررت تبيع كل املاكه فى مزاد
• نرجع عندى انا صحيت من نومى الصبح بدرى لقيت مريم صاحيه جمبى
انا : صباح الخير يا حبيبتى
مريم : صباح النور يا حبيبى
انا : ايه اللى مصحيكى بدرى كده
مريم : مش عارفه .... قلقت مع الفجر ومعرفتش انام تانى
انا : ليه كده
مريم : من يوم اللى حصل وانا مش عارفه انام زى الاول دايما قلقانه عليك وخايفه من اللى انت بتعمله
انا : متخافيش عليا يا حبيبتى وبعدين خلاص كلها كام يوم واخلص كل حاجه واخدك ونسافر نعمل شهر عسل جديد ..... انتى ناسيه ان الشهر اللى جاى عيد جوازنا
مريم : ازاى انسى حاجه زى دى
انا : اتطمنى يا حبيبتى مش هيحصلك اى حاجه طول ما انا معاكى
مريم : انا مش خايفه على نفسى انا خايفه عليك انت
انا : متخافيش عليا يا حبيبتى ...... جوزك يخوف مايتخافش عليه
مريم : طب يلا قوم خد الشاور بتاعك على ما اجهزلك الفطار انت اتاخرت على شغلك
انا : لا النهارده مش رايح الشركه
مريم : اشمعنا
انا : يا دوب هقابل دياب هنا فى الفيلا اخلص معاه كام حاجه وبعد كده انا بتاعك يا باشا اليوم بطوله نخرج نتفسح ونتغدى بره وندخل سينما
مريم : ايه كل ده
انا : حاسس انك وحشتينى ومحتاج اقضى شوية وقت معاكى
مريم : ايوا كل بعقلى حلاوه
انا : هو فى ملبن يتاكل بعقله حلاوه ..... ده انت الحلاوه كلها يا قمر
مريم : اه وماله
انا : هى الساعه كام دلوقتى
مريم : الساعه 6 ليه بتسأل
انا : حلو لسه بدرى على معاد دياب ..... تعالى كده علشان عاوز اقولك على سر خطير جدا
مريم : سر ايه
انا : تعالى بس قربى
• اول ما مريم قربت منى واخدتها فى حضنى وبوستها
مريم : اتلم احنا لسه الصبح
انا : صبح ولا ليل ايه يفرق معانا
مريم : طب استنى اقوم اجهز
انا : انتى كده زى القمر
• اخدت مريم فى حضنى ونمت معاها وبعد ما خلصنا اخدتها فى حضنى تانى
مريم : خدنى فى حضنك اكتر يا سليم
انا : مالك يا حبيبتى
مريم : انا كويسه وزى الفل بس محتاجه حضنك
• اخدت مريم فى حضنى لحد ما راحت فى النوم غطيتها ودخلت الحمام اخدت شاور وغيرت هدومى ونزلت لقيت لمياء وشرين قاعدين مع بعض واول ما شافونى ضحكوا
انا : مالك يا جزمه انتى وهى بتضحكوا ليه على الصبح
لمياء : لا مفيش حاجه بنضحك عادى عندك مانع
انا : لا معنديش مانع
شرين : امال مريم فين
انا : نايمه فوق
لمياء : هههههههه واضح انها كانت سهرانه
انا : مالك يابنت انتى فى ايه
شرين : ياعم متاخدش فى بالك احنا بنهزر معاك
انا : مش عارف ليه مش مرتاحلكم
لمياء : سيبك مننا احنا روح لبابا المكتب مستنيك بقاله ساعه واحنا مش عارفين نقولك
انا : هى الحكايه كده بقى ...... يعنى انتوا طلعتوا الاوضه من شويه
شرين : بصراحه اه بابا طلب منى اصحيك وطلعت ولسه هخبط عليك سمعتك ونزلت على طول قولت لبابا انك شويه وهتنزل
انا : ماشى يا جزمه ..... وعمى ايه اللى مصحيه بدرى كده
شرين : مش عارفه بس معاه دياب وكريم جوه
انا : كب انا رايحله
شرين : طب انا عاوزاك تكلمه فى موضوع جوازى انا وطارق
انا : عاوزه تتجوزى يا جزمه
شرين : ايوا عاوزه اتجوز ولا عاوزنى انحرف قولى لو يرضيك انحرف
انا : اعمليها علشان اضربك بالنار
شرين : اهون عليك يا سلومى
انا : علشان كلمة سلومى دى تهونى واكتر ..... يابت انا 100 مره قولتلك بلاش الدلع ده بحس نفسى حجر شيشه
شرين : ههههههههه
• فجأه واحنا بنتكلم نزلت مريم
مريم : صباح الخير يا بنات
شرين : صباحيه مباركه يا عروسه
انا : اتلمى يا جزمه
شرين : ههههههه حاضر
انا : انا داخل لعمى اشوفه عاوز ايه
شرين : طب ماتنساش الموضوع اللى قولتلك عليه
انا : حاضر يا جزمه
• قومت دخلت لعمى وكان معاه دياب وكريم
انا : صباح الخير يا جماعه
عمى : ايه يا سليم كل ده بتاخد الشاور بتاعك
انا : معلش يا عمى وبعدين ايه اللى مصحيك بدرى كده الساعه دلوقتى 8
عمى : احنا فى عرض دقيقه يا سليم
انا : خلاص يا عمى النهارده معاد الضربه القاضيه زى ما وعدت استر بالظبط
عمى : هتعمل ايه بالظبط
انا : بعد ساعه واحده بالظبط العالم كله هيتقلب على استر وجماعتها بعد الورق والوثائق اللى هتنتشر
عمى : **** يستر يا سليم من اللى هيحصل
انا : استر مش هيبقى قصادها غير حاجه من اتنين يا اما السجن او تعيش هربانه اللى باقى من حياتها
عمى : على البركه
• بعد ساعه كان العالم كله بيتكلم عن الوثائق المسربه وان استر بتدير اكبر شبكة جاسوسيه على مستوى العالم
• من ناحيه تانيه عند استر وداوود والبيرت فى الفيلا
داوود : احنا لازم نتحرك دلوقتى حالا ..... كلها شوية وقت وتلاقى الشرطه فوق دماغنا
استر : فى خلال عشر دقايق هنسيب المكان وفى طياره هتاخدنا على تل ابيب
البيرت : انا خايف مانلحقش ويمسكونا فى المطار
استر : اهم حاجه دلوقتى نعدم كل الورق والهاردات قبل ما نمشى
البيرت : الرجاله شغالين
• فجأه الشرطه اقتحمت المكان وحصل تبادل اطلاق النار وماتت معظم الحراسه اللى فى الفيلا والباقى سلم نفسه ..... دخل المكتب على استر ظابط مخابرات ومعاه مجموعة ظباط علشان يقبضوا على استر واللى معاها
الظابط : ازيك يا استر
استر : مايكل
الظابط : هههههههه انتى صدقتى ..... انا العقيد فؤاد الضبع يا استر
البيرت : ازاى ده
فؤاد : ازاى دى هتعرفوها فى جهاز المخابرات المصريه يا البيرت ..... يلا سلموا نفسكم
• فجأه استر مسكت مسدسها اللى كان على الطرابيزه وضربت طلقه فى دماغها وقعت ميته ...... والشرطه قبضت على البيرت وداوود وبعتوا استر على المستشفى ميته
• نرجع عندى انا بعد ما خلصت خروجتى مع مريم رجعت الفيلا وكان عمى قاعد فى الريسبشن مع شرين ولمياء ويوسف ودياب وشكلهم مبسوط ..... اول ما وصلت كلهم سكتوا وقام عمى
عمى : الباقيه فى حياتك يا سليم
انا : حياتك الباقيه يا عمى
• واخدنى عمى فى حضنه وقعدت اعيط على ابنى
عمى : خلاص يا سليم كفايه عياط يا ابنى
انا : بقالى شهر كامل حابس دموعى ومش قادر اخرجها
عمى : خلاص يا ابنى مفيش عياط تانى بعد النهارده
انا : دلوقتى بس اقدر اخد العزاء فى ابنى والحاج عزت كمان ياخد عزاء ابنه
عمى : عندك حق
انا : احنا كلنا لازم نسافر البلد بكره
• تانى يوم سافرنا كلنا البلد وطلعنا على طول على بيت الحاج عزت اللى اول ما فتح وشافنا اتصدم ودخلنا كلنا الببت وكانت الحاجه فاطمه قاعده ومعاهم الحاج كامل وبنته امنيه
عزت : حمد **** على السلامه ايه المفاجأه الحلوه دى
انا : الباقيه فى حياتك يا عمى
• الحاج عزت اول ما سمع الكلمه اتخض والحاجه فاطمه زغرطت .... عملنا العزاء بتاع ابتى واسامه مع بعض بعدها رجعت بيتى القديم فى البلد ومعايا عمى وبنات عمى
عمى : ياه البيت ده وحشنى اووووى بقالى سنين بعيد عنه
انا : ده اكتر مكان برتاح فيه يا عمى
عمى : البيت ده كان ليا فيه ذكريات كتير مع ابوك وجدك
انا : **** يرحمهم ..... ابويا عاش سنين نفسه يشوفك
عمى : ماكنتش اقدر ارجع البلد يا سليم
انا : اهو اللى حصل بقى ..... بس انا ليا طلب عندك يا عمى
عمى : عاوز ايه يا سليم
انا : عاوز ارجع اعيش هنا فى البلد ..... انا خلاص عملت اللى عليا
عمى : انسى يا سليم انت مكانك مش هنا ..... انت مكانك هناك فى الشركه
انا : انا خلاص خلصت كل المطلوب منى
عمى : انت من بكره هترجع تانى رئيس مجلس ادارة شركات الجراح وانا ارتاح بقى ...... عاوز اعيش الباقى من حياتى وسط بناتى
انا : يا عمى اسمعنى
عمى : مش هسمعك خلاص ده قرار نهائى ..... انا ممكن اسمحلك بأجازه مفتوحه تاخد مراتك تفسحها وبعد كده ترجع تانى لشغلك
انا : حاضر يا عمى هسمع كلامك بس فى موضوع تانى عاوز افاتحك فيه
عمى : خير يا سليم
انا : كل خير يا عمى ..... طارق خطيب شرين بقاله مده بيفاتحنى عاوز يتجوز شرين بس الفتره اللى فاتت مكانتش الظروف تسمح علشان كده عاوزك توافق دلوقتى
عمى : وانا مش هكسر كلامك يا سليم اول ما نرجع القاهره هقابل طارق واحدد معاه معاد الفرح ..... مبسوطه يا شرين
شرين : .........
عمى : دلوقتى عامله فيها مكسوفه يا جزمه
شرين : ماتكسفنيش يا بابا
• اخدنا قعدتنا فى البلد ورجعنا القاهره تانى وحددنا معاد الفرح بعد اسبوعين
• من ناحيه تانيه فى فيلا احمد صقر ..... كلهم قاعدين مع بعض
عمر : كفاياك يا ابنى اخرج من اللى انت فيه ده
احمد : خلاص يا ابويا كل اللى عملته طول تلسنين اللى فاتت راح بس انا مش زعلان على اللى راح ..... انا زعلان على العيله اللى هتتشرد ..... وياترى هنعيش ازاى بعد كده ..... احنا كلها كام يوم وهنسيب الفيلا دى
عمر : عادى هنرجع بيتنا القديم اللى فى البلد
احمد : واولادى ومدارسهم والعيشه اللى اتعودوا عليها
عمر : بكره يتعودوا على الحياه الجديده
احمد : محمد لسه مجاش
عمر : لسه فى المزاد
احمد : سليم فين
عمر : معرفش خرج الصبح وكان مستعجل وبرن عليه قافل تليفونه
احمد : هيكون راح فين
امل : انا سمعته بيكلم دياب الزفت امبارح وبيقوله انا هيقابله الصبح بدرى
احمد : لسه يا امى شايله من دياب بعد كل اللى عمله معايا .... يا امى انا لولا دياب كن زمانى ميت
عمر : امك هيفضل قلبها اسود من ناحية دياب وعمرها ما هتصفى
امل : اصفى ازاى وهو واخد اخويا وحالف مش هيسيبه غير وهو ميت
عمر : اخوكى يستاهل كل اللى يجراله
احمد : انا مش عاوز اسمع كلام تانى فى الموضوع ده كفايه حرام عليكم
ريهام : خلاص يا امى كفايه ضيعتينا بكرهك وسواد قلبك ..... خلتينى اعيش مع جوزى اللى بحبه فى خوف وقلق ..... خايفه على جوزى منك وخايفه عليكى من جوزى انتى ايه ما بتحسيش خلاص الكره عمى قلبك وعنيكى
احمد : خلاص كفايه احنا خسرنا كل حاجه قوموا يلا جهزوا شنطكم علشان نسيب الفيلا دى ونرجع البلد
• فجأه دخل دياب ومحمد وسليم
دياب : ملهاش لازمه يا احمد الشنط دى
عمر : ازيك يا دياب يابنى اتفضل
دياب : يزيد فضلك يا عمى ..... شنط ايه اللى عاوزين تجهزوها
عمر : كل حاجه اتباعت فى المزاد ولازم نسيب الفيلا ونرجع بيتنا القديم
دياب : مفيش داعى يا عمى انتوا مش هتخرجوا من بيتكم
احمد : ازاى يا دياب وكل حاجه اتباعت فى المزاد
دياب : انا اشتريت كل حاجه من المزاد وكتبت كل اللى اشتريته بأسم سليم وريهام يعنى كل حاجه رجعتلكم تانى **** تعرفوا تحافظوا عليها وماتضيعوهاش زى ما حصل
ريهام : انت بتتكلم بجد يا دياب
دياب : ايوا يا ريهام بتكلم بجد ..... وبالنسبه ليكى لو عاوزه تطلقى انتى حره ولو عاوزه تكملى معايا بيتك مفتوحلك فى اى وقت
عمر : طلاق ايه يا دياب يابنى اللى بتقوله مفيش طلاق ولا حاجه
دياب : اسمعها منها الاول
ريهام : انا راجعه بيتى يا دياب
دياب : وبيتك مفتوحلك دايما
امل : واخويا يا دياب اللى عاوز تقتله
دياب : خلاص انا اخدت حقى من اخوكى وبكره هسلمه للشرطه علشان يقضى عقوبته وبعدها انتوا احرار مع بعضكم
• سابهم دياب ومشى بعدها ريهام رجعت البيت عند دياب
• طلع دياب على الفيلا الموجود فيها سعد صقر
دياب : ازيك يا سعد
سعد : عاوز منى ايه تانى
دياب : خلاص مش عاوز منك اى حاجه تانى ..... حق ابويا وامى خلاص اخدته
سعد : طالما اخدت حقك سيبنى بقى
دياب : هسيبك يا سعد بس بعد ما الحكومه تاخد حقها منك
سعد : قصدك ايه
دياب : هتعرف دلوقتى ..... يا فراد باشا اتفضل
• دخل العقيد فؤاد الضبع
دياب : دلوقتى تقدر تقبض على سعد وتسلمه للشرطه براحتك
فؤاد : شكرا يا دياب على انك وافقت تسلمه
• بعد اسبوعين يوم فرح شرين الصبح ..... صحيت الصبح بدرى ومريم كانت صاحيه
انا : صباح الورد على القمر
مريم : صباح الورد عليك يا قلبى
انا : صحيتى امتى
مريم : من عشر دقايق كده
انا : طب يلا بينا نجهز وننزل علشان اليوم النهارده طويل
مريم : حاضر يا حبيبى
• مريم لسه بتقوم من على السرير داخت ووقعت
انا : مالك يا حبيبتى
مريم : مش عارفه يا سليم حاسه انى دايخه ومش قادره اوقف
انا : ثوانى هجيب لمياء تكشف عليكى
• خرجت بسرعه صحيت لمياء ورجعت بيها للأوضه وكان الكل صحى على صوتى وراحوا معايا الاوضه ..... دخلت لمياء وكشفت على مريم
انا : طمنينى يا لمياء
لمياء : مفيش حاجه ماتتخضش كده
انا : هى مالها
لمياء : مبروك يا سيدى
• اول ما سمعنا الهبر اتصدمنا كلنا
انا : انتى بتتكلمى بجد يا لمياء
لمياء : ايوا يا سيدى بتكلم بجد ..... مريم حامل فى شهر تقريبا
• لمياء قربت من ودنى وهمست
لمياء : تقريبا يوم اجتماعك مع بابا اللى اتاخرت عليه يا نمس
انا : اخرسى يا جزمه
عمى : انتوا بتقولوا ايه با ولاد
لمياء : ابدا يا بابا ده انا بوصى سليم على مريم
عمى : كلنا هناخد بالنا منها
شرين : النهارده اسعد يوم بجد وبدأ بأحلى خبر فى الدنيا
• روحت لمريم على السرير اللى ساكته ومش بتتكلم
انا : مالك يا حبيبتى ساكته ليه
مريم : مش مصدقه اللى حصل
انا : لا صدقى يا حبيبتى دى اخرة الصبر والرضا ..... احنا رضينا بالقدر وصبرنا عليه دلوقتى بقى معاد الجايزه
عمى : حكيم يا ولا
انا : شكرا يا عمى
شرين : طب انتوا هتتشغلوا فى مريم وتنسونى ولا ايه
انا : عاوزه ايه يا جزمه
شرين : انتوا ناسيين ان النهارده فرحى ولا ايه
عمى : تصدقى نسيت تيجى نكلم طارق ونقوله يأجل الفرح الاسبوع اللى جاى
شرين : و**** اروح فيكم فى داهيه ..... يلا قوموا ساعدونى انا يومى طويل
عمى : ههههههههه حاضر يا زفت
• قومنا كلنا نشوف هنعمل ايه وسبنا مريم مرتاحه فى الاوضه وانا كل شويه اروح اتطمن عليها
• الساعه 10 بدأ الفرح وكان فى جنينة الفيلا ..... كنت قاعد مع عمى ويوسف
انا : مبروك يا عمى
عمى : مبروك ليك انت يا سليم
انا : مبروك لينا كلنا يا عمى
يوسف : انا لحد دلوقتى مش مصدق
انا : ولا انا كمان مصدق
عمى : طب خليكم هنا وانا هروح اشوف الضيوف
انا : اتفضل يا عمى
يوسف : وانا كمان هروح اجيب اسامه من عند لمياء
انا : روح يا اخويا
• بعد ما عمى ودياب قاموا انا كنت بتفرج على الفرح وسرحان فجأه فى واحه سحبت كرسى وقعدت وانا مش مركز
الست : ازيك يا سليم
انا : انتى ..... انا شوفتك فى الغيبوبه
الست : انا جليله يا سليم
انا : انتى كل شويه هتظهريلى بشكل جديد
جليله : قدرك كده معايا
انا : فى حاجه جديده حصلت
جليله : دايما فى جديد ولازم تكون صاحى ومركز
انا : متخافيش انا دايما صاحى
جليله : انا جيت اباركلك النهارده على حمل مريم
انا : **** يبارك فيكى
• فجأه اختفت من قصادى
• من ناحيه تانيه فى الفرح كريم واقف مع هبه
كريم : ازيك يا هبه
هبه : كويسه
كريم : وحشتينى
هبه : قول حاجه غير كده
كريم : طب تتجوزينى
هبه : انت بتقول ايه
كريم : خلاص شكلك مش موافقه
هبه : اثبت عندك ياض هو دخول الحمام زى خروجه
كرم : الظاهر كده انى ورطت نفسى
هبه : انت لسه شوفت حاجه ده التقيل كله جاى
كريم : معاكى يا قمر للنهايه
• نرجع عندى كنت واقف مع عمى بنستقبل المعازيم
انا : الماذون وصل يا عمى
عمى : طب اسبقنى انت وانا هجيب شرين من اوضتها واجيلك
انا : حاضر يا عمى
• دخلت للمأذون ومعايا يوسف وابنه ودياب وكان موجود طارق العريس ووالده ووالدته واخته
انا : ازيك يا مولانا
المأذون : ازيك يا سليم ..... حمد **** على سلامتك
انا : **** يسلمك يا مولانا
• بعد شويه وصل عمى ومعاه شرين ولمياء ومريم ..... قعدنا كلنا مع بعض
المأذون : مين فيكم وكيل العروسه
انا : اكيد عمى يا مولانا
عمى : لا يا مولانا مش انا
انا : امال مين وكيلها يا عمى
شرين : انت يا سليم وكيلى ده بعد اذن بابا
انا : انا
عمى : ايوه يا سليم انت الوكيل ومن النهارده انت المسئول عن كل حاجه تخص البنات زى ما بقيت مسئول عن الشركه
انا : بس يا عمى
عمى : مفيش بس ..... خلاص ده قرار نهائى
• كتبنا الكتاب وبعد كده خرجنا للفرح وكان الكل مبسوط وبيرقص وبيغنى وانا حاسس ان مالك الدنيا كلها ..... فجأه وانا واقف مع عمى والجماعه دخل عليا واحد من الجاردات وماسك بوكيه ورد واداهونى
عمى : ايه الورد ده يا سليم
انا : مش عارف يا عمى هشوف
• فتحت الكارت الموجود على البوكيه
مبروك على الفرح وحمل مريم ..... بس اللعبه لسه مستمره ..... الى اللقاء فى جولات جديده
انا : هههههههههه
عمى : فى ايه يا سليم ليه بتضحك
انا : لا مفيش حاجه يا عمى ..... الظاهر كده ان لسه الطريق طويل
عمى : طريق ايه ده
انا : بعدين هحكيلك خلينا دلوقتى فى فرحتنا
• وهنا بقى تنتهى قصتنا .... مع السلامه هتوحشونى
• وقفنا الجزء اللى فات لما دياب انهار من العياط لما اخد مذكرات ابوه من عمر الالفى ..... اخد المذكرات وطلع اوضته ..... طلع وراه ريهام وليندا بس دياب رفض يفتح الباب ولما يأسوا نزلوا لعمر الالفى تانى
ليندا : ممكن يا بابا تفهمنى ايه فى بالظبط وايه اللى حصل بينك وبين ادم
عمر : صدقينى يا بنتى مفيش حاجه حصلت
ريهام : انا اول مره اشوف دياب منهار بالشكل ده من يوم ما عرفته
عمر : كل الحكايه انى ضغطت على حته حساسه عند دياب
ليندا : حته حساسه ازاى يعنى
عمر : ابدا كنا بنتكلم فى الشغل عادى وبعد كده افتكرنا ايام زمان وجات سيرة والده فى الموضوع وقعدنا نتكلم عليه شويه لحد ما عينه دمعت وفجأه انفجر فى العياط زى ما انتوا شايفين كده
ليندا : ليه كده يا بابا انت عارف كويس ان ادم مش بيستحمل اى كلام عن والده او والدته
عمر : اهو اللى حصل بقى
ريهام : طب احنا هنعمل ايه دلوقتى
ليندا : مفيش حاجه ممكن نعملها خالص سيبيه شويه وهيهدى دى مش اول مره تحصله حاجه زى كده
ريهام : انا اول مره اشوفه بالحاله دى
ليندا : هى المره دى اقوى شويه بس شويه كده وهتلاقيه ارتاح وخرج
• قعدوا مع بعض اكتر من ساعه مستنيين على امل دياب ينزل .... فجأه دخلت عليهم الشغاله من غير ما تخبط
ريهام : انتى ازاى تدخلى كده هى زريبه
الشغاله : انا اسفه ياستى بس الباشا فوق بيزعق وبيكسر فى الاوضه
ليندا : تعالى بسرعه يا بابا نلحق ادم
عمر : يلا بينا
• طلعوا كلهم وهما على السلم سامعين صوت التخبيط والتكسير ودياب بيزعق
دياب : هحرقكم كلكم ..... هكسركم .... مش هرحم حد ..... حسابكم معايا هيكون عسير ..... هفتح عليكم ابواب جهنم ..... مش هرحم راجل ولا ست .... مش هعتق كبير ولا صغير ...... هتشربوا كلكم من كاس العذاب
ليندا : هو بيكلم مين كده
عمر : ده بيكلم نفسه
ليندا : لازم نحاول نهديه والا ممكن يأذى نفسه
عمر : افتح يا دياب كفايه كده يا بنى
دياب : مش عاوز اى حد قريب منى دلوقتى ..... سيبونى لوحدى ارجوكم
ليندا : علشان خاطرى يا حبيبى ارحم نفسك
دياب : انا قولت ابعدوا عنى مش عاوز اى حد دلوقتى
عمر : خلاص يا ليندا اسكتى لما نشوف اخره
ليندا : مش قادره يا بابا
• صوت التخبيط والتكسير فضل مستمر فتره تقريبا نص ساعه لحد ما الصوت وقف وكل حاجه هديت وكان كريم وطقم الحرس دخلوا لما سمعوا صوت دياب بيكسر ويزعق
ليندا : الصوت وقف
عمر : يا دياب افتح كفايه
ريهام : هو ليه مش بيرد
عمر : ممكن يكون حصله اغماء من المجهود العصبى اللى اتعرضله
ريهام : طب والحل دلوقتى
عمر : اكسر الباب يا كريم
كريم : بس كده خطر لو كان فايق ومش عاوز يرد
عمر : بقولك اسمع الكلام واكسر الباب
كريم : حاضر يا فندم
• بالفعل كسر كريم باب الاوضه اللى اتغيرت ملامحها وتقريبا دياب كسر الاوضه كلها ..... دخلوا الاوضه واترعبوا من المنظر زى ما بكون كان فيها مصارعه تيران ..... دخلوا الاوضه وشافوا دياب مغمى عليه على الارض .... جربت عليه ليندا علشان تفوقه بس مفيش فايده
ليندا : الحقنى يا بابا ادم تقريبا قاطع النفس
ريهام : ابعدى دقيقه يا ليندا انا هحاول افوقه
• حاولت ريهام تفوقه بس برضه بدون فايده
ريهام : حد يتصل بالإسعاف بسرعه
كريم : انا طلبتهم وفى خلال دقايق هيوصلوا
• بالفعل بعد عشر دقايق وصلت الاسعاف واخدوا دياب واتحركوا على المستشفى
• طبعا الدوشه اللى حصلت دى وصلت فيلا احمد صقر ووصلت عندى انا كمان واتحركنا كلنا على المستشفى .... اول ما وصلت المستشفى كان موجود عمر وليندا وريهام ومارى من بره
انا : خير يا عمر باشا ايه اللى حصل
عمر : حصل حوار كده وبسببه دياب انفعل وقعد يكسر فى الاوضه لحد ما دخل فى حالة اغماء واضطرينا نطلب الاسعاف ونجيبه المستشفى
انا : طب والدكتور قال ايه
عمر : لسه الدكاتره موجودين معاه جوه ومانعين اى حد يدخل
انا : دلوقتى يخرجوا ويطمنونا
• فجأه دخل علينا احمد صقر وسليم
سليم : ايه اللى حصل ودياب فين
عمر : اهدى يا حبيبى دياب لسه فى الاوضه مع الدكاتره
احمد : ايه اللى عمل فيه كده
عمر : مفيش بس انا كنت بتكلم معاه وجات سيرة والده فى الكلام وهو ما استحملش وانهار
احمد : كل ده علشان خاطر ابوه
عمر : امال هيكون علشان ايه يعنى
سليم : خلاص اسكتوا مش عاوز اسمع كلام تانى
• سكت الكل لمدة تقريبا نص ساعه وبعدها خرج الدكتور والكل جرى عليه
عمر : خير يا دكتور طمنى
الدكتور : للاسف الحاله صعبه شويه ..... واضح جدا ان دياب اتعرض لضغط عصبى بزياده شويه ومقدرش يستحمله ..... دياب عنده كسر مضاعف فى دراعه الشمال بس مش دى المشكله
عمر : امال فين المشكله
الدكتور : نتيجه للصدمه اللى اتعرضلها حصل انخفاض فى ضغط الدم وده ادى لضعف فى ضخ القلب للدم بشكل طبيعى
ريهام : حضرتك يا دكتور ممكن تنقله ددمم
الدكتور : للأسف هنا المشكله ..... فصيلة ددمم دياب A يعنى فصيله نادره وهنا فى المستشفى مفيش غير كيس واحد بس ودياب ممكن يحتاج اكتر من 3 اكياس علشان كده انا بعت لبنك الدم يمكن نلاقى هناك
سليم : مفيش داعى يا دكتور لبنك الدم .... انا نفس فصيلة دياب وخد منى 10 اكياس مش بس 3
الدكتور : طب كده كويس .... احنا ممكن ناخد منك كيس لحد ما نشوف بنك الدم
انا : وانا يا دكتور فصيلة دمى O يعنى اقدر اتبرع لأى حد
الدكتور : كده عظيم جدا تعالوا معايا علشان ناخد منكم الدم
انا : يلا بينا
• اتحركت انا وسليم وروحنا لبنك الدم علشان نتبرع
انا : متخافش يا سليم على دياب هيقوم بالسلامه
سليم : دياب علمنى انى مخافش من اى حاجه
انا : راجل يا سليم ..... بس باين عليك بتحب دياب
سليم : كلمة احب دياب دى اقل بكتير من اللى جوايا
انا : عارف يا سليم احنا اتربينا على مثل مهم جدا بس انت ودياب عكستوه
سليم : مثل ايه ده
انا : المثل اللى بيقول يا مربى فى غير ولدك يا بانى فى غير ملكك ..... النهارده اكتشفت ان المثل ده غلط جدا
سليم : طب كويس انك عرفت
• خلصنا تبرع بالدم وبعد كده طلعنا تانى وقعدنا تقريبا ساعه تانيه وخرجلنا الدكتور
سليم : ايه الاخبار دلوقتى
الدكتور : احنا جبسنا الكسر وشغالين فى نقل الدم وفى تحسن ملحوظ جدا
سليم : طب اقدر اشوفه
الدكتور : للاسف مش هينفع اسمح بالزياره لأى حد دلوقتى سيبوه يرتاح وبكره هيكون فاق وتقدروا تزوروه براحتكم
ليندا : طب ابص عليه بصه سريعه يا دكتور
انا : ارجوك يا دكتور اسمحلهم ولو بدقيقه واحده
الدكتور : طب دقيقه واحده لكل واحد لوحده ومن غير اى صوت فاهمين
ليندا : انا مش هتنفس خالص بس اشوفه بعينى واتطمن عليه
الدكتور : تقدروا تدخلوا بس كل واحد لوحده ومش اكتر من دقيقه
• وبالفعل دخلنا كلنا اتطمنا على دياب وخرجنا
احمد : يلا يا سليم نرجع البيت دلوقتى وبكره نرجع تانى نتطمن على دياب
سليم : انا مش هخرج من المستشفى من غير دياب
احمد : يابنى الزياره ممنوعه وبكره هنرجع قولتلك
سليم : من عشر سنين تقريبا انا تعبت جامد ودخلت المستشفى واتحجزت فيها شهر تقريبا ..... دياب ما سابنيش لحظه واحده ده غير انه اتبرعلى بالكليه بتاعته واللى بسببها انا عايش لحد دلوقتى يعنى ابسط حاجه اقدر اقدمهاله انه لما يتعب اكون جمبه
ليندا : امشى انت يا احمد وانا وريهام وسليم هنقعد مع بعض ومتخافش على سليم
احمد : وانا امشى ليه خلينا كلنا قاعدين لحد ما نتطمن على دياب
سليم : براحتكم
• قعدنا كلنا سهرانين فى المستشفى لحد الصبح ..... دياب فاق الساعه 8 الصبح تقريبا والدكتور دخل اتطمن عليه وخرج طمنا وسمحلنا بالزياره .... اول ما دخلنا الاوضه سليم جرى على دياب واخده بالحضن
دياب : بالراحه عليا يا سليم انا دراعى مكسور
سليم : انا اسف سامحنى
دياب : انت الوحيد اللى مقدرش ازعل منك حتى لو هترضبنى بالنار
سليم : بعد الشر عليك
انا : ايه يا عم دياب اللى حصل ده
دياب : اهو اللى حصل بقى معلش تعبتكم معايا
انا : ماتقولش كده احنا بس كنا قلقانين عليك
دياب : متقلقش انا بخير وهفضل طول عمرى بخير
ليندا : **** دايما يا حبيبى
ريهام : ايه اللى عمل فيك كده وايه اللى وصلك للحاله دى
دياب : دى نوبه بتجيلى من وقت للتانى بس المره دى كانت شديده شويه
ريهام : غمه واتزاحت بس انت لازم تروح لدكتور نفسى يمكن تلاقى حل للمشكله دى
دياب : هعمل كده قريب جدا
احمد : اهم حاجه دلوقتى تاخد بالك من صحتك وتقوم تقف تانى على رجليك
دياب : متخافش عليا يا احمد انا اقدر اوقف على رجلى تانى
عمر : حمد **** على سلامتك يا دياب
دياب : **** يسلمك يا عمى ..... هى الساعه كام دلوقتى
انا : الساعه دلوقتى 9
دياب : انت قاعد هنا وسايب الشغل يا سليم
انا : متخافش يا دياب الشغل ماشى تمام وانا بكلمهم كل شويه
دياب : طب روح انت الشركه وكلمنى من هناك طمنى
ريهام : حرام عليك يا دياب اللى بتعمله فى نفسك ده
دياب : متخافيش عليا انا عارف بعمل ايه كويس ..... فين كريم
ليندا : وانت عاوز كريم فى ايه
دياب : مش عاوز حد يناقشنى .... هاتولى كريم وشوفوا الدكتور انا عاوز اخرج من المستشفى دلوقتى
ليندا : انت كده بتنتحر
دياب : انا قولت مش عاوز حد يناقشنى
انا : اهدى يا دياب واحنا هنعملك كل اللى انت عاوزه
دياب : انا عاوزكم تجيبولى كريم دلوقتى وتشوفوا الدكتور علشان اخرج من المستشفى
ليندا : حاضر يا ادم هنسمع كلامك ..... انا هروح اجيبلك كريم
دياب : وانت يا سليم عاوزك تروح الشركه دلوقتى حالا وانا هتابع معاك بالتليفون
انا : حاضر يا دياب
دياب : بعد اذنك يا عمى روح شوف الدكتور علشان هخرج من هنا كمان ساعه
عمر : حاضر يا دياب
• دخلت ليندا مع كريم
كريم : حمد **** على سلامة حضرتك
دياب : ياريت كلكم تخرجوا وتسيبونى مع كريم
• خرج الكل وقعد دياب مع كريم
كريم : خير حضرتك تؤمرنى بأيه
دياب : رجالتك جاهزين
كريم : رجالتى دايما جاهزين
دياب : لازم نتحرك دلوقتى حالا
كريم : نتحرك على فين
دياب : لازم اقتل سعد النهارده وبنفسى
كريم : غلط يا دياب .... انت كده بتحرق الورق بدرى ..... الموضوع مش حرب عصابات علشان يخلص بالطريقه دى
دياب : فى بركان جوايا مش عاوز ينطفى
كريم : وايه الجديد فى كده ..... انت النار دى جواك من زمان بس انت طول السنين اللى فاتت كنت عارف تتحكم فيها
دياب : الحكايه مش هتوقف على سعد يبقى سيبنى اقتله واخلص
كريم : احنا كان ممكن نخلص من سعد من زمان بس مش هو ده اللى احنا عاوزينه ..... احنا ممكن دلوقتى نخرج ونقتل سعد ورجالته فى عشر دقايق وممكن كمان اجيبهولك يبوس رجلك علشان بس تريحه من العذاب اللى هيشوفه ..... بس تفتكر ده صح .... انت كده بتحرق كروت اللعبه ..... انا سمعت كلامك لما هجمنا على استر علشان سببين .... السبب الاول انى اقتنعت بوجهة نظرك فى اننا نعمل كارت ارهاب نرد بيه على اللى حصل .... والسبب التانى هو انى عارف انها خطت الخطوط الحمراء بالنسبالك وكان لازم رد قوى ..... لكن دلوقتى لو قتلنا سعد فى ناس كتير هتشك فيك وخصوصا بعد الحاله الغريبه اللى انت فيها دى واللى مش عارفين هنبررها ازاى ..... ده غير ان استر هتبطل تلعب بكارت سعد وهتدور على كارت تانى وساعتها مش هنبقى عارفين ايه الكارت ده
دياب : طب هنعمل ايه دلوقتى
كريم : اتعامل عادى جدا .....ارجع شغلك واتعامل بطبيعتك وماتنساش ان فى حفله مهمه اخر الاسبوع لازم نرتبلها لأن سعد واستر مش هيسيبوا فرصه زى دى
دياب : انت شايف ببساطه اقدر اقاوم كل اللى بيحصل
كريم : انا عارف انها صعبه بس مش مستحيله
دياب : اللى ايده فى المياه مش زى اللى ايده فى النار
كريم : وانت اقوى من النار يا دياب ..... الدكتور سليم الجراح يوم ما رشحك للمكان ده كان واثق فى قدراتك وانا اكتر واحد كنت متحمس ليك بالرغم من كل الاعتراضات اللى كانت ضدك والناس كانوا شايفين انك مش قد المكانه دى .... لكن انا كنت شايف حاجه تانيه خالص
دياب : حاجة ايه اللى كنت شايفها
كريم : با دياب احنا عشرة عمر من زمان وعارفك كويس الفشل عمره ما كان فى قاموس حياتك .... طول عمرك بتواجه مشاكلك وبتنتصر عليها وبتعرف تفصل كويس بين الشغل والحياه الشخصيه
دياب : المشكله انى كنت زمان بقدر افصل لكن بعد اللى عرفته من مذكرات ابويا مش عارف افصل
كريم : ومين قالك ان كل المكتوب فى المذكرات حقيقى
دياب : انت تعرف حاجه عن المذكرات دى
كريم : لا خالص انا عرفت من عمر الالفى موضوع المذكرات
دياب : وايه اللى يخليك تقول ان اللى فيها مش حقيقى
كريم : لان ابوك كتب المذكرات من وجهة نظره هو للأمور يعنى جايز يكون حكم غلط وجايز يكون مش شايف الصوره كامله علشان كده لازم تتأكد الأول من كل حاجه موجوده فى المذكرات قبل ما تعمل حاجه ترجع تندم عليها ..... وصدقنى لو اتاكدت من الكلام ده وقتها انا هساعدك حتى لو حبيت تخلى عيلة صقر كانها لم تكن اصلا فى يوم من الايام ولو عاوزهم يبوسوا رجلك علشان ارحمهم من العذاب اللى هيشوفوه بس بشرط يكون الكلام اللى فى المذكرات حقيقى
دياب : طب اتأكد ازاى من الكلام ده
كريم : سيب الامور تمشى بطبيعتها وهنتأكد مع بعض
دياب : طب جهز الرجاله علشان لازم اروح الشركه دلوقتى
كريم : مش المفروض ترجع الفيلا ترتاح
دياب : اتطمن على المناقصه الاول وبعد كده ارتاح
كريم : تمام يا فندم عشر دقايق ونكون جاهزين علشان نتحرك
دياب : مش عارف اشكرك ازاى يا كريم .... لولاك كان زمانى اتهورت
كريم : مفيش شكر بين الاصحاب يا دياب وانا وانت اكتر من اخوات
دياب : ماشى يا كريم
كريم : زى ما قولت لحضرتك عشر دقايق ونكون جاهزين علشان نتحرك مكان ما حضرتك عاوز ..... انا هخرج دلوقتى واحاول اسيطر على الموقف بره لانهم اكيد قالبين الدنيا بره
دياب : روح يا كريم
• خرج كريم اللى بالفعل كانت ليندا مستنياه ومعاها الجماعه
ليندا : خير يا كريم دياب كان عاوز ايه منك
كريم : مفيش حاجه با فندم بس هو معاه مشاكل فى الشغل وخلاص اتحلت
ليندا : انتوا رايحين فين دلوقتى
كريم : رايحين الشركه علشان فى مناقصه مهمه هناك
ليندا : مش عارفه ليه مش مصدقاك
كريم : وانا من امتى كدبت على حضرتك
ليندا : ماشى يا كريم لينا كلام تانى مع بعض بس بعدين
كريم : تحت امر حضرتك يا فندم
• خرج دياب واخد كريم وطلع على الشركه ..... انا كنت قاعد فى مكتبى وفجأه دخل عليا دياب
انا : ايه يابنى اللى جابك دلوقتى
دياب : انت ناسى ان المناقصه النهارده ومش هيجيلى صبر استنى فى البيت
انا : تقدر تفهمنى ايه اللى حصل امبارح
دياب : ارجوك يا سليم مش عاوز اتكلم فى الموضوع ده
انا : براحتك يا دياب بس انا من واجبى انصحك .... مهما كانت المشكله ياريت تتحكم فى اعصابك
دياب : حاضر يا سليم ..... طمنى على المناقصه
انا : فاضل ساعه ويقفلوا باب التقديم
دياب : طب اتصل بمصطفى بسرعه
انا : خير فى حاجه
دياب : لازم ننفذ الخطه التانيه دلوقتى
انا : حاضر يا دياب
• من ناحيه تانيه عند احمد صقر قاعد فى مكتبه بيخلص شغل واتصل على هانى يتطمن
احمد : ايه الاخبار يا هانى
هانى : لسه حضرتك باب التقديم هيقفل بعد خمس دقايق
احمد : فى حد تانى قدم عروض
هانى : للأسف حضرتك فى شركه لسه مقدمه عرضها من خمس دقايق
احمد : انت بتقول ايه
هانى : زى ما بقول لحضرتك فى شركه لسه مقدمه عرضها دلوقتى حالا وبصراحه انا مش متمطن لان المهندس مصطفى اللى بيشتغل فى شركة الجراح واقف مع مندوب الشركه دى
احمد : احنا كده خسرنا المناقصه يا هانى دى اكيد لعبه جديده من دياب ..... تقدر تعرفلى اسم الشركه ايه بالظبط
هانى : اسمها الفهد الاسود
احمد : انت بتقول ايه
هانى : بقول لحضرتك اسمها الفهد الاسود فى حاجه فى الاسم
احمد : طب اقفل دلوقتى ولو فيه جديد بلغنى
هانى : حاضر يا فندم
• قفل احمد مع هانى واتصل بأشرف
احمد : عاوز اسألك على حاجه كده يا أشرف
اشرف : خير يا فندم
احمد : ايه اسم الشركه اللى اشترت الاسهم اللى احنا بعناها فى البورصه
اشرف : اسمها الفهد الاسود يا فندم
احمد : برضه الفهد الاسود
اشرف : خير حضرتك فى حاجه
احمد : عاوزك تقلب الدنيا وتعرف مين اصحاب الشركه دى فى اسرع وقت ممكن
اشرف : حاضر يا فندم بس الموضوع هياخد منى شوية وقت
احمد : مفيش وقت يا اشرف عاوز اعرف المعلومه دى فى اسرع وقت
اشرف : حاضر يا فندم
• بعد احمد ما قفل مع اشرف
احمد : مش عارف ليه شامم ريحتك يا دياب فى الموضوع ده كمان .... امى كده شكلها عندها حق وانت راجع تنتقم .... بس ياترى هتنتقم من مين بالظبط .... ولو عاوز تنتقم ليه اتجوزت ريهام وليه بتحمى سليم ..... شكلى كده غلطت يا دياب لما وثقت فيك وشكلك كده هترجعنى لأيام زمان
• نرجع عندى انا ودياب فى الشركه
انا : ايه اللى خلاك تنفذ الخطه البديله
دياب : اتفرج على الصور دى وانت تعرف انا عملت كده ليه
انا : صور مين دى
دياب : دى صور هانى اللى بيشتغل عند احمد صقر
انا : ومين اللى معاه فى الصوره
دياب : ده المسئول عن المناقصه فى الوزاره
انا : بعنى عرض الاسعار بتاعنا اتسرب
دياب : بالظبط كده
انا : طب ما انا قولتلك نقدم عرضنا النهارده مش امبارح علشان ده ما يحصلش
دياب : ونخسر الطعم ده ..... احنا قدمنا عرض امبارح بسعر كبير شويه بس معقول وطبعا احمد صقر ظبط السعر عنده على اساس السعر اللى احنا قدمناه .... لكن دلوقتى لما نقدم عرض جديد خالص مستحيل يتسرب وبكده نقدر ناخد المناقصه
انا : يعنى انت عارف من الاول ان احمد صقر هيحاول يوصل للعرض بتاعنا
دياب : بصراحه مكنتش اعرف بس كنت شاكك فى حاجه زى دى علشان كده قررت اراقب احمد صقر كويس
انا : كده احمد صقر بيضرب تحت الحزام
دياب : للاسف ايوا بس انا مش هقدر اعمل اى حاجه لأحمد صقر مهما عمل
انا : ولا انا هسمح بكده مش علشان احمد نفسه لكن علشان سليم ..... انت ماشوفتش سليم عمل ايه امبارح ولا كان خايف عليك ازاى
دياب : ياريت كان سليم يبقى ابنى انا
انا : اللى انا شوفته امبارح كان حب اكبر من حب عيل لابوه .... سليم وقف قصاد احمد صقر لما قاله يلا نرجع البيت علشان الزياره كانت ممنوعه ده غير اصراره علشان بتبرعلك بالدم
دياب : هو سليم اتبرعلى بالدم
انا : حضرتك فصيلة دمك نادره ومكانش فى ددمم فى كفايه فى المستشفى علشان كده اتبرعتلك انا وسليم بالدم
دياب : انا تعبت ومش قادر نفسى ارتاح بقى
انا : انت قولتها قبل كده وعمى قالها من قبلك .... الراحه مش للى زينا .... احنا قدرنا نعيش فى تعب علشان غيرنا يرتاح
دياب : عندك حق
• فجأه الباب خبط ودخل علينا عمر الالفى
عمر : ازيك يا دياب دلوقتى
دياب : الحمد *** كويس
عمر : مش كفايه كده وارجع البيت علشان ترتاح
دياب : اتطمن على المناقصه الاول وبعد كده هرتاح
عمر : دماغك ناشفه
دياب : فين الظرف اللى اخدته منك ياعمى قبل اللى حصل امبارح
عمر : متخافش انا شيلته ولما نرجع البيت هبقى اديهولك
دياب : طب كويس
• قعدنا نرغى مع بعض اكتر من ساعتين لحمد ما مصطفى اتصل بيا وبلغنى ان احنا كسبنا المناقصه
دياب : ايه الاخبار يا سليم
انا : مبروك علينا كلنا .... شركة الفهد الاسود كسبت المناقصه
دياب : كده حلو جدا .... دلوقتى بقى نرتب للإجتماع بتاع استر
عمر : يابنى ريح نفسك شويه
دياب : مفيش وقت للراحه ..... بس لازم قبل الاجتماع نسرب معلومه مهمه لأستر
عمر : معلومة ايه
دياب : استر لازم تعرف ان احنا اصحاب شركة الفهد الأسود
عمر : بسيطه .... هى اصلا قالبه الدنيا وبتحاول تعرف مين اصحاب الشركه دى
دياب : علشان كده لازم نسرب المعلومه دى قبل ما اكلمها
عمر : سيب الحكايه دى وانا هتصرف فيها ..... ادينى عشر دقايق وانا هوصل المعلومه
دياب : براحتك يا عمى
• قام عمر وعمل كام مكالمه وبعد كده رجع تانى
انا : ايه الاخبار
عمر : دقايق والمعلومه هتوصل
دياب : كده كويس .... بالنسبه للمناقصه شركة الجراح هى اللى هتنفذها ولازم نبدأ فيها فى اسرع وقت
عمر : ماتقلقش ..... بكره هعمل اجتماع مع معتز ومصطفى وهنحط الخطه علشان نبدأ
دياب : كده تمام .... وبعد اذنك يا سليم انا قررت ارقى معتز ومصطفى ..... مصطفى هيبقى مدير شركة المقاولات ومعتز هيبقى النائب بتاعه
انا : وانا موافق ودلوقتى هطلع قرار بكده
عمر : طب مش يلا بينا نرجع البيت علشان ترتاح
دياب : حاضر يا عمى
انا : خلاص امشوا انتوا وانا هخلص شغلى واعدى عليك بالليل يا دياب
دياب : تنور يا اخويا .... **** ما يحرمنى منك يا سليم
• من ناحيه تانيه عند احمد صقر قاعد فى مكتبه دماغه هتنفجر بعد ما خسر المناقصه ودخلت عليه السكرتيره بتاعته
احمد : خير فى حاجه
السكرتيره : فى شخص موجود بره اسمه ابراهيم وبيقول انه صديق حضرتك
احمد : ابراهيم .... خليه يدخل بسرعه
السكرتيره : حاضر يا فندم
• دخل ابراهيم واخد احمد بالحضن وقعدوا
احمد : واحشنى بجد يا ابراهيم .... اخبارك ايه
ابراهيم : انا كويس جدا .... طمنى عليك انت
احمد : و**** يا ابراهيم الاحوال مش ولابد
ابراهيم : ليه كده بس
احمد : الشغل ومشاكله ده غير مشاكل العيله
ابراهيم : انت برضه قدها
احمد : انت وصلت امتى من السفر
ابراهيم : وصلت امبارح بالليل واتصلت بيك كتير بس تليفونك كان مقفول واتصلت بالفيلا عندك ردت عليا امانى وقالتلى انك فى المستشفى خير فى ايه
احمد : لا ده دياب كان تعبان شويه وروحت معاه المستشفى
ابراهيم : دياب مين
احمد : دياب ابن عمى
ابراهيم : مش دياب ده يبقى برضه جوز ريهام اختك ولا ده حد تانى
احمد : ايوا هو دياب جوز اختى
ابراهيم : الف سلامه عليه .... خير حصله ايه
احمد : لا شوية تعب عادى من ضغط الشغل لكن خرج من المستشفى النهارده الصبح
ابراهيم : طب كويس
احمد : تصدق انك جين فى وقتك بالظبط
ابراهيم : خير يا احمد فى ايه
احمد : فى شركه جديده ظهرت بقالها فتره كده واشترت اسهم كتير فى البورصه والنهارده اخدت منى مناقصه ضخمه شغال عليها بقالى شهور
ابراهيم : هو فى حد يقدر ياخد مناقصه من احمد صقر .... مين صاحب الشركه دى
احمد : هو ده اللى عايزه منك ..... عاوزك تعرفلى مين صاحب الشركه دى بالظبط .... انا شاكك فى حد معين بس عاوز اتاكد من شكى
ابراهيم : مين ده اللى انت شاكك فيه
احمد : سيبك من اللى انا شاكك فيه وعاوزك انت تعرفه
ابراهيم : طب اسمها ايه الشركه دى
احمد : اسمها الفهد الاسود
ابراهيم : انت متاكد من الاسم ده
احمد : ايوا متاكد .... ليه هو انت تعرفها
ابراهيم : اه اعرفها دى شركه جديده فاتحه بقالها كام شهر وعملت استثمارات كتير فى اسبانيا وايطاليا والمغرب كمان
احمد : ومين اصحابها
ابراهيم : بصراحه معرفش مين اصحابها لانى ماهتمتش بيها لانا بعيد عن مجال شغلى
احمد : طب حاول تعرفلى مين اصحابها
ابراهيم : هات اللابتوب بتاعك ده وبلغ السكرتيره بتاعتك ماتعملش اى ازعاج وادينى نص ساعه واجيبلك كل المعلومات عن الشركه دى
احمد : اتفضل اللابتوب وانا هبلغ السكرتيره انى مش عاوز اى ازعاج
• من ناحيه تانيه عند استر والبيرت
استر : خير يا البيرت فى ايه
البيرت : دياب خرج من المستشفى وطلع على شركة الجراح على طول
استر : اكيد علشان يتطمن على المناقصه ..... ههههههههه مش عارف ان احنا قدرنا نسرب تفاصيل المناقصه لأحمد صقر واكيد هو اللى هيكسب المناقصه
البيرت : للأسف احمد صقر خسر المناقصه
استر : انت بتقول ايه .... ازاى يخسر المناقصه واحنا سربنا عرض شركة الجراح
البيرت : اهو ده اللى حصل
استر : اوعى تقول ان دياب هو اللى اخد المناقصه
البيرت : لا مش دياب
استر : امال مين اللى اخدها
البيرت : شركة الفهد الاسود
استر : مش هى دى الشركه اللى اشترت الاسهم اللى احمد صقر باعها
البيرت : ايوا هى
استر : ايه حكاية الشركه دى بقى .... اسمها بقى بيتكرر كتير الفتره اللى فاتت
البيرت : انا طلبت من سرينا تعرف مين اصحاب الشركه دى ومستنى اتصالها اول ما توصل لحاجه
استر : لازم نعرف ايه حكاية الشركه دى فى اسرع وقت وبأى تمن
البيرت : هى بصراحه شركه غريبه وظهرت فجأه وتقريبا فى حد كبير بيمولها
استر : انا مش بخاف غير من الشركات اللى بتظهر فجأه وخصوصا بالشكل ده .... دى شركه داخله تبوظ السوق
البيرت : عندك حق
استر : هو مش احمد صقر بيعمل شركه جديده علشان يطور الشركات الخسرانه فى البورصه
البيرت : ايوه والراجل بتاعنا اللى عند احمد صقر اكدلى الموضوع ده
استر : ممكن تكون هى دى الشركه الجديده
البيرت : لا مش هى ..... هما لسه ماخلصوش الإجراءات بتاعتها وبعدين احمد هيسميها السراب
استر : هههههههههه السراب
البيرت : ماله الاسم
استر : انت مش عارف ايه معنى الاسم ده
البيرت : ايه معناه
استر : ده كان اسم شركة المقاولات اللى فتحها دياب اول ما ورث ولما دمج الشركه مع عمر الالفى غير اسمها
البيرت : تفتكرى ممكن يكون دياب شريك فى الشركه دى من الباطن
استر : كل شئ وارد وعلشان كده لازم نعرف المعلومه دى
البيرت : هحاول اعرفها
• فجأه سيرينا اتصلت على البيرت ورد عليها وفجأه وشه اتغير وبعد وقفل معاها
استر : شكل وشك مش بيقول ان فى اى اخبار كويسه
البيرت : سيرينا عرفت مين اصحاب الشركه
استر : مين اصحابها
البيرت : مفاجأه
استر : اوعى تقول ان دياب شريك فى الشركه
البيرت : الشركه اصحابها اتنين دياب وسليم الجراح
استر : لا مش معقول قول حاجه تانيه غير كده
البيرت : سيرينا اكدت المعلومه دى للأسف
استر : يعنى احنا عملنا لعبه فى البورصه علشان دياب يقدر يسيطر على اكبر نسبه اسهم فى الشركات
البيرت : للأسف ..... ده غير ان دياب هو اللى اخد المناقصه النهارده
استر : ههههههههه استاذ
البيرت : انتى بتضحكى
استر : بضحك على الخيبه اللى احنا فيها ..... دياب قدر يخرج من الفخ اللى احنا نصبناه باحترافيه شديده وقدر يهزمنى
• فجأه تليفون استر الشخصى رن
استر : كنت متوقعه
البيرت : مين بيتصل
استر : دياب
البيرت : هتردى
استر : لازم ارد
• ردت استر على دياب وهى حاطه ايدها على مسدسها
استر : اتاخرت فى الاتصال
دياب : بالعكس انا اتصلت فى الوقت المناسب
استر : انا كنت متوقعه انك تكلمنى بعد ما مشيت من عندى
دياب : كان معايا شغل مهم لازم اخلصه الاول
استر : وخلصت الشغل ده
دياب : مش معقول تكون الاخبار لسه ماوصلتش لحد دلوقتى
استر : اخبار ايه مش فاهمه انت تقصد ايه
دياب : متاخديش فى بالك
استر : هنتقابل امتى علشان نخلص الشغل اللى بينا
دياب : مش مهم الشغل دلوقتى انا بكلمك علشان حاجه تانيه خالص
استر : حاجة ايه
دياب : انا بتصل بيكى علشان اعزمك على حفلة افتتاح الشركه يوم الخميس
استر : تعزمنى انا
دياب : طبعا اعزمك انتى هو احنا مش يعتبر شركاء دلوقتى
استر : طبعا
دياب : خلاص يبقى هنتظرك يوم الخميس فى الحفله ونبقى نتكلم وقتها ونحدد معاد الاجتماع
استر : حاضر يا دياب انا هحضر الحفله
• قفلت استر مع دياب ومسكت مسدسها وضربة طلقه جات فى برواز على الحيطه كسرته والحرس دخلوا بسرعه على صوت الطلقه
استر : ايه اللى جابكم
قائد الحرس : احنا سمعنا صوت ضرب نار ودخلنا
استر : اخرجوا مش عاوزه اشوف حد
• خرج الحرس
البيرت : مالك متعصبه كده ليه
استر : دياب بيعزمنى على الحفله
البيرت : عاوز يضمن ان احنا مانضربش الحفله
استر : ازاى بيقدر يفكر فى كل حاجه كده .... عاوز يسحبنى للحفله علشان يضمن انها هتعدى بسلام
البيرت : هتعملى ايه دلوقتى
استر : انا هحضر الحفله
البيرت : ايه اللى انتى بتقوليه ده .... احنا مخططين لضرب الحفله
استر : احنا مش هنضرب الحفله .... احنا هنضرب دياب شخصيا
البيرت : ازاى مش فاهم
استر : دياب المره دى لعب لعبه اكبر منه وادانى الطريقه اللى اقدر ادمره بيها
البيرت : ازاى يعنى ..... دماغك فيها ايه
استر : عاوزاك تدخل كام صحفى من رجالتنا للحفله ولازم يصورونى مع دياب وسليم الجراح وينشروا الصور دى فى كل الجرايد المصريه والعالميه وكل مواقع الانترنت والسوشيال ميديا وعليها خبر بالبونط العريض حضور استر يعقوب رئيسة المنظمه اليهوديه حفل افتتاح مجموعة شركات الطاووس وانباء عن تعاون مشترك بين شركاتها ومجموعة شركات الجراح
البيرت : وبكده الرأى العام المصرى والمنطقه العربيه كلها هتغضب على دياب ومش بعيد يعملوا مقاطعه للشركات بتاعته
استر : وهى دى الضربه اللى مقتل بصحيح ..... كده هنضرب اسم دياب فى السوق وخصوصا فى الشرق الاوسط والموضوع ده هياخد سنين كتير علشان يقدر يصلحه
البيرت : يعنى اكلم سعد يلغى خطة ضرب الحفله
استر : لا سيب كل حاجه زى ما هى ربما تحصل حاجه غير متوقعه .... احنا نخلى خطة ضرب الحفله هى الخطه البديله بس هنعمل فيها شوية تعديلات
البيرت : بالمناسبه سعد عاوز يقابلك
استر : سيب سعد دلوقتى انا مش فاضيه .... هبقى اقابله بعد الحفله
البيرت : حاضر
• من ناحيه تانيه عند احمد صقر وابراهيم
احمد : ايه الاخبار يا ابراهيم
ابراهيم : اصبر دقيقه واحده وهعرفلك كل حاجه
احمد : حاضر يا سيدى خلينا وراك للأخر
ابراهيم : انا خلاص خلصت
احمد : مين بقى اصحاب الشركه
ابراهيم : واحد اسمه سليم الجراح والتانى للأسف دياب جوز اختك
احمد : شكى طلع فى محله
ابراهيم : انت كنت شاكك فى دياب
احمد : انا كنت متأكد ان دياب هو اللى وراء الشركه دى
ابراهيم : طب ليه دياب يعمل شركه من وراك ويضربك فى السوق
احمد : دياب عاوز ينقم من العيله كلها
ابراهيم : ليه كده
احمد : لا ده موضوع طويل مش وقته دلوقتى
ابراهيم : وانت هتعمل ايه دلوقتى
احمد : من ناحية هعمل فانا هعمل كتير
• فجأه الباب خبط ودخلت السكرتيره
احمد : انا مش قولت مش عاوز ازعاج ..... انتوا ايه بهايم
السكرتيره : انا اسفه حضرتك بس مستر دياب موجود بره وعاوز يقابل حضرتك ضرورى
احمد : خليه يتفضل
ابراهيم : دياب جوز اختك
احمد : مش عارف جاى ليه دلوقتى
ابراهيم : طب امشى انا
احمد : لا خليك قاعد لما نشوف عاوز ايه
• دخل دياب وسلم على احمد وابراهيم
احمد : اعرفك يا دياب .... ده المهندس ابراهيم صاحبى من ايام الجامعه وكان شريكى فى شركة البرمجه قبل ما يقرر يفض الشركه ويسافر اسبانيا ويسبنى
دياب : اهلا وسهلا يا بشمهندس ابراهيم
احمد : وده دياب ابن عمى وجوز اختى ريهام يا ابراهيم ممكن تكون سمعت عنه قبل كده
ابراهيم : اهلا وسهلا يا بشمهندس دياب .... اه سمعت عنه كتير قبل كده
دياب : **** يكون سمع خير
ابراهيم : اكيد طبعا يابشمهندس كل خير
احمد : خير يا دياب ايه اللى جابك دلوقتى
دياب : ايه يا احمد انت بتطردنى ولا ايه ده انا جوز اختك يا اخى
احمد : بطردك ايه انت التانى ..... انت المفروض خارج من المستشفى والمفروض تروح البيت ترتاح
دياب : انا راحتى فى الشغل مش فى قعدة البيت
احمد : ماشى يا سيدى براحتك .... خير بقى انت جاى زياره عاديه ولا شغل
دياب : لا يا سيدى جاى فى شغل
احمد : خير يا سيدى
ابراهيم : طب استأذن انا واسيبكم براحتكم
احمد : تستأذن ايه يا ابراهيم انت مش غريب وبعدين ده شغل مش علاقات شخصيه
ابراهيم : علشان بس البشمهندس دياب ياخد راحته
دياب : خليك قاعد يا بشمهندس مفيش اى اسرار
احمد : خير يا دياب شغل ايه اللى انت جاى تتكلم فيه
دياب : جاى اتكلم بخصوص المناقصه
احمد : بس اللى انا اعرفه ان شركتك انت وسليم خسرت المناقصه زى ما شركتى خسرتها واللى كسب المناقصه شركه اسمها الفهد الاسود
دياب : وانا متأكد انك عارف ان شركة الفهد الاسود بتاعتى انا وسليم الجراح
احمد : انا اول مره اعرف حاجه زى دى ..... وبعدين مش هى دى برضه الشركه اللى اشترت اسهم البورصه اللى انا بعتها
دياب : ايوا هى الشركه
احمد : يعنى انت عملت لعبه علشان ابيع اسهم شركاتى
دياب : لعبة ايه اللى انا عملتها دى .... انت راجل عرضت اسهم للبيع بكامل ارادتك وانا دخلت اشتريتها ولو تفتكر انى قبل انت ما تبيع بيوم كنت قاعد معاك وقولتلك ماتبيعش اسهم شركاتك لان دى لعبه وكلها ايام والاسهم ترجع لطبيعتها من تانى
احمد : سيبك من الموضوع ده وخلينا فى اللى انت جاى علشانه
دياب : مش قبل ما اصفى النفوس .... احضرنا يا بشمهندس ابراهيم
ابراهيم : اهدوا يا جماعه انتوا مهما كان عيله واحده ماتخلوش الشغل يخسركم بعض
دياب : انا عمرى ما اخسر احمد يا ابراهيم بس هو شكله اللى فاهم غلط .... احضرنا واحكم بنفسك وياريت تحكم بالحق
ابراهيم : احكى يا دياب وانا هحكم
دياب : الحكايه ملخصها ان فى ناس عاوزه تدمرنى وتدمر شغلى وعندهم استعداد يعملوا اى حاجه علشان ميبقاليش اى ذكر
ابراهيم : السوق كله كده مليان حيتان بيتصارعوا علشان كل واحد يسيطر
دياب : بالظبط كده ..... ومن ضمن محاولاتهم اللى حصل فى فرحى واللى انت اكيد سمعت بيه
ابراهيم : ايوه سمعت بالمجزره اللى حصلت فى الفرح ووقتها اتصلت بأحمد واتطمنت ان الحكايه خلصت بسلام وسمعت كمان ان سعد صقر هرب من السجن وقتها
دياب : كويس انك عارف التفاصيل دى .... اهو اللى هرب سعد هما نفس الناس اللى عاوزه تدمرنى ودى كانت البدايه وبعدها عملوا لعبه فى البورصه علشان يضربوا اسهم شركاتى ويجبرونى ارضخ لشروطهم وقتها قعدت مع احمد وقولتله ان ده مجرد هبوط صورى ومع الوقت اسهم الشركات هترجع ترفع تانى ..... حصل الكلام ده ولا محصلش يا احمد
احمد : حصل
دياب : لكن انت طنشت كلامى وعرضت الاسهم للبيع صح ولا غلط
احمد : انا عرضت الاسهم للبيع لان الخساره كانت كبيره ومستمره وبسببها خسرت تقريبا نص مليار دولار
دياب : وانا مكانش قصادى اى حل غير انى اشترى الاسهم اللى انت عرضتها للبيع علشان مش عاوز اى حد غريب يدخل شركاتى ومضمنش هو مين ولا تبع اى حد من اللى عاوزين يخلصوا منى
ابراهيم : بصراحه دياب مش غلطان بالطريقه دى
احمد : ليه ماقولتش ان انت وسليم اصحاب الشركه الجديده
دياب : لاكتر من سبب .... السبب الاول انى عامل الشركه دى سر علشان اعرف الاعب بيها الناس اللى عاوزه تدمرنى .... والسبب التانى ان دى حاجه ماتخصكش ولا تهمك سواء كانت شركتى او شركة اى حد تانى ..... انت واحد عرضت اسهم للبيع وفى شركه دخلت اشترتها
احمد : واللعبه اللى انت عملتها فى المناقصه النهارده
دياب : اللعبه دى عملتها بعد ما عرفت ان العرض اللى قدمته اتسرب
احمد : اتسرب ازاى يعنى
دياب : فى حد من المسئولين عن المناقصه سرب العرض بتاعى علشان كده كنت مجهز الخطه البديله اللى نفذتها فى اخر لحظه
ابراهيم : من الواضح كده ان فى سوء تفاهم وكده خلاص الرؤيه وضحت
دياب : انا عن نفسى مفيش من ناحيتى اى حاجه وحشه وجاى امد ايدى بالمعروف
احمد : قصدك ايه يعنى
دياب : انا وسليم كنا متفقين لو رسيت علينا المناقصه تدخل معانا بنسبه
ابراهيم : بصراحه يا دياب انت كده عداك العيب
احمد : نسبه قد ايه يعنى
دياب : 25% من قيمة المناقصه ايه رائيك
احمد : هفكر وارد عليك
دياب : الموضوع مش محتاج تفكير بس برضه هسيبك تفكر براحتك والدوسيه ده فيه تفاصيل العقد تقدر تراجعه براحتك وتعرضه على المحامى بتاعك
احمد : هدرس العقد وارد عليك
دياب : زى ما تحب .... ادرس براحتك بس ياريت متتأخرش عليا فى الرد علشان لازم نبدأ فى المشروع بأسرع وقت
احمد : يومين بالكتير وارد عليك
دياب : كده تمام ..... استأذن انا بقى
احمد : رايح فين
دياب : لازم ارجع البيت محتاج ارتاح
احمد : تمام امشى دلوقتى وانا بالليل هعدى عليك
دياب : البيت بيتك تشرف فى اى وقت عن اذنكم واتشرفت بمعرفتك يابشمهندس ابراهيم
ابراهيم : الشرف ليا انا
دياب : انت قاعد كتير فى مصر
ابراهيم : اسبوع او عشر ايام بالكتير
دياب : طب كويس يبقى انت معزوم فى حفله انا عاملها يوم الخميس بمناسبة افتتاح الشركه الجديده
ابراهيم : للاسف صعب احضرها ..... احتمال كبير يوم الخميس اسافر شرم الشيخ مع المدام والاولاد
دياب : زى ما تحب ولو غيرت رائيك الحفله هتنور بيك .... اتفضل ده الكارت بتاعى فيه كل ارقامى سواء فى مصر او امريكا
ابراهيم : اكيد هتواصل معاك .... واتفضل ده الكارت بتاعى
دياب : طب عن اذنكم
• بعد ما خرج دياب
ابراهيم : شوفت ياعم اهو انت طلعت ظالم الراجل
احمد : مش عارف ليه مش مستريح وحاسس ان دياب بيرتب لحاجه
ابراهيم : انت اللى بقيت بتشك فى كل حاجه بسبب وبدون سبب
احمد : جايز برضه .... الواحد من كتر اللى شافه فى الدنيا بقى يشك فى الهواء اللى بيتنفسه
ابراهيم : لا يا احمد انت كده بتدمر نفسك وهتخسر كل الناس من حواليك
احمد : سيبك من الكلام ده وقولى انت فعلا مسافر شرم الشيخ
ابراهيم : ايوا .... انت عارف ان اليومين دول شرم تعتبر فاضيه وهاديه وفرصه الواحد ياخد يومين فى هدوء
احمد : اجل سفرك ليوم الجمعه
ابراهيم : اشمعنا
احمد : عاوزك تحضر حفلة دياب
ابراهيم : ياعم انت عارف انى مليش فى جو الحفلات والدوشه دى .... وبعدين انا مليش علاقه بدياب علشان احضر الحفله حتى لو كان عزمنى
احمد : اسمع منى بس
ابراهيم : فهمنى انت عاوز ايه بالظبط
احمد : عاوزك تتقرب من دياب اكتر فى الفتره اللى جايه
ابراهيم : ليه يعنى
احمد : عاوز اعرف كل عن دياب
ابراهيم : وانت فاكر ان دياب لو بيخطط لحاجه هيقولهالى
احمد : مش لازم يقولك .... انت ليك طرقك اللى تعرف بيها كل حاجه زى ما قدرت تعرف ان دياب هو صاحب الشركه
ابراهيم : انت عاوزنى اخترق دياب واجيبلك اسراره صح ولا انا غلطان
احمد : بالظبط كده وقصاد المعلومات اللى هتقدر تجيبها انا مستعد ادفعلك ملايين كتير انت ماتحلمش بيها
ابراهيم : للأسف يا احمد انت فهمتنى غلط
احمد : فهمتك غلط ازاى يعنى
ابراهيم : انا مش بشتغل جاسوس ولا مخبر ..... زمان انا ساعدتك فى اختراق المنظمه بسبب اللى حصل لسليم وعلشان احميك منهم ومن شرهم ..... لكن دلوقتى الموضوع مختلف ..... انت دلوقتى عاوزنى اتجسس على انسان معملش معاك اى حاجه غلط بالعكس ده ماددلك ايده بالسلام بالرغم من انك انت اللى بدأت بالخيانه
احمد : خيانة ايه
ابراهيم : انا وانت عارفين كويس ايه الخيانه اللى انت عملتها
احمد : لا مش عارف يا ابراهيم وياريت تعرفنى
ابراهيم : موضوع عرض المناقصه اللى اتسرب ..... انا عارف ومتاكد ان انت اللى اخدت العرض ده ..... انا اشتغلت معاك كتير وعارف اسلوبك فى الشغل وعلشان كده فضيت الشركه معاك وقولت نبقى اصحاب احسن مانخسر بعض بسبب الشغل .... لكن يوصل بيك الحال انك عاوز تخترق دياب ..... دياب اللى ربى ابنك وحافظ عليه ..... دياب اللى انقذ ابنك من الموت .... دياب ابن عمك وجوز اختك ..... ليه كل ده علشان تفضل انت الكبير اللى مسيطر ..... لا يا احمد انا مش هساعدك فى الموضوع ده حتى لو دفعلتى كل فلوس الدنيا ..... عن اذنك يا صاحبى
احمد : استنى يا ابراهيم ماتفهمنيش غلط
ابراهيم : انا فاهمك صح جدا يا احمد ..... وعلشان خاطر العيش والملح وعشره السنين انا هعتبر نفسى ماسمعتش اى حاجه من الكلام انت قولته ومش هقول اى حاجه لدياب ..... سلام يا صاحبى
• قام ابراهيم ومشى وساب احمد صقر قاعد فى المكتب
• نرجع عندى انا قاعد فى المكتب مع عمر الالفى
انا : تفتكر من الصح اننا نعزم استر على الحفله
عمر : حضور استر للحفله هيمنع اى غدر ناويه عليه على الاقل فى الفتره دى
انا : مش عارف ليه مش متطمن للموضوع ده
عمر : اهدى كده يا سليم وكل حاجه هتمشى زى ما احنا مخططين
انا : هو دياب راح فين دلوقتى
عمر : راح لأحمد صقر علشان يتفق معاه على المناقصه وبعد كده هيرجع البيت
انا : وانت مش ناوى ترجع البيت انت جاى امبارح من سفر ده غير الليل كله سهران فى المستشفى
عمر : يلا بينا احنا الاتنين انت كمان اكيد تعبان من السهر طول الليل
انا : يلا بينا
• من ناحيه تانيه فى الاقصر عند امل صقر قاعده ودخلت عليها الشغاله
امل : عاوزه ايه
الشغاله : الدكتوره سعاد بره وبتقول ان حضرتك مستنياها
امل : خليها تتفضل بسرعه
• دخلت الدكتوره سعاد عند امل صقر
سعاد : ازيك يا عمتى
امل : انا كويسه بابنتى ..... انتى اخبارك ايه واخبار امك واخواتك
سعاد : كلنا كويسين
امل : مش ناويه يابت تتجوزى
سعاد : اعمل ايه بس يا عمتى ..... خطيبى مسافر بقاله سنتين علشان يقدر يحوش قرشين نتجوز بيهم انتى عارفه الظروف
امل : طب واللى يرجعلك خطيبك من السفر ويوفرله شغلانه ياكل من وراها الشهد وفوق ده كله يساعدكم بمبلغ تقدروا تتجوزوا بيه
سعاد : دى عفريت المصباح ولا ايه
امل : لا مش عفريت المصباح ولا حاجه .... ده انا
سعاد : انتى بتتكلمى بجد يا عمتى
امل : وانا من امتى اعرف الهزار
سعاد : طب ايه المقابل
امل : المقابل حاجه بسيطه خالص وانا عارفه انك تقدرى عليها
سعاد : حاجة ايه يا عمتى
امل : فاكره تركيبه الإجهاض اللى انتى عملتيها علشان تساعدى بيها البت رشا لما الدكاتره قالولها ان الحمل فى خطر عليها بسبب قلبها الضعيف وكانت خايفه تعمل عملية اجهاض
سعاد : ايوه فاكراها يا عمتى
امل : انا عاوزه تركيبه زيها
سعاد : ليه يا عمتى
امل : انتى متسأليش ..... تنفذى وانتى ساكته
سعاد : لا يا عمتى لازم افهم
امل : يبقى انسى كل الكلام اللى قولتلهولك واتفضلى من غير مطرود
سعاد : خلاص يا عمتى مش هسأل
امل : ايوا كده انا احبك تقدرى تجيبى التركيبه امتى
سعاد : لازم اعرف الاول الحمل فى الشهر الكام علشان اعمل التركيبه المناسبه
امل : فى الشهر التانى
سعاد : وحضرتك عاوزه التركيبه امتى
امل : عاوزاها النهارده قبل بكره
سعاد : حاضر يا عمتى اول ما ارجع البيت هشتغل عليها وبكره الصبح هتكون عندك
امل : انا كده احبك .... وعلشان جدعنتك خدى دول
سعاد : ايه دول
امل : دول 50 الف جنيه واول ماتجيبى التركيبه هتاخدى زيهم وبعد ما يحصل المراد هنفذ باقى الوعد وهكلم احمد ابنى يشغل خطيبك عنده
سعاد : بكره التركيبه هتكون عندك ..... عن اذنك
• قامت سعاد ومشيت وسابت امل صقر قاعده لوحدها
امل : انا هحرق قلبك يا دياب زى ما حرقت قلبى على اولادى ..... هحرمك من ابنك زى ما حرمتنى من بنتى ..... الحرب انت اللى بدائتها ورينى بقى هتقدر توقف قصادى ازاى
• من ناحيه تانى دياب رجع الفيلا وكانت ريهام وليندا ومارى قاعدين مع بعض واول ما شافوه جريوا يتطمنوا عليه
ليندا : ادم حبيبى انت كويس
دياب : متخافيش يا ليندا انا كويس جدا
ريهام : تعالى يا دياب اقعد وارتاح
دياب : حاضر يا ريهام
مارى : ارحم نفسك يابنى وخد بالك من صحتك
دياب : الراحه ماتخلقتش للى زيى
مارى : ليه بتقول كده يا دياب .... انت لسه شاب والدنيا كلها قصادك
دياب : الدنيا دى وهم كبير كلنا عايشين فيه
ريهام : هتعيش طول عمرك فى عذاب طالما بتفكر بالشكل ده
دياب : الحل الوحيد انى اموت بقى وارتاح
ريهام : بعد الشر عليك يا حبيبى ماتقولش كده تانى
مارى : اطلع يا دياب خد شاور وغير هدومك على ما اقولهم يجهزوا الغداء علشان انت شكلك بتخرف
دياب : حاضر ..... مالك يا ليندا ساكته ليه
ليندا : سايباك تتكلم براحتك وتطلع كل اللى جواك علشان عارفه انك مش هترتاح غير لما تفضفض وتطلع النار اللى جواك
دياب : ههههههه بقيتى تفهمينى اكتر من اللازم وكده خطر
ليندا : برضه هسيبك تتكلم براحتك
دياب : طب انا هطلع اخد شاور واغير هدومى وانزل
• قام دياب ولسه هيسيبهم فجأه ريهام داخت ووقعت ..... جرى عليها دياب
دياب : مالك يا ريهام فى ايه
ريهام : مش عارفه فى ايه من الصبح النهارده دايخه وتعبانه تقريبا من السهر والمشاكل اللى حصلت
دياب : لا انتى وشك اصفر وشكلك تعبان انا هتصل على سليم يبعت لمياء الجراح
ريهام : يا دياب مفيش حاجه هو بس شوية ارهاق وبعدين انت ناسى انى دكتوره المفروض
دياب : لا مش ناسى بس برضه لازم نتطمن
• طلع دياب تليفونه واتصل بيا
دياب : انت فين يا سليم
انا : انا داخل الفيلا حالا .... خير فى حاجه
دياب : طب كويس ..... ريهام تعبانه شويه ياريت تجيب لمياء تكشف عليها
انا : طب اقفل يا دياب وانا هجيب لمياء واجيلك دلوقتى حالا
• دخلت الفيلا وبلغت لمياء باللى حصل وجابت شنطة الكشف بتاعتها وطلعنا على فيلا دياب .... دخلت لمياء الاوضه عند ريهام وقعدت انا ودياب من بره
انا : اهدى يا عم مفيش حاجه .... تلاقيها شوية تعب وارهاف من اللى حصل طول الليل
دياب : ياريت يا سليم ومايكونش حد بيلعب بديله وبيعمل حركه وسخه
انا : انت هتقلقنى ليه يا دياب
دياب : لازم تقلق يا سليم وتشك فى كل حاجه حواليك
• فجأه لمياء خرجت
دياب : خير يا لمياء طمنينى
لمياء : خير با دياب متقلقش كده
دياب : ريهام مالها
لمياء : الف مبروك يا دياب
دياب : انتى بتتكلمى بجد
لمياء : وهو فى هزار فى الكلام ده
• فجأه خرجت ليندا من اوضة ريهام
ليندا : الف مبروك يا ادم
لمياء : على العموم انا كتبتلها على شوية فيتامينات لانها ضعيفه ولازم تتغذى وانا هتابع معاها
ليندا : يا لمياء ريهام يعتبر مش بتاكل اصلا
لمياء : انا كتبتلها على فاتح شهيه علشان تاكل كويس
دياب : طب ياريت يا لمياء تكتبيلنا حاجه تسد الشهيه علشان فى واحده هنا من يوم ما عرفت انها حامل وهى بتاكل اللى يجى قصادها لدرجة انى بخاف امشى قصادها
ليندا : كده يا ادم ماشى حسابى معاك بعدين
لمياء : ههههههههه سيبها يا عم تاكل براحتها
انا : الف مبروك يا دياب
دياب : تصدق يا سليم ان وشك حلو عليا ..... المره اللى فاتت لما كنت معايا ليندا بقت حامل والنهارده كمان ريهام
انا : ماشى يا سيدى .... ادخل بقى لمراتك وانا هاخد لمياء وامشى
دياب : تمشى فين انتوا تقعدوا تتغدوا معانا
انا : خليها بعدين .... انت دلوقتى خليك مع مراتك
دياب : خلاص يا سليم زى ما تحب
• اخدت لمياء وخرجنا ..... ودياب دخل لريهام
دياب : الف مبروك يا حبيبتى
ريهام : **** يبارك يا حبيبى
دياب : عاوزك بقى تسمعى كلام لمياء وتتغذى كويس
ريهام : حاضر يا حبيبى
دياب : ما تتصوريش انا فرحان قد ايه النهارده
ريهام : اشمعنا ..... ماعندك ليندا حامل يعنى كنت هتبقى اب
دياب : حملك ده هيربط بينى وبينك اكتر ده غير انه جيه فى الوقت المناسب
ريهام : مش فاهمه قصدك
دياب : بصراحه كنت خايف حملك يتأخر وتغيرى من ليندا علشان هى بقيت حامل قبلك
ريهام : لا متخافش الحاجات دى مش بتأثر فيا
دياب : مهمها قولتى مش بتأثر فيكى اكيد كان هيجى اليوم اللى تاثر فيكى
ريهام : على العموم **** كرمنى وبقيت حامل اللى انت كنت خايف منه خلاص راح
• قعد دياب شويه مع ريهام وبعد كده اتصل بأحمد صقر وبلغه باللى حصل ..... والخبر انتشر ووصل الاقصر وكلهم فرحوا بالخبر ما عدا امل صقر طبعا اللى الخبر نزل على دماغها زى الصاعقه
• مر يومين بعد كده والأمور ماشيه تمام جدا ..... عمر صقر ومراته وصلوا من الاقصر علشان ريهام ..... عمر كان فرحان جدا على عكس امل صقر اللى كانت جواها نار ممكن تحرق البلد كلها
• نرجع عندى انا كنت قاعد فى الشركه ودخل عليا دياب
انا : ايه يابنى اللى جابك النهارده .... احنا مش متفقين انك فى اجازه لحد ما نخلص الحفله
دياب : تعبت من قعدة البيت قولت انزل الشركه اغير جو
انا : على العموم مفيش اى جديد الشغل ماشى تمام جدا
دياب : طب كويس ..... طمنى على اخبارك انت
انا : عادى برضه مفيش جديد
دياب : امتى هتتجوز انت ومريم
انا : تقريبا بعد شهر على ما نخلص الديكورات اللى بتحصل فى الفيلا واكون رتبت امور الشغل معاك لانى هاخد اجازه 10 شهر عسل
دياب : 10 ايام مره واحده يا جاحد
انا : ايه كتير خلاص نخليها اسبوع
دياب : انت كده عاوز مريم تضربنى انا وانت بالرصاص
انا : هههههههه لا يا عم مريم مقدره ظروف الشغل
دياب : سيبك من الرغى ده كله ملعون الشغل على اللى عاوز يشتغل ..... انت هتاخد اجازه شهر كامل تاخد مراتك وتتفسح
انا : شهر ايه يا عم انت فى المفرمه اللى احنا فيها دى
دياب : متخافش على الشغل انا موجود
انا : المصيبه ان انا خايف منك انت
دياب : خايف منى ليه يعنى
انا : خايف من المصايب اللى كل شويه تورطنا فيها ومش عارف ايه اخرتها
دياب : كل خير هى خلاص النهايه قربت
انا : فى جديد
دياب : لا مفيش حديد بس احنا ماشيين كويس جدا على حسب الخطه الموضوعه وقربنا نخلص
انا : دى اخبار حلوه
دياب : طول ما احنا ماشيين على الخطه يبقى هتسمع اخبار حلوه كتير
انا : فى حاجه بقالى فتره عاو اسألك عليها بس مش عارف اجيبهالك ازاى
دياب : اسأل على طول من غير مقدمات ولا لف ودوران
انا : هو صحيح عمى كان عاوز يجوزك مريم
دياب : ههههههههه يعنى بقالك كتير بتحاول تعرف اجابة السؤال ومكسوف
انا : انا سألت وياريت تجاوبنى بصراحه
دياب : حاضر يا سيدى هجاوبك .... هو فعلا كان عاوزنى اتجوز مريم .... بص هى الحكايه بدأت بهزار الاول ..... وانا صغير كان عندى تقريبا 15 سنه كان عمك دايما بيزورنا فى البيت ويقعد مع ابويا يتكلموا شويه فى الشغل وشويه فى الحياه العاديه وفى مره قال لابويا انا حاجز دياب لمريم بنتى ومش هسيبه ابدا
انا : وبعدين ايه حصل
دياب : اخدنا الكلام بهزار ونسيناه لكن عمك مكانش بيهزر لأن بعدها بسنين كتير بعد ما خلصت جامعه لقيت عمك بيفاتحنى فى الموضوع ده تانى لكن وقتها كان قلبى مشغول بريهام ومش شايف اى واحده غيرها
انا : مع انك فى الوقت ده كنت رافض تتجوز ريهام
دياب : انى ارفض اتجوز ريهام دى حاجه وانى احبها دى حاجه تانيه خالص .... ريهام كانت ساكنه قلبى وعقلى كنت كل ما انام احلم بيها .... ريهام كانت ورده خارجه من غصن كل شوك لو حاولت اقطفها بطريقه غلط ممكن اتعور ..... ياريتها مكانتش من عيلة صقر
انا : انت بتتكلم عن عيلة صقر ولا كأنها عيلتك
دياب : ولا عمرهم هيكونوا عيلتى ..... العيله دى مليش فيها غير اتنين بس ريهام وسليم لكن الباقى مفيش حد فيهم يفرق بالنسبالى
انا : طب ايه سبب اصرار عمى على جوازك من مريم
دياب : عمك كان عاوز يجوزنى مريم لانه كان خايف على بناته من بعده ..... كان عاوز يسيبهم مع راجل يخاف عليهم ويقدر يحميهم خصوصا بعد التهديدات اللى كانت بتجيله وكان عارف انه هيموت علشان كده كان عاوز يأمن بناته من بعده
انا : انا كده فهمت
دياب : بس انت مين قالك الموضوع ده
انا : كنت بتكلم مع مريم من فتره وقالتلى ان عمى كان عاوز يجوزها لشاب بيشتغل معاه بس هى متعرفش مين الشاب ده لكن انا استنتجت من وصفها انه انت الشاب ده
دياب : متخافش يا سليم انا عمرى ما فكرت فى اى واحده من بنات عمك
انا : انا عارف ومتاكد علشان كده سالتك
دياب : طب سيبك من الكلام الفاضى ده وخلينا فى الشغل
انا : بمناسبة الشغل ..... عملت ايه مع احمد صقر فى موضوع المناقصه
دياب : انا عملت اللى عليا وهسيبه يفكر براحته لحد ما نستلم الارض من الحكومه وبعدها هسأله تانى ولو موافقش على العرض يبقى براحته ونشتغل المشروع من غير شريك
انا : طب تمام كده
دياب : اهم حاجه دلوقتى نجهز السيوله اللازمه للمشروع علشان اى تأخير مش هيبقى فى صالحنا
انا : بكره هروح البنك علشان اظبط معاهم الموضوع ده
دياب : طب تمام كده
انا : عملت ايه فى تأمين الحفله
دياب : متخافش كله تمام
انا : تفتكر سعد واستر ممكن يعملوا حاجه فى الحفله
دياب : لا صعب خصوصا بعد ما عزمنا استر على الحفله
انا: وارد جدا انها ماتجيش الحفله لو ناويين على ضربها
دياب : علشان كده انا صممت ان احنا نستلم القاعه من النهارده علشان نعرف نأمنها كويس بحيث ان مفيش نمله ممكن تعدى من تحت ايدينا
انا : طب وبالنسبه للصحافه
دياب : متخافش انا اتفقت مع الصحفيين على كل حاجه
انا : يعنى كل حاجه تمام
دياب : قولتلك متخافش كل حاجه هتمشى زى ما احنا مخططين
انا : انت عزمت حد من عيلة صقر
دياب : اه عزمت واحمد صقر ومحمد صقر
انا : كويس انك مش هتجيب سليم للحفله
دياب : لا الحفله ممكن تقلب بمجزره وانا مش ممكن اعرض سليم لخطر زى ده
انا : انا كمان رفضت ان اى واحده من بنات عمى يحضروا الحفله مع ان مريم وشرين كانوا مصممين على الحضور
دياب : وانا نبهت على ليندا انها مش هتحضر الحفله وريهام اصلا ملهاش علاقه بالشغل ولا الحفلات بتاعة الشغل
انا : بس لازم نزود الحراسه على الفلل خصوصا فى وقت الحفله
دياب : تفتكر ممكن حد فيهم يفكر يعمل اى حاجه ولا يقرب من الفلل
انا : كل شئ متوقع
دياب : على العموم فى طقم حراسه جديد هيوصل النهارده من السفر هخلى جزء منهم لحراسة الفلل
انا : كده تمام
دياب : طب عن اذنك انا بقى
انا : رايح فين
دياب : حاسس بشوية تعب ومحتاج ارجع البيت ارتاح
انا : مالك يا دياب ايه اللى تاعبك
دياب : شوية ارهاق ..... هرجع الفيلا ولو فى اى جديد ابقى بلغنى بالتليفون
انا : تحب اجى معاك اوصلك وارجع الشركه تانى
دياب : مفيش داعى لتعبك انا معايا طقم الحراسه بتاعى وبعدين مينفعش احنا الاتنين نسيب الشغل كده
انا : خلاص امشى انت دلوقتى وانا بالليل هبقى اعدى عليك
دياب : تشرف فى اى وقت
• قام دياب وخرج من الشركه وطلع على الفيلا
• اول ما دخل الفيلا شاف ريهام قاعده ومعاها امل صقر
دياب : ازيك يا ريهام
ريهام : الحمد *** يا حبيبى ..... ايه اللى جابك بدرى من الشغل
دياب : لا عادى مفيش شغل مهم قولت ارجع البيت
امل : ايه يا دياب مش هتسلم عليا ولا انا شفاف قصادك
دياب : هههههههه كل الناس ممكن تبقى شفافه بالنسبالى الا انتى يا حماتى بشوفك فى كل وقت وكل مكان
امل : قصدك ايه يا دياب
دياب : لا مش قصدى اى حاجه ده انا برحب بيكى مش اكتر
امل : بقولك ايه يا دياب ما تيجى نتصافى ونقفل على اللى فات ونفتح صفحه جديده
دياب : تصدقى انى كنت هقولك كده بالظبط
امل : مش عارفه ليه مش مصدقاك
دياب : ليه بتقولى كده
امل : شكلك بترتب لمصيبه
دياب : هتفضلى طول عمرك ظالمانى ..... ده انا حتى جايبلك هديه **** تعجبك
ريهام : بجد يا دياب يعنى خلاص هتتصالح مع ماما
دياب : علشان خاطرك انتى يا حبيبتى ممكن اتصالح مع الشياطين مش بس مامتك
ريهام : فين الهديه دى
دياب : اتفضلى يا حماتى الهديه
• خرج دياب من جيبه علبه قطيفه جواها سلسله دهب مكتوب عليها اسم امل .... امل اول ما شافت السلسله اتفزعت بس سيطرت على نفسها
دياب : شكلها كده الهديه وحشه وماعجبتكش يا حماتى
ريهام : لا بالعكس يا حبيبى دى سلسله حلوه جدا ولا ايه رائيك يا ماما
امل : اه فعلا سلسله حلوه
دياب : طب كويس ان الهديه عجبتك ..... انا كنت هزعل اوى لو زوقى كان وحش
امل : طب استأذن انا
دياب : رايحه فين يا حماتى
امل : راجعه البيت واسيبكم براحتكم
دياب : لا انتى هتتغدى معانا النهارده ..... روحى يا ريهام قوليلهم يجهزوا غدا علشان انا جعان
ريهام : حاضر يا حبيبى
• قامت ريهام وسابت امل ودياب مع بعض
امل : انت جبت السلسله دى من فين يا دياب
دياب : ايه مش عاجباكى وعاوزه تغيريها
امل : انت فاهم قصدى كويس
دياب : السلسله دى جايه من صندوق الماضى
امل : وياترى الصندوق ده فيه ايه تانى
دياب : فيه حاجات كتير
امل : انا قولت من الاول ان انت راجع وناوى على الشر
دياب : الشر ده انتو اللى بدأتوه من زمان ودلوقتى جيه وقت الحساب
امل : انت ناوى على ايه يا دياب
دياب : متخافيش انا مش هعملك حاجه علشان بس خاطر المسكينه اللى جواه بس فى ناس تانيه غلطت ولازم تدفع الحساب
امل : ناس زى مين
دياب : اخوكى
امل : هتعمل ايه يا دياب
دياب : تحبى تستلمى جثة اخوكى فين
امل : انت قتلت اخويا
دياب : ههههههههه
امل : انطق يا دياب .... انت عملت ايه فى اخويا
دياب : انا هسيبك كده محروقه ومش عارفه ايه مصير اخوكى
امل : انا هقتلك يا دياب
دياب : هههههههههه حاولى
امل : انت لسه متعرفنيش يا دياب ومتعرفش انا ممكن اعمل ايه
دياب : لا عارفك كويس وشوفت بعنيا انتى ممكن تعملى ايه بس اللى انا مستغربه ازاى ابويا كان بيحبك فى يوم من الايام ..... طب ابويا قلبه كان حنين وممكن يتخدع فيكى ..... لكن اللى مش فاهمه ازاى انتى تعرفى تحبى اصلا
امل : الظاهر كده انك عرفت حاجات كتير
دياب : للأسف عرفت متأخر
امل : وياترى عرفت ايه تانى
دياب : عرفت اللى لايمكن يخطر على بالك ..... عرفت الماضى اللى ماعشتهوش
امل : احسنلك تقفل على الماضى علشان ماتقومش نار ممكن تحرق الكل
دياب : النار اللى بتتكلمى عليها طول عمرها صاحبتى وحبيبتى
امل : خد بالك يا دياب كابش النار محروق بيها
دياب : هههههههههه
امل : واضح انك بتستهون بكلامى
دياب : بكره نشوف كلام مين الصح
• فجأه دخلت ريهام عليهم
ريهام : انا بلغتهم يجهزوا الغداء .... نص ساعه والاكل هيكون جاهز
دياب : طب كويس ..... هطلع انا اتطمن على ليندا واخد شاور واجيبها وننزل علشان نتغدا مع بعض
ريهام : روح يا حبيبى
• طلع دياب ودخل الاوضه عند ليندا
دياب : ازيك يا حبيبتى
ليندا : كويسه
دياب : مالك يا حبيبتى
ليندا : مالى يعنى ما انا كويسه
دياب : انا بعرفك من نظرة عنيكى ومن دقات قلبك مش محتاج اتكلم معاكى علشان اعرف ان انتى متغيره
ليندا : يا سلام انت جاى تضحك على عقلى بكلمتين
دياب : انا ممكن اضحك على الدنيا كلها الا انتى ببقى واضح قصادك
ليندا : ده كان زمان ..... كنت بتحكيلى كل حاجه بتعملها لكن دلوقتى بقيت تخبى
دياب : اخبى ايه وازاى يعنى ..... حد يقدر يخبى حاجه عن روحه
ليندا : انا شوفتك قاعد مع امل صقر لوحدكم .... ياترى ناوى على ايه يا ادم
دياب : النيه محلها القلب ..... والقلب ميعرفش غير كل خير علشان انتى عايشه فيه
ليندا : برضه مصمم تضحك عليا
دياب : وانتى مصممه تسألى على حاجه انتى عارفه اجابتها من الاول
ليندا : انا مش صعبان عليا فى الموضوع ده كله غير المسكينه ريهام اللى فرحت لما عرفت انك عاوز تصالح امل
دياب : انتى سمعتى الحوار كله بقى
ليندا : سمعت النص الاول من الحوار لكن اللى دار بينك وبين امل صقر انا معرفتش اسمعه لان صوتكم كان واطى جدا
دياب : يا حبيبتى عاوزك تعرفى حاجه مهمه جدا .... امل صقر لو تطول تولع فيا هتعمل كده بدون تردد
ليندا : اديها فرصه اخيره علشان خاطرى وخاطر ريهام
دياب : انا موافق بس بشرط
ليندا : وانا مستعده لكل شروطك
دياب : تقدرى تضمنى اى غدر من امل صقر
ليندا : ........
دياب : ساكته ليه
ليندا : امل هتعيش عمرها تفكرلك فى مصايب ملهاش حصر طالما شايفه الغدر من ناحيتك
دياب : من يوم مارجعنا من السفر شوفتينى عملت اى حاجه ممكن تأذى امل صقر
ليندا : بصراحه لا
دياب : ولا عمرى هعملها حاجه لانى مستمتع بنظرة الخوف اللى فى عنيها ..... مستمتع بحالة الذعر اللى عايشه فيها .... مستمتع انى شالل تفكريها ومش مخليها تعرف تفكر فى اى حاجه غير انتقامى منها اللى منغص عليها حياتها ..... انتى لو ركزتى كويس هتلاقينا كلنا كل واحد مشغول فى حياته وشغله الا امل صقر مشغوله بيا وبانتقامي منها
ليندا : وتفتكر حاجه زى دى ماتخليهاش تفكر تخلص منك علشان ترتاح
دياب : امل صقر اضعف من كده .... امل صقر اخرها تهدد او تستقوى على ست مسكينه ماتقدرش تدافع عن نفسها لكن عندى انا بتعملى الف حساب .... امل صقر كانت تقدر تخلص منى زمان ايام ما كنت طيب وغلبان ومعرفش اى حاجه لكن دلوقتى الموضوع اختلف
ليندا : ماشى يا ادم
دياب : طب يلا بقى انزلى علشان تتغدى معانا
ليندا : لا انزل انت
دياب : انتى لسه زعلانه
ليندا : لا يا حبيبى بس انا اكلت من شويه مكنتش عارفه انك هترجع بدرى
دياب : خلاص يا حبيبتى براحتك انا هنزل اتغدى معاهم وبعد كده هدخل اوضة المكتب معايا شغل عاوز اخلصه
ليندا : وانا هنام شويه وبعد كده انزل اقعد معاك
دياب : براحتك يا حبيبتى
• نزل دياب اتغدى مع امل صقر وريهام وبعد كده دخل اوضة المكتب .... فتح الخزنه وطلع منها المذكرات وفتحها من اول صفحه
عبدالرحمن : دياب حبيبى واغلى حاجه عندى فى الدنيا ..... لو بتقرأ المذكرات بتاعتى يبقى عمك عمر عمل بالوصيه ..... كان نفسى افرح بيك واشوفك وانت راجل لكن **** اراد انى اتحرم منك .... انا بقالى فتره شامم ريحة الموت وحاسس ان العمر خلاص بيخلص بس مش دى المشكله ..... المشكله اللى بجد خايف منها انك تضيع من بعدى علشان كده اشتريت اسهم فى شركة ادويه مع عمك عمر علشان اضمنلك مستقبلك من بعدى ..... انا عارف انك دلوقتى بتسأل سؤال مهم هو انا بكتب المذكرات دى ليه ؟ ..... انا هحكيلك كل حاجه غايبه عنك ..... انا **** خلقنى فى الدنيا دى ضعيف وعمرى ما قدرت اواجه ..... يمكن المره الوحيده اللى واجهت فيها كان وقت جوازى من والدتك ..... كنت طول عمرى عايش فى ضل العيله وفى ضل ابويا ..... مكانش عندى اصحاب غير اتنين بس ..... عمك عمر صقر وعمك سعد صقر ..... كانوا اقرب الناس ليا ...... قبل ما اعرف امك كنت بحب امل صقر بنت عمى وهى كمان كانت بتحبنى وكنا متفقين انى بعد ما اخلص جامعه هنتجوز .... لحد ما جيه اليوم اللى ماكنتش عامل حسابه ...... صحيت فى يوم على زغاريد فى البيت واتفاجئت ان عمك عمر خطب امل وطبعا ابوها وافق ..... وقتها امل جاتلى
• فلاش باك للى حصل ..... عبدالرحمن كان قاعد فوق سطوح البيت ودخلت عليه امل
امل : انت قاعد هنا وانا قالبه عليك الدنيا
عبدالرحمن : عاوزه ايه يا امل
امل : بالبساطه دى بتسأل ..... انت عرفت ان عمر ابن عمى طلب ايدى من ابويا
عبدالرحمن : ايوا عرفت
امل : ومالك بتقولها ولا كأن فى حاجه حصلت
عبدالرحمن : عاوزانى اقول ايه يعنى .... انتى خلاص بقيتى متحرمه عليا حتى لو خطوبتك باظت ..... ابويا وابوكى عمرهم ما هيوافقوا على الجوازه دى ..... ده غير ان لو حصلت المعجزه ووافقوا انا مش هقدر اتجوزك بعد ما صاحبى حبك
امل : ايه الاستسلام اللى انت فيه ده
عبدالرحمن : ده مش استسلام .... ده اسمه امر واقع
امل : الامر الواقع انى حبيت انسان ضعيف وجبان ..... يا خسارة كل ثانيه حبيتك فيها
عبدالرحمن : اسمعينى يا امل
امل : انا خلاص مش هسمع لواحد جبان زيك
• عوده من الفلاش باك
عبدالرحمن : وقتها قلعت سلسله كنت جايبهالها هديه ورمتها فى وشى وسابتنى ..... وبعدها بأقل من شهر كانت تمت الخطوبه وبعدها بسنتين اتجوزت ..... وقتها انا كنت دخلت الجامعه وضغطت نفسى فى المذاكره والشغل علشان انسى امل لكن للأسف كل يوم امل كانت بتكرهنى اكتر من الاول ..... عدت الايام وفى اخر سنه فى الجامعه عرفت ابتسام والدتك يا دياب وحبيتها بجد وصممت اتجوزها ومن هنا بدأت اللعنه والحرب اللى بينى وبين العيله وقطعوا عيشى من الاقصر كلها ..... وقتها اضطريت اسافر القاهره اشتغل هناك ..... واتجوزت والدتك وعشت اجمل ايام ..... بس كانت مشكلتى انى مقاطع عيلتى ..... وقتها اخدت قرار انى لازم اكلم عمر يمكن يحل المشكله وفعلا عمك عمر حاول كتير بس بدون فايده .... ابويا كان رافض يسامحنى ..... بس عمك عمر كان اصيل وبيحاول على قد مقدرته ..... وفى يوم طلب يقابلنى بس بره البيت ورحتله وكان قاعد مع سعد صقر .... انا اول ما شوفت سعد اتضايقت وكنت هسيب المكان بس لولا عمك عمر مسك فيا
عبدالرحمن : عاوز ايه يا عمر
عمر : سعد جاى عاوز يشوفك ويتطمن عليك
عبدالرحمن : ودلوقتى افتكر ..... ما انا ياما حاولت معاه وهو كان بيصدنى
سعد : سامحنى يا عبدالرحمن بس انت عارف ابوك وعمك كويس كان لازم اخدهم على قد عقلهم
عبدالرحمن : وانت جاى ليه دلوقتى يا سعد
سعد : جاى اتطمن على اخويا وابن عمى
عمر : خلاص يا عبدالرحمن انسى اللى فات وخلينا نبدأ من اول وجديد
عبدالرحمن : ماشى يا عمر علشان خاطرك انت بس
وبالفعل اتصالحت انا وسعد وبقى دايما يسأل عليا ويتطمن عليا ..... لحد ما فى يوم كلمنى علشان اشاركه فى مكتب هندسى عاوز يفتحه ..... وقتها رحبت جدا بالموضوع وفتحنا المكتب وكنت بجيبله شغل كتير بحكم معارفى وشغلى فى شركة عمر الالفى ..... ومرت الايام وكل حاجه ماشيه زى الفل ..... لحد قبل موت والدتك بكام شهر ..... حصلت حاجات غريبه كانت بتيجى مكالمات كتير على التليفون الارضى ومجرد ما ارد الخط يفصل ..... الموضوع ده اتكرر كتير جدا لدرجة انى كنت هروح السنترال اغير الرقم لانى وقتها كنت فاكر انها مجرد حد بيعاكس وخلاص ..... لحد ما فى يوم كنت قاعد فى الشركه وجالى تليفون رديت عليه
عبدالرحمن : الوووووووو
المتصل : عبدالرحمن العاصى معايا
عبدالرحمن : ايوا مين معايا
المتصل : انا فاعل خير
عبدالرحمن : وعاوز ايه يا فاعل الخير
المتصل : عاوز انورك وافتح عينيك على اللى بيحصل من وراك
عبدالرحمن : قصدك ايه
المتصل : انت مش ملاحظ بقالك فتره ان فى معاكسات كتير بتجيلك على تليفون البيت
عبدالرحمن : وبعدين
المتصل : مسألتش نفسك قبل كده ياترى مين اللى بيعاكس وياترى هو بيعاكس فعلا ولا ايه الحكايه بالظبط
عبدالرحمن : قصدك ايه بالكلام ده
المتصل : مفكرتش مره تدور وراء مراتك وتعرف هى بتعمل ايه
عبدالرحمن : انا مسمحلكش تجيب سيرة مراتى ام ابنى على لسانك النجس
المتصل : ههههههههههه حلوه دى مراتك ام ابنك ..... وياترى انت واثق فى موضوع ابنك ده
عبدالرحمن : اخرس يا نجس
وقتها قفلت السكه فى وشه وفضل يتصل عليا كتير ويسمعنى الكلام البايخ ده .... فى حاجه جوايا خلتنى اشك فى الكلام بتاعه ..... وقتها قررت اركز مع والدتك بس للأسف ملحقتش لان بعدها بأقل من شهر كانت ماتت والراجل وقف اتصالات بيا .... قررت اصالح ابويا واخدتك معايا ووقتها طردنا من البيت زى ما انت عارف واخدتك ورجعنا القاهره تانى بس ماكنتش قادر اعيش فى البيت تانى خصوصا بعد الكلام اللى عرفته علشان كده قررت اخدك ونسافر .... وقتها قررت حتى لو انت مش ابنى فانت ملكش ذنب وقررت اربيك .... المهم رتبت كل حاجه وعملت توكيل لسعد علشان يدير الشركه لان وقتها المكتب كان كبر .... واخدتك وسافرنا امريكا وبعد ما استقرينا هناك قررت اعرف اذا كنت انت ابنى ولا لا علشان استريح واخدتك وعملت تحليل DNA والحمد *** طلعت ابنى وزال الشك وقررت اعيش معاك وانسى كل كلام الراجل كأنه محصلش من اصله ..... وقررت انى ارجع مصر فى اقرب فرصه واشتغل مع سعد فى الشركه بتاعتنا بس للأسف حصل اللى مكنتش متوقعه ..... سعد سرق نصيبى فى الشركه ..... سعد استغل التوكيل اللى انا عملتهوله وباع لنفسه نصيبى .... وللأسف كالعاده كنت جبان ومقدرتش اواجه وخسرت كالعاده ..... علشان كده قررت اربيك بطريقه مختلفه وقررت انك ترجع البلد تعيش عند خالك وعارف انه هيعاملك وحش وقتها قولت لنفسى انك لو قدرت تستحمل خالك يبقى هتقدر تواجه اى حاجه بعد كده لانى مكنتش اقدر اقسى عليك ..... انا عارف انى غلطت كتير واهم غلطه فى حياتى هى انى كنت جبان ياريتك يابنى تطلع غيرى ..... انا حكيتلك كل حاجه حصلت معادا حاجه واحده ..... امك كانت اشرف واحده فى الدنيا واللى اكتشفته بعد كده ان اللى كان بيتصل بيا ده كان بترتيب من امل صقر واخواتى ومعاهم سعد صقر .... سامحنى يابنى انا عارف انى بحطك فى وش المدفع وده فى حد ذاته جبن بس عندى امل انك ترجع حقى
• قفل دياب الاجنده وقعد يعيط ويتوعد لأمل وكل العيله .... فجأه الباب خبط ودخلت ليندا وشافت دياب بيعيط ..... جريت عليه واخدته فى حضنها
ليندا : مالك يا حبيبى فيك ايه
دياب : ........
ليندا : اتكلم يا دياب انا سامعاك
دياب : بقالك كتير ماقولتيش اسم دياب
ليندا : لانى حاسه انك بتعيط بسبب مشاكل تخص دياب مش ادم
دياب : وايه الفرق بين دياب وادم ..... الاتنين نفس الشخص
ليندا : جايز يكونوا نفس الشخص لكن لكل واحد فيهم تفكير مختلف عن التانى .... كل واحد فيهم ليه مشاكله ..... بس الفرق بين الاتنين كبير جدا ..... دياب بيبكى على مشاكل شخصيه وقديمه ومش قادر يواجهها وبيحاول يهرب منها .... لكن ادم بيبكى على مشاكل بلد بحالها ومع ذلك واقف يواجهها بكل قوه وعزم
دياب : لان ادم لو حل مشاكل دياب البلد كلها هتخرب ..... ادم هيدمر كل حاجه فى طريقه وساعتها مش بس هيكسب اعداءه لا ده هيخسر حبايبه كمان .... هيخسر سليم وريهام وناس كتير ملهاش ذنب ممكن تدفع التمن
ليندا : ده مش ادم اللى انا اعرفه .... ادم اللى انا عارفاه بيعرف يخطط كويس علشان يقدر يكسب كل الاطراف
دياب : ده فى المشاكل العاديه لكن دلوقتى ادم بيتحرك وجواه نار دياب اللى ممكن تخلص على الكل
ليندا : يبقى لازم تفصل بين ادم ودياب وساعتها بس هتكسب الكل
دياب : انا بحبك اوووى يا ليندا
ليندا : بقالى كتير ماسمعتهاش منك
دياب : ازاى بقى وانا على طول بقولهالك
ليندا : انت بتقولى كلمة بحبك كل يوم تقريبا بس تقريبا من كتر ما سمعتها منك ودنى اتعودت عليها لكن دلوقتى بتقولها بإحساس مختلف طالع من جوه قلبك
دياب : انتى جوه قلبى وهتفضلى كده طول العمر
ليندا : انا كمان بعشقك يا حبيبى
دياب : طب يلا اطلعى علشان معايا شغل عاوز اخلصه
ليندا : ريح نفسك يا حبيبى شويه .... وبعدين انت معاك حفله مهمه بكره ولازم تكون مركز
دياب : علشان كده بقولك اطلعى وسيبينى محتاج اظبط كام حاجه علشان الحفله
ليندا : حاضر يا حبيبى هسيبك دلوقتى بس انت لازم تنام بدرى
دياب : حاضر يا حبيبتى ساعة كده وهطلع انام
• من ناحيه تانيه عند استر فى المزرعه قاعده مع البيرت
استر : عملت ايه مع سعد
البيرت : كل شئ تمام ..... اتفقت معاه على الخطه البديله
استر : لقيت طريقه تدخل بيها القنبله للمبنى
البيرت : اتفقت مع الشركه اللى بتورد الاغذيه للفندق وبكره الصبح القنبله هتكون موجوده فى مكانها
استر : كده تمام
البيرت : وعرفت كمان ان احمد صقر وابن عمه هيحضروا الحفله
استر : يعنى كل الحبايب هتتجمع
البيرت : تحبى نبعت حد يخلص على سليم صقر فى نفس وقت الحفله
استر : خليك ذكى يا البيرت وبطل الغباء بتاعك ده
البيرت : ليه بس دى فرصه نخلص من الكل
استر : اول حاجه لازم تاخد بالك منها ان لازم قبل التفجير دياب يخرج من الحفله
البيرت : انتى عارفه معنى الكلام ده ايه ..... دياب ممكن يقلبها حرب لو خرج من الحفله
استر : مش هيلحق الضربات هتنزل على دماغه واحده وراء التانيه
البيرت : مش عارف اقولك ايه
استر : دياب لازم يدفع تمن وقوفه قصادى .... الموت عقاب بسيط جدا على اللى عمله ..... دياب لازم يركع على رجلى ويبوسها علشان بس ارحمه واموته
البيرت : على العموم انا هتصرف واخرجه من الحفله قبل التفجير
استر : وعاوزاك كمان تخرج احمد صقر
البيرت : ليه كمان
استر : انت مش بتقول ان احمد صقر بدأ يشك فى دياب
البيرت : مصادرنا عند احمد صقر بتأكد الموضوع ده
استر : ولما احمد صقر يعرف ان دياب هو اللى وراء التفجير ده علشان يخلص من سليم الجراح ويستولى على الشركه ويخلص من احمد صقر ومحمد ابن عمه علشان ينتقم من العيله ويسيطر عليها تخيل وقتها ايه اللى ممكن يحصل خصوصا بعد موت محمد صقر
البيرت : وقتها هتقوم حرب بين احمد صقر ودياب ..... حرب محدش عارف هتنتهى على ايه
استر : هتنتهى ان فى واحد فيهم هيخلص على التانى .... واللى هيعيش فيهم احنا هنتصرف معاه
البيرت : دماغك دى داهيه
استر : عرفت ليه انا رفضت انك تبعت حد يقتل سليم صقر .... وقتها احمد صقر كان هيشك ان فى حد تانى اللى وراء الحكايه دى
البيرت : عندك حق ..... هنعمل ايه دلوقتى
استر : دلوقتى هخرج انا وانت بس ونسيب الحراسه هنا زى ما هى
البيرت : هنروح فين
استر : هنروح المكان الجديد ..... اللى هنعمله بكره عامل زى اللى بيخرج اسد من القفص بتاعه ..... وقتها الاسد ممكن ياكل اى حد يجى فى طريقه
البيرت : هنروح فين
استر : مكان جديد خالص مفيش اى حد ممكن يتوقعه
البيرت : والحراسه اللى هنا
استر : انا حاسه ان فى جاسوس وسطهم وهو اللى بلغ دياب بالمكان ده علشان كده فى طقم حراسه جديد وصل النهارده ومنتظر فى المكان الجديد
البيرت : طب تمام ..... بس انا عندى فكره احسن
استر : فكرة ايه
البيرت : طالما بتقولى انك شاكه ان فى جاسوس فى الحراسه .... لو خرجنا دلوقتى وسيبنا الاستراحه هيعرف ان فى حاجه وهيبلغ دياب باللى حصل ووقتها ممكن دياب ياخد حذره اكتر
استر : عندك حق
البيرت : علشان كده احنا ناخد الليله دى زى ما تكون هنا وبكره بعد الحفله نتحرك على المكان الجديد
استر : ايه الافكار دى يا البيرت ..... ايوا كده حسسنى بقوتك
البيرت : انا بعرف افكر بس انتى مش بتدينى فرصه
استر : ماشى يا سيدى .... يلا روح شوف نفسك هتعمل ايه
البيرت : حاضر
• نرجع عندى تانى يوم قبل الحفله لبست وجهزت ونزلت لقيت بنات عمى قاعدين ومعاهم يوسف
لمياء : ايه الشياكه دى كلها
انا : عجبتك
لمياء : ابن عمى قمر يا ناس
انا : ايه رائيك يا مريم
مريم : انا زعلانه منك
انا : زعلانه ليه بس
مريم : علشان رافض تاخدنى معاك ..... المفروض انا خطيبتك والحفلات اللى زى دى لازم احضرها
انا : معلش يا مريم سامحينى المره دى
مريم : ليه بقى
انا : الحفله دى خطر جدا ووارد جدا انا مارجعش منها وانا مش عاوز حاجه تأذيكى
مريم : وانت لما تقول الكلام ده متبقاش بتأذينى
يوسف : انت فى حاجه مخبيها يا سليم
انا : لا مفيش حاجه يا يوسف بس انا بطبعى بقيت متشائم وبقيت اخاف من كل حاجه
يوسف : ياعم متخافش وكل حاجه هتعدى
انا : تعالى معايا يا يوسف عاوزك
يوسف : حاضر يا سليم
مريم : فى ايه يا سليم
انا : مفيش حاجه يا مريم بس انا عاوز يوسف
يوسف : تعالى يا سليم
• اخدت يوسف وخرجنا من الفيلا
يوسف : خير يا سليم فى ايه
انا : عاوز اوصيك على بنات عمى
يوسف : ليه بتقول كده يا سليم
انا : اسمعنى بس يا يوسف ومتقاطعنيش
يوسف : حاضر يا سليم
انا : انت صاحبى واخويا وعشرة عمرى ومش بثق فى حد غيرك علشان كده لو حصلى حاجه بنات عمى امانه فى رقبتك يا صاحبى
يوسف : حاضر يا سليم
انا : مع السلامه يا صاحبى
• من ناحيه تانيه عند دياب فى الفيلا بتاعته لبس ونزل وكانت ريهام وليندا قاعدين
دياب : انا خارج عاوزين حاجه
ليندا : لا يا حبيبى ..... على فكره بابا اتصل وبيستعجلك وبيقول ان فى ناس وصلوا
دياب : انا هكلمه
ريهام : انت هتتاخر يا دياب
دياب : مش عارف بس غالبا هتاخر
ريهام : طب ممكن اطلب منك طلب
دياب : خير
ريهام : ماما مسافره البلد بكره .... ممكن لو مش هيضايقك اروح اسهر معاها النهارده
دياب : مفيش مشكله
ليندا : انا بقى هتعشى وانام
دياب : ممكن اسألك سؤال لو مش هيضايقك يا ليندا
ليندا : مقدرش اتضايق منك يا حبيبى
دياب : هى دى المره الكام اللى هتتعشى فيها
ليندا : دايما ظالمنى ..... على فكره دى المره الاولى اللى هتعشى فيها
دياب : ههههههههه طب عينى فى عينك
ليندا : المره التانيه استريحت
دياب : ههههههههه ايوا كده ..... اموت واعرف الاكل ده كله بيروح فين انتى حتى وزنك زايد حاجه بسيطه جدا مش لايق على كمية الاكل اللى بتاكليها
ليندا : انت هتحسدنى ولا ايه
دياب : ولا احسدك ولا حاجه بالهنا والشفاء يا ستى ..... على العموم اتعشى ونامى انا ممكن اتاخر
ليندا : حاضر يا حبيبى
• خرج ادم من الفيلا وقابلنى واتحركنا مع بعض ووصلنا الحفله
انا : تفتكر استر هتحضر الحفله
دياب : استر اتحركت دلوقتى من الاستراحه وفى طريقها للحفله هى كلمتنى قبل ما انزل
انا : بسهوله كده
دياب : لا طبعا مش بسهوله .... استر فاكره نفسها هتعرف تورطنا فى الحفله وتضربنا بالقاضيه
انا : ازاى مش فاهم
دياب : لما استر تحضر الحفله والصحافه تاخدلها كام صوره ومعاهم كام خبر ينزل فى الصحف المصريه والعالميه ويقولوا ان احنا عاملين علاقات بالصهاينه ومطبعين وقتها مركزنا فى البورصه هيتهز ده غير حملات المقاطعه اللى هتبقى ضددنا
انا : ما انا قولتلك على الموضوع ده قبل كده وحزرتك
دياب : متقلقش انا عامل حساب الموضوع ده كويس جدا
انا : عامل حسابك ازاى مش فاهم
دياب : مفيش اى صحفى او مصور هيدخل الحفله غير اللى تبعنا .... ده غير ان فى اجهزة تشويش وصلت النهارده من امريكا هتمنع اى حد من انه يصور اى حاجه غير المصورين اللى تبعنا ..... ده غير الجاردات اللى هينتشروا فى الحفله وفى منهم اللى هيبقى مسئول عن استر ومش هيخليها تتصور ولا صوره واحده
انا : برضه وارد جدا يحصل خطأ مش متوقع
دياب : بص يا سليم مفيش اى حاجه نقدر نتوقعها .... احنا بنعمل اللى علينا مش اكتر
انا : **** يعدى الليله دى على خير
دياب : هتعدى متخافش
انا : امال كريم فين مش ظاهر
دياب : كريم موجود فى غرفة المراقبه وكلها عشر دقايق ويقطع الشبكه عن المكان كله
انا : احسن حاجه اننا اختارنا قاعه معزوله عن الفندق علشان نقدر نتحكم فيها
دياب : كان لازم اعمل كده محدش ضامن الظروف
انا : بس احنا لو قطعنا الشبكه هنبقى معزلوين ومش هنعرف اى حاجه عن اللى بيحصل بره القاعه
دياب : متخافش يا سليم تليفونى وتليفونك مش هيتقطع عنهم الشبكه نهائى
انا : استر يعقوب
دياب : مالها
انا : وصلت
دياب : يا اهلا بالمعارك .... تعالى معايا نرحب بيها
انا : يلا بينا
• اتحركنا ناحية استر يعقوب
استر : ازيك يا دياب .... ازيك يا سليم
انا : بخير
دياب : حضورك الحفله ده تشريف كبير
استر : واضح جدا بأمارة ان رجالتك منعوا الجاردات بتوعى من الدخول
دياب : دى اجراءات امنيه علشان سلامتك مش اكتر وعلشان تعرفى معزتك عندى انا مجهزلك جارد خاص من بتوعى يكون تحت امرك وفى شرف حمايتك
استر : مشوارنا طويل مع بعض يا دياب
دياب : اهم حاجه يكون نفسك طويل
استر : متخافش انا نفسى اطول مما تتخيل ولا ايه رائيك يا سليم
انا : رأيى فى ايه بالظبط
استر : يعجبنى فيك يا سليم انك تبان هادى ومسالم وان دياب هو اللى مسيطر لكن الحقيقه غير كده تماما
انا : هههههههه انتى ظالمانى
استر : فى مثل مصرى قديم بيقول ياما تحت السواهى دواهى
دياب : ههههههه وفى مثل تانى بيقول مياه من تحت تبن
استر : بالظبط كده ..... سليم الجراح كده بالظبط عامل زى البحر ممكن تشوفه هادى ومسالم لكن فى لحظه يغضب ويثور
انا : ايه اللى خلاكى تقولى الكلام ده
استر : مبروك خطوبتك من مريم
انا : **** يبارك فيكى
استر : كده هتقدر تسيطر على نصيب مريم فى شركات الجراح وبكده انت بقيت الشريك الاكبر فى المجموعه زى ما انت كمان الشريك الاكبر فى شركة الفهد الاسود
انا : هههههههههه انتى محروقه علشان المناقصه رسيت على شركة الفهد الاسود
استر : لعبتوها صح وعرفتوا تكسبوا المناقصه من احمد صقر
انا : البقاء للأذكى
استر : دياب ذكى جدا وعرف يختار شريكه بعنايه
دياب : سليم اسد والدنيا علمتنى حاجه مهمه اووووى
استر : ايه الحاجه دى
دياب : فى الدنيا راهن على الاسد تلقى الرهان كسبان ..... لكن انتى بتراهنى على الحمار اللى اسمه سعد علشان كده بتخسرى قصادى
استر : وانت راهنت وكسبت يا دياب بس لسه اللعبه ماخلصتش
دياب : طول ما انتى مش عارفه تزرعى جاسوس عندى يبقى انا متطمن
استر : مين قالك انى مش زارعه جاسوس عندك
دياب : هههههههه كان غيرك اشطر ..... لو كنتى عارفه تزرعى جاسوس عندى كنتى هتقدرى تعرفى مين الجاسوس اللى انا زارعه عندك
استر : مش ساهل انت يا دياب بس برضه انا استر يعقوب وبكره ردى هيوصلك
دياب : ههههههههه قصدك على الكام صحفى اللى حاولتى تدخليهم علشان يصوركى فى الحفله وينشروا على كل المواقع
استر : ..........
دياب : ههههههه ساكته يعنى ..... متخافيش عليهم احنا استقبلناهم احسن استقبال وبياخدوا واجبهم وبعد الحفله تقدرى تستلميهم
استر : برافو .... كسبت برضه المره دى بس المره اللى جايه ما اعتقدش انك هتقدر تكسب فيها
دياب : طول ما انا سابقك بخطوه يبقى هفضل دايما كسبان
استر : بيتهيألك
دياب : بكره نشوف
استر : ههههههههههه بكره بقى
دياب : معلش بقى انا مضطر اسيبك علشان ارحب بالضيوف
استر : اتفضل يا دياب
• شاور دياب للجارد وجيه
الجارد : اوامرك يا فندم
دياب : عاوزك ترافق الهانم زى ما فهمتك وتخلى بالك منها واياك تقصر فى حمايتها
الجارد : متقلقش يا فندم
دياب : عن اذنك يا مدام
استر : اتفضل يا دياب
• اخدت دياب ومشينا من عند استر
انا : تفتكر استر تقصد حاجه بكلمة بكره بقى
دياب : متخافش يا سليم كله تحت السيطره
انا : مش عارف ليه انا مش متطمن
دياب : انت خايف تموت
انا : انا عمرى ما خوفت من الموت
دياب : على فكره مش عيب تخاف من الموت .... العيب انك تموت من الخوف
انا : لو كنت بخاف من الموت ماكنتش مشيت فى سكتك انت وعمى ولا عملت اللى انا بعمله
دياب : تفتكر استر عرفت حاجه عن اللى انت بتعمله ولا ممكن تكون بتهوش
انا : مش عارف بصراحه .... بس انت كمان لعبت فى دماغها بحكاية الجاسوس اللى احنا زارعينه عندها
دياب : لازم اخليها تخاف وتشك فى كل اللى حواليها ..... الانسان مننا لما بيخاف بيغلط وهو ده المطلوب
انا : احنا لازم نزرع جاسوس عند استر
دياب : ومين قالك انى مش زارع جاسوس
انا : ايه ده طب ازاى ومين الجاسوس ده
دياب : بعدين هحكيلك
انا : الحق احمد ومحمد صقر وصلوا
دياب : ده كمان معاهم ابراهيم ..... حلو يبقى احمد صقر بيفكر زى ما انا مخطط
انا : طب يلا بينا نرحب بيهم
دياب : يلا بينا
• روحنا رحبنا بيهم وسلمنا عليهم
دياب : غريبه يا ابراهيم انت قولت انك مسافر شرم ومش هتقدر تحضر الحفله
ابراهيم : معلش بقى احمد صمم احضر الحفله علشان نصلح المشاكل اللى حصلت
دياب : مفيش اى مشاكل حصت كل الحكايه سوء تفاهم مش اكتر
محمد : خير با دياب فى حاجه حصلت
انا : مفيش اى حاجه يا محمد وبعدين انتوا فى الاول والاخر اهل
محمد : عندك حق يا سليم
انا : على العموم اهلا وسهلا بيكم فى الحفله انتوا بجد شرفتونا
ابراهيم : الشرف لينا يا استاذ سليم وانا سعيد جدا انى اتعرفت على حضرتك واتمنى يكون فى شغل بينا فى الفتره اللى جايه
انا : احنا بنرحب بأى حد عاوز يشتغل معانا يا استاذ ابراهيم
دياب : على العموم ده مش وقته ..... ياريت يا ابراهيم قبل ما تسافر نتقابل ونشوف احنا ممكن نشتغل مع بعض فى ايه
ابراهيم : انا راجع اسبانيا بعد اسبوع
دياب : مفيش مشكله انت معاك ارقام تليفوناتى كلمنى فى اى وقت ونحدد معاد
ابراهيم : اوك
• عدت ساعه والحفله ماشيه تمام واستر فشلت خطتها فى انها تعمل موضوع الصور ده .... قررت تمشى علشان تنفذ الخطه البديله .... راحت لدياب اللى كان واقف لوحده
استر : انا ماشيه يا دياب
دياب : لسه بدرى
استر : معلش بقى مش بحب جو الحفلات
• فجأه تليفون دياب رن وكانت ليندا
دياب : ايوا يا حبيبتى
ليندا : الحقنى يا ادم بموت
دياب : مالك يا حبيبتى
ليندا : حاسه انى بطنى بتتقطع
دياب : طب اقفلى وانا هبعتلك الاسعاف ومسافة السكه واكون عندك
ليندا : ماما طلبت الاسعاف
دياب : طب انا هتحرك دلوقتى خدى بالك من نفسك يا حبيبتى
• قفل دياب مع ليندا
استر : خير يا دياب
دياب : اتمنى يكون خير واتمنى كمان يكون اللى حصل ده مش بسببك لانى اقسم برحمة ابويا هخليكى تتمنى الموت من اللى هعمله فيكى
استر : متخافش يا دياب احنا معملناش حاجه لمراتك
دياب : اتمنى
• خرج دياب يجرى من القاعه وبعده استر
• نرجع عندى انا كنت واقف مع احمد صقر وابراهيم ومحمد صقر بنرغى ودخل علينا كريم الحارس الشخصى بتاع دياب .... اخدت كريم على جمب
انا : دياب فين يا كريم مش ظاهر
كريم : دياب اضطر يمشى شكلها كده فى مشكله فى الفيلا
انا : مشكلة ابه وانت ليه ماروحتش معاه
كريم : تقريبا مراته تعبت وهو طلب منى اكمل الحفله ربما تحصل اى مشكله هنا
انا : استر راحت فين
كريم : استر كمان مشيت
انا : **** يستر علشان انا مش متطمن
كريم : ماتقلقش يا فندم كل حاجه تحت السيطره
• فجأه واحد من رجالة كريم جيه يجرى وكلمه على جمب
انا : فى ايه يا كريم
كريم : فى حد بيحاول يخترج السيستم الامنى
انا : دى مصيبه
كريم : انا هروح اشوف فى ايه وامن الدنيا كويس
انا : استنى انا جاى معاك
كريم : مينفعش با سليم لازم انت تبقى موجود مع الضيوف علشان محدش يشك فى حاجه كفايه دياب مشى
انا : طب روح بسرعه
• فجأه دخل عليا احمد صقر
احمد : معلش يا سليم انا مضطر استاذن
انا : رايح فين كده بدرى
احمد : اتصلوا بيا فى الشركه محتاجينى ضرورى ومعرفتش افهم منهم حاجه فى التليفون
انا : اتفضل يا احمد
احمد : على العموم محمد قاعد معاك لأخر الحفله وهو عاوز يكلمك فى شغل
انا : مفيش مشكله اتفضل يا احمد ولينا كلام مع بعض بعدين
احمد : مع السلامه
• من ناحيه تانيه استر خرجت من القاعه بس قاعده قريب منها علشان تتابع اللى بيحصل ومعاها البيرت وواحد تانى
استر : كده احمد صقر خرج من الحفله
البيرت : كده الخطه ماشيه تمام
استر : دلوقتى بقى نقدر ننفذ الخطوه الاخيره
البيرت : احنا قدرنا نسيطر على السيستم بتاعهم
استر : اضرب دلوقتى
البيرت : حاضر
ياترى ايه اللى هيحصل ده بقى اللى هنعرفه الجزء اللى جاى واشوفكم بخير
الجزء الثامن
• وقفنا الجزء اللى فات على الحفله بعد ما دياب مشى بسبب مكالمة ليندا ومن بعده احمد صقر وبعد كده فى حد بيحاول يخترق السيستم الامنى للحفله .... كل ده حصل وانا قاعد فى الحفله ومش عارف ايه تانى ممكن يحصل .... فجأه دخل عليا ابراهيم
ابراهيم : مالك يا سليم شكلك متوتر
انا : فى مشكله يا ابراهيم
ابراهيم : مشكلة ايه
انا : انا هقولك علشان لازم نلحق نتصرف قبل فوات الاوان
ابراهيم : خير انت قلقتنى
انا : فى حد بيحاول يخترق السيستم الامنى للحفله
ابراهيم : متخافش يا سليم السيستم اللى انتو شغالين بيه انا اللى مصممه ومفيش مخلوق يقدر يخترقه
انا : للأسف تم الاختراق ولو لاحظت ان الشبكه رجعت على تليفون احمد صقر معنى كده ان فعلا تم اختراق السيستم
ابراهيم : وانا قولتلك متخافش ..... انا هروح غرفة المراقبه وانت حاول تغطينى وانا هتصرف
انا : طب روح بسرعه
• ابراهيم سابنى وراح غرفة المراقبه وكان كريم والمهندس المسئول عن التأمين موجودين
ابراهيم : ايه اللى بيحصل بالظبط
المهندس : يافندم فى حد بيحاول يخترق السيستم وبالفعل السيستم وقع لمدة عشر دقايق وانا قدرت اسيطر عليه من تانى وشغلت السيستم الاحتياطى
ابراهيم : ازاى ده يحصل من غير ما تبلغنى
المهندس : مكانش ينفع اسيب مكانى لحظه واحده لان كده خطر وانا بعت حد يبلغ الاستاذ سليم
ابراهيم : طب قوم من مكانك وانا هتصرف وحسابى معاك بعدين
المهندس : اوامرك يا فندم
ابراهيم : قدرت تحدد مكان اللى بيحاول يخترق السيستم
المهندس : للأسف مقدرتش انا كان كل همى ارجع السيستم فى اسرع وقت ممكن
كريم : طب دلوقتى هنعمل ايه يا ابراهيم
ابراهيم : متقلقش يا كريم دى لعبتى وانا هعرف اوقعهم فى المصيده كويس
كريم : تفتكر ممكن يكون فى قنبله هنا فى القاعه
ابراهيم : ده شئ اكيد علشان كده بيحاولوا يخترقوا السيستم
كريم : بس مستحيل يكون فى قنبله فى القاعه
ابراهيم : مش شرط يكون فى القاعه ..... وارد يكون فى المطبخ او الحمام
كريم : انا هبعت الرجاله يفتشوا المطبخ والحمام
ابراهيم : ابعت الرجاله وانا هراجع الكاميرات واشوف ممكن الاقى القنبله فين
• قعد ابراهيم يقلب فى الكاميرات على امل يلاقى حاجه
المهندس : استنى يا فندم
ابراهيم : فى ايه
المهندس : بص كويس فى كاميرا الجراج
ابراهيم : مالها
المهندس : فى ضيفه دخلت ومعاها 3 عربيات بس لما خرجت كان معاها عربيتين بس ..... والعربيه الموجوده ده واحده منهم وانا متاكد
كريم : ورينى كده ..... دى عربيه من عربيات استر
ابراهيم : ابعت بسرعه حد من رجالتك يشوف العربيه دى ويكون معاه حد متخصص فى القنابل
كريم : انا هتحرك بنفسى وانت تابع السيستم كويس
ابراهيم : متخافش انا مركز معاهم كويس
• اخد كريم رجالته واتحرك ناحية الجراج .... قرب كريم من العربيه بحذر وفتح شنطتها بمنتهى الحذر وفعلا اتفاجئ بوجود قنبله حديثه
كريم : طلع فعلا فى قنبله تانيه غير بتاعة الصبح .... استر مش بتهزر
واحد من الجاردات : انا كلمت المتخصص ودقايق وهيكون موجود
كريم : مفيش وقت
الجارد : هتعمل ايه يا فندم
كريم : انا هبطلها بنفسى .... ابعد انت والرجاله
الجارد : بس كده خطر على حضرتك
كريم : نفذ الاوامر وابعد
الجارد : حاضر يا فندم
• من ناحيه تانيه عند ليندا وصلت المستشفى ودياب حصلها على هناك وكانت فى الاوضه مع الدكتور ومعاها مارى ..... اضطر دياب ينتظر لحد ما الدكتور خرج بعد ربع ساعه
دياب : خير يا دكتور طمنى
الدكتور : خير يا فندم اتطمن
دياب : ايه اللى حصل
الدكتور : تقريبا كان فى حد عاوز يخلص من البيبى
دياب : ازاى يعنى
الدكتور : واضح ان المدام شربت عصير وكان فى حاجه كده ..... بس من حسن الحظ انها شربت حته صغيره جدا والاحسن من كده انها رجعت قبل ما المفعول يشتغل بصوره اقوى
دياب : يعنى ليندا كويسه دلوقتى
الدكتور : متخافش هى كويسه والبيبى كمان كويس
دياب : الحمد ***
الدكتور : بس انا هضطر ابلغ الشرطه
دياب : اياك تفكر تعمل حاجه زى دى ساعتها انا ممكن ادفنك صاحى
الدكتور : بس يا فندم اللى عمل كده ممكن يكررها تانى
دياب : متخافش مش هيلحق يكررها تانى
الدكتور : اوامرك يا فندم
دياب : امشى انت دلوقتى وانا هدخلها
الدكتور : حاضر
• دخل دياب عند ليندا
دياب : حمد **** على سلامتك يا حبيبتى
ليندا : **** يسلمك يا حبيبى
دياب : ايه اللى حصل بالظبط
ليندا : بعد ما انت مشيت للحفله انا كنت جعانه وطلبت من سميره الشغاله تحضر العشاء وتطلعه الاوضه عندى .... يادوب اكلت ولسه هشرب العصير حسيت طعمه متغير قولت يمكن اكون بتوحم وسيبته بعدها بنص ساعه حسيت معدتى تعبانى وعاوزه ارجع دخلت الحمام وقعدت ارجع بس الوجع شغال ومش راضى يسكت ناديت على ماما واتصلت بالاسعاف بعد كده من كتر الوجع حسيت انى ممكن اموت واتصلت بيك بس كده ده كل اللى حصل
دياب : انا هعرف شغلى كويس مع اللى عمل كده
ليندا : هتعمل ايه
دياب : ارتاحى انتى بس ومتشغليش بالك
ليندا : انا هخرج امتى من المستشفى
دياب : شويه كده وهاخدك ونرجع
مارى : مين اللى عمل كده فى بنتى يا دياب
دياب : انا هعرف مين اللى عمل كده وساعتها هخليه يتمنى الموت من اللى هعمله فيه
ليندا : ابوس ايدك مش عاوزه اسمع الكلام ده منك
دياب : طب ارتاحى انتى بس
• من ناحيه تانيه عند استر والبيرت قاعدين فى العربيه ومعاهم المهندس بتاع الكمبيوتر اللى بيعطل السيستم
استر : ممكن تفهمنى ايه اللى حصل بالظبط
المهندس : انا قدرت اعطل السيستم بس للاسف هما كان عندهم سيستم احتياطى شغلوه بسرعه ودلوقتى بحاول اعطل فيه
استر : اخلص بسرعه
المهندس : انا بحاول يا فندم
البيرت : دياب طلع مش ساهل يا استر
استر : الفكره مش فى دياب ..... الفكره فى اللى بيشغلهم معاه ..... دياب بيشغل معاه ناس بتفهم لكن انا للأسف بشغل معايا بهايم
البيرت : انا قربت ايأس من اللى بيحصل فينا ده
استر : انا عمر ما اليأس عرف طريق لعقلى .... يا انا يا انت يا دياب وانا وراك والزمن طويل
المهندس : انا قدرت اخترق السيستم
استر : برافو ..... فجر القنبله بسرعه
المهندس : حاضر يا فندم
استر : ليه القنبله مافرقعتش
المهندس : مش عارف يا فندم
استر : جرب القنبله التانيه
المهندس : للأسف الاتنين مش شغالين
البيرت : الظاهر كده اتكشفنا لما اخترقنا السيستم فى المره الاولى
استر : طب اتحرك بسرعه قبل ما حد يحس بينا
البيرت : حاضر
• من ناحيه تانيه عند كريم والجاردات اللى معاه
كريم : كده تمام ..... تمت المهمه بنجاح
الجارد : الحمد *** بس كده كان ممكن تضحى بحياتك يافندم
كريم : متخافش عليا انا واخد فرقة مفرقعات
الجارد : حضرتك هنعمل ايه دلوقتى
كريم : خلاص الحفله تقريبا قربت تخلص ..... عاوزك تنتشر انت والرجاله فى المكان كويس
الجارد : حاضر يا فندم
كريم : انا رايح غرفة المراقبه
• طلع كريم غرفة المراقبه وكنت موجود انا وابراهيم
انا : ايه الاخبار يا كريم
كريم : متخافش يا فندم كل حاجه تحت السيطره
انا : العربيه دى بتاعة استر فعلا
كريم : للأسف ايوا
انا : يعنى قنبلتين فى نفس اليوم
كريم : هما الصهاينه كده لازم يبقى دايما عندهم اكتر من خطه وسيناريو
انا : الواحد خلاص قرف منهم
كريم : هنعمل ايه دلوقتى
انا : اتحرك زى الاتفاق بالظبط
كريم : بس احنا بنكشف الورق بتاعنا كده
انا : لازم يا كريم لكل فعل رد فعل .... وده انسب رد فعل للى حصل النهارده
كريم : حاضر يا سليم انا هسمع كلامك
انا : اتحرك انت دلوقتى وانا لازم ارجع الحفله علشان الوقت اتاخر والناس هتبدأ تمشى وانا لازم اكون موجود ..... وانت يا ابراهيم خليك هنا متتحركش ولو محمد صقر سأل عليك هقوله ان جالك تليفون واضطريت تستأذن
ابراهيم : طب تمام ... روح يا سليم
• كريم اتحرك وانا رجعت للحفله وقعدت تقريبا ساعه لحد ما كل الضيوف مشيوا والحفله خلصت وبعدها رجعت الفيلا
• من ناحيه تانيه عند استر قاعده فى الاستراحه وهتشيط من الغضب
استر : يعنى ايه كل ما نحفر حفره لدياب يخرج منها اقوى من الاول ولا كأن فى حاجه
البيرت : المعنى الوحيد للكلام ده ان دياب زارع جاسوس عندنا وبينقل كل تحركاتنا
استر : هو فعلا لمح لحاجه زى دى .... بس مين الجاسوس ده
البيرت : اكيد حد من الموجودين فى الاستراحه القديمه
استر : علشان كده قررت نتنقل للإستراحه دى
البيرت : يعنى مفيش حد يعرف مكان الاستراحه دى
استر : لا متقلقش مفيش اى حد يعرف المكان ده
• فجأه الباب خبط ودخل جارد من الجاردات
استر : خير فى ايه
الجارد : فى واحد بره عاوز يقابل حضرتك وبيقول ان فى معاد مع حضرتك
استر '' بخضه " : مين ده
الجارد : اسمه كريم ويبقى الحارس الشخصى بتاع مستر دياب
استر : انت متاكد
الجارد : ايوا يا فندم
استر : خليه يدخل بس من غير سلاح
الجارد : هو فعلا جاى من غير سلاح بس معاه هديه بيقول انها من مستر دياب
استر : خليه يدخل
• بعد ما خرج الجارد
البيرت : عرف الاستراحه دى ازاى
استر : وارد يكونوا مراقبينا ولا حاطين جهاز تجسس فى العربيه بتاعتى
البيرت : تفتكرى كريم جاى ليه وايه الهديه اللى معاه
استر : دلوقتى هنعرف
• دخل كريم
استر : خير يا كريم
كريم : اتفضلى يا فندم دى هديه باعتها مستر سليم ومستر دياب
استر : ايه الهديه دى
كريم : افتحيها يا فندم متخافيش مفيهاش حاجه خطر
استر : استر يعقوب مش بتخاف يا كريم
كريم : افتحى الهديه
• فتحت الهديه وكان فيها المتفجر بتاع القنبلتين
استر : ايه ده يا كريم
كريم : ده المتفجر بتاع القنبلتين اللى كانوا موجودين فى الحفله
استر : هى الحفله كان فيها قنابل
كريم : ايوا يا فندم وفى قنبله منهم كانت فى عربيتك .... دياب وسليم باعتين معايا رساله مهمه ليكى
استر : رسالة ايه
كريم : بيقولولك لما تلعبى ياريت تلعبى بشرف لان لو على الموت والقنابل هما يقدروا يقتلوكى فى لحظه
استر : افهم من كده انهم باعتين معاك تهديد
كريم : لا يا فندم التهديد وصل قبلى ..... انا واحد دخلت عندك من غير سلاح لان سلاحنا عندك
استر : يعنى ايه مش فاهمه
كريم : يعنى الكرسى اللى حضرتك قاعده عليه هتلاقى تحته قنبله
• قامت استر مفزوعه من على الكرسى
كريم : متخافيش دى قنبله ملهاش لازمه مش شغاله بس مستر دياب وسليم بيبلغوكى المره اللى جايه هتكون قنبله حقيقيه وساعتها ماتلوميش غير نفسك
استر : .......
كريم : عن اذنك امشى انا علشان مستر دياب منتظرنى
استر : امشى يا كريم
كريم : معلش نسيت حاجه
استر : نسيت ايه
كريم : مستر دياب بيقولك ياريت ماتغيريش مكانك كل شويه لانه برضه هيعرف المكان الجديد وهتلاقى الهديه مستياكى فيه قبل ما توصلى ..... هو بس خايف على تعبك
استر : امشى يا كريم بدل ما اقتلك
كريم : ههههههههههههه انا مقدر غضبك .... عن اذنك
• خرج كريم واستر اشتغلت تكسير فى كل حاجه تيجى قصادها
البيرت : اهدى يا استر
استر : ماتقوليش الكلمه ده علشان بتعصبنى
البيرت : حاضر بس لازم نفكر فى حاجات كتير اهم من التكسير والعصبيه بتاعتك
استر : سيبنى لوحدى يا البيرت دلوقتى
البيرت : حاضر هسيبك دلوقتى
• من ناحيه تانيه دياب وليندا خرجوا من المستشفى وراحوا الفيلا وبعدها كريم وصل الفيلا ..... وكانت ريهام وامل صقر موجودين
ريهام : حمد **** على سلامتك يا ليندا
ليندا : **** يسلمك يا ريهام
امل : خير يا دياب ايه اللى حصل
دياب : مفيش حاجه حصلت ده دلع حمل مش اكتر
امل : لو على الدلع مفيش مشكله
دياب : سميره فين
ريهام : عاوزها فى ايه
دياب : يا سميره ..... انتى يا زفت
ريهام : فهمنى بس ايه فى
دياب : قولتلك مفيش حاجه
ليندا : اهدى يا ادم
سميره : ايوا يا فندم
دياب : تعالى عاوزك .... يا كريم
• دخل كريم الفيلا
كريم : اوامرك يا فندم
دياب : خد البنت دى تحت فى البدروم لحد ما اجيلك
كريم : حاضر يا فندم
سميره : ليه يا باشا انا عملت ايه
دياب : هتعرفى دلوقتى ..... اخلص يا كريم اسبقنى وانا هحصلك
كريم : حاضر يا فندم
• كريم اخد سميره ونزل بيها البدروم
ريهام : فى ايه يا دياب هى عملت ايه
دياب : انا مش بحب اكرر كلامى ..... قولتلك مفيش حاجه
ريهام : انت ازاى بتكلمنى كده
مارى : معلش يا ريهام بس دياب كان قلقان على ليندا بعد اللى حصل النهارده
دياب : تعالى يا ليندا اطلعك اوضتك ترتاحى
• دياب اخد ليندا وطلع بيها الاوضه
ريهام : ايه اللى حصل بالظبط يا مارى
مارى : فى حد حاول يسقط ليندا
ريهام : مين ده وليه يعمل كده
مارى : لسه مش عارفين بس البنت سميره دى هى اللى ساعدت فى الموضوع ده علشان كده دياب عاوز يعرف منها مين اللى حرضها
ريهام : بس ده مايخلهوش يكلمنى بالطريقه دى
مارى : معلش يا بنتى اعذريه هو برضه خايف على ليندا
امل : طب استأذن انا علشان سايبه عمر لوحده فى البيت
مارى : اتفضلى يا مدام امل
• من ناحيه تانيه عند دياب وليندا
ليندا : هتعمل ايه يا دياب
دياب : انا مش دياب ..... انا ادم اللى بيعرف كويس ازاى يحاسب اللى بيغلط
ليندا : ارجوك سامحها
دياب : ادم مش بيعرف السماح ..... ولازم اعرف مين وراها
ليندا : دى بنت هبله وغلبانه .... علشان خاطرى اعرف مين وراها وسامحها .... ورحمة ابوك وامك سامحها
دياب : اعرف مين وراها الاول وبعد كده اقرر
ليندا : ارجوك يا حبيبى سامحها
دياب : ارتاحى انتى دلوقتى ..... ومن بكره فى حد جديد هيكون مسئول عن اكلك وشربك .... حد اقدر اثق فيه
• نزل دياب للبدروم وكانت سميره واقفه وحواليها كريم واتنين جاردات
سميره : ابوس رجلك يا باشا سامحنى
دياب : حلو ..... انتى كده قصرتى المسافه عليا ..... انا مستعد اسامحك واسيبك تمشى بس بشرط واحد
سميره : انا تحت امرك فى اى حاجه
دياب : مين اللى وراكى
سميره : .......
• طلع دياب المسدس وضرب طلقه فوق دماغ سميره
دياب : انا مش بحب اكرر السؤال مرتين .... الطلقه اللى فاتت كانت فوق دماغك لكن المره اللى جايه هتكون فى نص دماغك
سميره : ارجوك يا باشا مقدرش
دياب : افهم من كده انك مستعده تضحى بعمرك علشان تحمى اللى حرضك
سميره : ابوس رجلك يا باشا
دياب : ولا تبوسى ايدى ولا رجلى .... انا عرضت عرض محدد حياتك قصاد انك تقولى مين اللى حرضك
سميره : لو قولتلك مين اللى حرضنى هتقوم حرب
دياب : انا مش بحب الرغى الكتير ..... يا كريم
كريم : ايوه يا فندم
دياب : بعد عشر ثوانى البنت دى لو ما اعترفتش اقتلها
كريم : حاضر يا فندم
سميره : خلاص يا باشا انا هعترف على كل حاجه
دياب : مين اللى حرضك
سميره : امل هانم هى حرضتنى اعمل كده وادتنى 20 الف جنيه
دياب : امل صقر
سميره : ايوا يا باشا
دياب : انا كنت شاكك من الاول ان هى اللى وراكى .... خدها يا كريم دلوقتى احبسها فى مكان لحد ما اقولك تعمل ايه
كريم : حاضر يا فندم
سميره : ابوس رجلك يا باشا انا قولتلك كل حاجه
دياب : خدها يا كريم دلوقتى
• اخدها كريم ومشى
• طلع دياب من البدروم ودخل اوضة المكتب وقعد قصاد طرابيزة الشطرنج وبيبص عليها وبيلاعب نفسه وبيفكر ...... فجأه الباب خبط ودخلت ريهام
دياب : عاوزه ايه يا ريهام
ريهام : انت قاعد هنا ليه
دياب : بفكر فى حاجه
ريهام : انت عملت ايه مع سميره
دياب : قولتلك دى حاجه ماتخصكيش
ريهام : انت ليه بتعاملنى كده يا دياب
دياب : كده ازاى مش فاهم
ريهام : انت اتجوزتنى ليه يا دياب
دياب : اتجوزتك علشان حبيتك
ريهام : ولما انت بتحبنى ليه بتعمل فيا كده ..... انا ذنبى ايه فى اللى بينك وبين العيله
دياب : من يوم ما اتجوزتك وانا فاصل بين علاقتى بيكى وبين علاقتى بالعيله وعلى ما اظن انى ماضغطتش عليكى فى حاجه
ريهام : بس انا حاسه انك بتدبر لحاجه كبيره انا مش عارفه ايه هى بالظبط بس متاكده انها مصيبه بكل المقاييس
دياب : ياريت تقفلى كلام فى الموضوع ده
ريهام : ارجوك يا دياب اسمعنى
دياب : ارجوكى انتى اقفلى كلام فى الموضوع ده
ريهام : حاضر يا دياب هقفل كلام فى الموضوع ده دلوقتى علشان انت متضايق بس هنتكلم تانى بعدين
• فجأه دخلت ليندا
دياب : ايه اللى خلاكى تنزلى وانتى تعبانه
ليندا : انا هفضل تعبانه طول ما انت عامل فى نفسك كده
ريهام : تعالى يا ليندا شوفيه وهو بيموت نفسه بالبطئ
دياب : انا مش هموت نفسى ..... انا هموت كل اللى هيوقف فى طريقى .... ويلا انتوا الاتنين سيبونى واطلعوا على اوضكم عاوز اقعد لوحدى
ليندا : حاضر .... تعالى يا ريهام
• بعد ما طلعت ريهام وليندا .... طلع دياب تليفونه واتصل بطارق صقر اخو ريهام
طارق : الوووووو
دياب : معلش يا طارق صحيتك من النوم
طارق : خير يا دياب فى حاجه
دياب : عاوزك تركب اول طياره وتكون عندى بكره الصبح بالكتير
طارق : خير يا دياب فى ايه
دياب : مش هينفع الكلام فى التليفون
طارق : حاضر يا دياب انا هنزل القاهره فى اول طياره
دياب : اول ما توصل روح على فيلا اخوك وانا هجيلك هناك
طارق : شكلها كده فى مصيبه حصلت
دياب : بكره هتعرف كل حاجه ..... سلام دلوقتى
طارق : سلام يا دياب
• بعد ما قفل دياب مع طارق دخل عليه كريم
دياب : تعالى يا كريم انا كنت هطلبك دلوقتى
كريم : خير يا فندم
دياب : انسى الرسميات دى وكلمنى عادى زى اى اتنين اصحاب
كريم : مالك يا دياب فى ايه
دياب : انا مخنوق وحاسس انى عاوز اولع فى الكل
كريم : وبعدين معاك يا صاحبى
دياب : صدقنى يا كريم اللى انا فيه ده اكبر من قدراتى
كريم : عارف يا صاحبى
دياب : هى ليه امل صفر عاوزه تدمر كل الحلو اللى فى حياتى .... طب هى وابويا سابوا بعض وكل واحد شاف حياته ليه بقى مصره تدمر حياتى
كريم : يكفيك شر الست لما تكره او تتجرح ممكن تدمر اى شئ حتى لو كان اغلى حاجه عندها
دياب : هههههههه خبير انت فى الستات يا كريم
كريم : عيب عليك ده انت اكتر واحد عارف تاريخى
دياب : عندك حق فى دى ..... انت هتقولى على خبراتك فى الستات
كريم : انا حافظهم كويس وحافظ الاعيبهم وياما شوفت منهم
دياب : صحيح بالمناسبه انت ليه رافض فكرة الجواز
كريم : اللى زيى يا دياب لا ينفع يحب ولا يتجوز
دياب : ليه بتقول كده
كريم : اتجوز ليه واجيب لنفسى نقطة ضعف ممكن اى حد يمسكها عليا ..... اللى بيشتغل شغلنا ده لا يحب ولا يتجوز
دياب : ليه يا عم انت .... طب ما انا متجوز
كريم : واى حد عاوز ينتقم منك اول حاجه بيعملها بيدوس على مراتك ..... والدليل على كده اللى حصل النهارده مع ليندا واللى حصل قبل كده مع ريهام لما اتخطفت
دياب : عندك حق .... بس برضه مسيرك هتلاقى اللى توقعك وتحبها
كريم : لا من الناحيه دى ماتخافش انا حاطط قلبى فى فريزر
دياب : ماشى يا سيدى بكره نشوف ..... قولى عملت ايه عند استر
كريم : عملت كل اللى اتفقنا عليه
دياب : وايه كان رد فعلها
كريم : هبعتلك فيديو باللى حصل واحكم بنفسك
دياب : انت صورت المقابله
كريم : اكيد طبعا ..... اى حاجه بعملها لازم تتصور وتتوثق
دياب : ماشى يا سيدى
كريم : سيبك من الكلام ده وخلينا فى المهم
دياب : خير يا كريم
كريم : هتعمل ايه مع عيلة صقر
دياب : سيب الظروف بكره هى اللى تحكم
كريم : ياريت ماتورطش نفسك فى عداوه جديده
دياب : سيبها للظروف
كريم : ماشى يا دياب
دياب : سيبنى دلوقتى عاز اكمل جيم الشطرنج وافكر فى الحركه اللى جايه
كريم : جيم ايه .... دى طرابيزة شطرنج عليها جيش واحد بس
دياب : وفيها ايه دى
كريم : فين الجيش التانى اللى انت بتلاعبه
دياب : هى دى الصعوبه فى اللعبه بتاعتنا
كريم : صعوبة ايه مش فاهم
دياب : فى اى لعبة شطرنج عاديه بتتكون من جيشين بيلاعبوا بعض وكل واحد شايف التانى بيعمل ايه وبيتحرك ازاى
كريم : ده الطبيعى
دياب : فى لعبتنا بقى كل حاجه مختلفه ..... انت بتلعب بالجيش بتاعك لكن انت مش شايف اللى قصادك بيلعب ازاى ..... انت بتتفاجئ باللعبه بتاعته علشان كده اللعبه بتبقى اصعب
كريم : من امتى الفلسفه دى
دياب : من زمان اووووى بس انت اللى مش واخد بالك
كريم : ماشى يا دياب
دياب : طب يلا سيبنى دلوقتى افكر فى النقله الجديده
كريم : ماشى يا دياب ..... انا هخرج اتمم على الرجاله واشوف فى ايه
• بعد ما كريم خرج .... دياب طلع اوضته ونام
• من ناحيه تانيه فى فيلا احمد صقر ..... عمر صقر نايم وصحى على تليفون من طارق ابنه وامل كمان صحيت من النوم
عمر : خير يا طارق فى ايه
طارق : ايه اللى بيحصل عندكم
عمر : مفيش حاجه حصلت ..... ليه بتقول كده
طارق : امال دياب عاوزنى اسافر القاهره على اول طياره ليه
عمر : صدقنى يا بنى مفيش حاجه حصلت خالص
طارق : يعنى انتوا كويسين
عمر : اقسملك كلنا كويسين
طارق : على العموم انا هركب طيارة 6 الصبح واكون عندكم لما اشوف اخرتها مع دياب
عمر : تعالى يابنى بس زى ما قولتلك مفيش حاجه
طارق : طب سلام يا حاج
عمر : سلام يابنى
• بعد ما طارق قفل الخط
امل : فى ايه يا عمر
عمر : مش عارف فى ايه بالظبط ..... دياب اتصل بطارق وعاوزه يجى القاهره بكره الصبح
امل : ايه علاقة دياب بطارق اصلا ..... هو دياب هيستولى على عيالى ولا ايه
عمر : لأخر مره هسألك انتى عملتى حاجه لدياب
امل : هعمل ايه يعنى لدياب
عمر : اتمنى يكون كلامك صح وماتكونيش بتكدبى
امل : نام يا عمر احنا معانا سفر الصبح
عمر : لا انسى موضوع السفر ده ..... انا مش هسافر قبل ما اعرف ايه اللى بيحصل بالظبط
امل : براحتك
عم : يلا نامى
• تانى يوم الصبح طارق وصل القاهره .... اول ما دخل الفيلا كان الكل موجودين محمد صقر واحمد صقر وعمر وامل وفاتن وامانى وسليم
طارق : ممكن حد يفهمنى ايه اللى بيحصل
عمر : يابنى قولتلك مفيش حاجه حصلت انت ليه مش عاوز تصدقنى
طارق : يعنى دياب يكلمنى فى نص الليل وعاوزنى اجى القاهره كده على الفاضى
• فجأه دخل دياب ومعاه ريهام
دياب : لا مش على الفاضى يا طارق
عمر : فى ايه يا دياب
دياب : انا هفهمك كل حاجه يا عمى بس فى الاول عاوز اسألك كام سؤال
عمر : اتفضل اسأل
دياب : عمرك شوفت منى حاجه وحشه
عمر : لا يابنى
دياب : ابويا اللى كان فى يوم من الايام صاحبك عمره عمل معاك حاجه وحشه
عمر : ابوك كان بالنسبالى اخ مش مجرد ابن عمى
دياب : طب ليه مراتك مصممه تأذينى
عمر : عملتى ايه يا امل تانى
امل : انا معملتش حاجه
دياب : كدابه
طارق : امى عملت ايه يا دياب
دياب : امك مكفهاش انها حرمتنى من امى زمان لا دى جايه النهارده علشان تحرمنى من ابنى
طارق : ايه اللى انت بتقوله ده يا دياب
دياب : امك المحترمه حرضت الشغاله عندى انها تحط تركيبة اجهاض فى العصير لمراتى علشان تسقطها
طارق : انتى فعلا عملتى كده يا امى
امل : ده كداب
دياب : لا مش كداب وهثبتلك
• خرج دياب ورجع تانى معاه كريم وسميره اللى اول ما امل شافتها اتخضت
دياب : دى بقى الشغاله اللى قبضت من امك يا طارق علشان تحرمنى من ابنى
طارق : تعالى هنا يا بت انتى
سميره : ارجوك يا باشا سامحنى
طارق : فعلا امى حرضتك على المصيبه دى
سميره : ايوا يا باشا وادتنى 20 الف جنيه علشان اعمل كده
احمد : ليه كده يا امى
امل : دى بنت كدابه وعامله تمثيليه مع دياب
دياب : انتى لسه مصممه على الكدب .... يا كريم ارمى البنت دى فى الشارع مش عاوز اشوفها وتعالى تانى
كريم : حاضر يا فندم
• طرد كريم البنت ورجع تانى
دياب : انا جبتك يا طارق علشان تبقى شاهد على اللى هيحصل
طارق : هتعمل ايه يا دياب
دياب : من ناحية هعمل فهعمل كتير جدا
عمر : علشان خاطرى يابنى سامح المره دى وانا هاخد امل احبسها فى البيت ومش هتتعرضلك تانى
دياب : كان على عينى يا عمى بس انا عملتلك بدل الخاطر عشره وراعيت اللى بينك وبين ابويا لكن دلوقتى مش هينفع خلاص
احمد : هتعمل ايه يا دياب
دياب : امك استعجلت الحرب وانا موافق ..... من النهارده يا امل انا بهددك بشكل علنى وواضح انى هحول حياتك لجحيم ..... عاوزك من النهارده تدعى **** بحاجه واحده بس انه يقصر فى عمرك علشان تترحمى من العذاب اللى هتشوفيه على ايدى ...... انتى زمان حرمتينى من امى وامبارح كنتى عاوزه تحرمينى من ابنى ..... انا النهارده هدوقك من نفس كاس الحرمان
احمد : هتعمل ايه يا دياب
دياب : انت بالذات ملكش دعوه باللى هعمله علشان غضبى ما يطولكش .... من النهارده يا امل صقر انتى محرومه من بنتك مش هتشوفيها ولا تسمعى صوتها .... ده بقى بدايتى معاكى
ريهام : انت عاوز تحرمنى من اهلى يا دياب
دياب : لا طبعا ..... ابوكى واخواتك بس اللى مسمحولهم بزيارتك لكن امك تعتبريها ميته من النهارده
ريهام : لا طبعا انت اتجننت ..... دى امى
دياب : ده كلام نهائى ومن النهارده محدش ليه اى رأى فى اللى هعمله
ريهام : يبقى تطلقنى يا دياب
دياب : مش قبل ما اخد ابنى اللى فى بطنك بعدها اوعدك انى هطلقك لو عاوزه ..... مش هسيب ابنى يتربى وسطكم مهما حصل
ريهام : انت ازاى بالبشاعه دى
دياب : انتوا لسه ماشوفتوش حاجه
احمد : انت كده ذودتها يا دياب وانا اللى هوقفلك
دياب : وانا عاوزك توقفلى علشان ادمرك انت وعيلتك كلها
طارق : خلاص يا دياب اهدى وهنحل كل حاجه
دياب : امك قطعت كل حبال الود ..... اسمعونى كويس كلكم علشان انا استحملت منكم اللى مفيش بشر يقدر يستحمله ...... عاوزك يا عمى توصل رساله مهمه لعيال العاصى قولهم ساعتكم قربت واللى عملتوه فى امى زمان دياب راجع النهارده علشان يدفعكم تمنه
عمر : عملولك ايه كمان
دياب : لا عملوا كتير واسأل مراتك وهى تقولك عملوا ايه هى وسعد اخوها وعيال العاصى
عمر : عملتى ايه تانى يا زفت انتى
دياب : اسيبكم دلوقتى مع بعض تعرفوا هى عملت ايه بالظبط .... يلا يا ريهام
ريهام : انا مش همشى معاك
دياب : مش بمزاجك .... يلا قدامى اخلصى
ريهام : قولتلك مش همشى معاك
دياب : وانا قولتلك مش بمزاجك
• سحبها دياب من ايدها ولسه هيتحرك بيها .... قام احمد صقر علشان يمنعه
دياب : ابعد عن طريقى يا احمد
احمد : مش هبعد يا دياب .... دى برضه اختى اللى انا استأمنتك عليها
دياب : وانا مخونتش الامانه بالعكس الخيانه من عندكم ابعد عن طريقى علشان انت ماتندمش
• اتدخل كريم وبعد احمد صقر عن طريق دياب ..... دياب سحب ريهام واتحرك بيها ولسه هيخرج من باب الفيلا .... احمد صقر خرج مسدسه وضرب طلقه على دياب جات فى كتفه ووقع فى الارض ..... ريهام صرخت ونزلت على الارض بتحضن دياب وبتبكى .... عمر ومحمد مسكوا احمد واخدوا منه المسدس ..... كريم خرج مسدسه ولسه هيضرب بالنار دياب منعه
دياب : استنى يا كريم متعملش حاجه
• سليم جرى على دياب ودخل فى حضنه وهو بيعيط
دياب : متخافش عليا يا سليم انا كويس
سليم : مخافش عليك ازاى وانت مضروب بالنار وابويا هو اللى عمل كده
دياب : وقفنى يا سليم
• وقف دياب بمساعدة كريم وسليم وريهام
دياب : شايفه يا ريهام دول اهلك اللى انتى خايفه عليهم وبتدافعى عنهم .... معندهمش اى مانع يقتلونى ..... احمد اخوكى اللى حافظتله على ابنه وحميته من اخطار كتير معندوش مانع انه يقتلنى
ريهام : كفايه يا دياب
دياب : فعلا كفايه ..... اطلب يا كريم المستشفى بسرعه انا حاسس انى هيغمى عليا
كريم : يلا يا دياب
سليم : انا جاى معاك
دياب : لا يا سليم خليك هنا واسمع كلامى ..... وانتوا بقى يا عيلة صقر استحملوا بقى كل اللى جاى وعاوز دكر فيكم يعرف يوقف قصادى ...... يا كريم خد ريهام على الفيلا وممنوع اى حد فيهم مهما كان يشوفها غير سليم ..... واللى يفكر يقرب ناحية الفيلا اضربه بالرصاص فى مقتل
كريم : حاضر
• وقع دياب مغمى عليه ..... كريم شال دياب وطلع بيه على العربيه ودخل جاردات تانى اخدوا ريهام وطلعوا بيها على الفيلا
• اتحرك كريم بسرعه على المستشفى ودخل دياب على طول غرفة العمليات وفى ظرف نص ساعه كان الخبر انتشر
• مجرد ما كريم كلمنى وحكالى اللى حصل اتحركت انا كمان على المستشفى ولقيت ليندا موجوده هناك ومعاها ابوها وامها
انا : ايه اللى حصل يا ليندا
ليندا : معرفش يا سليم ..... ادم خرج مع ريهام وكريم بعدها بنص ساعه ريهام رجعت مع الجاردات بتعيط وعرفت ان ادم اتضرب بالنار وهو هنا فى المستشفى
انا : كريم فين
ليندا : مش عارفه راح فين من ساعة ما وصلت المستشفى وانا مش شايفاه
انا : اهدى انتى وكل حاجه هتخلص
• بعد نص ساعه دياب خرج من غرفة العمليات وجرينا على الدكتور
انا : طمنى يا دكتور
الدكتور : متقلقوش يا جماعه ده جرح بسيط يادوب الرصاصه جرحت كتفه مش اكتر
ليندا : يعنى هو كويس دلوقتى
الدكتور : كويس وزى الفل وهيخرج من الإفاقه دلوقتى
ليندا : **** يطمنك يا دكتور
الدكتور : عن اذنكم
• سابنا الدكتور ومشى وبعدها دخل علينا كريم
انا : كنت فين يا كريم
كريم : كنت بظبط الدنيا علشان محدش يبلغ الشرطه باللى حصل
انا : هو ايه اللى حصل بالظبط
كريم : احمد صقر ضرب دياب بالرصاص
انا : انت بتقول ايه ..... ليه احمد صقر يعمل كده
كريم : هحكيلك كل اللى حصل بالظبط ..... وحكى كريم كل اللى حصل
انا : دياب اتسرع فى اللى عمله
كريم : انا حاولت اهديه بس انت عارف دياب دماغه ناشفه
ليندا : مش مهم الكلام ده دلوقتى اهم حاجه اننا ناخد حذرنا الفتره اللى جايه خصوصا من عيلة صقر لانهم مش هيعدوها بالساهل خصوصا بعد تهديد دياب الصريح ليهم وحبس ريهام
كريم : انا هزود الحراسه الفتره اللى جايه على الفيلا والشركات
انا : نفذ فى اسرع وقت
كريم : متخافش انا عملت اتصلاتى وفى طقم حراسه جديد هيوصل من السفر فى خلال يومين
انا : تمام كده
• من ناحيه تانيه فى فيلا احمد صقر
عمر : ايه اللى انت عملته ده يا احمد
احمد : يعنى عاوز دياب يتحدانا بالطريقه دى كأننا عبيد عنده واسكت
عمر : وانت فاكر كده انك بتحل مشكله بالعكس انت كده عقدتها اكتر وبدأت حرب انت مش قدها مع ان احنا اللى غلطانين من البدايه
محمد : انا شايف يا عمى انك تروح لدياب وتستسمحه وتحاول تحل المشكله لانى شايف ان دياب بيعاملك معامله خاصه
عمر : دياب كان بيعاملنى معامله خاصه قبل ما مراتى تحاول تقتل ابنه وقبل ما ابنى يحاول يقتله هو شخصيا
محمد : لازم تحاول يا عمى ..... لو سكتنا واتفرجنا دياب هيدمر الكل
امل : انتوا عاملين اعتبار لدياب ولا كأنه سبع الرجال
عمر : انتى بالذات تخرسى خالص لانك انتى اللى شعللتى الحرب اللى ماصدقنا انها انطفت واستحملى بقى اللى جاى
امل : محدش يقدر يقرب منى ابدا انا مهما كنت امل صقر
عمر : ههههههه امال كنتى ساكته ليه لما دياب كان بيهددك وسطنا
امل : سكت علشان كنت فاكره نفسى وسط رجاله يقدروا يحمونى لكن للأسف طلعت مسنوده على حيطه مايله
• قام عمر وضرب امل بالقلم
عمر : احنا اللى حيطه مايله برضه ولا انتى اللى الغضب والكره بقى ماليكى
محمد : خلاص يا عمى كفايه خلينا فى اللى احنا يه دلوقتى
عمر : روح يا محمد المستشفى اعرف الاخبار وطمنى خلينا نشوف هنعمل ايه
محمد : حاضر يا عمى
• فجأه سليم نزل ومعاه شنطة هدومه
احمد : رايح فين يا سليم
• سليم ماشى ومش بيرد على احمد
عمر : رايح فين يا سليم
سليم : ماشى يا جدى
عمر : ماشى رايح فين
سليم : رايح بيت ابويا ولو احتاجت تشوفنى ابقى تعالى هناك
احمد : بتقول ايه يا زفت انت
سليم : عاوز ايه يا احمد
احمد : انا ابوك
سليم : كنت ابويا .... لكن من النهارده انت مش ابويا ولا اعرفك ..... كنت ابويا يوم ما قولتلك ابعد امل عن طريق دياب يا اما انا اللى هوقفلها لكن انت افتكرت انى بهزر .... كنت ابويا قبل ما تحاول تقتل دياب
• اتحرك سليم علشان يمشى واحمد اعترض طريقه
سليم : ارجوك ابعد عنى بدل ما اقتل نفسى وارتاح منكم ومن عمايلكم
عمر : ابعد يا احمد وسيب سليم
احمد : ايه اللى انت بتقوله يا ابويا
عمر : اسمع الكلام واخرس خالص ..... روح يا سليم دلوقتى ولينا كلام تانى مع بعض بعدين
• مشى سليم وساب الفيلا
عمر : مبسوطين دلوقتى ..... مبسوطه يا امل لما خسرتى بنتك وحفيدك ..... مبسوط يا احمد لما خسرت ابنك ..... بقالك سنين عاوز تبقى كبير العيله لكن طلعت اخيب من انك تبقى كبير بيتك ..... للاسف انتوا دخلتوا حرب مش قدها ولا هتعرفوا تصمدوا فيها ..... هتصمدوا فيها ازاى وانتوا ضعاف ..... واقفين قصاد واحد بقاله سنين وسنين بيخطط علشان ينتقم منكم وانتوا كان كل همكم تسيطروا على ناس ضعيفه ونسيتوا الاسد اللى اتظلم زمان وراجع ياخد حقه ..... راجع ياخد حقه منك يا امل انتى وعيال العاصى واخوكى ياترى عملتوا ايه تانى مخليه كده .... عملتوا ايه مخليه راجع عاوز ينهشكم بالطريقه دى
امل : .........
عمر : ساكته ليه يا امل ..... عملتى ايه فهمينى علشان اقدر اتصرف واحميكى
امل : مش عاوزه اتكلم
عمر : براحتك .... روح يا محمد شوف دياب وكلمنى
محمد : حاضر يا عمى
عمر : وانت يا احمد جهز نفسك علشان هتيجى معايا لدياب لازم نصفى كل حاجه النهارده
احمد : انا مش هروح لحد ودياب حسابه معايا عسير
عمر : هتفضل مغرور كده لحد امتى
احمد : دياب هو اللى بدأ الحرب مش انا ..... دياب هو اللى اخد ابنى منى .... من النهارده يستحمل اللى انا هعمله فيه
عمر : انت كده هتقلبها خراب
احمد : دياب هو اللى بدأ بالخراب مش انا ..... انا قعدت سنين بحاول اصلح فى غلط انا مليش اى ذنب فيه وبرضه ده ماشفعليش عنده فى اى حاجه وراجع علشان ينتقم منى
عمر : دياب مش راجع ينتقم منك ..... دياب راجع ينتقم من امك
احمد : وانا مش هسمحله يقرب من امى حتى لو اضطريت اقتله
عمر : ايه اللى انت بتقوله ده .... انت اتجننت خلاص والغرور صم ودانك وعمى عنيك
احمد : دياب هو اللى وصلنا للى احنا فيه ده ودلوقتى يا انا يا هو
• قام احمد وساب ابوه ومشى
• نرجع عندى فى المستشفى ..... دياب فاق ودخلتله مع ليندا وكريم
ليندا : حمد **** على سلامتك يا حبيبى
دياب : **** يسلمك يا حبيبتى
ليندا : ايه اللى انت عملته ده يا ادم
دياب : ارجوكى مش قادر اتكلم فى حاجه دلوقتى
ليندا : حاضر يا ادم هسكت دلوقتى بس لينا كلام مع بعض بعدين
دياب : ماشى يا ستى
انا : وبعدين معاك يا جدع انت هو كل كام يوم هتجرجرنا وراك فى المستشفيات
دياب : معلش يا صاحبى استحملنى انا عارف انى تعبتك معايا وسببتلك مشاكل كتير
انا : عيب عليك الكلام اللى انت بتقوله ده
دياب : طمنى يا كريم عملت ايه
كريم : نفذت اوامر حضرتك بالأمر الواحد
دياب : ايوا يعنى عملت ايه
كريم : وصلت مدام ريهام للفيلا وامرت الحرس انها ممنوعه من الخروج وممنوع اى حد من عيلة صقر مهما كان مين يشوفها ولا يقرب من الفيلا ولو اى حد فكر يدخل يضربوا عليه نار طبعا معادا سليم .... وفى رجاله راصدين احمد صقر
دياب : راصدين احمد صقر ليه
كريم : لازم اعمل علشان اعرف هو ناوى على ايه ولو حضرتك امرت ممكن اخلص عليه دلوقتى
دياب : انت اتجننت يا كريم .... ده احمد صقر ابن عمى وابو سليم وانا مش ممكن اعمله اى حاجه مهما عمل لانى هبقى بأذى سليم ابنى وعم عمر اللى عمره ما عملى اى حاجه وحشه
كريم : بس يا فندم
دياب : انتهى الكلام فى الموضوع ده ..... اتصل برجالتك وابعدهم عن احمد
كريم : حاضر يا فندم ..... بس على فكره سليم ساب الفيلا بتاعة احمد
دياب : سابها وراح فين
كريم : اخد شنطة هدومه وراح الفيلا عند حضرتك
دياب : اتجنن ده ولا ايه ازاى يعمل كده من غير اذنى
كريم : مش عارف بس الحرس بلغونى ان سليم راح الفيلا ومعاه شنطة هدوم
دياب : انا لازم اخرج من المستشفى دلوقتى
ليندا : تخرج فين انت مش شايف حالتك عامله ازاى
دياب : لازم اخرج الحق المصيبه اللى سليم عملها ..... سليم باللى عمله ده هيقوم حرب كبيره بينى وبين احمد صقر
انا : الحرب خلاص قامت واولها الرصاصه اللى خرجت من سلاح احمد صقر
دياب : انا حربى مش مع احمد صقر ومش هينفع احاربه وباللى عمله سليم هيخلى احمد صقر يفتكر انى غسلت دماغ ابنه علشان اخده منه
انا : انت لو خرجت دلوقتى ممكن يحصلك حاجه
دياب : متخافش عليا يا سليم يلا بينا
• غير دياب هدومه واتحركنا ...... انا رجعت الفيلا ودياب وليندا وكريم رجعوا بيتهم ..... دياب اول ما وصل جريت عليه ريهام وسليم واتطمنوا عليه
دياب : بعد اذنك يا ريهام انتى وليندا سيبونى مع سليم لوحدنا
ريهام : انا عاوزه اتكلم معاك يا دياب
دياب : بعدين يا ريهام هتكلم معاكى بس اهم حاجه دلوقتى اتكلم مع سليم
ريهام : حاضر يا دياب
• قعد دياب مع سليم
دياب : ممكن اعرف ايه اللى انت عملته ده
سليم : .......
دياب : ساكت ليه انطق
سليم : عاوزنى اشوف احمد صقر بيقتلك واقعد ساكت
دياب : ده ما اسمهوش احمد صقر .... ده اسمه ابوك ..... ابوك اللى بيحبك وبيخاف عليك
سليم : وانت كمان ابويا ومكانش ينفع اسيبك
دياب : كان ممكن تيجى تطمن عليا فى المستشفى او البيت لكن تسيب بيت ابوك ليه
سليم : اللى حصل كان صعب
دياب : اللى حصل مايخصكش وملكش علاقه بيه
سليم : ازاى مليش علاقه بيه
دياب : زى ما قولتلك كده .... انا وابوك مفيش اى حرب ما بينا .... حربى مع جدتك مش مع ابوك
سليم : بس
دياب : مفيش كلام تانى .... اطلع غير هدومك وهات شنطة هدومك انت لازم ترجع بيتك
سليم : يا دياب افهمنى
دياب : انت هتكسر كلامى
سليم : لا مش هكسر كلامك بس سيبنى على الاقل اقعد معاك كام يوم
دياب : اقعد معايا براحتك بس بعد ما تستأذن ابوك ولازم هو يوافق
سليم : وانت فاكر بعد اللى حصل النهارده ابويا هيوافق انى اجيلك ولا اقعد معاك تانى
دياب : تعالى معايا ولازم نصلح اللى انت عملته
سليم : حاضر
• خرج دياب وسليم وراحوا فيلا احمد صقر ..... مجرد ما دخلوا استقبلهم عمر صقر على الباب
عمر : حمد *** على السلامه يا دياب انا لسه كنت جايلك
دياب : **** يسلمك يا عمى ..... انا جايلك علشان فى غلط حصل وكان لازم الرد
عمر : جاى ليه يا دياب
دياب : احمد فين
عمر : موجود فوق .... انت عاوز منه ايه
دياب : متخافش يا عمى تارى مش معاك ولا مع ابنك .... انا عارف ان اللى عمله احمد كان ساعة غضب علشان كده مش هتكلم فيه .... وانا غيركم بعرف افصل كويس ومش هنتقم غير من اللى غلط وبس
عمر : انا عاوز اعرف ايه اللى جد وخلاك بالغل ده .... طب امل وعارف هى عملت معاك ايه لكن سعد وعمامك عملوا ايه علشان اللى بتفكر فيه ده
دياب : عملوا كتير اوووى بس سامحنى مش هقدر اقول عملوا ايه دلوقتى بس لما هنتقم منهم واجيبهم راكعين ممكن وقتها تسألهم هما عملوا ايه
عمر : انت ناوى على يا دياب
دياب : ناوى اوريهم جهنم على الارض .... انتقامى منهم بدأ وابواب جهنم اتفتحت عليهم بس هما مش واخدين بالهم
عمر : انت عملت ايه بالظبط
دياب : عملت كتير ولسه هعمل اكتر ..... هخليهم يمشوا فى الشارع زى المجانين من اللى هعمله فيهم ..... واول واحد هبدأ بيه هو العاصى
عمر : عاصى مين اللى هتبدأ بيه ..... العاصى مات من زمان
دياب : هو اه مات بس مش معنى كده انى مش هعرف اعاقبه
عمر : انت هتعمل ايه يا دياب
دياب : بعدين هتعرف ..... انا جاى دلوقتى علشان حاجه تانيه
عمر : جاى ليه يا دياب
دياب : جاى ارجع ابنكم .... انا حربى مش معاك يا عمى ولا مع حد من اولادك ..... انتوا ملكمش اى ذنب فى اللى حصل زمان وانا راجع احاسب اللى غلط واللى هيوقف بينى وبينهم هيحاسب معاهم ودى نصيحه ياريت تسمعها منى ..... انا بحبك علشان ابويا كان بيحبك وبيعتبرك اخوه وياما انت وقفت معاه علشان كده بعدتك انت وعيالك عن انتقامى بس لو دخلت نفسك فى الانتقام ده انا هنسى كل حاجه وغضبى هيطول الكل ..... بنتك موجوده فى الفيلا معززه مكرمه اى وقت تقدر تشوفها وتكلمها لكن امل ممنوعه نهائى من انها حتى تلمح خيالها
عمر : بس دى مهما كانت امها
دياب : ده اخر كلام عندى ..... عن اذنك يا عمى انا لازم ارجع الفيلا علشان ارتاح من الرصاصه اللى اخدتها من ابنك .... سلام
• بعد ما دياب مشى
عمر : عاوز اسألك على حاجه يا سليم بما انك اكتر واحد فينا عارف دياب وعاوزك تجاوبنى بصراحه
سليم : اتفضل ياجدى اسأل بس اوعدنى ان الكلام اللى هقولهولك يفضل سر بينى وبينك وميخرجش لأى حد مهمها كان مين
عمر : اوعدك ان اى كلام هتقوله هيفضل سر بينى وبينك
سليم : اتفضل اسأل
عمر : هو دياب كده من زمان وكان مخبى ولا ايه بالظبط
سليم : بالعكس يا جدى دياب مكانش فى اطيب منه بس اللى شافه فى الدنيا كان كتير ..... هو كان احيانا كتير يدخل اوضته ويقفل على نفسه بس كان بيخرج تانى وكأن مفيش اى حاجه ..... لحد قبل موضوع موته بكام شهر كده وقتها كنا فى امريكا وكنت بسمعه دايما بيتكلم كلام غريب وبيتكلم بالالغاز ..... وفى مره من المرات كان قاعد مع شخص فى المكتب وبيتكلموا وانا بالصدفه سمعت شوية كلام
عمر : كلام ايه ده
سليم : كان بيتكلم على اجهزة مخابرات ومنظمات ارهابيه وحاجات زى كده
عمر : : يعنى دياب بيشتغل مع اجهزة مخابرات
سليم : لا هو كان بيتكلم على المنظمه اللى كان فيها ابويا واللى قدر دياب يدمرها وينقذ ابويا منها
عمر : اه كده فهمت .... وبعدين ايه فى تانى
سليم : مفيش حاجه تانى .... بعدها انا سيبت دياب ورجعت اعيش معاكم تانى بعد قصة موته اللى عملها
عمر : طب ايه اللى خلاه يقلب على العيله بالطريقه الغريبه دى وواضح انه بقاله فتره بيخطط لكده
سليم : ........
عمر : ساكت ليه يا سليم
سليم : مش ساكت ولا حاجه
عمر : ايه اللى انت عارفه ومخبيه
سليم : انا مش عارف حاجه تانى
عمر : قولى يا سليم انت عارف ايه علشان الحق اوقف الحرب اللى هتقوم
سليم : ايه اللى حصل بالظبط انا معرفهوش ..... لكن اللى اعرفه ان الاسبوع اللى فات وقع فى ايد دياب مذكرات والده وبسببها كسر كل حاجه ودخل المستشفى ..... المذكرات دى اكيد دياب شاف فيها حاجه حولته بالشكل ده
عمر : المذكرات دى وصلت لدياب ازاى
سليم : معرفش بالظبط وصلته ازاى ..... كل اللى دياب قاله ليا يوم المستشفى ان وقع فى ايده مذكرات عمى عبدالرحمن
عمر : انا كده عرفت ايه اللى غير دياب بالشكل ده
سليم : انا جاوبتك يا جدى على كل حاجه اعرفها علشان تحاول تمنع الحرب لكن لو فكرت تستغل الكلام ده علشان توقف ضد دياب ساعتها انا اللى هخلص على الكل ومش هرحم حد ..... دياب عندى اغلى منكم كلكم واللى يفكر يقربله ساعتها هقتله بأيدى حتى لو كان ابويا نفسه
عمر : متخافش يا سليم على دياب انا عاوز احميه واحمى العيله
سليم : بالعكس انا مش خايف على دياب
عمر : امال ايه
سليم : انا خايف عليكم انتوا ..... محدش فيكم يقدر يوقف قصاد دياب ..... انا اكتر واحد فيكم عارف دياب وعارف هو بقدر يعمل ايه ..... صدقنى يا جدى فى اللى هقوله اللى هيفكر فيكم يدخل حرب مع دياب يبقى خسران وياريت يجهز كفنه من دلوقتى ..... ياريت تسمع نصيحتى
• فجأه دخلت عليهم امل صقر
امل : واضح ان دياب غسل مخك وسيطر عليه
سليم : ههههههههه انتى اكتر واحده صعبانه عليا يا جدتى
امل : صعبانه عليك ليه يا فالح
سليم : عيشتى سنين كتير فاكره نفسك قويه ومسيطره ومحدش يقدر عليكى لحد ما جالك الاسد اللى رعبك وخطف النوم من عنيكى وخلاكى عايشه فى رعب
امل : وانت جاى شمتان فيا يابن دياب ..... لا انسى لسه ماتخلقش اللى يرعب امل صقر او يهز شعره من راسها
سليم : اول مره تقوليلى يابن دياب ..... انتى فاكره ان دى حاجه وحشه بالنسبالى .... دياب فعلا ابويا زيه زى ابويا الحقيقى .... بحب الاتنين وبخاف عليهم اكتر من نفسى ..... ماتفتكريش انى هبقى فرحان لما اشوف الاتنين واقفين لبعض ..... لو ابويا انتصر على دياب هبقى انا الخسران ..... ولو دياب انتصر على ابويا هبقى برضه انا الخسران ..... يعنى انا الخسران فى كل الاحوال فاهمانى يا جدتى ولا قلبك المليان بالغل والكره عمى عنيكى عن الحقيقه
امل : حلوين الكلمتين اللى دياب حفظهملك دول ..... بس الكلمتين دول تضحك بيهم على حد غيرى
سليم : مش قولتلك قلبك الاسود عمى عنيكى عن الحقيقه ..... خليكى زى ما انتى حافظى على غرورك لحد ما تخسرى كل حاجه ..... عن اذنكم
• سابهم سليم وطلع اوضته
• من ناحيه تانيه عند دياب فى الفيلا قاعد مع ريهام
ريهام : عملت ايه يا دياب
دياب : رجعت سليم لبيته
ريهام : وانا
دياب : وانتى مالك ..... انتى قاعده فى بيتك
ريهام : يعنى انت خلاص قررت تحرمنى من امى
دياب : انا هخيرك والقرار قرارك ..... يا اما تختارينى انا يا تختارى امك
ريهام : الاختيارين اصعب من بعض
دياب : مش طالب منك رد دلوقتى فكرى براحتك واختارى بس خليكى عارفه عاقبة قرارك ده كويس
ريهام : انا اختارت خلاص
دياب : فكرى كويس بقولك
ريهام : وانا بقولك فكرت خلاص
دياب : وايه قرارك
ريهام : انا اختارت امى ..... امى اللى ربتنى طول عمرى ومقدرش ابدلها بأى حد مهما كان ..... هى اه فيها صفات وحشه كتير بس مقدرش اغيرها
دياب : براحتك يا ريهام انا مش هقدر اغصبك على حاجه ..... انتى هتفضلى هنا فى الفيلا معززه مكرمه لحد ما تولدى بعدها هطلقك وكل حقوقك هتوصلك لحد عندك
ريهام : وايه اللى يخلينى افضل هنا لحد الولاده ..... طلقنى من دلوقتى وانا مش عاوزه منك اى حقوق ومتنازله عن كل حاجه
دياب : انسى ان ابنى او بنتى يتربوا بعيد عنى
ريهام : انت كمان عاوز تحرمنى من ابنى او بنتى
دياب : لا طبعا مش هحرمك منهم بس تقدرى تيجى تزوريهم فى اى وقت تحبيه لكن تنسى خالص ان ابنى يتربى وسط عيله بتكره ابوه وخصوصا عيلتك مش هيتوصوا وهيشوهونى قصاد ابنى ..... لكن انا عمرى ما اعمل كده ..... ابنك هيكون فى الحفظ والصون تقدرى تزوريه فى اى وقت لكن عمرك ما هتاخديه
ريهام : انت جايب القسوه دى من فين
دياب : بعد كل ده وتقولى عليا قاسى ماشى يا ستى انا قاسى بس برضه ابنى هيعيش معايا
ريهام : ماتنساش انى دكتوره واعرف اسقط نفسى كويس والمحاوله مش هتفشل زى ما فشلت مع امى
دياب : براحتك بس ساعتها هتشوفى القسوه اللى بجد
ريهام : هتعمل ايه يعنى هتقتلنى ..... ياريت علشان ابقى ارتاحت
دياب : لا يا حبيبتى مش هقتلك انتى
ريهام "بخوف" : امال هتقتل مين
دياب : هقتل عيلتك كلها ..... ابوكى وامك واخواتك واى حد عزيز عليكى ..... لو فكرتى تحرمينى من ابنى هحرمك من كل حد انتى بتحبيه
ريهام : انت مجنون
دياب : وهو فين العقل فى اللى احنا عايشين فيه ..... احنا فى زمن الجنون
ريهام : انت خلاص بقيت سايق فيها ومحدش هامك
دياب : اللى شوفته منكم اكبر من قدرات اى حد
ريهام : اخويا وامى هيقتولوك
دياب : هههههههههه
ريهام : بتضحك ومش هامك
دياب : غبى اللى يهدد ميت بالقتل .... انا كده ولا كده ميت ومش باقى فى عمرى كتير علشان اخاف عليه ..... فى ناس كتير بتنام وتحلم بخبر موتى مفيهاش حاجه لما يزيدوا واحد ولا اتنين
ريهام : للدرجه دى بايع حياتك
دياب : حياتى بايعها من سنين وقبضت تمنها من زمان مش باقى غير رصاصة رحمه تريحنى ..... تصبحى على خير يا ريهام
ريهام : انت رايح فين وسايبنى
دياب : عاوز انام وارتاح
ريهام : يعنى هتسيبنى متعلقه كده
دياب : انا سايبك فى بيتك معززه مكرمه ولو احتجتى اى حاجه فى الف واحد يخدمك ويجيبلك اللى انتى محتاجاه لحد ما تولدى وتقومى بالسلامه وبعدها كل واحد هيروح لحاله
• قام دياب وساب ريهام وطلع اوضته علشان ينام ..... يادوب رمى جسمه على السرير ولسه هينام ظهرت قصاده جليله
دياب : جليله ؟!
جليله : ايوا جليله يا دياب
دياب : عاوزه ايه يا جليله
جليله : جايه احذرك من اللى بتفكر فيه
دياب : تحذيرك ملهوش لازمه
جليله : انا زمان قولتلك حاجه مهمه والظاهر انك نسيتها
دياب : حاجة ايه
جليله : قولتلك ان **** كان ساترها معاك علشان كنت مظلوم لكن لو عملت اللى بتفكر فيه هتبقى ظالم وساعتها استحمل العقاب
دياب : وانا مكتوب عليا افضل طول عمرى مظلوم
جليله : اللى فات ما يخصكش واللى ظلمك *** هياخدلك حقك منه .... اقفل ابواب الماضى احسنلك وخليك ماشى فى طريق الخير
دياب : واسيب حق ابويا وامى
جليله : قولتلك ده مش اختصاصك ..... فى رب بيحاسب لكن انت من ****
دياب : **** مش هيرضى بالظلم اللى اتعرضتله
جليله : لو مصمم على اللى فى دماغك يبقى دى اخر مره هتشوفنى فيها بس قبل ما امشى هقولك حاجه مهمه وياريت تسمعها المره دى .... **** عوضك بخير كتير جدا علشان انت صبرت على الظلم لكن لو فكرت تعصى ارادة *** ساعتها كل النعم اللى فى ايدك هتروح منك ويبقى تستاهل العقاب ..... سلام يا دياب
• فجأه جليله اختفت وسابت دياب فى حيرته
• من ناحيه تانيه استر قاعده فى مكتبها متعصبه ودخل عليها البيرت
استر : عاوز ايه يا البيرت مش قولتلك عاوزه اقعد لوحدى
البيرت : الاخبار اللى عندى ماتستناش
استر : اخبار ايه دى
البيرت : الحرب قامت خلاص
استر : حرب ايه اللى قامت
البيرت : الحرب بين دياب واحمد صقر
استر : احكيلى كل اللى حصل بالظبط
البيرت : امل صقر حاولت تسقط ليندا امبارح ..... وحكى البيرت كل اللى حصل فى الفيلا عند احمد صقر
استر : ........
البيرت : مالك ساكته ليه
استر : مش عارفه ..... حاسه انها تمثيليه تانى زى اللى عملوها قبل كده
البيرت : لا مش تمثيله وانا اتاكدت بنفسى ..... وفى رجاله من حرس دياب راصدين احمد صقر دلوقتى ..... وبعدين انا وانتى عارفين كويس ان دياب راجع ينتقم من العيله ومن امل صفر بالذات بس هو كان مستبعد احمد صقر من حربه لكن دلوقتى بعد ما احمد صقر وقف فى صف امه الوضع اتغير خصوصا بعد احساسه الدايم بسيطرة دياب على ابنه سليم
استر : انا عاوزه اشوف احمد صقر النهارده
البيرت : اشمعنا النهارده
استر : علشان الاجتماع مع دياب وسليم الجراح بكره
البيرت : هو دياب كلمك
استر : ايوه كلمنى وحدد المعاد بكره فى شركة الجراح
البيرت : انا هتصرف واجيبلك احمد صقر النهارده
استر : روح شوف هتعمل ايه بس ضرورى اقابل احمد صقر النهارده وخلى بالك من رجالة دياب اللى راصدين احمد صقر
البيرت : انا هتصرف
• من ناحيه تانيه فى فيلا احمد صقر ..... احمد قاعد ودخل عليه عمر صقر
عمر : قاعد لوحدك بتخطط لأيه
احمد : عاوز منى ايه يا ابويا
عمر : عاوز احميك من نفسك ومن اللى بتفكر فيه
احمد : وانت تعرف من فين اللى بفكر فيه
عمر : ابعد عن دياب يا احمد
احمد : دياب خلاص حفر قبره بأيده واخرته قربت
عمر : هتفضل طول عمرك غشيم ..... دياب لأخر لحظه عاوز يبعدك عن المشاكل والحروب بس انت اللى مش شايف قصادك
احمد : دياب هددنى وهدد امى بشكل واضح وصريح
عمر : الدنيا يا احمد علمتنى حاجه مهمه جدا وهى ان بيقول ما بيعملش واللى بيعمل ما بيقولش ..... دياب لو كان ناوى على اذى مكانش رجع ابنك وزعقله على اللى عمله .... مكانش سمحلنا نزور اختك تانى ..... دياب جواه حيره كبيره ونار هو بيحاول يطفيها ومش عارف لحد ما جات امك وبغبائها شعللتها من تانى ..... دياب كان ابتدى يسامح لكن تصرفاتكم معاه هى اللى بتزود النار
احمد : دياب من زمان بيفكر فى الانتقام وبيرتبله
عمر : لو كان بيفكر فى الانتقام مكانش اتجوز اختك وخلاها تحمل .... وفى حاجه مهمه جدا انت مش واخد بالك منها ..... دياب مش بيحب الدم ولا بيفكر فى قتل امك ..... دياب كبيره هيحرم امك من اختك ومش هيعمل اى حاجه تانى لأمك .... اما بالنسبه لعيال العاصى وخالك انا مش عارف عما عملوا ايه علشان ينتقم منهم
احمد : يبعد عن امى وبعدها يعمل اللى هو عاوزه ده شئ مايخصنيش
عمر : انا هتصرف فى الموضوع ده
• فجأه تليفون احمد رن ورد عليه
احمد : ايوا مين معايا ..... ايوا انا احمد صقر .... تقابلنى ليه ..... النهارده .... فين ...... هكون عندك فى المعاد
• قفل احمد الخط
عمر : خير مين بيكلمك
احمد : لا دى مكالمة شغل بخصوص مناقصه جديده داخلينها
عمر : انت هتخرج يعنى
احمد : ايوا خارج معايا معاد بخصوص المناقصه
• خرج احمد صقر من الفيلا وكان عربيات مستنيه بره الكمبوند .... نزل احمد صقر من عربيته وركب معاهم واتحركوا بيه لحد ما وصلوا الفيلا عند استر
استر : ازيك يا احمد
احمد : انتى مين وعاوزه ايه ..... وايه علاقتك باللى بينى وبين دياب
استر : فى مثل بيقول عدو عدوى يبقى صديقى
احمد : وفى مثل تانى بيقول انا وابن عمى على الغريب ودياب ده برغم المشاكل والخلافات اللى ما بينا يبقى ابن عمى وجوز اختى
استر : عندك حق فى دى ..... دياب يبقى ابن عمك اللى عاوز ينتقم من امك ..... ابن عمك اللى هيحرمكم من اختك .... ابن عمك اللى قدر يقصص ريشك بعد ما دمرلك المنظمه اللى كنت الملك بتاعها
احمد : المنظمه دى كانت بتتأمر عليا وعاوزين يخلصوا منى
استر : ومين اللى قالك الكلام ده مش دياب ..... دياب اللى خلص من خالك وسيطر على ابنك واخد اختك وعاوز ينتقم من امك وبضربك فى شغلك .... عيبك يا احمد انك مش شايف الصوره كويس
احمد : ........
استر : ساكت يعنى ..... ياترى ساكت علشان عارف ان كلامى صح ولا ايه بالظبط
احمد : انتى عاوزه ايه منى
استر : نحط ايدينا فى ايدين بعض ونوقف قصاد دياب .... ندمره وندمر شغله ساعتها هيبقى ضعيف ومش هيقدر يوقف قصادنا
احمد : انتى عاوزانى ادمر ابن عمى
استر : خلاص يا شاطر روح لأبن عمك علشان يدمرك
احمد : حتى لو وافقتك على اللى انتى بتقوليه ده ..... هنعمل كده ازاى
استر : هو ده الكلام الصح ..... احنا هنقعد مع بعض ونرتب كويس ودى هتبقى فرصه اخيره ليك بعد اللى عملته قبل كده ووقفت مع دياب ضددنا
احمد : قبل اى حاجه انا عاوز اعرف خالى فين
استر : خالك من بعد ما هربناه من السجن وخرجناه من مصر وصلتنا اتقطعت بيه
احمد : سافر فين
استر : سافر ايطاليا ومن بعدها احنا منعرفش حاجه عنه
احمد : تمام ..... اهم حاجه يبقى بعيد عن ايد دياب
استر : دياب خلاص نهايته قربت
احمد : موت لا
استر : موت دياب مش هدفنا ..... احنا هدفنا نخرجه بره السوق ونعرف مين اللى وراه ومقويه بالشكل ده
احمد : انا فى الاول كنت فاكر انه يادوب معاه قرشين وخلاص وشوية علاقات بسيطه بحكم شغله وعيشته فى امريكا لكن كل يوم بكتشف حاجات كتير ..... اهم حاجه انا لاحظتها علاقته بالحارس الشخصى بتاعه اللى اسمه كريم ..... العلاقه اللى بينهم تحسيها اكبر بكتير من مجرد حارس شخصى وواحد بيحرسه
استر : عندك حق فى دى انا برضه مستغربه العلاقه دى ..... وكريم ده عليه علامات استفهام كتيره
احمد : اهم حاجه دلوقتى نعرف ايه طبيعة العلاقه ما بينهم وساعتها هنعرف كل الحاجات اللى شاغله بالنا
استر : دى بداية الخيط اللى لازم نمشى وراه ..... وفى حاجه كمان محتاجين نعرفها
احمد : حاجة ايه دى
استر : من فتره دياب اختفى هو وليندا والمعلومات اللى قدرنا نوصلها انه كان فى ايطاليا ..... لازم نعرف هو كان بيعمل ايه فى ايطاليا
احمد : بس دياب مكانش فى ايطاليا اصلا ..... دياب قضى اخر يومين بس فى ايطاليا
استر : انت متاكد من الكلام ده
احمد : زى ما انا متاكد انك قاعده قصادى
استر : امال كان فين
احمد : دياب وليندا كانوا فى اسبانيا وانا شوفت صوره ليهم فى نفس وقت اختفائهم فى اسبانيا
استر : انت فاهم معنى كلامك ده ايه ..... كلامك ده معناه ان احنا ماشيين فى الطريق الغلط
احمد : انا متاكد من كلامى وعندى الدليل عليه
استر : طب كان بيعمل ايه فى اسبانيا
احمد : لما رجع قال انه كان بيفتح شغل جديد هناك ومضى عقود واتفاقيات هناك بس انا حاسس انه كان بيعمل حاجه تانيه خالص وموضوع الشغل ده ستاره لحاجه تانيه اكبر
استر : واضح اننا هنعيد الشغل اللى اتعمل فى ايطاليا من تانى
احمد : ده اكيد
استر : انا هتصرف فى الموضوع ده بس اهم حاجه دلوقتى انت تهدى اللعب مع دياب اليومين دول لحد ما نعرف هنتصرف ازاى
احمد : حاضر
• نرجع عندى تانى يوم الصبح بدرى صحيت واتحركت على الشركه وبعد شويه دياب وصل ..... اول ما دياب وصل شاف السكرتيره بتاعتى قاعده
دياب : مستر سليم وصل
السكرتيره : ايوا وصل يا فندم ومنتظر حضرتك
دياب : انا هدخل عنده دلوقتى وبعد اذنك انتى هتنزلى فى الدور اللى تحت لاننا هنفضى الدور ده كله دلوقتى وهيبقى تحت مسئولية الامن
السكرتيره : ازاى يا فندم الكلام ده ..... اكيد مستر سليم هيحتاجنى لان انا اللى بنظم مواعيده
دياب : انا عارف كويس بقولك ايه وعاوزك كمان تلغى كل مواعيد مستر سليم النهارده
السكرتيره : هو فعلا طلب منى الغى كل المواعيد اللى قبل الساعه 12 الضهر لكن باقى المواعيد مجابش سيرتها
دياب : وانا بقولك الغى باقى المواعيد لان احنا معانا شغل مهم النهارده
السكرتيره : انا اسفه يافندم بس لازم استأذن من مستر سليم الاول
دياب : زى ما تحبى اتفضلى ادخلى معايا واسأليه بنفسك
السكرتيره : طبعا هدخل
• دخل عليا دياب وكريم والسكرتيره
دياب : صباح الخير يا سليم
انا : صباح النور يا دياب .... ايه الهجوم المفاجئ ده
السكرتيره : مستر دياب طالب منى الغى باقى المواعيد اللى مع حضرتك النهارده
انا : ليه يا دياب كده ..... انا لغيت المواعيد اللى قبل الساعه 12 بس
دياب : احنا مش ضامنين هنخلص الشغل بتاعنا امتى ولا الضيوف اللى عندنا هيمشوا امتى
انا : خلاص يا منى اسمعى كلام مستر دياب والغى باقى المواعيد
السكرتيره : حاضر يا فندم ..... بس فى حاجه تانى انا مش فاهمهاها
انا : حاجة ايه دى اللى مش فاهماها
السكرتيره : مستر دياب طالب منى انزل الدور اللى تحت علشان عاوز يفضى الدور ده
انا : معلش انا نسبت ابلغك بالموضوع ده ..... فى ضيوف مهمين هيوصلوا ولازم نأمن الدور كويس .... والدور ده اصلا مفيش فيه اى حد غير مكتبى ومكتب مستر دياب ومكتب المتر شريف ..... والمتر شريف مسافر يعنى مش هنأثر على حد
السكرتيره : زى ما تحب حضرتك ..... انا هنزل تحت وافضى مكتبى
• بعد ما السكرتيره خرجت
دياب : اتحرك يا كريم زى ما فهمتك ..... مش عاوز اى يدخل علينا واول ما استر توصل انت عارف هتعمل ايه
كريم : متخافش يا فندم انا عارف هتصرف ازاى
دياب : طب يلا اتحرك
• بعد ما كريم خرج
دياب : ايه اخر الاخبار
انا : متقلقش انا مظبط كل الورق والعقود اللى هنمضيها مع استر النهارده
دياب : وعملت ايه مع الحكومه بخصوص المناقصه
انا : امبارح استلمنا الارض ومصطفى هناك دلوقتى ومعاه العمال علشان يبدأ الشغل
دياب : وعملت ايه مع البنك
انا : انا عملت اتصالاتى بالبنوك وظبطت معاهم كل حاجه وهيوفرولنا كل السيوله اللى احنا محتاجينها .... وعملت اتصالاتى مع مصانع الحديد والاسمنت والطوب والمحاجر وظبطت معاهم كل حاجه
دياب : كده كويس ...... مش عاوزين اى تأخير فى الشغل الحكايه مش ناقصه
انا : قولتلك متخافش من حاجه
دياب : انا مش خايف طول ما انت موجود ..... عمك كان عنده لما قال انك راجل وقد المسئوليه
انا : سيبك من الكلام ده وقولى مالك
دياب : مفيش حاجه بس مضغوط شويه
انا : فى حاجه حصلت مع ريهام
دياب : ريهام عملت اللى انت كنت متوقعه واختارت امها
انا : ده شئ طبيعى ومقدرش الومها على اختيارها
دياب : المصيبه ان انا كمان مش قادر الومها على اختيارها
انا : وهتعمل ايه دلوقتى
دياب : بعد ما تولد هاخد ابنى واطلقها وارجعها لأهلها معززه مكرمه زى ما اخدتها منهم
انا : هتاخد ابنها
دياب : امال عاوزنى اسيب ابنى لأمل صقر تربيه انت اتجننت يا سليم
انا : بس ازاى تحرم ريهام من ابنها
دياب : انا مش هحرمها من ابنها ولا حاجه ..... ابنها موجود واى وقت تحب تشوفه البيت مفتوح حتى لو حبت تشوفه كل يوم لكن ابنى مش هيسيب بيتى ويروح يعيش مع جدته اللى بتكرهنى ..... مش هغلط غلطة ابويا يوم ما سابنى عند خالى اللى كان عاوز يضبع مستقبلى
انا : خلاص يا دياب ماتزعلش نفسك ..... وبعدين انت معاك ليندا اللى بتحبك اكتر من روحها وانت كمان بتحبها وريهام مسيرها تعقل وترجع
دياب : اللى بيروح مش بيرجع يا سليم
انا : يعنى ايه مش فاهم
دياب : يعنى ريهام بالنسبالى ماتت فى نفس اللحظه اللى اختارت فيه امها وسابتنى والميت مش بيرجع تانى
انا : بس انت عارف من الاول انها هتختار امها
دياب : كنت بتمنى انها تختارنى ..... عارف وقتها كنت هعمل ايه
انا : كنت هتعمل ايه
دياب : مكنتش هحرمها منها ويمكن كنت اسامح امل علشان خاطر ريهام .... بس للأسف امل قدرت تنتصر عليا تانى وتاخد منى مراتى زى ما اخدت امى زمان
انا : يعنى انت كان ممكن تسامح امل صقر
دياب : اه كان ممكن اسامحها
انا : مش مصدقك
دياب : على فكره امل صقر ضحيه برضه ..... امل مكانتش تعرف ان امى مريضه يوم ما هددتها .... امل كانت مجبره بسبب اوامر العاصى ومجبره بسبب قلبها اللى اتكسر ...... امل بتنتقم انتقام اعمى مش عارفه هيوديها على فين
انا : طب انت ناوى على ايه مع امل صقر
دياب : هتصدقنى لو قولتلك مش عارف
انا : مصدقك وعارف الحيره اللى انت فيها وعلاجك عندى
دياب : دبرنى يا وزير
انا : انا هحكيلك حكايه وانت افهمها بدماغك
دياب : احكى يا فيلسوف زمانك
انا : زمان فى علماء كانوا بيعملوا تجربه على ضفدع ..... جابوا الضفدع ده وحطوه فى وعاء مليان مياه وحطوه على النار .... كل ما كانت المياه بتسخن الضفدع كان بيعدل درجة حرارة جسمه علشان يقدر يستحمل سخونة المياه .... لحد ما وصلت درجة المياه للغليان وقتها الضفدع مات ..... العلماء كانوا بيدرسوا سلوك الضفدع مع ارتفاع درجة الحراره .... الوعاء اللى فيه الضفدع كان مفتوح، ومع ذلك محاولش يقفز للخروج من الوعاء حتى في حال غليان الماء لحد ما مات .... كانت تجربة علمية وتوصل العلماء إلى أن الضفدع استخدم كل طاقته في معادلة درجة حرارته وتأقلمه مع المناخ اللى حواليه على الرغم من صعوبته، لحد ما وصل لدرجة أنه لم يتبقى عنده طاقة للتأقلم ، ولا حتى لإنقاذ نفسه .... واستنتجوا أن اللى قتل الضفدع مش الماء المغلي، ولكن إصرار الضفدع على أقلمة نفسه إلى حد أفقده الطاقة اللازمة لإنقاذ حياته ..... انت بقى عملت زى الضفدع بالظبط .... اتحطيت فى ظروف صعبه وبتحاول تأقلم نفسك عليها وتتعامل معاها مع ان قصادك الطريق اللى تقدر تهرب منه وتريح قلبك وعقلك بس انت رافض الحل ده
دياب : انت عاوزنى انسى كل اللى عملوه فيا وفى امى وابويا
انا : انا مقولتش انك تنسى ..... بس تفتكر انتقامك ده هيرجع ابوك وامك .... بالعكس ابوك وامك خلاص ماتوا وانت قولتها بنفسك ان اللى بيموت مش بيرجع تانى
دياب : على الاقل الانتقام هيريحنى
انا : وانت لما تخسر مراتك اللى بتحبها يبقى هترتاح ..... انت هتقنع نفسك انك مرتاح لكن من جواك هتحس بالعذاب
دياب : انت عاوزنى اعمل ايه يعنى
انا : لحد دلوقتى انت المظلوم لكن لو كملت فى طريقك ممكن تتحول لظالم وتظلم ناس ملهاش اى ذنب ..... سيب *** يدبرها وياخدلك حقك ساعتها مش هتحس بأى تأنيب لضميرك ..... ولو ركزت كويس هتلاقى ان *** بياخدلك حقك منهم كل يوم .... فى البدايه جدك اللى مات بعد عذاب المرض وتأنيب الضمير .... سعد اللى عايش هربان وقريب هيتقبض عليه ويتعدم ..... اعمامك اللى ماسكين فى بعض ومشاكلهم كترت بسبب الورث والاراضى والفلوس مش باقى غير انهم ياكلوا بعض ..... يعنى يا صاحبى **** بياخدلك حقك منهم من غير ما تتورط فى حاجه ..... ميزان *** عادل وعمره ما يظلم
دياب : انت بتقول كده علشان محصلش معاك اللى حصلى
انا : ازاى بقى واللى حصل لعيلتى زمان تسميه ايه ...... عيلتى اللى سرقت فلوس جدى وشردت ابويا وعمى ..... ابويا اللى عاش فى الفقر بعد ما كان عايش فى العز ..... وعمى اللى اتغرب سنين كتير ..... شوف دلوقتى ايه اللى حصل
دياب : ايه اللى حصل يا فالح
انا : ابويا مات نضيف من غير ما ايده تتوسخ بالظلم ..... عمى **** كرمه وعمل كل الثروه اللى انت شايفها دى ..... وانا من بعد ما كنت واحد ملهوش لازمه واخرى اشتغل محاسب فى شركه زى دى بقيت رئيس مجلس ادارتها ومعايا ملايين ملهاش اخر وشركات كل يوم بتكبر ..... ومن ناحيه تانيه شوف ايه اللى حصل لعيلتى اللى سرقونا ..... خسروا تقريبا معظم الأراضى والفلوس اللى سرقوها لما حطوا ايدهم فى ايد عيلة صقر ده غير الاراضى اللى راحت منهم بوضع اليد ..... يعنى يا صاحبى كل حاجه رجعت فى مكانها الطبيعى تانى
دياب : معنى كلامك ان الواحد يتظلم ويسكت ..... ده الموت يبقى ارحم بكتير
انا : يبقى فهمت كلامى غلط
دياب : ازاى يعنى
انا : فى فرق ما بين انك تسكت على الظلم وانت ضعيف ومش قادر ترجع حقك وبين انك قادر ترجع حقك لكن سايب **** يرجعلك حقك علشان لو انت رجعته بأيدك هتظلم ناس ملهاش اى ذنب فى اللى حصل ..... فى حالتك انت قادر ترجع حقك بس هتظلم ناس كتير .... هتظلم ريهام واخواتها وهتظلم اولاد عمامك وهتظلم اولاد سعد وهتحول البلد كلها لخراب وقبل كل ده هتظلم نفسك لانك هتعيش طول عمرك تحاسب نفسك على الظلم اللى انت اتسببت فيه حتى لو كان من غير قصد وياريت بعد كل ده هتعرف ترجع ابوك وامك وتعوضهم ..... ابوك وامك مش مستنيين منك غير حاجه واحده بس وهى انك تعيش حياتك وتبقى مبسوط
دياب : .........
انا : ساكت ليه ..... كلامى مش عاجبك
دياب : بالعكس كلامك منطقى جدا
انا : وبعدين فى حاجه اهم بكتير من المشاكل التافهه دى اللى ممكن تضيع عمرك بسببها
دياب : حاجة ايه
انا : شغلنا يا دياب ..... الناس اللى متعلقه فى رقبتنا ..... القضيه اللى عاهدنا **** ان احنا ننصرها طول ما احنا عايشين
دياب : ايه اللى دخل شغلنا فى المشاكل الشخصيه
انا : مشاكلك الشخصيه ممكن تبقى نقطة ضعف ليك تقدر استر تستغلها ضدك ..... مشاكلك الشخصيه ممكن تدمر كل اللى احنا بنعمله ..... لو شغلنا نفسنا بانتقام ونزاعات ملهاش اى لازمه ممكن نخسر كل حاجه ولما نموت و**** يسألك عملت اى فى القضيه اللى انت شايلها هترد وتقوله ايه ..... هتقول كنت مشغول بمشاكل شخصيه ..... اصحى يا دياب وفوق لروحك قبل ما السكينه تسرقك وتخسر كل اللى اتعمل طول السنين اللى فاتت بسبب انتقام اعمى
دياب : انت صاحب بجد يا سليم مش عارف من غيرك كنت هعمل ايه ..... انت فعلا لفت نظرى لحاجات كتير كانت غايبه عنى ولازم اصلح كل الغلط ده
انا : ايوا كده يا دياب ..... وبعدين اهم واحد يستحق الانتقام هو سعد صقر واحنا كده ولا كده مش هنسيبه ومجرد ما نخلص اللى بنعمله وقتها اعمل فيه كل اللى انت عاوزه
دياب : عندك حق ..... احنا نخلص اللى بنعمله وبعدها هعرف انتقم منه بمزاج
انا : كويس انك اقتنعت
دياب : انا هسمع كلامك ده واعمل صلح معاهم بس بشرط انت تحضر الصلح ده وتشهد على كل حاجه بنفسك لانى انا متاكد ان الغدر طبع فيهم ولو ده حصل انا مش هقولك انا هعمل فيهم ايه لان مفيش كلام هيقدر يوصف اللى هعمله فيهم
انا : وقتها انا مش هوقف فى طريق وساعتها يبقى معاك حق فى كل اللى هتعمله
• فجأه سمعنا صوت دوشه وزعيق بره
انا : ايه فى بره
دياب : مش عارف فى ايه تعالى نشوف بيحصل ايه
• خرجت مع دياب ولقيت هبه مديرة مكتبى وصاحبة لمياء بنت عمى بتتخانق مع كريم
انا : ايه فى يا هبه .... ايه فى يا كريم
هبه : كنت داخله لحضرتك والاستاذ بيقولى ممنوع علشان حضرتك بتشتغل
كريم : يا فندم انا كل اللى قولته تستنى شويه بسيطه لحد ما تخلص اجتماعك انت ومستر دياب بس هى اللى ما ادتنيش فرصه ودخلت فيا زى القطر
هبه : انا اللى زى القطر ولا انت اللى واقف زى الباب ومانعنى من الدخول ..... يا استاذ لازم تفهم حاجه مهمه انا هنا بشتغل مديرة مكتب مستر سليم وعاوزاه فى شغل مهم يعنى مش جايه العب
انا : اهدوا يا اخوانا مفيش مشاكل ولا حاجه ..... كريم مايقصدش يا هبه انتى بس فهمتى غلط ..... احنا فعلا مانعين اى حد يدخل علينا علشان بنخلص شغل مهم
هبه : واللى انا بعمله ده برضه شغل مهم مش بلعب انا
كريم : شوفت يا فندم دى عامله زى القطر ومش راضيه تتفاهم
دياب : يخرب عقلك يا كريم بقى حد يشبه القمر دى بالقطر ..... هى ممكن تكون عصبيه شوبه مش اكتر ..... اعتذرلها يا كريم على الجليطه بتاعتك
كريم : حاضر يا فندم ..... انا اسف يا استاذه
انا : خلاص يا هبه الراجل اعتذر
هبه : علشان خاطر حضرتك يافندم انا قبلت الاعتذار
انا : كده تمام ..... خير يا هبه كنتى عاوزانى فى شغل ايه بالظبط
هبه : المهندس مصطفى بعتلى الورق ده وطلب منى اخليك تمضيه فورا لانه لازم يتسلم للوزاره النهارده واى تأخير هتحصل مشاكل
انا : ورق ايه ده
هبه : ورق خاص بالمناقصه الجديده اللى الشركه داخلاها
انا : طب سيبى الورق انا هبص عليه وامضيه وابعتهولك
هبه : حاضر يا فندم .... عن اذنك
انا : اتفضلى
• اخدت الورق من هبه ودخلت المكتب مع دياب وكريم
دياب : بالراحه يا كريم البنت مش قدك
كريم : ايه ياعم البنت دى ..... دى عامله زى القطر
انا : ياعم هى مستعجله علشان الورق ده مهم
كريم : حتى لو كان مهم ..... فى طريقه للكلام انا مش بشتغل عندها
دياب : خلاص ياعم انت البنت ماتقصدش
كريم : ماشى يا دياب .... سيبكم من البت دى وخلينا فى المهم
انا : خير فى ايه
كريم : رجالتنا بلغونى ان استر اتحركت من المزرعه بتاعتها وفى طريقها علينا يعنى مش باقى غير نص ساعه وتوصل
انا : طب ايه اخبار الدنيا هنا
كريم : متخافوش كل حاجه تمام
انا : طب تمام .... معلش يا كريم هتعبك ..... ابعت الملف لهبه
كريم : حاضر يا فندم هبعته
• اخد كريم الملف وخرج وراح لهبه ..... خبط على باب مكتبها ودخل
هبه : عاوز ايه تانى
كريم : ايه يا ست انتى بالراحه علينا
هبه : اللهم طولك يا روح
كريم : خلاص يا ستى ماتتعصبيش عليا انا مش قدك
هبه : عاوز ايه
كريم : اول حاجه جاى اعتذرلك على المعامله الرخمه اللى عاملتك بيها
هبه : وانا كمان اسفه على العصبيه بتاعتى بس انا مضغوطه شويه
كريم : يعنى صافى يا لبن
هبه : حليب يا قشطه ..... خير كنت عاوز ايه تانى
كريم : جايبلك الملف ده علشان الشغل ..... انا كان ممكن ابعته مع اى حد بس قولت لازم اجى بنفسى علشان اعتذرلك
هبه : شكرا يا سيدى
• فجأه تليفون كريم رن ورد عليه بعدها بص لهبه
كريم : استأذن انا بقى
هبه : رايح فين
كريم : رايح اشوف شغلى واسيبك تشوفى شغلك
هبه : اتفضل
• وصلت استر الشركه وكريم وصلها لمكتبى واستقبلناها انا ودياب
استر : عارف يا سليم انا كنت مستنيه القعده دى قد ايه
انا : طبعا عارف خصوصا ان عمى كان رافض نهائى يشتغل معاكى
استر : مفيش حاجه بتدوم على حالها والعبره بالنهايه
انا : عندك حق العبره بالنهايه ...... انا عارف كويس انك بتحلمى تقعدى على الكرسى بتاعى وبتخططى لكده من بدرى بس دى حاجه مستحيله
استر : الحياه علمتنى ان مفيش حاجه مستحيله
انا : انتى قولتى من شويه العبره بالنهايه
استر : ماشى يا سليم
دياب : خلينا فى المهم دلوقتى علشان نخلص
استر : ماشى يا دياب ..... احنا اتفقنا على انى هشترى نسبة 10% من اسهم شركة الجراح وزيهم فى الشركه الجديده اللى كان افتتاحها من يومين وقصاد النسبه دى هنسمحلكم بالدخول فى سوق الماس وهنساعدكم انكم تاخدوا مناقصات كبيره
دياب : واحنا اتفقنا على كده مع سيرينا وديفيد فى امريكا
استر : بس انا شايفه ان النسبه اللى انت عارضها دى قليله جدا على المناقصات والشغل اللى احنا هنساعدكم فيه
دياب : بس ده كان اتفاقنا من الاول
استر : احنا هنغير حاجه بسيطه فى الاتفاق ده
دياب : حاجة ايه
استر : احنا عاوزين نسبه فى شركة الفهد الاسود
دياب : يبقى تنسى كل الاتفاقيات اللى حصلت وتتفضلى تمشى من غير ولا سهم واحد
استر : يبقى هتخسر شغلك فى الماس
دياب : اعتبرينا منسحبين من كل شغل الماس
استر : بسهوله كده تضحى بكل الشغل اللى انت عملته فى الماس
دياب : لا متقلقيش انا مش هضحى بأى حاجه
استر : مش فاهمه قصدك ايه
دياب : دى حاجه ما تخصكيش ..... شغلى وانا ادرى واحد بيه
انا : دلوقتى يا مدام استر قدامك حل من الاتنين ..... يا اما نكمل الاتفاق بتاعنا ..... او تنسى كل حاجه كأنها محصلتش
استر : موافقه
انا : موافقه نكمل ولا نلغى
استر : موافقه نكمل الاتفاق
انا : ما كان من الاول ايه لازمتها الحوارات دى
دياب : خلصونا علشان نمضى العقود ونتفق على الشغل هيكون ازاى فى الفتره اللى جايه
استر : انا جاهزه
• قعدنا اكتر من ساعتين اتفقنا فيهم على الشغل ومضينا العقود وبعد كده استر مشيت
انا : تفتكر استر هتعمل ايه دلوقتى
دياب : لسه مش عارف
انا : مش شايف انها غريبه شويه تتنازل عن طلبها فى شركة الفهد الاسود
دياب : هى جايه ومتاكده ان احنا هنرفض
انا : حتى لو كان زى ما بتقول دى حتى مفكرتش تضغط علينا نهائى
دياب : استر كانت عاوزه تتأكد من اهمية شركة الفهد الاسود بالنسبالنا وعاوزه كمان متخسرش العرض اللى بقالها سنين بتحلم بيه علشان كده مينفعش تضحى بيه ده غير انها اكيد هتحط خطه علشان تدخل شركة الفهد الاسود
انا : على العموم خلينا ماشيين فى طريقنا زى ما احنا لحد ما نشوف ايه هيحصل
دياب : عندك حق
انا : اهم حاجه دلوقتى نركز مع سعد صقر لانى متأكد ان استر هتستخدمه الفتره اللى جايه
دياب : متخافش من الناحيه دى ..... سعد صقر تحت عنينا طول الوقت لو دخل الحمام بعرف
انا : كده تمام
دياب : طب يلا بينا نمشى
انا : نمشى نروح فين
دياب : لازم نخلص موضوع العيله دلوقتى لأن اى تأخير مش فى صالحنا نهائى
انا : عندك حق ..... لازم نتحرك قبل ما استر تفوق من اللى حصل النهارده
دياب : طب يلا بينا ..... انت هترجع الفيلا وانا هروح اخد ريهام واطلع على فيلا احمد صقر ولما هحتاجك هتصل بيك
انا : انا مش شايف ان ليها لازمه احضر حاجه زى دى
دياب : ليه بتقول كده .... انت لازم تشهد على الكلام ده بنفسك
انا : انا شايف ان دى قعده عائليه ومينفعش اى غريب يحضرها
دياب : انت مش غريب يا سليم
انا : لا يا دياب انا غريب ومش من العيله والامور دى لازم تتم بينكم وبين بعض ..... وبعدين شهادتى هتفرق فى ايه لو كانوا ناويين على الغدر
دياب : زى ما تحب يا سليم ..... انا هروح اعمل اللى قولتلك عليه
انا : وانا هروح اخد مريم علشان نشوف تجهيزات الفرح
دياب : انتوا خلاص حددتوا المعاد
انا : ايوا خلاص بعد اسبوعين هنعمل الفرح فى الفيلا
دياب : الف مبروك يا صاحبى
انا : **** يبارك فيك
• اتحركنا انا ودياب وكل واحد رجع الفيلا بتاعته
• عند دياب فى الفيلا ..... مجرد ما وصل شاف ريهام وليندا قاعدين مع بعض ..... ريهام اول ما شافت دياب قامت علشان تدخل اوضتها
دياب : رايحه فين يا ريهام
ريهام : داخله اوضتى
دياب : روحى غيرى هدومك علشان خارجين
ريهام : خارجين فين
دياب : هتعرفى بعد ما تجهزى
ريهام : وانا مش هخرج من غير ما اعرف احنا رايحين على فين
دياب : هعمل اللى كنتوا عاوزينه
ريهام : ايه اللى احنا عاوزينه .... وبتتكلم بصيغة الجمع ليه
دياب : هعمل اللى انتى وليندا عاوزينه ..... هقفل باب المشاكل
ليندا : بتتكلم بجد يا ادم
دياب : انا خلاص تعبت من المشاكل ومش كل يوم هعمل عداوه جديده
ريهام : اول مره قلبى يرفض يصدقك
دياب : تعالى معايا وانا اخليكى تصدقى بنفسك
ريهام : حاضر يا دياب انا هاجى معاك واحاول اصدقك
دياب : وانتى كمان ياليندا اجهزى علشان لازم تيجى معانا
ليندا : حاضر يا حبيبى
• جهزت ريهام وليندا وخرجوا مع دياب وراحوا فيلا احمد صقر ..... عمر صقر اول ما شافهم استغرب وبقى مش فاهم
عمر : خير يا دياب جاى ليه تانى وعاوز ايه
دياب : احمد فين
عمر : احمد فى اوضته فوق
دياب : ياريت تقوله ينزل وكلم كمان محمد وطارق ..... عاوز الكل يحضر وياريت كمان مراتك تحضر القعده دى
عمر : ريحنى يا دياب وفهمنى انت بتفكر فى ايه
دياب : متخافش يا عمى انا جاى ومش ناوى على شر بالعكس اللى انا جاى علشانه هيفرحك
عمر : حاضر يا دياب ..... انا هجيبلك الكل
• فى خلال نص ساعه كان الكل موجودين
دياب : انا عارف ان كلكم مستغربين من وجودى هنا النهارده بعد اللى حصل امبارح ..... وكل واحد فيكم ببقول بينه وبين نفسه ايه الانسان اللى كل يوم برأى وكلمه .... وانا عازركم اصله مش طبيعى انى امبارح اهددكم والنهارده ارجع فى تهديدى ..... وعارف ومتاكد ان معظمكم مش هيصدقنى ..... بس انا جيت اقول كلمتين علشان اخلص ضميرى ..... انا ورثت من ابويا حاجه حلوه ووحشه فى نفس الوقت ..... ورثت منه طيبة القلب ..... اللى مانعنى عنكم حاجه واحده وهى قلبى ..... قلبى اللى اتعلق ببنتكم وحبها واتعلق بسليم وحبه
عمر : يعنى خلاص يا دياب هنقفل على الماضى
دياب : علشان خاطرك يا عمى انت وريهام وسليم هقفل على الماضى بس بشرط
احمد : وايه شروطك يا دياب باشا
دياب : بتتريق يا احمد ..... ماشى هعديهالك مع ان لولايا كان زمانك ميت بدل المره الف مره
عمر : اسكت يا احمد انا بس اللى هتكلم فى الموضوع ده ..... ايه شروطك يا دياب وانا هنفذها كلها من غير نقاش
دياب : على فكره شرطى ساهل مش صعب يا عمى ..... اول حاجه امل صقر ممنوعه من دخول بيتى بشكل نهائى ولما تحب تشوف بنتها يبقى تشوفها هنا عندكم .... لكن انت يا عمى مرحب بيك فى اى وقت تقدر تيجى بيتى وقت ما تحب تشوف بنتك
عمر : وايه الشرط التانى
دياب : مفيش شروط تانى يا عمى ..... انا كل اللى طالبه منكم تكفوا شركم عنى ..... انا عارف ان انتوا شايلين منى بالرغم انى لحد دلوقتى معملتش اى حاجه وحشه لحد فيكم وانتوا اللى طول عمركم ظالمينى ..... ظلمتونى وظلمتوا ابويا وامى
احمد : يعنى انت عاوز تقنعنى انك بسهوله هتنسى اللى حصل زمان
عمر : قولتلك يا احمد انا بس اللى هتكلم فى الموضوع ده
دياب : سيبه يا عمى يقول كل اللى عاوزه ..... لا يا احمد انا مش بسهوله هنسى اللى حصل
احمد : امال ايه سبب التغيير المفاجئ ده ومتقوليش حبك لريهام وسليم هو السبب
دياب : هما فعلا سبب بس مش كل الاسباب
احمد : وايه بقى باقى الاسباب
دياب : فى حد عزيز عليا قالى حاجه مهمه كانت غايبه عنى وبسببها رجعت فى انتقامى ..... قالى ان **** بيسترها معايا وبينجنى من اى مصيبه علشان مظلوم لكن لو نفذت انتقامى هبقى ظالم ووقتها استحق العقاب
عمر : عين العقل يابنى
دياب : انا جاى النهارده ومادد ايدى بالسلام واتمنى انى مابقاش غلطان
عمر : واحنا كمان مادين ايدينا بالسلام ومرحب برجوعك لينا يا ابن الغالى
دياب : فى حاجه اخيره عاوز اقولها قصادك يا عمى ولازم تشهد عليها بنفسك وتشهدى عليها انتى كمان يا ريهام علشان ابقى ريحت ضميرى منكم
عمر : حاجة ايه دى
دياب : انا جيت ومديت ايدى بالسلام وقفلت على الماضى علشان خاطركم ..... لكن لو حصل اى غدر من عندكم انا هفتح الماضى على الحاضر ومش هرحم حد ومش بس هنتقم من اللى هيغدر لا انا هنتقم من الكل هحرقكم كلكم مش هرحم لا كبير ولا صغير ومش هفرق بين راجل وست لعنتى هتطول الكل ومش هعمل حساب لأى مخلوق
احمد : انت جاى مادد ايدك بالسلام ولا جاى تهدد
دياب : لا طبعا جاى مادد ايدى بالسلام بس انا للأسف عارفكم كويس الغدر فى دمكم وانا لسه ماخفيتش من رصاصتك يا احمد اللى جات فى ضهرى
عمر : خلاص با دياب احنا قولنا نقفل على الماضى
دياب : انا فعلا قفلت على الماضى ودى كانت اخر حاجه هقولها عن الماضى
عمر : متخافش يا دياب ليك عليا محدش فى العيله يتعرضلك
دياب : اللى عايش حياتى ميعرفش معنى الخوف يا عمى .... عن اذنكم
عمر : رايح فين
دياب : معايا شغل مهم ولازم تمشى وهسيب ريهام دلوقتى عندكم بس بالليل ارجع الاقيها فى بيتى ..... فاهمانى يا ريهام
ريهام : حاضر يا دياب
عمر : استنى يا دياب نتغدى مع بعض
دياب : معلش يا عمى معايا شغل مهم وانا متاخر عليه خليها مره تانى
عمر : براحتك بابنى
دياب : يلا يا ليندا
ليندا : حاضر يا ادم
• خرج دياب وليندا من الفيلا
ليندا : انت راجع الشركه يا ادم
دياب : لا يا حبيبتى انا واخد باقى اليوم اجازه
ليندا : امال ليه قولتلهم معاك شغل
دياب : علشان انتى وحشتينى وقولت اخدك ونخرج نتغدى مع بعض فى مكان نغير جو
ليندا : بحبك يا ادم
دياب : بعشقك يا قلب ادم
ليندا : هتعزمنى فين
دياب : تحبى تروحى فين ..... النهارده انا ملكك
ليندا : اى مكان معاك هيبقى جنه ..... اختار انت
دياب : ماشى يا قمر
• مرت الايام بعد كده بشكل طبيعى جدا واتجوزت انا ومريم واخدت اجازه شهر من الشغل واخدتها وسافرنا واتفسحنا ..... ومر على جوازنا خمس شهور كاملين الشغل فيهم كان ماشى طبيعى والامور مستقره استقرار يقلق ومفيش اى مشكله
• فى يوم صحيت بدرى علشان اجهز لشغلى ومريم كانت نايمه وصحيت على صوتى وانا بجهز
انا : انا اسف يا حبيبتى صحيتك من غير قصد
مريم : هى الساعه كام دلوقتى
انا : الساعه 7
مريم : انت مفيش فايده فيك
انا : ليه بتقولى كده
مريم : يا حبيبى الوقت لسه بدرى على الشغل
انا : معلش بقى اتعودت من زمان اصحى بدرى
مريم : مش ناوى تاخد اجازه ولو يومين نغير فيهم جو
انا : انا عارف انى مقصر معاكى بس الدنيا مضغوطه شويه فى الشغل لكن اوعدك هحاول افضى نفسى يومين واخدك ونسافر نتفسح فى اى مكان انتى عاوزاه
مريم : ماشى يا سليم لما نشوف ..... انا بس حاسه بملل من قعدتى فى الفيلا اليوم كله
انا : حاولى تشغلى وقتك فى اى حاجه اليومين دول بس لحد ما اظبط اوضاعى
مريم : حاضر با حبيبى
• فجأه مريم داخت وكان هيغمى عليها
انا : مالك يا حبيبتى فى ايه
مريم : مفيش حاجه متقلقش بس انا لسه صاحيه ومش مركزه
انا : بس انا ملاحظ انك بتتعبى بزياده اليومين دول
مريم : ممكن يكون بسبب السهر وقلة النوم
انا : تحبى نروح المستشفى
مريم : مستشفى ايه يا سليم انت ناسى ان اختى دكتوره وعايشه معانا فى نفس البيت
انا : طب خليها تكشف عليكى
مريم : حاضر يا حبيبى
انا : طب انا خارج عاوزه حاجه منى قبل ما اخرج
مريم : انت هتتأخر فى الشغل
انا : مش عارف بس غالبا هرجع بدرى لان مفيش مواعيد كتير معايا النهارده
مريم : يعنى هترجع على الغداء
انا : مش عارف بس قبل ما اخلص هكلمك
مريم : طب ايه رائيك نخرج نتغدى مع بعض فى مكان
انا : لا غداء بره صعب بس انا عندى فكره احسن
مريم : فكرة ايه
انا : ممكن نخليها عشاء ..... احنا نروح سينما نتفرج على فيلم ونتعشى بعدها ايه رائيك
مريم : فكره حلوه يا حبيبى ..... خلاص انا هجهز نفسى
انا : طب انا همشى دلوقتى علشان اتاخرت .... يلا سلام
مريم : مع السلامه يا حبيبى
• خرجت من الفيلا وطلعت على الشركه وبعد شويه دياب وصل ودخل عليا المكتب ومعاه كريم
انا : دخلتكم انتوا الاتنين مع بعض مش مريحانى
دياب : ليه بتقول كده
انا : شكلها كده فى مشكله
كريم : بالعكس الدنيا هاديه خالص وده اللى قالقنى
انا : يا باى عليك يا اخى خليك متفائل
كريم : هحاول
انا : وبعدين انت ايه حكايتك مع هبه شايفك مركز معاها من بعد فرحى
كريم : ليه هى اشتكتلك فى حاجه
انا : لا خالص بس انا ملاحظ انك مركز معاها
كريم : لا عادى مفيش حاجه
دياب : كريم شكله وقع
كريم : انتوا الاتنين فاضيين وهتستلمونى معاكم
دياب : ياعم فكها شويه
كريم : سيبكم من الكلام الفاضى ده وخلينا فى المهم
انا : خير فى حاجه
كريم : فى اكتر من حاجه مش مريحانى
دياب : زى ايه
كريم : اول حاجه عيلة صقر مش عارف ليه مش مرتاح من ناحيتهم ..... حاسس كده انهم بيخططوا لحاجه
دياب : ايه اللى خلاك تقول كده
كريم : احمد صقر قابل اعمامك يا دياب اكتر من مره فى الفتره اللى فاتت وبطريقه ملفته للنظر
دياب : انا عارف ومتاكد انهم ناويين على غدر بس هعمل ايه انا بحاول احمى نفسى منهم على قد ما اقدر
كريم : فى حاجه تانى انا مش فاهمهما
دياب : حاجة ايه
كريم : احمد صقر راح اسوان الشهر اللى فات كتير وراح لبيت مهجور هناك .... كان بيروح يقعد هناك ساعه ولا ساعتين وبعدها يمشى
دياب : شكله كده بيدور على اثار وده مكان جديد بيعاينه
كريم : انا دورت وراء البيت ده اكتشفت انه بتاع احمد صقر وجده كتبله البيت ده من اكتر من 30 سنه
دياب : برضه انا مش شايفها غريبه ..... واحد وبيروح بيته مفيهاش حاجه يعنى
كريم : انا حاسس ان البيت ده فيه حاجه مهمه او بيقابل حد هناك
دياب : طب راقب البيت كويس لما نشوف اخرتها
كريم : انا عملت كده فعلا وفى ناس هناك دلوقتى عنيهم على البيت
انا : فى حاجه تانى مش مريحاك يا كريم
كريم : استر مطنشه سعد صقر ..... سعد بقاله كتير عاوز يقابلها والبيرت مفهمه انها مسافره ومش موجوده فى مصر ..... ده غير ان سعد حاول اكتر من مره يخطف سليم صقر لكن استر بتمنعه ..... معنى كده ان استر بترتب لحاجه بخصوص سليم
دياب : بترتب لأيه
كريم : مش عارف بس متهيألى انها حاجه بعيد عن القتل او الخطف
انا : امال ناويه على ايه يعنى
كريم : ده اللى مش قادر اعرفه
دياب : عاوزك تغير طقم الحرس اللى بيتابع سليم
كريم : انا عملت كده فعلا
• فجأه الباب خبط ودخلت هبه
هبه : صباح الخير يا مستر سليم ..... صباح الخير يا مستر دياب
انا ودياب : صباح الخير يا هبه
كريم : يعنى انا هواء قصادك مفيش صباح الخير يا كريم
هبه : انت لو صبرت كنت هصبح عليك
كريم : على العموم انا هطلع احسن منك واصبح عليكى الاول ..... صباح الخير يا استاذه هبه
انا : اتلم يا كريم بقى
هبه : سيبه يا مستر سليم انا هعرف اتصرف معاه كويس
كريم : ايه هتضربينى
هبه : لا يا خفيف بس انا ممكن افرج عليك الشركه كلها واقول انك بتعاكسنى
كريم : لا الطيب احسن
انا : كفايه لعب العيال ده ..... خير يا هبه كنتى عاوزه حاجه
هبه : ايوه يا فندم ..... الورق ده محتاج يتمضى دلوقتى
انا : طب سبيه هراجعه الاول وبعد كده امضيه وابعتهولك
هبه : تمام يا فندم .... عن اذنك
انا : اتفضلى يا هبه
• بعد ما هبه خرجت
انا : خف على البنت شويه يا كريم
دياب : يابنى لو عاجباك اوى كده اتجوزها
كريم : اه اتجوزها وماله مش عيب ..... اتجوزها علشان تموت
انا : ايه التشاؤم اللى انت فيه ده
كريم : هى دى الحقيقه ..... انا شخص حياتى مش ملكى وكل يوم فى مكان جديد ده غير الخطر اللى دايما عايش فيه
انا : احنا كلنا عايشين فى نفس الخطر اللى انت بتقول عليه لكن برضه حبينا واتجوزنا
كريم : ياريت نقفل كلام فى الموضوع ده ..... وخلينا فى شغلنا
دياب : خلاص براحتك اهرب زى ما انت عاوز
كريم : انا كلمت ابراهيم فى اسبانيا علشان يعمل سيستم امنى جديد وكمان نظبط الاجتماع بتاع اول الشهر
انا : الاجتماع المره دى هيكون فى اسبانيا ولا فين
كريم : لا مش هينفع فى اسبانيا لانى رصدت اكتر من واحد من رجالة استر موجودين فى اسبانيا
انا : وياترى دى صدفه ولا عرفوا حاجه
كريم : لسه مش عارف ..... علشان كده انا هخلى الاجتماع هنا فى مصر
دياب : بس كده خطر وممكن نتكشف
كريم : متقلقش انا هرتب كل حاجه
انا : وتفتكر الفهد الاسود هيوافق على الكلام ده
كريم : انا هتصرف واقنعه حتى لو اضطريت اسافرله بنفسى ..... فكره ان كل اجتماع نعمل حوار علشان نسافر بقت ملفته للنظر علشان كده لازم نغير نظام الاجتماعات
انا : خلاص زى ما تحب
دياب : طب حددت مكان الاجتماع
كريم : ايوا فى فيلا المقطم ..... الجماعه مجرد ما يوصلوا هاخدهم على هناك على طول ومش هيخرجوا من الفيلا غير على المطار
انا : كده تمام
كريم : طب اسيبكم تشوفوا شغلكم
انا : رايح فين
كريم : هروح اشوف الرجاله واتمم على الشغل
انا : طب وانت خارج ابعت الملف ده لهبه انا خلاص مضيته
كريم : هات يا سليم
• بعد ما كريم خرج
انا : مالك يا دياب سرحان فى ايه
دياب : حاسس ان فى حاجه مش مظبوطه بتحصل
انا : حاجه بخصوص الشغل ولا ايه بالظبط
دياب : كلها منفده على بعضها
انا : **** يستر ..... طمنى انت عامل ايه مع ريهام
دياب : لسه مش مصدقه انى اتصالحت مع اهلها وخايفه منى
انا : مع الايام هتصدق
دياب : تصدق ماتصدقش براحتها ..... انا وريهام علاقتنا كانت غلط من الاول والحكايه كلها مجرد وقت وكل واحد فينا هيروح لحاله
انا : ليه بتقول كده يا دياب .... انت وريهام بتحبوا بعض
دياب : الحب وحده مش كفايه ..... وبعدين فى حاجه بينا اتكسرت وصعب تتصلح
انا : بكره كل ده يتغير
دياب : طب اسيبك انا بقى
انا : رايح فين
دياب : هروح مكتبى معايا شغل هناك
انا : طب روح
• من ناحيه تانيه عند هبه قاعده على مكتبها ودخل عليها كريم
هبه : خير يا كريم عاوز حاجه
كريم : اتفضلى الملف ده باعتهولك مستر سليم بيقولك هو مضى على كل الورق
هبه : شكرا يا سيدى
كريم : العفو ..... عن اذنك
هبه : استنى انت رايح فين
كريم : رايح اشوف شغلى .... عاوزه حاجه حضرتك
هبه : اقعد يا كريم عاوزه اتكلم معاك
كريم : معلش مشغول فى حاجه ضرورى
هبه : انا بقولك اقعد عاوزه اتكلم معاك
كريم : ادى قعده ..... خير عاوزه ايه
هبه : مالك متغير كده ليه النهارده
كريم : عادى يمكن بسبب ضغط الشغل والمشاكل اللى الواحد بيشوفها
هبه : انت بتشتغل ايه يا كريم
كريم : مش فاهم السؤال
هبه : لا انت فاهمنى كويس
كريم : انا يا ستى بشتغل قائد الحرس بتاع مستر دياب وسليم
هبه : انت متأكد من الاجابه دى
كريم : ايه اللى يخليكى تشكى
هبه : علاقتك بسليم ومستر دياب علاقه غريبه اكبر من موضوع قائد حرس ..... على العموم ده شئ مش مهم بالنسبالى ..... انا كل اللى يهمنى اعرف مالك النهارده
كريم : زى ما قولتلك ضغط الشغل
هبه : انت على طول مضغوط فى الشغل بس برضه ده مش بيمنع انك تيجى وترخم عليا .... انت بقالك اكتر من خمس شهور لازم كل يوم ترخم عليا لكن النهارده انت شخص غريب
كريم : هقولك حاجه يمكن تريحك .... انا شخص حياتى مش ملكى ولازم كل حاجه اعملها تكون بحساب .... النفس اللى بتنفسه بحساب
هبه : ليه كل ده
كريم : علشان انتوا تعيشوا فى امان .... علشان تناموا مرتاحين
هبه : وحياتك انت فين
كريم : قولتلك حياتى مش ملكى .... انا اتنازلت عن حياتى من 15 سنه ومستنى اللحظه اللى تخلص فيها علشان ارتاح ..... عن اذنك انا لازم ارجع اشوف شغلى
• قام كريم وساب هبه سرحانه فى كلامه
• نرجع عندى انا كنت قاعد فى مكتبى بخلص شغل ودخل عليا دياب وباين على وشه علامات الزعر
انا : خير يا دياب فى ايه
دياب : مفيش خير خالص
انا : ايه اللى حصل
دياب : نص المبانى اللى خلصناها فى المناقصه وقعت وفى عمال كتير ماتت ده غير اللى اتصاب
انا : دى مصيبه سوده ..... مين السبب فى اللى حصل
دياب : .........
• ياترى ايه اللى هيحصل تانى ده بقى هنعرفه فى الجزء اللى جاى اشوفكم بخير
الجزء التاسع
• وقفنا الجزء اللى فات لما انا كنت قاعد فى مكتبى بخلص شغل ودخل عليا دياب وباين على وشه علامات الزعر
انا : خير يا دياب فى ايه
دياب : مفيش خير خالص
انا : ايه اللى حصل
دياب : فى قنبله انفجرت فى الموقع وتقريبا نص المبانى اللى خلصناها فى المناقصه وقعت وفى عمال كتير ماتت ده غير اللى اتصاب
انا : دى مصيبه سوده ..... مين السبب فى اللى حصل
دياب : .........
انا : انطق ساكت ليه
دياب : مش عارف واتمنى مايكونش اللى فى بالى
انا : مين اللى فى بالك
دياب : تعالى بينا نروح الموقع وبعدها نشوف هنعمل ايه
انا : يلا بينا
• اتحركت مع دياب على الموقع وكانت الشرطه هناك بتعاين وبيحققوا مع الموجودين
• بعد يوم طويل من التحقيقات روحنا المستشفى واتطمنا على العمال المحجوزين وبعدها رجعت الشركه تانى مع دياب وسبنا كريم علشان يعرف ايه اللى حصل بالظبط ..... بعدها بشويه وصل كريم الشركه
انا : وصلت لحاجه يا كريم
كريم : عرفت كل حاجه
انا : طب احكى كل حاجه بالتفصيل
كريم : فى واحد من العمال جيه النهارده فى معاده عادى جدا وكان معاه شنطه واشتغل عادى بعدها اتحجج بأنه تعبان ومشى وبعد ما مشى بنص ساعه القنبله انفجرت
انا : مين العامل ده
كريم : ده واحد من العمال الجداد اللى جبناهم علشان يساعدوا العمال اللى معانا
انا : قبضوا عليه
كريم : لا لسه محدش عارف طريقه حتى العنوان اللى فى البطاقه مضروب
انا : تفتكر مين اللى وراء الزفت ده
كريم : اكيد استر مفيش غيرها
دياب : لا مش استر
انا : امال مين
دياب : احمد صقر
انا : انت متاكد من كلامك
دياب : هو ده اللى لازم نتاكد منه
انا : وهنتأكد منه ازاى
دياب : اسمعنى يا كريم كويس فى اللى هطلبه منك
كريم : عاوز ايه يا دياب
دياب : عاوزك تزود المراقبه على احمد صقر ..... وعاوزك تقلب الدنيا على العامل ده
كريم : رجالتى قالبين عليه الدنيا ومفيش حد فيهم هينام غير لما نوصل للزفت ده .... بس ايه اللى يخليك تشك فى احمد صقر مش استر او حتى سعد
دياب : علشان احمد صقر محروق ان المناقصه ضاعت منه .... وشخص فى غرور احمد صقر ممكن يعمل اى حاجه علشان ينتقم ..... تقول ايه بقى العرق يمد لسابع جد .... احمد ورث الغل والكره من امه وخاله وجده
انا : طب لو كان احمد صقر هو اللى وراء الحكايه دى انت هتعمل ايه
دياب : يبقى كده الصلح انتهى ومش هعمل حاجه غير انى انتقم منهم وادمرهم واخسرهم كل حاجه حتى لو بعدها اموت معنديش اى مانع
انا : لا سيب الموضوع ده عليا وانا هتصرف مع احمد صقر بنفسى
دياب : هتعمل ايه
انا : اللى بيقول مابيعملش
دياب : انت مش قد احمد صقر يا سليم
انا : متخافش عليا انا هعرف اتصرف معاه كويس
دياب : نتأكد الاول وبعدها نشوف هنعمل ايه
انا : هى الساعه كام دلوقتى
دياب : الساعه دلوقتى 6.30
انا : يادى المصيبه انا اتاخرت على مريم .... المفروض اخدها نتعشى بره
دياب : طب لسه بدرى تقدر تلحق ..... روح انت لمريم وانا هقعد اخلص شغل واشوف حل فى المشكله اللى احنا فيها
انا : طب عن اذنكم
• خرجت بسرعه من الشركه وروحت الفيلا وكانت مريم مستنيانى
مريم : ايه اللى اخرك كده يا سليم
انا : معلش يا حبيبتى كان معايا شغل مهم واضطريت اسيبه علشان وعدتك
مريم : وقافل تليفونك ليه
انا : تلاقيه فصل شحن وانا مش واخد بالى
مريم : طب ايه هنخرج ولا ايه الدنيا
انا : طبعا يا حبيبتى هو انا اقدر ازعلك
مريم : انا بقول لو انت تعبان نأجلها مفيش اى مشكله ومش هزعل
انا : لا يا حبيبتى انا هدخل اخد شاور واغير هدومى وانتى كمان اجهزى علشان نلحق السهره من اولها
مريم : حاضر يا حبيبى
• دخلت اخدت شاور وجهزت وخرجت مع مريم روحنا سينما واتفرجنا على فيلم حلو وبعدها دخلنا مطعم علشان نتعشى
مريم : انت مبسوط معايا يا سليم
انا : ليه بتسالى السؤال ده
مريم : جاوبنى يا سليم
انا : طبعا يا حبيبتى مبسوط ..... انتى بقى مبسوطه معايا
مريم : انا عايشه معاك فى الجنه ..... بالرغم من شغلك الكتير وان احنا مش بنقعد مع بعض وقت كافى بس صدقنى وجودك فى حياتى مخلينى عايشه فى الجنه
انا : ايه الكلام الحلو اللى انا مش قادر ارد عليه ..... طب اعملك ايه يبسطك
مريم : انا كفايه عليا خروجه زى دى كل فتره ومش عاوزه حاجه تانى
انا : انا بحبك اوووووى يا مريم
مريم : وانا بعشقك يا حبيبى
• من ناحيه تانيه عند استر فى الاستراحه بتاعتها قاعده مع احمد صقر والبيرت
استر : ضربة معلم بصحيح يا احمد
احمد : خليه بقى يفرح بالمناقصه اللى اخدها ..... وكل ما يعمل حاجه فيها انا هدمرها
استر : تفتكر دياب وسليم هيسكتوا على اللى حصل
احمد : مفيش فى ايديهم حاحه يعملوها
استر : عاوزين نرتب للخطوه اللى جايه
احمد : الخطوه اللى جايه لازم نعرف بالظبط دياب بيعمل ايه فى سفره الغامض كل شهر
استر : للأسف دى حاجه مش قادرين نعرفها ..... اخر مره سافر فيها الشهر اللى فات وكل مره بيوصل فيها المطار بيتبخر وبيظهر بعدها بكام يوم فى ايطاليا لكن الايام اللى بيختفى فيها محدش عارف هو بيعمل ايه بالظبط
احمد : ممكن يكون دياب بيشتغل مع اى جهاز مخابرات
استر : دى حاجه انا متاكده منها ومش جهاز واحد لا دياب بيشتغل مع اكتر من جهاز مخابرات لكن احنا مش قادرين نعرف هو بيشتغل مع اى جهاز بالظبط
احمد : طب وصلتى لحاجه فى علاقة كريم ودياب
استر : وصلت لحاجات قليله زودت الحيره اكتر بالنسبالى
احمد : وصلتى لأيه
استر : كريم ودياب اصلا اصحاب من زمان وكانوا جيران فى امريكا ..... والد كريم كان ظابط فى الجيش الامريكى واصر ان كريم يدخل مدرسه عسكريه ..... دخل كريم المدرسه العسكريه وقعد فيها سنه ونص تقريبا وكان دايما على اتصال بدياب ..... فى الفتره اللى دياب رجع يعيش فيها فى مصر وتحديدا اول ما دخل الجامعه فى الوقت ده مات والد كريم بعدها بشهر هرب كريم من المدرسه العسكريه واختفى نهائى لمدة 10 سنين واول ظهور ليه كان مع دياب ايام ما كان متنكر فى شخصية مستر ادم
احمد : عندك حق كده الحيره زادت اكتر بالنسبه لكريم ..... بس معنى كلامك ان كريم ودياب كانوا على اتصال ببعض طول فترة ال 10 سنين اللى اختفى فيهم كريم
استر : بنسبه كبيره
احمد : بالطريقه دى ممكن يكون كريم هو اللى بيحرك دياب
استر : لا كريم بيساعد دياب مش بيحركه .... لكن اكيد فى شخص بيحرك كريم ودياب مع بعض وممكن كمان يكون بيحرك سليم الجراح معاهم مع ان ده شئ مستبعد ..... خصوصا ان سليم مش بيتحرك اى تحرك مريب وطول الوقت فى الشركه او الفيلا واى تحرك ليه احنا راصدينه على عكس كريم ودياب اللى تحركاتهم كتير ومريبه
احمد : وارد جدا يكون دى حركه مقصوده علشان نركز مع كريم ودياب ونطنش سليم وبالطريقه دى ياخد راحته ويتحرك زى ما هو عاوز
استر : هو فعلا دياب لمح قبل كده لحاجه زى دى وعلشان كده احنا مراقبين سليم كويس
احمد : طب هنعمل ايه دلوقتى
استر : ولا اى حاجه .... احنا ضربنا الضربه ومستنيين رد الفعل وبالنسبه للسفريات الغامضه رجالتنا قاعدين فى اسبانيا وايطاليا ومجرد ما دياب يسافر هنعرف هو بيعمل ايه بالظبط
احمد : كده تمام
استر : فى حاجه اخيره لازم تعملها
احمد : حاجة ايه
استر : لازم تخلص من الراجل بتاعك اللى زرع القنبله لان ده الخيط الوحيد اللى ممكن يوصلهم ليك
احمد : متخافيش من الموضوع ده .... كمان ساعه هيقابل واحد من رجالتى علشان ياخد حسابه وهو هيتصرف معاه
استر : كده تمام ..... دلوقتى بقى نتفرج على دياب
• من ناحيه تانيه دياب قاعد فى مكتبه بيخلص شغل ودخل عليه كريم
كريم : الفار دخل المصيده
دياب : فار مين ومصيدة ايه
كريم : اسمع بقى الاخبار الجديده
دياب : اشجينى
كريم : ناصر اللى بيشتغل مع احمد صقر واللى يعتبر دراعه اللى بيخلص الشغل القذر قابل العامل اللى احنا بندور عليه وكان هيقتله بس احنا لحقناه وخطفنا الاتنين
دياب : وهما فين دلوقتى
كريم : بعتهم على فيلا المقطم
دياب : حلو ..... كلم سليم وخليه يحصلنا على هناك
كريم : استنى لما تسمع باقى الاخبار
دياب : اخبار ايه تانى
كريم : احمد صقر
دياب : عمل ايه تانى
كريم : احمد صقر عند استر دلوقتى فى الاستراحه
دياب : انت متاكد
كريم : انا بقالى فتره حاطط احمد صقر تحت المراقبه وكل شويه كان بيهرب من المراقبه لحد ما قدرت اركب جهاز GPS فى عربية احمد صقر ودلوقتى هو موجود عند استر بقاله اكتر من ساعتين
دياب : راح علشان يتفق معاها على الخطوه الجديده فى الحرب بعد اللى عمله النهارده
كريم : قولتلك يا دياب مواجهتك لعيلة صقر هتخليهم يقلبوا عليك وهتخلى استر تستغل الموضوع ده لمصلحتها ..... حتى لو كنت صالحتهم تانى يوم ده هيخليهم حاسين من ناحيتك بالغدر
دياب : ........
كريم : ساكت ليه يا دياب
دياب : عاوزنى اقولك ايه يا كريم
كريم : رد عليا فى الكلام اللى بقوله ..... انا حذرتك كتير وانت رفضت تسمع كلامى .... اصل مش معقول احمد صقر هيشوفك بتهدد امه وعيلته ويقعد ساكت لازم يعمل حاجه واهو فعلا بدأ يعمل .... تقدر تقولى هتعمل ايه دلوقتى
دياب : همحى عيلة صقر من على وش الارض ..... فى الاول كنت متردد علشان فى ناس كتير كانت هتتظلم فى انتقامى لكن بعد اللى حصل النهارده والعمال الغلابه اللى ماتوا من غير اى ذنب يبقى احمد صقر لازم يحاسب على اللى عمله
كريم : اهدى كده ونتعامل بالعقل
دياب : انا عارف كويس بعمل ايه ..... خطة الانتقام هتبدأ من الليله
كريم : ناوى على ايه
دياب : اول حاجه نبدأ بيها سعد صقر
كريم : انت اتجننت يا دياب ..... كده هتكشف ورقنا
دياب : بالعكس يا كريم ..... سعد ده ورقه محروقه ولازم نخلص منها علشان نحافظ على باقى الورق
كريم : ازاى مش فاهم
دياب : استر نفسها مش عارفه تستغل سعد وفى الفتره الاخيره يعتبر بتتهرب منه خصوصا بعد ما ضمت احمد صقر لفريقها صح ولا انا غلطان
كريم : كلامك صحيح وسعد صقر بقاله فتره بيحاول يقابل استر وهى بتتهرب منه
دياب : يبقى جيه وقت الانتقام من سعد ومن اولاد العاصى
كريم : انت كده هتقلبها حرب
دياب : متخافش يا كريم نفذ اللى هقولك عليه بالحرف الواحد .... كده ولا كده عيال العاصى بعيد عن حربنا مع استر
كريم : وامل صقر هتعمل معاها ايه
دياب : هخليها تتفرج على كل اللى بيحصل .... لازم كل يوم تعيش فى عذاب وخوف
كريم : انا هسمع كلامك بس مش النهارده
دياب : ليه يعنى
كريم : لان كلامك هيقوم الحرب واحنا مينفعش نعمل حاجه الاسبوعين دول علشان الاجتماع اللى هيتعمل فى مصر .... خصوصا ان الفهد الاسود هيوصل فى خلال ايام
دياب : انت كلمته
كريم : هو اللى كلمنى بعد ما عرف اللى حصل النهارده
دياب : وليه ما كلمنيش انا او كلم سليم
كريم : كان عاوز يعرف ايه اللى حصل من حد غيركم علشان يقدر يكون رأى عن الموضوع قبل ما يكلمك انت وسليم
دياب : وانت قولتله ايه
كريم : حكيتله كل حاجه بالتفصيل ..... وامر ان لو احنا اتاكدنا ان احمد صقر هو اللى وراء الموضوع ده يبقى انت متعملش حاجه وتسيب سليم هو اللى يتصرف
سليم : وسليم بقى هيتصرف ازاى فى الموضوع ده
كريم : دى اوامر الفهد الاسود .... بعد ما عرف ان سليم عاوز يتعامل فى الموضوع ده .... قرر انه يختبر سليم ويسيبه فى مواجهة احمد صقر بدون اى تدخل منى او منك او حتى مساعده .... الفهد الاسود بيقول ان سليم بقاله فتره كبيره بيتفرج علينا وبيتعلم وجيه الوقت اللى ينفذ فيه كل اللى اتعلمه منى ومنك
دياب : بس احمد صقر اقوى من سليم
كريم : دى اوامر الفهد الأسود .... وبعدين سليم عنده اللى مش عند احمد صقر
دياب : اللى هو ايه
كريم : عنده الذكاء ..... سليم ذكى ذكاء خارق .... ذكاء مش موجود عندى ولا عندك ولا عند احمد صقر و لا الفهد الاسود شخصيا
دياب : انا مقدرش اتكلم على ذكاء سليم .... بس سليم ذكى فى الشغل والبورصه واللعب اللى بيحصل فيهم يعنى ملهوش فى الشغل القذر بتاع احمد صقر
كريم : بيتهيألك ..... اقعد واتفرج على سليم
دياب : خلاص كلمه وشوف هو هيعمل ايه
كريم : انا شايف ان احنا نروح الفيلا ونقابله هناك ونحكيله على اللى حصل
دياب : ماشى يا كريم يلا بينا
• خرج كريم ودياب من الشركه
• نرجع عندى انا ..... بعد ما خلصت سهرتى مع مريم واحنا راجعين فى الطريق تليفونى رن وكان دياب وقالى انه مستنينى فى الفيلا عندى
مريم : خير يا سليم فى حاجه
انا : لا يا حبيبتى ده شغل
مريم : شغل ايه اللى فى نص الليل ده
انا : انا سبت الشغل بدرى ومشيت علشان خاطرك وفى ورق مهم تقريبا لازم نراجعه
مريم : يعنى هتسيبنى وترجع الشركه
انا : لا يا حبيبتى دياب جاى عندنا فى الفيلا هنخلص شغل فى السريع ويمشى
مريم : ماشى يا حبيبى
• بعد ما وصلت الفيلا دياب وكريم وصلوا عندى ودخلنا اوضة الجنينه علشان نعرف نتكلم براحتنا وقالولى على كل اللى حصل
كريم : ناوى على ايه يا سليم
انا : ناوى على كل خير
دياب : فهمنا انت ناوى على ايه بالظبط
انا : مش الاوامر ان انا اتعامل لوحدى يبقى خلاص سيبونى اتعامل
دياب : تمام يا سليم ..... طب هنعمل ايه مع العامل والراجل بتاع احمد صقر
انا : ولا اى حاجه ..... احبسهم فى فيلا المقطم لحد ما اقولك نعمل ايه
كريم : تمام
انا : عاوزين حاجه تانى
دياب : اعمل حسابك الاجتماع احتمال كبير يبقى الاسبوع اللى جاى والفهد الاسود مصمم انك تحضر الاجتماع ده بنفسك
انا : ازاى وافق بسهوله كده ان الاجتماع يبقى فى مصر
كريم : بسبب الظروف اللى احنا فيها اقتنع ان احنا نعمل الاجتماع فى مصر
انا : رتبت الفيلا اللى الضيوف هيقعدوا فيها
كريم : متخافش ..... بكره كل حاجه هتكون خلصانه
انا : انا مش خايف طول ما احنا مع بعض
دياب : "واختر خليلَ قلبك بحكمةٍ فليست كُلّ القلوب بالقلوب تليقُ .... واختر لنفسك شخصًا إذا قَست عليك الأيام يكن لكَ فيه عشمٌ لا يخيب"
انا : عندك حق يا دياب
دياب : اهم حاجه دلوقتى تخلص موضوع احمد صقر علشان بعد ما الاجتماع يخلص هكتب نهاية عيلة صقر بنفسى
انا : بالراحه على نفسك يا دياب مش عاوزين نفتح على نفسنا اكتر من جبهه
دياب : متخافش يا سليم ..... عيلة صقر مش هتمثل اى خطر علينا ولا على اى حد تانى
انا : انا مش هقدر الومك بعد اللى حصل ..... انا كمان عاوز اخلص منهم
كريم : عيبكم انتوا الاتنين انكم بتفكروا بقلوبكم مش بعقولكم
انا : يعنى عاوزنا نسكت على اللى عمله احمد صقر النهارده ..... خسارة الفلوس مش مهمه عندى على قد ما انا زعلان على العمال الغلابه اللى ماتوا واللى اتصابوا ..... فى عمال ماتوا وكل واحد ساب وراه عيله محتاجاه انضف الف مره من عيلة صقر ..... ده غير العمال اللى عيشهم اتقطع بعد ما اتصابوا اصابات تعجزهم عن العمل وبرضه كل واحد منهم مسئول عن عيله ..... انت جايز يا كريم ماتعرفش الكلام اللى بقوله علشان ماعيشتش حياة العمال دى .... انا بقى غيركم .... انا عيشت حياتهم اكتر من 25 سنه وعارف اللى انا بقوله ده كويس
كريم : انا فاهم قصدك يا سليم
انا : انا عارضت دياب فى الاول فى موضوع انتقامه من عيلة صقر وكنت بفكر بالعقل لكن للأسف العيله دى مينفعش معاها اى عقل ..... العيله دى عامله زى الوباء اللى لازم نخلص منه علشان نعيش فى امان
دياب : ياما قولتلك يا سليم الكلام ده بس انت اللى مكانش عاجبك وجهة نظرى لحد ما اكتشفت فى الاخر ان انا الصح
كريم : احنا مش فى مين الصح ومين الغلط ..... احنا دلوقتى فى اصعب مرحله فى اللعبه ولازم ناخد بالنا من كل حاجه علشان مانضيعش مجهود سنين ..... وبالنسبه لموضوع عيلة صقر ممنوع نهائى القتل يا دياب
دياب : انتقامى منهم مش بالموت يا كريم ..... انا هعمل فيهم اللى العن من الموت
كريم : انت ناوى على ايه بالظبط
دياب : بعدين هتعرف ..... بس اهم حاجه دلوقتى نخلص الاجتماع
انا : انا فى خطه فى دماغى للإجتماع بحيث نخلى استر دماغها تلف ومتعرفش احنا هنعمل ايه بالظبط
كريم : خطة ايه دى يا سليم
انا : اسمعونى كويس وركزوا معايا ..... وحكيت تفاصيل الخطه اللى فى دماغى
كريم : برافو يا سليم خطه فى منتهى الذكاء
دياب : دلوقتى بس اقدر اثق فى دماغك
انا : ليه هو انا كنت غبى قبل كده
دياب : لا بالعكس انت ذكى جدا بس ذكائك فى الشغل والارقام والحسابات والبورصه لكن شغل الامن ده محتاج ذكاء من نوع تانى
انا : اهم حاجه الخطه تتنفذ زى ما اتفقنا
كريم : من بكره هبدأ فى تنفيذها
انا : كده تمام .... وبالنسبه لأحمد صقر سيبه عليا وانا هتصرف معاه بس انا لازم اسافر الاقصر بكره ضرورى
دياب : هتعمل ايه فى الاقصر
انا : احنا مش اتفقنا انى هشتغل لوحدى يبقى خلاص مش عاوز اسئله
كريم : بس سفرك ده لازمله تأمين
انا : متخافش هسافر من غير ما اى حد يحس بحاجه غريبه
كريم : ازاى بقى
انا : يوسف ولمياء مسافرين الأقصر بكره طبيعى ..... انا هاخد مريم ونسافر معاهم عادى جدا
دياب : فكره حلوه ..... طب هتقعد هناك قد ايه
انا : لازم اخد يومين تلاته هناك علشان محدش يشك فى حاجه
كريم : كده تمام
انا : عاوزكم تعملوا حاجه مهمه فى اليومين اللى هغيبهم
دياب : خير يا سليم
انا : عاوزكم تعملوا حصر بكل اسماء العمال اللى ماتوا او اتصابوا علشان نصرفلهم تعويضات عن اللى حصل
دياب : انا فعلا امرت شئون العاملين والشئون القانونيه يعملوا الكشف اللى انت عاوزه وبكره الصبح هيكون الكشف جاهز
انا : كويس انك عملت كده ..... احنا لازم نعوض الناس دى
دياب : مجرد ما ترجع من الاقصر هنشوف الموضوع ده
انا : طب يلا تصبحوا على خير علشان الحق انام شويه قبل السفر
• مشى كريم ودياب وانا طلعت الاوضه عند مريم
مريم : دياب مشى
انا : ايوا يا حبيبتى مشى ..... عاوزك تجهزى نفسك علشان هنسافر الاقصر مع يوسف ولمياء
مريم : انت مش قولت معاك شغل ومش هينفع نسافر معاهم
انا : دياب هيقعد مكانى ..... بصراحه البلد وحشتنى ومحتاج افضى دماغى شويه من الشغل
مريم : طالما معاك اجازه ايه رائيك نسافر اى مكان جديد
انا : متخافيش انا عامل حسابى الفتره اللى جايه اخدك ونسافر دبى
مريم : بجد يا سليم
انا : مش انتى كان نفسك تسافرى دبى من فتره ..... انا اتفقت مع دياب الفتره اللى جايه اخد اجازه اسبوع او عشر ايام نسافر دبى
مريم : بحبك يا سليم
انا : اهم حاجه عندى تكونى مبسوطه
مريم : انا مبسوطه طول ما انا معاك
انا : طب يلا يا حبيبتى ننام علشان معانا سفر بكره الصبح بدرى
• تانى يوم سافرنا كلنا البلد وروحنا بيت الحاج اكرم العصار وبعد السلام والترحيب قعدنا كلنا مع بعض
اكرم : وحشتونى يا ولاد
انا : اخبارك ايه يا عمى
اكرم : الحمد *** كويس بس من بعد جواز امل وسفرها وانا حاسس بديقه
يوسف : هى دى سنة الحياه يا والدى
اكرم : طمنى عليك يا يوسف وعلى شغلك
يوسف : كله تمام يا حاج
اكرم : وانت يا سليم اخبارك ايه واخبار شغلك
انا : ماشى الحال يا عمى
اكرم : فى مشاكل ولا حاجه
انا : لا يا عمى ده العادى
اكرم : **** يوفقك يا ولدى ويبعد عنك المشاكل
انا : تسلملى يا عمى
اكرم : ايه اخباركم يا بنات
لمياء : كلنا كويسين يا عمى
اكرم : **** دايما يا بنتى ..... مالك يا سليم شكلك متغير
انا : متغير ازاى يا عمى
اكرم : سرحان كده وساكت مش زى عادتك
انا : لا عادى بس يمكن بسبب مشاكل الشغل
اكرم : ريح نفسك شويه من الشغل حرام عليك صحتك
مريم : قوله يا عمى ده مش بياخد ولا يوم اجازه وبيخرج الصبح بدرى ويرجع اخر الليل
اكرم : حرام عليك نفسك يابنى انت كده هتضيع
انا : مش بأيدى يا عمى .... انا بحاول على قد ما اقدر اريح نفسى من الشغل بس مش بعرف
اكرم : **** معاك يابنى
انا : سيبك من شغلى وطمنى على البلد
اكرم : البلد كويسه وزى الفل
انا : ايه اخبار الحاج عزت والحاجه فاطمه
اكرم : كويسين يابنى وبيسألونى دايما عليك وعلى يوسف
انا : وايه اخبار عيلة صقر ..... انا سمعت ان فى مشاكل بينهم وبين عيلتنا
اكرم : ايوا فعلا فى مشاكل كتير بينهم بخصوص الشغل اللى بينهم
انا : مشاكل ازاى
اكرم : عيلة صقر بقوا محتكرين كل حاجه فى البلد تقريبا ومش سايبين فرصه لأى حد يشتغل غيرهم ..... ده غير ان عيلة الجراح خسروا اراضى كتير نتيجة شغلهم مع عيلة صقر ..... كل ده كوم والاراضى اللى اخدها منهم اسامه قبل ما يموت كوم تانى وانت عارف ان اسامه اخدها منهم بالغصب وبطريقه قذره
انا : ليه هى مش قمر رجعتهلم الارض تانى بعد حبس ابوها
اكرم : قمر رجعت ارض الكل معادا عيلة الجراح
انا : ليه كده
اكرم : الحكومه حطت ايديها على الارض دى وباقى الممتلكات اللى مالحقتش تبيعها قبل ما تسيب البلد وتسافر
انا : ههههههههههه
اكرم : بتضحك ليه
انا : بضحك على الزمن واللى بيعمله ...... الارض اللى اخدها عيال الجراح بالنصب اتاخدت منهم برضه بالنصب
اكرم : ده انتقام ***
انا : ولسه ياما هيشوفوا طول ما الطمع ماليهم
• اخدنا قعدتنا مع الحاج اكرم وبعد كده اخدت يوسف ولفينا فى البلد ....قعدنا فى البلد 3 ايام وبعد كده رجعنا القاهره تانى
• اول ما وصلت القاهره كلمت دياب وكريم علشان اقابلهم فى الفيلا عندى
دياب : حمد *** على السلامة
انا : **** يسلمكم .....طمنونى ايه اخر الاخبار
كريم : الاخبار عندك انت
انا : طمنونى على الشغل الاول
دياب : قدرنا نلم الدنيا فى الوزاره بخصوص اللى حصل .... واتفقنا ان احنا هنمد شهرين علشان نلحق نسلم الشغل اللى اتدمر ده
انا : تفتكر شهرين كفايه
دياب : بالعافيه قدرنا نوصل للأتفاق ده علشان كده هنضطر نشتغل طول الليل والنهار علشان نعوض
انا : بس كده المناقصه هتوقف علينا بخساره
دياب : خسارة الفلوس ارحم بكتير من اننا نخسر اسمنا فى السوق
انا : متخافش يا دياب مفيش خساره هتحصل
دياب : ازاى يا سليم مفيش خساره ..... احنا خسرنا شغل 5 شهور كاملين ده غير الشرط الجزائى اللى ممكن ندفعه لو اتأخرنا فى التسليم وبنسبه كبيره مش هنقدر نسلم فى المعاد ..... ده غير حاجات تانيه كتير اهمها التعويضات اللى هندفعها للعمال اللى ماتوا واللى اتصابوا
انا : ايه ياعم كمية الاحباط اللى فى كلامك ده .... قولتلك مفيش اى خساره ولا حاجه ..... طمنى على احمد صقر
دياب : مفيش جديد ..... قابل استر مره تانى بعد سفرك ده غير انه قالب الدنيا على الرجاله اللى عندنا
انا : معنى كده ان اعصابه متدمره
كريم : ده شئ اكيد
انا : حلو يبقى ده الوقت المناسب علشان الهجوم
كريم : هتعمل ايه بالظبط
انا : اتقل وهتعرف كل حاجه .... بس اهم حاجه علوز اعرف احنا خسرانين كام فى المناقصه بالظبط
دياب : احنا خسرانين تقريبا 100 مليون جنيه .... الشغل اللى راح بالتعويضات وعليهم الشرط الجزائى
انا : كده تمام ...... يبقى لازم احمد صقر يدفع تمن الخساره دى
دياب : ازاى يا فالح
انا : قولتلك اتقل ..... هو احمد صقر فين دلوقتى
كريم : موجود عند استر فى الاستراحه بتاعتها
انا : بقاله قد ايه
كريم : بقاله ربع ساعه
انا : ياترى بيهبب ايه هناك تانى
دياب : فى الغالب بيحاولوا يفهموا اللى حصل بعد ما خطفنا رجالتهم
انا : او ممكن بيرتبوا لمصيبه جديده
دياب : لا مستحيل يعملوا اى حاجه قبل ما يقفلوا اللعبه اللى قبلها ..... قواعد اللعبه بتقول كده
انا : لازم نغير اسلوبنا فى اللعب المره دى
كريم : قصدك ايه
انا : احنا بقالنا كتير ماشيين بطريقة الدفاع ..... كل اللى احنا بنعمله اننا بنستنى ضربتهم ونحاول نتفاداها وبعد كده نرد عليهم ..... فى الاول مكانش فى مشكله علشان كنا قادرين نتوقع ضرباتهم لكن دلوقتى الامور هتخرج عن السيطره وهنخسر كتير بالأسلوب ده ..... علشان كده لازم نغير طريقتنا ونبدأ احنا فى الهجوم
كريم : مين قالك يا سليم ان احنا بندافع بس ..... لا احنا بنهاجم بس فى طريق تانى هما مش حاسين بيه
انا : انا فاهم كلامك يا كريم كويس بس برضه لازم نشتغل بطريقه جديده شويه
دياب : انت عاوز تعمل ايه بالظبط
انا : اول حاجه لازم نخلص منها سعد صقر
كريم : بس احنا كده بنجازف وبنخسر كارت ممكن نلعب بيه
انا : ليك فى الشطرنج يا كريم
كريم : مش دايما بلعب بس بعرف العب
انا : فى الشطرنج فى نصيحه مهمه جدا بتقول ان لو خصمك معاه زوج من الفيله لازم تكسر واحد منهم بالطريقه دى انت هتعادل قوة خصمك مع قوتك لان خصمك هيخسر السيطره على المربعات اللى كان بيتحرك عليها الفيل اللى انت كسرته ..... واستر دلوقتى معاها اتنين فيله احمد صقر وسعد صقر علشان كده لازم نكسر واحد من الاتنين دول فى اسرع وقت ممكن
كريم : كلامك منطقى بس انا شايف ان احنا لو خلصنا من سعد زى ما انت عاوز اكيد استر هتجيب بديل مكانه وساعتها مش هنبقى عارفين مين البديل ده
انا : متخافش استر مش هتلحق تجيب اى بديل لأن الضربات هتنزل فوق دماغها وراء بعض ومش هتلحق تفوق منها
كريم : ضربات ايه دى
انا : هى دى الطريقه الجديده اللى احنا هنشتغل بيها
كريم : مش فاهم قصدك
انا : انا هفهمك ..... احنا هنضرب فى كل الاتجاهات .....هنضرب فى البورصه وهنضرب فى سوق السلاح وهنضرب فى سوق الادويه ..... للزم نخليهم مش شايفين قصادهم من الضرب
كريم : الكلام اللى بتقوله ده خطر جدا ولازم ناخد موافقة الفهد الاسود قبل ما نعمل اى حاجه
انا : ماتخافش يا كريم انا كلمت الفهد الاسود وشرحتله اللى فى دماغى وهو موافق
دياب : هنبدأ ازاى دلوقتى
انا : انا اللى هبدأ اول خطوه
كريم : هتعمل ايه يا سليم بالظبط
انا : لازم اقابل احمد صقر النهارده بعد ما يرجع من عند استر
دياب : هتقابله ليه
انا : بعد المقابله هتعرف
كريم : طب وسعد هنعمل معاه ايه
دياب : سيب سعد عليا انا هتصرف معاه
انا : انت ملكش دعوه بسعد نهائى يا دياب
دياب : ايه معنى الكلام ده يا سليم
انا : ده مش وقت تصفية حسابات شخصيه يا دياب ..... نخلص اللى احنا بنعمله وبعد كده اعمل اللى انت عاوزه
كريم : انت ناوى على ايه يا سليم
انا : عاوزك تخطف سعد الليله وتخلص على كل رجالته اللى تحت عينك
كريم : وبعدين
انا : تطلع بيه على فيلا المقطم واحبسه هناك مع رجالة احمد صقر
دياب : وهنعمل ايه بعد كده
انا : انا عارفك يا دياب عاوز ايه وهسيبك تلعب شويه مع سعد بس بحدود علشان خاطرى
دياب : ماشى يا سليم
انا : يلا يا كريم اتحرك وشوف هتنفذ ازاى بس اهم حاجه عندى سعد يبات الليله فى المقطم
كريم : حاضر يا سليم
انا : واول ما احمد صقر يوصل الفيلا بتاعته بلغونى علشان اقابله
كريم : حاضر يا سليم
• بعد ما كريم مشى
دياب : هتعمل ايه بالظبط مع احمد صقر
انا : سيبك من احمد صقر دلوقتى وخلينا فى المهم عاوزك بكره تجمعلى كل سماسرة البورصه اللى بنتعامل معاهم
دياب : ليه
انا : لازم نحد خطه للتعامل فى الفتره اللى جايه ولازم نحمى الاسهم بتاعتنا
دياب : ماشى يا سليم
انا : عاوزك كمان تكلم ابراهيم فى اسبانيا ياخد اول طياره ويكون هنا فى مصر
دياب : صعب جدا نخلى ابراهيم ينزل مصر دلوقتى خصوصا انه كان هنا فى مصر من اسبوعين ولو نزل تانى دلوقتى يبقى هنلفت نظر الناس
انا : لازم نتصرف ونلاقى طريقه ندخل بيها ابراهيم مصر من غير ما اى حد يعرف
دياب : طب فهمنى انت محتاجه فى ايه
انا : محتاجه فى اكتر من موضوع بس اهم موضوع فيهم هو تأمين الشغل بتاعنا والضربات اللى هتحصل فى الفتره اللى جايه
دياب : ابراهيم ممكن يخلص كل حاجه وهو فى مكانه مش لازم ينزل مصر
انا : انا عارف ان ابراهيم ممكن يخلص كل حاجه من مكانه بس برضه لازم ينزل مصر ضرورى
دياب : فهمنى ايه اللى فى دماغك يا سليم
انا : هفهمك يا دياب ..... احنا داخلين على حرب كبيره ولازم نجمع الجيش بتاعنا كويس علشان نعرف نكسب ..... لكن لو كل واحد فى بلد هيبقى صعب نكسب
دياب : فهمتك ..... هتصرف والاقى طريقه اجيب بيها ابراهيم
انا : كده تمام
دياب : طب همشى انا دلوقتى ولو فى جديد كلمنى
انا : ماشى يا دياب
• من ناحيه تانيه عند استر يعقوب فى الإستراحه قاعده مع البيرت واحمد صقر
استر : لسه مفيش جديد يا احمد بالنسبه للعامل والراجل بتاعك
احمد : قالب عليهم الدنيا ومش لاقيهلهم اى اثر زى ما تكون الارض اتشقت وبلعتهم البيرت : ممكن يكون دياب وصلهم
استر : كل شئ وارد
احمد : خلينا نفترض ان دياب وصلهم ايه اللى يخليه يسكت طول الايام اللى فاتت من غير ما يعمل اى حركه من حركاته
البيرت : عندك حق .... دياب لو وصلهم كان ابسط حاجه ممكن يعملها انه يواجهك بيهم او يرد الضربه
احمد : هو ده اللى انا اقصده
استر : طب انت ملاحظتش حاجه على دياب فى الايام اللى فاتت
احمد : لا خالص ده بيتعامل عادى جدا ولا كأن فى حاجه حصلت
البيرت : ده اكبر دليل على ان فى حاجه مش مظبوطه بتحصل ولازم نعرفها
استر : عندك حق يا البيرت ف حاجه غلط
البيرت : والحاجه دى انا شاكك انها فى اسبانيا لان رجالتنا هناك رصدوا رجالة دياب بيعملوا حاجات غريبه
استر : حاجات زى ايه
البيرت : رصدناهم بيقابلوا ناس ليها علاقه بالمخابرات
استر : اى جهاز مخابرات بالظبط
البيرت : ده اللى بنحاول نعرفه بالظبط لان كان فى منهم اللى تبع المخابرات المصريه وفى ناس تانيه لسه بنحاول نجمع معلومات عنهم
استر : لازم نعرف مين دول بالظبط وبيعملوا ايه فى اسرع وقت
البيرت : ده اللى شغالين عليه
احمد : خلينا فى المهم دلوقتى ...... هنتصرف ازاى دلوقتى لو طلع الرجاله اللى اختفت موجودين عند دياب
استر : اتصرف طبيعى جدا ولو حصلت مواجهه بينك وبين دياب انكر اى كلام
احمد : حتى لو انكرت دياب مش هيصدق وهينتقم
استر : قولتلك متخافش احنا موجودين حواليك وهنحميك
احمد : الكلام ده هينفع لو كان انتقام دياب انه يقتلنى ساعتها هعرف كويس ادافع عن نفسى ومش هحتاج حمايه من اى حد
استر : قصدك ايه
احمد : انا اعرف دياب من سنين كتير ..... دياب انتقامه مش بالقتل والدم .... انتقام دياب حاجه تانيه خالص .... دياب لو كان انتقامه بالقتل كان قتلنا كلنا من زمان وانتى اولنا ..... دياب هينتقم بطريقه محدش يقدر يمسك عليه بيها اى حاجه .... انتقام دياب محدش فينا هيقدر يتوقعه
استر : .......
احمد : ساكته ليه .... عارفه ان عندى حق فى كلامى
استر : مش للدرجه يا احمد
احمد : لا اكتر من كده كمان ...... دياب بدأ انتقامه من العيله من زمان ..... سيطر على ابنى لدرجة ان انا مابقاش ليا كلام عليه .... وسيطر على اختى ..... وساعد فى القبض على خالى ..... وبقى راعب ابويا وامى ..... دياب قدر يسيطر على العيله بالكامل وكلهم تقريبا بيخافوا منه ..... دياب مش باقيله غير حاجه بس علشان يقدر يحكم العيله
استر : حاجة ايه
احمد : يخلص منى ..... انا العقبه الوحيده اللى فى طريق دياب لو قدر يخلص منى يبقى هيسيطر على العيله
استر : طب والحل ايه دلوقتى
البيرت : انا يا ما حذرتك من دياب يا استر .... قولتلك الحل الوحيد هو ان احنا نقتله ونخلص منه لكن انتى الظاهر انك حبيتى اللعب معاه او يمكن حبيتى دياب نفسه لحد ما بقينا دلوقتى كلنا خايفين منه
استر : خلاص يا البيرت كفايه
البيرت : فعلا كفايه ..... الكلام ملهوش فايده
احمد : هنتصرف ازاى دلوقتى
استر : ارجع مكانك يا احمد واعمل اللى اتفقنا عليه ..... وانت يا البيرت شوف رجالتك وتابع معاهم كويس عاوزين نعرف ايه حكاية المخابرات دى
البيرت : حاضر
احمد : انا همشى ولو فى جديد بلغونى
• خرج احمد صقر من عند البيرت ورجع الفيلا بتاعته
• نرجع عندى انا كنت قاعد فى الفيلا وجاتلى مكالمه بتبلغنى ان احمد صقر رجع الفيلا ..... اتصلت بيه وطلبت اقابله وفعلا روحتله الفيلا
احمد : خير يا سليم فى حاجه
انا : ما أظنش انه خير يا احمد
احمد : فى ايه بالظبط
انا : انت عاوز مننا ايه بالظبط
احمد : انتوا مين بالظبط علشان مش فاهم
انا : انا ودياب
احمد : وانا هعوز منكم ايه
انا : قول لنفسك الكلام ده
احمد : ياريت تدخل على طول فى الموضوع وبلاش شغل اللف والدوران ده انا مش فاضى
انا : ماشى يا احمد هدخل فى الموضوع على طول ..... تقدر تقولى انا ودياب عملنالك ايه علشان تدمر شغلنا بالطريقه دى ..... طب سيبك منى انا ودياب .... تقدر تقولى ايه ذنب العمال الغلابه اللى راحوا فى الرجلين بعد المصيبه اللى انت عملتها
احمد : انت جاى تلبسنى مصيبه يا سليم ولا ايه
انا : انا وانت عارفين كويس ان اللى حصل فى الموقع عندى انت السبب فيه
احمد : وايه دليلك على التهمه دى
انا : انت متاكد انك عاوز الدليل يا احمد
احمد : ايوه متاكد
انا : طب اتفرج يا سيدى
• طلعت تليفونى وشغلت فيديو فيه اعتراف للعامل ولناصر بكل اللى حصل ومين وراهم بالظبط
احمد : كدب وتلفيق .... انا معرفش مين دول ..... دول اكيد ناس انت جايبهم علشان تلبسنى اللى حصل عندك
انا : وانا هستفاد ايه لما اعمل كده
احمد : اسأل نفسك
انا : انا فعلا سألت نفسى بس مالقيتش اى اجابه ..... عارف يا احمد بعد اللى حصل قعدت مع نفسى وفكرت فى حاجات كتير حصلت زمان ولسه بتحصل لحد دلوقتى ..... طول عمرى بحب اخد عبره من كل حاجه بتحصل حتى لو مكانتش ليا
احمد : اخلص يا سليم
انا : صحيح يا احمد هى تجارة الاثار بتكسب اووووى كده
احمد : اثار ايه يا سليم
انا : انا وانت عارفين كويس ان كل اللى انت فيه ده اصله تجارة الاثار
احمد : انت بقى جاى تلبسنى كل التهم دى فى قعده واحده
انا : انا عمرى ما اتكلم من غير دليل
احمد : وايه بقى دليلك على موضوع الاثار ده كمان
انا : زمان .... من سنين كتير ..... بعد ما نجحت فى امتحانات الإبتدائيه انا ويوسف العصار وطلعنا الاوائل على المديريه ..... الحاج اكرم العصار جاب تليفون هديه ليوسف ابنه وجابلى تليفون زيه بالظبط ..... كان تليفون بكاميرا وحلو وغالى وقتها وانا كنت فرحان بيه جدا علشان حاجتين ...... الحاجه الاولى انه كان هديه من الحاج اكرم اللى بعتبره ابويا .... وتانى حاجه انه كان يعتبر احنا اول ناس فى اصحابنا نمسك تليفون محمول
احمد : وانا مالى بالكلام ده كله
انا : ما انا جايلك فى الكلام
احمد : اخلص
انا : بعد الحكايه دى بشهرين تقريبا كنت بتمشى فى البلد بعد العصر تقريبا وشوفتك داخل بيت سيف الهوارى ..... انا قولت عادى مافيهاش حاجه ..... لكن يومها بعد نص الليل كنت راجع البيت عندى وكان معايا يوسف واسامه وشوفناك داخل بيت جدك المهجور وكان معاك سيف وابوه وكام راجل كده ..... فى الاول طنشنا .... انا دخلت بيتنا ويوسف واسامه كل واحد رجع بيته ..... تانى يوم فى نفس الوقت شوفتك داخل البيت تانى مع نفس الناس وقتها شكيت انك بتعمل حاجه غلط
احمد : ......
انا : ساكت يعنى
احمد : بسمعك وبشوف اخرة الخيال اللى بتحكيه
انا : ماشى يا سيدى هكملك الخيال .... بعد يومين بالظبط كنت نايم وصحيت قلقان قبل الفجر بشويه وكان فى صوت عربيات فى الشارع ..... بصيت من الشباك شوفتك واقف وفى عربيه نقل كبيره بتنزل شنط ..... وقتها طلعت بسرعه فوق سطوح بيتنا علشان اعرف اشوف كويس ..... وقتها شوفت اللى كنت متوقعه ..... شوفت ناس خارجه من بيتك بتماثيل دهب واثار ..... وقتها محسيتش غير وانا بمسك تليفونى وافتح الكاميرا واصور كل اللى انا شايفه ..... بصراحه مش عارف كنت بصور ده ليه ولا هعمل بيه ايه بس دلوقتى عرفت .... عرفت ان اى حاجه بتحصل لازم نركز فيها ونعرف نستغلها كويس ودلوقتى وقت الاستغلال
• شغلت الفيديو اللى كنت مصوره لأحمد صقر واول ما شافه اتصدم
احمد : عاوز ايه يا سليم دلوقتى
انا : بسبب اللى انت عملته احنا خسرنا اكتر من 100 مليون جنيه وانت مطالب بيهم
احمد : وايه اللى يخلينى ادفع الرقم ده كله ...... انا اقدر اقولك الفيديو اللى معاك ده تبله وتشرب مايته ...... ده فيديو ملهوش اى لازمه وانا اعرف اطلع منها
انا : ههههههههه عيبك انك متسرع ...... تخيل بقى لما الفيديو ده والفيديو اللى قبله بتاع رجالتك يوصل لدياب ويعرف ان انت اللى وراء المصيبه دى ..... تخيل ايه هيكون رد دياب على اللى حصل
احمد : هو دياب ميعرفش حاجه
انا : لا لسه دياب ميعرفش اى حاجه عن اللى بقوله ..... ورجالتك تحت ايدى انما لو عاوز تذيع قول ذيع وانا اعرف دياب على كل حاجه ..... حتى الحاجات اللى هو ميعرفهاش عن شغلك مع سيف الهوارى
احمد : من الواضح ان انت عارف حاجات كتير جدا
انا : اكتر مما تتخيل
احمد : وانا موافق يا سليم
انا : موافق على الدفع ولا انى اقول لدياب
احمد : لا هدفع
انا : كده متفقين ..... بكره هبعتلك تقرير فيه كل الخساير اللى احنا هنتحملها وانت اللى هتدفعها بالكامل ..... وياريت المره الجايه لما تلعب ابقى العب بشرف
احمد : انا هدفع بس بشرط
انا : انت هتدفع بدون اى مقابل او شرط
احمد : لا يا سليم لازم تسمع شرطى
انا : اتفضل قول
احمد : انا هدفع مقابل انى اخد الفيديو اللى معاك واستلم رجالتى اللى تحت ايدك
انا : وانا مش موافق على الشرط ده ..... انت دلوقتى فى موقف ضعف ومش من حقك تتشرط ..... رجالتك والفيديوهات دى هتفضل تحت ايدى وانت هتدفع ...... على فكره انا مش هاممنى الفلوس اللى بطالب بيها دى ..... انا بطالب بيها بس علشان اعلمك انت بتلعب مع مين وممكن يعمل ايه ..... سلام يا احمد وبكره هيكون عندك التقرير وبعد بكره فلوسى تدخل حسابى اللى هبعتهولك مع التقرير
• سيبت احمد صقر ومشيت رجعت الفيلا ..... اول ما وصلت الفيلا كان بنات عمى متجمعين مع بعض
انا : بخاف لما بلاقيكم متجمعين كده ..... بحس انكم بتخططوا لحاجه
مريم : ليه بتقول كده
انا : مش عارف بس مش مستريح
لمياء : كل الحكايه ان شرين وطارق عاوزين يتجوزوا
انا : مش لسه بدرى شويه ..... وبعدين احنا كنا متفقين انهم يتجوزوا بعد ما شرين تخلص جامعه
لمياء : وفيها ايه لما يتجوزوا وتكمل دراسه براحتها
انا : انتى رائيك ايه فى الكلام ده يا شرين
لمياء : اللى انت شايفه صح انا معاك فيه ..... انت ابن عمى واخويا الكبير واكتر واحد عارف مصلحتى
انا : سيبك منى انا خالص وقوليلى رائيك بصراحه من غير كسوف
شرين : ........
انا : ساكته يعنى
مريم : هى مكسوفه تقولك انها موافقه
انا : اسمعها منها الأول
شرين : مممم ممممم
انا : بتمامأى ليه دلوقتى
شرين : موافقه يا سليم
انا : قولى كده من الاول
شرين : يعنى انت موافق
انا : ادينى وقت افكر وارد عليكى دى حاجه مش بسيطه
مريم : هتفكر فى ايه بالظبط
انا : شرين مسئوله منى واى حاجه تخصها لازم احسبها الاول وبعدين انا قولت عاوز مهله للتفكير
شرين : خد وقتك يا سليم براحتك وانا هحترم قرارك مهما يكون
انا : ايه العقل ده كله
شرين : لانى واثقه فيك وفى قراراتك ومتأكده انك هتختار الصح
انا : ماشى يا ستى انا كل اللى محتاجه كام يوم افكر واحسبها
شرين : وانا قولتلك خد وقتك
• فجأه دخلت علينا الشغاله
انا : خير فى حاجه
الشغاله : دياب باشا منتظر حضرتك بره
انا : انا هخرجله
• خرجت لقيت دياب وكريم منتظرين اخدتهم ودخلنا الأستديو اللى فى الجنينه
انا : طمنونى عملتوا ايه
كريم : كله تمام ..... سعد موجود فى المقطم
انا : ورجالته
كريم : ماتوا كلهم
انا : كده حلو ..... نستعد بقى للنقله الجديده
كريم : هتعمل ايه تانى
انا : عملت ايه يا دياب فى موضوع ابراهيم
كريم : انا اتصلت بيه وطلع بالصدفه نازل مصر علشان فرح اخته الاسبوع اللى جاى
انا : كده حلو جدا ...... يعنى هينزل طبيعى قصاد احمد صقر من غير ما يشك فى حاجه
دياب : ايوه تمام
انا : كلمت السماسره بتوعنا فى البورصه
دياب : ايوه كلمتهم ومعادهم معانا بكره فى الشركه
انا : كده كويس
دياب : طمنا انت عملت ايه مع احمد صقر
انا : بكره هبعتله ميزانيه بالخساير وهو هيدفع كل حاجه
دياب : بسهوله كده
انا : لا طبعا مش بسهوله ..... انا فهمته ان انت متعرفش انه متورط فى الموضوع ده وهددته بيك
دياب : بس كده ..... مش عارف ليه مش مصدقك
انا : انت ليك النتيجه ولا الطريقه
دياب : الاتنين ..... لازم اعرف انت هددت احمد صقر ازاى وايه الحاجه اللى نزلت علشانها الاقصر مخصوص
انا : انا ماسك احمد صقر من رقبته ويادوب هددته ب 10% بس من اللى عندى
دياب : ايه اللى عندك بالظبط واللى يخلى احمد صقر يخاف منك كده
انا : هددته بفيديو قديم معايا لأحمد صقر وهو بيبيع الاثار اللى كانت فى بيت جده زمان
دياب : والفيديو ده وصلك ازاى
انا : انا اللى مصوره بنفسى
دياب : صورته امتى وازاى
انا : صورته من اكتر من 15 سنه
دياب : انت عاوز تقنعنى ان طول السنين اللى فاتت معاك فيديو تقدر تهدد بيه احمد صقر
انا : وفيها ايه دى
دياب : ورينى الفيديو ده كده
• خرجت تليفونى وفرجت كريم ودياب على الفيديو
دياب : ده فعلا فيديو قديم .... بس اللى انا مش قادر افهمه انت ليه ما استغلتش الفيديو ده طول السنين فاتت
انا : استغله ازاى يعنى
دياب : كان ممكن تهدد بيه احمد صقر وتطلب منه فلوس كتير علشان تسكت ..... واعذرنى يا سليم انت كنت فقير ومش لاقى
انا : وليه اهدد واحد مفيش بينى وبينه اى مشكله ..... ولا ليه اطمع فى رزق مش بتاعى اصلا ..... انا الحمد *** طول عمرى راضى بحالى وعمرى ما بصيت على حاجه فى ايد غيرى علشان كده **** كرمنى ورزقنى من وسع
دياب : طب انت صورت الفيديو ده ليه اصلا طالما مش ناوى تستغله
انا : صدقنى وقتها ماكنتش اعرف انا بصوره ليه
كريم : انت غريب جدا يا سليم ..... يعنى كنت راضى تعيش فى الفقر ومعاك اللى يخليك تعيش ملك
انا : ولا غريب ولا حاجه ..... انا طول عمرى عايش ملك حتى لو فقير ..... الغنى فى النفوس مش فى الفلوس ..... تقدر تقولى واحد زى احمد صقر عمل فلوس كتير من الاثار اللى طلعها من بيت جده ..... هل الفلوس ده قدرت تخليه يقتنع ويبطل ..... بالعكس احمد صفر من بعدها اشتغل فى الاثار اكتر وبرضه لسه طمعان ومش راضى وتقريبا هيعيش طول عمره مش راضى ...... لكن انا عشت طول عمرى راضى بالقليل ..... فرحت جدا لما اشتغلت عند طايع لان الشغل ده كان فيه راحه بالنسبالى ..... ولما سيبت طايع ونزلت القاهره اشتغلت مندوب مبيعات وبرضه كنت راضى برغم انها كانت شغلانه صعبه ..... ولما اشتغلت فى شركة عمى فرحت ورضيت ..... عارف يا كريم ... **** بيقيس قوة الصبر عند اى انسان وعلى اساسها بيرزقه وزى ما انت شايف كده **** رزقنى ازاى ..... **** رزقنى بأضعاف الفلوس اللى كان ممكن اخدها من احمد صقر
كريم : عندك حق يا سليم
دياب : وياترى فى حاجات تانى ماسكها على احمد صقر
انا : .......
دياب : ساكت يعنى
انا : سيبك منى دلوقتى وخلينا فى المهم
دياب : ماشى يا سليم اهرب براحتك
كريم : جهزوا نفسكم انتوا الاتنين علشان الجماعه هيوصلوا من السفر فى خلال يومين بالكتير
انا : ازاى ده يعنى ..... احنا مش متفقين على الاسبوع اللى جاى
كريم : فى حاجات جديده حصلت علشان كده كان لازم نعجل بالاجتماع
انا : ايه اللى حصل بالظبط
كريم : استر كشفت اكتر من واحد من رجالتنا فى اسبانيا
انا : دى مصيبه
كريم : مصيبه لو احنا معرفناش فى الوقت المناسب ..... لكن احنا قدرنا نعرف فى الوقت المناسب وهنتصرف فى الموضوع ده
انا : طب انت جهزت المكان اللى هيقعد فيه الجماعه
كريم : كل حاجه جاهزه
• من ناحيه تانيه عند استر قاعده فى مكتبها ودخل عليها البيرت
استر : شكلك بيقول ان فى مصيبه جديده
البيرت : سعد صقر اتخطف وكل رجالته اتقتلوا
استر : انت بتقول ايه
البيرت : زى ما سمعتى كده
استر : دياب اللى عمل كده
البيرت : مفيش غيره اللى يعمل كده
استر : سيبنى يا البيرت دلوقتى
• نرجع عندى انا ودياب وكريم قاعدين بنتناقش مع بعض وفجأه تليفون دياب رن
دياب : استر بتتصل
انا : يبقى اكيد خبر سعد وصلها ..... رد عليها واتصرف طبيعى جدا ولا كأنك عارف حاجه
دياب : كنت هعمل كده فعلا
• رد دياب على استر
استر : ازيك يا دياب
دياب : بخير
استر : كنت عاوزه اقابلك
دياب : خير فى حاجه ضرورى
استر : كنت عاوزه اتناقش معاك فى خط انتاج الدواء الجديد اللى شركة الجراح هتبدأ فى انتاجه
دياب : والموضوع ده يخصك فى ايه
استر : ازاى يعنى يخصنى فى ايه ..... انت ناسى ان انا شريكه فى المصنع
دياب : هى دى حاجه تتنسى برضه
استر : يعنى من حقى اعرف كل حاجه بتحصل فى المصنع واقول رائى فيها كمان
دياب : من حقك تعرفى ده شئ طبيعى واظن انك عرفتى ..... لكن حكاية انك تقولى رائيك ده مش من حقك ..... انتى يادوب شريكه بنسبة 10% وباقى المصنع كله تحت ايد سليم الجراح وبنات عمه وانا معاهم وطالما انا وسليم موافقين يبقى انتى ملكيش رأى ..... واظن ان العقد اللى بينا بيقول كده
استر : حلوه وملعوبه يا دياب ..... طالما كده يبقى ورينى هتاخد موافقة منظمة الصحه ازاى علشان تصنع الدواء ده
دياب : هههههههههه مسكينه يا استر
استر : قصدك ايه بالضحكه دى
دياب : انا اخدت الموافقه خلاص وكل حاجه ماشيه قانونى وخط الانتاج هيبدأ من اول الشهر واوعدك اول جرعه دواء هننتجها هبعتهالك هديه
استر : الظاهر كده انك مش هتجيبها لبر يا دياب
دياب : واجيبها لبر ليه طالما بعرف اعوم كويس
استر : ماتنساش ان البحر غدار وانت مش قد غدره
دياب : متخافيش انا عامل حساب الغدر كويس ..... واذا كان على اللى حصل عندى فى الموقع مسيرى هعرف مين اللى وراها وادفعه التمن ولو انى عارفه كويس بس مش هينفع اواجهه من غير دليل
استر : **** معاك ..... عاوزاك تركز كويس فى كل حاجه اليومين دول
دياب : هعمل بنصيحتك ..... سلام
استر : سلام يا دياب
• قفلت استر مع دياب
دياب : قولتلك يا سليم استر مش هتسكت على الدواء الجديد ..... ده مصنعها يعتبر المصنع الوحيد فى العالم اللى بينتج الدواء ده
انا : علشان كده هى اللى بتتحكم فى سعر الدواء ده ..... علشان نكسب استر لازم ننتف ريشها كله علشان متعرفش تطير وساعتها هتبقى فريسه ساهله
دياب : انا مستغرب انها مجابتش سيرة سعد
كريم : ده شئ طبيعى ..... استر اصلا اتصلت علشان تجس النبض وتشوفك هتعمل ايه ومكانش ينفع تبان مهزومه اكتر من كده
دياب : تفتكر استر هتعمل ايه دلوقتى
كريم : هتمسكك من ايدك اللى بتوجعك علشان تستسلم
دياب : ازاى يعنى
كريم : انت عندك اكتر من نقطة ضعف بس اهم نقط عندك هما سليم صقر وليندا وريهام
دياب : استبعد سليم من الموضوع لانها مش هتجازف بعلاقتها مع احمد صقر
كريم : انت نسيت قواعد اللعبه ولا ايه يا دياب ..... اول خطر تستبعده هو لازم تاخد بالك منه
دياب : عندك حق يا كريم ..... يعنى استر ممكن تخطف سليم وتساومنى
كريم : استر ممكن تعمل اى حاجه وصعب نتوقع دلوقتى هى بتفكر ازاى
دياب : زود الحراسه على سليم من غير ما اى حد يحس ..... وزود الحراسه على الفلل هنا سواء الفيلا بتاعتى او فيلا الجراح .... حتى فيلا احمد صقر حاول تشوف طريقه وتزرع كام واخد من رجالتنا وسط الحراسه بتاعتهم
كريم : بالنسبه لسليم انا هعمل كده فعلا ..... وبالنسبه لأحمد صقر انا قدرت ازرع رجالتنا وسط رجالته من بعد ما غير كل طقم الحراسه القديم
دياب : كده حلو ..... عاوزك كمان تعملى تقرير يومى عن كل تحركات سليم
كريم : حاضر ..... ولو ان سليم مش بيروح اى مكان غريب يادوب بيروح المدرسه او النادى واحيانا بيزور اصحابه فى بيوتهم ..... واصحابه دول عيال تافهه مفيش منهم اى قلق
دياب : والجنس اللطيف يا كريم ..... سليم دلوقتى فى سن المراهقه وده اسهل طريق ممكن اى حد يدخل منه
كريم : بالنسبه للموضوع ده فعلا فى بنت اسمها مليكه معاه فى المدرسه وبتحاول تتقرب منه بس سليم مطنشها ومش مديلها اهتمام
دياب : مين مليكه دى بالظبط وايه حكايتها وياترى بتحاول معاه من زمان ولا الفتره دى
كريم : زى ما قولتلك هى معاه فى المدرسه وعايشه مع والدتها فى كمبوند قريب من هنا ..... والدها منفصل عن امها ومتجوز واحده تانيه وعايش ايطاليا ..... والدتها مديرة بنك
دياب : مش عارف ليه مش مرتاح للبنت دى
كريم : انا حاطط عينى عليها متخافش خالص
انا : كده كل حاجه تمام ..... نتقابل بكره فى الشركه علشان نرتب للجديد
دياب : تصبح على خير يا سليم
• مشى دياب وكريم وانا دخلت الفيلا اخدت شاور ونمت على طول من التعب ..... صحيت الساعه 6 الصبح لقيت مريم صاحيه
انا : صباح الخير يا حبيبتى
مريم : صباح النور يا سليم
انا : ايه اللى مصحيكى بدرى كده
مريم : انا مانمتش اصلا
انا : ليه كده ..... فى حاجه مضايقاكى
مريم : انت مش ملاحظ ان احنا متجوزين بقالنا اكتر من 5 شهور ولحد دلوقتى محصلش حمل
انا : هو ده بقى اللى مضايقك
مريم : وانت شايف ان ده موضوع بسيط ومايستاهلش
انا : انتى ليه محسسانى ان احنا متجوزين من 5 سنين ..... يابنتى احنا يادوب متجوزين من 5 شهور بس ووارد جدا ان الحمل مايحصلش فى اول سنه عادى يعنى
مريم : طب ايه رائيك نروح نكشف ونحلل
انا : وافرض كشفنا وطلع فى عيب فى اى حد فينا احنا الاتنين ايه هيحصل وقتها ..... انتى ممكن تسيبينى
مريم : لا طبعا سواء كان العيب فيا او فيك مش هسيبك مهما حصل
انا : يبقى ايه لازمة الكشف اصلا
مريم : بس لو فى مشكله نحاول نعالجها قبل ما يفوت الاوان
انا : .........
مريم : ساكت ليه يا سليم
انا : مش عارف اقولك ايه
مريم : لا يا سليم لازم تعرف هتقول ايه
انا : حاضر يا مريم هسمع كلامك ونكشف
مريم : امتى يا سليم
انا : اى وقت انتى تكونى مستعده
مريم : انا هكلم لمياء واشوف ايه التحاليل المطلوبه ونعملها على طول
انا : طب تمام شوفيها وبلغينى ..... انا قايم اخد شاور علشان الحق اروح الشغل
مريم : لسه بدرى على الشغل احنا الساعه 6 دلوقتى
انا : معايا اجتماع مهم النهارده وفى شغل لازم اخلصه قبل الاجتماع
مريم : خد الشاور بتاعك وانا هنزل اجهزلك فطار
انا : ماتتعبيش نفسك يا حبيبتى انا مليش نفس اصلا
مريم : انت اتضايقت يا سليم من كلامى
انا : عمرى ما اقدر اتضايق منك يا حبيبتى بس انا فعلا مليش نفس للأكل
مريم : حتى لو قولتلك ان انا جعانه وعاوزه افطر معاك
انا : علشان خاطرك انتى اكل كل الاكل اللى فى البيت
مريم : طب يلا خد الشاور بتاعك وهجيبلك الفطار هنا نفطر وبعد كده روح شغلك
انا : حاضر يا حبيبتى
• اخدت شاور ولبست هدومى وفطرت مع مريم وطلعت على الشركه
• من ناحيه تانيه دياب صحى من النوم واتحرك على الشركه ووصل عندى المكتب وشاف السكرتيره
دياب : مستر سليم فى مكتبه
السكرتيره : انا جيت لقيته موجود وطلب محدش يدخله خالص غير حضرتك ولا احوله اى مكالمات
دياب : ليه كده
السكرتيره : شكله متضايق ومتعصب
دياب : انا هدخله
السكرتيره : اتفضل يا فندم
• دخل عليا دياب المكتب
دياب : مالك يا سليم فى ايه
انا : اقعد يا دياب
دياب : شكلها كده حكايه كبيره
انا : مش عارف بس **** يستر
دياب : فى ايه انت قلقتنى
انا : مريم عاوزانى اروح معاها علشان نكشف ونشوف سبب تأخير الحمل
دياب : المفروض فعلا تعملوا كده
انا : هنا بقى المشكله
دياب : ليه يا سليم هو انت فيك حاجه
انا : المشكله ان انا تمام ومفيش عندى اى مشاكل
دياب : هو انت كشفت
انا : انا كشفت وعملت كل التحاليل قبل ما افاتح مريم اصلا ولا اعترفلها بحبى ..... وقتها قولت لو فى مشكله يبقى اقفل على الموضوع اصلا
دياب : طالما كده يبقى ايه اللى مضايقك
انا : خايف مريم يطلع عندها مشكله ولا حاجه ساعتها ممكن تحصل مشاكل كتير
دياب : مشاكل ايه بالظبط
انا : الست لما تحس ان مفيش منها فايده دماغها بتودى وتجيب فى مصايب كتير ده غير انها هتشك انى ممكن اسيبها او اتجوز عليها
دياب : لو كان العيب منها انت من حقك تتجوز عليها عادى بس انا عارف انك مش هتعمل كده
انا : مريم بقى مش هتفكر غير فى كده وساعتها الحب اللى عايشين فيه هيتحول لجحيم
دياب : طب انت ناوى على ايه
انا : مش عارف ..... انا من الصبح قاعد بفكر ومش لاقى اى حل
دياب : طب انتوا هتكشفوا امتى
انا : لسه مش عارف ..... مريم هتكلم لمياء وتعرف منها التحاليل المطلوبه وعلى اساس كده هنتحرك
دياب : ياعم ممكن يكون مفيش مشاكل ويطلع تأخير طبيعى ..... ياما فى ناس كتير اخدوا سنين من غير خلفه ومفيش اى مشاكل
انا : انا قولت لمريم الكلام ده بس برضه لازم اعمل حساب كل حاجه كويس انا مش ناقص مفاجآت
دياب : انشاء **** مفيش اى مفاجأت وهيطلع فى الاخر تاخير طبيعى
انا : ياريت يا دياب ..... انا هعمل حركه واتمنى انها تنفع
دياب : حركة ايه دى
انا : اتفرج وانت تعرف
• طلعت تليفونى واتصلت بلمياء
انا : صباح الخير يا لمياء
لمياء : صباح النور يا سليم ..... ليه خرجت بدرى كده
انا : سيبك من الكلام الفاضى ده واسمعينى كويس
لمياء : هاه ..... خير يا سليم فى ايه
انا : الاول فى حد جمبك ولا حاجه
لمياء : حد ..... حد زى مين
انا : يوسف او مريم او شرين
لمياء : لا مفيش حد .... اه مفيش حد انا لوحدى
انا : طب كويس ..... دلوقتى يا ستى مريم قلقانه علشان اتاخرت فى الحمل
لمياء : ايوا هى قالتلى الموضوع ده وانا قولتلها ده شئ طبيعى ومش شرط يكون فى مشاكل بس هى دماغها ناشفه
انا : احنا لازم ناخدها على قد عقلها
لمياء : ايه .... قصدك ايه يا سليم
انا : انا اصلا كشفت وعملت تحاليل من قبل ما اتجوز مريم اصلا او حتى افاتحها فى موضوع الارتباط وكل تحاليلى كويسه ومعنديش اى مشاكل
لمياء : وانت عاوز ايه دلوقتى
انا : لو مريم تحاليلها كويسه يبقى تمام ومفيش مشاكل ..... لكن لو لا قدر **** طلع عندها مشكله اوعى تقوليلها
لمياء : ازاى يعنى يا سليم ..... ماهى لو عندها مشكله ولا حاجه لازم تاخد علاج علشان نحل المشكله
انا : ساعتها ابقى قولى ان احنا الاتنين عندنا مشاكل وابقى اكتبيلى معاها على اى علاج ..... اهم حاجه عندى ان مريم ماتحسش انها بأى عيب او مشكله
لمياء : وتفتكر مريم هتصدق الموضوع ده
انا : انا وانتى معايا هنقنعها
لمياء : مش عارفه اقولك ايه يا سليم
انا : ماتقوليش اى حاجه ..... وعلشان نسبك الحكايه انا هعمل تحاليل تانى مع مريم
لمياء : حاضر يا سليم انا هتصرف ..... بس عاوزه اسألك سؤال
انا : اتفضلى
لمياء : انت معندكش مشكله انك تعيش من غير *****
انا : مش هكدب عليكى واقولك انى مش عاوز ابقى اب .... بس انا عاوز اولادى من مريم مش من اى واحده غيرها ..... مريم بالنسبالى اهم من اى حاجه تانى بس ياريت هى تعرف الكلام ده وتبطل تفكير فى اى حاجه وحشه
لمياء : فهمتك يا سليم
انا : طب انا هقفل دلوقتى علشان معايا شغل وبعد ما هخلص هكلمك
لمياء : مع السلامه
• قفلت مع لمياء
دياب : كويس اللى انت عملته ده كده انت ومريم هترتاحوا ..... انسى بقى الكلام ده دلوقتى وركز علشان معانا شغل مهم النهارده
انا : متخافش يا دياب انا مركز كويس جدا وعارف بعمل ايه ..... هو كريم فين
دياب : مش عارف ..... هو دخل معايا الشركه وبعدها قال انه هيخلص حاجه ويحصلنى
انا : هيكون راح فين يعنى
دياب : اكيد عند هبه .... لانى شوفتها واحنا داخلين الشركه وهو وشه اتغير
انا : هههههههه **** يسهله
دياب : كريم ده وش فقر ومش هيرتاح غير لما يطفش البنت منه
• من ناحيه تانيه كريم قاعد مع هبه فى مكتبها
كريم : مالك يا هبه شكلك زعلانه
هبه : وانت يهمك زعلى يعنى
كريم : طبعا يهمنى زعلك
هبه : ولما انت يهمك زعلى عاوز تبعد عنى ليه
كريم : علشان خايف عليكى ..... عاوز ابعدك عن الخطر ..... انا حياتى اصعب مما تتخيلى
هبه : سيبنى اجرب واحكم بنفسى
كريم : ده مش فستان هتجربيه ولو طلح مش حلو هترجعيه
هبه : انا عارفه كويس انها تجربه مش ساهله وياريت بلاش تتعامل مع عقلى بالسذاجة دى
كريم : انا خايف عليكى
هبه : ماتخافش عليا يا سيدى انا كبيره بما فيه الكفايه وعارفه مصلحتى كويس
كريم : ........
هبه : ساكت ليه ما ترد
كريم : مش عارف اقولك ايه
هبه : قول اى حاجه بس ماتقعدش ساكت
كريم : هتصدقينى لو قولتلك انى بوقف قصادك تايه ومش عارف انا عاوز ايه ..... طول عمرى عايش لوحدى عمرى ماربطت نفسى بأى حد لا اهل ولا اصحاب ولا حبيبه .... طول عمرى بتنقل من مكان للتانى زى عسكرى الشطرنج .... مصيرى مش فى ايدى ..... طول عمر مصيرى فى ايد قوه اكبر منى
هبه : وايه اللى غاصبك على كل ده .... ماتسيب كل التعب ده
كريم : قولتلك مصيرى مش فى ايدى
هبه : انت بتكذب على نفسك ..... انت اللى حابب الحياه دى
كريم : انا فعلا حاببها ومقتنع بيها واحلى حاجه ممكن تحصل انى اموت فيها
هبه : للدرجه دى
كريم : واكتر من كده
هبه : هو انت بتشتغل ايه بالظبط وماتقوليش قائد حرس مستر دياب لانى مش هصدق الكلام ده
كريم : هو فعلا جزء من شغلى حراسه دياب وسليم
هبه : والباقى
كريم : مش مسمحولى اتكلم باكتر من كده
هبه : طب انت تعرف مستر دياب من امتى
كريم : ياه ..... من زمان جدا .... من 25 سنه ..... انا تقريبا اعرف دياب من اول ما هاجر امريكا وهو صغير مع والده
هبه : يعنى انتوا اصحاب من يومها
كريم : وعمرنا ما افترقنا يوم واحد ..... كنا جيران واصحاب فى المدرسه حتى الفتره اللى نزل فيها دياب مصر فى الثانويه لعامه وانا دخلت المدرسه العسكريه علاقتنا فضلت مستمره ويمكن زادت اكتر
• فجأه تليفون كريم رن وكان دياب ورد عليه
كريم : ايوا يا مستر دياب ..... موجود يا فندم ..... دقايق واكون عند حضرتك
• قفل كريم مع دياب
هبه : اللى يشوفك وانت بتكلم دياب مايقولش ان انتوا اصحاب
كريم : الشغل حاجه والعلاقات الشخصيه حاجه تانيه ..... عن اذنك انا لازم اروح لمستر دياب
هبه : انا عاوزه اقعد معاك واتكلم بعيد عن الشركه
كريم : بعدين نشوف الموضوع ده
هبه : مفيش بعدين ..... النهارده هستناك بعد الشغل
كريم : النهارده صعب جدا مش فاضى خالص
هبه : خلاص يبقى هستناك يوم الخميس ..... فى كافيه كويس قريب من الشركه بحب اقعد فيه
كريم : حاضر
هبه : اقسملك ب**** لو ماجيتش انا ممكن اعمل مصيبه
كريم : هاجى ياستى خلاص
• نرجع عندى انا ودياب قاعدين ودخل علينا كريم
انا : ايه يا عم كريم مختفى فين
كريم : مش مختفى ولا حاجه انا موجود اهو ..... فى حاجه حصلت
انا : فى رساله وصلت من الفهد الاسود
كريم : بتقول ايه الرساله دى
انا : الجماعه هيوصلوا بكره بعد نص الليل ..... لكن الفهد الاسود هيوصل بعد بكره فى نفس المعاد
كريم : انا جاهز
انا : هتروح انت تستقبلهم وتطلع بيهم على فيلا المقطم ..... اما بالنسبه للفهد الاسود هينزل فى الفيلا عندك انت يا كريم
كريم : غريبه
دياب : مش غريبه ولا حاجه .... الفيلا بتاعتك بعيده عن الانظار نهائى ومحدش يعرفها غيرنا احنا ده غير انها فى الصحراء وبسهوله الطياره هتنزل هناك من غير ما اى حد ياخد باله
انا : ماتنساش يا كريم ان الفهد الاسود مينفعش يدخل اى مطار خصوصا بعد التطورات الجديده اللى حصلت وعيون استر اللى راصده كل حركه
كريم : تمام ..... يبقى لازم اروح الفيلا النهارده واتطمن على كل حاجه بنفسى .... انا بقالى كتير مش بروح هناك
دياب : طب يادوب تلحق تروح دلوقتى علشان تلحق ترجع بالليل
كريم : يعنى مش هتحتاجونى معاكم
انا : لا اتحرك انت ولو احتجناك هنكلمك
كريم : طب تمام
• فجأه الباب خبطت ودخلت السكرتيره وبلغتنى ان سماسرة البورصه وصلوا ودخلتهم غرفة الاجتماعات ..... اتحركت انا ودياب على غرفة الاجتماعات
انا : انا عارف ان انتوا مستغربين من الاجتماع المفاجئ ده
سمسار 1 : خير يا فندم فى ايه
انا : الفتره اللى جايه هتحصل حاجات كتير لازم نكون مستعدين ليها اتم استعداد ..... بس فى الاول لازم اعرف اخبار اسهم شركاتنا
سمسار 2 : ده تقرير مفصل عن حركة الاسهم طول الشهر اللى فات يافندم ..... واسهمنا مستقره وكل يوم قيمتها بترفع على عكس باقى السوق اللى كل يوم فى حال
انا : كده تمام ..... انا عاوزكم بقى تركزوا كويس فى اللى هقوله
سمسار 1 : احنا مركزين يا فندم
انا : الملف ده فى اسماء شركات كلها تابعه بشكل مباشر او غير مباشر بشركة United group وهتلاقوا كمان فيه حركة الاسهم طول ال 6 شهور اللى فاتت .... الشركه دى اسهمها مستقره بشكل غير طبيعى
سمسار 2 : حضرتك عاوز تشترى اسهم فى الشركات دى
انا : لا
سمسار 1 : امال حضرتك عاوز ايه
انا : عاوز الاسهم دى توقع الارض ..... مش عاوز يبقالها اى سعر ومش عاوز مخلوق يفكر مجرد تفكير انه يشترى سهم واحد
سمسار 2 : حضرتك عارف كويس ان الكلام ده ماينفعش مع شركه زى شركة United دى شركه كبيره وليها ناسها فى البورصه واى لعبه مش مظبوطه ممكن نورط نفسنا فى مشاكل ده غير اسمنا اللى ممكن يوقع فى البورصه
انا : الكلام ده لو هنلعب فى الاسهم نفسها ...... انا مش غبى علشان اخليكم تعملوا حاجه زى كده ساعتها يبقى بضحى بيكم ببلاش وانتوا رجالتى ومن قبلها كنتوا رجالة الدكتور سليم الجراح **** يرحمه
سمسار 1 : حضرتك احنا عارفين كويس المشاكل اللى كانت بين الدكتور سليم وشركة United وعارفين كويس شغلهم القذر بس للأسف مفيش اى دليل على الشغل اللى بيعملوه
انا : الدليل عندى وانا هعرف استغله كويس ..... انا طالبكم النهارده علشان تركزوا مع حركة الاسهم الفتره اللى جايه وعاوزكم كمان تعملوا كل اللى تقدروا عليه علشان تعطلوا حركة الاسهم
سمسار 2 : اذا كان كده بسيطه ..... بس فى حاجه لازم اوضحها لحضرتك ..... الشركات اللى حضرتك بتتكلم عليها دى مش مجرد شركات لا دى كيانات كبيره ..... راس مال اقل شركه فيهم ممكن يوقف اقصاد دول
انا : عارف الكلام ده كويس
سمسار 2 : واى هزه فى حركة الاسهم دى هتأثر على العالم كله مش بس شركات الجراح
انا : متخافش احنا فى الامان واسهمنا مش بسهوله تتهز
سمسار 1 : احنا هندرس الملف ده كويس وهنبلغ حضرتك بكل التفاصيل
انا : كده تمام
سمسار 2 : عن اذن حضرتك
انا : اتفضلوا
• بعد ما مشى السماسره قعدت مع دياب
انا : ليه كنت ساكت طول الاجتماع
دياب : كنت بسمعك علشان اتناقش معاك
انا : قول يا دياب كل اللى فى دماغك
دياب : اول حاجه انت جبت الملف ده من فين
انا : مش انت لوحدك اللى عندك مصادرك الخاصه اللى بتجيبلك كل اللى انت عاوزه
دياب : بس الشركات دى مفيش حد يعرف علاقتها بأستر نهائى ولا حتى الفهد الاسود نفسه
انا : قولتلك كل واحد وعنده مصادره الخاصه
دياب : طب سيبك من عرفت من فين ..... قولى بقى هتدمرها ازاى
انا : هو ده الكلام المهم ..... الورق ده بيثبت تورط الشركات دى فى غسيل الاموال ده غير علاقتهم بمافيا السلاح والمخدرات والأدويه
دياب : ده ورق خطير جدا وصلك ازاى ...... الورق ده الفهد الاسود بقاله سنين بيحاول يوصله ومش عارف
انا : قولتلك من مصادرى الخاصه
دياب : لا يا سليم لازم اعرف انت جبت الورق من فين ...... الورق ده مش موجود غير عند استر نفسها ومحدش يعرف لحد النهارده استر بتخبى ورقها فين .... تيجى انت بكل بساطه توصل للورق ده
انا : **** وفقنى وقدرت اوصله عندك اعتراض
دياب : وياترى ايه فى تانى فى جرابك يا حاوى
انا : لسه فى كتير
دياب : فرجنى
انا : الملف ده فيه ورق بيثبت ان استر ممول رئيسى للمستوطنات الصهيونه ده غير انها بتمول جيش الدفاع الصهيونى ..... وبيثبت كمان تورط استر فى اللى بيحصل فى كل الخراب اللى احنا عايشين فيه من ارهاب ومخدرات وسلاح ومصايب غيرها كتير
دياب : .........
انا : ساكت ليه
دياب : بسمعك للأخر
انا : والملف ده كمان هتلاقى فيه اسماء كل الجواسيس والعملاء اللى قدرت استر تجندهم من اول يوم اشتغلت فيه الشغلانه دى مش بس فى مصر لا ده فى كل مكان فى العالم ..... وهتلاقى فى منهم جواسيس فى قلب المقاومه الفلسطينيه نفسها
دياب : انت مدرك الكلام اللى بتقوله ده
انا : طبعا عارف كوبس انا بقول ايه
دياب : الورق اللى انت بتتكلم عنه بمنتهى البساطه فى اجهزة مخابرات بتجرى وراه بقالها سنين
انا : عارف
دياب : الورق ده مش بس ضربه لأستر لوحدها ..... للى ده ضربه للى وراء استر نفسها
انا : علشان كده لازم نستغل الملفات دى بحرص لأن اى غلطه ممكن تدمر كل الشغل اللى فات
دياب : اهم حاجه دلوقتى نتحرك فيها هى البورصه ..... سوق البورصه سوق كبير وبسهوله نعرف نتعامل معاه
انا : احنا هناقش الكلام ده كله فى الاجتماع مع الفهد الاسود
دياب : يبقى لازم تخفى الورق ده لحد معاد الاجتماع
انا : متخافش دول مجرد صور لكن الاصل موجود فى الامان ..... والصور دى هخلص منها دلوقتى
دياب : ازاى
انا : هتشوف
• اخدت الورق وشغلت مفرمة الورق وحطيته فيها
دياب : كده تمام جدا ..... طب احمد صقر هنعمل معاه ايه دلوقتى
انا : انا جهزت التقرير اللى فيه كل الخساير وهبعته النهارده لأحمد صقر وبكره الفلوس هتدخل حسابى
دياب : وتفتكر احمد صقر هيستسلم بسهوله كده
انا : لا طبعا .... هو اكيد دلوقتى قاعد بيفكر هيرد علينا ازاى ..... او بمعنى اصح بيرتب مع استر للضربه اللى جايه
دياب : انت عارف ان البيرت ورجالته راحوا امبارح بعد نص الليل الاستراحه اللى خطفنا منها سعد صقر
انا : كنت متوقع حاجه زى دى ..... خليهم كده مصدومين من الضربه دى لحد ما يتصدموا بالضربه اللى بعدها
دياب : خد بالك من نفسك يا سليم
انا : متخافش عليا يا دياب ..... انا عارف كويس بعمل ايه
دياب : انت الوحيد اللى معاك خيوط المرحله اللى جايه ولو حصلك اى حاجه هنرجع تانى من الاول
انا : متخافش يا دياب ..... انا لو حصلى اى حاجه هتوصلك كل الخيوط اللى عندى
دياب : هتوصلنى ازاى ..... هو الورق ده فى حد تانى معاه نسخه منه
انا : لا طبعا ..... بس انا سايب خبر مع شخص معين معاه نص الطريق للورق ده
دياب : والنص التانى مع مين
انا : النص التانى مع يوسف
دياب : ليه هو الشخص ده مش يوسف
انا : لا مش يوسف
دياب : مين الشخص ده
انا : لو حصلى حاجه هيجيلك من نفسه متخافش هو عارفك كويس جدا وهيعرف يوصلك
دياب : تمام يا سليم زى ما تحب ...... طب اسيبك انا دلوقتى واروح اشوف شغلى
انا : انا تعبان ومحتاج ارجع الفيلا ارتاح
دياب : خير يا سليم تعبان ليه
انا : حاسس بشوية ارهاق محتاج اروح انام شويه
دياب : تحب اطلب دكتور يكشف عليك
انا : لا مش محتاجه انا بس اروح انام وكل حاجه هتبقى تمام
دياب : طب انا جاى معاك اوصلك
انا : لا متتعبش نفسك وشوف شغلك
دياب : مفيش الكلام ده ..... انا هوصلك وبعدين ارجع الشغل تانى
• نزلت مع دياب ووصلنى الفيلا ورجع الشركه تانى ..... انا دخلت الفيلا وكانت مريم ولمياء وشرين قاعدين مع بعض
مريم : ايه اللى جابك بدرى يا سليم
انا : حسيت نفسى تعبان ومحتاج ارتاح شويه
مريم : انت فعلا وشك اصفر وباين عليك التعب
انا : انا هطلع الاوضه انام شويه وهبقى كويس
لمياء : اطلع الاوضه وانا هجيب شنطتى واكشف عليك
انا : الحكايه مش مستاهله يا لمياء
• فجأه اغمى عليا وانا بتكلم
مريم : الحقينى يا لمياء
لمياء : اطلعى بسرعه يا شرين هاتى شنطتى من الاوضه
شرين : حاضر
لمياء : تعالى يا مريم اسندى معايا علشان نقعده على الكنبه
مريم : حاضر
• نادت مريم على الشغالين وشالونى وووصلنى للكنبه
لمياء : ارفعوا رجله عن مستوى جسمه
• نزلت شرين ومعاها شنطتها ومريم قاعده جمبى منهاره
لمياء : ابعدى يا مريم خلينى اشوف شغلى
مريم : حاضر حاضر
• قاست مريم الضغط والسكر ونبضات القلب
مريم : طمنينى يا لمياء
لمياء : الضغط واطى جدا والسكر كمان واطى
مريم : طب والحل ايه
لمياء : انا هعلقله محاليل دلوقتى
مريم : طب بسرعه يا لمياء ابوس ايدك
لمياء : متقلقيش انا هطلع اوضتى اجيب الحاجه من صندوق الاسعافات ..... وانتى ابعتى اى حد للصيدليه يجيب منها العلاج ده بسرعه
الداده : هاتى يابنتى انا هبعت فتحى يجيب الحاجه
لمياء : اتفضلى يا داده
• عملتلى لمياء الاسعافات اللازمه وفوقت
انا : ايه اللى حصل
لمياء : حمد *** على السلامه يا اخى خضيتنا عليك
انا : هو ايه اللى حصل بالظبط
مريم : فجاه وانت بتكلمنا اغمى عليك .... لمياء قاست الضغط والسكر وكانوا واطيين جدا
لمياء : واضح كده انك اتعرضت لضغط عصبى شديد
انا : كان معايا شغل مهم جدا وكان فى مشاكل فى الشغل
لمياء : لازم تاخد بالك من صحتك شويه يا سليم
مريم : الشغل مش هينفعنا بحاجه لو حصلك اى حاجه لاقدر ****
شرين : وجودك وسطينا يا سليم اهم من اى شغل فى الدنيا
انا : ما تعملوهاش حكايه بقى دول شوية هبوط من ضغط الشغل
مريم : انت بقالك كتير ضاغط نفسك ومش مهتم بأكلك ولا بتنام كويس
انا : الفتره دى تعدى وبعدها هرتاح واعمل كل اللى انتوا عاوزينه
مريم : بابا كان دايما بيقول كده لحد ما مات بسبب الشغل
انا : خلاص بقى ماتعملوهاش حكايه قولنا
لمياء : خلاص يا مريم كفايه كلام واطلعى معاه الاوضه خليه يرتاح لحد ما الغداء يجهز واخلى مرفت تطلعه عندكم فى الاوضه
انا : لا انا مش عاوز اكل دلوقتى ..... انا محتاج انام واشبع نوم الاول وبعد ما اصحى اكل كل اللى انتوا عاوزينه
لمياء : خلاص يا مريم سيبيه ينام براحته
• طلعت الاوضه مع مريم وغيرت هدومى واترميت على السرير وروحت فى ماحسيتش بنفسى غير الساعه 8 بالليل ..... صحيت لقيت مريم قاعده جمبى على السرير
مريم : اخيرا صحيت
انا : هى الساعه كام دلوقتى
مريم : الساعه دلوقتى 8
انا : ياه انا نمت كل ده
مريم : ارحم نفسك شويه يا سليم حرام عليك انا محتجالك
انا : استحملينى يا مريم الفتره دى
مريم : حاضر يا سليم ..... قوم خد شاور على ما ابلغهم يجهزوا الاكل
انا : حاضر يا مريم
• اخدت الشاور ونزلت وكان الكل موجود حتى دياب كان قاعد مع يوسف بعد ما عرف باللى حصل ..... اتعشينا كلنا مع بعض وسهرنا شويه مع بعض نرغى ونهزر بعيد عن القرف وضغط الشغل وبصراحه انا كنت محتاج افصل شويه
• خلص اليوم وكنت بعت لأحمد صقر التقرير وبالفعل تانى يوم جالى اشعار من البنك بتحويل المبلغ ..... يومها اخدت اجازه من الشركه وقعدت فى الفيلا بأمر من لمياء ومريم ودياب
• كريم استقبل الجماعه اللى وصلو من السفر قبل الفهد الاسود ووصلهم فيلا المقطم
• من ناحيه تانيه استر قاعده ودخل عليها البيرت
البيرت : مصيبه يا استر
استر : مصيبة ايه تانى
البيرت : كل شغلنا مهدد بالخطر ..... ومش شغلنا احنا بس لا ده شغل المنظمه كله
استر : ايه فى اخلص
البيرت : مصدرنا عند سليم الجراح ودياب بيقول ان سليم حط ايده على ورق مهم يخص شغلنا وشغلك انتى كمان
استر : ورق ايه ده
البيرت : مصدرنا مقدرش يسمع كل حاجه ..... بس كل اللى قدر يسمعه ورق يخص اسماء ناس انتى مجنداها فى مصر وازاى هما هيعرفوا يتعاملوا معاهم
استر : الورق ده فين
البيرت : للأسف سليم فرم الورق ده فى مكتبه وبعد كده حرقه
استر : دى كارثه .... يعنى دياب مش معاه نسخه من الورق ده
البيرت : لا ..... بس سليم سايب طريقه لدياب علشان يعرف يوصل للورق لو حصله حاجه
استر : كده تمام
البيرت : وفى حاجه تانى
استر : كمل باقى المصايب
البيرت : سليم طلع هو اللى خطف رجالة احمد صقر وطلع كمان ماسك حاجات على احمد صقر وساومه بيها وخلاه يدفع كل الخساير اللى اتسبب فيها ..... يعنى من الاخر الضربه اللى عملناها سليم طلع منها اقوى من الاول
استر : سليم كده وجوده بقى خطر علينا كلنا ولازم نخلص منه
البيرت : قوليلى اعمل ايه
استر : سليم لازم يموت ..... ومش سليم بس
البيرت : قصدك دياب
استر : لا سيب دياب للأخر علشان هو اللى هيوصلنا للورق
البيرت : امال نخلص من مين تانى
استر : كريم ..... لازم اقصقص ريش دياب علشان اعرف استفرد بيه وكمان علشان اوصل للورق ده
البيرت : انا هجهز خطه وبعدين نتحرك
استر : جهز خطه مناسبه واتحرك فورا
البيرت : حاضر
• تانى يوم كريم قاعد فى الفيلا بتاعته وفجأه طياره عملت هبوط عند الفيلا ونزل منها الفهد الاسود وكان كريم فى استقباله ..... دخل الاتنين الفيلا مع بعض وسابوا الحراسه من بره
الفهد الاسود : طمنى يا كريم ايه الاخبار
كريم : كله تمام يا فندم
الفهد الاسود : ايه اخبار سليم ودياب
كريم : ماشين على الخطه بالظبط
الفهد الاسود : ايه حكاية الورق اللى مع سليم
كريم : زى ما بلغت حضرتك فى الايميل
الفهد الاسود : سليم جاب الورق ده ازاى
كريم : رفض يقول ..... ده غير انه كان تعبان اليومين اللى فاتوا وقولنا نستنى لما حضرتك توصل وتقعد معاه يمكن يقولك
الفهد الاسود : عاوز اقابل سليم ودياب قبل الاجتماع
كريم : حاضر يا فندم
الفهد الاسود : هاتهم هنا بكره بعد نص الليل
كريم : حاضر يا فندم ..... اطلع حضرتك استريح وانا هنفذ كل اوامر حضرتك
الفهد الاسود : ده مش وقت راحه يا كريم ..... احنا دلوقتى فى مرحله مهمه جدا فى اللعبه
كريم : انا فاهم قصد حضرتك كويس ومش عاوزك تخاف احنا مركزين جدا
الفهد الاسود : انا عارف كويس يا كريم ان انا يوم ما سيبت مصر سايب ورايا رجاله تسد ..... بس برضه لازم اتطمن على كل حاجه بنفسى
كريم : زى ما تحب حضرتك
الفهد الاسود : طب سيبك من الشغل دلوقتى وطمنى على البنات
كريم : كلهم بخير ..... لمياء كويسه جدا مع يوسف وابنها بخير
الفهد الاسود : طب ومريم وشرين
كريم : كويسين جدا ومرتاحين على الاخر
الفهد الاسود : وحشونى جدا
كريم : خلاص هانت يا دكتور كلها ايام وتقدر تشوفهم براحتك ..... وبعدين انا حضرتك يوميا ببعتلك صور ليهم واطمنك على اخبارهم
الفهد الاسود : الصور مش زى الحقيقه يا كريم ..... عارف يعنى ايه اب يتحرم من بناته ويبقى علاقته بيهم مجرد صور
كريم : بصراحه يا فندم معرفش انا ماكنتش اب قبل كده بس مقدر احساس حضرتك
الفهد الاسود : ولا مقدر ولا نيله ..... انا هطلع انام دلوقتى وعاوزك ترجع عند سليم ودياب وتطمنهم ان انا وصلت بالسلامه علشان زمانهم قلقانين وبكره بعد نص الليل تجيبهم عندى
كريم : حاضر يا فندم
• رجع كريم وطمنى انا ودياب وبلغنا بالاجتماع بتاع نص الليل
• تانى يوم اخدت مريم وروحنا معمل التحاليل علشان نعمل التحاليل اللى قالت عليها لمياء .... بعد ما خلصنا ونازلين من المعمل
انا : اهو يا ستى عملت التحاليل زى ما كنتى عاوزه **** ترتاحى
مريم : انا عارفه انى تاعباك
انا : تعبك على قلبى زى العسل
مريم : بحبك يا سليم
انا : وانا بعشقك
مريم : ايه رائيك نرجع الفيلا نغير هدومنا ونخرج نتعشى مع بعض
انا : احنا فعلا هنرجع الفيلا بس انا هخرج تانى علشان معايا شغل
مريم : شغل ايه ده يا سليم
انا : شغل مهم جدا ..... انا بقالى يومين قاعد معاكى فى الفيلا وفى شغل متعطل لازم يخلص
مريم : طب هتتاخر
انا : ايوا هتاخر نامى انتى
مريم : ماشى يا سليم خلينى وراك لما اشوف اخرتها
• فجأه واحنا خارجين من المعمل فى عربيه عدت قصادنا وفيها ناس مسلحه ضربوا علينا نار ..... انا اخدت طلقه ووقعت ومريم قعدت تصرخ .... والجاردات فى منهم اللى جرى وراء العربيه وفى منهم اللى فضل معانا وطلبوا الاسعاف
• من ناحيه تانيه كريم قاعد مع هبه فى الكافيه
كريم : اهو ياستى جيت علشان ماتزعليش
هبه : عارف لو كمنتش جيت كنت هتشوف منى وش تانى خالص ..... وش ممكن يكرهك فى حياتك كلها
كريم : ليه كده بس
• كان كريم وهبه بيضحكوا ويهزروا مع بعض وكان فى واحد ماسك مسدس موجهه ناحية كريم
• ياترى ايه هيحصل تانى ..... ده اللى هنعرفه فى الحلقه اللى جايه ..... اشوفكوا بخير
الجزء العاشر
• وقفنا الجزء اللى فات لما اتضربت بالنار وانا خارج من معمل التحاليل ..... وكريم كان قاعد مع هبه فى الكافيه ..... فجأه كريم شاف واحد معاه مسدس وموجهه ناحيته
كريم : قومى بسرعه
هبه : انا لسه ما خلصتش كلامى
كريم : بقولك قومى مفيش وقت
• اخد كريم هبه وبسرعه راحوا العربيه واتحرك ..... واتحركت وراهم عربيه فيها ناس مسلحه
هبه : ممكن تفهمنى ايه اللى بيحصل بالظبط
كريم : .......
هبه : انطق ورد عليا
• فجأه كريم طلع مسدسه
هبه : انت هتعمل ايه
• شاف كريم العربيه اللى راصداهم وحاول يهرب منها على قد ما يقدر بس مش عارف لحد ما واحد من العربيه بدأ يضرب نار على كريم ..... وكريم بيرد عليهم بالنار برضه لحد ما قدر يصيب واحد فيهم ..... ساعتها هربوا من كريم .... كريم لسه بيعدل نفسه ظهرت قصاده عربيه نقل حاول يتفداها خبط فى الرصيف ..... دماغ هبه اتخبطت فى تابلوه العربيه واغمى عليها
كريم : هبه .... فوقى يا هبه
• فجأه تليفون كريم رن وكان دياب اللى بيتصل
دياب : انت فين يا كريم
كريم : خير يا دياب ايه اللى حصل
دياب : سليم اتضرب بالرصاص
كريم : دى تصفيه جماعيه بقى
دياب : قصدك ايه
كريم : انت فين دلوقتى
دياب : انا فى طريقى للمستشفى
كريم : مسافة السكه واكون عندك
• اتحرك كريم على المستشفى ..... وصل المستشفى وشال هبه ودخل بيها الاستقبال وهناك الدكاتره قاموا بالواجب ..... دخل دياب على كريم وهو واقف مستنى الدكاتره يطمنوه على هبه
دياب : ايه اللى حصل يا كريم
• حكى كريم لدياب كل اللى حصل من اول ما قابل هبه فى الكافيه
دياب : عندك حق يا كريم دى تصفيه جماعيه
كريم : ايه اخبار سليم دلوقتى
دياب : لسه فى العمليات
كريم : والحراسه اللى معاه راحت فين
دياب : الشرطه بتاخد اقوالهم فى اللى حصل
كريم : طب بنات الدكتور سليم فين
دياب : مريم وشرين ولمياء موجودين عند اوضة العمليات ومعاهم حراسه هناك
كريم : طب اطلع انت خليك جمبهم وانا هتطمن على هبه وبعد كده اجيلك
دياب : لازم نبلغ الاخبار للفهد
كريم : استنى دلوقتى لما نتطمن على سليم الاول
دياب : طب انا هطلع للبنات
كريم : روح يا دياب
• بعد ما دياب مشى ..... الدكتور اللى عند هبه خرج
كريم : طمنى يا دكتور
الدكتور : بسيطه متقلقش ..... ايدها بس اتجزعت مش اكتر وهنعملها اشعه على المخ علشان نتطمن ان مفيش ارتجاج لكن اتطمن مفيش حاجه خطيره
كريم : **** يطمنك يا دكتور
الدكتور : هو ايه اللى حصل بالظبط
كريم : مفيش يا دكتور ..... احنا كنا ماشيبن عادى بالعربيه وظهرت فجأه قصادنا عربيه نقل الظاهر السواق بتاعها كان شارب حاجه وحاولت اتفاداه خبطت فى الرصيف
الدكتور : طب حضرتك كويس
كريم : لا انا تمام مفيش اى حاجه
الدكتور : طب تمام ..... على العموم احنا ادناها منوم وهى نايمه دلوقتى
كريم : طب ممكن اشوفها يا دكتور
الدكتور : اه اتفضل بس ياريت ماتزعجهاش وتسيبها نايمه
كريم : حاضر يا دكتور
• نرجع عند دياب قاعد قصاد اوضة العمليات مع مريم ولمياء وشرين ...... البنات منهارين خالص ..... فجأه دخل عليهم يوسف
يوسف : ايه اللى حصل يا مريم
مريم : احنا كنا خارجين من المعمل فجأه عربيه عدت بسرعه ضربت علينا نار ..... سليم تقريبا شافها وهى جايه زقنى على الارض وغطانى بجسمه واخد هو الرصاص
يوسف : والجاردات اللى كانوا معاكم بيهببوا ايه
مريم : فى منهم اللى جرى وراء العربيه بس ملحقوهاش وفى اللى فضل معايا انا وسليم
يوسف : طب هو بقاله كتير فى العمليات
مريم : بقاله ساعتين تقريبا
يوسف : انشاء **** خير
دياب : اهدى يا يوسف وانشاء **** نتطمن عليه دلوقتى
يوسف : تفتكر مين اللى عمل كده يا دياب
دياب : فى ناس كتير مصلحتها فى موت سليم
يوسف : نفس الناس اللى قتلوا الدكتور سليم الجراح قبل كده
دياب : مفيش غيرهم اللى يعمل كده
يوسف : وبعدين بقى احنا مش هنخلص من الحكايه دى ولا ايه
دياب : سيبها على *** يا يوسف ..... *** وحده اللى قادر يخلصنا منهم ومن شرهم
• فجأه خرج الدكتور من غرفة العمليات وكلهم راحوا بسرعه للدكتور علشان يتطمنوا
يوسف : طمنى يا دكتور على سليم
الدكتور : مين حضرتك
يوسف : انا اخوه
الدكتور : للأسف مش عارف اقولك ايه
يوسف : سليم حصله حاجه
الدكتور : احنا قدرنا نخرج الرصاص بس للأسف سليم دخل فى غيبوبه ومش هنقدر نحدد ممكن يفوق منها امتى
مريم : يعنى ايه يا دكتور
الدكتور : لحد هنا وحلول العلم انتهت واملنا فى رحمة ****
يوسف : احنا ممكن نسفره بره يا دكتور او ممكن نجيب طقم دكاتره من بره ..... احنا ممكن نعمل اى حاجه بس سليم يوقف تانى على رجله
الدكتور : صدقنى يا فندم هنا زى بره مفيش حد هيقدر يعمله اى حاجه
• فجأه مريم اغمى عليها ..... شالوها ودخلوها اوضه وكشفت لمياء عليها وفوقتها وبعد كده عملولها تحاليل
يوسف : خير يا لمياء ..... مريم فيها حاجه
لمياء : مريم حامل يا يوسف
• مريم اول ما سمعت الخبر اتخضت
مريم : انتى بتقولى ايه يا لمياء
لمياء : زى ما بقولك كده انتى حامل فى اسبوعين تقريبا
• دخلت مريم فى نوبة عياط
لمياء : اهدى يا مريم كده غلط عليكى وعلى اللى فى بطنك
مريم : كان نفسى سليم يكون معايا وانا بسمع الخبر ده
لمياء : بكره يفوق ويعرف ويفرح معاكى
مريم : انا خلاص مش عارفه افرح ولا ازعل
لمياء : انا مقدره احساسك ده كويس ..... بس لازم تفوقى لنفسك وتاخدى بالك من صحتك علشان خاطر اللى فى بطنك
مريم : انا عاوزه اشوف سليم
لمياء : حاضر هخليكى تشوفيه بس شويه كده
• من ناحيه تانيه استر قاعده هى والبيرت
استر : طمنى يا البيرت ايه الاخبار
البيرت : سليم لسه عايش بس دخل فى غيبوبه اما كريم بقى محصلهوش اى حاجه
استر : سليم لازم يموت بأى تمن
البيرت : نعملها ازاى دى بقى
استر : اتصرف يا البيرت ..... شوف اى حد من طقم التمريض فى المستشفى وادفعله اى مبلغ بس المهم يخلصنا من سليم
البيرت : سليم لو مات فى المستشفى وارد جدا يشرحوا الجثه ويكتشفوا انه مات بفعل فاعل
استر : جرى ايه يا البيرت ما احنا عندنا حاجات كتير مش بتظهر فى التشريح
البيرت : برضه انا شايف انها مخاطره خصوصا اليومين دول ..... دلوقتى العيون مفتحه اكتر واى حركه مش محسوبه هتضيعنا
استر : موت سليم دلوقتى مش هيلفت الانظار .... لكن لو استنينا كام يوم زى ما بتقول ساعتها وارد جدا حالته تستقر وفكرة ان احنا نقتله هتلفت النظر
البيرت : برضه هنرجع لنفس المشكله ..... اكيد دلوقتى فى حراسه كامله على المستشفى كلها وعلى سليم بوجه الخصوص
استر : هو فى مستشفى الجراح ولا فين بالظبط
البيرت : ايوا فى مستشفى الجراح اللى فى اكتوبر
استر : عاوزاك تجيبلى كل التفاصيل عن المستشفى دى ..... عاوزه رسم تفصيلى ليها وعاوزه المداخل والمخارج بتاعتها وعاوزه اعرف اى ثغره فى تأمين المستشفى وعاوزاك تعرف سليم موجود فى اى جناح بالظبط وتعرف كمان مين الدكتور المسئول عن حالة سليم وطقم التمريض كمان ..... عاوزه اعرف كل كبيره وصغيره
البيرت : الكلام ده هياخد وقت
استر : مفيش وقت خالص
البيرت : حاضر هتصرف
استر : وعاوزاك تحط عينك على دياب ويوسف وكريم ..... مش عاوزاهم يغيبوا عنك لحظه واحده
البيرت : متخافيش انا امرت الرجاله بكده
استر : لا لازم اخاف لان اللحظه اللى هيغيب فيها اى واحد من التلاته تاكد ان احنا هناخد ضربه تخسرنا بيها كل حاجه
البيرت : انا فاهم الكلام ده كويس
استر : عاوزاك تكلم احمد صقر وتخليه يكون عندى بالليل
البيرت : هو فعلا اتصل وعاوز يقابلك ضرورى
استر : طب خليه يجى الساعه 9 بالليل
• من ناحيه تانيه فى المستشفى دياب وكريم قاعدين مع بعض
كريم : هنعمل ايه دلوقتى
دياب : عاوزك تقعد هنا فى المستشفى تحرس الجماعه وتغطينى علشان لازم اخرج
كريم : رايح فين
دياب : لازم اروح الفيلا عندك علشان ابلغ باللى حصل ونشوف هنتصرف ازاى
كريم : انا شايف انها مجازفه كبيره انك تتحرك دلوقتى ..... اكيد استر مراقبانا كويس جدا
دياب : ماتقلقش انا هعرف اخلع من المراقبه ..... انا عاوزك تشدد الحراسه على جناح سليم ومش عاوز اى مخلوق يدخل عنده غير لما تعرف هو مين بالظبط .... ممنوع اى حد يدخل عنده غير الدكتور وطقم التمريض المسئول
كريم : انا فاهم الكلام ده كويس
دياب : انا عارف انك فاهم بس برضه لازم اكد عليك
كريم : طب روح انت دلوقتى
• خرج دياب من المستشفى واخد عربيته وقعد يلف فى الشوارع وكان فى عربيه تانيه بتراقبه وهو شايفها كويس ..... قعد يلف فى الشوارع لحد ما عرف يهرب من المراقبه وطلع على الطريق الصحرواى وهناك كان بسهوله يقدر يكشف اى مراقبه ..... ساب دياب عربيته وكان فى عربيه تانيه مستنياه ركبها واتحرك على الفيلا الموجود فيها الدكتور سليم الجراح ..... اول ما وصل الفيلا شاف الدكتور سليم وسلم عليه
سليم : ليه جاى لوحدك وفين سليم وكريم ..... وبعدين معادكم لسه بعد نص الليل
دياب : فى حاجات حصلت وكان لازم اجى ابلغها بنفسى يا دكتور
سليم : ايه اللى حصل يا دياب
دياب : سليم اتضرب بالرصاص من كام ساعه
سليم : انت بتقول ايه ..... طب هو فين دلوقتى وحصله ايه
دياب : موجود فى المستشفى
سليم : احكيلى اللى حصل بالظبط
• حكى دياب كل اللى حصل
سليم : كلاب ..... هيفضلوا طول عمرهم كلاب
دياب : انا جيت لحضرتك علشان تقولى اتصرف ازاى
سليم : اهم حاجه بالنسبالى دلوقتى اتطمن على ابن اخويا
دياب : كلام الدكاتره غير مطمئن بالمره ..... علشان كده انا بفكر اسفره بره مصر بس دى خطوه صعبه جدا فى ظل الظروف اللى احنا فيها ..... بره مش هنعرف نسيطر على الوضع لكن هنا كل حاجه فى ايدينا
سليم : مش شرط نسفره بره مصر فى حل تانى
دياب : ايه الحل التانى
سليم : احنا نبعت نجيب طقم دكاتره كامل من بره مصر ..... احسن دكاتره فى العالم ومعاهم طقم تمريض كامل
دياب : انا بالفعل طلبت من المستشفى يجيبوا دكاتره من بره بس هما قالوا ان اى دكتور هيجى مش هيقدر يعمل اى حاجه اكتر من اللى هما بيعملوه
سليم : انا ميهمنيش كل الكلام ده ..... بكره بالكتير لازم الطقم الطبى ده يوصل .... انا معنديش ثقه فى اى حد ..... وبعدين اللى احنا بنتكلم عنه ده مش اى حد .... ده ابن اخويا .... ابن اخويا اللى انا ورطته فى لعبه اكبر منه بكتير ..... ابن اخويا اللى انا حطيته فى وش المدفع بدون اى خبره
دياب : يا دكتور انت عارف كويس ان سليم مش عيل صغير ..... انا كنت فاكر زى حضرتك ان سليم معندوش اى خبره ومش هيقدر يواجه لكن اللى انا شوفته طول الشهور اللى فات بصراحه بهرنى
سليم : انا عارف ان سليم شاطر وذكى وعرف يفهم الشغل بسرعه بس فى حاجه بسيطه كانت ناقصاه
دياب : حاجة ايه
سليم : سليم قلبه طيب وميعرفش الغدر وبيتعامل بحسن نيه بزياده شويه وبسبب كل ده حصل اللى حصل
دياب : هو اه سليم طيب بس مش بيتعامل بحسن نيه وعارف كويس يثق فى مين ويحرص من مين ..... واكبر دليل على كلامى هو اللى عمله مع احمد صقر .... ده غير الورق اللى قدر يوصله وبفضل الورق ده احنا بقينا فى مركز قوى جدا
سليم : وهو فين الورق ده .... انت عارف مكانه
دياب : سليم قالى ان لو حصله اى حاجه فى حد عارفنى وهيوصلنى للورق ده
سليم : وايه اللى يضمنلك ان الشخص ده مايكونش باع سليم
دياب : ........
سليم : ساكت يعنى
دياب : بصراحه انا حاسس ان دماغى هتنفجر
سليم : الكلام دلوقتى مش هيغير اى حاجه ..... اهم حاجه دلوقتى تاخد بالك من سليم وانا هتصرف فى الطقم الطبى النهارده وفى خلال 24 ساعه هيكونوا موجودين
دياب : زى ما حضرتك شايف
سليم : انا لولا انى خايف من المشاكل اللى ممكن تحصل كنت جيبت سليم عندى واخدت بالى منه بنفسى
دياب : تجيبه عند حضرتك ازاى يعنى ومحدش يعرف بوجودك اصلا
سليم : كنت هخطفه من المستشفى
دياب : ايوا علشان يوسف وبنات حضرتك يقلبوا الدنيا وساعتها الصحافه كمان هتشم خبر وفى ظرف كام ساعه هتلاقى خبر بالبونط العريض فى كل الجرايد والمجلات المصريه والعالميه بيقول ما هو سر اختطاف رئيس مجلس ادارة شركات الجراح ..... ساعتها هنبقى كلنا فى خبر كان بعد اسهمنا فى البورصه ما هتوقع
سليم : انا عارف الكلام ده كله
دياب : متخافش حضرتك انا هاخد بالى كويس من سليم
سليم : عاوزك تبعد نهائى عن استر ومتفكرش ترد عليها دلوقتى
دياب : ازاى يا دكتور ..... طب والخطه اللى حطها سليم قبل اللى حصل
سليم : وقف كل حاجه ..... سليم كان حاطط الخطه دى على اساس الورق اللى كان معاه .... لكن احنا مش معانا الورق ده يبقى لازم نصبر لحد ما نوصل للورق ده او نشوف هنتصرف ازاى
دياب : حاضر يا دكتور
سليم : سيبك من الشغل دلوقتى وطمنى على البنات عاملين ايه
دياب : انا سبتهم فى المستشفى منهارين
سليم : خليك معاهم يا دياب
دياب : مفيش اى حد مهما كان هيعوضهم عن غياب سليم
سليم : للدرجه دى اتعلقوا بيه
دياب : اكتر مما تتخيل ..... لمياء بتعتبره اخوها الكبير ..... ومريم بتعشقه عشق
سليم : وشرين بتتعامل معاه ازاى
دياب : انا اسف فى اللى هقوله بس شرين بتعتبر سليم والدها ..... بتاخد رائيه فى كل كبيره وصغيره فى حياتها ومش بتخطى خطوه من غير ما تستأذن من سليم ومستحيل تكسر كلامه
سليم : بقى سليم قدر يعمل كل ده ..... دى شرين عمرها ما سمعت كلامى فى اى حاجه وطول عمرها بتشوف انا عاوز ايه علشان تعمل عكسه
دياب : كل الكلام ده اتغير خلاص
سليم : طب كويس انها اتغيرت ..... بس فى حاجه عاوز اسألك عليها
دياب : اتفضل يا دكتور
سليم : انت قولتلى ان سليم اتضرب بالنار وهو خارج من معمل التحاليل مع مريم
دياب : ايوا يا دكتور
سليم : وايه اللى يودى سليم ومريم معمل تحاليل اصلا ..... هو فى حد فيهم كان تعبان
دياب : لا ده حوار كده
سليم : حوار ايه ده
دياب : مريم كانت مصممه تاخد سليم ويروحوا يحللوا يشوفوا ايه سبب تاخير الحمل لحد دلوقتى ..... وسليم اضطر يوافقها بالعافيه
سليم : وهو يرفض ليه اصلا
دياب : لأن سليم كان عامل تحاليل اصلا قبل ما يتجوز مريم واتطمن على نفسه وكان خايف مريم تعمل تحليل وتكتشف ان عندها مشكله وساعتها ممكن تضايق او تتعب وموافقش يروح المعمل غير بعد ما اتفق مع لمياء على لعبه
سليم : لعبة ايه
دياب : اتفق مع لمياء ان لو تحاليل مريم طلعت كويسه كان بها ولو طلعت فيها مشاكل تقول ان الاتنين عندهم مشاكل وعاوزين يتعالجوا علشان يحافظ على الحاله النفسيه لمريم
سليم : مش بقولك ان سليم طيب وغلبان ..... طب وايه اخبار التحاليل
دياب : ملهاش لازمه خلاص
سليم : ليه بتقول كده
دياب : لأن مريم نفسها حامل
سليم : انت بتتكلم بجد ..... طب عرفتوا ازاى
دياب : بعد ما سليم خرج من العمليات مريم اغمى عليها ولمياء كشفت عليها وعرفت انها حامل ومن ساعتها حزنها زاد اكتر لان كان نفسها سليم يكون معاها فى الوقت ده
سليم : لولا انى خايف من عاقبة اللى هيحصل كنت ظهرت لبناتى وطمنتهم
دياب : خلاص هانت يا دكتور ..... نخلص من استر وبعدها حضرتك تقدر تظهر براحتك
سليم : طب روح انت يا دياب دلوقتى قبل ما اى حد ياخد باله من غيابك
دياب : مش محتاح منى اى حاجه
سليم : عاوزك تبلغ كريم يشدد الحراسه والجاردات اللى كانوا بيحرسوا سليم وقت اللى حصل يسافروا ويجيب طقم جديد
دياب : حاضر يا دكتور
سليم : وخليه يبلغ الجماعه اللى فى فيلا المقطم ان الاجتماع هيتأجل ليوم الخميس
دياب : ليه كده يا دكتور
سليم : لازم اتطمن على سليم الاول
دياب : تمام يا دكتور
• من ناحيه تانيه استر قاعده مع احمد صقر بيتكلموا فجأه دخل عليهم البيرت
استر : فى حاجه حصلت يا البيرت
البيرت : للأسف الرجاله كلمونى وبلغونى ان دياب هرب من المراقبه
استر : ده اللى كنت خايفه منه وحذرتك بسببه
البيرت : هنعمل ايه دلوقتى
استر : هنعمل ايه يعنى ..... اكيد هنستنى المصيبه الجديده اللى هيعملها وهتخلينا نلف وراء بعض علشان نعرف نلحق نفسنا
البيرت : انا قولت من الاول ان احنا لازم نخلص من دياب كمان
استر : على اساس ان رجالتك فالحين اوى وعرفوا يخلصونا من كريم وسليم
احمد : بالنسبه لموضوع سليم انا عندى حل
استر : حل ايه يا احمد
احمد : الدكتور اللى بيتابع حالة سليم ده انا عارفه كويس ويعتبر واحد من رجالتى
استر : واحد من رجالتك ازاى مش فاهمه
احمد : كان بيشتغل عندى فى المستشفى بتاعتى بعدها سافر امريكا واشتغل هناك بعدها رجع اشتغل فى مستشفى الجراح
استر : وايه اللى خلاه يرجع مستشفى الجراح وميرجعش عندك المستشفى
احمد : انا اللى بعته هناك ..... كان لازم يبقالى رجاله عند دياب علشان اعرف الدنيا ماشيه ازاى هناك
استر : يعنى انت عندك ناس تانيه بتشتغل عند دياب
احمد : عندى ناس تانيه بس مش كتير انا لسه يادوب بحاول ازرع رجاله هناك لانى فى الاول كنت واثق فى دياب ومش مدى اى خوانه من ناحيته
استر : خلينا فى موضوع الدكتور ده ..... انت متأكد انك ضامنه
احمد : بقولك ده واحد من رجالتى
استر : انا هديلك حقنه تديها للدكتور بتاعك .... لازم يضرب الحقنه لسليم النهارده بأى تمن
احمد : الحقنه دى بتعمل ايه بالظبط
استر : الحقنه دى هتموت سليم بعد 12 ساعه بالظبط وبالنسبه للطب الشرعى مستحيل يقدر يكشفها ..... السم اللى فى الحقنه قوى جدا وجديد مفيش اى حد يعرفه غيرنا احنا
احمد : هاتى الحقنه وانا هتصرف
• طلعت استر من المكتب جابت الحقنه ورجعت تانى
استر : امسك يا احمد الحقنه
احمد : طب يا دوب الحق اتحرك
استر : اتفضل يا احمد
• مشى احمد من عند استر
• من ناحيه تانيه فى المستشفى ..... كريم قاعد عند هبه فى اوضتها ..... هبه كانت نايمه وكريم قاعد جمبها بيبص عليها
كريم : اول مره اشوفك من قريب كده ..... كان نفسى تبقى مفتحه عينك علشان تشوفينى زى ما انا شايفك ..... تصدقى ب**** الطله فى وشك بترجعلى عمرى كله اللى عدى وبتهون عليا كل الشقى اللى عشته ..... بتصالحنى يا هبه على الدنيا اللى اتعودت تاخد منى واول مره تدينى ..... اول مره تدينى الحلم اللى كنت خايف احلمه .... ااااااه .... هو ده بقى اللى اسمه النصيب
• فجأه هبه فاقت
هبه : ما انت بتعرف تقول كلام حلو اهو
كريم : ايه ده انتى صاحيه من امتى
هبه : فوقت من شويه ولما حسيت بيك قاعد جمبى عملت نفسى نايمه علشان اشوفك هتعمل ايه
كريم : قلقتينى عليكى
هبه : مين الناس اللى طلعت علينا ..... واضح انهم كانوا قاصدينك
كريم : ده اللى كنت خايف عليكى منه وعلشان كده كنت ببعدك عنى
هبه : انا هسألك سؤال واحد وعلى اساسه هحدد مصير علاقتنا
كريم : اتفضلى اسألى
هبه : انت بتعمل حاجه غلط
كريم : حاجه غلط ازاى مش فاهم
هبه : يعنى بتشتغل شغل شمال انت ودياب وسليم
كريم : شغل شمال ازاى
هبه : يعنى مخدرات ولا سلاح ولا اى حاجه من الزفت اللى بنسمع عنه
كريم : انتى تصدقى عننا حاجه زى دى
هبه : يبقى من حقى اعرف مين الناس اللى طلعت علينا وكانوا عاوزين يقتلوك
كريم : الأنسان اللى شغلته يدافع عن الناس وحقوقهم لازم هتلاقيله اعداء ومستعدين يعملوا اى حاجه علشان يبعدوه عن طريقهم
هبه : يعنى انتوا مش بتشتغلوا شمال
كريم : لا طبعا
هبه : يبقى تسيبنى اواجه مصيرى معاك وانا راضيه بالنهايه مهما تكون
كريم : يبقى كده انتى بتكتبى نهايتك بأيدك ..... انتى ماتستحقيش حياتى الصعبه ..... انتى المفروض تتجوزى واحد شبهك ظروفه زى ظروفك تعيشوا مع بعض فى امان وسعاده
هبه : سعادتى معاك انت ولو كانت مع غيرك تغور مش عاوزاها
كريم : .......
هبه : ساكت ليه
كريم : مش عارف ارد عليكى بأيه
• فجأه تليفون كريم رن وكان دياب
كريم : ايوا يا مستر دياب
دياب : هو فى حد جمبك
كريم : انا فى المستشفى يا فندم ..... خير فى حاجه
دياب : انا خلصت وراجع فى الطريق للمستشفى ..... طمنى على سليم
كريم : لسه الحاله زى ما هى مفيش اى جديد
دياب : وبالنسبه للحراسه
كريم : الحراسه ماليه المستشفى وانا كل شويه بطلع اتمم عليهم
دياب : تمام يا كريم ..... على العموم انا فى الطريق وساعة زمن بالكتير وهكون عندك
كريم : تمام يا فندم
• قفل كريم مع دياب
هبه : هو ايه فى بالظبط
كريم : فى ايه ازاى مش فاهم
هبه : حراسة ايه اللى ماليه المستشفى وايه الحاله اللى زى ماهى ومفيش فيها جديد
كريم : سليم اتضرب بالرصاص ودخل فى غيبوبه
هبه : سليم مين .... اوعى يكون سليم الجراح
كريم : ايوا ..... وحكى كريم كل اللى حصل
هبه : مريم والبنات فين دلوقتى
كريم : موجودين فى الدور اللى فوق ..... مريم رافضه تسيب المستشفى من غير سليم وشرين ولمياء قاعدين معاها
هبه : حد فيهم عارف انى موجوده هنا فى المستشفى
كريم : لا محدش فيهم يعرف حاجه
هبه : انا لازم اطلعلهم واتطمن عليهم
كريم : تروحى فين انتى لسه تعبانه
هبه : متخافش عليا انا كويسه بس لازم اكون جمبهم
كريم : زى ما تحبى
• قامت هبه وعدلت نفسها وطلعت عند مريم فى اوضتها وكان قاعد معاها لمياء وشرين وكانوا فى قمة الحزن ..... سلمت عليهم وقعدت معاهم
لمياء : رابطه ايدك ليه يا هبه
هبه : لا بس وقعت عليها واتجزعت
لمياء : الف سلامه عليكى يا حبيبتى
هبه : طمنونى على سليم
لمياء : ادعيله يا هبه
هبه : **** يقومه بالسلامه
• بعد ساعه دياب وصل المستشفى وكان كريم ويوسف قاعدين مع بعض
دياب : طمنونى ايه الاخبار
كريم : لسه مفيش جديد
يوسف : انا مش مصدق اللى بيحصل ده ..... مين يا دياب اللى من مصلحته يعمل كده
دياب : قولتلك يا يوسف فى ناس كتير من مصلحتها تخلص من سليم
يوسف : ممكن يكون سعد صقر
دياب : كل شئ وارد
يوسف : انا شاكك اكتر فى الست اللى اسمها استر يعقوب
دياب : اوعى تجيب السيره دى نهائى
يوسف : ليه يعنى .... انت عارف حاجه ومخبيها عنى
دياب : تعالى معايا يا يوسف نتكلم فى مكان مقفول علينا
يوسف : حاضر يا دياب
دياب : خلى بالك من الدنيا هنا يا كريم لحد ما ارجعلك
كريم : حاضر يا فندم
• مشى دياب ويوسف وراحوا مكان فاضى يعرفوا يتكلموا فيه
يوسف : انت مخبى ايه عليا يا دياب
دياب : انا هقولك اللى مسمحولى بيه مش اكتر بس ياريت ماتسألنيش عن اى حاجه تانيه
يوسف : قول اللى عندك وبعدها احكم بنفسى
دياب : عندك حق فى موضوع استر ..... استر فعلا اللى وراء كل المصايب
يوسف : وايه اللى يخليها تقتل سليم
دياب : الفتره اللى فاتت سليم قدر يحط ايده على ورق كتير ممكن يدمر استر واكيد فى جاسوس عندنا قدر يوصل المعلومه دى لأستر
يوسف : الورق ده فيه ايه بالظبط
دياب : مش مهم فيه ايه دلوقتى ..... المهم الورق ده فين
يوسف : فين ازاى يعنى .... هو مش مع سليم ولا قصدك ان استر وصلت للورق ده
دياب : لا استر متعرفش طريق الورق ده لان سليم حرق النسخه اللى كانت معاه ومفيش دلوقتى غير اصل الورق بس
يوسف : وفين الاصل ده
دياب : مفيش غير اتنين بس اللى يعرفوا طريق الورق ده
يوسف : اكيد طبعا سليم واحد من الاتنين دول ..... مين الشخص التانى بقى
دياب : انت الشخص التانى يا يوسف
يوسف : انا ..... طب ازاى ودى اول مره اسمع عن الورق ده
دياب : ده كلام سليم
يوسف : سليم قالك ايه بالظبط
دياب : لما كنا بنتناقش من كام يوم فى الموضوع ده انا كنت خايف يحصل حاجه لسليم بسبب الورق ده زى ما حصل دلوقتى ..... سليم قالى انه شايل الورق فى مكان امان ومفيش حد يعرف المكان ده غيرك يا يوسف
يوسف : بس انا فعلا معرفش مكان الورق ده ..... طب محاولش يقولك حاجه تسهل علينا الدنيا
دياب : هو قال ان فى شخص معين هيظهر فى الوقت المناسب وهيقولى على نص الطريق والنص التانى عندك انت
يوسف : مين الشخص ده
دياب : معرفش .... سليم رفض يقولى علشان كده قولت ابلغك ممكن تكون عارف المكان اللى سليم بيخبى فيه حاجته
يوسف : سليم عمره ما كان ليه مكان بيخبى فيه حاجه ..... سليم اصلا عمره ما كان عنده اسرار علشان يخبيها
دياب : حاول تقعد مع نفسك وتفكر
يوسف : حاضر يا دياب
• قعد يوسف ودياب اكتر من ساعتين مع بيفكروا ومش عارفين يوصلوا لأى حاجه
• من ناحيه تانيه كريم قاعد على كرسى قصاد اوضتى ..... خرجت هبه قعدت جمبه
هبه : بتفكر فى ايه
كريم : لا مفيش حاجه ..... طمنينى عليكى انتى
هبه : انا كويسه
كريم : كلمتى مامتك علشان الوقت اتأخر
هبه : ايوه كلمتها وقولتلها انى بايته مع واحده صاحبتى فى المستشفى تعبانه
كريم : طب مش المفروض تدخلى اوضتك تنامى وترتاحى
هبه : انت كمان تعبت والمفروض تنام وترتاح
كريم : لا متخافيش انا متعود على كده ..... انا عندى القدره اقعد صاحى اطول وقت ممكن
هبه : ماشى يا سيدى .... انا كمان مش جايلى نوم
كريم : بس انتى تعبانه
هبه : طول ما انا قاعده معاك بنسى التعب
كريم : .......
هبه : مالك ساكت كده ليه
• فجأه قام كريم ودخل اوضتى بسرعه ودخلت وراه هبه ..... كان الدكتور رايح يحط حقنه فى المحلول اللى متعلق
كريم : استنى عندك انت بتعمل ايه
الدكتور : ده معاد الحقنه بتاعة المريض ..... انت اللى ازاى تدخل العنايه كده .... الزياره ممنوعه
كريم : انت ازاى تديله حقنه من غير ما تستأذن
الدكتور : استأذن من مين ..... انا الدكتور هنا مش انت
كريم : فين الحقنه دى اللى انت عاوز تضربها
الدكتور : اتفضل يا سيدى لما نشوف اخرتها
كريم : دى سرنجه .... انا بسأل عن الفارغ بتاع الحقنه
الدكتور : انا جهزت الحقنه فى الصيدليه تحت قبل ما اطلع فى مشكله معاك
كريم : اه جهزتها فى الصيدليه .... تمام يا دكتور
هبه : فى ايه يا كريم بالظبط
• طلع كريم جهاز من جيبه وطلب الجاردات يدخلوا
الدكتور : ممكن افهم فى ايه بالظبط
كريم : هتفهم دلوقتى
• دخل اتنين جاردات
الجاردات : اوامرك يا فندم
كريم : عاوزكم تاخدوا الدكتور عندكم وتتحفظوا عليه لحد ما اقولكم تعملوا ايه تانى
الدكتور : انت اتجننت
كريم : اتحرك معاهم يا دكتور من غير شوشره
الدكتور : لا مش هتحرك مع حد
كريم : لو ماتحركتش معاهم هضربلك الحقنه بنفسى وانت عارف كويس انا قصدى ايه
الدكتور : لا مش فاهم قصدك
كريم : الحقنه دى فيها سم
الدكتور : انت جاى تلبسنى مصيبه ..... دى حقنة مضاد حيوى عادى جدا
كريم : طالما متأكد انها مضاد حيوى يبقى اضربهالك دلوقتى وبعدها اسيبك تمشى براحتك
الدكتور : بس انا مش عيان علشان اخد حقن
كريم : يبقى تمشى مع الرجاله لحد ما اشوف الحقنه دى فيها ايه يا اما هعمل عليك التجربه دلوقتى حالا ..... يلا يا رجاله خدوا الدكتور
الجاردات : حاضر يا فندم
• اخدوا الدكتور اللى انفعل وقعد يزعق والناس اتلمت
دياب : فى ايه يا كريم
كريم : مفيش حاجه يا فندم
مريم : انتوا واخدين الدكتور على فين ..... وايه اللى حصل لسليم
كريم : اتطمنى يا فندم انا لحقت اتصرف
يوسف : ايوا لحقت تتصرف ازاى بقى
كريم : الدكتور المحترم كان عاوز يضرب حقنة سم لسليم
مريم : انت بتقول ايه ..... طب سليم حصله حاجه
كريم : متخافيش يا فندم انا لحقته قبل ما يعمل اى حاجه
لمياء : هما عاوزين مننا ايه تانى مش كفايه اللى حصل
يوسف : الدكتور راح فين
كريم : رجالتى اخدوه لحد ما احلل الحقنه دى واعرف فيا ايه بالظبط
يوسف : المفروض الكلام ده يتسلم للشرطه وهى تشوف شغلها
دياب : شرطة ايه يا يوسف اللى بتتكلم عليها ..... مينفعش اى حاجه من اللى بتحصل هنا تروح للشرطه احنا مش ناقصين
يوسف : قصدك ايه يا دياب
دياب : الخبر لو وصل للشرطه اكيد هيتسرب للصحافه وساعتها هتحصل ازمه كبيره فى شركاتنا وفى شغلنا كله
مريم : الشغل مش اهم من سليم يا دياب
دياب : مفيش حاجه اهم من سليم يا مريم ..... انا بعمل كل ده علشان مصلحة سليم
يوسف : انا مش مقتنع بكلامك ده يا دياب ومش عارف ليه رفضت ان المستشفى تبلغ عن اللى حصل
دياب : انا هفهمك يا يوسف ..... سليم يبقى رئيس مجلس ادارة شركات الجراح يعنى اسهم الشركات مرتبطه بشكل مباشر بسليم نفسه يعنى لو خبر محاولة قتل سليم اتسرب للصحف وخصوصا لما يعرفوا ان سليم فى غيبوبه ومش عارفين هيفوق منها امتى يبقى قول على اسهم الشركات يا رحمن يا رحيم وخصوصا بعد اللى حصل فى مناقصة شركة المقاولات وخسارتنا ملايين كتير فيها
شرين : دياب بيتكلم صح يا يوسف ..... احنا مش ناقصين شوشره .... سليم كان بيحكيلى على كل حاجه تخص الشركه والناس اللى بتحاول تدمرها
يوسف : انا هسمع كلامك يا دياب لما اشوف اخرتها ..... بس انا خايف تتكرر حاجه تانى زى ما حصلت دلوقتى
كريم : من الناحيه دى متخافش انا قادر اسيطر على الموقف كويس جدا
دياب : بالنسبه لعلاج سليم متقلقش منه بكره هيكون فى طقم كامل من اكبر الدكاتره والممرضين فى العالم هيتولى علاج سليم
مريم : فين الطقم ده يا دياب
دياب : انا خلاص عملت اتصلاتى بأمريكا والطقم بيتجهز دلوقتى وهيوصل فى خلال 24 ساعه
كريم : وانأ عملت اتصلاتى بشركة الامن وبكره هيركبوا كاميرات مراقبه فى جناح سليم وفى الدور كله علشان نقدر نأمن الدنيا
دياب : وانا بلغت مدير المستشفى انه يفضى الدور الاخير بالكامل من المرضى علشان ننقل سليم هناك وميبقاش فى اى حد غريب موجود هناك
مريم : انا مش عارفه اقولك ايه يا دياب
دياب : ماتقوليش حاجه يا مريم ..... اهم حاجه دلوقتى نتطمن على سليم وياريت كمان تاخدى بالك من نفسك ومن الجنين اللى فى بطنك علشان خاطر سليم
يوسف : طب هتعملوا ايه مع الدكتور اللى اخدتوه ده
دياب : هنحقق معاه ونشوف مين اللى وراه
يوسف : بس انا لازم احضر التحقيق ده واى خطوه تمشوها لازم ابقى عارفها
دياب : حاضر يا يوسف بس بعدين هنقعد مع بعض وهفهمك كل حاجه
يوسف : ماشى يا دياب
دياب : يلا يا مريم ارجعى اوضتك وارتاحى وانا وكريم هنأمن المستشفى كويس
يوسف : انا جاى معاكم
دياب : معلش يا يوسف خليك مع الجماعه زى ما اتفقنا وانا هفهمك كل حاجه بعدين
• دياب اخد كريم وراحوا فى حته بعيده
دياب : فين الحقنه اللى اخدتها من الزفت ده
كريم : متخافش موجوده معايا وهبعتها للمعامل بتاعتنا تتحلل
دياب : تمام كده
كريم : فى حاجه مش مريحانى
دياب : حاجة ايه
كريم : يوسف اللى مصمم يعرف كل حاجه ..... كده غلط يا دياب .... انا عارف ان يوسف صاحب سليم الوحيد وبيحبه جدا بس برضه يوسف مينفعش يعرف اى حاجه عن اللى احنا بنعمله
دياب : عارف قصدك علشان كده انا اتكلمت مع الفهد فى الموضوع ده وهو هيتصرف بنفسه الحكايه كلها مجرد وقت مش اكتر
كريم : كده تمام
دياب : عاوزك تبعت الدكتور الزفت ده على فيلا المقطم يقعد مع الجماعه اللى هناك لحد ما نشوف هنعمل معاه ايه بالظبط
كريم : حاضر
• من ناحيه تانيه يوسف قاعد مع لمياء وشرين ومريم
شرين : مالك يا يوسف سرحان فى ايه
يوسف : بصراحه مش مرتاح لدياب وكريم
مريم : مش مرتاح ازاى يعنى
يوسف : مش عارف بقى بس حاسس انهم مخبيين عنى حاجات كتير
شرين : شئ طبيعى تحس بكده لأنك بعيد عن شغلهم ومش عارف ايه اللى بيحصل فيه
يوسف : وانتى بقى اللى عارفه
شرين : انا اكتر واحده عارفه وفاهمه كل حاجه ..... انا كنت اقرب واحده لبابا وكان دايما بيحكيلى حاجات كتير عن شغله ده غير ان سليم دايما كان بيتناقش معايا فى الشغل لانى بحب شغل بابا وعاوزه اتعلمه علشان اشتغل فى الشركه ..... بسبب كل ده انا مقتنعه بكلام دياب وكريم
يوسف : ماشى يا ستى خلينا وراهم لما نشوف اخر الحكايه ايه
لمياء : انت المفروض تروح ترتاح يا يوسف احنا دلوقتى بعد نص الليل والمفروض معاك شغل الصبح بدرى
يوسف : لا انا بايت معاكم الليله
لمياء : لا لازم تروح وترتاح انت تعبان من الصبح
يوسف : لا انا مش تعبان
لمياء : علشان خاطرى يا يوسف روح ارتاح وكمان عاوزاك بكره وانت جاى تجيب هدوم ليا ولأسامه علشان شكلها القعده هنا هتطول
شرين : يوسف مش هيعرف يجيب الحاجات دى ..... انا بكره الصبح هروح الفيلا واجيب كل حاجه
لمياء : كده تمام جدا بس برضه لازم يروح الفيلا ويرتاح
يوسف : حاضر يا لمياء شويه كده وهمشى
لمياء : وجودك هنا مش هيقدم ولا هيأخر صدقنى وبعدين احنا لو احتاجنا حاجه هكلمك على طول
يوسف : حاضر يا لمياء همشى
• فجأه تليفون يوسف رن وكان private number رد يوسف على التليفون
يوسف : الووووو ..... ايوا انا النقيب يوسف العصار ..... مين معايا ..... تمام يا فندم ..... تحت امر حضرتك ..... الساعه 9 ..... حاضر يا فندم الساعه 9 بالدقيقه هكون عند حضرتك ..... اتفضل يا فندم
• قفل يوسف مع اللى بيكلمه
لمياء : خير يا يوسف فى حاجه
يوسف : لا دى مكالمة شغل عادى
لمياء : فى مشكله ولا حاجه
يوسف : لا مفيش حاجه يا حبيبتى ..... طب انا همشى دلوقتى علشان معايا مشوار مهم الصبح بدرى ولازم اكون مستعد
لمياء : خد شرين معاك
شرين : لا انا هبات معاكم
لمياء : اسمعى الكلام يا شرين .... انتى لازم تنامى والصبح ابقى تعالى براحتك علشان تجيبى الهدوم من الفيلا
شرين : عادى ممكن اروح الصبح اجيبها
يوسف : خلاص يا لمياء سبيها معاكم وبكره الصبح تبقى تروح الفيلا تجيب اللى انتوا عاوزينه
لمياء : ماشى يا يوسف
• مشى وسف من المستشفى ورجع الفيلا وقعد سهران مع نفسه بيفكر فى اللى حصل وفى المكالمه اللى جاتله وبقى حيران اكتر ..... قعد يفكر لحد ما عينه راحت فى النوم
• صحى يوسف الصبح بدرى وجهز بسرعه وخرج ركب عربيته واتحرك بيها ووصل لمبنى جهاز المخابرات ..... اول ما وصل هناك اكتشف ان المعاد بتاعه مع رئيس جهاز المخابرات بنفسه وقتها اتخض بس قدر يتحكم فى اعصابه وانتظر فى المكتب لحد ما دخل لمكتب رئيس الجهاز وهرمز لاسمه بالثعلب
الثعلب : اقعد يا يوسف
يوسف : تحت امر حضرتك يا فندم
الثعلب : طبعا انت مستغرب من المقابله
يوسف : بصراحه يا فندم بعد مكالمة امبارح انا قلقت ومعرفتش انام لمجرد ان معايا مقابله هنا فى الجهاز والقلق زاد اكتر لما عرفت ان المقابله مع سيادتك
الثعلب : ماتقلقش يا يوسف لحد دلوقتى مفيش حاجه خطيره
يوسف : لحد دلوقتى !!..... معنى كده ان ممكن يبقى فى حاجه خطيره بعد كده
الثعلب : جرى ايه يا يوسف ده احنا اساس شغلنا هو الخطر
يوسف : انا فاهم الكلام ده كله يا فندم بس اللى مش فاهمه لحد دلوقتى انا موجود هنا ليه
الثعلب : انا هفهمك كل اللى انت محتاج تفهمه واظن انك عارف قواعد شغلنا كويس
يوسف : المعرفه بقدر الحاجه
الثعلب : كويس انك عارف علشان كده انا هسألك سؤال واضح وصريح ..... فين المكان السرى اللى محدش يعرفه غيرك واللى سليم شايل فيه الحاجه المهمه ؟
يوسف : حضرتك عارف الموضوع ده
الثعلب انا عندى تفاصيل الموضوع بالكامل بس سليم قال ان انت الوحيد اللى هتقدر توصل للورق لو هو حصله اى حاجه
يوسف : صدقنى يا فندم انا من امبارح بعصر فى دماغى واحاول اعرف فين المكان ده بس مش قادر اوصل لحاجه
الثعلب : طب من وجهة نظرك ايه المكان اللى ممكن سليم يخبى فيه الورق المهم
يوسف : هنا بقى المشكله سيادتك
الثعلب : قصدك ايه
يوسف : سليم مشكلته فى بساطته ..... سليم ممكن يخبى الحاجه فى مكان ظاهر جدا قصادك بس عمرك ما تتوقعه من كتر بساطته
الثعلب : الكلام ده كان زمان ايام ما كنتوا عيال بتلعبوا مع بعض لكن سليم دلوقتى اختلف تماما عن سليم بتاع زمان
يوسف : احنا هنتعب نفسنا ليه كده ولا كده بناء على كلام دياب فى واحد معاه طرف الخيط اللى ممكن يوصلنا للمكان ده
الثعلب : الشخص ده لازم يعرف الاول ان سليم فى غيبوبه علشان يظهر واحنا مكتمين على الحادثه كلها يعنى الشخص ده ميعرفش ان سليم اتضرب بالرصاص اصلا
يوسف : احنا ممكن نسرب الخبر وساعتها الشخص ده هيظهر
الثعلب : مينفعش يا يوسف احنا مش ناقصين مشاكل
يوسف : تسمحلى يا فندم اسأل سؤال
الثعلب : انت عاوز تعرف ايه طبيعة علاقتنا بسليم
يوسف : اسف لو كنت بتخطى حدودى بس انا فعلا دماغى هتنفجر ومش فاهم حاجه
الثعلب : علاقتنا بسليم بدأت من بعد موضوع القضيه بتاعته اللى تم اتهامه فيها بقتل عمه واسامه صاحبكم ..... احنا علاقتنا بشركة الجراح علاقه قديمه من ايام الدكتور سليم الجراح ..... كان فى شغل كتير بينا وبين الدكتور سليم طبعا مش هينفع اقولك ايه طبيعة الشغل ده
يوسف : مفهوم طبعا
الثعلب : بس اللى اقدر اقولهولك ان الدكتور سليم الجراح رشح سليم ابن اخوه علشان يبقى الراجل بتاعنا من بعده بس طبعا فى الفتره اللى بعد موت الدكتور سليم كان لازم نتعامل مع شخص تانى لحد ما نتاكد ان سليم يقدر يشيل المسئوليه
يوسف : والشخص ده يبقى دياب العاصى
الثعلب : توقعك صحيح وخصوصا ان دياب كان الدراع اليمين للدكتور سليم الجراح لفتره كبيره ده غير انه فى نفس الوقت الدراع اليمين لحماه المهندس عمر الالفى
يوسف : طالما دياب كان مهم جدا بالطريقه دى ايه اللى يخليكم تتعاملوا مع سليم
الثعلب : كل واحد وليه طبيعة شغله اللى مينفعش اى حد تانى يقوم بيها غيره ..... يعنى دياب مثلا كان طبيعة شغله بره مصر على عكس سليم اللى كان كل شغله متمركز فى مصر ..... ده غير ان كان لازم الشغل يتقسم
يوسف : وعلى ما اظن ان طبيعة الشغل ده خاصه بأستر يعقوب واللى معاها
الثعلب : مش بالظبط ..... استر مجرد حلقه فى سلسله طويله
يوسف : هى استر موجوده فى مصر
الثعلب : ايوا يا يوسف ..... استر موجوده فى مصر وتحت عنينا
يوسف : اسف لو كنت بسأل كتير بس انا فعلا دماغى استوت ..... سعد صقر موجود برضه فى مصر ولا هربان بره مصر
الثعلب : موجود فى مصر وفى ايدينا
يوسف : طب سعد ليه علاقه باللى حصل لسليم
الثعلب : لا ..... احنا قبضنا على سعد قبل اللى حصل
يوسف : قبضتوا على سعد امتى وازاى ..... ده مفيش اى خبر عن الموضوع ده
الثعلب : احنا فعلا قبضنا على سعد بس لسه مسلمناهوش للشرطه ومتسألش عن السبب
يوسف : لا انا فاهم السبب .... اكيد علشان استر تتلخبط ومتعرفش تتصرف
الثعلب : حاجه زى كده
يوسف : طب انا مطلوب منى ايه سيادتك
الثعلب : مطلوب منك تعصر دماغك وتعرف المكان اللى سليم شايل فيه الورق وكمان تسمع كلام دياب بدون نقاش واى حاجه يرفض يقولهالك اعرف انها سر ولو عرفت مكان الورق تبلغ بيه دياب ومتتصرفش من دماغك
يوسف : حاضر يا فندم
الثعلب : انت ظابط ذكى جدا يا يوسف وانا حاطط عينى عليك من ايام قضية سعد وبقولك مستقبلك عظيم وقريب جدا جدا هباركلك لما تتنقل الجهاز هنا
يوسف : حضرتك بتتكلم بجد يا فندم
الثعلب : حركة الترقيات قربت ..... انا عارف ان دورك فى الترقيه لسه بعد سنتين بس انت فعلا تستحق ترقيه استثنائيه
يوسف : اتمنى اكون عند حسن ظن سيادتك
الثعلب : انا واثق من كده .... عارف يا يوسف انا بقالى اكتر 10 سنين قاعد على الكرسى ده ومن وقتها برشح الظباط اللى زيك للأماكن الحساسه سواء كان هنا فى الجهاز او اى جهاز تانى .... عمرى فى حياتى مارشحت حد وندمت عليه اتمنى انك تكون قد المسئوليه
يوسف : مش عارف اقول لسيادتك ايه
الثعلب : انا عاوز اشوف فعل مش مجرد كلام
يوسف : اوعدك يا فندم هتشوف فعل قريب جدا
الثعلب : تقدر تتفضل دلوقتى ولو فى اى حاجه حصلت بلغها لدياب وهو هيتصرف
يوسف : تمام يا فندم
• مشى يوسف من جهاز المخابرات وطلع على المستشفى
• من ناحيه تانيه استر قاعده مع احمد صقر
استر : جرى ايه يا احمد هو كل ما تبعت حد من عندك علشان ينفذ مهمه يختفى بالشكل ده
احمد : انا لحد دلوقتى مش عارف ايه اللى حصل فى المستشفى ورفضت اكلم الدكتور
استر : ليه رفضت تكلمه
احمد : اتفاقى معاه ان هو اللى يكلمنى بعد ما يخلص وبعدين انا مش ضامن مين اللى يرد عليا
استر : طب والحل ايه دلوقتى هنفضل حاطين ايدينا على خدنا كده كتير ومش عارفين ايه اللى بيحصل
احمد : لو فى حاجه حصلت كنا هنعرفها
استر : دى فى حد ذاتها مصيبه
احمد : اكيد هنلاقى حل للموضوع ده
• فجأه دخل عليهم البيرت وعلى وشه علامات الغضب
استر : ادخل فى المصيبه على طول يا البيرت وشك باين عليه المصايب
البيرت : فى خبرين مش كويسين نهائى
استر : اشجينى بالخبر الاول
البيرت : يوسف العصار هرب من المراقبه
استر : والخبر التانى
البيرت : الخبر التانى من مستشفى الجراح
استر : الدكتور اللى تبع احمد اتمسك
البيرت : الدكتور مختفى من امبارح بس برضه مش ده الخبر
استر : هو لسه فى مصايب تانيه ..... اخلص قول
البيرت : تم اخلاء الدور الاخير فى المستشفى بالكامل ونقلوا سليم هناك
استر : يبقى كده الدكتور اللى بعتناه اتكشف ..... لازم نشوف حد تانى فى اسرع وقت ممكن
البيرت : للأسف مش هينفع خلاص
استر : قصدك ايه
البيرت : مفيش اى دكتور او ممرضه من المستشفى هيتابع حالة سليم لأن فى طقم دكاتره وممرضين هيوصلوا النهارده من بره وهما اللى هيتابعوا حالة سليم الجراح .... ده غير ان فى دلوقتى طقم حراسه استلم المستشفى ومتمركزين فى الدور اللى هيقعد فيه سليم
استر : فى مصايب تانيه نسيت تقولها ولا خلاص كده
البيرت : فى شركة امن موجوده دلوقتى فى المستشفى بتركب كاميرات مراقبه فى اوضة سليم وفى الدور كله علشان يرصدوا اى حركه تحصل هناك
استر : اخبارك كلها زى الزفت على الصبح
احمد : بالطريقه دى اصبح من المستحيل حد يقدر يوصل لسليم
استر : البركه فى الدكتور الخايب اللى انت بعته علشان يخلص واكيد زمانه اعترف عليك لدياب زى ما رجالتك اعترفوا عليك فى موضوع المناقصه
احمد : لا متخافيش الدكتور ميعرفش ان انا اللى باعته اصلا
استر : ازاى يعنى
احمد : اللى بيشغل الدكتور ده واحد من رجالتى وهو اللى بيديله الاوامر من غير ما اظهر فى الصوره اصلا ..... والراجل بتاعى محدش يعرفه اصلا يعنى مهما حاولوا مع الدكتور مش هيطلعوا منه بأى حاجه مفيده
استر : متأكد من المعلومه دى ولا هيحصل زى ما حصل قبل كده وقت المناقصه
احمد : طبعا متأكد
البيرت : بس انتوا مش ملاحظين حاجه
استر : حاجة ايه
البيرت : مفيش اى جهه اعلاميه نشرت اللى حصل
استر : اكيد دياب مكتم على الخبر علشان يحافظ على اسهم الشركات
البيرت : طب ايه رائيك نسرب الخبر احنا للصحافه واحنا معانا صور للحادثه وصور تانيه لسليم فى المستشفى
استر : خليها اخر خطوه مش دلوقتى
البيرت : امتى يعنى
استر : اصبر يوم ولا اتنين لحد ما نشوف ايه اللى هيحصل
البيرت : انا شاكك ان يوسف هرب علشان يجيب الورق اللى يخصنا
استر : يوسف مش مهم بالنسبالى ..... المهم بالنسبالى كريم ودياب
البيرت : انا ياما قولت نخلص من دياب بس انتى اللى كانت عاجباكى اللعبه
استر : هتفضل طول عمرك غبى يا البيرت
البيرت : ليه بقى
استر : لان المشكله مش فى دياب اصلا ..... المشكله فى الناس اللى وراء دياب ..... انا كنت قادره اخلص من دياب زى ما خلصنا من الدكتور سليم الجراح بس كان هيجى شخص تانى احنا منعرفش حاجه عنه وهيتعبنا لحد ما نعرف نتعامل معاه ..... عارف يا البيرت ايه الفرق اللى بينى وبينك
البيرت : ايه الفرق
استر : انا ببص لبعيد لكن انت بتبص تحت رجليك ..... يا البيرت احنا مش بنحارب مجموعة شركات وخلاص على كده ..... لا احنا بنحارب كيان كبير بقاله زمن بيكون فى نفسه ويستعدلنا واحنا مش واخدين بالنا ومش قادرين نحدد مدى قوته ولا مين اللى وراه ..... تقدر تقولى بيانات اى شخص من الجاردات اللى بيشتغلوا تحت ايد كريم ودياب .... تعرف اى حاجه عنهم ..... تعرف جنسياتهم ...... كريم نفسه منعرفش عنه اى حاجه ولا نعرف الفتره اللى اختفاها كان بيعمل فيها ايه والفتره دى مش يوم ولا اسبوع ولا حتى شهر ..... الفتره دى اكتر من 10 سنين
البيرت : ...........
استر : ساكت ليه ...... طبعا مش لاقى كلام تقوله ...... فالح بس كل شويه تقولى نخلص من دياب وانت معندكش تصور لأى حاجه ممكن تحصل ...... وبعدين انا سمعت كلامك اكتر من مره قبل كده وبعتنا رجاله تخلصنا من دياب ورجعوا زى خبيتها من اول فرح دياب وبعد كده الحفله ..... تقدر تقولى احنا استفدنا ايه غير ان دياب كل شويه يعلم علينا
احمد : استنى عندك ..... هو الرجاله اللى اقتحموا الفرح كانوا تبعك انتى ..... امال ليه لما سألتك قولتيلى انهم ناس تانيه وانك كل اللى عملتيه انك هربتى خالى وبس
استر : كان لازم اقولك كده علشان ترضى تتعاون معانا وانت لو لاحظت ان مفيش اى حد من الرجاله قرب منك او من عيلتك ..... الرجاله كان كل هدفهم دياب وسليم الجراح وبنات عمه
احمد : بعدين نتكلم فى الموضوع ده بس نخلص الاول اللى احنا فيه
استر : اهم حاجه دلوقتى نحط عنينا على دياب وكريم كويس ولو هربوا من رجالتك يا البيرت انا هقتل رجالتك بأيدى
البيرت : حاضر يا استر
• من ناحيه تانيه يوسف وصل المستشفى وكان موجود كريم ودياب ومعاهم الناس اللى بتزرع الكاميرات
يوسف : ايه اللى بتعملوه ده
دياب : لازم سليم يبقى تحت الحراسه طول 24 ساعه
يوسف : الطقم الطبى وصل ولا ايه الدنيا
كريم : كام ساعه وهيكونوا موجودين
دياب : عملت ايه فى مشوارك
يوسف : كله تمام
دياب : يعنى اتأكدت ان احنا مش بنعمل اى حاجه شمال
يوسف : انا متأكد من الاول بس كان لازم اعرف
دياب : على العموم حصل خير ..... اهم حاجه دلوقتى نلاقى الورق
يوسف : من امبارح بحاول اعصر دماغى ومش عارف اوصل لحاجه
دياب : طب من وجهة نظرك سليم مخبى الورق ده هنا فى القاهره ولا فى الاقصر
يوسف : كل الاحتمالات وارده
كريم : انا متأكد ان الورق فى الاقصر
دياب : طب سليم عنده مكان تانى فى الاقصر غير بيته
يوسف : لا خالص
دياب : احنا بعتنا رجاله امبارح لبيت سليم وقلبوه بدون اى فايده مفيش اى اثر للورق
يوسف : وانا قلبت الدنيا فى الفيلا ومفيش اى اثر
دياب : ممكن يكون فى شقة المقطم اللى اشتراها بعد موت الدكتور سليم
كريم : برضه بعتنا رجاله هناك ومفيش اى فايده
دياب : يعنى هيكون فين المكان السرى ده
كريم : مضطرين نستنى الراجل اللى عارف اول الخيط
• بالليل وصل الطقم الطبى للمستشفى واتولى حالتى ومفيش اى جديد فى كلامهم
• تانى يوم الكل متجمع فى المستشفى ...... كريم ويوسف ودياب قاعدين مع بعض
يوسف : لسه مفيش اى جديد يا دياب
دياب : لا خالص
كريم : انا قلبت الدنيا ومش عارف اوصل للورق حتى عربية سليم فتشت فيها
دياب : اصبر يا كريم انا واثق ان احنا هنلاقى الورق
كريم : اهم حاجه نلاقى الورق فى الوقت المناسب
• فجأه دخل عليهم سليم صقر
دياب : سليم ! ..... ايه اللى جابك هنا
سليم : طمنى يا دياب على سليم
دياب : مين اللى قالك على اللى حصل
سليم : كنت قاعد مع ليندا وسمعتها بتكلم والدها وبتقوله ان سليم فى غيبوبه
دياب : ادعيله يا سليم
سليم : **** يقومه بالسلامه ..... طب الدكاتره بتقول ايه
دياب : محدش عارف هيفوق من الغيبوبه دى امتى
سليم : انشاء **** يقوم قريب ويرجع لبيته وشغله تانى زى الأول واحسن
دياب : انا عاوزك ترجع الفيلا دلوقتى ومتجيش هنا تانى من غير ما تكلمنى
سليم : شويه كده وهمشى بس عاوزك فى موضوع مهم
دياب : موضوع ايه ده
سليم : امانه سليم وصانى عليها ودلوقتى وقتها
كريم : هو انت اللى معاك طرف الخيط يا سليم
سليم : انا معرفش ايه طرف الخيط اللى بتتكلم عليه ..... انا كل اللى اعرفه ان سليم قالى لو حصله حاجه ابلغكم انتوا التلاته رساله
دياب : ايه الرساله دى
سليم : لما تلاقوا نفسكم متعصبين ومش عارفين تفكروا العبوا ملاكمه وخرجوا الطاقه السلبيه فى كيس الملاكمه
دياب : ايه الهبل ده ..... كيس ملاكمة ايه وعصبية ايه فى الوقت ده
سليم : دى الرساله اللى بلغهانى سليم من اسبوع لما قابلنى فى النادى ..... انا كده بلغت الرساله عن اذنكم لازم امشى وفكروا كويس فى معنى الرساله
• بعد ما سليم مشى
كريم : الوحيد اللى يعرف حل الرساله دى انت يا يوسف
يوسف : انا عرفت معنى الرساله
كريم : يعنى عرفت مكان الورق
يوسف : تقريبا
دياب : وفين المكان ده
يوسف : انا لازم اتحرك دلوقتى واسافر الاقصر
كريم : انت متاكد ان الحاجه فى الأقصر
يوسف : على حسب فهمى للرساله
دياب : يبقى لازم نتحرك دلوقتى
يوسف : انت هتيجى معايا
كريم : احنا الاتنين جايين معاك مينفعش نسيبك دى تعليمات ولازم تتنفذ
يوسف : اهم حاجه دلوقتى هنخرج ازاى ونهرب من المراقبه
كريم : متخافش يا يوسف دى لعبتى ..... احنا هنخرج من المستشفى من باب المشرحه وهنخرج فى عربية اسعاف هتوصلنا للمطار وهناك فى طياره خاصه موجوده وجاهزه هنوصل الاقصر نجيب الورق ونرجع على طول
يوسف : طب يلا بينا بسرعه
• اتحرك الجماعه بناء على خطة كريم وفعلا مفيش حد حس بيهم ووصلوا الاقصر وطلعوا على بيتى ودخلوا بالمفتاح اللى مع يوسف
كريم : بس احنا فتشنا البيت كويس ومفيش اثر للورق
يوسف : انت ممكن تكون فتشت البيت كله بس اكيد مخطرش فى بالك تفتش فى كيس الملاكمه ده
كريم : تصدق فعلا ..... رسالة سليم معناها نفتش فى كيس الملاكمه
دياب : طب يلا بسرعه ننزل كيس الملاكمه
• نزلوا كيس الملاكمه وفتحوه بس للأسف مفيش اى حاجه فى كيس الملاكمه
دياب : ايه ده بقى الكيس مفيهوش اى حاجه
يوسف : تفتكر استر وصلت للكيس ده قبلنا
كريم : لا استر ماوصلتش لحاجه
دياب : يعنى هيكون الورق راح فين
كريم : الصبر يا دياب .....الموضوع محتاج شوية تركيز وهنوصل
دياب : ركز يا سيدى لما نشوف اخرتها
• قعد كريم على كرسى وبيفكر وبيبص كويس على البيت لحد ما فجأه قام مفزوع
كريم : لقيتها
دياب : فين
• اتحرك كريم ناحية الحيطه اللى قصاد كيس الملاكمه وكان فى ميداليه متعلقه على الحيط فيها مفتاح عربيه
كريم : حل اللغز فى المفتاح ده
دياب : ده مفتاح عربيه بس عربيه قديمه جدا
كريم : العربيه دى فين بقى
يوسف : ههههههههههه يخرب عقلك يا سليم فعلا مكان مايخطرش على بال الجن
دياب : انت عارف العربيه دى
يوسف : ايوه اعرفها بس المشكله هنوصلها ازاى
دياب : مش فاهمك
يوسف : العربيه دى بتاعة والد اسامه الهوارى او بمعنى اصح بتاعة جده ..... عربيه خرده
دياب : اوعى يكون قصدك العربيه اللى كان اسامه بيخبى فيها السجاير والحشيش
يوسف : ايوا بالظبط ..... بس انت تعرف العربيه دى من فين
دياب : سليم حكالى عليها قبل كده بس الكلام ده من فتره طويله
كريم : العربيه دى فين وهنوصلها ازاى
يوسف : العربيه موجوده فى بيت الحاج عزت والد اسامه
كريم : وهنوصلها ازاى
يوسف : انا هروح للحاج عزت اسلم عليه واحاول اتصرف واجيب الحاجه منها
دياب : طب يلا بسرعه مفيش وقت علشان لازم نرجع القاهره قبل الليل
يوسف : انا هتحرك دلوقتى
• اتحرك يوسف وراح بيت الحاج عزت
عزت : ازيك يا يوسف .... واحشنى يابنى
يوسف : انا بخير يا عمى .... طمنى عليك انت اخبارك ايه
عزت : الحمد *** يا بنى ايام وعايشنها لحد ما *** يأذن بالمعاد
يوسف : بعد الشر عليك يا عمى **** يخليك لينا ومايحرمنا منك
عزت : الموت مش شر يا يوسف .... الشر الحقيقى فى الدنيا اللى احنا عايشينها
يوسف : عندك حق يا عمى
عزت : طمنى على اخبارك انت وسليم ومراتك وابنك
يوسف : كلنا كويسين وبخير
عزت : طب الحمد ***
يوسف : ايه اخبار الحاجه فاطمه
عزت : احسن بكتير دلوقتى وبقيت تتحرك فى البيت زى الاول
يوسف : طب ده خبر كويس ..... امال هى فين
عزت : كانت بتزور اسامه ورجعت دخلت اوضتها لانها بترجع تعبانه من هناك
يوسف : **** يكون فى عونها ويصبرها
عزت : بس ايه اللى جابك البلد النهارده ..... انت كنت هنا من اسبوعين
يوسف : عندى مأموريه تبع الشغل هنا فى المديريه وقولت اعدى اسلم عليك وعلى ابويا قبل ما ارجع القاهره تانى
عزت : هترجع القاهره امتى
يوسف : النهارده بالليل
عزت : تعب عليك يابنى
يوسف : اوامر الشغل يا عمى
عزت : **** معاك يا بنى ويوفقك فى شغلك
يوسف : طب انا همشى دلوقتى واحاول ارجع بعد العصر علشان اسلم على الحاجه فاطمه قبل ما اسافر
عزت : ايه اللى بتقوله ده يا يوسف انت هتتغدى معانا
يوسف : سامحنى يا عمى بس لازم اروح البيت اسلم على ابويا وامى لان لسه ماشوفتش حد فيهم بس جيتلك انت الاول ولسه هرجعلك تانى علشان اسلم على عمتى
عزت : براحتك يابنى بس هستناك بعد العصر
يوسف : حاضر يا عمى
• خرج يوسف من البيت ووقف شويه فى الشارع يبص علشان يتطمن ان مفيش حد بعدها راح ناحية العربيه وفتحها ولسه بيفتش فيها دخل عليه الحاج عزت
عزت : انت بتعمل ايه هنا يا يوسف
يوسف : مفيش يا عمى بس افتكرت ذكرياتنا انا وسليم واسامه مع العربيه دى وقولت ابص عليها
عزت : هسأل سؤال واحد وتجاوبنى بصراحه
يوسف : اتفضل يا عمى
عزت : سليم حصله حاجه
يوسف : ليه بتقول كده
عزت : لأن مفتاح العربيه مش موجود غير مع سليم ..... اخده منى يوم ما حط الامانه بتاعته جواها وقالى لو حصله حاجه انت هتيجى للعربيه علشان تاخد الامانه
يوسف : ........
عزت : ساكت ليه يا يوسف ..... هو سليم حصله حاجه ..... انا اتصلت بيه وتليفونه مقفول وبصراحه قلقت لما لقيتك جيت فجأه كده
يوسف : سليم اتضرب بالنار من يومين
عزت : وهو فين دلوقتى
يوسف : دخل فى غيبوبه
• انهار الحاج عزت لما سمع الخبر وقعد يعيط
يوسف : اهدى يا عمى وانشاء **** سليم هيقوم منها احسن من الاول
عزت : انا كنت عارف ان ده هيحصل من الاول من يوم ما جانى وساب الامانه دى هنا
يوسف : امتى الكلام ده يا عمى
عزت : المره الاخيره اللى كان موجود فيها هنا فى البلد من اسبوعين
يوسف : احكيلى اللى حصل بالظبط
عزت : انا هحكيلك كل اللى حصل
• فلاش باك قبل اسبوعين ..... الحاج عزت كان قاعد فى بيته مع الحاجه فاطمه وامنيه بنت اخوه بعد المغرب والباب خبط وكنت انا اللى على الباب .... دخلت وسلمت على الكل
امنيه : اخبارك ايه يا سليم بقالى كاير معرفش عنك حاجه
انا : سامحينى يا امتيه بس ضغط الشغل
امنيه : **** معاك
فاطمه : طلعت اصيل يا سليم وابن اصول بصحيح
انا : ليه بتقولى كده يا عمتى
فاطمه : برغم كل مشاغلك واللى حصلك على ايد ابنى لسه برضه فاكرنا وبتسأل علينا ومهانش عليك العيش والملح
انا : يا عمتى انا عيشت طول عمرى معرفش اهل غيركم ..... اتربيت على اديكم وكبرت وسطكم ..... فرحت معاكم وزعلت معاكم ...... وقولتلك قبل كده ان انا نسيت كل اللى اسامه عملوا معايا من اول ما ركبت القطر وسافرت القاهره بعد المشكله اياها ..... اسامه مكانش بس صاحبى لا ده كان اخويا وواجب على الاخ انه يسامح اخوه مهما غلط فى حقه
فاطمه : مش بقولك اصيل وابن اصول بصحيح
عزت : امال يوسف فين
انا : يوسف فى بيته مع ابوه وامه انت عارف بقى اليوم اللى بيرجع فيه البلد مش بيعرف يخرج خالص من الحاجه كريمه وخصوصا بعد ما خلف دى ماسكه فيه هو وابنه ومش راضيه تسيبهم
فاطمه : عقبال ما اشيل ابنك يا سليم
انا : ادعيلى يا عمتى **** يرزقنى
فاطمه : بدعيلك على طول يابنى **** يرزقك ويكفيك شر الدنا واللى فيها
انا : انا فعلا ماشى بدعواتك
عزت : هنتكلم كتير يا حاجه ولا ايه
فاطمه : عاوز ايه يا حاج
عزت : مش هتجهزولنا عشاء ولا ايه
انا : اوعى تتعبى نفسك يا عمتى انا مش غريب انا شبعان ومليش نفس فى اى حاجه غير كوباية شاى وبس
عزت : و**** ما يحصل انت لازم تتعشى معانا
انا : ليه بس تحلف
عزت : خلاص خلصت ..... يلا يا حاجه انتى وامنيه جهزولنا العشاء علشان عاوز اقعد مع سليم شويه
امنيه : حاضر يا عمى نص ساعه والاكل يكون جاهز
• قامت امنيه مع الحاجه فاطمه
عزت : مالك يا سليم شكلك مش عاجبنى
انا : تعبان يا عمى
عزت : الف سلامه عليك من التعب يا بنى ..... احكيلى مالك
انا : سيبك منى انا دلوقتى ..... انا جايلك فى موضوع مهم
عزت : حسيت ان فى حاجه خصوصا لما جيت لوحدك من غير يوسف ..... خير يا بنى
انا : انت عاوز تاخد بتار اسامه
عزت : ياريت يابنى بس يا ترى هاخده من مين خصوصا بعد ما سعد صقر هرب
انا : تارك مش عند سعد صقر
عزت : ازاى بقى مش رجالة سعد هما اللى قتلوه
انا : سعد مجرد شخص بينفذ اوامر لكن الموضوع اكبر من سعد بكتير
عزت : قصدك ايه يا سليم
انا : انا عارف مين اللى بيحرك سعد وقتل اسامه علشان يخلص منى انا
عزت : ازاى يعنى
انا : فى ناس كل همها تدمر شركات عمى ولما لاقونى واقفلهم استغلوا اللى كان بينى وبين اسامه وقتلوه علشان البس انا القضيه ويبقى خلصوا منى
عزت : مين الناس دى يا سليم
انا : مش مهم مين الناس دى ..... المهم ناخد بتارنا منهم ازاى
عزت : ايه اللى فى دماغك يا سليم
انا : الظرف ده فيه ورق مهم ممكن يدمر الناس دى نهائى ..... الورق ده محدش يعرف عنه اى حاجه غيرى انا وانت وبس
عزت : الورق ده فيه ايه
انا : الورق ده فيه كل المصايب اللى الناس دى بيعملوها
عزت : وانت ناوى تعمل ايه بالورق اللى معاك
انا : انا دلوقتى بقيت شاكك فى كل الناس اللى حواليا ومش عارف مين الصادق ومين الخاين والورق ده لو ضاع منى مش هعرف ارجعه تانى والناس اللى هواجهها اقوى بكتير مما تتخيل دى ناس بتلعب بمصابر دول مش مجرد عصابه
عزت : طب ما تسلم الورق اللى معاك للحكومه وهما يتصرفوا
انا : مش هينفع ومتسالش ليه
عزت : طب انت ناوى على ايه
انا : هسيب الورق ده امانه عندك ..... انت الوحيد اللى مش ممكن حد يتوقعه ..... ولو حصلى حاجه فى حد هيجيلك علشان ياخد الورق منك
عزت : وانا معاك يا بنى فى كل اللى هتقول عليه
انا : يبقى تعالى نتفق هنخبى الورق ازاى
• عوده من الفلاش باك
عزت : ده كل اللى حصل يا يوسف
يوسف : انا لازم ارجع القاهره دلوقتى
عزت : هتعمل ايه بالورق اللى معاك
يوسف : متخافش يا عمى انا عارف هتصرف ازاى بس ياريت اللى حصل ده يفضل سر ومش عاوز اى حد يعرف اى حاجه
عزت : انا هسافر معاك لازم اتطمن على سليم بنفسى
يوسف : مش دلوقتى يا عمى ..... اصبر كام يوم بس وبعدها ابقى تعالى براحتك
عزت : حاضر يا يوسف ..... انا هصبر كام يوم وبعدها هتلاقينى عندك فى القاهره
يوسف : طب اتحرك انا بقى بس ليا طلب اخير عندك
عزت : خير يا بنى
يوسف : مش عاوز اى حد يعرف انى كنت هنا ولا حتى ابويا نفسه
عزت : حاضر يا بنى
• اخد يوسف الورق وراح لدياب وكريم عندى فى البيت
كريم : طمنى عملت ايه يا يوسف
يوسف : لقيت الورق
دياب : انت شوفت الورق
يوسف : الأوامر اللى عندى بتقول ان ممنوع ابص عليه .... الورق فى الظرف ده ومقفول زى مل سليم حطه
دياب : حد شافك
يوسف : مفيش غير والد اسامه مسكنى وانا بفتح العربيه
دياب : وعملت معاه ايه
يوسف : طلع عارف كل حاجه من سليم بس ميعرفش الورق ده فيه ايه بالظبط
كريم : احنا لازم نتحرك دلوقتى
• اتحرك الجماعه على المطار وسافروا القاهره ..... يوسف طلع على المستشفى ودياب وكريم طلعوا على الدكتور سليم الجراح وشرحوله كل اللى حصل
سليم : ياه يا ولاد اخيرا وصلنا للى بقالنا سنين بنرتبله
كريم : اموت واعرف سليم وصل للورق ده ازاى
سليم : اللغز ده هنعرفه لما سليم يقوم بالسلامه
دياب : اللى محيرنى اكتر الطريقه اللى شال بيها الورق
كريم : فعلا يا دياب ده عمل لغز لازم تحله علشان تعرف توصل للورق
سليم : طلعت ذكى يا سليم ومخيبتش ظنى فيك
دياب : هنعمل ايه دلوقتى
سليم : بلغوا الجماعه ان الاجتماع بكره فى فيلا المقطم
دياب : احنا هنفذ خطة سليم ولا هنعمل ايه بالظبط
سليم : خطة سليم بتتكون من مرحلتين ..... المرحله الاولى هتاخد وقت شويه علشان كده لازم نبدأ فورا
كريم : بالطريقه دى لازم نكلم ابراهيم فى اسبانيا ونشوف هيوصل امتى علشان نشرحله كل التفاصيل
سليم : ابراهيم وصل القاهره النهارده الصبح حاولوا تقابلوه وتشرحوله كل حاجه
دياب : كده كويس جدا ..... انا حاسس ان احنا قربنا اوووى
سليم : يلا اتحركوا دلوقتى ورتبوا لأجتماع بكره
دياب : حاضر يا فندم
• نرجع عندى فى المستشفى لمياء ومريم وشرين قاعدين فى الاوضه عندى ودخل عليهم يوسف
يوسف : طمنونى ايه الاخبار
مريم : مفيش جديد يا يوسف والدكاتره مش بيقولوا اى جديد
يوسف : اهم حاجه دلوقتى ان حالته مستقره
لمياء : يوسف بيتكلم صح يا مريم اهم حاجه ان الحاله مستقره وسليم فى خلال 3 ايام اللى فاتوا مفيش اى تدهور فى حالته
مريم : انا خايفه موضوع الغيبوبه ده يطول
شرين : انشاء **** لا .... انا واثقه ان سليم هيفوق فى اقرب وقت
لمياء : وانا كمان عندى نفس الاحساس
• مر اليوم ده عادى وتانى يوم الصبح اتحرك كريم ودياب على المقطم بعد ما عرفوا يقنعوا المراقبه انهم فى المستشفى وراحوا المقطم وبعدها بشويه وصل الدكتور سليم الجراح لفيلا المقطم ..... كان موجود فى الفيلا مجموعه من رجال الاعمال العرب ومجموعه من رؤساء اجهزة المخابرات وهما عباره عن
1. رئيس جهاز المخابرات المصريه ( الثعلب )
2. رئيس جهاز المخابرات الفلسطينيه ( النمر )
3. رئيس جهاز المخابرات الليبيه ( الصقر )
4. رئيس جهاز المخابرات التونسيه ( الديب العجوز )
5. رئيس جهاز المخابرات اليمنيه ( الضبع )
6. رئيس جهاز المخابرات العراقيه ( الطاووس )
7. رئيس رجال الاعمال ( العقرب )
• كان الاجتماع بقيادة الدكتور سليم الجراح ( الفهد الاسود )
الفهد : اهلا وسهلا بيكم .... انا عارف ان الاجتماع اتاخر بس انتوا عارفين الظروف اللى حصلت وكلن لازم اتطمن على سليم واوصل للورق المهم اللى كان شايله
النمر : كريم ودياب شرحولنا كل حاجه بالتفصيل
الصقر : انشاء **** سليم يقوم بالسلامه
الديب العجوز : اللى حصل لسليم لازمله رد فى اسرع وقت
الفهد الاسود : الاجتماعات بتاعتنا اقوى من اى رد احنا خلاص قربنا نخلص خصوصا بعد الورق اللى قدرنا نوصله عن طريق سليم
الطاووس : هنبدأ ازاى دلوقتى
الفهد الاسود : طول السنين اللى فاتت قدرنا نمهد فيها الطريق للى جاى .... دلوقتى معاد الضربه القاضيه
الضبع : انا شايف ان احنا ننفذ الخطه اللى قال عليها سليم
الفهد الاسود : هو ده اللى هيحصل ...... من بكره هنبدأ فى التنفيذ واول حاجه لازم نبدأ بيها هى البورصه والشركات بتاعة استر واللى وراها
الثعلب : قبل ما نبدأ فى الضرب لازم نكون متأكدين ان الشركات العربيه والمصانع عندها القدره على سد العجز اللى هيحصل والا هتحصل فوضى وكوارث
الفهد الاسود : احنا بقالنا سنين بنرتب للحرب دى ومستعدين ومعانا اكبر رجال الاعمال فى الوطن العربى وشركاتهم عندها اتم الاستعداد لسد العجز اللى هيحصل
الطاووس : بس العجز اللى هيحصل مش مجرد عجز فى الاغذيه ولا حتى الإحتياجات الاساسيه بالعكس دى الشركات الصهيونيه بتشتغل فى كل حاجه ده غير البنوك اللى هتدمر وتفلس وهيوقع وراهم رجال اعمل كتير
الضبع : الطاووس يقصد ان احنا هنبقى داخلين على ازمه اقتصاديه اتقل من ازمة الديون العقاريه بتاعة 2008
الفهد الاسود : احنا عندنا توقعات اسوء من كده وهنعرف نتعامل معاها
العقرب : الكلام اللى حضرتك بتقوله احنا عارفينه كويس ودارسينه وهنعرف نطلع من الازمه بمكاسب كبيره جدا بس اهم حاجه دلوقتى نعرف هنبدأ ازاى
الفهد الأسود : هنبدأ بالبنوك .... لازم نضرب البنوك المتورطه مع استر وشلتها ..... بس قبل ما نضرب البنوك عاوزكم فى خلال 3 شهور تسحبوا جميع اصدتكم من البنوك وبهدوء جدا
العقرب : احنا فعلا سحبنا معظم الارصده وحولناها لدهب والباقى فى البنوك مش كتير اوى يعنى محتاجين شهرين بالكتير علشان نقدر نسحب الارصده بتاعتنا وبتاعة كل الناس اللى تبعنا
الفهد الاسود : لا ..... لازم نسحبها على اطول فتره ممكنه علشان محدش يحس بأى حاجه
العقرب : تمام
الفهد الاسود : بعد كده نبدأ فى تنفيذ المرحله اللى بعد كده وهشحهالكم دلوقتى
• استمر الاجتماع اكتر من 6 ساعات لحد ما اتفقوا على كل حاجه
الفهد الأسود : احنا كده اتفقنا على كل حاجه تقدورا تسافروا النهارده وكل واحد ينفذ المطلوب منه وبالنسبه للإجتماع اللى جاى هيكون هنا فى نفس المعاد علشان نشوف هنعمل ايه تانى
الثعلب : حضرتك هترجع اسبانيا ولا هتعمل ايه بالظبط
الفهد الاسود : لا انا قاعد فى القاهره الفتره دى ..... وجودى فى اسبانيا ملهوش اى لازمه خلاص
الثعلب : على فكرة رجالة استر متابعين رجالتنا اللى اتكشفوا فى اسبانيا
الفهد الاسود : خليهم يلعبوا براحتهم
الثعلب : فى اى اوامر جديده بالنسبه للرجاله دى
الفهد : لا سيبوهم زى ما هما وخليهم يعملوا اجتماعات كتير الفتره اللى جايه ..... عاوز اجتماعاتهم تبقى ملفته للنظر
الثعلب : حاضر يا فندم
الفهد الاسود : طب انا همشى دلوقتى ولو فى جديد بلغونى
• مشى الدكتور سليم ورجع للفيلا بتاعة كريم
• من ناحيه تانيه عند استر والبيرت قاعدين مع بعض
استر : مش عارفه ليه مش مرتاحه يا البيرت
البيرت : ليه كده
استر : دياب وكريم ويوسف مش بيعملوا اى حاجه
البيرت : الظاهر كده محدش فيهم عارف يوصل للورق
استر : احنا لازم نحركهم شويه
البيرت : ازاى يعنى
استر : عاوزاك تسرب خبر الحادثه للصحافه وتنشر صور سليم فى المستشفى
البيرت : بس كده احنا كمان اسهم شركاتنا هتتأثر بالخبر ده
استر : متخافش يا البيرت انا عامله حساب الموضوع ده كويس
البيرت : حاضر
استر : وفى نفس الوقت عاوزه سليم صقر يكون عندى ..... سليم صقر هو نقطة ضعف دياب وهو اللى هيجيبه راكع تحت رجلى
البيرت : هنعمل كده ازاى
استر : مش احنا اللى هنعمل كده
البيرت : امال مين اللى هيعمل كده
استر : البنت مليكه وامها
البيرت : سليم دلوقتى باستمرار عندهم
استر : بلغهم ينفذوا الجزء التانى من الخطه
البيرت : حاضر
استر : يلا اتحرك
• بعد يومين صحى دياب على مكالمه من كريم
دياب : ايوا يا كريم فى ايه
كريم : مصيبه يا دياب
دياب : مصيبة ايه انطق
كريم : خبر الحادثه بتاعة سليم اتسرب على النت وكل المواقع شغاله فى النشر ومش قادرين نسيطر عليها واسهمنا فى البورصه بتنهار
دياب : اقفل يا كريم انا نازل حالا
• قام دياب بسرعه واتحرك على الشركه وطبعا كان الخبر انتشر زى النار فى الهشيم وعمل اجتماع مع مجلس الادارده وبيحاول يسيطر على الموقف
• قعد دياب طول اليوم يحاول يسيطر على الموقف بس بدون اى فايده
• من ناحيه تانيه سليم صقر قاعد عند مليكه وامها فى شقتهم
مليكه : امتى يا سليم هتقدر تواجه والدك وتخطبنى
سليم : المشكله مش فى والدى يا مليكه
مليكه : امال المشكله فين يا سليم
سليم : دلوقتى مش هقدر اقولك بس اكيد هيجى اليوم اللى هتعرفى فيه كل حاجه
مليكه : كل اللى عارفاه انى بحبك ومش قادره استغنى عنك
سليم : ولا انا اقدر استغنى عنك يا حبيبتى .... انتى بالنسبالى الدنيا كلها ومقدرش ابعد عنك
مليكه : بعشقك يا حبيبى
• فجاه ام مليكه ندهت عليها
مليكه : عن اذنك يا حبيبى اشوف ماما عاوزه ايه وارجعلك تانى
سليم : روحى يا حبيبتى
• قامت مليكه ودخلت الاوضع عند والدتها
مليكه : ايوا يا ماما
والدتها : ايه الاخبار
ملكه : كله تمام
والدتها : خدى البرفان ده اديه لسليم على اساس انه هديه منك وحاولى تخليه يجربه واهم حاجه انتى ماتشميش منه
مليكه : انا اخاف اعمل حاجه زى دى
والدتها : متخافيش وجمدى قلبك ..... مجرد ما يشم البرفان هيروح فى النوم بعدها هبعت رساله للجماعه وهما هيتصرفوا
مليكه : صدقينى يا ماما مش هعرف وهرتبك وهفضح الدنيا
والدتها : خلاص تعالى معايا وانا هتصرف
• خرجت مليكه ومامتها لسليم
سليم : ايه اللى اخرك يا مليكه
والدتها : ابدا يا حبيبى احنا كنا بندور على زجاجة البرفان اللى مليكه جابتهالك هديه بس كانت ضايعه ولقيناها
سليم : بمناسبة ايه
مليكه : من غير مناسبه يا حبيبى ..... وجودك معايا ده اجمل مناسبه
سليم : ماشى يا ستى مقبوله منك ..... ورينى البرفان ده كده
• ولحد هنا خلص الجزء على كده ..... ياترى ايه هيحصل تانى ده اللى هنعرفه فى الجزء اللى جاى اشوفكم بخير
الجزء الحادى عشر والاخير
• اول حاجه بعتذر على التاخير اللى حصل بس فعلا ظروفى كانت متلخبطه الفتره اللى فاتت كنت بغير شقتى ونزلت شغل جديد معلش سامحونى ..... بلاش اطول عليكم ويلا بينا نبدأ فى الجزء على طول
• وقفنا الجزء اللى فات لما كان سليم صقر قاعد عند مليكه وامها فى شقتهم
مليكه : امتى يا سليم هتقدر تواجه والدك وتخطبنى
سليم : المشكله مش فى والدى يا مليكه
مليكه : امال المشكله فين يا سليم
سليم : دلوقتى مش هقدر اقولك بس اكيد هيجى اليوم اللى هتعرفى فيه كل حاجه
مليكه : كل اللى عارفاه انى بحبك ومش قادره استغنى عنك
سليم : ولا انا اقدر استغنى عنك يا حبيبتى .... انتى بالنسبالى الدنيا كلها ومقدرش ابعد عنك
مليكه : بعشقك يا حبيبى
• فجاه ام مليكه ندهت عليها
مليكه : عن اذنك يا حبيبى اشوف ماما عاوزه ايه وارجعلك تانى
سليم : روحى يا حبيبتى
• قامت مليكه ودخلت الاوضع عند والدتها
مليكه : ايوا يا ماما
والدتها : ايه الاخبار
مليكه : كله تمام
والدتها : خدى البرفان ده اديه لسليم على اساس انه هديه منك وحاولى تخليه يجربه واهم حاجه انتى ماتشميش منه
مليكه : انا اخاف اعمل حاجه زى دى
والدتها : متخافيش وجمدى قلبك ..... مجرد ما يشم البرفان هيروح فى النوم بعدها هبعت رساله للجماعه وهما هيتصرفوا
مليكه : صدقينى يا ماما مش هعرف وهرتبك وهفضح الدنيا
والدتها : خلاص تعالى معايا وانا هتصرف
• خرجت مليكه ومامتها لسليم
سليم : ايه اللى اخرك يا مليكه
والدتها : ابدا يا حبيبى احنا كنا بندور على زجاجة البرفان اللى مليكه جابتهالك هديه بس كانت ضايعه ولقيناها
سليم : بمناسبة ايه
مليكه : من غير مناسبه يا حبيبى ..... وجودك معايا ده اجمل مناسبه
سليم : ماشى يا ستى مقبوله منك ..... ورينى البرفان ده كده
والدتها : افتحها وجربها هتعجبك
سليم : متاكد انها هتعجبنى بس مش وقته
والدتها : ليه كده يا سليم .... شكلها مش عاجباك
سليم : لا مش القصد بس علشان خاطر مليكه هجربها
• من ناحيه تانيه فى شركة الجراح ..... دياب قاعد مع المستشارين بتوعه بيحاول يلاقى حل للمصيبه بتاعة الاسهم
دياب : وبعدين فى المصيبه اللى احنا فيها
مستشار 1 : يافندم الاسهم بتاعتنا بتنهار بشكل جنونى بعد انتشار خبر دخول مستر سليم للمستشفى وانه فى غيبوبه
مستشار 2 : ده غير الاخبار اللى انتشرت عن اللى حصل فى مناقصة شركة المقاولات ..... الحكايه انتشرت فى السوق زى النار فى الهشيم ومن الصبح فى عملاء كتير بيهددوا بفسخ او على الاقل تجميد كل العقود اللى بينا لحد مايشوفوا اوضاع الشركه
دياب : الكلام اللى انتوا بتقولوه ده معناه ان احنا داخلين على مصيبه كبيره واقل حاجه ممكن تحصل هى افلاس الشركه
مستشار 1 : الامل الوحيد اللى قصادنا ان مستر سليم يقوم بالسلامه وقتها ممكن نلحق نعمل اى حاجه
دياب : وانت شايفنى ساحر علشان اقوم سليم من غيبوبه
مستشار 1 : انا فاهم كلام حضرتك كويس بس فعلا هو ده الحل الوحيد ..... احنا فى وضع خطير جدا ..... عارف حضرتك يعنى ايه شركه كبيره زى شركة الجراح يتقتل صاحبها وبعدها بأقل من سنه يتعرض ابن اخوه لمحاولة قتل ...... ابن اخوه اللى فى كلام كتير عنه ان هو اللى وراء قتل الدكتور سليم
دياب : بس سليم طلع براءه والناس كلها عارفه الحكايه دى
مستشار 1 : الناس مش كلها مصدقه موضوع البراءه وفى ناس كتير مقتنعه اقتناع تام ان سليم هو اللى وراء قتل عمه
دياب : طب من وجهة نظركم نتصرف ازاى دلوقتى
مستشار 2 : فى الظروف الطبيعيه كنت هقول لحضرتك نحرق شوية اسهم من عندنا علشان نقلل حجم الخساره ويمكن نقدر ننقذ الموقف بس برضه دى حركه مش مضمونه وممكن تقلب بالعكس وتسبب فى انهيار اكتر
دياب : انسى موضوع الاسهم ده نهائى طول ما انا عايش مش هسمح ببيع سهم واحد من اسهم الشركه
مستشار 2 : يبقى مفيش غير حل واحد
دياب : ايه الحل ده
مستشار 2 : نتعامل طبيعى جدا وكأن فى حاجه حصلت ..... الشركه مش مجرد رئيس مجلس اداره وبس لا الشركه اكبر من كده بكتير .... الشركه عباره عن عمال ودكاتره ومهندسين وتعاقدات ..... انا شايف ان احنا نمشى الشغل زى الاول واحسن ومع الوقت العملاء هيرجعوا يثقوا فينا من تانى والاسهم هتعمل تصحيح وترجع لمستواها الطبيعى من تانى
دياب : انا موافقك على الحل ده ..... مفيش قصادنا غير ان احنا نمشى الشغل
مستشار 1 : واتا شايف ان حضرتك لازم تكلم العملاء اللى عاوزين يفسخوا العقود وتحاول تتفاهم معاهم
دياب : ده اكبر غلط ممكن يحصل
مستشار 1 : ليه كده يا فندم
دياب : انا لو عملت كده هيحسوا انى ضعيف ووقتها هيستغلوا الموقف وده ممكن يضعف الشركه اكتر وممكن كمان يدمرنا ..... العملاء دول لازم يعرفوا هما بيتعاملوا مع مين
مستشار 1 : حضرتك ناوى على ايه
دياب : هتعرف دلوقتى
• طلب دياب السكرتيره
السكرتيره : اوامرك يا فندم
دياب : الاستاذه هبه موجوده فى مكتبها
السكرتيره : ايوا يا فندم
دياب : ابعتيهالى فورا
السكرتيره : حاضر يا فندم
• بعد دقيقتين بالظبط دخلت هبه
هبه : اوامرك يا فندم
دياب : اسمعينى كويس يا هبه ...... عاوزك تبعتى ايميلات لكل العملاء بتوعنا تبلغيهم ان الشركه جاهزه لتنفيذ كل العقود اللى ما بينا ومفيش عندنا اى مشكله
هبه : يا فندم فى عملاء كتير طالبين تجميد عقودهم
دياب : انتى رديتى عليهم
هبه : لا طبعا انا منتظره رد حضرتك
دياب : مفيش حاجه اسمها تجميد عقود .... ردى عليهم ان اى عميل عاوز بفسخ العقد وقتها احنا هنبقى مضطرين لتوقيع الشرط الجزائى والعقود اللى ما بينا واضحه وصريحه
هبه : حاضر يا فندم
دياب : يلا اتحركى فورا .... عاوز النهارده كل شئ يكون منتهى
هبه : عن اذنك يا فندم
• بعد ما خرجت هبه
مستشار 2 : بس انا خايف التعامل الصعب بتاع حضرتك يتقلب ضدنا
دياب : احنا مش فى وقت حنيه ودلع ..... لازم كل الناس تعرف احنا مين ونقدر نتعامل ازاى
مستشار 1 : فى اوامر تانى حضرتك
دياب : لا تقدروا ترحوا تكملوا شغلكم وعاوز تقرير بكل جديد يحصل
مستشار 2: حاضر يا فندم
• خرج المستشارين ودخل كريم على دياب بسرعه
دياب : شكلك بيقول ان فى مصيبه تانيه
كريم : لحد دلوقتى مفيش حاجه
دياب : ايه اللى حصل بالظبط
كريم : سليم صقر
دياب : ماله سليم حصله حاجه
كريم : سليم بقاله اكتر من 3 ساعات موجود فى البيت عند البنت اللى اسمها مليكه ومن 5 دقايق الرجاله بتوعنا بلغونى ان فى ناس شكلها غريب بيلفوا فى المنطقه من غير ما الحراسه بتاعة سليم ياخدوا بالهم
دياب : ورجالتنا فين دلوقتى
كريم : محاصرين العماره والشارع كله كويس ومفيش اى حد هيقدر يدخل او يخرج من غير ما نعرف
دياب : يلا بينا على هناك دلوقتى حالا
كريم : يلا بينا
• اتحرك دياب مع كريم ووصلوا عند بيت مليكه
كريم : هنعمل ايه دلوقتى
دياب : الصبر يا كريم ..... انت مش بتقول ان الرجاله قدرت تغفل الحراسه ويدخلوا البيت
كريم : ايوا من 5 دقايق فى اتنين رجاله قدروا يدخلوا العماره
دياب : ورجالتنا فين
كريم : فى منهم اللى فوق سطوح العماره وفى جزء فى الشارع ومحاصرين العماره وفى رجاله فى الشقه اللى فى نفس الدور اللى ساكنه فيه البنت
دياب : يعنى احنا مسيطرين على الموقف
كريم : ايوا
دياب : يبقى نصبر ونشوف
• فوق فى الشقه عند مليكه ..... سليم قاعد على الكنبه ورابط مليكه ومخبيها وراء الكنبه اللى قاعد عليها وامها فى كرسى تانى ... وفجأه الباب خبط .... سليم وجه كلامه لوالدة مليكه
سليم : انا هفكك وتعملى اللى اتفقنا عليه ولو حصل اى حركة غدر هقتلك انتى وبنتك فورا
امها : ابوس رجلك ارحمنى
سليم : هرحمك بعد ما تنفذى
امها : هنفذ كل اللى تؤمر بيه
سليم : يلا اتحركى
• نام سليم على الكنبه وقامت والدة مليكه تفتح الباب ودخل اتنين جاردات
جارد 1 : ايه الاخبار
ام مليكه : كله تمام وسليم نايم على الكنبه جوه
جارد 2 : طب يلا بسرعه ناخده ونمشى من هنا
• دخل الجاردات الريسبشن وكان سليم فعلا نايم على الكنبه ويادوب لسه بيشيلوه نط بسرعه وكان فى ايده زجاجة المخدر ورش على الجاردات واغمى عليهم .... بعدها اخد سلاحهم وكتفهم فى الكراسى وبعد كده فوقهم
سليم : صباح الفل
جارد 1 : انت عملت كده ازاى
سليم : لسه ماتخلقش اللى يقدر يخدع سليم صقر ..... وصوب المسدس عليهم
جارد 2 : انت هتعمل ايه
سليم : و**** فى الظروف الطبيعيه اقتلكم
جارد 1 : ابوس ايدك الرحمه
سليم : موافق بس بشرط
جارد 1 : احنا موافقين على كل شروطك
سليم : مين اللى بعتكم
جارد 1 . 2 : .......
سليم : مش عاوزين تنطقوا يعنى
جارد 1 : لو نطقنا نموت
سليم : طب انا هريحكم وهطلب منكم طلب تانى وانا عارف انكم هتقدروا تنفذوه
جارد 2 : ايه الطلب ده
سليم : عاوزكم تبلغوا رسالتى لأستر يعقوب
• الجاردات اتخضوا لما سمعوا الاسم
سليم : مستغربين انى عارف انكم من طرفها ..... بلغوا استر على لسانى وقولها ان سليم صقر مش بسهوله يتخطف ولو بعتى الف راجل ..... قولولها كمان تبعد عنى لانها مش قدى ولا قد اللى فى ضهرى و**** ما يوريها غضب اللى فى ضهرى .... قولولها انا سليم صقر تربية دياب العاصى وجليله وياويلكم من غضب دياب العاصى وجليله
جارد 1 : حاضر يا فندم هبلغها
سليم : انا همشى دلوقتى وبعد كده ام مليكه هتفككم
• بص سليم على ام مليكه
سليم : زى ما اتفقنا بعد ما اخرج تفكيهم وبعدها تختفى انتى وبنتك مش عاوز اشوفكم فى اى مكان ولو بالصدفه علشان اليوم اللى هشوف فيه اى واحده منكم هيكون اخر يوم فى حياتها
ام مليكه : انا هاخد بنتى واسيب البلد كلها
سليم : كده يبقى عملتى الصح
• خرج سليم من الشقه وشاف الجاردات بتوعه تحت
سليم : انتوا بتعملوا ايه هنا
جارد : بنحرس حضرتك
سليم : سيبونى دلوقتى وغوروا من قدامى مش عاوز اشوف حد فيكم
جارد : مينفعش يا فندم لازم نبقى مع حضرتك علشان نحميك
سليم : قولت مش عاوز اى حد فيكم وفى خلال 5 ثوانى لو ماتحركتوش هضربكم بالرصاص وانتوا عارفين كويس انى مش بهدد
• مشى الجاردات وسابوا سليم ..... وقف سليم يبص على الشارع وشاف عربية دياب ..... اتحرك وراح ناحية العربيه
سليم : وبعدين معاك يا دياب مش ناوى تبطل اللى بتعمله
دياب : اركب يا سليم .... معلش يا كريم روح اركب عربية سليم وحصلنا بيها
كريم : حاضر يا فندم
• نزل كريم من العربيه واخد مفاتيح عربية سليم ..... وركب سليم العربيه مع دياب واتحركوا
سليم : مجاوبتش على سؤالى يا دياب
دياب : سؤال ايه بالظبط
سليم : انت فاهمنى كويس يا دياب
دياب : انا هجاوبك يا سليم ..... انا مش هقدر ابطل احميك طول ما انا عايش على وش الارض
سليم : انا كبرت يا دياب ومابقتش صغير علشان تفضل تحمينى
دياب : انا عارف انك كبرت وتقدر تحمى نفسك كويس جدا والدليل على كده انى سيبتك تتصرف بنفسك مع رجالة استر ورفضت اتدخل نهائى
سليم : وبعدين معاك يا دياب
دياب : يا سليم انت نقطة ضعفى الوحيده ومش هستحمل اى حد يقرب منك
سليم : متخافش عليا يا دياب انا مهما كنت تربيتك واعرف اتصرف كويس
دياب : احكيلى بقى اللى حصل بالظبط
سليم : حاضر يا سيدى هحكيلك
• فلاش باك بعد ما ام مليكه ادت المخدر لسليم
سليم : مجرد ما اخدت البرفان من والدة مليكه حسيت ان فى حاجه جوايا بتقولى لا وفجأه شوفت جليله من بعيد بتشاولى وتقولى لا ..... وقتها اتاكدت ان البرفان ده حاجه تانيه خالص ..... ماحسيتش بنفسى غير وانا بفتح العلبه وبرش منها على مليكه ووالدتها فجأه اغمى عليهم الاتنين ..... بعدها قعدتهم على الكراسى ودخلت المطبخ ادور على حبال ولقيت بعدها ربطتهم الاتنين فى الكراسى وفوقتهم
ام مليكه : ايه اللى حصل
سليم : ابدا كنت بجرب عليكم البرفان
• مليكه وامها اخدوا بالهم انهم مربوطين فى الكراسى وسليم كان قاعد قصادهم وماسك سلاحه ..... اول ما شافوا السلاح انهاروا وقعدوا يعيطوا ويستعطفوا سليم
سليم : اخرسى انتى وهى مش عاوز صداع
ام مليكه : حاضر هنخرس بس ابوس جزمتك سامحنا
سليم : هسامحكم بس بشرط ..... تحكولى كل حاجه بالظبط
ام مليكه : حاضر هحكيلك على كل حاجه
• حكت ام مليكه كل حاجه تعرفها
سليم : عاوزك تكلمى الرجاله تخليهم يطلعوا وتنفذى اللى هقولك بالحرف الواحد
ام مليكه : حاضر هنفذ كل اوامرك
• عوده من الفلاش باك
سليم : ده كل اللى حصل
دياب : خد بالك من نفسك يا سليم علشان خاطرى
سليم : حاضر يا دياب ..... بس طمنى على سليم الجراح دلوقتى
دياب : ادعيله يا سليم
سليم : صدقنى بدعيله
• رجع سليم ودياب كل واحد الفيلا بتاعته ..... سليم اول ما دخل اوضته دخل عليه احمد صقر
احمد : ايه اللى حصل يا سليم وازاى تسيب الحراسه بتاعتك
سليم : انا قولت لحضرتك قبل كده انى مش عاوز حراسه وانى اقدر احمى نفسى كويس جدا
احمد : برضه مينفعش تمشى من غير حراسه
سليم : ليه بقى خايف عليا
احمد : طبعا يا حبيبى خايف عليك ..... هو انا ليا مين غيرك اخاف عليه
سليم : من ناحية ليك فانت ليك كتير ..... اولهم علاقتك مع استر بعقوب اللى اهم من ابنك
احمد : انت بتقول ايه
سليم : مستغرب انى عارف
احمد : ايه الكلام الفارغ اللى بتقوله ده
سليم : انا وانت عارفين كويس ان انا مش بقول كلام فارغ ..... انا عارف علاقتك مع استر من بدرى .... عارف من يوم ما سليم الجراح واجهك بعد اللى انتوا عملتوه معاه فى المناقصه وانت سكت ومعرفتش تدافع عن نفسك ودفعت لسليم الجراح التعويض
احمد : عارف كل ده وساكت
سليم : ساكت علشان انت ابويا اللى بحبه وخايف عليه ..... ساكت علشان خايف لو اتكلمت ممكن كلامى يوصل لدياب وساعتها هتقوم الحرب بينكم وساعتها هبقى انا الخسران الوحيد فى الحرب دى ..... هخسر لما اشوف ابويا عاوز يقتل ابويا ..... ساكت علشان مهما اتكلمت كلامى هيبقى من غير فايده ..... انت عارف ان لولايا انا وريهام كان زمان دياب دمركم من زمان ..... دياب اللى انت مصمم تسمع كلام جدتى وتحاربه مع انه معملش معاكم اى حاجه
احمد : .......
سليم : ساكت ليه يا بابا ..... رد عليا وقولى انا صح ولا غلط
• خرج احمد من وساب سليم
• من ناحيه تانيه دياب وصل الفيلا بتاعته وراح لريهام اوضتها فى الاول
دياب : ازيك يا ريهام
ريهام : كويسه
دياب : لسه برضه خايفه منى بالرغم كل اللى عملته معاكى
ريهام : مش قادره انسى انك هددتنى بأهلى وخايفه من اليوم اللى تنفذ فيه تهديدك
دياب : طب انتى شوفتينى عملت حاجه غير تهديد وخلاص لكن مامنعتكش عن اهلك
ريهام : تهديدك لوحده قدر يهدم كل حاجه بينا
دياب : براحتك يا ريهام ..... زى ما قولتلك قبل كده مجرد ما تولدى هطلقك وكل واحد فينا هيروح لحاله
• فجأه سمع دياب صوت صريخ ليندا جاى من اوضتها خرج يجرى عليها
دياب : مالك يا ليندا فى ايه
ليندا : الحقنى يا ادم شكلى كده بولد
دياب : انتى بقالك اسبوع على الحال ده
ليندا : صدقنى المره دى الم فظيع جدا
دياب : طب يلا بينا على المستشفى بسرعه
• اخد دياب ليندا وراحت ريهام معاهم وراحوا المستشفى ودخلت ليندا اوضة العمليات وبعد ساعه خرج الدكتور
دياب : طمنى يا دكتور
الدكتور : مبروك يا فندم المدام ولدت وجابت ولد زى القمر
دياب : وليندا كويسه
الدكتور : المدام والجنين كويسين جدا بصراحه انا عمرى ما شوفت ولاده اسهل من دى
دياب : **** يطمنك يا دكتور
• سابهم الدكتور وخرج وبعدها ليندا خرجت من اوضة العمليات وراحت اوضتها ومعاها البيبى ودخل معاها دياب وريهام
ريهام : حمد **** على سلامتك يا ليندا
ليندا : **** يسلمك يا حبيبتى ..... عقبالك انتى كمان
دياب : طمنينى عليكى يا حبيبتى
ليندا : انا كويسه يا حبيبى ..... فين البيبى
دياب : نايم على السرير جمبك
ليندا : هاته يا ادم عاوزه اخده فى حضنى
دياب : حاضر يا حبيبتى
• قام دياب جاب البيبى ورجع لليندا اللى اخدته فى حضنها
ريهام : **** يخليهولك ويفرحك بيه
ليندا : تفرحى بيه معايا
دياب : خلينا فى المهم دلوقتى
ليندا : خير يا حبيبى
دياب : لازم نختار اسم للبيبى
ليندا : ماتتعبش نفسك انا اختارت الاسم من زمان من قبل حتى ما نتجوز
دياب : ايه الاسم ده
ليندا : هسميه عبدالرحمن على اسم والدك
دياب : **** يخليكى ليا يا حبيبتى
ليندا : على فكره الاسم ده مش علشانك انت
دياب : امال علشان مين
ليندا : انا زمان وعدت اونكل عبدالرحمن ان اول *** هخلفه هسميه على اسمه وانت عارف انى كنت متعلقه بيه ودايما بحب العب معاه
دياب : ماشى يا حبيبتى
• فجأه دخل عليهم كريم
كريم : الحق يا دياب فى مشكله
دياب : ابوس ايدك يا كريم انا مش عاوز اسمع اى مشاكل تانى النهارده انا ماصدقت اليوم بقفل بخبر حلو
كريم : اسمعنى بس
دياب : خير
كريم : المستشفى مليانه صحفيين ومصورين
دياب : وازاى عرفوا يدخلوا من رجالتك
كريم : رجالتى مسيطرين ومانعين اى حد يدخل بس العدد بره فظيع وانا خايف حد من طقم المستشفى يسرب اى حاجه
دياب : متخافش من الموضوع ده ..... حالة سليم محدش يعرف عنها اى معلومه مفيده
كريم : حتى لو كان زى ما بتقول انا مضمنش اى حد عاوز يعمل مصلحه او شهره يسرب اى خبر مش صحيح
دياب : عندك حق ..... يبقى لازم نتصرف ونمشى الصحافه دى فورا
كريم : هنعمل كده ازاى
دياب : تعالى معايا
• نزل دياب مع كريم للمكان الموجود فيه الصحفيين اللى اول ما شافوه هجموا علبا لولا الجاردات اتدخلوا وبعدوهم عنه
دياب : خير عاوزين ايه ...... احنا مش قولنا مش عاوزين اى صحافه خالص ومفيش اى مخلوق هيقدر يفيدكم بأى خبر
صحفى 1 : بس مستر سليم الجراح شخصيه عامه يعنى من حق كل الناس تطمن على اخباره
دياب : اللى محتاج يتطمن على مستر سليم يدعيله مش اكتر
صحفيه 2 : علشان الناس تدعيله لازم تعرف طبيعة حالته ايه بالظبط
دياب : للأسف اجابة السؤال ده مش عندى
صحفيه 2 : امال عند مين
دياب : مفيش اى حد
صحفى : بس كده مينفعش حضرتك
دياب : لا ينفع ..... وده اخر كلام عندى وعلشان اريحكم مفيش اى حد فى مصر كلها يقدر يفيدكم بمعلومه ولو حصل واتنشر اى خبر غير دقيق عن الموضوع ده انا هرفع قضيه على اللى كتب الخبر والجريده تقدروا تتفضلوا من غير مطرود
• الصحفيين واقفين مكانهم ورافضين يتحركوا
دياب : يعنى رافضين تتحركوا ..... تمام جدا ..... يا كريم
كريم : اوامرك يا فندم
دياب : مش عاوز اى حد يتعرضلهم ولا يكلمهم نهائى لحد ما يزهقوا ويمشوا من نفسهم
كريم : حاضر يا فندم
دياب : واللى يفكر فيهم يتسحب ويوصل للدور اللى محجوز فيه مستر سليم اضربه بالرصاص فورا من غير ما ترجعولى
كريم : حاضر يا فندم
صحفى : بس دى اسمها بلطجه
دياب : وده اسمه سب وقذف وممكن اقطع لسانك بسببه ..... انا قولت يسيبوكم براحتكم ومحدش يتعرضلكم الا لو اتخطيتوا حدودكم وساعتها الواحد فيكم مايلومش غير نفسه
• سابهم دياب وطلع تانى عند ليندا اتطمن عليها وبعد كده راح اوضتى وكان موجود مريم وشرين ولمياء
دياب : طمنونى اخباركم ايه
مريم : مفيش جديد يا دياب ..... الدكاتره بيقولوا ان الحاله مستقره بس محدش قادر يحدد سليم هيقعد فى الغيبوبه لحد امتى
دياب : طالما الحاله مستقره يبقى اكيد هيقوم
لمياء : صحيح يا دياب مبروك ..... انا لسه كنت عند ليندا
دياب : **** يبارك فيكى يا لمياء ..... بس صدقينى لو قولتلك ان فرحتى ناقصه بسبب حالة سليم
شرين : بكره سليم يقوم بالسلامه ويفرح معانا كلنا
لمياء : **** يا شرين
دياب : هو يوسف فين
لمياء : يوسف فى شغله
دياب : **** معاه
شرين : طمنى يا دياب على الشركه .... انا سمعت ان فى مشاكل فى البورصه بعد تسريب خبر اللى حصل
دياب : مشكله بسيطه وهتعدى
شرين : انا واثقه انك هتعرف تحل اى مشكله بس لو محتاجنى فى حاجه هتلاقينى موجوده ..... صحيح انا خبرتى بسيطه فى الشغل بس ممكن اساعد
دياب : انا كل اللى محتاجه متكم حاجه واحده بس
شرين : خير يا دياب
دياب : الصحافه بره عامله زى الكلب المسعور اللى بيشمشم على اى خبر
شرين : ده شئ طبيعى ..... خلاص انا فهمت قصدك ومش هخلى اى حد فيهم يطلع بأى معلومه
دياب : كويس انك فهمتى قصدى ..... عاوزكم ماتتكلموش مع اى حد مهما كان
شرين : حاضر يا دياب
دياب : طب انا هسيبكم واروح عند ليندا ولو احتاجتوا اى حاجه كلمونى
شرين : روح يا دياب ..... والف مبروك وبارك لليندا لحد ما اباركلها بنفسى
دياب : حاضر يا شرين
• رجع دياب الاوضه عند ليندا
• من ناحيه تانيه استر قاعده فى مكتبها غضبانه بسبب اللى حصل مع سليم صقر
البيرت : سليم طلع مش ساهل خالص
استر : وهيطلع ساهل ازاى وهو زى ما قال تربية دياب العاصى
البيرت : بس يا ترى مين جليله اللى اتكلم عليها دى
استر : لغز جديد محدش يعرفه
البيرت : ياترى احمد صقر يعرف مين جليله دى ولا ايه النظام
استر : مش عارفه بصراحه انا دماغى متلخبطه
البيرت : بس مش حاجه غريبه ان سليم يبقى عارفك كويس كده ..... معنى كده ان دياب بيحكيله حاجات كتير
استر : واضح
البيرت : معقول يكون دياب بيثق فى سليم صقر للدرجه اللى تخليه يقوله سر زى ده ...... ده مهما كان *** ولو افترضنا ان سليم كبير وعاقل بس ده مهما كان ابن احمد صقر اللى فى بينه وبين دياب علاقه متوتره
استر : اكيد دياب مش بيقول كل حاجه لسليم وبيقوله مجرد الحاجات البسيطه اللى تخليهم يبقوا قريبين من بعض وتخلى دياب يقدر يغسل دماغ سليم كويس
البيرت : نظريه برضه ..... طب هنتعامل ازاى دلوقتى
استر : محتاجين فى الاول نعرف مين جليله دى
البيرت : وهنعرفها ازاى دى بقى ..... مفيش قصادنا غير احمد صقر بس لو طلعت سر محدش يعرفه هنقوله ايه وقتها
استر : محتاجين نفكر فى طريقه تبان طبيعيه ومن غير ما نلفت النظر
البيرت : على العموم احمد صقر كلمنى من شويه وطلب يقابلك وانا حددتله معاد بكره الصبح
استر : خير فى حاجه جديده ولا ممكن يكون سليم قاله حاجه عن اللى حصل
البيرت : واضح ان فى موضوع مهم بس على ما اظن مش بخصوص اللى حصل
استر : كله هيبان
البيرت : على فكره ليندا ولدت من شويه
استر : ايوا عرفت
البيرت : مش المفروض نتصل بدياب ونباركله
استر : بكره يا البيرت انا بنفسى هكلمه واباركله
البيرت : هنعمل ايه دلوقتى فى موضوع البورصه وشركات الجراح
استر : دياب غلط غلطه كبيره وانا هعرف استغلها كويس
البيرت : ازاى يعنى
استر : دياب بدل ما يلم الموضوع مع العملاء اتعامل بغشم وهدد بتنفيذ الشروط الجزائيه ...... وبرضه اتعامل بغباء مع الصحفيين فى المستشفى ..... دياب بيحاول يبين للعملاء والرأى العام ان شركة الجراح مازالت قويه وقادره تواجه اى مشكله ومش متوقفه على رئيس مجلس الاداره على امل ان الامور تستقر والأسهم ترجع لوضعها الطبيعى تانى
البيرت : اى انسان عاقل لازم يعمل اللى عمله دياب
استر : يعمل كده فى الحالات الطبيعيه جايز لكن فى حالتنا مختلفه
البيرت : ازاى يعنى مش فاهم
استر : يعنى مثلا لو كان سليم الجراح اتعرض لحادث طبيعى مش بفعل فاعل الخطه دى تنفع لان ببساطه مفيش اى حد من مصلحته يدمر الشركه وكان شئ طبيعى ان العجله تمشى ...... لكن فى حالتنا انا مش هسيب اى فرصه لدياب انه يحرك العجله من تانى
البيرت : انتى ناويه على ايه بالظبط
استر : احنا فعلا مش هنقدر نستغل موضوع الصحافه فى الوقت الحالى غير فى اضيق الحدود والا هندخل فى قضايا ومشاكل كتير احنا فى غنى عنها
البيرت : امال هتعملى ايه
استر : احنا هنسيب الصحافه تتكلم براحتها من غير ما نوجه اى حد علشان مانتكشفش ومن ناحيه تانيه هنستغل السوشيال ميديا فى الحرب ..... هنملى كل المواقع اخبار واشاعات عن تدهور حالة سليم الجراح وتدهور اسهم الشركه وهننشر شوية اشاعات تانيه وهنفكر الناس بقضية قتل الدكتور سليم الجراح وازاى كان المتهم الرئيسى فيها هو ابن اخوه
البيرت : احنا كده هنضرب دياب من كل نقط الضعف اللى ببحاول يتفداها
استر : وفى ظرف شهر بالكتير هتشوف اقوى انهيار حصل فى تاريخ البورصه
البيرت : بس لاحظى حاجه مهمه جدا وهى ان خطتك كلها معتمده على ان سليم الجراح هياخد فى الغيبوبه اطول فتره ممكنه لكن ممكن يفوق فى اى لحظه وساعتها الخطه بتاعتك هتضرب فى مقتل
استر : حتى لو فاق بكره ..... كفايه عندى انا احنا قدرنا نضرب الثقه بين العملاء وشركات الجراح وقدرنا نهز اسهم الشركه هزه عنيفه
البيرت : تمام كده
• تانى يوم فى شركة الجراح ..... دياب قاعد مع كريم
دياب : وبعدين يا كريم
كريم : مش عارف يا دياب .... سليم شكله مطول فى الغيبوبه
دياب : احنا فى كارثه حقيقيه واستر عارفه تستغل كل الاسلحه
كريم : عندك حق .... من الصبح الدنيا مقلوبه على السوشيال ميديا ورجعوا يتكلموا على القضيه القديمه من تانى
دياب : انا مش عارف اعمل ايه فى موضوع القضيه اللى مش راضى يتقفل ده
كريم : المشكله ان الناس ما بتصدق تلاقى مصيبه علشان يتكلموا فيها وهتلاقى كل واحد بيتكلم من وجهة نظره من غير ما يكون عنده علم بالموضوع اساسا
دياب : الناس محتاجه تنسى مشاكلها وما بيصدقوا يلاقوا اى حاجه تلهيهم
• فجأه تليفون كريم رن ورد عليه وشكلها فى مشكله جديده وبعد ما خلص
دياب : حصل ايه تانى يا كريم
كريم : فى ناس كتير متجمعه عند المستشفى
دياب : ناس مين
كريم : معرفش ..... الحراسه كلمونى وقالولى ان فى زى مظاهره عند المستشفى وعاوزين يتطمنوا على سليم
دياب : وبعدين بقى فى الموضوع ده
كريم : انا من رأيى ان دى فرصه مناسبه ولازم نستغلها ونطمن الناس بعيد عن الصحافه والاعلام
دياب : ازاى بقى
كريم : تعالى معايا ونشوف الناس ونكلمهم ونحاول نطمنهم
دياب : حاضر يا كريم **** نعرف نسيطر على الموقف
• اتحرك كريم مع دياب وطلع على المستشفى ..... قصاد المستشفى فى ناس كتير جدا متجمعين والامن مانعهم من الدخول ..... وصل دياب للمستشفى وراح للناس
دياب : انتوا مين وعاوزين ايه
• الناس كلها بتتكلم فى نفس الوقت والصوت مش واضح
دياب : ارجوكم شخص واحد يتكلم علشان اعرف افهمكم
شخص : خلاص يا اخوانا انا اللى هتكلم
دياب : انتوا مين بقى وعاوزين ايه
شخص : احنا جايين نتطمن على سليم بيه
دياب : وانتوا ايه علاقتكم بسليم
شخص : احنا كلنا من اهل الحسين ..... سليم كان عايش وسطنا لفتره ومن بعد ما ساب المنطقه علاقته استمرت ببنا ..... كل الناس اللى انت شايفها دى ناس غلابه سليم بيساعدهم وبيوقف جمبهم
دياب : بيساعدهم ازاى مش فاهم
شخص : الناس دى منهم شباب اتخرجوا وقعدوا على القهاوى وسليم ساعدهم علشان يشتغلوا ..... وفى منهم اللى معاه بنت على وش جواز ومش قادر يجهزها وسليم ساعدهم ...... وفى اللى عاوز يتعالج او معاه حد مريض وعاوز يتعالج وبرضه سليم ساعدهم ..... وغيرهم كتير جدا ..... افضال سليم الجراح فى كل بيت من بيوت الحسين
دياب : انا مقدر كل اللى سليم عمله معاكم واوعدكم ان كل المساعدات اللى كان بيقدمها هتفضل مستمره لحد ما يرجع بالسلامه
الشخص : يا بيه احنا مش جايين علشان فلوس ولا مساعده ..... احنا جايين علشان نتطمن على الراجل اللى وقف معانا فى شدتنا ونردله جميل واحد من جمايله علينا ..... تغور كل الفلوس قصاد ان سليم بيه يرجع بالسلامه
دياب : انا مقدر شعوركم الجميل ده وبطمنكم على سليم ..... سليم حالته مستقره والدكاتره طمنونا عليه وقريب جدا هيرجع بالسلامه
الشخص : واحنا منتظرين هنا لحد ما يقوم بالسلامه
دياب : صدقونى وجودكم مش هيقدم ولا هيأخر وخصوصا ان الدكاتره مانعين الزياره ومش مسموح غير لمراته بس
الشخص : مش لازم نشوفه بس على الاقل نبقى قريبين منه
دياب : انتو لازم ترجعوا اشغالكم وتشوفوا مصالحكم واوعدكم لو فى جديد هبلغكم
• فجأه دخلت عربيه فيها الحاج اكرم العصار والحاجه كريمه مراته ومعاهم الحاج عزت والحاجه فاطمه مراته ونزلوا من العربيه عند دياب وكريم
اكرم : طمنى يا دياب ايه اللى حصل لسليم وازاى كل ده يحصل وانا معرفش
دياب : اهدى يا حاج اكرم وانا هفهمك كل حاجه بس بعدين
اكرم : بعدين امتى ..... بقى انا اسمع الخبر من الجرايد زى الغريب
دياب : ارجوك يا حاج اكرم ادخل دلوقتى وانا هحصلك علشان الموضوع مش مستحمل
اكرم : حاضر يا دياب
• دخل الجماعه المستشفى ودياب يمشى الناس بس من غير فايده وصمموا يقعدوا واخر ما غلب معاهم سابهم ودخل المستشفى بعد ما شدد على الحراسه انهم مايسمحوش لأى حد بالدخول ..... طلع دياب للدور اللى انا محجوز فيه وكان موجود بنات عمى ومعاهم الحاج اكرم والباقى
اكرم : ايه اللى بيحصل يا دياب وازاى تخبوا عليا كده
دياب : معلش يا حاج اكرم بس الظروف الايام اللى فاتت كانت متوتره ومفيش اى حد عارف يفكر
اكرم : طب والدكاتره قالوا ايه
دياب : بيقولوا ان الحاله مستقره بس مش عارفين هيفوق من الغيبوبه امتى
اكرم : ومين الكلب اللى عمل كده
دياب : لسه مش عارفين والتحقيقات شغاله ومحدش عارف يوصل لحاجه
عزت : انا واثق ان سليم هيقوم منها بالسلامه
اكرم : ايه الناس الكتير اللى كنت واقف معاهم تحت يا دياب
مريم : ايوا يا دياب مين الناس دى ..... الحراسه بلغونى بيهم الصبح
دياب : دى حكايه
شرين : حكاية ايه دى
• حكى دياب كل اللى حصل
اكرم : هو ده سليم طول عمره بيفكر فى الناس
شرين : سليم كل يوم بيحيرنى عن اليوم اللى قبله ..... كل ما اقول انا عرفته فجأه اكتشف حاجه جديده
عزت : اصيل يا سليم طول عمرك ..... يا ما كان نفسى اسامه يكون زيك
فاطمه : احنا اللى قصرنا يا حاج فى تربية اسامه لحد ما دفعنا كلنا التمن واولهم اسامه
عزت : عندك حق
اكرم : خلاص يا اخوانا ادعوله بالرحمه
مريم : مالك يا دياب ساكت ليه
دياب : قلقان
مريم : خير يا دياب فى حاجه
دياب : وجود سليم فى المستشفى بقى خطر
اكرم : خطر ازاى يابنى
دياب : كل الناس بقت عارفه مكان سليم ووارد جدا اى حد مش كويس يقدر يخترق الحراسه ويعمل مصيبه
مريم : عندك حق يا دياب ..... بس تفتكر احنا ممكن نعمل ايه
دياب : انا بفكر انقل سليم من المستشفى لمكان تانى محدش يعرفه .... مكان خاص جدا ميبقاش فى ناس كتير منعرفش نسيطر عليها
شرين : فين المكان ده
دياب : لسه مش عارف
لمياء : ايه رائيك ننقله للمستشفى التانيه بتاعتنا
دياب : لا مش عاوز اى مستشفى لان وارد الخبر يتسرب
مريم : حالة سليم لازملها مستشفى لان احنا مش عارفين ايه اللى ممكن يحصل لان وارد الحاله تسوء
دياب : احنا ممكن نجهز اى مكان علشان نبقى مستعدين لأى حاجه تحصل
لمياء : عندنا فى الفيلا ..... احنا ممكن نجهز اوضتين الجنينه اللى كان عايش فيهم سليم وفى نفس الوقت يبقى معانا وتحت عنينا طول الوقت
دياب : دى فكره كويسه بس سيبينى افكر واشوف مكان تانى بعيد عن الفيلا
مريم : ومالها الفيلا يا دياب
دياب : الفيلا مكان معروف برضه
مريم : طب اعمل حسابك انى مش هسيب سليم ايا كان المكان ده
دياب : حاضر يا مريم ..... انا هروح الشركه دلوقتى واحاول ادبر مكان كويس ..... تعالى معايا يا كريم
• نزل دياب وكريم من المستشفى وركبوا العربيه واتحركوا
كريم : انت رايح فين يا دياب ده مش طريق الشركه
دياب : لازم اروح للدكتور سليم وابلغه بالجديد
كريم : انا شايف ان الموضوع عمال يوسع مننا
دياب : انا خلاص تعبت ومش قادر افكر علشان كده لازم اقابل الدكتور سليم يمكن الاقى عنده حل
كريم : عندك حق
• وصل كريم ودياب الفيلا عند عمى وحكوله كل اللى حصل
دياب : انا بصراحه تعبت ومش عارف افكر
سليم : عندك حق با دياب المستشفى بقيت خطر جدا على سليم ولازم ننقله فى اسرع وقت
دياب : طب ننقله فين
سليم : اسمع كلام لمياء وجهز الفيلا علشان تنقل سليم على هناك
دياب : حاضر يا دكتور
سليم : ايه الاخبار فى الشركه
دياب : انا بحاول انقذ ما يمكن انقاذه بس انا شايف ان الامل ضعيف جدا
سليم : مفيش حاجه اسمها الامل ضعيف يا دياب ..... اسمع كلامى اللى قولتلك عليه وفى خلال ايام الاسهم هترجع لمكانها الطبيعى من تانى
دياب : انا سمعت كلام حضرتك يا دكتور بس استر مش سايبه اى فرصه ناخد نفسنا
سليم : سيبك من استر وركز فى الشركه والعملاء بتوعنا
دياب : حاضر يا دكتور
سليم : معرفتش سليم جاب الورق اللى معانا من فين
دياب : للاسف لا يا دكتور
سليم : انا راجعت الورق اللى معايا ده كويس جدا واكتشفت حاجه مهمه اوووى
دياب : حاجة ايه
سليم : سليم شايل ورق تانى اهم بكتير من الورق ده
دياب : ازاى يعنى
سليم : فى ورقه فى وسط الورق اللى انت جبته ملهاش علاقه بأستر بعقوب نهائى
دياب : ورقة ايه دى
سليم : ورقه تخص ناس تانيه خالص وفيها اسم شخص مجهول ومش قادر احدد شخصيته ولا ايه طبيعة الشغل بتاعه ..... كل اللى واضح من الورقه انه بيشتغل فى العملات الرقميه المشفره اللى زى البيتكوين والدوجكوين واللى شبهها
كريم : من خبرتى مع سليم بأكدلك ان الورقه دى محطوطه وسط الورق قصد مش خطأ
سليم : لو كان قاصد كان وضح الغرض منها خصوصا ان الورقه فعلا ملهاش اى لازمه
دياب : اكيد مع الوقت هيظهر باقى الورق اللى يخلى للورقه لازمه
كريم : اكيد ليه علاقه بأستر يعقوب ...... لان استر من 5 سنين اسست لشركه كل شغلها فى العملات الرقميه المشفره
سليم : انا اول مره اسمع المعلومه دى
كريم : الشركه دى محدش يعرف عنها اى حاجه وليها قصه طويله
سليم : ايه قصتها الشركه دى
كريم : الشركه دى فى الاصل اسسها شاب امريكى من اصل تركى وكان سعر العمله شئ لايذكر ولحسن حظه فى الوقت ده كانت بداية انتشار العملات الرقميه بسبب ارتفاع اسعارها ..... اللى حصل ده خلى المستثمرين الصغيرين يركزوا فى العملات المشفره ويستثمروا جزء من فلوسهم فى العملات الجديده اللى سعرها بسيط وبدأت العمله سعرها يزيد مع الوقت وفجأه وبدون سابق انذار سعر العمله بدأ فى الانهيار والمستثمرين بدأوا يبيعوا كل العملات اللى معاهم وده اتسبب فى افلاس الشركه وبعدها بأقل من شهر كان الشركه اتباعت بعد ما مؤسس الشركه انتحر فى ظروف غامضه او بمعنى اصح اتقتل ..... واللى اشترى الشركه دى استر يعقوب بس اشترتها عن طريق وسيط هو اللى ظاهر فى الصوره لكن فى الحقيقه هى اللى بتحرك كل حاجه بس برضه فضل سعر العمله ثابت ومش بيحقق اى تقدم لحد برضه ما فجأه ارتفع سعر العمله من تانى بسبب تغريده بسيطه على تويتر
سليم : تغريدة ايه دى
كريم : تغريده من John Mcafee
سليم : مش ده ال.....
كريم : ايوه بالظبط كده اللى جيه فى دماغ حضرتك ..... صاحبنا ده نشر تغريده بيقول فيها قد ايه العمله دى ليها مستقبل هايل وقعد يشكر فيها وفجأه ارتفع سعرها
دياب : انا حاسس انى سمعت الاسم ده قبل كده
كريم :John McAfee ده يبقى اسوء شخص ممكن تسمع عنه ..... ده كان صاحب ومؤسس برنامج McAfee بتاع الفيروسات بعد كده باعه ب 100 مليون دولار وبعدها اشتغل تقريبا فى كل حاجه سلاح ومخدرات واسس شركة بتساعد الناس فى الاستثمار فى العملات الرقميه ..... الراجل ده كان عنده موهبه غريبه
دياب : ايه الموهبه دى
كريم : كان يقدر يتوقع مستقبل اى عمله من العملات الرقميه وبسبب توقعاته فى ناس كتير كسبت ملايين الدولارات من وراه .... للدرجه اللى خلت اصحاب شركات العملات الرقميه يستغلوه فى الترويج لعملاتهم وهنا بدأ طريق النصب والاحتيال لان بتغريده واحده كان سعر العمله بيضرب فى السماء وكان بيكسب كتير من اصحاب الشركات وعمل علاقات واسعه جدا فوق ما تتخيل للدرجه اللى خلته يوصل لكوارث محدش يتوقعها
دياب : ايه الكوارث دى
كريم : مفيش حد يعرف الحاجات دى غيره هو وبس ..... هو لمح بيها سنة 2018 بعد ما حاولوا يخلصوا منه بالسم وقتها كتب تغريده على تويتر بيقول فيها انه عارف مين اللى حاول يتخلص منه وبيقول كمان ان فى تحت ايده 31 تيرابايت عباره عن مستندات هتفضح اتقل ناس فى العالم ولو حصله اى حاجه المستندات دى هتظهر للنور فورا
دياب : وايه اللى حصل بعد كده
كريم : اتقبض عليه وهو بيحاول يهرب على تركيا عن طريق اسبانيا ..... الحكومه الاسبانيه قبضت عليه وحبسته لحد ما يترحل لأمريكا لان كان عليه قضايا نصب واحتيال
دياب : اترحل على امريكا
كريم : لا اللى حصل غير كده
دياب : ايه اللى حصل
كريم : من كام يوم بيفتحوا الزنزانه بتاعته لقيوه منتحر فيها او بمعنى اصح مقتول
دياب : ومين اللى عمل كده
كريم : لسه مش عارفين والتحقيقات شغاله على الموضوع ده
دياب : طب والمستندات اللى عنده
كريم : محدش يعرف مصيرها لحد دلوقتى بس انا شاكك بنسبه كبيره ان الورق اللى مع سليم جزء من المستندات دى
دياب : وايه اللى يوصل سليم للراجل ده
كريم : ده لغز محدش يعرفه غير سليم نفسه ده بأفتراض ان سليم وصل للورق ده عن طريق الراجل ده مش عن طريق حد تانى
سليم : سيبكم من الكلام ده دلوقتى وركزوا فى الشركه كويس وعاوزكم فى اسرع تنقلوا سليم للفيلا
دياب : انا هتحرك فى الموضوع ده فورا
• من ناحيه تانيه عن استر فى الاستراحه قاعده مع احمد صقر
استر : خير يا احمد ..... ايه الموضوع المستعجل اللى عاوزنى فيه
احمد : سليم ابنى
استر : ماله سليم
احمد : طلع عارف علاقتى بيكم
استر : عرف ازاى ..... طب دياب عرف حاجه هو كمان
احمد : سمعنى انا وسليم الجراح بعد اللى حصل فى المناقصه
استر : طب ودياب يعرف هو كمان ولا ايه الحكايه
احمد : لا دياب مايعرفش حاجه
استر : وبعدين بقى
احمد : هنتصرف ازاى دلوقتى
استر : انت تعرف واحده اسمها جليله
احمد : لا معرفش حد بالاسم ده ..... مين جليله دى كمان
استر : لسه مش عارفه بس هى واحده ليها علاقه بدياب
احمد : علاقه من اى نوع
استر : احنا لسه مش عارفين ...... احنا سمعنا اسمها الفتره اللى فاتت بس مفيش اى معلومه عنها علشان كده قولت اسألك يمكن تعرفها
احمد : لا خالص
استر : طب تمام يا احمد ..... حاول الفتره دى تكسب سليم فى صفك وقوله انك قطعت علاقتك بيا
احمد : وتفتكرى سليم هيصدق حاجه زى دى
استر : حاول معاه بهدوء ومع الوقت هيصدقك
احمد : حاضر
• مر بعد كده شهرين .... انا اتنقلت للفيلا ولسه فى الغيبوبه .... الامور فى الشركه استقرت الى حد ما والاسهم ابتدت ترجع لمسارها الطبيعى .... استر قاعده بترتب فى مصايب ..... احمد صقر بيحاول يصلح علاقته بأبنه
• فى شركة الجراح دياب قاعد مع المستشارين
مستشار 1 : دلوقتى بس اقدر اقول لحضرتك ان الامور بدأت تستقر
مستشار 2 : واسهمنا فى البورصه بدأت من تانى فى الصعود
دياب : طب كويس
مستشار 1 : بصراحه لولا تعامل حضرتك مع الأزمه كان فى حاجات هتتغير للأوحش
دياب : اهم حاجه دلوقتى نركز فى شغلنا كويس ومش هسمح بأى تقصير مهما كان بسيط
مستشار 1 : انشاء الاه مش هيكون فى اى تقصير
• فجأه دخل كريم المكتب على دياب
دياب : عن اذنكم دقيقه واحده وراجع تانى
مستشار 1 . 2 : اتفضل يا فندم
• قام دياب واخد كريم على جنب
دياب : خير يا كريم فى ايه
كريم : ليندا بلغتنى ان ريهام بتولد واخدتها وطلعت بيها على المستشفى ومعاهم لمياء الجراح وهى بتتصل بيك بس انت قافل تليفونك
دياب : قفلته علشان الاجتماع
كريم : طب هتعمل ايه دلوقتى
دياب : هروح المستشفى طبعا بس فى مشوار مهم لازم اعمله فى الاول
كريم : مشوار ايه ده
دياب : اسبقنى انت على المستشفى وانا هحصلك وبلغ ليندا تاخد بالها من ريهام لحد ما اوصل
كريم : حاضر يا دياب
دياب : عاوزك تنشر رجالتك فى المستشفى كويس مش عاوز نمله تعدى من رجالتك
كريم : حاضر يا دياب
دياب : ولو احمد صقر راح المستشفى ممنوع يدخل بسلاح نهائى ويستحسن يدخل من غير حراسه اصلا
كريم : حاضر يا دياب
دياب : طب يلا اتحرك
• نزل دياب واخد عربيته وطلع على فيلا احمد صقر ومجرد ما دخل كان قاعد عمر صقر مع امل صقر
عمر : اتفضل يا دياب
امل : انا طالعه اوضتى لحد ما تخلصوا
عمر : روحى انتى
دياب : لا استنى انا جاى ابلغكم بحاجه وماشى على طول
عمر : خير يا دياب فى ايه
دياب : انا جيت ابلغكم ان ريهام فى المستشفى بتولد
عمر : انت بتتكلم بجد يا دياب
دياب : انا قولت ابلغكم علشان لو عاوزين تزوروها ..... حتى انتى يا امل مسمحولك النهارده تزوريها وتطمنى عليها
امل : بتتكلم بجد يا دياب
دياب : وانا من امتى فى هزار بينى وبينك ..... انا جيت بس علشان خاطر ريهام مينفعش تولد من غير ما تكون امها معاها
عمر : كتر خيرك يابنى
دياب : عن اذنكم انا لازم اروح المستشفى
عمر : اتفضل يابنى واحنا هنحصلك
• وصل دياب للمستشفى وكانت ليندا واقفه مع كريم
دياب : طمنونى ايه الأخبار
ليندا : لسه فى العمليات ومعاها لمياء الجراح جوه
دياب : طب هى حالتها ايه
ليندا : الدكاتره مش مطمنينا نهائى وبيقولوا ان ريهام ضعيفه
دياب : انشاء **** هتقوم بالسلامه
ليندا : انت روحت فين وليه اتاخرت كده
دياب : روحت عند امل صقر
ليندا : روحتلها ليه
دياب : علشان ابلغها ان بنتها بتولد واسمحلها بزيارتها ..... انتى عارفه انى مانع امل صقر عن ريهام من اكتر من 7 شهور
ليندا : انا كنت عاوزه افاتحك فى الموضوع ده بس خوفت منك
دياب : انا عملت كده علشان خاطر ريهام مش اكتر لكن لو عليا عاوز احرقهم كلهم بجاز وسخ
ليندا : عارفه يا حبيبى ان ريهام هى الحاجز اللى بينك وبينهم
دياب : ياريتنى ما كنت حبيتها
ليندا : ليه بتقول كده دى حتى ريهام طبيه وكويسه
دياب : ليه ماطلعتش زيهم
ليندا : اللى يحب دياب لازم يتطبع بطبعه ..... وريهام مش بس بتحبك دى بتعشقك عشق
دياب : ده كان زمان ..... ريهام دلوقتى مش بتكره حد قدى
ليندا : ماتقولش كده يا حبيبى .... ريهام بتحبك بس اللى حصل كان كتير عليها ومسير الايام هتصلح كل حاجه
دياب : مافتكرش ..... انا جرحت ريهام جرح صعب ومستخيل يتلم او يتداوى
ليندا : سيب ريهام عليها وانا هعرف اداويها كويس
دياب : انتى ازاى كده
ليندا : كده ازاى مش فاهمه
دياب : ازاى مستحمله انى اتجوز عليكى وكمان انتى اللى بتصلحى بينى وبين ريهام
ليندا : انا مليش غيرك يا ادم .... انتى حياتى كلها وكل اللى يهمنى انك تعيش سعيد ومبسوط ويبقالى لو جزء بسيط فى قلبك وساعتها هبقى اسعد انسانه فى الدنيا
دياب : انا اللى بعشقك
• اخد دياب ليندا بالحضن ..... فجأه دخل عليهم عمر صقر ومعاه امل
عمر : طمنى يا دياب
دياب : لسه يا عمى ريهام فى اوضة العمليات
عمر : بقالها كتير
دياب : ايوه بقالها كتير وده اللى قالقنى
امل : وايه اللى يقلقك ..... عاوز تفهمنى انك بتحبها وخايف عليها
دياب : طبعا بحبها وخايف عليها بس اللى زيك ميعرفش يعنى ايه حب
امل : قصدك ايه
دياب : تحبى اثبتلك قد ايه انى بحبها وخايف عليها
امل : هتثبتلى ازاى
دياب : اكبر دليل على حبى لريهام وخوفى عليها انك لسه عايشه لحد دلوقتى .... متفتكريش انى سايبك لحد دلوقتى علشان سواد عيونك ولا علشان خايف من اى حد فيكم ...... لا يا امل انا سايبك بس علشان خاطر بنتك مش اكتر
عمر : خلاص يا دياب ياريت نقفل كلام فى الموضوع ده
دياب : حاضر يا عمى انا فعلا هقفل كلام فى الموضوع ده لان من الواضح ان مفيش فايده من الكلام والظاهر انى غلطت لما سمحت لمراتك تيجى المستشفى
• فجأه خرجت لمياء من اوضة العمليات
دياب : طمنينى يا لمياء ايه الاخبار
لمياء : الولاده كانت متعبه بس الحمد ***
دياب : طمنينى على ريهام
لمياء : ريهام كويسه وزى الفل وجابتلك بنوته زى القمر
دياب : الحمد ***
عمر : يعنى ريهام كويسه يابنتى
لمياء : اتطمنوا ريهام كويسه و**** وكلها شويه وهتخرج من الافاقه وتروح اوضتها
دياب : شكرا يا لمياء على تعبك معايا
لمياء : ماتقولش كده يا دياب وبعدين انا لو ماتعبتش علشانك هتعب علشان مين انت غلاوتك عندى زى غلاوة سليم ابن عمى بالظبط .... **** يطمنا عليه هو كمان ويقوم بالسلامه
دياب : ****
لمياء : طب استاذن انا وشويه وهجيلك الاوضه علشان اتطمن على ريهام
دياب : اتفضلى يا لمياء
• بعدها بشويه خرجت ريهام من الافاقه ونقولها لأوضتها واول ما شافت امها فرحت لان بقالها فتره كبيره مش بتشوفها كل اللى كان بينهم مجرد تليفونات من وراء دياب
ريهام : انتى ازاى جيتى يا ماما مش خايفه دياب يتهور عليكى
عمر : متخافيش يا بنتى دياب هو اللى جالنا وبلغنا انك بتولدى وسمح لأمك انها تزورك
ريهام : فيه الخير و**** بعد ما يحرمنى من امى جاى دلوقتى يتعطف علينا ويسمحلها تزورنى
• فجأه دخل عليهم دياب وليندا
دياب : لا يا ريهام انا مش بتعطف عليكى ولا حاجه بس كنت عاوزك تعرفى حاجه مهمه
ريهام : حاجة ايه دى بقى
دياب : كنت عاوزك تجربى احساس انك تتحرمى من امك زى ما انا اتحرمت من امى ..... كنت عاوزك تبقى شايفه اللى حرمك منها قصاد عينك وانتى مش قادره تعمليله اى حاجه ..... عرفتى بقى احساسى كان ايه طول السنين اللى فاتت
ريهام : ........
دياب : ساكته يعنى ..... ياترى ساكته علشان مقتنعه بكلامى ولا علشان احساسى ماوصلش ...... انا هريحك يا ريهام .... انا مش هعمل اى حاجه لأمك وهنساها علشان خاطرك انتى وبس وهسيبك تزوريها وقت ما تحبى بس حاجه واحده بس اللى مش هسمح بيها ولو على رقبتى
ريهام : مفيش داعى لشروك احتا اصلا هنتطلق زى ما اتفقنا
دياب : دى حاجه ترجعلك وبكره ورقتك هتكون عندك ووقت ما تحبى تشوفى بنتك بيتى مفتوح ليكى فى اى وقت
عمر : انت عاوز تاخد منها بنتها
دياب : ليه هو انت فاكرنى هسيب بنتى تتربى وسطيكم ده انت بتحلم .... بنتى هتعيش معايا ووقت ما تحبوا تشوفها بيتى مفتوح ليكم ..... وياريت محدش فيكم يتصرف تصرف غبى لانى وقتها مش هعمل حساب لحد ..... مع السلامه يلا يا ليندا
ليندا : امشى انت يا ادم انا عاوزه اقعد شويه مع ريهام وبعد كده هحصلك
دياب : براحتك
• خرج دياب وسابهم
ليندا : ممكن يا عمى تسيبونى لوحدى مع ريهام
عمر : حاضر يا بنتى
• خرج عمر وامل من الاوضه
ليندا : انتى ايه يابنت انتى غبيه ولا حكايتك ايه بالظبط
ريهام : عاوزه ايه يا ليندا
ليندا : فى حد عاقل يتصرف زى ما بتتصرفى كده ..... احنا ما صدقنا ان دياب يلين تقومى انتى تعقدى الموقف بالطريقه دى
ريهام : بعنى عاوزانى اشوفه بيتحكم فى ابويا وامى بالشكل ده واحط جزمه فى بوقى واسكت
ليندا : لا تخربى الدنيا يا فالحه وتخسرى الانسان اللى بيحبك وبتحبيه
ريهام : كرامتى وكرامة اهلى عندى بالدنيا ومافيها
ليندا : وهو فى حد داس على كرامتك ولا على كرامة اهلك .... دياب اول ما عرف انك بتولدى راح جرى على ابوكى وامك علشان يبقوا جمبك فى وقت زى ده .... دياب قالها بوضوح لأمك ان انتى الحاجه الوحيده اللى مانعاه عنها ..... دياب بيحبك وخايف عليكى ماتضيعهوش من ايدك بغباءك
ريهام : وانا لسه هضيعه ..... دياب خلاص ضاع منى
ليندا : لسه فى فرصه بس اسمعى كلامى علشان ماتندميش وانا هصلح العك اللى انتى عكتيه بس اهم حاجه دلوقتى ماتسمعيش كلام امك لانها هتبدأ تسخنك اكتر
• بعد ما خرج دياب من المستشفى راح للشركه وهو غضبان وقعد لوحده بعدها بشويه دخل عليه كريم
كريم : اعذرها يا دياب
دياب : انا عازرها يا كريم وعارف انى زودتها
كريم : طالما عارف انك غلطان ايه اللى عامله فى نفسك ده
دياب : زعلان علشان الفرصه الوحيده اللى كنت مستنيها تصلح بينى وبين ريهام انا ضيعتها من ايدى ..... انا مستنى يوم ولادتها بقالى شعور على امل انى اعرف اصالحها بس تقول ايه بقى جت امل صقر منها *** خلتنى مش عارف اتحكم فى اعصابى
كريم : انت طول الوقت بتعرف تفكر وتتعامل بس تيجى قصاد امل صقر وتعك الدنيا
دياب : انا مش بكره فى حياتى قد العاصى وامل صقر واخوها وقصادهم عقل بيوقف
كريم : لازم يا دياب تتحكم فى نفسك
دياب : هحاول
كريم : دلوقتى قوم علشان تصالح ريهام
دياب : اصالحها ازاى
كريم : هاتلها هديه حلوه بمناسبة الولاده وروحلها وحاول تلطف الدنيا معاها
دياب : انا جايب الهديه من بدرى بس اللى حصل خلانى نسيت كل حاجه
كريم : طب كويس روح بقى لريهام وحاول تلطف الدنيا يا اخى ده انت بنتك ملحقتش تشوفها
دياب : دى اكتر حاجه مضايقانى
كريم : طب يلا انجز وروح علشان زمان السخان دلوقتى شغال وهيسخن الدنيا اكتر
دياب : انا لو عليا عاوز اخلص من السخان ده للأبد
كريم : مش وقته الكلام ده دلوقتى .... اخلص روح لمراتك وحاول تلطف الجو
دياب : حاضر
• رجع دياب للمستشفى وكانت ليندا لسه قاعده مع ريهام ومعاهم عمر صقر وامل
ريهام : رجعت تانى ليه
دياب : بعد اذنكم كلكم عاوز اقعد مع ريهام لوحدنا
عمر : عاوز ايه تانى يا دياب
دياب : بعد اذنك يا عمى سيبنا لوحدنا شويه وانا هفهمك بعدين على كل حاجه
عمر : حاضر يا دياب ..... يلا بسنا يا امل بره
امل : ماشى لما نشوف اخرتها
• خرج عمر وامل
ليندا : انا هخرج يا ادم بس عاوزاك تبقى حنين وتبطل الغباوه بتاعتك
دياب : طب يلا من غير مطرود
ليندا : انا خارجه من نفسى اشبعوا ببعض
دياب : بره يا رخمه
• خرجت ليندا ..... راح دياب عند ريهام على السرير
دياب : خديلك جمب كده عاوز اقعد
ريهام : يا سلام
دياب : اتاخدى يا بنت انتى عاوز اقعد جمبك
ريهام : ماسمحلكش تقولى بنت دى
دياب : بنت وست البنات كمان
ريهام : عاوز ايه يا دياب
دياب : عاوز اعتذرلك ..... انا عارف ان انتى المظلومه الوحيده فى الليله دى كلها .... بس قدرك كده ..... قدرك تحبى واحد فى تار بينه وبين امك
ريهام : ياريت بلاش كلمة تار علشان بتخوفنى منك
دياب : عارفه يا ريهام انتى الدراع اللى بيوجعنى وامك عارفه تمسكنى منه كويس ..... لولاكى انتى كان زمان امل صقر ماتت ابشع موته من زمان بس انتى اللى واقفه بينى وبينها ..... انا بين نارين يا ريهام ..... نار كرهى لأمك من ناحيه ..... ومن ناحيه تانيه نار حبى ليكى
ريهام : بتسمى حبك ليا نار
دياب : ايوه نار .... نار علشان مانعنى اخد بتارى واريح قلبى وعقلى
ريهام : وياترى لحد امتى هفضل مانعاك
دياب : طول ما انتى عايشه على وش الدنيا مش هقدر اعمل اى حاجه تجرحك ..... انا مش بقولك الكلام ده علشان اشيل من دماغك فكرة الطلاق انا بقول اللى حاسس بيه وبس
ريهام : ما انت لو طلقتنى هتاخد بنتى منى يعنى هتخلينى اختارك غصب عنى
دياب : وانا مش عاوزك تعيشى معايا غصب عنك ..... انسى كل الهبل اللى انا قولته وهسيبلك حرية الاختيار وشيلى البنت من اى حسابات لان بنتك هتعيش معاكى سواء اختارتى تكملى معايا او لا
ريهام : يعنى لو صممت على الطلاق مش هتاخد منى بنتى
دياب : ايوا يا ريهام مش هاخد البنت
ريهام : طب وماما هتعمل معاها ايه
دياب : قولتلك مش هقدر اجرحك ابدا
ريهام : انا مش هتطلق دلوقتى بس ليا طلب واحد عندك
دياب : اطلبى اى طلب وانا هنفذهولك من غير نقاش
ريهام : الفتره اللى فاتت كنت تعبانه نفسيا ..... محتاجه اقعد عن ابويا الفتره دى ...... اقعد مع نفسى شويه واعيد حساباتى من تانى
دياب : عاوزه تقعدى هناك قد ايه
ريهام : مش عارفه ..... ياريت تسيبنى براحتى ومتضغطش عليا
دياب : حاضر يا ريهام هسيبك براحتك
ريهام : انا بحبك يا دياب وعمرى فى حياتى ما حبيت حد غيرك ومقدره كويس احساسك
دياب : خلاص يا ريهام مش عاوز كلام فى الموضوع ده تانى
ريهام : حاضر يا دياب
دياب : طب انا هروح اجيب ابوكى وامك علشان زمان ابوكى قلقان وامك مولعه
• خرج دياب ورجع مع عمر وامل وليندا واول ما دخلوا راح دياب على وقعد جمب ريهام وسط استغراب من عمر صقر وامل
عمر : عملت ايه يا دياب
دياب : متقلقش يا عمى انا وريهام اتصالحنا وشالت موضوع الطلاق من دماغها
عمر : الحمد *** انا كده ارتحت
امل : واحنا تحت امر سيادتك بقى علشان تصالح وتخاصم وقت ما تحب
دياب : بصى يا امل علشان اريحك .... انا عارف ومتاكد انك بتكرهينى وبتتمنى موتى النهارده قبل بكره والحقيقه انا كمان ببادلك نفس الشعور بس الفرق بينى وبينك انى بحب بنتك وعامل لزعلها الف حساب لكن الظاهر انك انتى اللى مش عامله اى اعتبار لبنتك
امل : قصدك ايه يا دياب
دياب : هفهمك قصدى ..... انتى عندك استعداد انك تخسرى اى حاجه علشان تخلصى منى حتى لو هتخسرى بنتك يعنى كرهك ليا اكتر من حبك لبنتك .... لكن انا عكسك تماما حبى لبنتك اكبر من بكتير من كرهى ليكى ومش عاوز اجرحها ...... حبى ليها اللى خلانى اول ما اعرف انها بتولد انسى كل حاجه انتى عملتيها واروحلك بنفسى علشان اقولك تبقى جمبها فى يوم زى ده وعلى فكره مش ندمان على اللى عملته
ريهام : خلاص يا دياب مش عاوزه اسمع كلام من ده تانى
ليندا : ريهام عندها حق يا ادم كفايه كلام فى اللى حصل وسيبونا نفرح شويه
دياب : حاضر
ليندا : قولولى بقى القمر الصغيره دى هتسموها ايه
دياب : انا اختارت الاسم من زمان ده بعد اذنك يا ريهام
ريهام : انا موافقه على اى اسم انت تختاره
ليندا : هتسميها ايه بقى
دياب : ابتسام على اسم امى
• امل صقر اول ما سمعت الاسم بان على وشها كل ملامح الغضب والذعر بس مش قادره تنطق
ريهام : وانا موافقه
• فجأه دخلت عليهم هايدى العاصى
هايدى : الف مليون مبروك على القمر بتاعتنا
ريهام : **** يبارك فيكى يا هايدى واحشانى يا جزمه
هايدى : اعمل ايه ضغط الكليه والامتحانات سامحينى
ريهام : مسامحاكى ..... طمنينى عليكى
هايدى : الحمد *** كويسه ..... الف مبروك يا دياب
دياب : **** يبارك فيكى يا هايدى
هايدى : ايه اخبار سليم الجراح
دياب : ادعيله يا هايدى
هايدى : **** يقومه بالسلامه انشاء ****
دياب : ****
هايدى بعد اذنك يا دياب عاوزاك فى موضوع مهم على جنب
دياب : خير فى حاجه
هايدى : موضوع مهم ولازم افهمهولك
دياب : حاضر ..... تعالى نخرج من الاوضه
• فجأه دخل كريم على دياب وهو على وشه كل علامات الغضب
دياب : فى ايه با كريم مالك
كريم : مصيبه سوده
دياب : مصيبة ايه تانى
• خرج كريم تليفونه وشغل فيديو
كريم : اتفرج على الفيديو ده وانت تعرف
دياب : فيه ايه الفيديو ده
كريم : ده لقاء معمول مع النقيب حازم الجراح قريب سليم وعيال عمك
دياب : ومين اللى عامل معاهم اللقاء ده
كريم : جريده امريكيه واللقاء منتشر على اليوتيوب والفيسبوك وكل مواقع السوشيال ميديا
دياب : هو ده الموضوع اللى كنتى عاوزانى فيه يا هايدى
هايدى : ايوا يا دياب
دياب : ويا ترى ايه فيه فى اللقاء الزفت ده
كريم : اتفرج بنفسك وانت تعرف
• اخد دياب التليفون وشغل الفيديو ...... كان فى الفيديو المذيع ومعاه النقيب حازم الجراح وسلم العاصى واخته امينه
المذيع بيكلم حازم : حضرتك بتقول انك كنت ماسك قضية قتل اسامه الهوارى واللى كان متورط فيها رجل الاعمال سليم الجراح
حازم : ايوا انا اللى كنت شغال على القضيه
المذيع : وايه اللى حصل فى التحقيقات
حازم : مكانش فى تحقيقات اصلا دى كانت مهزله
المذيع : مهزله ازاى يعنى ياريت توضح كلامك
حازم : قصدى ان القضيه اتقفلت بطريقه غريبه ..... مجرد ما ظهر ربط بين قتل اسامه والدكتور سليم الجراح وان اللى متورط يبقى سليم فجأه كل حاجه وقفت
المذيع : ايه الرابط ده وازاى كل حاجه وقفت فجأه
حازم : الرابط ده كان عربيه بتراقب اسامه قبل حادثة القتل ونفس العربيه كانت بتراقب الدكتور سليم الجراح قبل الحادثه اللى مات فيها ولما فتشنا على العربيه عرفنا انها بتاعة سليم الجراح ..... فجأه قالو ان فى ناس هى زورت عقود العربيه علشان يورطوا سليم الجراح فيها وراحوا حابسين كام موظف غلبان فى المرور والشهر العقارى علشان يخرجوا سليم من القضيه
المذيع : يعنى حضرتك بتتهم سليم الجراح بشكل واضح ان هو اللى قتل عمه وصاحبه
حازم : ايوا حضرتك
المذيع : بس معلوماتنا بتقول ان سليم الجراح يعتبر ابن عمك يعنى المفروض تساعده
حازم : حضرتك انا ظابط شرطه واهم حاجه عندى احقق العدل وانفذ القانون
المذيع : طالما كده ليه قعدت ساكت طول الفتره اللى فاتت
حازم : انا اتكلمت كتبر وكله كان بيرفض يسمعنى
• بعد كده المذيع وجه كلامه لسالم العاصى وامينه اخته
المذيع : وانتوا ايه علاقتكم برجل الاعمال دياب العاصى
سالم : المفروض انه ابن اخونا عبدالرحمن **** يرحمه
المذيع : يعنى ايه المفروض مش فاهم
امينه : احنا اصلا مش مصدقين ان دياب يبقى ابن اخونا اصلا
المذيع : ازاى يعنى
امينه : انا هقول لحضرتك ..... اخويا عبدالرحمن كان بيحب واحده سمعتها مش كويسه ولما قال لابويا انه عاوز يتجوزها ابويا رفض لكن اخويا وقف قصاد ابويا وصمم على جوازه منها ...... ابويا غضب منه وطرده على اساس انه يفوق لعقله ويرجع تانى لكن اتفاجئنا ان عبدالرحمن اتجوز الست دى وقتها ابويا تعب بس برضه ده كان ابنه ومينفعش يسيبه علشان كده ابويا بعت ناس تراقب اخويا ومراته ..... اخويا كان دايما فى شغله وبيسافر كتير ويسيب مراته لوحدها فى البيت ..... والرجاله رجعوا لابويا وقالوله انهم بيشوفوا راجل غريب كده دايما بيدخل البيت عند اخويا بعد ما يخرج على شغله ..... وفجأه عرفنا ان مرات اخويا حامل
المذيع : يعنى حضرتك بتقولى ان دياب ده مش ابن اخوكى وانه ابن زنا
امينه : ايوا
المذيع : بس احنا مايهمناش الموضوع ده ..... انتوا كنتوا بتقولوا ان دياب شغله مش مظبوط
سالم : ايوا حضرتك
المذيع : ازاى بقى
سالم : فى حالة غموض غريبه ناحية دياب وشغله ده غير انه دبر قصة موته من كام سنه بدون سبب .... ده غير الكلام الكتير اللى بيتقال عنه وانه بيشتغل فى السلاح والاثار وشغل المقاولات والادويه مجرد ستاره لشغله الحقيقى
المذيع : فى دليل واضح على كلامكم ده
سالم : فى ناس كتير شافوه بيعاين بيوت قديمه ومهجوره علشان يطلع منها الاثار
المذيع : لا كده الموضوع بقى كبير فعلا
• اشتغل الحوار اكتر من نص ساعه وكل شويه يخترعوا تهمه جديده عليا انا ودياب ..... دياب كان بيتابع الفيديو وملامح الغضب ظاهره على وشه .... اما باقى الموجودين باين عليهم ملامح الخوف من تصرف دياب ..... بعد ما خلص الفيديو دياب بص على كريم
دياب : سالم العاصى وامينه فين
كريم : موجودين فى بيوتهم
دياب : ورجالتك فين
كريم : موجودين فى الاقصر وعينهم على سالم وامينه
دياب : قولهم يتحركوا دلوقتى حالا ..... عاوزهم تحت رجلى النهارده
كريم : حاضر يا فندم
دياب : عاوزهم عايشين
كريم : حاضر يا فندم
دياب : يلا اتحرك فورا عاوزهم يكونوا تحت ايديكم بعد نص ساعه بالكتير
كريم : عشر دقايق وكل حاجه هتخلص رجالتنا موجودين هناك ومستنيين اشاره
دياب : طب يلا بسرعه
• خرج كريم وبعدها دياب قعد ساكت
ليندا : انت ناوى على ايه يا دياب
دياب : عيال العاصى استعجلوا على نهايتهم
ريهام : هتقتلهم
دياب : الموت هيبقى رحمه مش هيطولوها طول ما انا عايش ..... انا يطعنوا امى فى شرفها ماشى ..... انا بقى هخلى لقطط الشوارع شرف عنهم
عمر : هتعمل ايه يا دياب
دياب : اتفرج وانت ساكت ..... وانتى يا امل ياريت تتفرجى على اللى هيحصل علشان تاخدى منه عظه وعبره قبل ما تتصرفى تصرف تندمى عليه
• بعد عشر دقايق دخل كريم عند دياب
كريم : كله تمام يا فندم
دياب : هما فين دلوقتى
كريم : خطفوهم من بيوتهم واتحركوا بالعربيات على الطريق ومستنيين الأوامر
دياب : هاتهم على القاهره واطلع بيهم على الفيلا الكبيره
كريم : حاضر يا فندم
دياب : ابعت رجاله على المقابر علشان ينفذوا اللى انا امرت بتأجيله
كريم : حاضر يا فندم
دياب : يلا اتحرك وجهز المكان علشان الحفله ..... حفله هتقعد سبع ايام بلياليهم بالتمام والكمال ..... عاوزك تجهز الكاميرات على اعلى مستوى
كريم : هروح اجهز كل حاجه بنفسى ..... بس فى حاجه حصلت لازم تعرفها
دياب : ايه حصل تانى
كريم : رجالتنا فى البورصه بيحذرونا من عاقبة اللقاء اللى حصل
دياب : سيبك من الزفت دلوقتى واتحرك زى ما قولتلك
كريم : حاضر يا فندم
• بعد ما كريم خرج
دياب : انا ماشى دلوقتى ..... هتروحى ولا هتقعدى مع ريهام
ليندا : لا انا هبات الليله مع ريهام
دياب : وابنك هتسيبيه
ليندا : ابنى معايا هنا بس نايم دلوقتى مع الداده بتاعته
دياب : طب تمام ..... وانتى يا ريهام انا هرجعلك تانى علشان اتطمن عليكى
ريهام : حاضر
• سابهم دياب ونزل اخد عربيته وطلع على الدكتور سليم الجراح فى فيلا كريم
سليم : كويس انك جيت انا لسه كنت هكلمك
دياب : هنتصرف ازاى دلوقتى فى موضوع القضيه اللى اتفتح تانى
سليم : انا بقالى ساعتين بفكر ومش عارف اوصل لقرار
دياب : اللى حصل ده هيدمر كل اللى احنا عملناه طول الشهرين اللى فاتوا والاسهم هتوقع ومش هتقوم تانى
سليم : البورصه دلوقتى قافله وبكره لما تفتح هنشوف ايه اللى هيحصل وعلى اساس كده نتصرف
دياب : مجرد ما البورصه تفتح هتلاقى انهيار فى حركة الاسهم بتاعتنا
سليم : كل حاجه وليها حل
دياب : هنتصرف ازاى مع استر دلوقتى
سليم : سيبك من استر انا هعرف اتصرف معاها وارد عليها الرد المناسب
دياب : تمام يا دكتور ..... هستاذن انا دلوقتى علشان معايا مشوار مهم
سليم : استنى عندك يا دياب انت رايح فين
دياب : معايا مشوار مهم
سليم : كريم كلمنى وبلغنى باللى انت طلبته منه
دياب : بعد اذنك يا دكتور ده موضوع خاص بيا انا ومش هسمح لحد انه يتدخل فيه
سليم : اهدى يا دياب دى مش خناقه فى شارع
دياب : قولت لحضرتك ده موضوع خاص بيا ومش هسمح لمخلوق انه يتدخل واعتبرها خناقه فى شارع وهنفذ اللى فى دماغى مهما كلفنى
سليم : وايه اللى فى دماغك يا دياب
دياب : بكره هتعرف ..... لكن دلوقتى سيبنى علشان استعد كويس
سليم : براحتك يا دياب ..... تقدر تتفضل
• من ناحيه تانيه فى فيلا احمد صقر ..... احمد وعمر وامل ومحمد وفاتن وامانى ومعاهم سليم كلهم متجمعين
عمر : يا سليم
سليم : ايوا يا جدى
عمر : تفتكر دياب هيعمل ايه بالظبط
سليم : هيعمل فضيحه عمرها ما حصلت قبل كده ولا حد هيقدر يعملها من بعده
عمر : قصدك ايه
سليم : مش برضه دياب خطف سالم وامينه
عمر : ايوا
سليم : اقل حاجه هيعملها انه هيضيع شرفهم اذا كان اصلا عندهم شرف واظن ان انت فاهمنى كويس
عمر : اقل حاجه ..... امال ايه اكتر حاجه ممكن يعملها
سليم : من ناحية اكتر حاجه دى انا معرفهاش لكن اللى متاكد منهم ان هيعمل فضيحه كبيره تخلى كل الناس تحلف بيها
عمر : دى مصيبه
سليم : دى البدايه والمصايب جايه كتير بعد كده
امل : انت ازاى بتتكلم ببرود كده زى ما يكون اللى اتخطفوا دول مش اهلك والفضيحه مش هتطولك
سليم : لأنهم فعلا مش اهلى
امل : ازاى بقى ده احنا المفروض عيله واحده
سليم : اى حد يعادى دياب يبقى مش من اهلى يا جدتى ..... وباللى عملوه ولاد العاصى النهارده عجلوا بنهايتهم ..... ياريت انتى كمان تتعظى يا جدتى قبل ما الخراب يطولك
امل : هسالك سؤال وتجاوبنى بصراحه يا سليم
سليم : الجبان بس هو اللى بيكذب يا جدتى وانا اتربيت على انى اكون قوى مش جبان
امل : لو حصل ووقفت انا ودياب قصاد بعض فى يوم من الايام انت بقى هتوقف مع مين فينا انا ولا دياب
سليم : دياب طبعا وبدون تفكير او تردد
امل : يعنى بتحب دياب اكتر من جدتك
سليم : انا بحب دياب اكتر من نفسى انا شخصيا ومستعد افديه بحياتى بس مش ده السبب
امل : امال ايه السبب
سليم : السبب انى وقفت فى صفك كتير ومش انا لوحدى لا عمتى ريهام كانت معايا ..... وقفنا كتير قصاد دياب علشان نحميكى منه ..... لولا وجودى انا وريهام كان زمانك دلوقتى مع سالم وامينه واخوكى
امل : اخويا .... ايه دخل اخويا بالموضوع
سليم : ليه هو انتى متعرفيش ان سعد اخوكى تحت ايد دياب من اكتر من 3 شهور ولا انت مقولتلهاش يا بابا
احمد : ........
امل : ساكت ليه يا احمد ما تنطق .... صحيح سعد عند دياب
احمد : انا اول مره اعرف الكلام ده ..... مين اللى قالك يا سليم ان خالى عند دياب
سليم : دياب مش بيخبى عنى حاجه خالص وفعلا سعد تحت ايد دياب من 3 شهور وبيتسلى بيه كل يوم مش باقيله غير شويه صغيرين ويوصل لمرحلة الجنون
• قامت امل مفزوعه ومسكت سليم من رقبته وسليم سايبها ومش بيقاوم واتدخل الجماعه علشان يخلصوا سليم من ايدها
سليم : مش عاوز حد فيكم يتحرك سيبوها تطلع كل اللى جواها
امل : عملتوا ايه فى اخويا
سليم : اهدى يا جدتى وسيبينى انا مراعى لحد دلوقتى انك جدتى
امل : انت خليت فيها جدتك ..... انت خلاص بقيت تبع الكلب اللى رباك
سليم : ياريت ماتغلطيش فى دياب علشان ردى عليكى هيكون صعب ومش هتقدرى تستحمليه
امل : طب دياب كلب ووسخ وابن شرموطه ورينى بقى هترد عليا ازاى
• فجأه عين سليم برقت وبكل هدوء مسك امل من ايدها ونزلها من على رقبته ولفها وراء ضهرها وركعها فى الارض وحط ايده على رقبتها ..... الجماعه حاولوا يوقفوه
سليم : اللى هيتقدم فيكم خطوه واحده هقطع رقبتها فورا
فاتن : ارجوك يابنى كفايه علشان خاطرى
سليم : بعد اذنك يا ماما اسكتى
امل : سيبنى يا حيوان
سليم : اغلطى فيا براحتك مش مشكله لكن تفكرى تغلطى فى دياب انا اللى هوقفلك بنفسى ..... دياب يبقى سيدك وتاج راسك وجزمته يحطها فوق دماغك
احمد : كفايه يابنى على كده
سليم : قولتلك يا بابا الف مره قبل كده ابعدوا عن دياب واعملوا كل اللى انتوا عاوزينه بس انتوا ماسمعتوش الكلام
• فجأه دخل عليهم دياب
دياب : سليم ..... انت بتعمل ايه
سليم : ارجوك يا دياب
دياب : سيب جدتك فورا ..... اخلص
• سليم ساب امل
دياب : ايه اللى انت بتعمله ده ..... انا ربيتك على كده
سليم : انت مش عارف هى قالت ايه
دياب : مهما كان اللى قالته هى برضه جدتك ومايصحش تعمل فيها كده
سليم : دى كانت بتشتمك
دياب : قولتلك الف مره قبل كده ابعد عن المشاكل اللى بينى وبينهم
سليم : مش قادر اسمعها بتشتمك واقعد ساكت
دياب : مش هكرر كلامى تانى
سليم : حاضر يا دياب
دياب : اعتذر لجدتك
سليم : انا اسف يا جدتى
دياب : قوليله مسامحاك يا امل
امل : لا طبعا مش مسامحاه
دياب : براحتك ده شئ يرجعلك ..... انا كل اللى يهمنى ان سليم يعتذر عن اللى عمله لكن انتى ماتفرقيش بالنسبالى ..... اسيبكم انا بقى
عمر : استنى يا دياب عاوزك
دياب : خير يا عمى
عمر : انت فعلا خطفت سعد
دياب : يهمك اوى الموضوع ده
عمر : طبعا يهمنى
دياب : ايوا يا عمى انا خطفت سعد من 3 شهور
عمر : ليه خاطفه المده دى كلها
دياب : علشان اتسلى عليه واموته بالبطئ ..... على فكره موضوع سعد غير قابل للنقاش ومش هيخرج من عندى غير جثه وبالنسبه للجماعه اللى جايين فى الطريق اللى هيفكر فيكم يكلمنى عنهم هيشاركهم فى اللى هيحصل فيهم
عمر : انت جاى ليه دلوقتى
دياب : انا جاى علشان حاجه واحده بس ...... ريهام طلبت منى انها بعد ما تخرج من المستشفى تقعد عندك يا عمى كام يوم ترتاح فيهم وانا وافقت على طلبها وجيت علشان اقول لحضرتك حاجه واحده بس عقل بنتك لانى مستحمل بسببها بلاوى كتير علشان بحبها لكن للصبر حدود وانتو عملتوا معايا اللى مايستحملهوش بشر لكن من النهارده مفيش حاجه هتعدى ومش بس هحاسب اللى يغلط لا انا هحاسب اللى هيفكر مجرد تفكير انه يغلط
• فجأه تليفون عمر صقر رن وكان طارق ابنه ورد عليه
عمر : الووووو .... خير يا طارق فى حاجه تانى حصلت ..... انت بتقول ايه ..... طب اقفل يا طارق وانا هتصرف
• بعد ما قفل عمر التليفون بص على دياب
عمر : ايه اللى انت عملته ده يا دياب ..... وصلت بيك انك تفتح قبر العاصى وتاخد جثته
• كل الموجودين اتصدموا لما سمعوا الخبر
دياب : ولسه اللى جاى ..... مش كنتوا عاوزين تفضحونى قصاد الناس بالباطل انا بقى هوريكم الفضايح اللى بجد هتكون ازاى علشان كده بقولكم انتوا لحد دلوقتى فى امان بسبب ريهام وسليم وانت يا عمى ..... ايوا يا عمى انت سبب مهم فى انى مش قادر اعمل حاجه لمراتك .... انت الوحيد من العيله اللى وقف مع ابويا وكان بيحاول يساعده علشان كده ليك مكانه كبيره عندى تغفرلك
عمر : طب لو زى ما بتقول ان ليا مكانه عندك بلاش الفضايح اللى عاوز تعملها
دياب : للاسف يا عمى مكانتك يادوب تشفعلك مع مراتك واولادك لكن سعد وعيال العاصى محدش هيقدر يشفعلهم عندى مهما كان ..... ومتخافش يا عمى انا هحاسب كل واحد على قد عمله ..... يعنى العاصى اللى ساب ابويا يعيش غريب ورفض يدفنه فى مدافن العيله انا حكمت عليه بنفس الحكم وهدفنه غريب برضه بس وسط جثث الكللابب والخنازير ..... وعيال العاصى اللى داسوا على شرف امى قصاد الناس انا برضه هدوس على شرفهم قصاد الناس ..... وسعد بقى غلطاته كتير معايا وهدفعه اللى عمله مع ابويا ومع ريهام وسليم ..... انا اتعلمت فى الحياه دى انها داين تدان وعلى قد عملك هتحاسب ..... انا همشى دلوقتى يا عمى وياريت تعقل بنتك ومراتك
عمر : امشى يا دياب انت عندك حق فى كل اللى قولته
احمد : استنى يا دياب انا عاوزك لوحدنا شويه
دياب : تعالى يا احمد
• خرج دياب مع احمد
دياب : عاوز ايه يا احمد
احمد : انت ليه بتعمل كده ..... انا وثقت فيك وجوزتك اختى طلعت بتعمل كل ده علشان تنتقم
دياب : انت مصدق نفسك يا احمد
احمد : قصدك ايه
دياب : انا لو كنت ناوى على الانتقام كنت هبدأ بيك انت
احمد : ليه هو انا عملت ايه
دياب : لا من الناحيه دى انت عملت كتير وبدايتها تعاملك مع استر اللى انا عارف انك حطيت ايدك فى ايدها من اول يوم ومطنش وساكت ..... ضربتلى المناقصه بتاعتى وانا برضه مطنش وساكت علشان خاطر سليم ..... انا مطنشلك مصايب كتير انت بتعملها علشان خاطر سليم وريهام وابوك
احمد : .......
دياب : ساكت يعنى ..... مش مهم انا مش منتظر منك اى رد بس عاوز ابلغك رساله توصلها لأستر ..... قولها انتى دخلتى لعبه انتى مش قدها ولعبتى فى منطقه محظوره وردى هيوصلك اسرع مما تتخيلى
• مشى دياب من عند احمد صقر وطلع على المقطم ..... كريم كان موجود فى الفيلا ببجهزها
دياب : عملت ايه يا كريم
كريم : كله تمام زى ما طلبت
دياب : اخبار اسطبل الخيل ايه
كريم : الرجاله هناك بتجهز الكاميرات والإضاءه
دياب : والاقفاص بتاعة الكللابب
كريم : جاهزه من بدرى
دياب : الجماعه هيوصلوا امتى
كريم : بعد الفجر هيكونوا وصلوا
دياب : حلو اووووى ..... اسمعنى بقى فى اللى هقولهولك وعاوزك تنفذه بالظبط
كريم : عاوز ايه تانى يا دياب
دياب : بعد الفجر عاوزك تروح تحت كوبرى السيده عائشه هتلاقى هناك العمال اللى بيشتغلوا فى الفاعل عارفهم
كريم : ايوه عارفهم
دياب : عاوزك تختار كام واحد منهم بس عاوزك فى اللى تختارهم يكونوا رجاله شديده وفى نفس الوقت يكونوا فى منتهى القذاره وشكلهم بشع بخليك عاوز ترجع من القرف وتجيبهم على الفيلا هنا بعد ما تغمى عنيهم وميعرفوش هما رايحين على فين وعاوزك كمان تجيب كام واحد من الناس اللى بينضفوا الشوارع ولو لقيت ناس فى طريقك من المشردين واللى عايشين تحت الكبارى هاتهم مايهمكش ..... عاوزك تجمعلى كوكتيل على مزاجك كده كوكتيل يخليك تتمنى الموت على انك تبص على شكل واحد فيهم
كريم : مش كتير اللى انت بتفكر فيه يا دياب
دياب : قولتلك يا كريم مش عاوز نقاش فى الموضوع ده نهائى
كريم : انا مقدر الغضب اللى جواك
دياب : طالما مقدر يبقى تنفذ من غير نقاش
كريم : حاضر يا دياب
دياب : سيبنى يا كريم دلوقتى عاوز اقعد لوحدى شويه
كريم : حاضر
• قعد دياب لوحده لبعد الفجر لحد ما وصل الجماعه ودخلوهم فى البدروم وقفلوا عليهم وبعدها بشويه وصل كريم ومعاه الرجاله اللى طلبهم
دياب : تمام جدا يا كريم
كريم : هتعمل ايه دلوقتى يا دياب
دياب : ننزل للضيوف علشان نبدأ
كريم : حاضر يا دياب
• نزل دياب للبدروم ومعاه كريم ..... اول ما امينه وسالم شافوا دياب اترعبوا
دياب : حمد **** على السلامه على اوسخ ناس عرفتها
امينه : هتعمل ايه يا دياب
دياب : هتعرفى يا عمتى دلوقتى بس فى الاول فى كلمتين جوابا بقالهم سنين ومحتاج اخرجهم ..... انا عملتلكم ايه علشان تكرهونى بالشكل ده ...... ابويا اتجوز واحده مش من مستواكم قولنا ماشى ممكن تكرهوه لكن انا ذنبى ايه ...... حاولتوا تقتلونى قبل كده وسامحتكم ..... الفلوس اللى الزفت ابوكم كتبهالى رميتهالكم فى وشكم من زمان وقولتلكم سيبونى فى حالى ..... لكن يوصل بيكم الكره انكم تضربونى فى شرف امى يا انجس خلق **** انا متهيألى ان انتوا انجس من الخنازير
امينه وسالم : .......
دياب بزعيق : ساكتين ليه انطقوا
امينه : عاوزنا نقول ايه
دياب بتنهيده : انتوا بتكرهونى بالشكل الفظيع ده ليه
امينه : .......
دياب : برضه ساكتين ..... على العموم انا مش منتظر منكم اجابه بس النهارده هخلى لكرهكم سبب مقنع
سالم : هتعمل ايه يا دياب
دياب : زى ما حاولتوا تضربونى فى شرفى انا هدوس على شرفكم وهخلى فضيحتكم على كل لسان
سالم : انت ناوى على ايه
دياب : هتشوف دلوقتى ..... يا كريم
كريم : ايوا يا فندم
دياب : فهمت الرجاله هيعملوا ايه
كريم : كله تمام يا فندم
دياب : روح هات الرجاله
كريم : حاضر يا فندم
• خرج كريم ورجع بعدها ومعاه الرجاله ..... سالم وامينه اول ما شافوا الرجاله اتفزعوا من الشكل
دياب : ايه رائيكم فى التشكيله الجميله دى ..... هتقعدوا هنا اسبوع هدوس فيه على شرفكم ..... اول حاجه هنبدأ بيها الرجاله اللى انتوا شايفنها .... بعد كده مرحلة الخيل والكللابب ..... عندنا خيل وكلاب مدربين على ممارسة الجنس
امينه : اللى انت بتعملوا ده افترى
دياب : انتى لسه شوفتى افترى يا عمتى اصبرى لسه التقيل جاى ..... ابدأ يا كريم زى ما فهمتك وانا رايح على الشركه وهتابع معاك بالتليفون
كريم : حاضر يا فندم
• بدأ الرجاله مع امينه وسالم
• دياب اتحرك على الشركه واول ما وصل كان المستشارين بتوعه موجودين وكل الناس كان بيبصوا على دياب ويتغامزوا بينهم وبين بعضهم بسبب اللى انتشر
دياب : ايه الاخبار فى البورصه
مستشار 1 : للاسف رجعنا تانى لنقطة الصفر والمره دى مش هينفع التعامل بشده زى المره اللى فاتت
دياب : قصدك ايه
مستشار 1 : يعنى لازم حل جذرى ..... احنا لو ضغطنا على العملاء اكتر من كده مجرد ما عقودهم تنتهى مش هيتعاملوا معانا تانى بعدها ده غير اللى ممكن يضحى بالشرط الجزائى ويلغى العقد وفى الحاله دى هنبقى داخلين على كارثه ملهاش مثيل
مستشار 2 : يافندم البورصه فتحت من ساعتين بس وفى خلال الساعتين دول اسهمنا وقعت بنسبة 45% واحنا لسه فى بداية اليوم
دياب : طب من وجهة نظركم ايه الحل الجذرى اللى المفرض نشتغل عليه
مستشار 1 : فى حلين
دياب : ايه الحل الاول
مستشار 1 : نطرح جزء من الاسهم علشان نأمن نفسنا
دياب : انسى الحل ده
مستشار 1 : يبقى مفيش غير ان احنا نشوف كيان اقتصادى قوى ونعمل معاه دمج ووقتها هيتغير حاجات كتير
دياب : سيبنى شويه افكر فى الموضوع ده لان ده مش قرارى لوحدى فى شركاء لازم اتناقش معاهم الاول
مستشار 1 : خد وقتك يا فندم
مستشار 2 : فى رأى تانى يافندم
دياب : اتفضل قول
مستشار 1 : المشكله الاساسيه اللى بتواجهنا خاصه بمجلس الاداره سواء كان مستر سليم او حضرتك
دياب : وبعدين
مستشار 2 : انا شايف ان حضرتك تركز مع مجموعة الفهد الاسود ويتم تشكيل مجلس اداره جديد لشركات الجراح ولو بشكل مؤقت ومجرد ما الازمه تعدى ترجع حضرتك تانى لمجلس الاداره
دياب : من ناحية تغيير مجلس الاداره انا فعلا فكرت فى الموضوع ده
مستشار 2 : دلوقتى كل الحلول عند حضرتك شوف بنفسك واختار اللى يناسب حضرتك
دياب : سيبونى دلوقتى وانا لما هوصل لقرار هبلغكم
• بعد ما خرج المستشارين من عند دياب تليفونه رن ورد عليه
دياب : الوووووو .... ازاى يعنى ..... دى خطوه مش محسوبه ..... طب جايلك دلوقتى .... مع السلامه
• من ناحيه تانيه عندى فى فى الفيلا .... انا نايم فى الغيبوبه وكل الناس حواليا بما فيهم الحاج اكرم العصار وكريمه مراته والحاج عزت وفاطمه مراته ده غير مريم وبنات عمى ويوسف
اكرم : وبعدين يا يوسف ..... سليم قاعد فى الغيبوبه بقاله شهرين
يوسف : انا بجد مش عارف هيفضل فى الغيبوبه لحد امتى والدكاتره مفيش على لسانهم غير جمله واحده وهى مفيش اى حاجه فى ايديهم
شرين : انا شايفه ان احنا نسفر سليم بره مصر
يوسف : احنا بعتنا الاشعه والتحاليل لأكبر مستشفيات فى العالم ومفيش اى جديد فى كلامهم
عزت : اكيد لازم يكون فى حل
لمياء : الحل الوحيد فى ايد **** وحده
اكرم : مالك يا مريم ساكته ليه
مريم : عاوزنى اقول ايه يا عمى
اكرم : قولى اى حاجه بس ماتسكتيش كده
مريم : كلامى هيفيد بأيه
اكرم : انتى لازم تخرجى من الحاله اللى انتى فيها لو مش علشانك يبقى علشان اللى فى بطنك يابنتى
مريم : انا اتشائمت من اللى فى بطنى خلاص ومش عاوزاه .... انا عاوزه انزله
اكرم : استغفرى **** يا بنتى .... حرام عليكى يا بنتى انتى كده بتكفرى .... احنا كلنا ملناش فى نفسنا حاجه
عزت : يابنتى **** كبير ورحيم واكيد مش هيسيبنا كده .... اهم حاجه ترضى باللى **** يكتبه
لمياء : عندهم حق يا مريم ..... سليم كان دايما بيقول اهم حاجه ان الواحد يرضى باللى **** كاتبه ولو رضى كل حاجه هتتحل من نفسها
يوسف : خلاص يا جماعه سيبوها فى حالها ..... مريم تعبانه شويه وكتر خيرها
اكرم : قولى يا يوسف ايه اللى حصل بعد الفيديو بتاع امبارح
يوسف : حصلت مصايب كتير يا حاج
اكرم : ايه اللى حصل
يوسف : حازم الجراح اتحول للتحقيق واتوقف عن العمل ..... اما بقى المصيبه اللى عملها دياب ومحدش عارف يمسك عليه حاجه ده موضوع تانى خالص
اكرم : قصدك على موضوع خطف امينه وسالم
يوسف : لا ده فى الالعن من كده
اكرم : ايه فى تانى
يوسف : دياب بعت ناس للمقابر وفتحوها واخد جثمان العاصى
اكرم : هى حصلت لنبش القبور ..... طب هيعمل ايه بالجثمان
يوسف : محدش عارف اى حاجه ..... وامبارح بالليل دياب راح فيلا احمد صقر وهددهم كلهم ان اللى يفكر فيهم يتعرضله هيولع فى الكل ده غير ان دياب طلع خاطف سعد صقر من 3 شهور ومحدش عارف هو بيعمل فيه ايه لحد دلوقتى
اكرم : ايه ده كله .... ومين اللى قالك كل ده
يوسف : هايدى بنت طارق العاصى كلمتنى وقالتلى على اللى حصل ده غير سيف اخوها كلمنى علشان مراته تبقى بنت امينه والبنت خايفه على امها وابوها وكان عاوز يوسطنى عند دياب خصوصا بعد ما كلم قيادات كتير فى الجيش علشان يساعدوه بس محدش وافق يتدخل فى الموضوع
اكرم : هما ليهم عين يتكلموا بعد اللى حصل
يوسف : هى دى المشكله ..... والمصيبه الاكبر فى التهديد اللى هدد بيه دياب
اكرم : هدد بأيه
دياب : هدد انه هيدوس على شرفهم ويعملهم فضيحه محصلتش زى ما خاضوا فى شرف امه وابوه
شرين : بصراحه عنده حق ومحدش يقدر يلومه على اى حاجه هيعملها
يوسف : المصيبه بقى ان انا مش قادر غير انى اتعاطف مع دياب وفى نفس الوقت المفروض فى قانون هو اللى المفروض يرجعله حقه والا هتبقى غابه
عزت : يا يوسف انت عارف كويس ان الشرف مفيش فيه اى تهاون واللى عمله سالم واخته يستاهلوا بسببه الحرق
يوسف : عارف يا عمى
عزت : خلاص يبقى سيب الامور تمشى زى ما هى
يوسف : وانت شايفنى عملت حاجه ما انا سايب كل حاجه تمشى زى ما هى
عزت : بقولك ايه يا حاجه فاطمه
فاطمه : ايوا يا حاج
عزت : مش كفايه قعده هنا ونرجع البلد بقى
فاطمه : عاوزنى ارجع البلد من غير ما اتطمن على ابنى
يوسف : ايه اللى بتقوله ده يا عمى هتمشى ازاى
عزت : كفايه يابنى كده الواحد يرجع بيته بقى
مريم : وهنا كمان بيتك يا عمى ..... سليم بيحبك وبيعتبرك زى والده تفتكر لو والد سليم عايش كان هيسيبه ويسيب مراته فى ظرف زى ده
فاطمه : بقولك ايه يا حاج انت قبل كده امرتنى اسيب ابنى غصب عنى وكانت النتيجه انه مات واتحرمت منه باقية حياتى جاى دلوقتى عاوزنى اسيب ابنى التانى ..... ده اللى مش هيحصل وانا مش هسيب ابنى لو السماء اتطبقت على الارض
عزت : انا بقول نسافر البلد وبعد اسبوع ولا اتنين نرجع تانى
مريم : وليه البهدله دى يا عمى
عزت : يابنتى احنا بقالنا كتير قاعدين هنا وحاسس ان احنا متقلين عليكم
مريم : ماتقولش كده يا عمى البيت بيتك واحنا اللى ضيوف عندك ..... وبعدين فى الظروف اللى زى دى لازم كلنا نبقى مع بعض
عزت : بس يا بنتى
مريم : خلاص مفيش نقاش فى الموضوع ده
• فجأه الباب خبط والشغاله راحت تفتح ومجرد ما فتحت الباب صرخت بالصوت العالى وكلهم قاموا مفزوعين ويوسف سحب سلاحه وراحوا يشوفوا فى ايه واتفاجئوا مفاجاه مش فى الحسبان لان الدكتور سليم الجراح هو اللى كان على الباب ومعاه دياب .... مريم وشرين ولمياء مصدومين ومش عارفين يعملوا ايه وفجأه دخلوا فى حضن ابوهم وانهاروا من العياط .... بعد شويه هديوا ودخلوا قعدوا
يوسف : ايه اللى بيحصل يا دياب
دياب : هتفهم كل حاجه يا يوسف بس الصبر
سليم : اذيك يا حاج اكرم
اكرم : بصراحه مش عارف ارد واقولك ايه بالظبط
سليم : ماتقولش حاجه انا عارف ان المفاجأه صعبه .... بعد كده بص على الحاجه كريمه ..... ازيك يا بنت عمى
كريمه : هتفضل طول عمرك غريب يا سليم ومحدش عارف انت بتفكر فى ايه ولا بتعمل ايه
سليم : معلش بقى يا بنت عمى الظروف هى اللى حكمت
شرين : هو انت فعلا عايش يا بابا
سليم : لا لسه ميت بس واخد اذن ساعه اتطمن عليكم وبعد كده اموت تانى .... جرى ايه يابت انتى ما انا قاعد قصادك عايش وزى الفل
شرين : طالما عايش وزى الفل ايه اللى خلاك تعمل كل ده
سليم : مش وقته الكلام ده دلوقتى .... طمنونى عليكم .... ايه اخبارك يا مريم واخبار اللى فى بطنك .... وانتى يا لمياء ايه اخبارك انتى واسامه الصغير
لمياء : ما حضرتك عارف كل حاجه عننا
سليم : ليه هو انتى فاكره انى هسيبكم كده من غير ما اعرف اخباركم ولا اتطمن عليكم .... انا عملت كده علشان احميكم قبل ما احمى نفسى .... وجودى جمبكم كان خطره اكبر عليكم
لمياء : وايه اللى حصل خلاك ترجع كده ايه الخطر خلص
سليم : لا طبعا عمر الخطر ما هيخلص بس كان لازم ارجع بعد الفيديو بتاع امبارح علشان احمى سليم اللى انا ورطته فى ورطه اكبر منه
مريم : ثانيه واحده ..... هو سليم عارف ان حضرتك عايش
سليم : طبعا عارف ولا انتى فاكره ان سليم هيتجوزك من غير اذنى ..... سليم عرف انى لسه عايش بعد ماخرج من القضيه وكان دايما بيطمنى عليكم
مريم : يعنى سليم عارف ان حضرتك عايش وبيقرطسنا
سليم : كان لازم وخصوصا انكم كلكم كنتوا متراقبين وكان ممكن الحكايه كلها تتكشف
شرين : ودياب كان عارف انك عايش من امتى
سليم : دياب عارف كل حاجه من البدايه وهو اللى كان مسئول عنكم وعن حمايتكم طول الفتره اللى فاتت
شرين : انا مش قادره اصدق اى حاجه من اللى بسمعه
سليم : اكيد فى يوم هتعرفى ان انا عملت كده علشان مصلحتكم
اكرم : على العموم حمد **** على السلامه يا سليم
سليم : **** يسلمك يا اكرم ..... والباقيه فى حياتك يا حاج عزت انا عارف انها متاخره بس انت شايف الظروف
عزت : حياتك الباقبه يا دكتور
سليم : طمنونى على سليم
مريم : مفيش جديد قاعد فى الغيبوبه
سليم : عاوز اشوفه بنفسى واتطمن عليه
مريم : يلا بينا يا بابا
• اتحرك الكل وراحوا الاوضه عندى ..... عمى نزل قعد على السرير جمبى وباس دماغى
عمى : سامحنى يابنى على كل اللى انت فيه .... اخدتك من الدار للنار زى ما بيقولوا ..... حطيتك فى وش المدفع فى وسط ناس مش بتعرف معنى الرحمه .... بس طلعت راجل وعرفت تشيل المسئوليه
يوسف : هو ده سليم طول عمره راجل ويقدر يشيل المسئوليه
اكرم : بقى سليم اللى كان مليان قوه ونشاط اخرته يبقى راقد فى غيبوبه المده دى كلها
لمياء : الدكاتره بيقولوا ان سليم اتعرض لضغط عصبى شديد الفتره الاخيره علشان كده المخ رافض انه يفوق تانى
مريم : انا اللى عرضته للضغط العصبى ده مش كفايه عليه هم الشغل لا زودتها عليه بمشكلة الخلفه والتحاليل وزودت الضغط عليه اكتر
لمياء : بكره يقوم بالسلامه ويفرح معاكى بالحمل وياخد اجازه من شغله وتسافروا انتوا الاتنين تتفسحوا وتنسوا الهم والمشاكل
مريم : **** يا لمياء
عمى : سيبونى لوحدى مع سليم عاوز اقعد معاه لوحدى
يوسف : طب يلا بينا احنا نخرج دلوقتى
دياب : طب انا همشى يا دكتور علشان معايا مشوار مهم لازم اخلصه
سليم : طب اخرجوا كلكم وسيبونى مع دياب
• خرج الكل من الأوضه
عمى : رايح فين يا دياب تانى
دياب : لازم اضرب الضربه الاخيره علشان نارى تبرد
عمى : انا شايف انك متسرع فى الخطوه دى
دياب : قولت لحضرتك انى مش مهم عندى اى حاجه وطظ فى اى حاجه قصاد حق امى
عمى : طب انت عارف هتتعامل ازاى
دياب : انا مرتب كل حاجه ومش باقى غير التنفيذ
عمى : طب خد كريم ورجالتى معاك ومش عاوز اى ددمم فى الموضوع
دياب : حاضر يا دكتور
• مشى دياب وساب عمى معايا
عمى : مش عارف اقولك ايه يابنى .... مريم مش هى السبب فى الضغط العصبى اللى كان عندك ..... انا السبب فى كل ده ..... انا حملتك اكتر من طاقتك .... سامحنى يابنى
• من ناحيه تانيه استر قاعده مع احمد صقر فى الاستراحه
احمد : البيرت فين
استر : البيرت فى مشوار ...... سيبك منه وخلينا فى المهم يعنى دياب كان كاشفك من اول لحظه
احمد : بالظبط كده و**** اعلم يعرف ايه تانى
استر : والمره دى بعت تهديد واضح وصريح
احمد : انتى ايه اللى عملتيه مع دياب ده ..... ازاى قدرتى توصلى لعيال العاصى وتخليهم يعملوا اللى عملوه ده
استر : ليا طرقى اللى بقدر اعمل بيها اللى انا عاوزاه
احمد : للاسف اللى عملتيه ده خطوه غير محسوبه بالمره ودياب هينتقم من الكل وفعلا بدأ بعيال العاصى
استر : الخطوه دى كان لازم منها علشان نضرب اسهم الشركات فى البورصه
احمد : يبقى استحملى اللى هيحصل ..... من واقع خبرتى مع دياب عرفت انه مش بس بيحب امه ده بيعبدها عباده
استر : علشان كده الضربه دى هتوجعه جامد
• فجأه الباب اتفتح ودخل دياب وكريم
دياب : وقولتلك ردى عليكى هيكون اسرع مما تتخيلى
استر " بفزع " : دياب !!! .... انت دخلت هنا ازاى .... وجاى ليه
دياب : بالفلوس اشتريت كلابك ..... اما بقى جاى ليه .... انا جاى علشان ابلغك ردى على اللى انتى عملتيه .... وكويس انك موجود هنا يا احمد علشان تشوف انا بعمل ايه مع اللى بيغلط وياريت تتعظ وتخليك فى حالك ..... انا اتاكدت انك بعيد عن اللى حصل امبارح وياريت تفضل بعيد احسن يطولك غضبى وسلعتها مفيش حد هيشفعلك
استر : هتعمل ايه يا دياب
دياب : متخافيش مش هموتك بس هعمل فيكى نفس اللى بيحصل مع الكللابب اللى انتى حرضتيهم على المصيبه بتاعة امبارح علشان لما تفكرى فى حاجه تانى تبقى عارفه انا ممكن اعمل فيكى ايه وكمان علشان احمد صقر ياخدك عبره قبل ما يعمل اى تصرف
استر : انا بحزرك يا دياب من انك تتمادى فى غلطك
دياب : انا خلاص مش باقى على حاجه وتهديدك ملهوش اى لازمه بالنسبالى
• بعد كده دياب بص على كريم
دياب : دخل الرجاله يا كريم
كريم : حاضر يافندم
• خرج كريم وجاب رجاله زى اللى كان جايبهم مع عيال العاصى ..... استر اول ما شافتهم اتفزعت واترعبت
دياب : جايبلك كوكتيل رجاله هيكيفوكى
• دخل الرجاله ومسكوا استر قومها من على مكتبها وقعد دياب مكانها على المكتب
استر : انا اسفه يا دياب ..... ابوس رجلك ماتعملش اللى بتفكر فيه وانا مستعده ابعد عنك نهائى
دياب : هههههههههه ..... جرى ايه يا موزه مش لازم الرجاله تتكيف ومتخافيش انتى كمان هتتبسطى ...... يلا يا رجاله الموزه معاكم اتمتعوا
• هجم الرجاله على استر وكريم كان بيصور اللى بيحصل ..... الرجاله قلعوها هدومها وهى بتصرخ ..... قلعوها ملط واشتغلوا فيها ****** لحد ما واحد قام مفزوع
الراجل : الحق يا باشا دى طلعت بنت بنوت
دياب : ايه ده يا استر انتى لسه فيرجن ..... دى طلعت مفاجأه حلوه جدا ..... انا اللى هنول الشرف ده واخد شرفك بأيدى ..... يا كريم
كريم : ايوا يا فندم
دياب : شوفلى فى الفيلا قماشه بيضاء
كريم : حاضر يا فندم
استر : ابوس رجلك ماتعملش كده
• قام دياب من على المكتب وراح عند استر بعدها رجع كريم ومعاه منديل قماش ابيض
كريم : اتفضل يافندم
دياب : صور يا كريم اللحظه التاريخيه دى
كريم : حاضر يا فندم
• نزل دياب على الارض واستر كانت بتحاول تتخلص من الرجاله بس مش قادره لانهم ماسكينها كويس جدا ..... لف دياب المنديل على صباع ايده ودخله فى استر وفجاه نزفت ددمم بكارتها ..... بعدها استر سابت نفسها واترمت على الأرض بتعيط والرجاله سابوها
دياب : انا كده اخدت حقى منك وكفايه عليكى اللى حصل ..... يا كريم
كريم : ايوا يافندم
دياب : خد الرجاله واطلعوا بره وانا هحصلكم
كريم : حاضر يا فندم
• خرج كريم مع الرجاله
دياب : انا مش هسألك على سر تمسكك بعذريتك بس انا متأكد انها حاجه غاليه عندك وانا قدرت اخد منك اعز ما تملكى ..... انا هسيبك تخططى وتدبرى فى مصايب بس مش هيهمنى اى حاجه هتعمليها لان مفيش حاجه هتعوض خسارتك
• سابها دياب وخرج اخد رجالته ومشى ..... بعدها استر قامت من مكانها ولبست هدومها وطلعت اوضتها ..... احمد صقر كمان مشى وهو دماغه هتنفجر من اللى بيحصل ومش عارف يفكر
• رجع البيرت للإستراحه وملقاش اى حد من الحراسه ..... دخل بسرعه يجرى يشوف ايه اللى حصل طلع الاوضه عند استر اللى كانت قافله على نفسها وبتعيط على اللى حصل ورفضت ترد على البيرت
البيرت : فهمينى يا استر ايه اللى حصل .... والحراسه راحت فين
استر : .........
البيرت : دياب ليه علاقه باللى انتى فيه
استر : ........
البيرت : طب افتحى علشان فى مصيبه جديده ولازم نتصرف فيها بسرعه
استر : .......
البيرت : حتى لو كانت المصيبه ان الدكتور سليم الجراح لسه عايش
• استر اول ما سمعت الجمله قامت من مكانها مفزوعه وخرجت فتحت الباب
استر : انت بتقول ايه
البيرت : بقولك الدكتور سليم الجراح لسه عايش
استر : انت عرفت ازاى المعلومه دى
البيرت : عرفتها علشان الدكتور سليم رجع الفيلا بتاعته النهارده مع دياب وبيجهز لمؤتمر صحفى كبير النهارده علشان يبلغ الناس كلها انه رجع
استر : يعنى انت عاوز تقول ان شغل سنتين راح على الفاضى
البيرت : بالظبط كده ..... ومن بكره اسهم الشركه هتعمل تصحيح وكل حاجه هترجع لوضعها الطبيعى وانتى عارفه الناس بتحب الدكتور سليم ازاى وعندهم ثقه كبيره فيه
استر : سيبنى يا البيرت دلوقتى
البيرت : مش لما تفهمينى ايه اللى حصل بالظبط
استر : قولتلك سيبنى دلوقتى وغور من هنا
• من ناحيه تانيه ف الفيلا عندى ..... كل الناس قاعدين مع بعض وبيتطمنوا على عمى
عمى : تعالى يا يوسف معايا المكتب عاوز اتكلم معاك لوحدنا
يوسف : حاضر يا دكتور
• دخل عمى ويوسف للمكتب
يوسف : خير يا دكتور
عمى : انا عارف انك مستغرب من اللى حصل
يوسف : بصراحه مش اوووى ..... انا كنت متوقع حاجه زى كده خصوصا بعد ما روحت المخابرات ساعة موضوع الورق لكن اللى ماكنتش متوقعه ان سليم يكون عارف بوجود حضرتك لانه كان بيتعامل طبيعى جدا
عمى : انت اتعلمت فى شغلك ان الشغل اسرار ومش لازم الناس تعرفها عنك
يوسف : انا عارف الكلام ده كويس بس سليم عمره ما كان عنده اسرار وخصوصا معايا انا كان بيحكيلى ادق التفاصيل بس انا مقدر اللى كان بيعمله
• فجأه الباب خبط ودخلت الشغاله
عمى : فى ايه يا ميرفت
ميرفت : مستر دياب عاوز يقابل حضرتك
عمى : خليه يتفضل بسرعه
ميرفت : تحت امرك
• دخل كريم ودياب ..... دياب كان واضح عليه انه مرتاح جدا
عمى : طمنى يا دياب عملت ايه
دياب : بعدين يا دكتور هحكيلك على كل حاجه
عمى : اتكلم عادى يا دياب .... يوسف مش غريب
دياب : كله تمام يا دكتور انا كده استريحت
عمى : ايوا عملت ايه يعنى
• طلع دياب من جيبه القماشه اللى عليها ددمم استر
عمى : ايه الدم ده يا دياب
دياب : ده شرف استر يعقوب ..... وحكى دياب كل اللى حصل
يوسف : يخرب عقلك يا دياب ايه اللى انت عملته ده
دياب : دى اقل حاجه مكن اعملها ..... انا مسكت نفسى فى اخر لحظه ومقتلتهاش
عمى : اعقل كده وكفايه اللى انت عملته ..... عاوزك كمان تسيب عيال العاصى
دياب : عيال العاصى مش عاوز حد يكلمنى فيهم .... هسيبهم وقت ما يجيلى مزاج
يوسف : انت عملت حاجه معاهم ولا لسه
دياب : الرجاله شغالين معاهم فى الفيلا ولسه بعد الرجاله فى مرحلة الكللابب والخيول بعدها تيجى المرحله الاخيره وبعدها اسيبهم
عمى : هو لسه فى مرحله اخيره بعد كل اللى انت قولته
دياب : طبعا لسه مرحلة الفضيحه ..... عيال العاصى لازم يتفضحوا فضيحه البلد كلها هتحكى عليها
يوسف : مش شايف يا دياب ان اللى عملته ده كتير
دياب : هسالك سؤال يا يوسف وجاوبنى بصراحه
يوسف : اتفضل
دياب : لو كنت انت مكانى واللى حصل مع امى حصل مع الست والدتك انت هتتصرف ازاى
يوسف : .........
داب : شوفت بقى ان الاجابه على السؤال صعبه جدا .... علشان كده مش عاوز حد يكلمنى فى الموضوع ده تانى وحق امى هرجعه بالطريقه اللى تريحنى وترضينى حتى لو صل الامر انى اضحى بكل حاجه
عمى : خلاص يا دياب اعمل اللى يريحك وخلونا فى المهم
دياب : اتفضل يا دكتور
عمى : قولى يا يوسف انت جيبت كل الورق اللى كان سليم مخبيه عند الحاج عزت
يوسف : ايوا يا دكتور كل الوق سلمته لدياب ..... بس ليه بتسأل
عمى : علشان الورق ده ناقص
يوسف : لا انا لقيت ظرف مقفول وسلمته مقفول لدياب
عمى : مش مشكله هتصرف فى الموضوع ده بعدين ..... دلوقتى عاوزين نرتب للمؤتمر الصحفى بتاع بالليل
دياب : انا بلغتهم فى الشركه يكلموا كل الصحفيين علشان المؤتمر ده ومجرد ما كلمنا صحفى واحد فى خلال نص ساعه والخبر انتشر وفى جيش صحفيين عند الشركه وبلغوهم بمعاد المؤتمر
عمى : كويس كده وبالنسبه للتأمين انا هتصرف فيه بنفسى
دياب : ريح نفسك يا دكتور وانا هرتب موضوع التامين
عمى : لا يا دياب انت لازم تروح وترتاح شويه علشان تبقى فايق بالليل ..... لاحظ انك صاحى بقالك يومين متواصل
دياب : انا مش تعبان يا دكتور
عمى : قولتلك اسمع الكلام انا عاوزك بالليل تكون مركز لكل حرف بيتقال وموضوع التأمين هتصرف فيه بنفسى وبلغ كريم نفس الكلام لازم يرتاح هو كمان
دياب : حاضر يا دكتور
• خرج دياب من عند عمى وطلع على المستشفى علشان يتطمن على ريهام وكان قاعد معاها ليندا ..... دخل دياب الاوضه وكان ظاهر على وشه الارهاق
دياب : ازيك يا ريهام طمنينى عليكى
ريهام : مش كويسه طالما شايفاك بالشكل ده
دياب : ماله شكلى
ريهام : شكلك عامل زى اللى خارج من قبر باين على التعب والارهاق والحزن زى ما اكون صاحى بقالك شهور
دياب : ماتقلقيش شويه كده وهبقى كويس
ليندا : بلغونى فى الفيلا انك مارجعتش من امبارح
دياب : كان معايا مصايب فى الشركه بحاول اخلصها
ريهام : مصايب ايه يا دياب
دياب : مصايب حصلت بسبب الفيديو اللى عملوه الكللابب ..... بسبب الفيديو ده حصلت مشاكل فى البورصه ومع العملاء وانا شغال من امبارح على الموضوع ده
ريهام : ممكن اسألك سؤال من غير ما تزعل
دياب : اسألى يا ريهام
ريهام : انت مش ناوى تسيب سالم وامينه
دياب : هجاوبك على السؤال ده للمره الاخيره علشان ماتساليش تانى ..... بالنسبه لسالم وامينه انا مش هموتهم واكيد فى سوم من الأيام هسيبهم بس امتى البوم ده انا معرفش بس اللى انا عارفه انى مش هسيبهم غير بعد ما ابرد نارى و**** وحده اللى عالم امتى نارى هتبرد
ريهام : طب وبالنسبه لخالى
دياب : للأسف قرار موت خالك انا واخد من زمان بس مش هخليه بموت قبل برضه ما ابرد نارى منه ..... للاسف خالك مش هيشوف الحياه تانى ومش هيخرج من مكانه غير على المقابر والموضوع ده مفيش فيه نقاش وياريت تقفلى على الموضوع ده
ريهام : حاضر يا دياب
دياب : مش عاوزك تزعلى منى يا ريهام علشان انتى ماتعرفيش خالك ده عمل ايه
ريهام : انا كفايه عندى انك تبعد عن امى
دياب : انا وعدتك انى هبعد عنها علشان خاطرك انتى بس ياريت تعقليها لأنى خايف انها تعمل غلطه تخلينى معملش حساب لأى حد واخليها تحاسب على القديم والجديد
ريهام : اوعدك انى مجرد ما اخرج من المستشفى هقعد معاها واعقلها
دياب : ياريت
ليندا : قولى يا ادم عملت ايه فى موضوع البورصه
دياب : النهارده بالليل كل حاجه هتتحل بعد المؤتمر الصحفى
ليندا : مؤتمر ايه ده
دياب : مؤتمر صحفى بنجهزله علشان رجوع الدكتور سليم الجراح
ليندا : ازاى ده بقى
دياب : ازاى دى هفهمهالك بعدين لكن دلوقتى سيبونى اقعد مع القمر الصغير ده شويه قبل ما امشى
ليندا : ماشى يا ادم هصبر عليك
• دياب مسك بنته وقعد يلعب معاها شويه وبعد كده رجع الفيلا ريح شويه وبعدها خرج علشان المؤتمر اللى هيتعمل فى الشركه
• الساعه 9 بالظبط بدأ المؤتمر الصحفى اللى كان بيتابعه ناس كتير اهمهم استر يعقوب واللى وراها ..... بدأ المؤتمر بكلمه للدكتور سليم
سليم : انا مش عارف ابدأ معاكم ازاى ولا اقول ايه بالظبط لأن الموقف غريب شويه .... عارف ان فى اسئله فى دماغكم اكتر من الاقى وقت على اجابتها علشان كده انا هحاول اوضح اللى اقدر عليه
صحفى 1 : حضرتك اهم سؤال بيطرح نفسه وكلنا بالإجماع عاوزين نعرف اجابته هو ايه سر موت حضرتك ؟ وازاى حضرتك عايش ؟ وايه اللى خلاك ترجع فى الوقت ده تحديدا ؟ وهل سبب رجوعك هو اللى حصل فى البورصه مؤخرا بعد الاتهامات اللى وجهها النقيب حازم الجراح لأبن اخو حضرتك بأنه هو اللى وراء موضوع قتل حضرتك ؟
سليم : ايه كل الاسئله دى ..... بس انا هجاوبكم على كل الاسئله دى واحده واحده ..... بالنسبه لقصة موتى انا فعلا اتعرضت لمحاولة قتل و**** نجانى منها بأعجوبه .... وبعدها اضطريت ابعد عن الصوره شويه لحد ما اقدر احمى نفسى واحمى مجموعة شركاتى ..... اما بقى ايه اللى رجعنى فى الوقت ده تحديدا اقدر اقولكم انها اسباب كتير مانكرش ان اهم الاسباب دى هو فعلا الشركه والانهيار اللى حصل فيها بعد محاولة قتل ابن اخويا اللى كان ماسك رئيس مجلس الاداره
صحفيه 2 : طب وبالنسبه للنقيب حازم الجراح والاتهامات اللى وجهها لأبن اخو حضرتك
سليم : ده شخص حاقد واتهاماته ملهاش اى اساس من الصحه واكبر دليل على كلامى هو وجودى قصادكم دلوقتى
صحفى 1 : طب ممكن حضرتك تقولنا ايه الحاله الصحيه لأبن اخو حضرتك علشان الموضوع ده كان محاط بسريه شديده طول الفتره اللى فاتت
سليم : بالنسبه للحاله الصحيه بتاعة سليم ابن اخويا مستقره جدا بس للأسف هو فى غيبوبه ومحدش قادر يحدد امتى هيقوم منها
صحفى 3 : هو مين بالظبط اللى وراء حادثة القتل اللى اتعرضلها وهل هو نفس اللى دبر حادثة قتل حضرتك ولا حد غيره
سليم : للأسف لحد دلوقتى مش قادرين نحدد ممكن يكون نفس اللى حاول يقتلنى او حد غيره ..... هى كده دايما لما بتلاقى انسان ناجح لازم اعداءه تزيد
صحفيه 2 : حضرتك احنا عملنا احاديث صحفيه فى الاقصر وفى منطقة الحسين ودول الاماكن اللى كان عايش فيها ابن اخو حضرتك وكل الناس هناك كانت بتحبه ومفيش غير مشكلته مع اسامه صديقه اللى هو برضه متهم بقتله .... احنا حاولنا نتكلم مع والد اسامه بس محدش عارف يوصله
سليم : بالنسبه لموضوع اسامه ..... معاكم الحاج عزت الهوارى والد اسامه وتقدروا تسألوه بخصوص الموضوع ده
• وقف الحاج عزت وبدأ الصحفيين يسألوه
صحفى : ايه رأى حضرتك فى ان سليم الجراح هو اللى قتل ابنك
عزت : كل اللى بيتقال ده كذب ..... سليم واسامه **** يرحمه كانوا اكتر من الاخوات ومتربيين مع بعض فى بيت واحد .... وارد جدا يتخانقوا مع بعض لكن توصل للقتل ده مستحيل
صحفى 2 : يعنى حضرتك بتنفى قضية القتل عن سليم الجراح
عزت : انا اصلا ماوجهتش اى اتهام لسيلم ..... سليم ده ابنى زيه زى اسامه ابنى بالظبط ..... اما بالنسبه للى قتل اسامه ابنى هو سعد صقر بناء على اعترافاته فى النابه والتسجيلات اللى لقيوها بعد ما اتقبض عليه
• بعد كده وجه الصحفيين الاسئله لعمى
صحفى 1 : امال ايه الكلام اللى بيقوله النقيب حازم
سليم : قولتلكم ده شخص حاقد
صحفى 5 : المعلومات اللى عندنا بتقول ان فى صلة قرابه بينكم وبين النقيب حازم
سليم : ايوا فى صلة قرابه بس فى مشاكل عائليه علشان كده هو ما صدق يلاقى حاجه ينتقم بيها
صحفيه 2 : ممكن نعرف ايه طبيعة الخلافات دى
سليم : اسف ..... دى مشاكل عائليه ومش هتفيدكم فى حاجه
صحفى 1 : طب ممكن نعرف من حضرتك ايه وضع ابن اخو حضرتك دلوقتى
سليم : مش فاهم السؤال
صحفى 1 : يعنى هو كان رئيس مجلس الاداره فى غياب حضرتك لكن بعد رجوعك ايه هيبقى الوضع بمعنى اصح اذا فاق من الغيبوبه
سليم : سليم مش بس اب اهويا لا ده كمان يبقى جوز بنتى الكبيره وانشاء **** بعد ما يقوم بالسلامه هيرجع يباشر شغله تانى كرئيس مجلس اداره للمجموعه
صحفى 1 : وحضرتك هتعمل ايه طالما هتمسك سليم مجلس الاداره
سليم : سليم فى الفتره اللى مسك فيها مجلس الاداره عمل شغل كتير جدا وبكفاءه عاليه ده بناءا على التقارير اللى كانت بتجيلى من الشركه ده غير التقارير اللى كان بيبعتهالى سليم بنفسه وانسب مكان ليه فعلا هو رئاسة مجلس الاداره ..... اما انا هعمل ايه ..... انا قررت استريح بقى واسلم الرايه للجيل الجديد هو اللى يكمل
صحفى 3 : احنا سمعنا ان فى مشاكل مع العملاء فى الشركه بعد اللى حصل فى البورصه
سليم : حقيقى فى مشاكل بس احنا فى طريقنا لحلها
صحفى 3 : هتحلوها ازاى حضرتك
سليم : بالنسبه للعملاء احنا ملتزمين بعقودنا معاهم واللى عاوز يفسخ عقده احنا معندناش اى مانع وبدون اى شروط جزائيه والشركه عندها استعداد كامل انها توفى بكل تعاقداتها
صحفى : بس فى معلومات متسربه ان المركز المالى للشركه بعافيه
سليم : قصدكم علشان البنوك سربت حسابات الشركه عندهم ..... بالنسبه للموضوع ده احنا رفعنا قضايا تعويض على كل البنوك اللى اتسربت منها المعلومات دى
صحفى 2 : يعنى حضرتك بتعترف ان التسربيات دى حقيقيه
سليم : ايوا حقيقيه
صحفى : طب ازاى الشركه هتقدر توفى تعاقداتها
سليم : احنا فعلا فى الشهور اللى فاتت سحبنا معظم ارصدتنا من البنوك ومفيش فى البنوك غير جزء بسيط جدا من ارصدتنا
صحفى : ممكن نعرف السبب طالما حضرتك بتقول ان المركز المالى للشركه قوى
سليم : احنا عملنا كده بناء على خطة سليم ابن اخويا
صحفى : ممكن نعرف ايه الخطه دى
سليم : الخطه ببساطه هى ان احنا نحول اكبر قدر من السيوله اللى عندنا لدهب علشان نقدر نواجه اى مشكله مستقبليه زى اللى احنا فيها دلوقتى ..... لازم يبقى عندنا احتياطى دهب نعتمد عليه فى الازمات
صحفى 2 : دى حضرتك اخبار مطمئنه جدا خصوصا ان مجموعة الجراح من اكبر المجموعات الاقتصاديه فى الشرق الاوسط والعالم كله
سليم : انا بطن الكل ان الشغل فى المجموعه شغال زى الساعه وفى الفتره اللى جايه هتشوفوا تطور كبير فى المجموعه
صحفى 2 : نتمنى ده يا فندم
سليم : انا كده جاوبت على كل الاسئله بتاعتكم وقريب جدا هنعمل مؤتمر تانى علشان تتابعوا التطور اللى هيحصل علشان الناس تتطمن
صحفى : متهيألى الناس مش محتاجه مؤتمر تانى .... الناس فعلا اتطمنت برجوع حضرتك .... حضرتك علامه كبيره فى الاقتصاد والطب ونتمنى دوام التوفيق للشركه ونتمنالك السلامه ونبارك لحضرتك قريب برجوع سليم بالسلامه
سليم : الف شكر لحضراتكم تقدروا تتفضلوا
• بعد ما خلص المؤتمر رجع سليم ودياب على الفيلا ودخلوا المكتب
عمى : مالك يا دياب ساكت من بعد المؤتمر ومانطقتش بحرف واحد مش عادتك يعنى
دياب : مستغرب شويه
عمى : ايه اللى مخليك مستغرب ..... قولى اللى محيرك وانا هجاوبك بصراحه زى ما اتعودنا طول عمرنا على الصراحه من ايام ابوك **** يرحمه
دياب : حضرتك يعتبر حرقت جزء كبير من خطتنا
عمى : قصدك علشان قولت على معلومة الدهب اللى احنا مخزنينه
دياب : ايوا
عمى : كان لازم اوضح للناس احنا ليه سحبنا فلوسنا من البنوك بعد ما اتسربت تقارير البنوك ولازم الاجابه تكون مقنعه والا هنبقى بنأكد للناس قبل العملاء ان مركزنا المالى سئ وبكده انسى ان اسهمنا ترجع تانى .... ماتفتكرش يا دياب ان رجوعى كفايه علشان الناس تثق فينا
دياب : بس احنا كده بنلفت نظر استر لخطتنا
عمى : استر دلوقتى مش هتبقى مركزه غير فى حاجتين بس ..... الحاجه الاولى هى اختفائى وايه اللى كنت بعمله فى طول فترة الاختفاء
دياب : والحاجه التانيه
عمى : الانتقام منك انت ولا انت فاكر انها هتعدى اللى انت عملته معاها بسهوله
دياب : لا طبعا مش هتعديه بسهوله وانا متوقع أسوء انتقام منها
عمى : عاوزك تاخد بالك من نفسك يا دياب ..... انا مش هستحمل يحصلك اى حاجه كفايه اللى حصل لسليم
دياب : متخافش عليا يا دكتور انا زى الجن بسبع ارواح
عمى : ازاى ماخافش عليك وانت امانه فى رقبتى ..... ابوك **** يرحمه وصانى عليك عليك قبل ما يموت
دياب : وحضرتك مقصرتش معايا وعملت بالوصيه على اكمل وجه
عمى : لسه بدرى يا دياب على انك تقول انى عملت بالوصيه ..... لسه فاضل اهم حاجه
دياب : حاجة ايه
عمى : اشيل الكره اللى جواك ناحية عيلة صقر
دياب : دى الحاجه الوحيده اللى مفيش مخلوق هيقدر يغيرها
عمى : طب ومراتك هتعمل معاها ايه
دياب : انا سايبلها مطلق الحريه واديت فرصه اخيره لأمل صقر وبعد كده يبقى عدانى العيب فى اى حاجه هعملها معاهم
عمى : انت ناسى ان معاك بنت من ريهام هتعمل معاها ايه
دياب : بنتى معايا وفى حضنى ومفيش مخلوق هيقدر ياخدها منى حتى لو اضطريت اقتل عيلة صقر كلها وامسح ذكرهم من الوجود
عمى : بمناسبة عيلة صقر احنا قررنا نسلم سعد صقر للشرطه علشان نقفل صفحته
دياب : انتوا مين بالظبط اللى قررتوا
عمى : انا وباقى المجلس شايفين ان احنا اخدنا من سعد كل اللى محتاجينه وكفايه كده ونسلمه ونخلص من همه
دياب : ده على جثتى
عمى : قصدك ايه يا دياب
دياب : سعد صقر ده بتاعى انا وانا اللى اقول يحصل ايه بالظبط معاه وطالما انتوا اخدتوا منه كل اللى محتاجينه يبقى انا اللى هتصرف معاه بنفسى
عمى : انت ناوى على ايه بالظبط
دياب : من الاخر كده اعتبروا سعد صقر مات وعلشان ماتتعبش نفسك يا دكتور انا نقلت سعد من فيلا المقطم ..... نقلته لمكان مستحيل مخلوق يقدر يوصله فيه
عمى : ازاى تعمل كده من غير ما تسأذن
دياب : لانى كنت متاكد انك هتحاول تبعدنى عنه
عمى : يا دياب انا خايف عليك
دياب : خايف عليا من ايه
عمى : خايف عليك من نفسك قبل عيلة صقر ..... الكره اللى جواك هيضيع منك كل حاجه ..... كرهك للعيله ضيع منك اجمل سنين عمرك وضيع منك ريهام حبيبتك وخسرك احمد صقر اللى كان واقف معاك وفى ضهرك لما حس منك بالغدر ..... انا مش بلوم احمد صفر على اى حاجه عملها لأنه عمل اللى عمله ده علشان يحمى عيلته من الشخص اللى راجع ينتقم من الكل
دياب : .......
عمى : ساكت ليه يا دياب .... ياترى علشان عارف ان كلامى صح وانت بتكابر زى ما طول عمرك بتكابر ولا علشان لسه متأثر بالمذكرات اللى ابوك كتبها ..... ايوا يا دياب انا عارف كل حاجه موجوده فى المذكرات من قبل ما توصلك ..... ابوك كان صاحبى وبيحكيلى كل حاجه بتحصل معاه وطلب منى اوقف معاك لما توصل للمذكرات علشان كده عاوزك تنسى الماضى وتركز فى مستقبلك اللى انت بتضيعه بأيدك .... وبعدين ما كلنا عندنا مشاكل مع اهالينا بس اخدنا المشاكل دى دافع علشان ننجح ونعمل مستقبل جديد
دياب : انسى ..... انسى ابويا واللى البهدله اللى شافها بسببهم وسنين الغربه اللى عاشها بعيد عن بلده واهله ومات غريب فى ارض غريبه ورفضوا يدفنوه عندهم زى ما يكون ابن حرام ..... ولا انسى امى اللى كانوا السبب الرئيسى فى موتها وحرمانى منها ومش بس كده لا دول جايين يطعنوا فى شرفها بالباطل بعد ما ماتت ..... قولى يا دكتور عايزنى انسى ايه وانا هدوس على زرار وانسى على اساس انى جهاز متبرمج وبضغطة زرار هينفذ الامر .... صحيح كل الناس معاها مشاكل مع الاهل بس انا مشاكلى عدت الحدود ..... مشاكل حضرتك مع اهلك كانت على الارض والفلوس اللى اتسرقت منكم يعنى محدش فيهم قتل والدتك ولا خاض فى شرفها ..... علشان كده بقولهالك انتقامى من عيلة صقر مش هيوقف غير لما اخد حقى منهم ومن الاحسن ماتدخلش بينى وبينهم علشان مفيش حاجه هتوقفنى
عمى : للأسف يا دياب طيش الشباب هو اللى بيحركك وخايف يجى اليوم اللى تندم فيه على كل حاجه
دياب : اللى يندم هو اللى عنده حاجه يخسرها او يكون باقى على الدنيا لكن انا كرهت الدنيا يوم ما امى ماتت وبقيت زاهد فيها من بعد موت ابويا وبقيت بتمنى الموت الف مره فى اليوم الواحد ..... عن اذنك يا دكتور وبالنسبه لسعد موجود عندى فى الحفظ والصون لحد ما نقفل القضيه وبعدها هخلص عليه بنفسى وابعت راسه لأمل صقر بنفسى وانا حاطط عينى فى عينها وبكده ابقى انتقمت منها واخدت بتارى لأنى عارف ان امل بتعشق اخوها عشق وهو ده اللى هيبرد نارى من ناحيتها وبكده ابقى قفلت الماضى
عمى : متهيألك ..... انت كده بتفتح ابواب الماضى على المستقبل
دياب : مش مهم وزى ما قولتلك انى مش باقى على حاجه ....عن اذنك
• من ناحيه تانيه عند استر يعقوب بعد المؤتمر الصحفى قاعده مع البيرت
استر : كانت ناقصاك انت كمان يا سليم الكلب مش كفايه عليا الكلب التانى
البيرت : هنعمل ايه دلوقتى .... سليم الجراح رجع وضرب كل الخطط بتاعتنا
استر : المصيبه الاكبر اللى انا متاكده منها ان سليم مارجعش علشان ينقذ المجموعه زى ما هو واضح
البيرت : امال ايه السبب من وجهة نظرك
استر : سليم الجراح رجه بعد ما قدر ينفذ الخطه اللى اختفى علشان يرتبلها والا كان ظهر من اول ما حاولنا نقتل ابن اخوه
البيرت : جايز علشان كان بيحاول يحل المشكله من غير ما يظهر ويحرق نفسه
استر : هتفضل طول عمرك سازج يا البيرت .... سليم رجع بعد ما قدر يأمن نفسه ويأمن شركته من اى مشكله ممكن تواجهه ولو ركزت فى كشوف الحسابات اللى احنا سربناها هتلاقى ان اخر فلوس اتسحبت كانت من اسبوع واحد بس وطبعا حولها لدهب علشان يبقى عنده اصول يقدر يعتمد عليها زى ما بيقول وده الجزء البسيط الواضح من الخطه لكن باقى الخطه محدش يعرف عنها حاجه غير سليم نفسه وابن اخوه والكلب التانى اللى معاهم
البيرت : طب هنتصرف ازاى دلوقتى
استر : اتصل بالمطار يجهزوا الطياره انا لازم اسافر النهارده
البيرت : هتسافرى ازاى دلوقتى وهتسافرى فين وليه
استر : هسافر تل ابيب لازم ابلغ بكل اللى حصل ونشوف هنتعامل الفتره اللى جايه ازاى ..... عاوزاك تقعد هنا تتابع كل اللى بيحصل وتبلغنى بيه اول بأول
البيرت : حاضر
استر : يلا اتحرك واتصل بالمطار على ما اجهز واتحرك
• سافرت استر بعد كده عدى اسبوع من غير اى جديد ..... الامور فى الشركه بدأت تستقر ..... ريهام خرجت من المستشفى ورجعت لبيت ابوها بناء على الاتفاق اللى بينها وبين دياب ..... دياب بيتابع اللى بيحصل مع سالم وامينه
• الصبح بدرى فى فيلا دياب .... ليندا صحيت من النوم وشافت دياب صاحى
ليندا : انت برضه لسه صاحى يا ادم
دياب : لا انا نمت وصحيت
ليندا : كداب .... انا طول الليل حاسه بيك صاحى وبتتقلب فى السرير
دياب : سيبينى يا ليندا دماغى مشغوله شويه
ليندا : مالك يا حبيبى قولى ايه اللى تاعبك وانا هساعدك
دياب : انتى عارفه مشاكل الشغل واستر واللى معاها
ليندا : انت طول عمرك واخد على مشاكل الشغل بس برضه مش ده اللى تاعبك
دياب : امال هيكون ايه اللى تاعبنى
ليندا : مفيش حاجه بتتعبك قد مشاكلك مع عيلة صقر
دياب : .......
ليندا : تعالى يا ادم ناخد ريهام ونسافر ونرميهم من وراء ضهرنا ..... سيبنا نعيش حياتنا فى هدوء بقى ..... كفايه بجد على كده انا تعبت ومحتاجه ارتاح
دياب : سامحينى يا ليندا انا عارف انى تعبتك معايا وانتى ملكيش ذنب فى كل اللى بيحصل بس قدرك كده
ليندا : ماله قدرى بقى
دياب : قدرك انك تعيشى مع انسان عباره عن مشاكل ملهاش اخر
ليندا : ده اجمل قدر فى الدنيا ..... انا ماكنتش احلم بربع السعاده اللى عايشاها معاك يا حبيبى
دياب : خلاص هانت يا حبيبتى ..... انا قربت اخلص وبعدها هاخدك ونسافر وننسى كل حاجه ونبدأ من جديد
ليندا : وريهام هتعمل معاها ايه
دياب : مش عارف اذا كانت هتوافق تسافر معانا بعد اللى هيحصل ولا هترفض
ليندا : طب وبنتك هتسيبها بسهوله كده
دياب : دى اكتر مشكله تاعبانى ومش عاوز افكر فى الحكايه دى دلوقتى
ليندا : كل مشكله وليها عند ادم مليون حل وحل
• فجأه دياب قام من على السرير
ليندا : ليه قومت فجأه كده
دياب : معايا مشوار مهم لازم اخلصه
ليندا : مشوار ايه دى اللى بدرى كده
دياب : بعدين هقولك
• غير دياب هدومه وخرج اخد عربيته وطلع على الفيلا اللى فيها عيال العاصى ...... اول ما وصل قابل كريم
دياب : ايه الاخبار يا كريم
كريم : احنا نفذنا كل اللى انت امرت بيه والفلاشه دى عليها كل الفيديوهات اللى اتصورت
دياب : مالك كده شكلك متضايق
كريم : انت عارف انى معترض من الاول على اللى اتعمل ده بس نفذته علشان خاطرك
دياب : خلاص يا كريم مش عاوز كلام فى الموضوع ده تانى ..... الفيديوهات اللى على الفلاشه دى عاوزها تترفع على الانترنت فى خلال ساعه بالكتير عاوزها تغرق البلد كلها
كريم : ده كتير يا دياب
دياب : اسمع الكلام من غير نقاش يا كريم والا هحرق البلد كلها واجيب فوقها تحتها ومش هيهمنى اى حاجه
كريم : حاضر يا دياب
دياب : هاتلى عيال العاصى عنا وجهز العربيات علشان يرجعوا البلد النهارده
كريم : حاضر
• خرج كريم ورجع بعد شويه ومعاه عيال العاصى اللى اول ما شافوا دياب اترعبوا
دياب : كويس اللى حصل معاكم ده
امينه : ابوس رجلك ارحمنا واحنا محدش فينا هيتعرضلك تانى ولو انت عاوز كمان نرجعلك نصيبك فى الورث انا مستعده لكل ده
دياب : ورث ايه اللى بتتكلمى عنه ده يا امينه ..... ولا كل فلوس الدنيا تساوى الاحساس اللى انا حاسس بيه دلوقتى
سالم : طالما مبسوط كده واخدت حقك ابوس رجلك سيبنا ولو عاوزنا نتحبس فى بيوتنا احنا مستعدين
دياب : انا فعلا عسيبكم تمشوا
• اول ما عيال العاصى سمعوا الكلمه جريوا علشان يمشوا
دياب : استنوا هنا رايحين فين
سالم : مش انت قولت هتسيبنا خلاص
دياب : ايوه هسيبكم بس مش لازم تسلموا على ابوكم قبل ما تمشوا
سالم : انت ناوى تقتلنا
دياب : ليه بتقول كده يا عمى
سالم : امال انت قصدك ايه
• قام دياب وشال ملايه من على الكرسى اللى جمبه وظهر الهيكل العظمى بتاع العاصى ..... سالم وامينه اول ما شافوا الهيكل اترعبوا
دياب : ده ابوكم سلموا عليه قبل ما تمشوا ..... ابوكم كان موجود هنا فى الفيلا من اول ما خطفتكم ..... جبته علشان يبقى حاضر اللى بيحصل فيكم وبعدها هدفنه بمعرفتى وسط اللى شبهه
• سالم وامينه واقفين بيعيطوا ومش عارفين يعملوا ايه
دياب : دلوقتى هتمشوا من هنا واللى هيفكر فيكم او فى اخواتكم يعمل حاجه تانيه ياريت يبقى مستعد لعقابى كويس جدا
امينه : احنا خلاص هنبعد عنك ومش هتسمع اى حاجه عننا تانى
دياب : يا كريم
كريم : ايوا يا فندم
دياب : جبت الكللابب والخنازير الميته
كريم : وصلوا فى مكانهم اللى حضرتك امرت بيه
دياب : كويس ..... عاوزك تاخد العاصى وتدفنه وسطهم
• كل الموجودين اتخضوا لما سمعوا اللى بيتقال بس محدش قادر ينطق
كريم : حاضر يا فندم
دياب : وخد بقى سالم وامينه ورجعهم بيوتهم
كريم : حاضر يا فندم
• نفذ كريم اوامر دياب ورجع سالم وامينه بيوتهم وفى نفس الوقت انتشرت الفيديوهات فى البلد والفضيحه بقيت على كل لسان وزى ما بيقولوا انقلب السحر على الساحر وبدل ما عيال العاصى يفضحوا دياب لا الفضيحه هى اللى طالتهم وخصوصا ان اهل البلد كلهم عارفين حكاية دياب مع عيلة صقر
• بعد ما الفيديوهات انتشرت رجع عمر صقر وامل الاقصر ومعاهم احمد صقر وراحوا لسالم وامينه بيت العاصى وكانت حالتهم صعبه جدا ..... شكلهم كان اقرب للموت
عمر : احكيلى يا سالم ايه اللى حصل بالظبط
سالم : انا مش قادر احكى ولا اتكلم اساسا ومش عاوز افتكر اى حاجه من اللى حصلت
امل : لا يا سالم لازم تحكى علشان نعرف نرجعلكم حقكم من الكلب اللى عمل كده
امينه : حق ايه اللى ترجعيه يا امل ..... الحق خلاص رجع لصاحبه ومفيش اى حد فيكم هيقدر يوقف قصاد دياب
امل : ايه انتوا هتستسلموا وترضوا باللى حصل فيكم
سالم : اللى حصل فينا كان نتيجه طبيعيه للى احنا عملناه فى دياب ومن قبله اخويا عبدالرحمن
امينه : انسى يا امل اى حاجه فى دماغك وحاولى تستسمحى دياب يمكن يسامحك والا هيجى اليوم وتقعدى زينا بعد ما تشوفى وش دياب الوحش .... زى ما شوفته انا واخويا واكيد سعد اخوكى بيشوفه دلوقتى
امل : سعد !!! .... انتى تعرفى حاجه عن سعد اخويا
امينه : اخوكى كان موجود معانا فى نفس المكان بس معرفش هو فين دلوقتى
عمر : استنى يا امينه ..... اهدى كده واحكيلى اللى حصل بالظبط وتعرفى ايه عن سعد
امينه : تانى يوم ما اتخطفنا ..... اخدونا اسطبل الخيل علشان يعملوا فينا اللى انتوا عارفينه .... الكلام ده كان بعد نص الليل فجأه شوفت اخوكى سعد متكلبش والرجاله خارجين بيه من الفيلا وركبوا عربيه واتحركوا ..... وقتها سمعت اتنين رجاله بيتكلموا مع بعض واحد فيهم بيسأل عن سعد وليه خارجين بيه
امل : وبعدين ايه حصل
امينه : الراجل رد عليه وقاله ان دياب امر انه يتنقل من الفيلا دى لمكان تانى علشان الداخليه طلبت من دياب تسليم سعد
امل : بس سعد اخويا مش فى السجن
امينه : اللى فهمته من كلام الرجاله ان دياب رفض تسليم سعد للداخليه وقالهم اعتبروه ميت واى حد هيحاول يتناقش فى موضوع سعد وقتها دياب هيحرق البلد كلها وقالهم انه خلاص مش باقى على حاجه ومفيش حاجه يخسرها
امل : يعنى الداخليه عارفه ان دياب خاطف اخويا
امينه : ايوا عارفين ومحدش فيهم قادر يوصل لحل مع دياب ..... من الواضح كده ان دياب مركزه كبير جدا للدرجه اللى تخلى الداخليه مش قادره عليه ده غير ان طارق اخويا وابنه حاولوا مع ناس كتير علشان ينقذونا بس محدش سمعلهم
احمد : مركزه كبير ازاى يعنى
امينه : اللى يعمل فينا كده قصاد الناس ومايخافش يبقى حاجه من الاتنين يا اما حد تقيل يا اما مستبيع واللى شوفته بعينى بيقول ان دياب تقيل ومستبيع .... مش زيك يا احمد
احمد : مش زيى ازاى يعنى
امينه : يعنى انت زمان كنت مستبيع ومحدش قادر يوقفك بس الفرق اللى بينك وبين دياب انك كنت غشيم علشان كده خسرت كتير لكن دياب بيخطط كويس جدا ومش مهم عنده ينفذ فورا لا ده ممكن يخطط سنين علشان ينفذ اللى بيخططله علشان كده محدش قادر على دياب
سالم : نصيحه منى ابعدوا عن دياب وخافوا على نفسكم منه ..... خافوا على بنتكم اللى عايشه معاه ولا سليم ابنك يا احمد اللى ممكن تخسره لو وقفت لدياب ..... سليم بقى شايف دياب هو اللى ابوه مش انت ..... دياب بقى قادر يمسكنا من ايدينا اللى بتوجعنا
امل : انتو عرفتوا ان دياب فتح قبر العاصى واخد جثته
امينه : ايوا عرفنا وشوفنا الجثه بنفسنا
عمر : شوفتوها ازاى وفين
امينه : دياب قبل ما يسيبنا شال ملايه من على كرسى جمبه وظهرت جثة ابويا وشوفناها بعنينا بعد كده امر رجالته يدفنوها وسط كلاب وخنازير ميته
عمر : دياب صدق ونفذ تهديده
امل : يعنى هتسيبوا دياب ينفذ تهديداته لينا كده
احمد : يا امى مش دياب اللى بدأ بالأذى بالعكس احنا اللى كنا بنبدأ ودياب كان بيسامح لحد ما دوسنا لدياب على الوجع وساعتها نفذ تهديده
امل : يعنى هتسيبوا دياب يقتل اخويا
احمد : اخوكى بيدفع تمن غلطه اللى انتوا كنت ا مخبينه عليا لكن انا عرفت كل حاجه ..... اخوكى المحترم اللى بعد ما شارك والد دياب فى شركة مقاولات نصب عليه وسرق كل فلوسه وحاول يخدعه ويفهمه ان مراته بتخونه ده غير ان اخوكى هو اللى كان بيزود فى النار اللى كانت بين العاصى وابنه وكل ده ليه ..... كل ده علشان اخوكى النجس كانت عينه من ابتسام وهيموت عليه واتغاظ لما ابتسام اتجوزت عبدالرحمن وقرر انه يخسره كل حاجه بما فيهم ابتسام نفسها
عمر : خلاص اقفلوا كلام فى الموضوع ده انا مش عاوز اسمع قذارتكم دى تانى ..... دياب طلع عنده حق فى كل اللى عمله معاكم وانتى يا امل اقفلى كلام فى الموضوع ده وانا هتكلم مع دياب ان يسيبك بس بشرط انك تبعدى عنه
• من ناحيه تانيه عند استر يعقوب فى الاستراحه بعد ما رجعت من السفر قاعده مع البيرت
البيرت : طمنينى عملتى ايه فى السفريه بتاعتك
استر : طمنى انت الاول ايه اخبار الدنيا هنا
البيرت : مفيش حاجه جديده حصلت .... دياب رجع سالم وامينه بيوتهم بعد ما انتقم منهم وفضحهم ..... والنقيب حازم الجراح اخد جزاء واتحول لوظيفه واتحرم من الترقيه بتاعته ..... والدكتور سليم الجراح بيتابع شغله فى الشركه طبيعى جدا ومعاه دياب ..... وبالنسبه لأبن اخوه لسه فى الغيبوبه
استر : سيبك من ابن اخوه ده ملهوش لازمه عاوزاك تركز مع دياب والدكتور سليم
البيرت : انا بعمل كده فعلا بس ايه اللى خلاكى تغيرى رائيك بالنبه لسليم الصغير
استر : سليم طلع لعبه فى ايد عمه ودياب لكن من غيرهم ولا يعرف يعمل اى حاجه
البيرت : ازاى ده بقى وهو اللى وصل لورق مهم عن شغلنا
استر : اكيد فى حد وصله للورق ده ووارد جدا تكون صدفه وبعدين سليم فى غيبوبه يعنى محدش هيعرف يستفاد منه بأى حاجه
البيرت : تمام ..... طمنينى عملتى ايه فى السفريه
استر : مفيش جديد
البيرت : ازاى يعنى ..... طب احنا هنتعامل ازاى فى الفتره اللى جايه
استر : مش هنعمل اى حاجه غير اننا نتابع الدكتور سليم كويس جدا لحد ما الجماعه يعرفوا هو كان بيعمل ايه طول فترة اختفاءه وعلى فكره الجماعه طلعوا عارفين ان الدكتور سليم عايش من فتره وبيشتغلوا على الموضوع ده من قبل ما احنا نعرف بوجوده اصلا وهما بعتوا شخص هنا وشغال على الموضوع ده من فتره
البيرت : مين الشخص ده وازاى بيشتغل من غير ما احنا نعرف حاجه عنه
استر : انا معرفش مين الشخص ده بالظبط بس كل اللى اعرفه انه يعرف كل حاجه عن الموضوع من اوله بس كان بيشتغل على ملف تانى وبالصدفه عرف حكاية الدكتور سليم وبلغ الجماعه بيها
البيرت : مش المفروض ان احنا نشتغل مع بعض علشان نخلص من الموضوع ده
استر : فى الوقت الحالى لا .... لكن لو احتجناله هو هيعرف ويوصلنا ويساعدنا غير كده كل واحد هيشتغل مع نفسه
البيرت : طب تمام
استر : اهم حاجه دلوقتى لازم نعرفها هى مخازن الدهب بتاعة سليم الجراح ..... المخازن دى هى الدرع اللى بيحمى سليم الجراح واللى معاه ومن غيرها هيبقى ضعيف
البيرت : وهنعرفها ازاى بقى ..... احنا منعرفش اى حاجه عن الدهب ده غير من كلام الدكتور سليم نفسه غير كده مانعرفش اى حاجه
استر : لازم نعرف يا البيرت وبأى تمن
البيرت : نحاول ولو انها مهمه شبه مستحيله
استر : مفيش حاجه اسمها شبه مستحيله .... انا صبرت على غبائك انت ورجالتك كتير لكن المره دى اقسملك مش هرحم حد وانت اولهم يا البيرت لو فشلت المره دى اقسملك انى هقتلك بأيدى
البيرت : اهدى يا استر وانا هنفذ كل اللى تطلبيه بس فى مشكله مش عارف اتصرف فيها
استر : مشكلة ايه تانى
البيرت : بتصل بأحمد صقر بقالى يومين ومش بيرد على مكالماتى خالص
استر : سيبك من احمد صقر .... احمد خلاص بقى كارت مكشوف ومش هنغرف نلعب بيه
البيرت : يعنى اوقف اتصالى معاه
استر : فورا
البيرت : حاضر
• بعد مرور سبع شهور بدون اى شئ جديد .... انا لسه فى الغيبوبه .... عمى ودياب فى الشركه وبيتابعوا شغلهم .... استر يعقوب بتحاول توصل للدهب .... احمد صقر فى مشاكله اللى مش تخلص ..... ريهام بعد ما اخدت شهرين عند ابوها رجعت تانى للفيلا عند دياب وعاشت فى هدوء وبقت خايفه من دياب اكتر من الاول خصوصا بعد اللى حصل مع سالم وامينه وبقيت مش حاسه معاه بالأمان نهائى بس مضطره تكمل علشان خايفه دياب يحرمها من بنتها ده غير انها خايفه على امها من شر دياب
• نرجع عندى انا فى الفيلا قاعد فى الغيبوبه ومريم قاعده جمبى
مريم : وبعدين معاك يا سليم هتعيش طول عمرك فى الغيبوبه دى ولا ايه ..... انا محتجالك جمبى .... وحشتنى ووحشنى كلامى معاك ..... وحشتنى القصص اللى كنت بحكيهالك علشان اخفف من عليك ضغط الشغل ..... وحشنى كلامك وتشجيعك ليا فى رواياتى اللى بكتبها ..... من يوم ما انت سيبتنى وانا مش عارفه اكتب حاجه ..... انا اكتشفت ان حياتى بدأت لما عرفتك ..... قبل كده انا كنت مش عايشه ..... انا تعبانه بجد من غيرك ..... هقولك على حاجه يمكن تفرحك وتخليك ترجع تانى .... لمياء قالتلى انى ممكن اولد فى خلال يومين او تلاته بالكتير .... ايوه زى ما بقولك كده يعنى كلها كام يوم بالكتير وتبقى اب ..... كان نفسى اشوف الفرحه فى عنيك وانا خارجه بعد الولاده واشوفك وانت شايل ابننا وبتلاعبه ..... عارف يا سليم فى الاول كنت كارهه الولد ده لكن دلوقتى انا متمسكه بيه علشان من ريحتك .... قوم بقى يا سليم حرام عليك اللى انت بتعمله فيا ده
• فجأه دخل علينا عمى
عمى : انتى هنا يا مريم
مريم : ايوا يا بابا .... خير فى حاجه
عمى : لا يا حبيبتى انا كنت جاى اتطمن على سليم قبل ما اروح على الشركه
مريم : مفيش جديد يا بابا ..... انا خلاص حاسه ان سليم مش هيقوم من الغيبوبه تانى
عمى : ماتقوليش كده يابنتى خلى املك فى **** كبير
مريم : يا بابا سليم بقاله تقريبا 9 شهور فى غيبوبه ومفيش اى تحسن
عمى : بس الدكاتره طمنونى على حالته وبيقولوا انه ممكن يفوق فى اى لحظه
مريم : الدكاتره بقالهم شهور بيقولوا نفس الكلام ومفيش حاجه بتحصل
عمى : مش عارف اقولك ايه يابنتى بس انا السبب فى كل اللى انتوا فيه ده .... كلكم بتدفعوا تمن حاجه ملكمش ذنب فيها ..... ياريتنى كنت مت بجد قبل ما اشوفكم كده
مريم : بعد الشر عليك يا بابا ارجوك ماتقولش كده انا مش عارفه لولا وجودك جمبى كان ممكن استحمل كل ده ازاى .... انت الوحيد اللى مصبرنى على كل ده
عمى : بس ده ما يمنعش ان انا السبب فى اللى حصل .... انا اللى حطيت سليم فى وش المدفع وسبته يواجه ناس مايعرفش عنهم حاجه ..... سليم عاش طول عمره فى الاقصر لوحده مايعرفش اى حاجه عن اللى بيدور حواليه فجأه لقى نفسه فى وش ناس مش بترحم واسهل حاجه عندهم الدم
مريم : اللى عرفته من كلام حضرتك ودياب ان سليم اهتار يمشى فى طريقكم بأرادته من غير ما حد يغصب عليه ..... سليم كان عارف ومتاكد ان وارد يخسر حياته فى سليل اختياره ..... سليم اختار وبيدفع تمن اختياره ولو رجع بيه الزمن كان هيختار نفس الاختيار علشان كده ماتلومش نفسك يا بابا على اى حاجه
عمى : خلاص يابنتى اللى حصل حصل خلاص ...... اطلعى اوضتك ارتاحى انتى محتاجه الراحه
مريم : انا مرتاحه هنا يا بابا
عمى : علشان خاطرى يا بنتى اطلعى اوضتك ..... لمياء قالتلك لازم ترتاحى شويه
مريم : حاضر يا بابا شويه كده وهطلع اوضتى
عمى : براحتك يا حبيبتى
مريم : انا شويه كده وهروح للمياء العياده
عمى : تروحيلها العياده ليه ..... استنيها لما ترجع
مريم : انا عاوزه اعمل سونار علشان اتطمن على البيبى لانى حاسه ان حركته ضعيفه شويه
عمى : من امتى الكلام ده
مريم : من امبارح المغرب تقريبا
عمى : طب روحيلها وطمنينى عليكى اول ما توصلى
مريم : حاضر يا بابا
• خرج عمى وطلع على الشركه ..... اول ما وصل راح المكتب لدياب
عمى : صباح الخير يا دياب
دياب : صباح النور يا دكتور
عمى : انت برضه جيت الشركه بدرى
دياب : اعمل ايه بقى سليم عودنى على كده ..... كان دايما بيقول علشان تبقى ناجح فى شغلك والموظفين اللى معاك يعرفوا قيمة الشغل لازم تكون موجود قبلهم وتمشى بعدهم ..... لازم الموظفين يعرفوا انك بتشتغل زيهم مش يعنى علشان انت صاحب الشغل يبقى تتاخر على شغلك وتيجى براحتك .... لا لازم تبقى قدوه لكل واحد بيشتغل عندك من اول فرد الامن لحد اكبر مدير فى الشركه
عمى : كان عنده حق فى كل حاجه بيقولها
دياب : **** يرجعه بالسلامه
عمى : **** ..... طمنى على الشغل
دياب : مفيش جديد .... كل حاجه ماشيه طبيعى جدا وده اللى قالقنى
عمى : عندك حق يا دياب ..... الهدوء الزياده ده قالقنى خصوصا بعد اللى انت عملته مع استر وعيلة صقر
دياب : بالنسبه لعيلة صقر ماتشغلش بالك بيهم ..... سليم بيقولى ان عيال العاصى مرعوبين منى بعد اللى عملته فيهم واحمد صقر بدأ يراجع نفسه فى كل اللى كان بيعمله وبطل يرد على اتصالات استر لحد ما العلاقه بينهم اتقطعت ..... مفيش غير امل صقر اللى لسه مش قادره تنسى ومصممه تنتقم منى بسبب اخوها
عمى : هى دى المشكله اللى لازم نحلها يا دياب ..... حكايتك مع امل صقر طولت وذادت عن حدها
دياب : مشكلتى مع امل صقر هتستمر طول ما احنا عايشين مش هتخلص غير بموت حد فينا
عمى : لو رجعتلها اخوها ممكن نخلص المشكله
دياب : قولت لحضرتك قبل كده مش عاوز كلام فى موضوع سعد ده نهائى وسعد انا هرجعه لأخته بس بطريقتى
عمى : يابنى كفايه اللى انت عملته ..... انت اخدت حقك بزياده وابوك وامك ماتوا علشان قدرهم كده يعنى محدش قتلهم
دياب : لا يا دكتور عيلة صقر هما اللى قتلوا ابويا وامى ومش عاوز كلام تانى فى الموضوع ده
عمى : ياخوفى عليك من الطريق اللى انت ماشى فيه
دياب : سيبك من عيلة صقر وخلينا فى المهم
عمى : فى ايه
دياب : مش مرتاح من ناحية استر ومش عارف هى بترتب لأيه
عمى : طب والراجل بتاعك اللى عندها مش عارف يجيبلك اى اخبار جديده
دياب : كل اللى عارفه انها قالبه الدنيا على مخازن الدهب ..... الظاهر كده انها بتتحرك من غير ما تقول لحد لأنها مش بتثق فى اى حد
عمى : اى كان اللى بتفكر فيه احنا عندنا اللى يحمينا كويس واستر مش هتقدر تتهور وتعمل اى حاجه قبل ما توصل لمخازن الدهب
دياب : انا شايف ان احنا نزود التأمين على المخازن
عمى : انا فعلا عملت كده
دياب : وممكن كمان نوزع الدهب على مخازن اكتر بحيث ان لو وصلوا لمخزن ماتبقاش خساره كبيره
عمى : لو عملنا كده فى الوقت الحالى هنبقى بنجازف ان المخازن ممكن تتكشف وده مش فى صالحنا
دياب : احنا ممكن نعمل كده بالتدريج علشان مانلفتش النظر
• فجأه تليفون مكتب دياب رن
دياب : ايوا ..... بتقولى ايه ..... خليه يتفضل بسرعه
• بعد ما دياب قفل السكه
عمى : خير فى ايه يا دياب
دياب : السكرتيره بتقول ان ابراهيم بره وعاوز يقابلنى انا وانت
عمى : هو وصل امتى من اسبانيا وازاى يجى من غير ما يستأذن
دياب : هنعرف دلوقتى
• فجأه دخل عليهم ابراهيم
عمى : انت مجنون يا بنى ادم انت ..... ازاى تتصرف من دماغك وتنزل من غير ما تبلغنى
ابراهيم : المعلومات اللى عندى مستعجله وكان لازم ابلغها فى اسرع وقت
عمى : فى حاجه اسمها زفت وسيلة اتصال كان ممكن تبلغنا عن طريقها
ابراهيم : للأسف وسيلة الاتصال اتكشفت وتم اختراق الايميلات اللى بنتواصل بيها
عمى : طب وشغلنا اللى على الايميلات دى
ابراهيم : متخافش يا فندم انا بمسح كل الرسايل اول بأول يعنى محدش قدر يعرف اى حاجه بخصوص الشغل
عمى : ازاى قدروا يوصلوا لوسيلة الاتصال
ابراهيم : انا شغال على الموضوع ده دلوقتى
عمى : فى حاجه تانى غير موضوع وسيلة الاتصال اللى اتكشفت
ابراهيم : ايوا يا فندم
عمى : ايه فى تانى
ابراهيم : فى خطه اتحطت علشان يخطفوا سليم فى خلال الايام اللى جايه ومش سليم وحده
عمى : مين تانى
ابراهيم : هيخطفوا كمان ليندا وابنها علشان يضغطوا على حضرتك و دياب وعمر الالفى
عمى : استر مش ناويه تجيبها لبر
ابراهيم : للأسف المره دى مش استر
عمى : امال مين
ابراهيم : شخص جديد لسه معنديش تفاصيل كتير عنه ..... انا عرفته بالصدفه بعد اختراق وسائل الاتصال
عمى : يطلع مين الشخص ده
ابراهيم : ده يعتبر البديل بتاع استر ..... موجود فى مصر من سنه وبيشتغل على الملف بتاعنا
عمى : سنه كامله واحنا منعرفش عنه اى حاجه ونايمين فى العسل
دياب : اللى انا مش فاهمه هما ليه يخطفوا سليم وهو فى غيبوبه ..... هيستفادوا ايه
عمى : عندهم امل انهم يعرفوا يفوقوه ويعرفوا منه اماكن المخازن او اى معلومه تفيدهم ومتنساش انهم عارفين ان سليم تحت ايده ورق مهم ممكن يدمرهم واحنا منعرفش اى حاجه عن الورق ده غير الورق البسيط اللى قدرنا نوصله
ابراهيم : ورق ايه تانى
عمى : الورق اللى احنا وصلناله بيأكد ان فى ورق تانى كتير بس محدش فينا عارف يوصله ولا حتى عارفين المصدر اللى جاب منه الورق ده
ابراهيم : اهم حاجه دلوقتى تزودوا الحراسه على سليم وليندا
دياب : بالنسبه لسليم فى مجموعه كبيره بتحرسه ده غير الكاميرات الموجوده فى الفيلا وفى اوضة سليم وبالنسبه لليندا انا هتصرف فى موضوع حراستها
عمى : اهم حاجه دلوقتى لازم نشتغل عليها موضوع الشخص الجديد اللى ظهر فى الصوره
دياب : انا هبلغ كريم علشان يتحرك فى الموضوع ده
• بعد مرور ساعات سليم ودياب ومعاهم ابراهيم قاعدين فى المكتب بيرتبوا ويشوفوا هيعملوا ايه ..... فجأه دخل عليهم كريم وشكله مخضوض
عمى : ايه اللى حصل يا كريم
كريم : مصيبه
عمى : مصيبة ايه انطق
كريم : مريم بنت حضرتك طلع عليها رجاله قتلوا الجاردات بتوعها وخطفوها
عمى : انت بتقول ايه
كريم : زى ما بقول لحضرتك كده
دياب : استر عملتها
كريم : استر كمان اختفت ومحدش عارف يوصلها
عمى : اختفت ازاى يعنى وفين البهايم اللى بيتابعوها وفين الراجل بتاعك يا دياب
كريم : استر كشفت الراجل وقتلته
عمى : انا حاسس ان قلبى هيوقف
كريم : هنتصرف ازاى دلوقتى
عمى : اقلبوا مصر كلها .... انا عاوز استر تكون عندى الليله
كريم : انا نشرت الرجاله وفى خلال ساعات هنوصل لمكانها
دياب : احنا لازم نزود الحراسه على الفيلا محدش ضامن الظروف
عمى : يا كريم
كريم : ايوا يا فندم
عمى : ابعت حراسه تانى للفيلا
كريم : حاضر يا دكتور هبعت حراسه على فيلا حضرتك وفيلا دياب
دياب : ابعت حراسه كمان لفيلا احمد صقر ويبقى عينهم على سليم صقر
كريم : حاضر هعمل كده فورا
دياب : انا شايف ان احنا ممكن نضغط على استر بالورق اللى عندنا وساعتها هتخاف على خططها وخصوصا ان الورق بيثبت تورطها فى مصايب كتير ممكن تعرضها للسجن مش بس فى مصر لا ده فى دول تانيه كتير
عمى : هى استر عارفه ان الورق ده معانا
كريم : لحد دلوقتى لا ..... احنا قدرنا نقنعها ان احنا مش عارفين نوصل للورق وهى اقتنعت
عمى : يبقى لازم نلعب بكارت الورق ده
دياب : تفتكر استر هتتصل بحضرتك امتى
عمى : مش دلوقتى ..... هى هتستنى لما اعصابى تتعب علشان تعرف تضغط عليا وتساومنى
دياب : احنا لازم نوصلها قبل ما هى تكلمنا
كريم : انا بلغت المخابرات باللى حصل وهما شغالين على الموضوع ده
عمى : اهم حاجه دلوقتى لمياء وشرين محدش فيهم ياخد خبر باللى حصل
دياب : وهنعمل كده ازاى ده حتى مريم ظروفها ماتسمحش انها تسافر كنا قلنا سافرت تتفسح ولا اى حاجه
عمى : محتاج افكر واحاول اوصل لكدبه اقدر اقنع بيها البنات
• فجأه تليفون كريم رن ورد عليه
كريم : ايوا ..... انت بتقول ايه ...... ازاى ده حصل ..... مش عاوز اى حد يدخل او يخرج لحد ما اجيلك ..... خلى الرجاله تفتح عنيها كويس ..... عشر دقايق واكون عندك
• بعد ما كريم قفل التليفون
عمى : ايه فى تانى يا كريم
كريم : تعالوا معايا وهفهمكم فى الطريق
• اتحرك الكل وركبوا العربيات
عمى : ايه اللى بيحصل يا كريم
كريم : سليم فى خطر
عمى : خطر ازاى
كريم : كاميرات المراقبه اللى فى اوضة سليم وقفت فجأه والرجاله مش عارفين يشغلوها ..... حاولوا يدخلوا الاوضه عند سليم ومش عارفين
عمى : ازاى يعنى مش عارفين يدخلوا الاوضه
كريم : زى ما بقول لحضرتك ..... الرجاله بيقولوا ان باب الاوضه عامل زى ما يكون باب مصفح لانهم ضربوا رصاصه فى كالون الباب بدون اى فايده ..... الرصاص مقدرش يخترق الباب اصلا
عمى : مصفح ازاى .... ده باب عادى
كريم : مش عارف ده اللى حصل
عمى : يا ابراهيم حاول تدخل على سيستم الكاميرات وتشوف المشكله
ابراهيم : انا بحاول من ساعة ما خرجنا من الشركه وللأسف مش عارف ادخل على السيستم خالص
عمى : مصيبه لتكون استر بتحاول تخلص على سليم
دياب : اللى انا مش فاهمه ازاى حد يدخل الاوضه عند سليم من غير ما الجاردات ياخدوا بالهم
كريم : دلوقتى نوصل ونفهم كل حاجه
• بعد عشر دقايق وصلوا الفيلا وكان الجاردات وشرين موجودين ومش فاهمين ايه اللى بيحصل
شرين : ايه فى يا بابا ...... ايه اللى بيحصل فى الاوضه عند سليم
عمى : مش عارف يا بنتى دلوقتى نفهم
• عمى بص على واحد من الجاردات
عمى : ممكن تفهمنى ايه اللى حصل
الجارد : فجأه الكاميرات وقفت وجرينا بسرعه على الاوضه وللأسف مش عارفين ندخل ولا عارفين ايه المشكله اللى حصلت ولا عارفين مين دخل الاوضه ولا دخلها ازاى
عمى : يعنى هيكون عفاريت جوه
الجارد : صدقنى يا فندم احنا مش فاهمين ايه اللى بيحصل
شرين : الحق يا بابا الباب بيتفتح
• دخل الكل للأوضه بسرعه واتفاجئوا لما لقونى صاحى ..... الدكاتره كشفوا عليا واتطمنوا ان انا كويس
عمى : سليم حبيبى انت فوقت حمد **** على السلامه
انا : **** يسلمك يا عمى
شرين : قلقتنا عليك يا اخى كل ده فى غيبوبه
انا : ليه يعنى انا بقالى قد ايه فى الغيبوبه
شرين : بقالك 9 شهور
انا : 9 شهور فى غيبوبه ده انا كنت ميت على كده ..... امال فين مريم
شرين : خرجت فى مشوار وزمانها جايه ومحضرالك مفاجأه هتفرحك جدا
انا : مفاجأه ايه ؟
شرين : مليش دعوه هى اللى تقولك
عمى : الجاردات وشرين يخرجوا
شرين : بس يا بابا انا عاوزه اقعد مع سليم واخشنى
سليم : بعدين يا شرين ..... انا عاوز سليم فى شغل مهم ..... اخرجوا كلكم وسيبوا دياب وكريم عاوزهم
• خرج الكل ماعدا عمى ودياب وكريم
انا : ايه اللى حصل يا عمى وانت ليه ظهرت ومريم فين
عمى : مش مهم انا ظهرت ليه دلوقتى بعدين هفهمك كل حاجه
انا : ايه اللى حصل لمريم ..... من الواضح كده ان فى مصيبه حصلت وانت مخبيها على شرين
عمى : مريم اتخطفت من شويه
انا : اتخطفت ازاى يعنى
عمى : ده اللى حصل ..... مريم كانت راجعه من العياده وطلع عليها رجاله قتلوا الجاردات اللى معاها وخطفوها
انا : استر فين
عمى : استر اختفت فجأه ..... قدرت تعرب من المراقبه وكشفت الجاسوس بتاعنا اللى عندها وقتلته
انا : حضرتك كنت بتقول ان مريم كان راجعه من العياده ..... خير فى ايه
عمى : مريم حامل وكانت فى العياده عند لمياء بتكشف عليها
• انا اتصدمت لما سمعت الخبر
عمى : عاوزك تفوق كده علشان نعرف نفكر ونشوف هنتصرف ازاى
انا : تليفونى فين
عمى : هتعمل ايه بتليفونك
انا : لازم اتصرف بسرعه قبل ما استر تلحق تعمل اى حاجه ..... مريم لازم تبات فى الفيلا النهارده
عمى : هتعمل كده ازاى يعنى
انا : دى مشكلتى وهعرف اتصرف فيها ..... فين تليفونى
عمى : موجود فى درج المكتب
• قومت من السرير وروحت للمكتب ومسكت تليفونى كان فاصل شحن ..... وصلته بالشاحن وشغلته بعد كده عملت عليه كام حاجه وبعد كده اتصلت برقم
انا : ايوا انا سليم الجراح ..... انتوا فين ..... جهز الرجاله لحد ما اوصلك ..... انت طبعا عارف اللى حصل ..... مريم لازم ترجع النهارده ..... متقلقش انا عارف مكانها ..... استر فين دلوقتى ...... فى المقطم ..... تمام كده جهز الرجاله وانا مسافة السكه وهكون عندك
• قفلت التليفون وبعد كده بصيت لعمى
انا : استر ومريم موجودين فى المقطم
عمى : انت عرفت ازاى مكان مريم ومين اللى كنت بتكلمه
انا : انا زارع GPS فى السلسله المفضله بتاعة مريم ..... انا استر انا مكلف ناس بمراقبتها ..... هتحرك دلوقتى انا وكريم علشان نجيب مريم
عمى : تروح فين انت لسه تعبان سيب كريم هو اللى يتحرك
انا : انا اللى هروح اجيب مراتى ..... مش كفايه ان انا السبب فى اللى هى فيه ده
عمى : يابنى اسمعنى
انا : مش عاوز نقاش فى الموضوع ده ..... ارجع مراتى وبعدها قول اللى ان عاوزه
كريم : خلاص يا دكتور انا هتحرك مع سليم
• من ناحيه تانيه عند استر فى فيلا المقطم
استر : ايه الاخبار يا البيرت
البيرت : انا خايف من اللى ممكن يحصل ..... البنت حامل وشكلها مجهد جدا وممكن تموت مننا فى اى لحظه
استر : والدكاتره فين
البيرت : الدكاتره عندها فى الاوضه بيعالجوها ..... المشكله انها جريت كتير من الرجاله اللى خطفوها وده اثر عليها
استر : تموت ولا تغور فى ستين داهيه
البيرت : مينفعش تموت قبل ما نوصل للورق اللى مع سليم الجراح ودياب
استر : متخافش هنوصل للورق
البيرت : انتى متاكده ان دياب وسليم وصلوا للورق
استر : ايوا وصلوا للورق تانى يوم ما سليم دخل فى الغيبوبه واللى ساعدهم فى كده يوسف العصار
البيرت : طب ايه اللى يخليهم يسكتوا ده كله ومايستخدموش الورق
استر : محدش يعرف الدكتور سليم الجراح بيفكر ازاى
البيرت : المصيبه ان الاوامر اللى عندنا محدش يتعرض للدكتور سليم الجراح نهائى وبالطريقه دى احنا بنكسر الاوامر
استر : انا بعمل كده علشان احمى وجودنا ..... الورق اللى فى ايد سليم الجراح كفيل انه يعطل خططنا اذا مكانش هيدمرنا
البيرت : ولنفترض ان الدكتور سليم وافق يسلمك الورق تفتكرى انه معندهوش ورق تانى غيره او حتى ابن اخوه زى ما وصل للورق ده مش جايز برضه يكون وصل لورق تانى غيره
استر : كله هيبان بس اهم حاجه دلوقتى نوصل للورق اللى مع شليم ونعرف مين اللى قدر يشرب الورق ده
البيرت : احنا تقريبا حققنا مع كل الناس اللى ممكن تكون متورطه فى الموضوع ده وبدون فايده
• فجأه سمعوا صوت ضرب نار ..... ودخل كام واحد من الجاردات علشان يحموا استر
استر : ايه صوت ضرب النار ده
البيرت : مش عارف
الجارد : سليم الجراح ورجالته بيحاولوا يقتحموا الفيلا
استر : ازاى وصلوا للفيلا بالسرعه دى
الجارد : ده معاه جيش كبير بره وما اعتقدش ان احنا هنقدر عليهم
استر : يلا بينا نخرج من باب الطوارئ
الجارد : للأسف رجالة سليم محاصرين الفيلا كلها ووصلوا كمان لمخرج الطوارئ وسيطروا عليه
استر : وبعدين معاك يا سليم مش ناوى تتهد بقى ولا كأن باين عليك السن
الجارد : ده مش الدكتور سليم لا ده ابن اخوه
استر : هو سليم فاق امتى من الغيبوبه
• فجأه ضرب النار وقف
استر : ضرب النار وقف ..... ياترى ايه اللى حصل
• فجأه دخلت عليهم المكتب ومعايا جيش رجاله
انا : انا اقولك ايه اللى حصل يا استر
استر : انت فوقت امتى من الغيبوبه
انا : فوقت علشان احاسبك على كل الغلط اللى انتى غلطتيه من يوم ما دخلت فى الغيبوبه ..... كل اللى عملتيه كوم وانك تخطفى مراتى ده لوحده كوم تانى وهحاسبك عليه كله
استر : ده لعبه يا سليم وانت عارف قواعدها كويس
انا : حلو .... وانا هعاقبك بنفس قواعد اللعبه دى بس بعد ما اخد مراتى الاول
• فجأه دخل واحد من الجاردات بتوعى
الجارد : احنا وصلنا لمريم هانم بس واضح انها تعبانه جدا يا فندم وفى دكاتره عندها فوق واحنا قبضنا عليهم كلهم
انا : عملتى ايه فى مراتى يا استر
استر : هى اللى تعلانه لوحدها انا معملتلهاش اى حاجه
انا : اتطمن على مراتى الاول وبعد كده هعرف احاسبك كويس ..... انا هبقى الجخيم اللى ماكنتيش عامله حسابه
• اتحركت بسرعه للأوضه اللى فيها مريم .... مريم اول ما شافتنى حاولت تقوم من مكانها بس ماعرفتش
انا : بالراحه يا حبيبتى ماتتعبيش نفسك
مريم : انت رجعت بالسلامه يا حبيبى
انا : اهدى كده وماتتكلميش انتى تعبانه ..... يا كريم
كريم : ايوا يا فندم
انا : عاوز عربية اسعاف مجهزه فورا ..... وكلم الدكتور سليم طمنه خليه يتحرك على المستشفى
كريم : عشر دقايق وتكون موجوده يا فندم
• خرج كريم وسابنى مع مريم
انا : اهدى يا حبيبتى وعشر دقايق ونمشى من هنا
مريم : انا مش عاوزه حاجه تانى من الدنيا كفايه انك قومت بالسلامه يا حبيبى
انا : يعنى انتى مستنيانى ادخل فى غيبوبه علشان تبقى حامل ..... كان لازم يعنى تشيلينى همك
مريم : اسكت يا سليم ده انت خرجت من العمليات من هنا وانا اغمى غليا من هنا وعرفت انى حامل
انا : الف مبروك يا حبيبتى
مريم : جابه متأخره يا استاذ
انا : اعمل ايه مش ذنبى سامحينى
مريم : اسامحك على ايه ولا ايه
انا : ليه انا عملت ايه بس
مريم : بقى انت عارف ان بابا عايش ومخبى عليا
انا : اعمل ايه دى اوامر ابوكى ..... سامحينى يا حبيبتى
مريم : مسامحاك يا حبيبى
• فجأه دخل كريم
كريم : الاسعاف وصلت يا فندم
انا : طب اسبقنى يا كريم وانا هجيب مريم واحصلك
كريم : وبالنسبه لأستر
انا : سيبها دلوقتى بس خلى عينك عليها ومش عاوزها تغيب عن عينكم زى الره اللى فاتت
كريم : حاضر يافندم
انا : يلا يا كريم اتحرك
• شيلت مريم ونزلت بيها للأسعاف واتحركنا على المستشفى ...... اول ما وصلنا كان عمى موجود ومعاه لمياء وشرين والحاج عزت والحاجه فاطمه والحاج اكرم والحاجه كريمه ...... اول ما وصلنا مريم دخلت الاوضه ودخلت معاها لمياء تكشف عليها ..... وقعدت انا بره مع الجماعه ..... الحاجه فاطمه والحاجه كريمه اول ما شافونى اخدونى بالحضن
فاطمه : حمد **** على سلامتك يا بنى
انا : **** يسلمك يا امى
فاطمه : اول مره تقولى يا امى
انا : لانى حاسس انك امى بجد ..... طول فترة الغيبوبه وانا حاسس بيكى جمبى ..... نفسك هو اللى كان مطمنى ..... يا عمتى انا عمرى ما شوفت امى ..... ماشوفتش غيرك انتى والحاجه كريمه علشان كده بعتبركم مكان امى اللى اتحرمت منها
فاطمه : يا سليم انت ابنى زيك زى اسامه ..... ربيتك فى حضنى وامك **** يرحمها كانت صاحبتى وعشرة عمرى وموتها قطع فيا
انا : **** يرحمها
عزت : شايف يا حاج اكرم اهو سابنا احنا وعرف ياكل بعقلهم حلاوه ولا كأننا كنا معاه طول الشهور اللى فاتت
انا : ههههههههه ده انتوا الاتنين اغلى عندى من حياتى
اكرم : ماشى يا لمض ..... على فكره انا اتصلت ببوسف وبلغته انك فوقت وهو جاى فى الطريق
انا : تصدق انه وحشنى جدا
• فجأه دخل علينا يوسف واخدنى بالحضن وعيط وخلانى دمعت انا كمان
انا : كفايه يا يوسف انت هتخلينى اعيط
يوسف : وحشتنى يا زفت وقلقتنى عليك
انا : معلش يا صاحبى سامحنى
• فجأه طلعت لمياء من الاوضه وجريت عليها
انا : طمنينى يا لمياء
لمياء : مش عارفه اقولك ايه يا سليم
انا : قلقتينى يا مريم
لمياء : مريم حملها متعب شويه والطفل ضعيف جدا وبقاله يومين حركته ضعيفه ولما كشفت عليها الصبح كان الوضع بدأ يتحسن شويه لكن دلوقتى الوضع بقى اصعب من الاول
انا : طب والحل ايه يا لمياء دلوقتى
لمياء : صعب جدا تولد طبيعى مفيش قصادنا غير التدخل الجراحى ونولدها قيصرى
انا : يعنى حالتها تسمح بالولاده القيصرى
لمياء : ده الحل الوحيد
انا : بس انا خايف عليها
عمى : يا بنتى انا ممكن اتصرف واجيب احسن دكاتره يولدوها لو انتى مش هتقدرى
لمياء : للأسف يا بابا الوقت مش فى صالحنا واى تأخير ممكن يضر بمريم والجنين
انا : انا واثق فيكى يا لمياء ..... اتوكلى على **** وشوفى انتى هتعملى ايه بس انا عاوز اشوف مريم الاول
لمياء : ادخلها يا سليم وحاول تطمنها علشان هى خايفه وحالتها النفسيه صعبه
انا : حاضر يا لمياء انا هدخلها دلوقتى
• سبتهم ودخلت الاوضه عند مريم
انا : مالك يا جزمه انتى هو كل واحده هتولد هتعيش فى جو الدراما ده
مريم : انا خايفه يا سليم
انا : خايفه من ايه يا حبيبتى ..... هو انتى اول واحده هتولد
مريم : لا مش اول واحده هتولد بس اللى شوفته طول الشهور اللى فاتت اثر عليا وعلى الحمل
انا : سامحينى يا مريم انا السبب فى اللى حصلك
مريم : لا يا سليم ماتلومش نفسك على اى حاجه ..... وبعدين انا راضيه بكل اللى يجيبه **** .... انا اتعلمت منك معنى الرضا بالقدر
انا : انتى صح يا مريم بس انا مش هستحمل اى حاجه تحصلك
مريم : الرضا يا سليم ..... اهم حاجه الرضا
انا : حاضر يا حبيبتى
• اتفتح الباب ودخل علينا عمى
عمى : سامحينى يا مريم على كل اللى حصلك انتى وجوزك بسببى .... سامحونى ياولاد
مريم : ايه اللى انت بتقوله ده يا بابا ..... احنا كلنا فداك يا حبيبى
عمى : سامحنى يا سليم
انا : اسامحك على ايه يا عمى ..... اسامحك على انك رجعتلى احساس العيله من تانى بعد ما كنت نسيتها ...... اسامحك على انك خليت لحياتى معنى وهدف اعيش علشان احققه ...... اسامحك على انك جوزتنى اجمل بنت فى الدنيا كلها ...... قولى بقى عاوزنى اسامحك على ايه بالظبط وانا مستعد اسامحك ...... وبعدين انت قولتها قبل كده ان ده قدر الرجاله ويا الف مرحب بقدر الرجاله لو كان بالشكل ده
عمى : راجل يا سليم ومخيبتش ظنى فيك
انا : الرجوله دى اتعلمتها منك يا عمى
عمى : لا يابنى انت اللى راجل من يومك
مريم : انا خلاص مش عاوزه حاجه تانى من الدنيا ولو مشيت همشى وانا مبسوطه
انا : ايه النكد اللى انتوا معيشينا فيه ده واحد يقولى سامحنى والتانيه عندها كمية نكد محصلتش ..... انا ايه اللى رمانى على العيله دى يا ربى
مريم : هههههههه مش انت اللى انقذت بابا فى المعادى
انا : تصدقى انا غلطان ياريتنى كنت سيبته او حتى وديته المستشفى ومشيت يعنى كان لازم ارجع تانى علشان
مريم : علشان ايه بقى
انا : علشان اشوف اجمل انسانه فى الدنيا واحن عم واب فى الحياه ..... **** يخليكم ليا ومايحرمنى منكم ابدا
عمى : ايوا كده اظبط نفسك
انا : حبيبى يا عمى
• بعد شويه دخلت لمياء ومعاها التمريض وطلبوا مننا نخرج علشان يجهزوا مريم للعمليه
• خرجت مع عمى وقعدنا مع الجماعه بعد كده اخدوا مريم للعمليات
• بعد ساعه من دخول مريم للعمليات قاعدين كلنا متوترين ومش قادرين نتحكم فى اعصابنا
اكرم : اتطمن يابنى انشاء **** خير
انا : انا قلبى مش متطمن وحاسس ان فى حاجه هتحصل
عزت : ماتقولش كده يابنى خليك واثق فى ***
انا : ونعم ب**** يا عمى بس انا طول عمرى بحس لما بيكون فى مشكله او حاجه هتحصل
• فجأه خرجت لمياء وشكلها معيط
انا : ايه اللى حصل يا لمياء
لمياء : .........
انا : مريم حصلها حاجه
لمياء : لا مريم كويسه وبخير
عمى : امال ايه اللى حصل يابنتى انطقى
لمياء : للأسف الجنين نزل ميت
• اول ما سمعت الخبر وقعت على الارض وعمى والحاج اكرم سندونى ووقفونى
اكرم : اجمد يابنى وشد حيلك انت اقوى من كده
انا : الحمد *** انا راضى ..... انا راضى ..... انا راضى **** بكل اللى تجيبه
عزت : ايوا كده يابنى خليك واثق فى ***
انا : طمنينى يا لمياء على مريم
لمياء : ماتقلقش يا سليم هى كويسه ودلوقتى هتخرج من الافاقه
انا : ابنى فين يا لمياء
لمياء : هيخرج دلوقتى بس امسك نفسك يا سليم
انا : متخافيش عليا يا لمياء
• خرجت الممرضه وشايله الطفل ...... اول ما قربت منى اخدت منها الطفل وحضنته بعد كده شيلت الغطاء من على وشه ورفعته شويه وبصيت عليه
انا : سامحنى يابنى مش مكتوبلنا نعيش فى حياه واحده مع بعض ..... يوم ما كنت بفارق الحياه انت اتخلقت ..... واليوم اللى انا رجعتلها فيه انت فارقت ..... بس اقسملك بغلاوتك عندى هقلبها ضلمه على الكل وهنتقم من كل اللى حرمونى منك ..... من النهارده الارض هتتلون بلون الدم ...... سامحنى يابنى جايز لو كنت ابن لحد غيرى كان زمانك عايش لكن قدرك تكون ابنى ..... قدرك تكون ابن شخص محكوم عليه بالحرمان طول عمره ويوم ما الدنيا بتضحكله بتبقى حاطه السيف على رقبته .... بس انا خلاص مسكت السيف وهحطه على رقبة اى حد يفكر يحرمنى من حاجه تانى
عمى : كفاياك يا سليم كده
انا : هى مريم هتخرج امتى يا لمياء
لمياء : عشر دقايق وتخرج يا سليم
• اخدوا منى الطفل وراحوا بيه المشرحه وبعد كده خرجت مريم من العمليات ودخلت اوضتها بعدها دخلت الاوضه مع عمى والجماعه وكلهم ساكتين مش قادرين يتكلموا
مريم : ابنى فين يا سليم
انا : ارضى يا مريم ..... اهم حاجه الرضا
• مريم اول ما سمعت كلمتى عيطت من غير كلام
انا : اهدى يا مريم علشان خاطرى
مريم : كان نفسى اشوفه
انا : مش مكتوبلنا المره دى ..... يمكن المره اللى جايه **** يعوضنا ..... اهم حاجه ترضى وتصبرى
مريم : صعب اووووى الصبر
انا : صعب بس مش مستحيل
مريم : عاوزه اشوف ابنى يا سليم
انا : علشان خاطرى بلاش انتى حالتك ماتسمحش
مريم : ابوس ايدك عاوزه اخد ابنى فى حضنى ولو مره واحده
انا : حاضر يا حبيبتى شويه كده وهجيبه ..... اهم حاجه دلوقتى ترتاحى وتنامى شويه
مريم : وانا هعرف انام بعد اللى انا فيه ده
انا : لازم تنامى وترتاحى شويه ..... بعد اذنكم يا جماعه يلا كلنا نخرج بره علشان مريم ترتاح
مريم : خليك جمبى يا سليم انا خايفه اقعد لوحدى
انا : حاضر يا حبيبتى هقعد معاكى بس ثوانى وهرجعلك على طول
مريم : متتأخرش عليا يا سليم
انا : مقدرش يا حبيبتى ..... بعد اذنك يا لمياء تعالى معايا
لمياء : حاضر يا سليم
• اخدت لمياء وخرجت من الاوضه
انا : طمنينى على مريم يا لمياء
لمياء : اقسملك مريم كويسه جدا ومفيش اى حاجه
انا : طب انا عاوزك تديها اى مهدئ علشان تعرف تنام وترتاح
لمياء : متخافش انا مجهزه المهدئ وهحطه فى المحلول دلوقتى علشان تعرف تنام وترتاح
انا : امتى هتخرج من المستشفى
لمياء : بكره الصبح انا هخرجها من المستشفى وارجع بيها للفيلا وهتابع حالتها هناك بس اهم حاجه تعدى الليله وبعدها كل شئ هيكون تمام
انا : طب كويس ..... انا هرجع لمريم وانتى تعالى اديها المهدئ
لمياء : حاضر يا سليم
• رجعت الاوضه عند مريم وقعدت معاها لعد ما الكل خرج وسابونا لوحدنا بعدها دخلت لمياء ادتها المهدئ وخرجت تانى ..... قعدت احكى مع مريم علشان اخفف عنها لحد ما راحت فى النوم بعدها طفيت نور الاوضه وخرجت
• عند عمى والجماعه قاعدين بره
عمى : سليم اتاخر اوووى
اكرم : عندك حق مش معقول يكون قاعد كل ده فى الحمام
يوسف : ممكن يكون تعب تانى ولا حصله اى حاجه فى الحمام
كريم : انا هروح الحمام اشوفه
عمى : بسرعه يا كريم
• راح كريم للحمام وكان فاضى ورجع بعدها للجماعه
عمى : سليم فين يا كريم
كريم : الحمام فاضى وبرن عليه تليفونه مقفول
دياب : يعنى هيكون راح فين
كريم : مش عارف
يوسف : انا عارف سليم فين
عمى : فين يا يوسف
يوسف : تعالوا معايا
• اتحرك الكل وراء يوسف لحد ما وصل المشرحه ودخل ولقانى قاعد فى الارض جمب باب التلاجه اللى قاعد فيعا ابنى والمسئول عن المشرحه واقف مش عارف يعمل ايه
يوسف : انا كنت متاكد انى كنت هلاقيك هنا
انا : عاوزين منى ايه ..... سيبونى فى حالى ارجوكم
يوسف : حرام عليك نفسك يا سليم
انا : ايه هموت يعنى طب ياريت ما انا بقالى شهور ميت ويوم ما ارجع للحياه يحصل فيا كده .... الموت ارحم بكتير .... الموت حنين اووووى وقاسى جدا فى نفس الوقت ..... حنين علشان بيريح الانسان من كل همومه وقاسى جدا على حبايبه
اكرم : حرام عليك يابنى كفايه
عمى : تعالى معانا يا سليم من هنا
انا : شويه يا عمى وهخرج بس محتاج اقعد لوحدى شويه مع ابنى ارجوكم سيبونى لوحدى
كريم : سيبوه شويه لوحده وهو هيخرج لوحده
• خرج الكل من المشرحه وسابونى لوحدى مع ابنى وكانوا مستنيين قصاد باب المشرحه ..... بعد شويه صلبت طولى وخرجت قعدت معاهم فى الجناح لتاع مريم ...... كلهم بيحاولوا يتكلموا معايا بس انا مش قادر اتكلم
عزت : يابنى رد علينا ماتسيبش نفسك كده
انا : مش قادر يا عمى
عزت : لازم تقدر يا سليم
انا : هحاول
• طلعت تليفونى وفتحته
عمى : هتكلم مين يا سليم
انا : هتعرف دلوقتى يا عمى
• اتصلت برقم ورد عليا شخص
انا : ايه الاخبار .... والرجاله فين ..... مش عاوزها تغيب عن عينكم مهما حصل ..... لو حاولت تهرب او حد حاول يهربها اقتلوها فورا بدون الرجوع ليا فاهمنى .... ايوا تقتلوها وتبعتولى جثتها على مصر ...... واقسم ب**** لو هربت منكم انا اللى هقتلكم بايدى ...... اقفل دلوقتى
• بعد ما قفلت مع الشخص اللى بكلمه
عمى : مين دى يا سليم اللى بيراقبوها
انا : بعدين يا عمى هحكيلك بس ثوانى هعمل مكالمه تانيه
• اتصلت برقم استر السرى اللى مفيش اى حد يعرفه وفتحت الاسبيكر
استر : سليم ..... انت جيبت الرقم ده ازاى
انا : انا اعرف اللى محدش فى الدنيا كلها يعرفه عنك يا استر
استر : عاوز ايه يا سليم
انا : ابدا بكلمك علشان اتطمن على جاسمين عرفت ان النهارده هى غابت من المدرسه قولت اتطمن عليها
استر : انت تعرف جاسمين من فين وازاى عرفت انها غابت من المدرسه
انا : قولتلك انا اعرف عنك اللى مفيش مخلوق فى الدنيا يعرفه عنك ..... انتى جحيمك بدأ معايا يا استر واللى فات كله كان كوم واللى جاى كوم تانى خالص
استر : جاسمين ملهاش علاقه باللى بينا
انا : وابنى اللى انتى قتلتيه مكانش له علاقه باللى بينا
استر : انا مقتلتش ابنك
انا : انتى السبب فى موته ..... اقسملك يا استر انك هتشوفى منى اللى عمرك ما هتتوقعيه ..... قبل ما انسى عاوز احذرك انك تهربيها من شقتها فى لندن لان الناس واخدين اوامر لو حد اتدخل علشان يهربها هيقتلوها فورا من غير ما يرجعولى
استر : هدمرك يا سليم
انا : انا عاوزك تحاولى ..... نهايتك على ايدى يا استر بس لازم فى الاول تخسرى كل حاجه ساعتها بس هسمحلك بالموت ..... عاوزك كمان تبلغى داوود رساله
استر : انت كمان عرفت داوود
انا : بلغيه ان سليم الجراح رجع تانى للملعب وايامكم فى الحياه بقت معدوده ..... على فكره لو حاول يتخلص منى او من اى حد فى عيلتى كل الورق اللى عندى هيظهر للنور ومش بس الكام ورقه اللى مع عمى ودياب لا ده فى ورق كتير جدا اكتر من الاقى وقت علشان اقرأه واظن ان انتى عارفه انا قصدى ايه واللى حصل فى اسبانيا مش هينفع يتكرر تانى
استر : قصدك ايه باللى حصل فى اسبانيا
انا : انتى فاهمه قصدى كويس يا استر
استر : لا مش فاهمه حاجه
انا : طب هبسطهالك ..... جون مكافى
استر : انت بتقول مين
انا : زى ما سمعتى كده ..... وحق ابنى واسامه صاحبى جيه الوقت انه يرجع .... الحاج عزت والحاجه فاطمه لسه ما اخدوش العزاء فى ابنهم وجيه الوقت انهم ياخدوه
استر : احنا ممكن نتفاهم يا سليم
انا : زمن التفاهم انتهى خلاص ..... بعد 30 يوم هتكون النهايه وصدقينى هتكون نهايه مختلفه
• وقفلت السكه فى وشها
عمى : تعالى معايا يا سليم عاوزك
انا : بعدين يا عمى ..... بعدين هحكيلك وافهمك كل حاجه
يوسف : اصبر يا عمى على سليم .... سليم عارف بيعمل ايه كويس
عمى : انا خايف عليه يا يوسف
اكرم : يبقى انت لسه ماتعرفش سليم ..... سليم يتخاف منه مايتخافش عليه ابدا
عزت : سليم طول عمره ذكى وعارف بيعمل ايه
• من ناحيه تانيه عند استر فى فيلا المقطم قاعده مع البيرت
البيرت : سليم كان بيقولك ايه
استر : طلعنا بنواجه شخص اقوى بكتير من الدكتور سليم ودياب ..... شخص بقاله كتير بيذاكر وبيشتغل فى الضل من غير ما ناخد بالنا منه
البيرت : لو تقوليلى هو قالك ايه بالظبط
استر : باعت رساله لداوود
البيرت : داوود مين ده
استر : شوفت بقى انت ماتعرفش مين داوود يبقى سليم عرفه ازاى
البيرت : ايوا يعنى مين داوود ده
استر : ده الشخص البديل هنا فى مصر اللى ماسك ملف الجراح
البيرت : وعرفه ازاى ده بقى
استر : المصيبه انه لسه فايق من الغيبوبه النهارده ..... معنى كده انه يعرفه من قبل الغيبوبه
البيرت : او ممكن يكون موضوع الغيبوبه ده لعبه
استر : كل شئ ممكن ..... بس اللى هموت واعرفه هو ازاى وصل لجون مكافى
البيرت : جون مكافى ايه اللى يوصله ..... جون مات من بدرى فى اسبانيا
استر : سليم هدد بشكل صريح بموضوع جون مكافى واللى حصل فى اسبانيا
البيرت : دى كارثه ..... جون كان معاه مصايب كتير جدا مش بس علينا احنا لا ده على ناس تانيه كتير ..... كده وجود سليم فيه خطر كبير علينا
استر : وموته فيه خطر اكبر ..... سليم قدر يحصن نفسه ويحصن عيلته كويس
البيرت : طب والحل دلوقتى
استر : لازم ابلغ باللى حصل علشان نشوف هنعمل ايه
• تانى يوم الصبح دفنت ابنى فى المدافن بتاعة عمى وبعدها مريم خرجت من المستشفى ورجعنا الفيلا وحالتها النفسيه كانت صعبه اخدت مهدئ ونامت ..... بعدها دخلت المكتب مع عمى ويوسف ودياب وكريم
عمى : ممكن تفهمنا يا سليم ايه اللى بيحصل بالظبط ..... مين داوود ومين جاسمين دول اللى انت بتهدد بيهم استر وايه حكاية جون مكافى وازاى اصلا انت فوقت من الغيبوبه
انا : جاسمين دى تبقى بنت استر او بمعنى اصح دى بنت اتبنتها استر وتبقى نقطة ضعفها الوحيده ومخبياها عن الناس كلها ومفيش اى حد يعرف عنها حاجه حتى المقربين لأستر
عمى : وانت عرفتها ازاى طالما هى سر كده
انا : عرفتها بطريقتى
عمى : مين داوود ده كمان اللى انت بعتله الرساله
انا : ده بديل استر هنا فى مصر وبيشتغل على الملف بتاعنا من اكتر من سنه
عمى : وانت تعرفه من امتى ده ..... ده احنا لسه عارفين ان فى بديل لأستر امبارح بس ومنعرفش مين البديل ده
انا : انا اعرف كل حاجه عن البديل ده من اول يوم مسك فيه الملف بتاعنا
عمى : وحكاية جون مكافى
انا : انا اتعرفت على جون مكافى قبل ما ادخل فى الغيبوبه بشهر واحد واخدت منه كل الاسرار اللى يعرفها واللى جزء بسيط منها الورق اللى معاكم واللى بسببه استر خطفت مريم ..... استر عرفت واتاكدت ان انتوا وصلتوا للورق ده ..... انا بقى اخدت الاسرار من جون وبعدها دخلت فى الغيبوبه ولما فوقت وفتحت تليفونى عرفت ان جون انتحر فى السجن فى اسبانيا لكن انا متاكد انه اتقتل واستر اكيد عارفه مين اللى قتله
عمى : طب وفوقت ازاى من الغيبوبه
انا : دى بقى الحاجه الغريبه فى الموضوع كله
عمى : هى دى بس الحاجه الغريبه ده انت كل اللى بتحكيه عباره عن غرائب ملهاش حدود ..... احكيلى كل اللى حصل وانا هحاول افهم
انا : زى ما يكون حلم بس فى الحقيقه
عمى : ازاى يعنى
انا : كنت قاعد على الارض ومربوط بجنازير كتير جدا من ايدى ورجلى ورقبتى وكنت شايف نفسى نايم على سريرى بس مش فى الاوضه لا كنت فى وسط مجموعة جبال محاوطانى من كل ناحيه وانا شايف نفسى من بعيد .... فجأه قام هواء شديد او عاصفه لدرجة انها حجبت عنى الرؤيه لمدة دقايق وزى ما العاصفه قامت فجأه وقفت برضه فجأه بس بعدها ما وقفت شوفت حاجه غريبه ..... شوفت السرير بتاعى متحاوط بالنار من كل ناحيه ومش علرف النار دى جات ازاى لأن مفيش اى حد موجود وقبل ما افكر ظهر ***** كتير ماقدرش اعدهم عددهم كان بالالاف نازلين من الجبال لدرجة انهم غطوا الجبال ..... ***** كان شكلهم غريب جدا كانوا بيلفوا حوالين السرير بتاعى وبيقولوا كلام غريب مش مفهوم وكل ما كانوا بيتكلموا كانت النار بتزيد اكتر واكتر وانا مش حاسس بأى حاجه ..... فجأه خرج من النار اشعه كتير ..... الاشعه دى اتلاقت فوق السرير بالظبط واتكونت فى شكل واحده ملهاش ملامح بعدها اتشكلت فى هيئة امى وبعدها فى شكل الحاجه فاطمه وبعدها فى شكل الحاجه كريمه وفجأه اتغير شكلها لواحده انا حاسس انى اعرفها بس مش عارف شوفتها فين ...... ظهرت وكان فى ايدها كتاب شكله غريب غلافه من جلد ومنفوش عليه كلام زى ما يكون طلاسم قعدت تقرأ من الكتاب وكانت الكلام تحس انه عربى بس مش فاهم منه اى حاجه وكانت كل ما تقرأ ينزل ددمم من الكتاب على دماغى وكانت كل ماتخلص صفحه تقطعها وترميها فى النار والنار كانت بتزيد بدرجه فظيعه ومع كل صفحه كان فى جنزير بيتفك لحد ما خلصت الكتاب كله وماتبقاش غير الغلاف بعد كده مسكت الغلاف وغطت بيه وشى وقعدت تقول طلاسم واتفك اخر جنزير مكتفنى بعدها كل ******* لفوا ناحيتى وبصوا عليا وعملوا ممر يوصل للسرير اللى كنت نايم عليه بس الممر ده كان كله نار وكان فى صوت فى دماغى بيحركنى ماحستش غير بنفسى قايم من على الارض وبمشى على النار بس مش حاسس بأى الم لحد ما وصلت للسرير وكانت الست اختفت ..... طلعت على السرير ونمت عليه زى ما يكون كنت بره جسمى ودخلت تانى ..... فجأه ظهرت الست تانى بس فوق الجبل وماسكه فى ايدها عصايه كبيره فى اخرها جمجمة *** صغير وشاورت على السرير فجأه ظهرت طيور اشكال والوان بتطير فى السماء ..... فجأه السماء اتملت غيوم ومطرت مطر شديد جدا لدرجة ان المطر كان بينزل على جسمى يوجعنى بس الغريبه ان المطر مش بيأثر فى النار بالعكس ده كان عامل زى البنزين كل ما ينزل على النار تزيد بعد كده المطر وقف وحسيت نفسى عاوز اقوم وبالفعل قومت قعدت على السرير فجأه الست نزلت من فوق الجبل وبقت واقفه على طرف السرير و ظهر جمب الست مرايه ضخمه جدا محفور على بروازها طلاسم لما ركزت فى المرايه مشوفتش انعكاس ليا ولا للمكان اللى انا فيه ..... المرايه دى كان عامله زى شاشة تليفزيون اتعرض عليها تاريخ حياتى كله من يوم ما اتولدت بكل حاجه حصلتلى لحد ما سافرت القاهره وقابلتك يا عمى مرورا بالحادثه اللى حصلتلك وجوازى من مريم لحد اليوم اللى كنت خارج فيه من المعمل مع مريم واتضرب عليا نار وبعدها دخولى للعمليات .... شوفت كل حاجه حصلت وانا فى الغيبوبه بالتفصيل الممل لحد ما شوفت مريم بتتخطف فجأه كل حاجه اختفت ولقيت نفسى فى اوضتى اللى فى الجنينه نايم على سريرى فجأه انت دخلت عليا الاوضه وقتها عرفت ان كل اللى شوفته كان حقيقى مش مجرد حلم
عمى : حكايه غريبه فعلا وخصوصا ان الكاميرات وقفت والباب اتقفل ومحدش عرف يفتحه
دياب : شكلك يا سليم معاشر جن
انت : سيبكم من الكلام ده وخلينا فى المهم
عمى : عاوز ايه يا سليم
انا : انا هبدأ فى تنفيذ الخطه من بكره .... فى ظرف شهر لازم نضرب ضربتنا
عمى : مش شايف انك مستعجل شويه يا سليم
انا : بالعكس يا عمى ده انسب وقت علشان نضرب ضربتنا
دياب : ازاى بقى
انا : دلوقتى انا شغلت استر فى حوارات كتير هتاخد وقت علشان تعرف تستوعبها وكشفت كمان البديل بتاعها اللى هياخد وقت اكبر علشان يرتب اوراقه ويعرف يكتشف الثغره اللى عنده ..... يعنى بمعنى اصح الجماعه عاوزين وقت يعيدوا فيه حساباتهم خصوصا بعد ما شغلت استر بمعركه شخصيه بعيده عن الشغل ..... احنا بقى هننزل عليهم بشوية ضربات تشل تفكيرهم لحد ما يجى وقت الضربه القاضيه اللى هتدمر فى طريقها حاجات كتير ومن بعد الضربه دى العالم كله هياخد وقت طويل علشان يعرف يرجع زى الاول
دياب : بس فى ناس كتير هتدمر من غير اى ذنب
انا : بص يا دياب مفيش حد هيخسر اى حاجه الا اذا كان يستاهل وبعدين اى حرب لازم يبقالها ضحايا وعلشان تقدر تحقق هدفك لازم تضحى
كريم : بس الحرب دى اكيد هتأثر علينا
انا : انا دارس الحرب دى كويس جدا وبقولك ان نسبة خسارتنا فيها صفى فى الميه
كريم : على العموم انا ورجالتى جاهزين لكل الاحتمالات
انا : وانا كمان جاهز ورجالتى جاهزين
عمى : اموت واعرف مين رجالتك دول وعملتهم امتى وازاى
انا : زى ما انت قدرت تعمل رجالتك انا كمان عملت رجالتى
عمى : رجالتى عملتهم فى 30 سنه لكن انت ازاى فى سنه واحده قدرت تعمل كل ده
انا : علشان ببساطه انا بدأت من مكان ما حضرتك وقفت
عمى : حتى لو كده انت ازاى قدرت توصل لكل ده
انا : الحكايه محتاجه تفتيح دماغ واكون محدد هدفى كويس وعارف هبدأ من فين ساعتها كل حاجه هتمشى زى ما متخططلها بالظبط
عمى : انا متطمن جدا لكل اللى بتعمله يا سليم عارف ليه
انا : ليه يا عمى
عمى : علشان اللى بيساعدك قوه اكبر بكتر من قوى البشر واللى حصل معاك فى الغيبوبه بيأكدلى ده
انا : يبقى لازم نبدأ فورا بس اهم حاجه لازم تحصل الاول هى مشاكل دياب مع عيلة صقر .... الفتره اللى جايه احنا داخلين حرب كبيره هيحاولوا يشغلونا عنها بمشاكل شخصيه هتعطلنا واحنا فى غنى عنها
دياب : انا قولت قبل كده مش عاوز اى كلام فى الموضوع ده
انا : يا دياب انت انتقمت من عيال العاصى واخدت حقك منهم والعاصى نفسه انت دفنته وسط الكللابب والخنازير اما بالنسبه لسعد صقر ده مايهمنيش اعمل فيه اللى انت عاوزه
دياب : امال انت عاوز ايه
انا : ابعد عن امل صقر وعيالها ..... احمد صقر ماعملش اى حاجه تستاهل انك توقفله بالشكل ده .... احمد صقر تايه ومحتار وخايف ..... خايف على عيلته من الوحش اللى راجع ينهشهم علشان كده ابعد عنهم
دياب : انا فعلا بعدت عن احمد صقر واخواته وبالنسبه لأمل صقر انا اخدت حقى منها فى اخوها
انا : يبقى خلاص كفايه كده ..... الفتره اللى جايه مش عاوزين اى مشاكل جانبيه ممكن تشتتنا عن معركتنا الكبيره
دياب : حاضر يا سليم
انا : دلوقتى بقى كل واحد فيكم يفتح دماغه معايا علشان نرتب كل حاجه بس اهم حاجه حد يكلم ابراهيم علشان يحضر الاجتماع
كريم : انا هكلم ابراهيم دلوقتى
انا : بسرعه يا كريم
• بعد ساعه وصل ابراهيم
ابراهيم : البقاء *** يا سليم
انا : انا مش هاخد العزاء فى ابنى غير لما اخد بتاره يا ابراهيم
عمى : خلينا فى المهم دلوقتى
انا : اول حاجه هتحصل دلوقتى هى ضرب كل البنوك اللى فى القايمه اللى مع حضراتكم ودى مهمتك يا ابراهيم
ابراهيم : قولى اعمل ايه بالظبط
انا : اول حاجه تضرب كل المواقع الاليكترونيه بتاعتهم وفى نفس الوقت تبعت رسايل للعملاء ان فى اختراق حصل لحساباتهم
ابراهيم : العملاء لو راجعوا حساباتهم مش هيلاقوا اى اختراق حصل
انا : انت هتخترق حساباتهم وتعمل تحويلات مابين الحسابات دى
ابراهيم : الكلام ده صعب جدا لان البنوك دى متأمنه جدا ومش بسهوله نقدر نعمل كده
انا : ماتخافش مفيش حاجه صعبه انا عندى ناس فى البنوك دى هتساعدك فى مهمتك
ابراهيم : اذا كان كده ماشى
انا : بعدها العملاء هيطلعوا بسرعه على البنوك علشان يسحبوا فلوسهم وقتها البنوك دى مش هتقدر توفى بالتزاماتها وهتنهار وتفلس وده هيأثر على كل الشركات والمصانع اللى بتتعامل مع البنوك دى او حتى بتدعمها
ابراهيم : بس بالطريقه دى العالم كله هيوقع وهندمر البشريه
انا : متخافش يا ابراهيم المجموعه بتاعتنا فيها اهم رجال اقتصاد فى العالم كله والناس دى ولائهم للعرب مش للصهاينه ووقتها الناس هى اللى هترجع تبنى الاقتصاد من اول وجديد واحنا عندنا احتياطى دهب وبترول يقدر ينعش الاقتصاد من اول وجديد وبعدين احنا مش هنضرب العالم كله لا احنا هنضرب جزء صغير جدا علشان نعطل بيه الصهاينه عن خططهم
ابراهيم : بس الصهاينه عندهم احتياطى كبير جدا من الدهب يغنيهم عن الحرب دى
انا : عارف الكلام ده كويس جدا ..... ماتفتكرش ان الحرب دى هتدمر الصهاينه نهائى لا دى يا دوب هتعدل كفة الميزان علشان نعرف نحارب كويس
عمى : اسمع كلام سليم يا ابراهيم من غير نقاش ..... الخطه اللى سليم حطها خطه مدروسه ومفيش فيها اى مجازفه
ابراهيم : حاضر يا دكتور انا هبدأ فى التنفيذ من بكره
انا : على البركه ..... وانا هعمل اتصالاتى علشان الناس تساعدك
ابراهيم : حاضر يا سليم
• من ناحيه تانيه فى اسوان فى البيت اللى فى المصلحه بتاعة احمد صقر اللى المفروض يسلمها لأبنه ...... احمد صقر قاعد مع شيخ ومعاه عمال
الشيخ : احنا كده خلصنا كل التجهيز اللازم وهنبدأ فورا
احمد : بس انا قولتلك 100 مره ان الكنز مرصود ومش بسهوله هتقدر تفك الرصد
الشيخ : يا فنم انت مجربنى قبل كده كتير ومفيش رصد يقدر يوقف قصادى
احمد : اللى فات كله كوم والبيت ده كوم تانى لوحده
الشيخ : عارف يا فندم بس الكنز ده فيه مفتاح القوه اللى هيخيليك تحكم العالم ومفيش قوه مهما كانت هتوقف قصادك ..... المفتاح ده هيخلى كل الانس خاضعين لأمرك
احمد : وانت هتستفاد ايه من كل ده
الشيخ : اللى بتحمى الكنز ده ملكه من اقوى ملوك الجن ولو انا سيطرت عليها ساعتها كل الجن هيبقى خاضع لأمرى بمعنى اصح انت هتتحكم فى البشر وانا هتحكم فى الجن ..... هكون ملك على الجن
احمد : اللى انت ناوى عليه ده خطر كبير ولو فشلنا فيه هنتدمر كلنا
الشيخ : متخافش انا عارف كويس بعمل ايه
احمد.: خلينى وراك لما اشوف اخرتها معاك
الشيخ : هتشوف كل خير
احمد : هنعمل ايه دلوقتى
الشيخ : هنعمل جلسة تحضير
احمد : يلا شوف هتبدأ ازاى
جلسة التحضير :
جاب الشيخ طرابيزه بيضاوية الشكل ....ووقف مرايه بالعرض فى نصها وثبتها على حامل خشبى وجاب 3 شمعات كبار وجاب طبق وحط فيه عيش متقطع قطع صغيره ورسم على المرايه بماركر احمر مجموعة حروف وارقام واشكال هندسيه متنوعه وقال لأحمد صقر خلى حد يطفى النور وقام واحد من العمال طفى النور وبدأت الجلسه بعد ما طفى النور ولع الشمع الموجود على الطرابيزه وقال لأحمد هات ايدك ومسكها وطلب ان الكل يغمض عينه وكلهم نفذوا وقال : ايتها الارواح الحاضره جئنا واحضرنا معنا قرابين الحياه والموت .... تواصلى معنا ايتها الارواح الحاضره وتنقلى بيننا ..... انها عائنه .... انها ذات المحاسن ..... انه ابليس ..... انه دنهش ..... ايتها الاسماء نقسم عليكم داعين ..... ايوج محراث مهراج .... ندعوكم راجين نقسم عليكم داعين ..... ايتها الارواح الحاضره جئنا واحضرنا معنا القرابين ..... الحياه والموت .... تواصلى معنا ايتها الارواح وتنقلى بيننا ..... اسماء العائنه وذات المحاسن وابليس ودنهش ..... نقسم عليكم داعين ايوج محراث مهراج ندعوكم راجين دنهش ابليس بحق شماخ اشمخ .... اقسمنا عليكم داعين اتون مسرعين مسرعين مسرعين مسرعين مسرعين مسرعين
صمت رهيب فى المكان وظهر كائنات هلاميه لونها اصفر بتلف حوالين المكان ..... مزيج من اجسام مختلطه متعرفش دى اجسام ايه جن ولا بنى ادمين ولا شياطين .... حاجات مختلطه عمله تلف فجأه ظهر صوت الم من العمال ..... احمد صقر بص على العمال وهو مش فاهم حاجه فجأه نار الشمع زاد بطريقه فظيعه مستحيل يكون خارج من شمع ...... اتحد نار الشمع مع بعضه وكون شكل واحده بس ملامحها مش واضحه اكيد دى الرصد اللى على المكان .....احمد صفر خايف ومش عارف يعمل ايه بص للشيخ وسأله
احمد : ايه اللى انت بتهببه ده
الشيخ : اسكت وماتتكلمش انا عارف بعمل ايه كويس
• فجأه ظهرت ملامح الجنيه وطلعت جليله
جليله : ايه اللى انت بتعمله ده يا احمد ..... هى دى الامانه اللى اتفقنا عليها
الشيخ : كلامك معايا انا
• ضحكت جليله بصوت مرعب وفجأه العمل كلهم وقعوا على الارض من الرعب
جليله : كلامى معاك انت ..... ليه انت فاكر نفسك مين .... انت حشره اسحقها بنظره من عينى
الشيخ : اقسمت عليكى بملوك الابواب السبعه ان تخضعى
جليله : انت فاهم اصلا بتقول ايه ..... انا ملكة الابواب السبعه ..... ايه يا احمد هو ده العهد اللى بينا
احمد : ......
الشيخ : ماتسمعلهاش يا احمد ..... ركز معايا انا
جليله : طول السنين اللى فاتت بحميك وواقفه فى ضهرك علشان العهد لكن للأسف يا احمد انت خونت العهد وانا مش برحم اللى يخون ..... الايام اللى جايه هتشوف الجحيم على الارض
احمد : وانتى عملتيلى ايه لما دياب حاول يدمرنى ويدمر عيلتى
جليله : لولايا كان دياب دمرك من زمان لكن انا اللى بوقفله وبمنعه عنك مع ان انت اللى بدأت بالخيانه لما ضربته فى المناقصه
الشيخ : ماتسمعلهاش يا احمد
جليله : اخرس انت خالص مش عاوزه اسمع صوتك
• فجأه الشيخ خرج من جيبه بخور ورماه فى النار اللى طلع منها شرار فظيع ...... ضحكت جليله ضحكه تانى مرعبه
جليله : غضبى سوف يطول الجميع ..... غضبى سوف يطول الجميع ..... غضبى سوف يطول الجميع
• فجأه اتحولت جليله لطائر ضخم وطارت من البيت ..... وقامت حريقه فى البيت
• نرجع عندى انا كنت قاعد مع دياب فى جنينة الفيلا بندردش مع بعض
انا : خايف يا دياب من اللى هنعمله
دياب : انا نسيت الخوف من زمان يا سليم
انا : امال بتفكر فى ايه
دياب : بحط نفسى مكان استر ...... عاوز اعرف هى هتعمل ايه الفتره اللى جايه
انا : انا عارف هى هتعمل ايه ومرتب لكل حاجه
دياب : ده اللى انا مش فاهمه ..... انت ازاى قادر تعمل كل ده فى الوقت البسيط ده
انا : دى تساهيل ***
• فجأه تليفون دياب رن ورد عليه
دياب : ايوا با بنى ..... انت بتقول ايه ..... ازاى ده حصل ...... طب ادخلوا بسرعه وحاولوا تنقذوه ..... مفيش حاجه اسمها صعب ..... ادخلوا بسرعه ..... وانا جاى حالا
• قفل دياب السكه
انا : ايه اللى حصل يا دياب
دياب : احمد صقر كان فى البيت المهجور اللى فى اسوان ومعاه ناس والظاهر كانوا بينقبوا على اثار فجأه قامت النار فى البيت واحمد جواه
انا : طب يلا بينا بسرعه لازم نتحرك على اسوان دلوقتى
دياب : مش لازم نبلغ اهله فى الاول
انا : نبلغهم فى الطريق
دياب : طب يلا بينا بسرعه
• اتحركت مع دياب للمطار واحنا فى الطريق عرفنا ان رجالة دياب انقذوا احمد صقر من الحريقه وطلعوا بيه على المستشفى
• وصلت انا ودياب اسوان وطلعنا على المستشفى على طول وقابلنا الدكتور
انا : طمنا يا دكتور على احمد
الدكتور : مش عارف اقولكم ايه
انا : اتكلم يا دكتور ارجوك
الدكتور : احمد جالنا فى حاله صعبه جدا وفى حاجه ضخمه وقعت على رجله دمرتها
دياب : يعنى ايه
الدكتور : مفيش حل غير اننا نعمل بتر لرجله
دياب : مفيش اى حل تانى يا دكتور
الدكتور : للأسف مفيش ولازم موافقة حد من اهله
• فجأه وصل عمر صقر ومعاه امل صقر
امل : عملت ايه فى ابنى يا دياب
دياب : انا معملتش حاجه
عمر : طمنى يا دكتور على ابنى
• شرح الدكتور حالة احمد ..... امل انهارت وقعدت تصوت ..... عمر سكتها
عمر : مفيش حل تانى يا دكتور غير البتر ..... احنا ممكن نسفره بره مصر او ممكن نجيب احسن دكاتره فى العالم
دياب : ايوا يا دكتور احنا ممكن نسفره دلوقتى
الدكتور : القرار قراركم انا قولت اللى عندى
دياب : انا هجهز طياره فى ظرف ساعه هتكون موجوده على ما نخلص الاجراءات
الدكتور : زى ما تحبوا ..... انا هجهز عربية اسعاف تنقله للمطار على ما تخلصوا كل حاجه
• جهزنا طياره خاصه اخدت احمد صقر ومعاه ابوه وامه وسافرت بيه على لندن
• فاتن وسليم عرفوا اللى حصل وسافروا هما كمان على لندن ومعاهم امانى
• الدكاتره فى لندن قالوا نفس الكلام واضطروا يقطعوا رجل احمد صقر ..... احمد صقر كان رافض الكلام نهائى ومحدش عارف اللى حصله ده حصل ازاى وكلهم بيتهموا دياب ان هو وراء اللى حصل لحد ما احمد نطق وحكى كل اللى حصل فى البيت وعرفوا ان اللى انقذ احمد هو دياب
• فجأه انتشر خبر اللى حصل فى الصحافه والإعلام والحكومه بدأت تحقق فى القضيه بعد ما ظهر ورق بيثبت ان احمد صقر طول السنين اللى فاتت بيتاجر فى الاثار
• نرجع عندى انا كنت قاعد مع دياب فى الشركه بعد اسبوع من اللى حصل
انا : ايه اخبار احمد يا دياب
دياب : احمد خلاص الدنيا بتديله ضهرها
انا : انا سمعت ان الحكومه ناويه تفرض الحراسه على كل املاك احمد صقر فى مصر
دياب : دى فرضت الحراسه على املاك عيلة صقر كلها لانهم متورطين معاه فى تجارة الاثار ...... ولولا اللى حصل لأحمد كان اتقبض عليه
انا : وبعدين ايه اللى هيحصل
دياب : عرفت ان الحكومه ناويه تبيع كل حاجه فى مزاد
انا : كده ولا كده احمد صقر مأمن نفسه ومحول معظم فلوسه بره مصر
دياب : للأسف احمد صقر كان بيضارب بمبالغ كبيره جدا فى البورصه وكل الاسهم اللى كان بيراهن عليها وقعت بطريه غريبه ومفاجأه وتقريبا خسر معظم فلوسه والباقى يا دوب هيسدد بيه ديونه اللى اتورط فيها
انا : يعنى احمد صقر هيشهر افلاسه
دياب : مش احمد صقر بس ..... لا ده فى مجموعه كبيره من رجال الاعمال هيشهروا افلاسهم بعد ثبوت مشاركتهم لأحمد صقر
انا : دى مصيبه
دياب : دى كارثه بكل المقاييس
انا : هنعمل ايه دلوقتى
دياب : مفيش فى ايدينا اى حاجه ممكن نعملها
انا : احمد هيرجع امتى من لندن
دياب : المفروض بعد يومين
انا : والمزاد هيتعمل امتى
دياب : لسه مش عارف
انا : صعبه اوى الدنيا لما تديك ضهرها ..... علشان كده يا دياب عاوزك تتعظ وتنسى الانتقام اللى بتفكر فيه
دياب : انتقم من مين بقى .... عيلة صقر خلاص اتدمرت ومش من الرجوله انى انتقم من حد ضعيف
انا : عين العقل يا دياب ..... خلينا فى شغلنا
دياب : الشغل ماشى زى الساعه متخافش ..... وبالنسبه للشغل التانى ابراهيم بدأ من يومين واستر وجماعتها دلوقتى بيواجهوا اكبر مصيبه فى حياتهم
انا : اهم حاجه عندى دلوقتى مخازن الطوارئ بتاعتنا
دياب : متخافش يا سليم المخازن بتاعتنا مليانه لأخرها
انا : حلو جدا ...... الايام اللى جايه احنا هنشوف سواد ولازم مصانعنا يبقى عندها الاحتياطى بتاعها
دياب : احنا عندنا احتياطى يقضينا سنتين كاملين
انا : عظيم جدا
دياب : احنا ضربنا الضربه الاولى ...... نقعد بقى ونتفرج على استر ونشوف هتعمل ايه
انا : العصا السابقه من الجنه يا دياب
دياب : عندك حق
• من ناحيه تانيه عند استر قاعده مع البيرت وداوود
استر : هنتصرف ازاى دلوقتى
داوود : هنتصرف فى ايه ولا ايه بالظبط ..... المصايب بتواجهنا من كل ناحيه
استر : كل المصايب دى وراها شخص واحد وهو سليم الجراح
داوود : سليم الكبير ولا الصغير
داوود : ده مش اسلوب الدكتور سليم ..... الدكتور سليم طول عمره بيدافع عمره ما كان بيهاجم ..... حتى لما كان بيهاجم مكانش بيهاجم بالشراسه دى
البيرت : عندك حق يا مستر داوود ..... احنا اشتغلنا كتير مع الدكتور سليم وده فعلا مش اسلوبه
استر : طب هنتصرف ازاى دلوقتى ومحدش يقولى نقتله لان احنا حاولنا كتير نخلص منه ومن غير فايده ودلوقتى سليم تحت ايده ورق ومصايب كتير علينا كلنا
داوود : موضوع القتل ده مستبعد نهائى خصوصا دلوقتى
البيرت : احنا ماصدقنا نخلص من جون مكافى يقوم يطلعلنا الالعن منه
داوود : محدش كان يتوقع ان جون وصل الورق لسليم
استر : انا حذرت قبل كده 1000 مره من موضوع قتل جون لكن محدش سمع كلامى ..... قولتلكم لازم نسوى خلافاتنا مع جون لكن انتوا اللى قتلتوه من غير ما تسمعوا كلامى
داوود : خلينا نتعامل مع الواقع اللى قصادنا وبلاش نفتح فى الماضى
استر : انا شايفه ان احنا لازم نخل مشاكلنا فى البنوك والبورصه الاول قبل اى حاجه تانيه
داوود : فى ناس تانيه مهمتها البنوك والبورصه وهما بالفعل شغالين على الموضوع ده
البيرت : اهم حاجه لازم نعرفها دلوقتى مين الهاكر اللى عمل المصايب دى وازاى يقدر يخترق كل البنوك دى فى وقت واحد ..... اكيد فى حد بيساعده من موظفين البنوك
داوود : الهجمات حصلت من اكتر من دوله
استر : من فين بالظبط
داوود : اللى قدرنا نعرفهم ايطاليا والمغرب
استر : يبقى اللى عمل كده موجود فى اسبانيا ..... كل المصايب اللى بتحصل جايه من اسبانيا
داوود : قصدك علشان دياب اختفى فى اسبانيا قبل كده
استر : وكمان الدكتور سليم نفسه سافر اسبانيا كتير الفتره اللى فاتت
داوود : طب المشكله هنا هما بيتعاملوا مع مين فى اسبانيا
استر : مفيش غير ابراهيم صاحب احمد صقر
داوود : وقت الاختراق ابراهيم كان هنا فى مصر بيحضر فرح اخته واحنا متاكدين من الكلام ده
استر : اكيد فى حد تانى بيشتغل مع ابراهيم
• فجأه تليفون البيرت رن ورد عليه
البيرت : ايوا يا سيرينا ..... انتى بتقولى ايه ..... ده حصل امتى وازاى ..... طب اقفلى دلوقتى
• بعد ما البيرت قفل السكه
داوود : ايه المصيبه الجديده يا البيرت
البيرت : حصلت حرايق كبيره فى معظم مصانعنا ونسبة الخساير فيها تعدت 70% ده غير ان فى 20 سفينة شحن انفجرت فى المحيط و10 سفن تمت سرقتها النهارده الصبح ..... خساير السفن لوحدها تخطت ال 50 مليار دولار ده غير خساير المصانع ..... والكارثه الاكبر من كده ان كل المصانع والسفن دى بالذات عقود التأمين بتاعتها منتهيه من اسبوع
استر : سليم عرف يضرب فى مقتل
البيرت : ده غير الشروط الجزائيه اللى هتوقع علينا بسبب التأخير على العملاء كل ده مع خسارتنا فى البورصه
استر : احنا كده بننتهى
البيرت : احنا انتهينا خلاص مش لسه بننتهى ..... خسايرنا تعدت التليريون دولار
داوود : احنا لازم نتصرف مع سليم الجراح بسرعه
البيرت : حتى لو سليم وقف اللى بيعمله خسارتنا مستحيل تعويضها
داوود : مفيش حاجه اسمها مستحيل يا البيرت
البيرت : هنعمل ايه دلوقتى
داوود : احنا هنبعت كل المعلومات اللى عندنا ونشوف الاوامر الجديده
• بعد مرور شهر ...... خساير استر وجماعتها هزت العالم كله ..... اكتر من 50 بنك عالمى اشهر افلاسه ..... مصانع كتير قفلت ..... احمد صقر رجع مصر بعد ما خسر كل شئ بيملكه والحكومه قررت تبيع كل املاكه فى مزاد
• نرجع عندى انا صحيت من نومى الصبح بدرى لقيت مريم صاحيه جمبى
انا : صباح الخير يا حبيبتى
مريم : صباح النور يا حبيبى
انا : ايه اللى مصحيكى بدرى كده
مريم : مش عارفه .... قلقت مع الفجر ومعرفتش انام تانى
انا : ليه كده
مريم : من يوم اللى حصل وانا مش عارفه انام زى الاول دايما قلقانه عليك وخايفه من اللى انت بتعمله
انا : متخافيش عليا يا حبيبتى وبعدين خلاص كلها كام يوم واخلص كل حاجه واخدك ونسافر نعمل شهر عسل جديد ..... انتى ناسيه ان الشهر اللى جاى عيد جوازنا
مريم : ازاى انسى حاجه زى دى
انا : اتطمنى يا حبيبتى مش هيحصلك اى حاجه طول ما انا معاكى
مريم : انا مش خايفه على نفسى انا خايفه عليك انت
انا : متخافيش عليا يا حبيبتى ...... جوزك يخوف مايتخافش عليه
مريم : طب يلا قوم خد الشاور بتاعك على ما اجهزلك الفطار انت اتاخرت على شغلك
انا : لا النهارده مش رايح الشركه
مريم : اشمعنا
انا : يا دوب هقابل دياب هنا فى الفيلا اخلص معاه كام حاجه وبعد كده انا بتاعك يا باشا اليوم بطوله نخرج نتفسح ونتغدى بره وندخل سينما
مريم : ايه كل ده
انا : حاسس انك وحشتينى ومحتاج اقضى شوية وقت معاكى
مريم : ايوا كل بعقلى حلاوه
انا : هو فى ملبن يتاكل بعقله حلاوه ..... ده انت الحلاوه كلها يا قمر
مريم : اه وماله
انا : هى الساعه كام دلوقتى
مريم : الساعه 6 ليه بتسأل
انا : حلو لسه بدرى على معاد دياب ..... تعالى كده علشان عاوز اقولك على سر خطير جدا
مريم : سر ايه
انا : تعالى بس قربى
• اول ما مريم قربت منى واخدتها فى حضنى وبوستها
مريم : اتلم احنا لسه الصبح
انا : صبح ولا ليل ايه يفرق معانا
مريم : طب استنى اقوم اجهز
انا : انتى كده زى القمر
• اخدت مريم فى حضنى ونمت معاها وبعد ما خلصنا اخدتها فى حضنى تانى
مريم : خدنى فى حضنك اكتر يا سليم
انا : مالك يا حبيبتى
مريم : انا كويسه وزى الفل بس محتاجه حضنك
• اخدت مريم فى حضنى لحد ما راحت فى النوم غطيتها ودخلت الحمام اخدت شاور وغيرت هدومى ونزلت لقيت لمياء وشرين قاعدين مع بعض واول ما شافونى ضحكوا
انا : مالك يا جزمه انتى وهى بتضحكوا ليه على الصبح
لمياء : لا مفيش حاجه بنضحك عادى عندك مانع
انا : لا معنديش مانع
شرين : امال مريم فين
انا : نايمه فوق
لمياء : هههههههه واضح انها كانت سهرانه
انا : مالك يابنت انتى فى ايه
شرين : ياعم متاخدش فى بالك احنا بنهزر معاك
انا : مش عارف ليه مش مرتاحلكم
لمياء : سيبك مننا احنا روح لبابا المكتب مستنيك بقاله ساعه واحنا مش عارفين نقولك
انا : هى الحكايه كده بقى ...... يعنى انتوا طلعتوا الاوضه من شويه
شرين : بصراحه اه بابا طلب منى اصحيك وطلعت ولسه هخبط عليك سمعتك ونزلت على طول قولت لبابا انك شويه وهتنزل
انا : ماشى يا جزمه ..... وعمى ايه اللى مصحيه بدرى كده
شرين : مش عارفه بس معاه دياب وكريم جوه
انا : كب انا رايحله
شرين : طب انا عاوزاك تكلمه فى موضوع جوازى انا وطارق
انا : عاوزه تتجوزى يا جزمه
شرين : ايوا عاوزه اتجوز ولا عاوزنى انحرف قولى لو يرضيك انحرف
انا : اعمليها علشان اضربك بالنار
شرين : اهون عليك يا سلومى
انا : علشان كلمة سلومى دى تهونى واكتر ..... يابت انا 100 مره قولتلك بلاش الدلع ده بحس نفسى حجر شيشه
شرين : ههههههههه
• فجأه واحنا بنتكلم نزلت مريم
مريم : صباح الخير يا بنات
شرين : صباحيه مباركه يا عروسه
انا : اتلمى يا جزمه
شرين : ههههههه حاضر
انا : انا داخل لعمى اشوفه عاوز ايه
شرين : طب ماتنساش الموضوع اللى قولتلك عليه
انا : حاضر يا جزمه
• قومت دخلت لعمى وكان معاه دياب وكريم
انا : صباح الخير يا جماعه
عمى : ايه يا سليم كل ده بتاخد الشاور بتاعك
انا : معلش يا عمى وبعدين ايه اللى مصحيك بدرى كده الساعه دلوقتى 8
عمى : احنا فى عرض دقيقه يا سليم
انا : خلاص يا عمى النهارده معاد الضربه القاضيه زى ما وعدت استر بالظبط
عمى : هتعمل ايه بالظبط
انا : بعد ساعه واحده بالظبط العالم كله هيتقلب على استر وجماعتها بعد الورق والوثائق اللى هتنتشر
عمى : **** يستر يا سليم من اللى هيحصل
انا : استر مش هيبقى قصادها غير حاجه من اتنين يا اما السجن او تعيش هربانه اللى باقى من حياتها
عمى : على البركه
• بعد ساعه كان العالم كله بيتكلم عن الوثائق المسربه وان استر بتدير اكبر شبكة جاسوسيه على مستوى العالم
• من ناحيه تانيه عند استر وداوود والبيرت فى الفيلا
داوود : احنا لازم نتحرك دلوقتى حالا ..... كلها شوية وقت وتلاقى الشرطه فوق دماغنا
استر : فى خلال عشر دقايق هنسيب المكان وفى طياره هتاخدنا على تل ابيب
البيرت : انا خايف مانلحقش ويمسكونا فى المطار
استر : اهم حاجه دلوقتى نعدم كل الورق والهاردات قبل ما نمشى
البيرت : الرجاله شغالين
• فجأه الشرطه اقتحمت المكان وحصل تبادل اطلاق النار وماتت معظم الحراسه اللى فى الفيلا والباقى سلم نفسه ..... دخل المكتب على استر ظابط مخابرات ومعاه مجموعة ظباط علشان يقبضوا على استر واللى معاها
الظابط : ازيك يا استر
استر : مايكل
الظابط : هههههههه انتى صدقتى ..... انا العقيد فؤاد الضبع يا استر
البيرت : ازاى ده
فؤاد : ازاى دى هتعرفوها فى جهاز المخابرات المصريه يا البيرت ..... يلا سلموا نفسكم
• فجأه استر مسكت مسدسها اللى كان على الطرابيزه وضربت طلقه فى دماغها وقعت ميته ...... والشرطه قبضت على البيرت وداوود وبعتوا استر على المستشفى ميته
• نرجع عندى انا بعد ما خلصت خروجتى مع مريم رجعت الفيلا وكان عمى قاعد فى الريسبشن مع شرين ولمياء ويوسف ودياب وشكلهم مبسوط ..... اول ما وصلت كلهم سكتوا وقام عمى
عمى : الباقيه فى حياتك يا سليم
انا : حياتك الباقيه يا عمى
• واخدنى عمى فى حضنه وقعدت اعيط على ابنى
عمى : خلاص يا سليم كفايه عياط يا ابنى
انا : بقالى شهر كامل حابس دموعى ومش قادر اخرجها
عمى : خلاص يا ابنى مفيش عياط تانى بعد النهارده
انا : دلوقتى بس اقدر اخد العزاء فى ابنى والحاج عزت كمان ياخد عزاء ابنه
عمى : عندك حق
انا : احنا كلنا لازم نسافر البلد بكره
• تانى يوم سافرنا كلنا البلد وطلعنا على طول على بيت الحاج عزت اللى اول ما فتح وشافنا اتصدم ودخلنا كلنا الببت وكانت الحاجه فاطمه قاعده ومعاهم الحاج كامل وبنته امنيه
عزت : حمد **** على السلامه ايه المفاجأه الحلوه دى
انا : الباقيه فى حياتك يا عمى
• الحاج عزت اول ما سمع الكلمه اتخض والحاجه فاطمه زغرطت .... عملنا العزاء بتاع ابتى واسامه مع بعض بعدها رجعت بيتى القديم فى البلد ومعايا عمى وبنات عمى
عمى : ياه البيت ده وحشنى اووووى بقالى سنين بعيد عنه
انا : ده اكتر مكان برتاح فيه يا عمى
عمى : البيت ده كان ليا فيه ذكريات كتير مع ابوك وجدك
انا : **** يرحمهم ..... ابويا عاش سنين نفسه يشوفك
عمى : ماكنتش اقدر ارجع البلد يا سليم
انا : اهو اللى حصل بقى ..... بس انا ليا طلب عندك يا عمى
عمى : عاوز ايه يا سليم
انا : عاوز ارجع اعيش هنا فى البلد ..... انا خلاص عملت اللى عليا
عمى : انسى يا سليم انت مكانك مش هنا ..... انت مكانك هناك فى الشركه
انا : انا خلاص خلصت كل المطلوب منى
عمى : انت من بكره هترجع تانى رئيس مجلس ادارة شركات الجراح وانا ارتاح بقى ...... عاوز اعيش الباقى من حياتى وسط بناتى
انا : يا عمى اسمعنى
عمى : مش هسمعك خلاص ده قرار نهائى ..... انا ممكن اسمحلك بأجازه مفتوحه تاخد مراتك تفسحها وبعد كده ترجع تانى لشغلك
انا : حاضر يا عمى هسمع كلامك بس فى موضوع تانى عاوز افاتحك فيه
عمى : خير يا سليم
انا : كل خير يا عمى ..... طارق خطيب شرين بقاله مده بيفاتحنى عاوز يتجوز شرين بس الفتره اللى فاتت مكانتش الظروف تسمح علشان كده عاوزك توافق دلوقتى
عمى : وانا مش هكسر كلامك يا سليم اول ما نرجع القاهره هقابل طارق واحدد معاه معاد الفرح ..... مبسوطه يا شرين
شرين : .........
عمى : دلوقتى عامله فيها مكسوفه يا جزمه
شرين : ماتكسفنيش يا بابا
• اخدنا قعدتنا فى البلد ورجعنا القاهره تانى وحددنا معاد الفرح بعد اسبوعين
• من ناحيه تانيه فى فيلا احمد صقر ..... كلهم قاعدين مع بعض
عمر : كفاياك يا ابنى اخرج من اللى انت فيه ده
احمد : خلاص يا ابويا كل اللى عملته طول تلسنين اللى فاتت راح بس انا مش زعلان على اللى راح ..... انا زعلان على العيله اللى هتتشرد ..... وياترى هنعيش ازاى بعد كده ..... احنا كلها كام يوم وهنسيب الفيلا دى
عمر : عادى هنرجع بيتنا القديم اللى فى البلد
احمد : واولادى ومدارسهم والعيشه اللى اتعودوا عليها
عمر : بكره يتعودوا على الحياه الجديده
احمد : محمد لسه مجاش
عمر : لسه فى المزاد
احمد : سليم فين
عمر : معرفش خرج الصبح وكان مستعجل وبرن عليه قافل تليفونه
احمد : هيكون راح فين
امل : انا سمعته بيكلم دياب الزفت امبارح وبيقوله انا هيقابله الصبح بدرى
احمد : لسه يا امى شايله من دياب بعد كل اللى عمله معايا .... يا امى انا لولا دياب كن زمانى ميت
عمر : امك هيفضل قلبها اسود من ناحية دياب وعمرها ما هتصفى
امل : اصفى ازاى وهو واخد اخويا وحالف مش هيسيبه غير وهو ميت
عمر : اخوكى يستاهل كل اللى يجراله
احمد : انا مش عاوز اسمع كلام تانى فى الموضوع ده كفايه حرام عليكم
ريهام : خلاص يا امى كفايه ضيعتينا بكرهك وسواد قلبك ..... خلتينى اعيش مع جوزى اللى بحبه فى خوف وقلق ..... خايفه على جوزى منك وخايفه عليكى من جوزى انتى ايه ما بتحسيش خلاص الكره عمى قلبك وعنيكى
احمد : خلاص كفايه احنا خسرنا كل حاجه قوموا يلا جهزوا شنطكم علشان نسيب الفيلا دى ونرجع البلد
• فجأه دخل دياب ومحمد وسليم
دياب : ملهاش لازمه يا احمد الشنط دى
عمر : ازيك يا دياب يابنى اتفضل
دياب : يزيد فضلك يا عمى ..... شنط ايه اللى عاوزين تجهزوها
عمر : كل حاجه اتباعت فى المزاد ولازم نسيب الفيلا ونرجع بيتنا القديم
دياب : مفيش داعى يا عمى انتوا مش هتخرجوا من بيتكم
احمد : ازاى يا دياب وكل حاجه اتباعت فى المزاد
دياب : انا اشتريت كل حاجه من المزاد وكتبت كل اللى اشتريته بأسم سليم وريهام يعنى كل حاجه رجعتلكم تانى **** تعرفوا تحافظوا عليها وماتضيعوهاش زى ما حصل
ريهام : انت بتتكلم بجد يا دياب
دياب : ايوا يا ريهام بتكلم بجد ..... وبالنسبه ليكى لو عاوزه تطلقى انتى حره ولو عاوزه تكملى معايا بيتك مفتوحلك فى اى وقت
عمر : طلاق ايه يا دياب يابنى اللى بتقوله مفيش طلاق ولا حاجه
دياب : اسمعها منها الاول
ريهام : انا راجعه بيتى يا دياب
دياب : وبيتك مفتوحلك دايما
امل : واخويا يا دياب اللى عاوز تقتله
دياب : خلاص انا اخدت حقى من اخوكى وبكره هسلمه للشرطه علشان يقضى عقوبته وبعدها انتوا احرار مع بعضكم
• سابهم دياب ومشى بعدها ريهام رجعت البيت عند دياب
• طلع دياب على الفيلا الموجود فيها سعد صقر
دياب : ازيك يا سعد
سعد : عاوز منى ايه تانى
دياب : خلاص مش عاوز منك اى حاجه تانى ..... حق ابويا وامى خلاص اخدته
سعد : طالما اخدت حقك سيبنى بقى
دياب : هسيبك يا سعد بس بعد ما الحكومه تاخد حقها منك
سعد : قصدك ايه
دياب : هتعرف دلوقتى ..... يا فراد باشا اتفضل
• دخل العقيد فؤاد الضبع
دياب : دلوقتى تقدر تقبض على سعد وتسلمه للشرطه براحتك
فؤاد : شكرا يا دياب على انك وافقت تسلمه
• بعد اسبوعين يوم فرح شرين الصبح ..... صحيت الصبح بدرى ومريم كانت صاحيه
انا : صباح الورد على القمر
مريم : صباح الورد عليك يا قلبى
انا : صحيتى امتى
مريم : من عشر دقايق كده
انا : طب يلا بينا نجهز وننزل علشان اليوم النهارده طويل
مريم : حاضر يا حبيبى
• مريم لسه بتقوم من على السرير داخت ووقعت
انا : مالك يا حبيبتى
مريم : مش عارفه يا سليم حاسه انى دايخه ومش قادره اوقف
انا : ثوانى هجيب لمياء تكشف عليكى
• خرجت بسرعه صحيت لمياء ورجعت بيها للأوضه وكان الكل صحى على صوتى وراحوا معايا الاوضه ..... دخلت لمياء وكشفت على مريم
انا : طمنينى يا لمياء
لمياء : مفيش حاجه ماتتخضش كده
انا : هى مالها
لمياء : مبروك يا سيدى
• اول ما سمعنا الهبر اتصدمنا كلنا
انا : انتى بتتكلمى بجد يا لمياء
لمياء : ايوا يا سيدى بتكلم بجد ..... مريم حامل فى شهر تقريبا
• لمياء قربت من ودنى وهمست
لمياء : تقريبا يوم اجتماعك مع بابا اللى اتاخرت عليه يا نمس
انا : اخرسى يا جزمه
عمى : انتوا بتقولوا ايه با ولاد
لمياء : ابدا يا بابا ده انا بوصى سليم على مريم
عمى : كلنا هناخد بالنا منها
شرين : النهارده اسعد يوم بجد وبدأ بأحلى خبر فى الدنيا
• روحت لمريم على السرير اللى ساكته ومش بتتكلم
انا : مالك يا حبيبتى ساكته ليه
مريم : مش مصدقه اللى حصل
انا : لا صدقى يا حبيبتى دى اخرة الصبر والرضا ..... احنا رضينا بالقدر وصبرنا عليه دلوقتى بقى معاد الجايزه
عمى : حكيم يا ولا
انا : شكرا يا عمى
شرين : طب انتوا هتتشغلوا فى مريم وتنسونى ولا ايه
انا : عاوزه ايه يا جزمه
شرين : انتوا ناسيين ان النهارده فرحى ولا ايه
عمى : تصدقى نسيت تيجى نكلم طارق ونقوله يأجل الفرح الاسبوع اللى جاى
شرين : و**** اروح فيكم فى داهيه ..... يلا قوموا ساعدونى انا يومى طويل
عمى : ههههههههه حاضر يا زفت
• قومنا كلنا نشوف هنعمل ايه وسبنا مريم مرتاحه فى الاوضه وانا كل شويه اروح اتطمن عليها
• الساعه 10 بدأ الفرح وكان فى جنينة الفيلا ..... كنت قاعد مع عمى ويوسف
انا : مبروك يا عمى
عمى : مبروك ليك انت يا سليم
انا : مبروك لينا كلنا يا عمى
يوسف : انا لحد دلوقتى مش مصدق
انا : ولا انا كمان مصدق
عمى : طب خليكم هنا وانا هروح اشوف الضيوف
انا : اتفضل يا عمى
يوسف : وانا كمان هروح اجيب اسامه من عند لمياء
انا : روح يا اخويا
• بعد ما عمى ودياب قاموا انا كنت بتفرج على الفرح وسرحان فجأه فى واحه سحبت كرسى وقعدت وانا مش مركز
الست : ازيك يا سليم
انا : انتى ..... انا شوفتك فى الغيبوبه
الست : انا جليله يا سليم
انا : انتى كل شويه هتظهريلى بشكل جديد
جليله : قدرك كده معايا
انا : فى حاجه جديده حصلت
جليله : دايما فى جديد ولازم تكون صاحى ومركز
انا : متخافيش انا دايما صاحى
جليله : انا جيت اباركلك النهارده على حمل مريم
انا : **** يبارك فيكى
• فجأه اختفت من قصادى
• من ناحيه تانيه فى الفرح كريم واقف مع هبه
كريم : ازيك يا هبه
هبه : كويسه
كريم : وحشتينى
هبه : قول حاجه غير كده
كريم : طب تتجوزينى
هبه : انت بتقول ايه
كريم : خلاص شكلك مش موافقه
هبه : اثبت عندك ياض هو دخول الحمام زى خروجه
كرم : الظاهر كده انى ورطت نفسى
هبه : انت لسه شوفت حاجه ده التقيل كله جاى
كريم : معاكى يا قمر للنهايه
• نرجع عندى كنت واقف مع عمى بنستقبل المعازيم
انا : الماذون وصل يا عمى
عمى : طب اسبقنى انت وانا هجيب شرين من اوضتها واجيلك
انا : حاضر يا عمى
• دخلت للمأذون ومعايا يوسف وابنه ودياب وكان موجود طارق العريس ووالده ووالدته واخته
انا : ازيك يا مولانا
المأذون : ازيك يا سليم ..... حمد **** على سلامتك
انا : **** يسلمك يا مولانا
• بعد شويه وصل عمى ومعاه شرين ولمياء ومريم ..... قعدنا كلنا مع بعض
المأذون : مين فيكم وكيل العروسه
انا : اكيد عمى يا مولانا
عمى : لا يا مولانا مش انا
انا : امال مين وكيلها يا عمى
شرين : انت يا سليم وكيلى ده بعد اذن بابا
انا : انا
عمى : ايوه يا سليم انت الوكيل ومن النهارده انت المسئول عن كل حاجه تخص البنات زى ما بقيت مسئول عن الشركه
انا : بس يا عمى
عمى : مفيش بس ..... خلاص ده قرار نهائى
• كتبنا الكتاب وبعد كده خرجنا للفرح وكان الكل مبسوط وبيرقص وبيغنى وانا حاسس ان مالك الدنيا كلها ..... فجأه وانا واقف مع عمى والجماعه دخل عليا واحد من الجاردات وماسك بوكيه ورد واداهونى
عمى : ايه الورد ده يا سليم
انا : مش عارف يا عمى هشوف
• فتحت الكارت الموجود على البوكيه
مبروك على الفرح وحمل مريم ..... بس اللعبه لسه مستمره ..... الى اللقاء فى جولات جديده
انا : هههههههههه
عمى : فى ايه يا سليم ليه بتضحك
انا : لا مفيش حاجه يا عمى ..... الظاهر كده ان لسه الطريق طويل
عمى : طريق ايه ده
انا : بعدين هحكيلك خلينا دلوقتى فى فرحتنا
• وهنا بقى تنتهى قصتنا .... مع السلامه هتوحشونى
